| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੧੦. ਕਯવਿਕ੍ਕਯਸਿਕ੍ਖਾਪਦવਣ੍ਣਨਾ
10. Kayavikkayasikkhāpadavaṇṇanā
ਰੂਪਿਯਸਂવੋਹਾਰਸ੍ਸ ਪਨ ਹੇਟ੍ਠਾਸਿਕ੍ਖਾਪਦੇਨ ਗਹਿਤਤ੍ਤਾ ਕਪ੍ਪਿਯਭਣ੍ਡਾਨਮੇવੇਤ੍ਥ ਗਹਣਨ੍ਤਿ ਆਹ ‘‘ਚੀવਰਾਦੀਨ’’ਨ੍ਤਿਆਦਿ। ਤਤ੍ਥ ਚੀવਰਾਦੀਨਂ ਕਪ੍ਪਿਯਭਣ੍ਡਾਨਨ੍ਤਿ ਅਨ੍ਤਮਸੋ ਦਸਿਕਸੁਤ੍ਤਂ ਉਪਾਦਾਯ ਚੀવਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਾਨਂ ਯੇਸਂ ਕੇਸਞ੍ਚਿ ਕਪ੍ਪਿਯਭਣ੍ਡਾਨਂ। ਕਯਂ ਨਾਮ ਪਰਭਣ੍ਡਸ੍ਸ ਗਹਣਂ। વਿਕ੍ਕਯਂ ਨਾਮ ਅਤ੍ਤਨੋ ਭਣ੍ਡਸ੍ਸ ਦਾਨਂ। ਤੇਨਾਹ ‘‘ਇਮਿਨਾ ਇਮਂ ਦੇਹੀ’’ਤਿਆਦਿ। ਪਰਸ੍ਸਾਤਿ ਠਪੇਤ੍વਾ ਪਞ੍ਚ ਸਹਧਮ੍ਮਿਕੇ ਅਞ੍ਞਸ੍ਸ। ਏਤ੍ਥ ਚ ‘‘ਅਹਂ, ਭਨ੍ਤੇ, ਨਾਨਪ੍ਪਕਾਰਕਂ ਕਯવਿਕ੍ਕਯਂ ਸਮਾਪਜ੍ਜਿਂ, ਇਦਂ ਮੇ ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿਆਦਿਨਾ (ਪਾਰਾ॰ ੫੯੫) ਨਯੇਨ ਨਿਸ੍ਸਜ੍ਜਿਤਬ੍ਬਂ। ਤੇਨਾਹ ‘‘વੁਤ੍ਤਲਕ੍ਖਣવਸੇਨਾ’’ਤਿਆਦਿ। ਨਨੁ ਚੇਤ੍ਥ ਚੀવਰਧੋવਨੇ વਾ ਕੇਸਚ੍ਛੇਦਨੇ વਾ ਭੂਮਿਸੋਧਨਾਦਿਨવਕਮ੍ਮੇ વਾ ਪਰਭਣ੍ਡਂ ਅਤ੍ਤਨੋ ਹਤ੍ਥਗਤਂ ਨਿਸ੍ਸਜ੍ਜਿਤਬ੍ਬਂ ਨਾਮ ਨਤ੍ਥਿ, ਤਤ੍ਥ ਕਿਂ ਕਾਤਬ੍ਬਨ੍ਤਿ ਆਹ ‘‘ਅਸਨ੍ਤੇ ਪਾਚਿਤ੍ਤਿਯਂ ਦੇਸੇਤਬ੍ਬਮੇવਾ’’ਤਿ। ਯਥਾ ਨਿਸ੍ਸਗ੍ਗਿਯવਤ੍ਥੁਮ੍ਹਿ ਪਰਿਭੁਤ੍ਤੇ વਾ ਨਟ੍ਠੇ વਾ ਪਾਚਿਤ੍ਤਿਯਂ ਦੇਸੇਤਿ, ਏવਂ ਇਧਾਪਿ ਦੇਸੇਤਬ੍ਬਮੇવਾਤਿ ਅਧਿਪ੍ਪਾਯੋ।
Rūpiyasaṃvohārassa pana heṭṭhāsikkhāpadena gahitattā kappiyabhaṇḍānamevettha gahaṇanti āha ‘‘cīvarādīna’’ntiādi. Tattha cīvarādīnaṃ kappiyabhaṇḍānanti antamaso dasikasuttaṃ upādāya cīvarapiṇḍapātasenāsanagilānapaccayānaṃ yesaṃ kesañci kappiyabhaṇḍānaṃ. Kayaṃ nāma parabhaṇḍassa gahaṇaṃ. Vikkayaṃ nāma attano bhaṇḍassa dānaṃ. Tenāha ‘‘iminā imaṃ dehī’’tiādi. Parassāti ṭhapetvā pañca sahadhammike aññassa. Ettha ca ‘‘ahaṃ, bhante, nānappakārakaṃ kayavikkayaṃ samāpajjiṃ, idaṃ me nissaggiyaṃ, imāhaṃ saṅghassa nissajjāmī’’tiādinā (pārā. 595) nayena nissajjitabbaṃ. Tenāha ‘‘vuttalakkhaṇavasenā’’tiādi. Nanu cettha cīvaradhovane vā kesacchedane vā bhūmisodhanādinavakamme vā parabhaṇḍaṃ attano hatthagataṃ nissajjitabbaṃ nāma natthi, tattha kiṃ kātabbanti āha ‘‘asante pācittiyaṃ desetabbamevā’’ti. Yathā nissaggiyavatthumhi paribhutte vā naṭṭhe vā pācittiyaṃ deseti, evaṃ idhāpi desetabbamevāti adhippāyo.
ਇਦਂ ਅਮ੍ਹਾਕਂ ਅਤ੍ਥੀਤਿ ਇਦਂ ਪਟਿਗ੍ਗਹਿਤਂ ਤੇਲਂ વਾ ਸਪ੍ਪਿ વਾ ਅਮ੍ਹਾਕਂ ਸਂવਿਜ੍ਜਤਿ। ਅਮ੍ਹਾਕਞ੍ਚ ਇਮਿਨਾ ਚ ਇਮਿਨਾ ਚ ਅਤ੍ਥੋਤਿ ਅਮ੍ਹਾਕਞ੍ਚ ਤਦਞ੍ਞੇਨ ਇਮਿਨਾ ਚ ਇਮਿਨਾ ਚ ਅਪ੍ਪਟਿਗ੍ਗਹਿਤਕੇਨ ਅਤ੍ਥੋ। ‘‘ਰੂਪਿਯਸਂવੋਹਾਰੇ વੁਤ੍ਤਨਯਮੇવਾ’’ਤਿ ਇਮਿਨਾ ‘‘ਤਿਕਪਾਚਿਤ੍ਤਿਯਂ ਅਕਯવਿਕ੍ਕਯੇ ਕਯવਿਕ੍ਕਯਸਞ੍ਞਿਨੋ ਚ વੇਮਤਿਕਸ੍ਸ ਚ ਦੁਕ੍ਕਟ’’ਨ੍ਤਿ ਇਮਂ ਨਯਮਤਿਦਿਸਤਿ।
Idaṃamhākaṃ atthīti idaṃ paṭiggahitaṃ telaṃ vā sappi vā amhākaṃ saṃvijjati. Amhākañca iminā ca iminā ca atthoti amhākañca tadaññena iminā ca iminā ca appaṭiggahitakena attho. ‘‘Rūpiyasaṃvohāre vuttanayamevā’’ti iminā ‘‘tikapācittiyaṃ akayavikkaye kayavikkayasaññino ca vematikassa ca dukkaṭa’’nti imaṃ nayamatidisati.
ਕਯવਿਕ੍ਕਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Kayavikkayasikkhāpadavaṇṇanā niṭṭhitā.
ਏਲ਼ਕਲੋਮવਗ੍ਗੋ ਦੁਤਿਯੋ।
Eḷakalomavaggo dutiyo.
