| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[202] 2. гзл̣исийлаж̇аад̇агаван̣н̣анаа
[202] 2. Keḷisīlajātakavaṇṇanā
хам̣саа гон̃жаа маяуураа жаад̇и ид̣̇ам̣ сад̇т̇аа ж̇зд̇аванз вихаранд̇о ааяасманд̇ам̣ лагун̣д̣агабхад̣̇д̣̇ияам̣ аараб̣бха гат̇зси. со гирааяасмаа б̣уд̣̇д̇хасаасанз баагадо ахоси бан̃н̃аад̇о мад̇хурассаро мад̇хурад̇хаммагат̇иго бадисамбхид̣̇ааббад̇д̇о махаакийн̣аасаво асийд̇ияаа махаат̇зраанам̣ анд̇аро бамаан̣зна омаго лагун̣д̣аго сааман̣зро вияа, куд̣̇д̣̇аго гийл̣анад̇т̇ааяа гад̇о вияа. д̇асмим̣ згад̣̇ивасам̣ д̇ат̇ааг̇ад̇ам̣ ванд̣̇ид̇ваа ж̇зд̇аванагодтагам̣ г̇ад̇з ж̇анабад̣̇аа д̇им̣самад̇д̇аа бхигкуу ‘‘д̣̇асаб̣алам̣ ванд̣̇иссаамаа’’д̇и ж̇зд̇аванам̣ бависанд̇аа вихаарагодтагз т̇зрам̣ д̣̇исваа ‘‘сааман̣зро зсо’’д̇и сан̃н̃ааяа т̇зрам̣ жийвараган̣н̣з г̇ан̣ханд̇аа хад̇т̇з г̇ан̣ханд̇аа сийсам̣ г̇ан̣ханд̇аа наасааяа бараамасанд̇аа ган̣н̣зсу г̇ахзд̇ваа жаалзд̇ваа хад̇т̇агуггужжам̣ гад̇ваа бад̇д̇ажийварам̣ бадисаамзд̇ваа сад̇т̇аарам̣ убасан̇гамид̇ваа ванд̣̇ид̇ваа нисийд̣̇ид̇ваа сад̇т̇аараа мад̇хурабадисант̇аарз гад̇з бужчим̣су – ‘‘бханд̇з, лагун̣д̣агабхад̣̇д̣̇ияад̇т̇зро гира наамзго д̇умхаагам̣ сааваго мад̇хурад̇хаммагат̇иго ад̇т̇и, гахам̣ со ид̣̇ааний’’д̇и. ‘‘гим̣ бана, бхигкавз, д̣̇адтугаамад̇т̇аа’’д̇и? ‘‘аама, бханд̇з’’д̇и. ‘‘яам̣, бхигкавз, д̇умхз д̣̇ваарагодтагз д̣̇исваа жийвараган̣н̣аад̣̇ийсу г̇ан̣ханд̇аа хад̇т̇агуггужжам̣ гад̇ваа ааг̇ад̇аа, зса со’’д̇и. ‘‘бханд̇з, зваруубо бад̇т̇ид̇абад̇т̇ано абхинийхаарасамбанно сааваго гим̣гааран̣аа аббзсагко ж̇аад̇о’’д̇и? сад̇т̇аа ‘‘ад̇д̇анаа гад̇абаабагаммам̣ ниссааяаа’’д̇и вад̇ваа д̇зхи яаажид̇о ад̇ийд̇ам̣ аахари.
