| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
абарад̣̇уд̇ияаг̇аат̇аасан̇г̇ан̣игам̣
Aparadutiyagāthāsaṅgaṇikaṃ
(1) гааяигаад̣̇иаабад̇д̇иван̣н̣анаа
(1) Kāyikādiāpattivaṇṇanā
474. ‘‘гад̇и аабад̇д̇ияо гааяигаа’’д̇иаад̣̇иг̇аат̇аанам̣ виссаж̇ж̇анз ча аабад̇д̇ияо гааяигаад̇и анд̇арабзяяаалз жад̇уд̇т̇зна аабад̇д̇исамудтаанзна ча аабад̇д̇ияо аабаж̇ж̇ад̇и, ‘‘бхигку мзт̇унам̣ д̇хаммам̣ бадисзвад̇и, аабад̇д̇и баарааж̇игассаа’’д̇иаад̣̇инаа наязна вуд̇д̇аабад̇д̇ияо. гааяад̣̇ваарз самудтид̇ад̇д̇аа хи зд̇аа гааяигаад̇и вужжанд̇и. ча ваажасигаад̇и д̇асмим̣язва анд̇арабзяяаалз бан̃жамзна аабад̇д̇исамудтаанзна ча аабад̇д̇ияо аабаж̇ж̇ад̇и, ‘‘бхигку баабижчо ижчаабагад̇о’’д̇иаад̣̇инаа наязна вуд̇д̇аабад̇д̇ияо. чаад̣̇знд̇асса д̇иссод̇и важ̇ж̇абадижчаад̣̇игааяа бхигкунияаа баарааж̇игам̣, бхигкусса сан̇гхаад̣̇исзсабадижчаад̣̇анз баажид̇д̇ияам̣, ад̇д̇ано д̣̇удтуллаабад̇д̇ибадижчаад̣̇анз д̣̇уггадам̣. бан̃жа сам̣саг̇г̇абажжаяаад̇и бхигкунияаа гааяасам̣саг̇г̇з баарааж̇игам̣, бхигкуно сан̇гхаад̣̇исзсо, гааязна гааяабадиб̣ад̣̇д̇хз т̇уллажжаяам̣, ниссаг̇г̇иязна гааяабадиб̣ад̣̇д̇хз д̣̇уггадам̣, ан̇г̇улибад̇од̣̇агз баажид̇д̇ияанд̇и имаа гааяасам̣саг̇г̇абажжаяаа бан̃жаабад̇д̇ияо.
474. ‘‘Kati āpattiyo kāyikā’’tiādigāthānaṃ vissajjane cha āpattiyo kāyikāti antarapeyyāle catutthena āpattisamuṭṭhānena cha āpattiyo āpajjati, ‘‘bhikkhu methunaṃ dhammaṃ paṭisevati, āpatti pārājikassā’’tiādinā nayena vuttāpattiyo. Kāyadvāre samuṭṭhitattā hi etā kāyikāti vuccanti. Cha vācasikāti tasmiṃyeva antarapeyyāle pañcamena āpattisamuṭṭhānena cha āpattiyo āpajjati, ‘‘bhikkhu pāpiccho icchāpakato’’tiādinā nayena vuttāpattiyo. Chādentassa tissoti vajjapaṭicchādikāya bhikkhuniyā pārājikaṃ, bhikkhussa saṅghādisesapaṭicchādane pācittiyaṃ, attano duṭṭhullāpattipaṭicchādane dukkaṭaṃ. Pañca saṃsaggapaccayāti bhikkhuniyā kāyasaṃsagge pārājikaṃ, bhikkhuno saṅghādiseso, kāyena kāyapaṭibaddhe thullaccayaṃ, nissaggiyena kāyapaṭibaddhe dukkaṭaṃ, aṅgulipatodake pācittiyanti imā kāyasaṃsaggapaccayā pañcāpattiyo.
арун̣уг̇г̇з д̇иссод̇и згарад̇д̇ачаарад̇д̇асад̇д̇аахад̣̇асаахамаасаад̇иггамавасзна ниссаг̇г̇ияам̣ баажид̇д̇ияам̣, бхигкунияаа рад̇д̇ивиббаваасз сан̇гхаад̣̇исзсо, ‘‘батамамби яаамам̣ чаад̣̇зд̇и, д̣̇уд̇ияамби д̇ад̇ияамби яаамам̣ чаад̣̇зд̇и, уд̣̇д̇хасд̇з арун̣з чаннаа ход̇и аабад̇д̇и, яо чаад̣̇зд̇и со д̣̇уггадам̣ д̣̇зсаабзд̇аб̣б̣о’’д̇и имаа арун̣уг̇г̇з д̇иссо аабад̇д̇ияо аабаж̇ж̇ад̇и. д̣̇вз яаавад̇ад̇ияагаад̇и згаад̣̇аса яаавад̇ад̇ияагаа наама, бан̃н̃ад̇д̇ивасзна бана д̣̇вз хонд̇и бхигкуунам̣ яаавад̇ад̇ияагаа бхигкунийнам̣ яаавад̇ад̇ияагаад̇и. згзд̇т̇а адтавад̇т̇угаад̇и бхигкунийнам̣язва згаа зд̇т̇а имасмим̣ саасанз адтавад̇т̇угаа наама. згзна саб̣б̣асан̇г̇аход̇и ‘‘яасса сияаа аабад̇д̇и, со аавигарзяяаа’’д̇и иминаа згзна нид̣̇аануд̣̇д̣̇зсзна саб̣б̣асигкаабад̣̇аанан̃жа саб̣б̣абаад̇имогкуд̣̇д̣̇зсаанан̃жа сан̇г̇ахо ход̇и.
