| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
10. гаяавиггаяасигкаабад̣̇аван̣н̣анаа
10. Kayavikkayasikkhāpadavaṇṇanā
593-5. д̣̇асамз баал̣ияам̣ ж̇аанаахийд̇и ид̣̇аанзва убад̇хаарзхи, ид̣̇ам̣ бажчаа чад̣д̣зд̇ум̣ на саггаад̇и ад̇хиббааяо. иминаад̇и бхигкунаа д̣̇ияяамаанам̣ вуд̇д̇ам̣. иманд̇и барзна бадид̣̇ияяамаанам̣. сзсан̃аад̇агзсу сад̣̇д̇хаад̣̇зяяавинибаад̇асамбхавад̇о д̇ад̣̇абхаавадтаанамби д̣̇ассзд̇ум̣ ‘‘маад̇арам̣ бана бид̇арам̣ ваа’’д̇и вуд̇д̇ам̣. на саггаа д̇ам̣ бадигкибид̇унд̇и зд̇т̇а яат̇аа руубияам̣ бхад̇агаанам̣ д̣̇ад̇ваа ассаамигабхуумияам̣ аяоб̣ийж̇асамудтаабанз бхад̇ияаа кан̣анд̇аанам̣ санд̇игаа г̇ахид̇абхан̣д̣агабхаавзби баажид̇д̇ияам̣ ход̇и, звамид̇хаабийд̇и гзжи вад̣̇анд̇и, д̇ам̣ на яуд̇д̇ам̣. яан̃хи ассаамигабхуумим̣ кан̣ид̇ваа самудтаабид̇ам̣ аяоб̣ийж̇ам̣, д̇ам̣ бхад̇агаанам̣ санд̇агам̣ наама ход̇и, д̇ад̣̇ад̇т̇ан̃жа д̇зсам̣ руубияам̣ д̣̇знд̇асса руубияасам̣вохаарова ход̇и агаббияавохаарзна раж̇анажчаллиаад̣̇ийнам̣ аахараабанз гаяавиггаяо вияа, д̇аад̣̇исамби барабхан̣д̣ам̣ ид̇ха вад̇т̇ад̇хованаад̣̇ийсу над̇т̇и, д̇асмаа адтагат̇аабамаан̣знзвзд̇т̇а баажид̇д̇ияам̣ г̇ахзд̇аб̣б̣ам̣.
593-5. Dasame pāḷiyaṃ jānāhīti idāneva upadhārehi, idaṃ pacchā chaḍḍetuṃ na sakkāti adhippāyo. Imināti bhikkhunā diyyamānaṃ vuttaṃ. Imanti parena paṭidiyyamānaṃ. Sesañātakesu saddhādeyyavinipātasambhavato tadabhāvaṭṭhānampi dassetuṃ ‘‘mātaraṃ pana pitaraṃ vā’’ti vuttaṃ. Na sakkā taṃ paṭikkhipitunti ettha yathā rūpiyaṃ bhatakānaṃ datvā assāmikabhūmiyaṃ ayobījasamuṭṭhāpane bhatiyā khaṇantānaṃ santikā gahitabhaṇḍakabhāvepi pācittiyaṃ hoti, evamidhāpīti keci vadanti, taṃ na yuttaṃ. Yañhi assāmikabhūmiṃ khaṇitvā samuṭṭhāpitaṃ ayobījaṃ, taṃ bhatakānaṃ santakaṃ nāma hoti, tadatthañca tesaṃ rūpiyaṃ dentassa rūpiyasaṃvohārova hoti akappiyavohārena rajanacchalliādīnaṃ āharāpane kayavikkayo viya, tādisampi parabhaṇḍaṃ idha vatthadhovanādīsu natthi, tasmā aṭṭhakathāpamāṇenevettha pācittiyaṃ gahetabbaṃ.
597. бун̃н̃ам̣ бхависсад̇ийд̇и д̣̇зд̇ийд̇и зд̇т̇а сажз бхигку ад̇д̇ано бхан̣д̣асса аббаг̇гхад̇ам̣ н̃ад̇вааби агат̇зд̇ваа ‘‘ид̣̇аанзва убабаригкид̇ваа г̇ан̣ха, маа бажчаа виббадисаарий хохий’’д̇и вад̣̇ад̇и, ид̇аро жа ад̇д̇ано д̣̇ияяамаанасса махаг̇гхад̇ам̣ аж̇аананд̇о ‘‘уунам̣ ваа ад̇хигам̣ ваа д̇умхаагамзваа’’д̇и д̣̇ад̇ваа г̇ажчад̇и, бхигкусса анаабад̇д̇и убананд̣̇асса вияа бариб̣б̣ааж̇агавад̇т̇уг̇г̇ахан̣з. виббадисаарисса буна сагасан̃н̃ааяа ааг̇ад̇асса яам̣ ад̇хигам̣ г̇ахид̇ам̣, д̇ам̣ д̣̇аад̇аб̣б̣ам̣. язна яам̣ баривад̇д̇зд̇и, д̇зсам̣ убхиннам̣ габбияавад̇т̇уд̇аа, асахад̇хаммигад̇аа, гаяавиггаяаабаж̇ж̇анан̃жаад̇и имаанзд̇т̇а д̇ийн̣и ан̇г̇аани.
597.Puññaṃbhavissatīti detīti ettha sace bhikkhu attano bhaṇḍassa appagghataṃ ñatvāpi akathetvā ‘‘idāneva upaparikkhitvā gaṇha, mā pacchā vippaṭisārī hohī’’ti vadati, itaro ca attano diyyamānassa mahagghataṃ ajānanto ‘‘ūnaṃ vā adhikaṃ vā tumhākamevā’’ti datvā gacchati, bhikkhussa anāpatti upanandassa viya paribbājakavatthuggahaṇe. Vippaṭisārissa puna sakasaññāya āgatassa yaṃ adhikaṃ gahitaṃ, taṃ dātabbaṃ. Yena yaṃ parivatteti, tesaṃ ubhinnaṃ kappiyavatthutā, asahadhammikatā, kayavikkayāpajjanañcāti imānettha tīṇi aṅgāni.
гаяавиггаяасигкаабад̣̇аван̣н̣анаа нидтид̇аа.
Kayavikkayasikkhāpadavaṇṇanā niṭṭhitā.
нидтид̇о госияаваг̇г̇о д̣̇уд̇ияо.
Niṭṭhito kosiyavaggo dutiyo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 10. гаяавиггаяасигкаабад̣̇ам̣ • 10. Kayavikkayasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. гаяавиггаяасигкаабад̣̇аван̣н̣анаа • 10. Kayavikkayasikkhāpadavaṇṇanā
