| Library / Tipiṭaka / ติปิฎก • Tipiṭaka / ปริวารปาฬิ • Parivārapāḷi |
ทุติยคาถาสงฺคณิกํ
Dutiyagāthāsaṅgaṇikaṃ
๑. กายิกาทิอาปตฺติ
1. Kāyikādiāpatti
๔๗๔. กติ อาปตฺติโย กายิกา, กติ วาจสิกา กตาฯ
474. Kati āpattiyo kāyikā, kati vācasikā katā.
ฉาเทนฺตสฺส กติ อาปตฺติโย, กติ สํสคฺคปจฺจยาฯ
Chādentassa kati āpattiyo, kati saṃsaggapaccayā.
ฉาปตฺติโย กายิกา, ฉ วาจสิกา กตา;
Chāpattiyo kāyikā, cha vācasikā katā;
ฉาเทนฺตสฺส ติโสฺส อาปตฺติโย, ปญฺจ สํสคฺคปจฺจยาฯ
Chādentassa tisso āpattiyo, pañca saṃsaggapaccayā.
อรุณุเคฺค กติ อาปตฺติโย, กติ ยาวตติยกา;
Aruṇugge kati āpattiyo, kati yāvatatiyakā;
กเตตฺถ อฎฺฐ วตฺถุกา, กติหิ สพฺพสงฺคโหฯ
Katettha aṭṭha vatthukā, katihi sabbasaṅgaho.
อรุณุเคฺค ติโสฺส อาปตฺติโย, เทฺว ยาวตติยกา;
Aruṇugge tisso āpattiyo, dve yāvatatiyakā;
เอเกตฺถ อฎฺฐ วตฺถุกา, เอเกน สพฺพสงฺคโหฯ
Ekettha aṭṭha vatthukā, ekena sabbasaṅgaho.
วินยสฺส กติ มูลานิ, ยานิ พุเทฺธน ปญฺญตฺตา;
Vinayassa kati mūlāni, yāni buddhena paññattā;
วินยครุกา กติ วุตฺตา, ทุฎฺฐุลฺลจฺฉาทนา กติฯ
Vinayagarukā kati vuttā, duṭṭhullacchādanā kati.
วินยสฺส เทฺว มูลานิ, ยานิ พุเทฺธน ปญฺญตฺตา;
Vinayassa dve mūlāni, yāni buddhena paññattā;
วินยครุกา เทฺว วุตฺตา, เทฺว ทุฎฺฐุลฺลจฺฉาทนาฯ
Vinayagarukā dve vuttā, dve duṭṭhullacchādanā.
คามนฺตเร กติ อาปตฺติโย, กติ นทิปารปจฺจยา;
Gāmantare kati āpattiyo, kati nadipārapaccayā;
กติมํเสสุ ถุลฺลจฺจยํ, กติมํเสสุ ทุกฺกฎํฯ
Katimaṃsesu thullaccayaṃ, katimaṃsesu dukkaṭaṃ.
คามนฺตเร จตโสฺส อาปตฺติโย, จตโสฺส นทิปารปจฺจยา;
Gāmantare catasso āpattiyo, catasso nadipārapaccayā;
เอกมํเส ถุลฺลจฺจยํ, นวมํเสสุ ทุกฺกฎํฯ
Ekamaṃse thullaccayaṃ, navamaṃsesu dukkaṭaṃ.
กติ วาจสิกา รตฺติํ, กติ วาจสิกา ทิวา;
Kati vācasikā rattiṃ, kati vācasikā divā;
ททมานสฺส กติ อาปตฺติโย, ปฎิคฺคณฺหนฺตสฺส กิตฺตกาฯ
Dadamānassa kati āpattiyo, paṭiggaṇhantassa kittakā.
เทฺว วาจสิกา รตฺติํ, เทฺว วาจสิกา ทิวา;
Dve vācasikā rattiṃ, dve vācasikā divā;
ททมานสฺส ติโสฺส อาปตฺติโย, จตฺตาโร จ ปฎิคฺคเหฯ
Dadamānassa tisso āpattiyo, cattāro ca paṭiggahe.
Related texts:
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / (๑) กายิกาทิอาปตฺติวณฺณนา • (1) Kāyikādiāpattivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / กายิกาทิอาปตฺติวณฺณนา • Kāyikādiāpattivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / กายิกาทิอาปตฺติวณฺณนา • Kāyikādiāpattivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / กายิกาทิอาปตฺติวณฺณนา • Kāyikādiāpattivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / (๑) กายิกาทิอาปตฺติวณฺณนา • (1) Kāyikādiāpattivaṇṇanā