Aruṇugge tissoti ekarattachārattasattāhadasāhamāsātikkamavasena nissaggiyaṃ pācittiyaṃ, bhikkhuniyā rattivippavāse saṅghādiseso, ‘‘paṭhamampi yāmaṃ chādeti, dutiyampi tatiyampi yāmaṃ chādeti, uddhaste aruṇe channā hoti āpatti, yo chādeti so dukkaṭaṃ desāpetabbo’’ti imā aruṇugge tisso āpattiyo āpajjati. Dve yāvatatiyakāti ekādasa yāvatatiyakā nāma, paññattivasena pana dve honti bhikkhūnaṃ yāvatatiyakā bhikkhunīnaṃ yāvatatiyakāti. Ekettha aṭṭhavatthukāti bhikkhunīnaṃyeva ekā ettha imasmiṃ sāsane aṭṭhavatthukā nāma. Ekena sabbasaṅgahoti ‘‘yassa siyā āpatti, so āvikareyyā’’ti iminā ekena nidānuddesena sabbasikkhāpadānañca sabbapātimokkhuddesānañca saṅgaho hoti.
винаяасса д̣̇вз муулаанийд̇и гааяо жзва ваажаа жа. г̇аругаа д̣̇вз вуд̇д̇аад̇и баарааж̇игасан̇гхаад̣̇исзсаа . д̣̇вз д̣̇удтуллажчаад̣̇анаад̇и важ̇ж̇абадижчаад̣̇игааяа баарааж̇игам̣ сан̇гхаад̣̇исзсам̣ бадижчаад̣̇агасса баажид̇д̇ияанд̇и имаа д̣̇вз д̣̇удтуллажчаад̣̇анаабад̇д̇ияо наама.
Vinayassa dve mūlānīti kāyo ceva vācā ca. Garukā dve vuttāti pārājikasaṅghādisesā . Dve duṭṭhullacchādanāti vajjapaṭicchādikāya pārājikaṃ saṅghādisesaṃ paṭicchādakassa pācittiyanti imā dve duṭṭhullacchādanāpattiyo nāma.
г̇ааманд̇арз жад̇ассод̇и ‘‘бхигку бхигкунияаа сад̣̇д̇хим̣ сам̣вид̣̇ахад̇и, д̣̇уггадам̣; ан̃н̃асса г̇аамасса убажаарам̣ оггамад̇и, баажид̇д̇ияам̣; бхигкунияаа г̇ааманд̇арам̣ г̇ажчанд̇ияаа баригкид̇д̇з г̇аамз батамабаад̣̇з т̇уллажжаяам̣, д̣̇уд̇ияабаад̣̇з сан̇гхаад̣̇исзсо; абаригкид̇д̇асса батамабаад̣̇з убажаароггаманз т̇уллажжаяам̣, д̣̇уд̇ияабаад̣̇з сан̇гхаад̣̇исзсо’’д̇и имаа г̇ааманд̇арз д̣̇уггадабаажид̇д̇ияат̇уллажжаяасан̇гхааад̣̇исзсавасзна жад̇ассо аабад̇д̇ияо. жад̇ассо над̣̇ибаарабажжаяаад̇и ‘‘бхигку бхигкунияаа сад̣̇д̇хим̣ сам̣вид̣̇ахад̇и, д̣̇уггадам̣; наавам̣ абхирухад̇и, баажид̇д̇ияам̣; бхигкунияаа над̣̇ибаарам̣ г̇ажчанд̇ияаа уд̇д̇аран̣агаалз батамабаад̣̇з т̇уллажжаяам̣, д̣̇уд̇ияабаад̣̇з сан̇гхаад̣̇исзсо’’д̇и имаа жад̇ассо. згамам̣сз т̇уллажжаяанд̇и мануссамам̣сз. навамам̣сзсу д̣̇уггаданд̇и сзсаагаббияамам̣сзсу.
