| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
អបរទុតិយគាថាសង្គណិកំ
Aparadutiyagāthāsaṅgaṇikaṃ
កាយិកាទិអាបត្តិវណ្ណនា
Kāyikādiāpattivaṇṇanā
៤៧៤. ‘‘កតិ អាបត្តិយោ’’តិអាទិនា ឧបាលិត្ថេរេន វិនយស្ស បាដវត្ថំ សយមេវ បុច្ឆិត្វា វិស្សជ្ជនំ កតំ។ ភិក្ខុនីនំយេវ…បេ.… អដ្ឋវត្ថុកា នាមាតិ ភិក្ខុនីនំ បញ្ញត្តា ឯកា ឯវ អាបត្តិ អដ្ឋវត្ថុកា នាមាតិ អត្ថោ។
474.‘‘Katiāpattiyo’’tiādinā upālittherena vinayassa pāṭavatthaṃ sayameva pucchitvā vissajjanaṃ kataṃ. Bhikkhunīnaṃyeva…pe… aṭṭhavatthukā nāmāti bhikkhunīnaṃ paññattā ekā eva āpatti aṭṭhavatthukā nāmāti attho.
៤៧៥. កម្មញ្ច កម្មបាទកា ចាតិ ឯត្ថ យស្មា ញត្តិកម្មេសុ ញត្តិ សយមេវ កម្មំ ហោតិ, ញត្តិទុតិយញត្តិចតុត្ថេសុ កម្មេសុ អនុស្សាវនសង្ខាតស្ស កម្មស្ស ញត្តិបាទកភាវេន តិដ្ឋតិ, តស្មា ឥមានិ ទ្វេ ‘‘ញត្តិកិច្ចានី’’តិ វុត្តានិ។
475.Kammañca kammapādakā cāti ettha yasmā ñattikammesu ñatti sayameva kammaṃ hoti, ñattidutiyañatticatutthesu kammesu anussāvanasaṅkhātassa kammassa ñattipādakabhāvena tiṭṭhati, tasmā imāni dve ‘‘ñattikiccānī’’ti vuttāni.
បាចិត្តិយេន សទ្ធិំ ទុក្កដា កតាតិ ទសសុបិ សិក្ខាបទេសុ ឯកតោឧបសម្បន្នាយ វសេន វុត្តទុក្កដំ សន្ធាយ វុត្តំ។ បឋមសិក្ខាបទម្ហីតិ ភិក្ខុនោវាទវគ្គស្ស បឋមសិក្ខាបទវិភង្គេ (បាចិ. ១៤៤ អាទយោ)។ អធម្មកម្មេតិ ភិក្ខុនោវាទកសម្មុតិកម្មេ អធម្មកម្មេ ជាតេ អាបជ្ជិតព្ពា ទ្វេ អាបត្តិនវកា, ធម្មកម្មេ ទ្វេ អាបត្តិនវកាតិ ចត្តារោ នវកា វុត្តា។ អាមកធញ្ញំ វិញ្ញាបេត្វា ភុញ្ជន្តិយា វិញ្ញាបនាទិបុព្ពបយោគេ ទុក្កដំ, អជ្ឈោហារេ បាចិត្តិយំ។ បាចិត្តិយេន សទ្ធិំ ទុក្កដា កតាយេវាតិ វុត្តំ។
Pācittiyena saddhiṃ dukkaṭā katāti dasasupi sikkhāpadesu ekatoupasampannāya vasena vuttadukkaṭaṃ sandhāya vuttaṃ. Paṭhamasikkhāpadamhīti bhikkhunovādavaggassa paṭhamasikkhāpadavibhaṅge (pāci. 144 ādayo). Adhammakammeti bhikkhunovādakasammutikamme adhammakamme jāte āpajjitabbā dve āpattinavakā, dhammakamme dve āpattinavakāti cattāro navakā vuttā. Āmakadhaññaṃ viññāpetvā bhuñjantiyā viññāpanādipubbapayoge dukkaṭaṃ, ajjhohāre pācittiyaṃ. Pācittiyena saddhiṃ dukkaṭā katāyevāti vuttaṃ.
វិជហន្តី តិដ្ឋតីតិអាទីសុ យទា ភិក្ខុនិយា ឯកេន បាទេន ហត្ថបាសំ វិជហិត្វា ឋត្វា កិញ្ចិ កម្មំ កត្វា តតោ អបរេន បាទេន វិជហិត្វា ឋាតុកាមតា ឧប្បជ្ជតិ, តទា សា យថាក្កមំ ‘‘វិជហន្តី តិដ្ឋតិ, វិជហិត្វា តិដ្ឋតី’’តិ ឥមំ វោហារំ លភតិ។ អញ្ញថា ហិស្សា គាមូបចារមោក្កន្តិយា វិសេសោ ន សិយា ហត្ថបាសវិជហនស្សាបិ គមនត្តា។ និសីទតិ វា និបជ្ជតិ វាតិ ឯត្ថាបិ យថាវុត្តាធិប្បាយេន អទ្ធាសនេន ហត្ថបាសំ វិជហន្តី និសីទតិ, សកលេន វា អាសនេន វិជហិត្វា និសីទតិ, អទ្ធសរីរេន វិជហន្តី និបជ្ជតិ, សកលេន សរីរេន វិជហិត្វា និបជ្ជតីតិ យោជេតព្ពំ។
Vijahantī tiṭṭhatītiādīsu yadā bhikkhuniyā ekena pādena hatthapāsaṃ vijahitvā ṭhatvā kiñci kammaṃ katvā tato aparena pādena vijahitvā ṭhātukāmatā uppajjati, tadā sā yathākkamaṃ ‘‘vijahantī tiṭṭhati, vijahitvā tiṭṭhatī’’ti imaṃ vohāraṃ labhati. Aññathā hissā gāmūpacāramokkantiyā viseso na siyā hatthapāsavijahanassāpi gamanattā. Nisīdati vā nipajjati vāti etthāpi yathāvuttādhippāyena addhāsanena hatthapāsaṃ vijahantī nisīdati, sakalena vā āsanena vijahitvā nisīdati, addhasarīrena vijahantī nipajjati, sakalena sarīrena vijahitvā nipajjatīti yojetabbaṃ.
កាយិកាទិអាបត្តិវណ្ណនា និដ្ឋិតា។
Kāyikādiāpattivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
១. កាយិកាទិអាបត្តិ • 1. Kāyikādiāpatti
២. ទេសនាគាមិនិយាទិអាបត្តិ • 2. Desanāgāminiyādiāpatti
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā
(១) កាយិកាទិអាបត្តិវណ្ណនា • (1) Kāyikādiāpattivaṇṇanā
(២) ទេសនាគាមិនិយាទិវណ្ណនា • (2) Desanāgāminiyādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
កាយិកាទិអាបត្តិវណ្ណនា • Kāyikādiāpattivaṇṇanā
ទេសនាគាមិនិយាទិវណ្ណនា • Desanāgāminiyādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / កាយិកាទិអាបត្តិវណ្ណនា • Kāyikādiāpattivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
(១) កាយិកាទិអាបត្តិវណ្ណនា • (1) Kāyikādiāpattivaṇṇanā
(២) ទេសនាគាមិនិយាទិវណ្ណនា • (2) Desanāgāminiyādivaṇṇanā
