| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
অপরদুতিযগাথাসঙ্গণিকং
Aparadutiyagāthāsaṅgaṇikaṃ
(১) কাযিকাদিআপত্তিৰণ্ণনা
(1) Kāyikādiāpattivaṇṇanā
৪৭৪. ছ আপত্তিযো কাযিকাতি এত্থ ছ আপত্তিযো নাম কাতি আহ ‘‘অন্তরপেয্যালে’’তিআদি। অন্তরপেয্যালে ৰুত্তাতি সম্বন্ধো। ‘‘কাযদ্ৰারে সমুট্ঠিতত্তা’’তি ইমিনা কাযে সমুট্ঠন্তীতি কাযিকাতি ৰচনত্থং দস্সেতি। তস্মিংযেৰ অন্তরপেয্যালে ৰুত্তাতি সম্বন্ধো। ‘‘ৰজ্জপটিচ্ছাদিকাযা’’তিআদিনা ছাদেন্তস্স তিস্সোতি এত্থ তিণ্ণং সরূপং দস্সেতি। ‘‘ভিক্খুনিযা’’তিআদিনা পঞ্চ সংসগ্গপচ্চযাতি এত্থ পঞ্চন্নং সরূপং দস্সেতি।
474.Chaāpattiyo kāyikāti ettha cha āpattiyo nāma kāti āha ‘‘antarapeyyāle’’tiādi. Antarapeyyāle vuttāti sambandho. ‘‘Kāyadvāre samuṭṭhitattā’’ti iminā kāye samuṭṭhantīti kāyikāti vacanatthaṃ dasseti. Tasmiṃyeva antarapeyyāle vuttāti sambandho. ‘‘Vajjapaṭicchādikāyā’’tiādinā chādentassa tissoti ettha tiṇṇaṃ sarūpaṃ dasseti. ‘‘Bhikkhuniyā’’tiādinā pañca saṃsaggapaccayāti ettha pañcannaṃ sarūpaṃ dasseti.
‘‘একরত্ত’’ইতিআদিনা অরুণুগ্গে তিস্সোতি এত্থ তিণ্ণং সরূপং দস্সেতি। দ্ৰে যাৰততিযকাতি সংৰণ্ণেতব্বেন ‘‘একাদস যাৰততিযকা নামা’’তি সংৰণ্ণনায ৰিরুদ্ধভাৰং পটিক্খিপন্তো আহ ‘‘পঞ্ঞত্তিৰসেন পনা’’তিআদি। ‘‘ইমস্মিং সাসনে’’তি ইমিনা এত্থসদ্দস্স ৰিসযং দস্সেতি। একেন সব্বসঙ্গহোতি এত্থ একো নাম কো, সব্বানি নাম কানীতি আহ ‘‘যস্স সিযা’’তিআদি। ‘‘নিদানুদ্দেসেনা’’তি ইমিনা একস্স সরূপং দস্সেতি। ‘‘সিক্খাপদানঞ্চ পাতিমোক্খুদ্দেসানঞ্চা’’তি ইমেহি পদেহি সব্বসরূপং দস্সেতি। সঙ্গহ সদ্দেন কম্মছট্ঠীসমাসো।
‘‘Ekaratta’’itiādinā aruṇugge tissoti ettha tiṇṇaṃ sarūpaṃ dasseti. Dve yāvatatiyakāti saṃvaṇṇetabbena ‘‘ekādasa yāvatatiyakā nāmā’’ti saṃvaṇṇanāya viruddhabhāvaṃ paṭikkhipanto āha ‘‘paññattivasena panā’’tiādi. ‘‘Imasmiṃ sāsane’’ti iminā etthasaddassa visayaṃ dasseti. Ekena sabbasaṅgahoti ettha eko nāma ko, sabbāni nāma kānīti āha ‘‘yassa siyā’’tiādi. ‘‘Nidānuddesenā’’ti iminā ekassa sarūpaṃ dasseti. ‘‘Sikkhāpadānañca pātimokkhuddesānañcā’’ti imehi padehi sabbasarūpaṃ dasseti. Saṅgaha saddena kammachaṭṭhīsamāso.
‘‘ৰজ্জপটিচ্ছাদিকাযা’’তিআদিনা দ্ৰে দুট্ঠুল্লচ্ছাদনাতি এত্থ দ্ৰিন্নং সরূপং দস্সেতি।
‘‘Vajjapaṭicchādikāyā’’tiādinā dve duṭṭhullacchādanāti ettha dvinnaṃ sarūpaṃ dasseti.
‘‘ভিক্খু ভিক্খুনিযা’’তিআদিনা গামন্তরে চতস্সোতি এত্থ চতস্সন্নং সরূপং দস্সেতি। পুন ‘‘ভিক্খু ভিক্খুনিযা’’তিআদিনা চেতস্সা নদিপারপচ্চযাতি এত্থ চতস্সন্নমেৰ সরূপং দস্সেতি। ‘‘চীৰরদানে পাচিত্তিয’’ন্তি ইমিনা পাচিত্তিযভাৰেন সদিসত্তা সঙ্খ্যাৰিসেসো ন কাতব্বোতি দস্সেতি।
‘‘Bhikkhu bhikkhuniyā’’tiādinā gāmantare catassoti ettha catassannaṃ sarūpaṃ dasseti. Puna ‘‘bhikkhu bhikkhuniyā’’tiādinā cetassā nadipārapaccayāti ettha catassannameva sarūpaṃ dasseti. ‘‘Cīvaradāne pācittiya’’nti iminā pācittiyabhāvena sadisattā saṅkhyāviseso na kātabboti dasseti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ১. কাযিকাদিআপত্তি • 1. Kāyikādiāpatti
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / (১) কাযিকাদিআপত্তিৰণ্ণনা • (1) Kāyikādiāpattivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / কাযিকাদিআপত্তিৰণ্ণনা • Kāyikādiāpattivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / কাযিকাদিআপত্তিৰণ্ণনা • Kāyikādiāpattivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / কাযিকাদিআপত্তিৰণ্ণনা • Kāyikādiāpattivaṇṇanā
