| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
10. гаяавиггаяасигкаабад̣̇аван̣н̣анаа
10. Kayavikkayasikkhāpadavaṇṇanā
593. гаяавиггаяасигкаабад̣̇з баал̣ияам̣ ж̇аанаахийд̇и зд̇т̇а убад̇хаарзхийд̇и ад̇т̇о, судту убад̇хаарзд̇ваа г̇ан̣ха, ид̣̇ам̣ на манаабанд̇и буна д̣̇аад̇ум̣ на сагкиссасийд̇и ад̇хиббааяо.
593. Kayavikkayasikkhāpade pāḷiyaṃ jānāhīti ettha upadhārehīti attho, suṭṭhu upadhāretvā gaṇha, idaṃ na manāpanti puna dātuṃ na sakkhissasīti adhippāyo.
594-595. гаяанд̇и барабхан̣д̣асса г̇ахан̣ам̣. виггаяанд̇и ад̇д̇ано бхан̣д̣асса д̣̇аанам̣. д̇знааха ‘‘иминаа имам̣ д̣̇зхий’’д̇иаад̣̇и. яасмаа гаяид̇ам̣ наама барасса хад̇т̇ад̇о г̇ахид̇ам̣ вужжад̇и, виггийд̇ан̃жа барасса хад̇т̇з д̣̇иннам̣, д̇асмаа ‘‘гаяид̇ан̃жа ход̇и барабхан̣д̣ам̣ ад̇д̇ано хад̇т̇аг̇ад̇ам̣ гаронд̇зна, виггийд̇ан̃жа ад̇д̇ано бхан̣д̣ам̣ барахад̇т̇аг̇ад̇ам̣ гаронд̇знаа’’д̇и вуд̇д̇ам̣. яад̣̇и звам̣ баал̣ияам̣ барад̇о ‘‘гаяид̇ан̃жа ход̇и виггаяид̇ан̃жаа’’д̇и вад̇ваа ‘‘ад̇д̇ано бхан̣д̣ам̣ барахад̇т̇аг̇ад̇ам̣ барабхан̣д̣ам̣ ад̇д̇ано хад̇т̇аг̇ад̇а’’нд̇и гасмаа вуд̇д̇анд̇и ааха ‘‘иминаа иманд̇иаад̣̇иважанаануруубад̇о банаа’’д̇иаад̣̇и. иминаад̇и хи сагасанд̇агам̣ вуд̇д̇ам̣. д̇ад̣̇ануруубад̇о баал̣ияам̣ батамам̣ ад̇д̇ано бхан̣д̣ам̣ д̣̇ассид̇ам̣, на гаяавиггаяабад̣̇аануруубад̇о. д̇ан̃хи вибарийд̇ад̇о барасанд̇агаг̇г̇ахан̣ам̣ бурагкад̇ваа тид̇ам̣.
594-595.Kayanti parabhaṇḍassa gahaṇaṃ. Vikkayanti attano bhaṇḍassa dānaṃ. Tenāha ‘‘iminā imaṃ dehī’’tiādi. Yasmā kayitaṃ nāma parassa hatthato gahitaṃ vuccati, vikkītañca parassa hatthe dinnaṃ, tasmā ‘‘kayitañca hoti parabhaṇḍaṃ attano hatthagataṃ karontena, vikkītañca attano bhaṇḍaṃ parahatthagataṃ karontenā’’ti vuttaṃ. Yadi evaṃ pāḷiyaṃ parato ‘‘kayitañca hoti vikkayitañcā’’ti vatvā ‘‘attano bhaṇḍaṃ parahatthagataṃ parabhaṇḍaṃ attano hatthagata’’nti kasmā vuttanti āha ‘‘iminā imantiādivacanānurūpato panā’’tiādi. Imināti hi sakasantakaṃ vuttaṃ. Tadanurūpato pāḷiyaṃ paṭhamaṃ attano bhaṇḍaṃ dassitaṃ, na kayavikkayapadānurūpato. Tañhi viparītato parasantakaggahaṇaṃ purakkhatvā ṭhitaṃ.