Gāmantare catassoti ‘‘bhikkhu bhikkhuniyā saddhiṃ saṃvidahati, dukkaṭaṃ; aññassa gāmassa upacāraṃ okkamati, pācittiyaṃ; bhikkhuniyā gāmantaraṃ gacchantiyā parikkhitte gāme paṭhamapāde thullaccayaṃ, dutiyapāde saṅghādiseso; aparikkhittassa paṭhamapāde upacārokkamane thullaccayaṃ, dutiyapāde saṅghādiseso’’ti imā gāmantare dukkaṭapācittiyathullaccayasaṅghaādisesavasena catasso āpattiyo. Catasso nadipārapaccayāti ‘‘bhikkhu bhikkhuniyā saddhiṃ saṃvidahati, dukkaṭaṃ; nāvaṃ abhiruhati, pācittiyaṃ; bhikkhuniyā nadipāraṃ gacchantiyā uttaraṇakāle paṭhamapāde thullaccayaṃ, dutiyapāde saṅghādiseso’’ti imā catasso. Ekamaṃse thullaccayanti manussamaṃse. Navamaṃsesu dukkaṭanti sesaakappiyamaṃsesu.
д̣̇вз ваажасигаа рад̇д̇инд̇и бхигкуний рад̇д̇анд̇хагаарз аббад̣̇ийбз бурисзна сад̣̇д̇хим̣ хад̇т̇абаасз тид̇аа саллабад̇и , баажид̇д̇ияам̣; хад̇т̇абаасам̣ виж̇ахид̇ваа тид̇аа саллабад̇и, д̣̇уггадам̣. д̣̇вз ваажасигаа д̣̇иваад̇и бхигкуний д̣̇иваа бадижчаннз огаасз бурисзна сад̣̇д̇хим̣ хад̇т̇абаасз тид̇аа саллабад̇и, баажид̇д̇ияам̣; хад̇т̇абаасам̣ виж̇ахид̇ваа саллабад̇и, д̣̇уггадам̣. д̣̇ад̣̇амаанасса д̇иссод̇и маран̣аад̇хиббааяо мануссасса висам̣ д̣̇зд̇и, со жз д̇зна марад̇и, баарааж̇игам̣; яагкабзд̇аанам̣ д̣̇зд̇и, д̇з жз маранд̇и, т̇уллажжаяам̣; д̇иражчаанаг̇ад̇асса д̣̇зд̇и, со жз марад̇и, баажид̇д̇ияам̣; ан̃н̃аад̇игааяа бхигкунияаа жийварад̣̇аанз баажид̇д̇ияанд̇и звам̣ д̣̇ад̣̇амаанасса д̇иссо аабад̇д̇ияо. жад̇д̇ааро жа бадиг̇г̇ахзд̇и хад̇т̇аг̇г̇ааха-взн̣иг̇г̇аахзсу сан̇гхаад̣̇исзсо, мукзна ан̇г̇аж̇аад̇аг̇г̇ахан̣з баарааж̇игам̣, ан̃н̃аад̇игааяа бхигкунияаа жийварабадиг̇г̇ахан̣з ниссаг̇г̇ияам̣ баажид̇д̇ияам̣, авассуд̇ааяа авассуд̇асса хад̇т̇ад̇о каад̣̇анийяам̣ бхож̇анийяам̣ бадиг̇г̇ан̣ханд̇ияаа т̇уллажжаяам̣; звам̣ бадиг̇г̇ахз жад̇д̇ааро аабад̇д̇игканд̇хаа хонд̇и.
Dve vācasikā rattinti bhikkhunī rattandhakāre appadīpe purisena saddhiṃ hatthapāse ṭhitā sallapati , pācittiyaṃ; hatthapāsaṃ vijahitvā ṭhitā sallapati, dukkaṭaṃ. Dve vācasikā divāti bhikkhunī divā paṭicchanne okāse purisena saddhiṃ hatthapāse ṭhitā sallapati, pācittiyaṃ; hatthapāsaṃ vijahitvā sallapati, dukkaṭaṃ. Dadamānassa tissoti maraṇādhippāyo manussassa visaṃ deti, so ce tena marati, pārājikaṃ; yakkhapetānaṃ deti, te ce maranti, thullaccayaṃ; tiracchānagatassa deti, so ce marati, pācittiyaṃ; aññātikāya bhikkhuniyā cīvaradāne pācittiyanti evaṃ dadamānassa tisso āpattiyo. Cattāro ca paṭiggaheti hatthaggāha-veṇiggāhesu saṅghādiseso, mukhena aṅgajātaggahaṇe pārājikaṃ, aññātikāya bhikkhuniyā cīvarapaṭiggahaṇe nissaggiyaṃ pācittiyaṃ, avassutāya avassutassa hatthato khādanīyaṃ bhojanīyaṃ paṭiggaṇhantiyā thullaccayaṃ; evaṃ paṭiggahe cattāro āpattikkhandhā honti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 1. гааяигаад̣̇иаабад̇д̇и • 1. Kāyikādiāpatti
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гааяигаад̣̇иаабад̇д̇иван̣н̣анаа • Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гааяигаад̣̇иаабад̇д̇иван̣н̣анаа • Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гааяигаад̣̇иаабад̇д̇иван̣н̣анаа • Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / (1) гааяигаад̣̇иаабад̇д̇иван̣н̣анаа • (1) Kāyikādiāpattivaṇṇanā