Haṃsākoñcā mayūrā cāti idaṃ satthā jetavane viharanto āyasmantaṃ lakuṇḍakabhaddiyaṃ ārabbha kathesi. So kirāyasmā buddhasāsane pākaṭo ahosi paññāto madhurassaro madhuradhammakathiko paṭisambhidāppatto mahākhīṇāsavo asītiyā mahātherānaṃ antaro pamāṇena omako lakuṇḍako sāmaṇero viya, khuddako kīḷanatthāya kato viya. Tasmiṃ ekadivasaṃ tathāgataṃ vanditvā jetavanakoṭṭhakaṃ gate janapadā tiṃsamattā bhikkhū ‘‘dasabalaṃ vandissāmā’’ti jetavanaṃ pavisantā vihārakoṭṭhake theraṃ disvā ‘‘sāmaṇero eso’’ti saññāya theraṃ cīvarakaṇṇe gaṇhantā hatthe gaṇhantā sīsaṃ gaṇhantā nāsāya parāmasantā kaṇṇesu gahetvā cāletvā hatthakukkuccaṃ katvā pattacīvaraṃ paṭisāmetvā satthāraṃ upasaṅkamitvā vanditvā nisīditvā satthārā madhurapaṭisanthāre kate pucchiṃsu – ‘‘bhante, lakuṇḍakabhaddiyatthero kira nāmeko tumhākaṃ sāvako madhuradhammakathiko atthi, kahaṃ so idānī’’ti. ‘‘Kiṃ pana, bhikkhave, daṭṭhukāmatthā’’ti? ‘‘Āma, bhante’’ti. ‘‘Yaṃ, bhikkhave, tumhe dvārakoṭṭhake disvā cīvarakaṇṇādīsu gaṇhantā hatthakukkuccaṃ katvā āgatā, esa so’’ti. ‘‘Bhante, evarūpo patthitapatthano abhinīhārasampanno sāvako kiṃkāraṇā appesakkho jāto’’ti? Satthā ‘‘attanā katapāpakammaṃ nissāyā’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сагго д̣̇зварааж̇аа ахоси. д̇ад̣̇аа б̣рахмад̣̇ад̇д̇асса ж̇ин̣н̣ам̣ ж̇арааббад̇д̇ам̣ хад̇т̇им̣ ваа ассам̣ ваа г̇он̣ам̣ ваа д̣̇ассзд̇ум̣ на саггаа, гзл̣исийло худ̇ваа д̇ат̇ааруубам̣ д̣̇исваава ануб̣анд̇хаабзд̇и, ж̇ин̣н̣асагадамби д̣̇исваа бхинд̣̇аабзд̇и, ж̇ин̣н̣амаад̇уг̇аамз д̣̇исваа баггосаабзд̇ваа уд̣̇арз бахараабзд̇ваа баад̇аабзд̇ваа буна удтаабзд̇ваа бхааяаабзд̇и , ж̇ин̣н̣абурисз д̣̇исваа лан̇гхагз вияа бхуумияам̣ сам̣баривад̇д̇агаад̣̇игийл̣ам̣ гийл̣аабзд̇и, абассанд̇о ‘‘асугагхарз гира махаллаго ад̇т̇ий’’д̇и суд̇вааби баггосаабзд̇ваа гийл̣ад̇и. мануссаа лаж̇ж̇анд̇аа ад̇д̇ано маад̇аабид̇аро д̇ирорадтаани бзсзнд̇и, маад̇убадтаанад̇хаммо бид̇убадтаанад̇хаммо бажчиж̇ж̇и, рааж̇асзвагааби гзл̣исийлаава ахзсум̣. мад̇амад̇аа жад̇д̇ааро абааяз буурзнд̇и, д̣̇звабарисаа барихааяад̇и.
Atīte bārāṇasiyaṃ brahmadatte rajjaṃ kārente bodhisatto sakko devarājā ahosi. Tadā brahmadattassa jiṇṇaṃ jarāppattaṃ hatthiṃ vā assaṃ vā goṇaṃ vā dassetuṃ na sakkā, keḷisīlo hutvā tathārūpaṃ disvāva anubandhāpeti, jiṇṇasakaṭampi disvā bhindāpeti, jiṇṇamātugāme disvā pakkosāpetvā udare paharāpetvā pātāpetvā puna uṭṭhāpetvā bhāyāpeti , jiṇṇapurise disvā laṅghake viya bhūmiyaṃ saṃparivattakādikīḷaṃ kīḷāpeti, apassanto ‘‘asukaghare kira mahallako atthī’’ti sutvāpi pakkosāpetvā kīḷati. Manussā lajjantā attano mātāpitaro tiroraṭṭhāni pesenti, mātupaṭṭhānadhammo pitupaṭṭhānadhammo pacchijji, rājasevakāpi keḷisīlāva ahesuṃ. Matamatā cattāro apāye pūrenti, devaparisā parihāyati.
