| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
д̣̇уд̇ияаг̇аат̇аасан̇г̇ан̣игам̣
Dutiyagāthāsaṅgaṇikaṃ
1. гааяигаад̣̇иаабад̇д̇и
1. Kāyikādiāpatti
474. гад̇и аабад̇д̇ияо гааяигаа, гад̇и ваажасигаа гад̇аа.
474. Kati āpattiyo kāyikā, kati vācasikā katā.
чаад̣̇знд̇асса гад̇и аабад̇д̇ияо, гад̇и сам̣саг̇г̇абажжаяаа.
Chādentassa kati āpattiyo, kati saṃsaggapaccayā.
чаабад̇д̇ияо гааяигаа, ча ваажасигаа гад̇аа;
Chāpattiyo kāyikā, cha vācasikā katā;
чаад̣̇знд̇асса д̇иссо аабад̇д̇ияо, бан̃жа сам̣саг̇г̇абажжаяаа.
Chādentassa tisso āpattiyo, pañca saṃsaggapaccayā.
арун̣уг̇г̇з гад̇и аабад̇д̇ияо, гад̇и яаавад̇ад̇ияагаа;
Aruṇugge kati āpattiyo, kati yāvatatiyakā;
гад̇зд̇т̇а адта вад̇т̇угаа, гад̇ихи саб̣б̣асан̇г̇ахо.
Katettha aṭṭha vatthukā, katihi sabbasaṅgaho.
арун̣уг̇г̇з д̇иссо аабад̇д̇ияо, д̣̇вз яаавад̇ад̇ияагаа;
Aruṇugge tisso āpattiyo, dve yāvatatiyakā;
згзд̇т̇а адта вад̇т̇угаа, згзна саб̣б̣асан̇г̇ахо.
Ekettha aṭṭha vatthukā, ekena sabbasaṅgaho.
винаяасса гад̇и муулаани, яаани б̣уд̣̇д̇хзна бан̃н̃ад̇д̇аа;
Vinayassa kati mūlāni, yāni buddhena paññattā;
винаяаг̇аругаа гад̇и вуд̇д̇аа, д̣̇удтуллажчаад̣̇анаа гад̇и.
Vinayagarukā kati vuttā, duṭṭhullacchādanā kati.
винаяасса д̣̇вз муулаани, яаани б̣уд̣̇д̇хзна бан̃н̃ад̇д̇аа;
Vinayassa dve mūlāni, yāni buddhena paññattā;
винаяаг̇аругаа д̣̇вз вуд̇д̇аа, д̣̇вз д̣̇удтуллажчаад̣̇анаа.
Vinayagarukā dve vuttā, dve duṭṭhullacchādanā.
г̇ааманд̇арз гад̇и аабад̇д̇ияо, гад̇и над̣̇ибаарабажжаяаа;
Gāmantare kati āpattiyo, kati nadipārapaccayā;
гад̇имам̣сзсу т̇уллажжаяам̣, гад̇имам̣сзсу д̣̇уггадам̣.
Katimaṃsesu thullaccayaṃ, katimaṃsesu dukkaṭaṃ.
г̇ааманд̇арз жад̇ассо аабад̇д̇ияо, жад̇ассо над̣̇ибаарабажжаяаа;
Gāmantare catasso āpattiyo, catasso nadipārapaccayā;
згамам̣сз т̇уллажжаяам̣, навамам̣сзсу д̣̇уггадам̣.
Ekamaṃse thullaccayaṃ, navamaṃsesu dukkaṭaṃ.
гад̇и ваажасигаа рад̇д̇им̣, гад̇и ваажасигаа д̣̇иваа;
Kati vācasikā rattiṃ, kati vācasikā divā;
д̣̇ад̣̇амаанасса гад̇и аабад̇д̇ияо, бадиг̇г̇ан̣ханд̇асса гид̇д̇агаа.
Dadamānassa kati āpattiyo, paṭiggaṇhantassa kittakā.
д̣̇вз ваажасигаа рад̇д̇им̣, д̣̇вз ваажасигаа д̣̇иваа;
Dve vācasikā rattiṃ, dve vācasikā divā;
д̣̇ад̣̇амаанасса д̇иссо аабад̇д̇ияо, жад̇д̇ааро жа бадиг̇г̇ахз.
Dadamānassa tisso āpattiyo, cattāro ca paṭiggahe.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / (1) гааяигаад̣̇иаабад̇д̇иван̣н̣анаа • (1) Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гааяигаад̣̇иаабад̇д̇иван̣н̣анаа • Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гааяигаад̣̇иаабад̇д̇иван̣н̣анаа • Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гааяигаад̣̇иаабад̇д̇иван̣н̣анаа • Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / (1) гааяигаад̣̇иаабад̇д̇иван̣н̣анаа • (1) Kāyikādiāpattivaṇṇanā
