| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
ਦੁਤਿਯਗਾਥਾਸਙ੍ਗਣਿਕਂ
Dutiyagāthāsaṅgaṇikaṃ
੧. ਕਾਯਿਕਾਦਿਆਪਤ੍ਤਿ
1. Kāyikādiāpatti
੪੭੪. ਕਤਿ ਆਪਤ੍ਤਿਯੋ ਕਾਯਿਕਾ, ਕਤਿ વਾਚਸਿਕਾ ਕਤਾ।
474. Kati āpattiyo kāyikā, kati vācasikā katā.
ਛਾਦੇਨ੍ਤਸ੍ਸ ਕਤਿ ਆਪਤ੍ਤਿਯੋ, ਕਤਿ ਸਂਸਗ੍ਗਪਚ੍ਚਯਾ॥
Chādentassa kati āpattiyo, kati saṃsaggapaccayā.
ਛਾਪਤ੍ਤਿਯੋ ਕਾਯਿਕਾ, ਛ વਾਚਸਿਕਾ ਕਤਾ।
Chāpattiyo kāyikā, cha vācasikā katā;
ਛਾਦੇਨ੍ਤਸ੍ਸ ਤਿਸ੍ਸੋ ਆਪਤ੍ਤਿਯੋ, ਪਞ੍ਚ ਸਂਸਗ੍ਗਪਚ੍ਚਯਾ॥
Chādentassa tisso āpattiyo, pañca saṃsaggapaccayā.
ਅਰੁਣੁਗ੍ਗੇ ਕਤਿ ਆਪਤ੍ਤਿਯੋ, ਕਤਿ ਯਾવਤਤਿਯਕਾ।
Aruṇugge kati āpattiyo, kati yāvatatiyakā;
ਕਤੇਤ੍ਥ ਅਟ੍ਠ વਤ੍ਥੁਕਾ, ਕਤਿਹਿ ਸਬ੍ਬਸਙ੍ਗਹੋ॥
Katettha aṭṭha vatthukā, katihi sabbasaṅgaho.
ਅਰੁਣੁਗ੍ਗੇ ਤਿਸ੍ਸੋ ਆਪਤ੍ਤਿਯੋ, ਦ੍વੇ ਯਾવਤਤਿਯਕਾ।
Aruṇugge tisso āpattiyo, dve yāvatatiyakā;
ਏਕੇਤ੍ਥ ਅਟ੍ਠ વਤ੍ਥੁਕਾ, ਏਕੇਨ ਸਬ੍ਬਸਙ੍ਗਹੋ॥
Ekettha aṭṭha vatthukā, ekena sabbasaṅgaho.
વਿਨਯਸ੍ਸ ਕਤਿ ਮੂਲਾਨਿ, ਯਾਨਿ ਬੁਦ੍ਧੇਨ ਪਞ੍ਞਤ੍ਤਾ।
Vinayassa kati mūlāni, yāni buddhena paññattā;
વਿਨਯਗਰੁਕਾ ਕਤਿ વੁਤ੍ਤਾ, ਦੁਟ੍ਠੁਲ੍ਲਚ੍ਛਾਦਨਾ ਕਤਿ॥
Vinayagarukā kati vuttā, duṭṭhullacchādanā kati.
વਿਨਯਸ੍ਸ ਦ੍વੇ ਮੂਲਾਨਿ, ਯਾਨਿ ਬੁਦ੍ਧੇਨ ਪਞ੍ਞਤ੍ਤਾ।
Vinayassa dve mūlāni, yāni buddhena paññattā;
વਿਨਯਗਰੁਕਾ ਦ੍વੇ વੁਤ੍ਤਾ, ਦ੍વੇ ਦੁਟ੍ਠੁਲ੍ਲਚ੍ਛਾਦਨਾ॥
Vinayagarukā dve vuttā, dve duṭṭhullacchādanā.
ਗਾਮਨ੍ਤਰੇ ਕਤਿ ਆਪਤ੍ਤਿਯੋ, ਕਤਿ ਨਦਿਪਾਰਪਚ੍ਚਯਾ।
Gāmantare kati āpattiyo, kati nadipārapaccayā;
ਕਤਿਮਂਸੇਸੁ ਥੁਲ੍ਲਚ੍ਚਯਂ, ਕਤਿਮਂਸੇਸੁ ਦੁਕ੍ਕਟਂ॥
Katimaṃsesu thullaccayaṃ, katimaṃsesu dukkaṭaṃ.
ਗਾਮਨ੍ਤਰੇ ਚਤਸ੍ਸੋ ਆਪਤ੍ਤਿਯੋ, ਚਤਸ੍ਸੋ ਨਦਿਪਾਰਪਚ੍ਚਯਾ।
Gāmantare catasso āpattiyo, catasso nadipārapaccayā;
ਏਕਮਂਸੇ ਥੁਲ੍ਲਚ੍ਚਯਂ, ਨવਮਂਸੇਸੁ ਦੁਕ੍ਕਟਂ॥
Ekamaṃse thullaccayaṃ, navamaṃsesu dukkaṭaṃ.
ਕਤਿ વਾਚਸਿਕਾ ਰਤ੍ਤਿਂ, ਕਤਿ વਾਚਸਿਕਾ ਦਿવਾ।
Kati vācasikā rattiṃ, kati vācasikā divā;
ਦਦਮਾਨਸ੍ਸ ਕਤਿ ਆਪਤ੍ਤਿਯੋ, ਪਟਿਗ੍ਗਣ੍ਹਨ੍ਤਸ੍ਸ ਕਿਤ੍ਤਕਾ॥
Dadamānassa kati āpattiyo, paṭiggaṇhantassa kittakā.
ਦ੍વੇ વਾਚਸਿਕਾ ਰਤ੍ਤਿਂ, ਦ੍વੇ વਾਚਸਿਕਾ ਦਿવਾ।
Dve vācasikā rattiṃ, dve vācasikā divā;
ਦਦਮਾਨਸ੍ਸ ਤਿਸ੍ਸੋ ਆਪਤ੍ਤਿਯੋ, ਚਤ੍ਤਾਰੋ ਚ ਪਟਿਗ੍ਗਹੇ॥
Dadamānassa tisso āpattiyo, cattāro ca paṭiggahe.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / (੧) ਕਾਯਿਕਾਦਿਆਪਤ੍ਤਿવਣ੍ਣਨਾ • (1) Kāyikādiāpattivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕਾਯਿਕਾਦਿਆਪਤ੍ਤਿવਣ੍ਣਨਾ • Kāyikādiāpattivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕਾਯਿਕਾਦਿਆਪਤ੍ਤਿવਣ੍ਣਨਾ • Kāyikādiāpattivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕਾਯਿਕਾਦਿਆਪਤ੍ਤਿવਣ੍ਣਨਾ • Kāyikādiāpattivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / (੧) ਕਾਯਿਕਾਦਿਆਪਤ੍ਤਿવਣ੍ਣਨਾ • (1) Kāyikādiāpattivaṇṇanā
