| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
অপরদুতিযগাথাসঙ্গণিকং
Aparadutiyagāthāsaṅgaṇikaṃ
কাযিকাদিআপত্তিৰণ্ণনা
Kāyikādiāpattivaṇṇanā
৪৭৪. ‘‘কতি আপত্তিযো’’তিআদিনা উপালিত্থেরেন ৰিনযস্স পাটৰত্থং সযমেৰ পুচ্ছিত্ৰা ৰিস্সজ্জনং কতং। ভিক্খুনীনংযেৰ…পে॰… অট্ঠৰত্থুকা নামাতি ভিক্খুনীনং পঞ্ঞত্তা একা এৰ আপত্তি অট্ঠৰত্থুকা নামাতি অত্থো।
474.‘‘Katiāpattiyo’’tiādinā upālittherena vinayassa pāṭavatthaṃ sayameva pucchitvā vissajjanaṃ kataṃ. Bhikkhunīnaṃyeva…pe… aṭṭhavatthukā nāmāti bhikkhunīnaṃ paññattā ekā eva āpatti aṭṭhavatthukā nāmāti attho.
৪৭৫. কম্মঞ্চ কম্মপাদকা চাতি এত্থ যস্মা ঞত্তিকম্মেসু ঞত্তি সযমেৰ কম্মং হোতি, ঞত্তিদুতিযঞত্তিচতুত্থেসু কম্মেসু অনুস্সাৰনসঙ্খাতস্স কম্মস্স ঞত্তিপাদকভাৰেন তিট্ঠতি, তস্মা ইমানি দ্ৰে ‘‘ঞত্তিকিচ্চানী’’তি ৰুত্তানি।
475.Kammañca kammapādakā cāti ettha yasmā ñattikammesu ñatti sayameva kammaṃ hoti, ñattidutiyañatticatutthesu kammesu anussāvanasaṅkhātassa kammassa ñattipādakabhāvena tiṭṭhati, tasmā imāni dve ‘‘ñattikiccānī’’ti vuttāni.
পাচিত্তিযেন সদ্ধিং দুক্কটা কতাতি দসসুপি সিক্খাপদেসু একতোউপসম্পন্নায ৰসেন ৰুত্তদুক্কটং সন্ধায ৰুত্তং। পঠমসিক্খাপদম্হীতি ভিক্খুনোৰাদৰগ্গস্স পঠমসিক্খাপদৰিভঙ্গে (পাচি॰ ১৪৪ আদযো)। অধম্মকম্মেতি ভিক্খুনোৰাদকসম্মুতিকম্মে অধম্মকম্মে জাতে আপজ্জিতব্বা দ্ৰে আপত্তিনৰকা, ধম্মকম্মে দ্ৰে আপত্তিনৰকাতি চত্তারো নৰকা ৰুত্তা। আমকধঞ্ঞং ৰিঞ্ঞাপেত্ৰা ভুঞ্জন্তিযা ৰিঞ্ঞাপনাদিপুব্বপযোগে দুক্কটং, অজ্ঝোহারে পাচিত্তিযং। পাচিত্তিযেন সদ্ধিং দুক্কটা কতাযেৰাতি ৰুত্তং।
Pācittiyena saddhiṃ dukkaṭā katāti dasasupi sikkhāpadesu ekatoupasampannāya vasena vuttadukkaṭaṃ sandhāya vuttaṃ. Paṭhamasikkhāpadamhīti bhikkhunovādavaggassa paṭhamasikkhāpadavibhaṅge (pāci. 144 ādayo). Adhammakammeti bhikkhunovādakasammutikamme adhammakamme jāte āpajjitabbā dve āpattinavakā, dhammakamme dve āpattinavakāti cattāro navakā vuttā. Āmakadhaññaṃ viññāpetvā bhuñjantiyā viññāpanādipubbapayoge dukkaṭaṃ, ajjhohāre pācittiyaṃ. Pācittiyena saddhiṃ dukkaṭā katāyevāti vuttaṃ.
ৰিজহন্তী তিট্ঠতীতিআদীসু যদা ভিক্খুনিযা একেন পাদেন হত্থপাসং ৰিজহিত্ৰা ঠত্ৰা কিঞ্চি কম্মং কত্ৰা ততো অপরেন পাদেন ৰিজহিত্ৰা ঠাতুকামতা উপ্পজ্জতি, তদা সা যথাক্কমং ‘‘ৰিজহন্তী তিট্ঠতি, ৰিজহিত্ৰা তিট্ঠতী’’তি ইমং ৰোহারং লভতি। অঞ্ঞথা হিস্সা গামূপচারমোক্কন্তিযা ৰিসেসো ন সিযা হত্থপাসৰিজহনস্সাপি গমনত্তা। নিসীদতি ৰা নিপজ্জতি ৰাতি এত্থাপি যথাৰুত্তাধিপ্পাযেন অদ্ধাসনেন হত্থপাসং ৰিজহন্তী নিসীদতি, সকলেন ৰা আসনেন ৰিজহিত্ৰা নিসীদতি, অদ্ধসরীরেন ৰিজহন্তী নিপজ্জতি, সকলেন সরীরেন ৰিজহিত্ৰা নিপজ্জতীতি যোজেতব্বং।
Vijahantī tiṭṭhatītiādīsu yadā bhikkhuniyā ekena pādena hatthapāsaṃ vijahitvā ṭhatvā kiñci kammaṃ katvā tato aparena pādena vijahitvā ṭhātukāmatā uppajjati, tadā sā yathākkamaṃ ‘‘vijahantī tiṭṭhati, vijahitvā tiṭṭhatī’’ti imaṃ vohāraṃ labhati. Aññathā hissā gāmūpacāramokkantiyā viseso na siyā hatthapāsavijahanassāpi gamanattā. Nisīdati vā nipajjati vāti etthāpi yathāvuttādhippāyena addhāsanena hatthapāsaṃ vijahantī nisīdati, sakalena vā āsanena vijahitvā nisīdati, addhasarīrena vijahantī nipajjati, sakalena sarīrena vijahitvā nipajjatīti yojetabbaṃ.
কাযিকাদিআপত্তিৰণ্ণনা নিট্ঠিতা।
Kāyikādiāpattivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
১. কাযিকাদিআপত্তি • 1. Kāyikādiāpatti
২. দেসনাগামিনিযাদিআপত্তি • 2. Desanāgāminiyādiāpatti
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā
(১) কাযিকাদিআপত্তিৰণ্ণনা • (1) Kāyikādiāpattivaṇṇanā
(২) দেসনাগামিনিযাদিৰণ্ণনা • (2) Desanāgāminiyādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
কাযিকাদিআপত্তিৰণ্ণনা • Kāyikādiāpattivaṇṇanā
দেসনাগামিনিযাদিৰণ্ণনা • Desanāgāminiyādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / কাযিকাদিআপত্তিৰণ্ণনা • Kāyikādiāpattivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
(১) কাযিকাদিআপত্তিৰণ্ণনা • (1) Kāyikādiāpattivaṇṇanā
(২) দেসনাগামিনিযাদিৰণ্ণনা • (2) Desanāgāminiyādivaṇṇanā