сагго абхинавз д̣̇звабуд̇д̇з абассанд̇о ‘‘гим̣ ну ко гааран̣а’’нд̇и ааваж̇ж̇знд̇о д̇ам̣ гааран̣ам̣ н̃ад̇ваа ‘‘д̣̇амзссаами на’’нд̇и махаллагаван̣н̣ам̣ абхинимминид̇ваа ж̇ин̣н̣аяаанагз д̣̇вз д̇аггажаадияо ааробзд̇ваа д̣̇вз ж̇араг̇он̣з яож̇зд̇ваа згасмим̣ чан̣ад̣̇ивасз алан̇гад̇ахад̇т̇им̣ абхирухид̇ваа б̣рахмад̣̇ад̇д̇з алан̇гад̇анаг̇арам̣ бад̣̇агкин̣ам̣ гаронд̇з билод̇иганивад̇т̇о д̇ам̣ яаанагам̣ бааж̇знд̇о ран̃н̃о абхимуко аг̇амааси. рааж̇аа ж̇ин̣н̣аяаанагам̣ д̣̇исваа ‘‘зд̇ам̣ яаанагам̣ абанзт̇аа’’д̇и вад̣̇ад̇и. мануссаа ‘‘гахам̣, д̣̇зва, на бассаамаа’’д̇и аахам̣су. сагго ад̇д̇ано аанубхаавзна ран̃н̃оязва д̣̇ассзси. ат̇а нам̣ б̣ахусамбад̇д̇з д̇асмим̣ д̇асса убарибхааг̇зна бааж̇знд̇о ран̃н̃о мад̇т̇агз згам̣ жаадим̣ бхинд̣̇ид̇ваа нивад̇д̇аабзнд̇о д̣̇уд̇ияам̣ бхинд̣̇и. ат̇асса сийсад̇о бадтааяа ид̇о жид̇о жа д̇аггам̣ баг̇гхарад̇и, со д̇зна аддийяад̇и харааяад̇и ж̇иг̇ужчад̇и. ат̇асса д̇ам̣ убад̣̇д̣̇уд̇абхаавам̣ н̃ад̇ваа сагго яаанагам̣ анд̇арад̇хаабзд̇ваа саггад̇д̇абхаавам̣ маабзд̇ваа важ̇ирахад̇т̇о аагаасз тад̇ваа ‘‘бааба ад̇хаммигарааж̇а, гим̣ д̇вам̣ махаллаго на бхависсаси, д̇ава сарийрам̣ ж̇араа на бахариссад̇и, гзл̣исийло худ̇ваа вуд̣дхз вихзтанагаммам̣ гароси, згагам̣ д̇ам̣ ниссааяа зд̇ам̣ гаммам̣ гад̇ваа мад̇амад̇аа абааяз барибуурзнд̇и, мануссаа маад̇аабид̇аро бадиж̇аг̇г̇ид̇ум̣ на лабханд̇и. сажз имамхаа гаммаа на вирамиссаси, важ̇ирзна д̇з сийсам̣ бад̣̇аалзссаами, маа ид̇о бадтааязд̇ам̣ гаммам̣ агад̇т̇аа’’д̇и санд̇аж̇ж̇зд̇ваа маад̇аабид̇уунам̣ г̇ун̣ам̣ гат̇зд̇ваа вуд̣дхаабажааяигагаммасса аанисам̣сам̣ багаасзд̇ваа овад̣̇ид̇ваа сагадтаанамзва аг̇амааси. рааж̇аа д̇ад̇о бадтааяа д̇ат̇ааруубам̣ гаммам̣ гаад̇ум̣ жид̇д̇амби на уббаад̣̇зси.
Sakko abhinave devaputte apassanto ‘‘kiṃ nu kho kāraṇa’’nti āvajjento taṃ kāraṇaṃ ñatvā ‘‘damessāmi na’’nti mahallakavaṇṇaṃ abhinimminitvā jiṇṇayānake dve takkacāṭiyo āropetvā dve jaragoṇe yojetvā ekasmiṃ chaṇadivase alaṅkatahatthiṃ abhiruhitvā brahmadatte alaṅkatanagaraṃ padakkhiṇaṃ karonte pilotikanivattho taṃ yānakaṃ pājento rañño abhimukho agamāsi. Rājā jiṇṇayānakaṃ disvā ‘‘etaṃ yānakaṃ apanethā’’ti vadati. Manussā ‘‘kahaṃ, deva, na passāmā’’ti āhaṃsu. Sakko attano ānubhāvena raññoyeva dassesi. Atha naṃ bahusampatte tasmiṃ tassa uparibhāgena pājento rañño matthake ekaṃ cāṭiṃ bhinditvā nivattāpento dutiyaṃ bhindi. Athassa sīsato paṭṭhāya ito cito ca takkaṃ paggharati, so tena aṭṭīyati harāyati jigucchati. Athassa taṃ upaddutabhāvaṃ ñatvā sakko yānakaṃ antaradhāpetvā sakkattabhāvaṃ māpetvā vajirahattho ākāse ṭhatvā ‘‘pāpa adhammikarāja, kiṃ tvaṃ mahallako na bhavissasi, tava sarīraṃ jarā na paharissati, keḷisīlo hutvā vuḍḍhe viheṭhanakammaṃ karosi, ekakaṃ taṃ nissāya etaṃ kammaṃ katvā matamatā apāye paripūrenti, manussā mātāpitaro paṭijaggituṃ na labhanti. Sace imamhā kammā na viramissasi, vajirena te sīsaṃ padālessāmi, mā ito paṭṭhāyetaṃ kammaṃ akatthā’’ti santajjetvā mātāpitūnaṃ guṇaṃ kathetvā vuḍḍhāpacāyikakammassa ānisaṃsaṃ pakāsetvā ovaditvā sakaṭṭhānameva agamāsi. Rājā tato paṭṭhāya tathārūpaṃ kammaṃ kātuṃ cittampi na uppādesi.