гаамам̣ сзсан̃аад̇агзби ‘‘имам̣ д̣̇зхий’’д̇и вад̣̇ад̇о вин̃н̃ад̇д̇и на ход̇и, сад̣̇д̇хаад̣̇зяяавинибаад̇анассаби бана абхаавам̣ д̣̇ассзд̇угаамо ‘‘маад̇арам̣ бана бид̇арам̣ ваа’’д̇и ааха. вин̃н̃ад̇д̇и на ход̇ийд̇и ид̣̇ам̣ висум̣ вин̃н̃аабанам̣ санд̇хааяа вуд̇д̇ам̣. ан̃н̃ам̣ гин̃жи авад̇ваа звам̣ вад̣̇анд̇о ан̃н̃аад̇агам̣ вин̃н̃аабзд̇и наамаад̇и ааха – ‘‘ан̃н̃аад̇агам̣ ‘имам̣ д̣̇зхий’д̇и вад̣̇ад̇о вин̃н̃ад̇д̇ий’’д̇и. ан̃н̃ам̣ гин̃жи авад̇ваа ‘‘имам̣ г̇ан̣хаахий’’д̇и д̣̇иннам̣ ан̃н̃аад̇агасса д̣̇иннам̣ наама ход̇ийд̇и вуд̇д̇ам̣ ‘‘сад̣̇д̇хаад̣̇зяяавинибаад̇ана’’нд̇и. д̇иссо аабад̇д̇ияод̇и ан̃н̃аад̇агавин̃н̃ад̇д̇исад̣̇д̇хаад̣̇зяяавинибаад̇анагаяавиггаяаабад̇д̇исан̇каад̇аа д̇иссо аабад̇д̇ияо.
Kāmaṃ sesañātakepi ‘‘imaṃ dehī’’ti vadato viññatti na hoti, saddhādeyyavinipātanassapi pana abhāvaṃ dassetukāmo ‘‘mātaraṃ pana pitaraṃ vā’’ti āha. Viññatti na hotīti idaṃ visuṃ viññāpanaṃ sandhāya vuttaṃ. Aññaṃ kiñci avatvā evaṃ vadanto aññātakaṃ viññāpeti nāmāti āha – ‘‘aññātakaṃ ‘imaṃ dehī’ti vadato viññattī’’ti. Aññaṃ kiñci avatvā ‘‘imaṃ gaṇhāhī’’ti dinnaṃ aññātakassa dinnaṃ nāma hotīti vuttaṃ ‘‘saddhādeyyavinipātana’’nti. Tisso āpattiyoti aññātakaviññattisaddhādeyyavinipātanakayavikkayāpattisaṅkhātā tisso āpattiyo.
имам̣ наама гарохийд̇и вад̣̇ад̇и, ваддад̇ийд̇и зд̇т̇а бхуд̇д̇оси, ид̣̇аани гасмаа на гаросийд̇и вад̇т̇умби ваддад̇и. ‘‘ниссаг̇г̇ияам̣ баажид̇д̇ияа’’нд̇и гин̃жааби сад̇иязва ниссаг̇г̇ияавад̇т̇умхи баажид̇д̇ияам̣ вуд̇д̇ам̣, асад̇иби бана д̇асмим̣ баажид̇д̇ияанд̇и ид̣̇ам̣ адтагат̇аабамаан̣зна г̇ахзд̇аб̣б̣анд̇и д̣̇ассзд̇ум̣ ‘‘гин̃жаабий’’д̇иаад̣̇и вуд̇д̇ам̣. барибхуд̇д̇зд̇и саббиаад̣̇им̣ санд̇хааяа вуд̇д̇ам̣. яам̣ ад̇д̇ано д̇ханзна баривад̇д̇зд̇и, язна жа баривад̇д̇зд̇и, д̇зсам̣ габбияавад̇т̇уд̇аа, асахад̇хаммигад̇аа, гаяавиггаяаабаж̇ж̇анан̃жаад̇и имаанзд̇т̇а д̇ийн̣и ан̇г̇аани.
Imaṃ nāma karohīti vadati, vaṭṭatīti ettha bhuttosi, idāni kasmā na karosīti vatthumpi vaṭṭati. ‘‘Nissaggiyaṃ pācittiya’’nti kiñcāpi satiyeva nissaggiyavatthumhi pācittiyaṃ vuttaṃ, asatipi pana tasmiṃ pācittiyanti idaṃ aṭṭhakathāpamāṇena gahetabbanti dassetuṃ ‘‘kiñcāpī’’tiādi vuttaṃ. Paribhutteti sappiādiṃ sandhāya vuttaṃ. Yaṃ attano dhanena parivatteti, yena ca parivatteti, tesaṃ kappiyavatthutā, asahadhammikatā, kayavikkayāpajjanañcāti imānettha tīṇi aṅgāni.
гаяавиггаяасигкаабад̣̇аван̣н̣анаа нидтид̇аа.
Kayavikkayasikkhāpadavaṇṇanā niṭṭhitā.
нидтид̇о госияаваг̇г̇о д̣̇уд̇ияо.
Niṭṭhito kosiyavaggo dutiyo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 10. гаяавиггаяасигкаабад̣̇ам̣ • 10. Kayavikkayasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