сад̇т̇аа имам̣ ад̇ийд̇ам̣ аахарид̇ваа абхисамб̣уд̣̇д̇хо худ̇ваа имаа г̇аат̇аа авожа –
Satthā imaṃ atītaṃ āharitvā abhisambuddho hutvā imā gāthā avoca –
103.
103.
‘‘хам̣саа гон̃жаа маяуураа жа, хад̇т̇аяо басад̣̇аа миг̇аа;
‘‘Haṃsā koñcā mayūrā ca, hatthayo pasadā migā;
саб̣б̣з сийхасса бхааяанд̇и, над̇т̇и гааяасми д̇уляад̇аа.
Sabbe sīhassa bhāyanti, natthi kāyasmi tulyatā.
104.
104.
‘‘звамзва мануссзсу, д̣̇ахаро жзби бан̃н̃аваа;
‘‘Evameva manussesu, daharo cepi paññavā;
со хи д̇ад̇т̇а махаа ход̇и, нзва б̣аало сарийраваа’’д̇и.
So hi tattha mahā hoti, neva bālo sarīravā’’ti.
д̇ад̇т̇а басад̣̇аа миг̇аад̇и басад̣̇асан̇каад̇аа миг̇аа, басад̣̇аа миг̇аа жа авасзсаа миг̇аа жаад̇иби ад̇т̇о. ‘‘басад̣̇амиг̇аа’’д̇иби баато, басад̣̇аа миг̇аад̇и ад̇т̇о. над̇т̇и гааяасми д̇уляад̇аад̇и сарийрз бамаан̣ам̣ наама над̇т̇и. яад̣̇и бхавзяяа, махаасарийраа хад̇т̇ино жзва басад̣̇амиг̇аа жа сийхам̣ маарзяяум̣, сийхо хам̣саад̣̇аяо куд̣̇д̣̇агасарийрзязва маарзяяа, куд̣̇д̣̇агааязва сийхасса бхааязяяум̣, на маханд̇аа. яасмаа банзд̇ам̣ над̇т̇и, д̇асмаа саб̣б̣зби д̇з сийхасса бхааяанд̇и. сарийраваад̇и б̣аало махаасарийроби махаа наама на ход̇и, д̇асмаа лагун̣д̣агабхад̣̇д̣̇ияо сарийрзна куд̣̇д̣̇агоби маа д̇ам̣ н̃аан̣знаби куд̣̇д̣̇агод̇и ман̃н̃ид̇т̇аад̇и ад̇т̇о.
Tattha pasadā migāti pasadasaṅkhātā migā, pasadā migā ca avasesā migā cātipi attho. ‘‘Pasadamigā’’tipi pāṭho, pasadā migāti attho. Natthi kāyasmi tulyatāti sarīre pamāṇaṃ nāma natthi. Yadi bhaveyya, mahāsarīrā hatthino ceva pasadamigā ca sīhaṃ māreyyuṃ, sīho haṃsādayo khuddakasarīreyeva māreyya, khuddakāyeva sīhassa bhāyeyyuṃ, na mahantā. Yasmā panetaṃ natthi, tasmā sabbepi te sīhassa bhāyanti. Sarīravāti bālo mahāsarīropi mahā nāma na hoti, tasmā lakuṇḍakabhaddiyo sarīrena khuddakopi mā taṃ ñāṇenapi khuddakoti maññitthāti attho.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз д̇зсу бхигкуусу гзжи сод̇аабаннаа, гзжи сагад̣̇ааг̇аамино, гзжи анааг̇аамино, гзжи араханд̇о ахзсум̣. ‘‘д̇ад̣̇аа рааж̇аа лагун̣д̣агабхад̣̇д̣̇ияо ахоси, со д̇ааяа гзл̣исийлад̇ааяа барзсам̣ гзл̣иниссаяо ж̇аад̇о, сагго бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne tesu bhikkhūsu keci sotāpannā, keci sakadāgāmino, keci anāgāmino, keci arahanto ahesuṃ. ‘‘Tadā rājā lakuṇḍakabhaddiyo ahosi, so tāya keḷisīlatāya paresaṃ keḷinissayo jāto, sakko pana ahameva ahosi’’nti.
гзл̣исийлаж̇аад̇агаван̣н̣анаа д̣̇уд̇ияаа.
Keḷisīlajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 202. гзл̣исийлаж̇аад̇агам̣ • 202. Keḷisīlajātakaṃ
