| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
182. гзн̣ияаж̇адилавад̇т̇у
182. Keṇiyajaṭilavatthu
300. 1 ат̇а ко бхаг̇аваа анубуб̣б̣зна жааригам̣ жарамаано язна аабан̣ам̣ д̇ад̣̇авасари. ассоси ко гзн̣ияо ж̇адило – ‘‘саман̣о калу бхо г̇од̇амо сагяабуд̇д̇о сагяагулаа баб̣б̣аж̇ид̇о аабан̣ам̣ ануббад̇д̇о, д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о…бз… саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и. ат̇а ко гзн̣ияасса ж̇адиласса зд̇ад̣̇ахоси – ‘‘гим̣ ну ко ахам̣ саман̣асса г̇од̇амасса хараабзяяа’’нд̇и. ат̇а ко гзн̣ияасса ж̇адиласса зд̇ад̣̇ахоси – ‘‘язби ко д̇з б̣раахман̣аанам̣ 2 буб̣б̣агаа исаяо манд̇аанам̣ гад̇д̇ааро манд̇аанам̣ бавад̇д̇ааро, язсамид̣̇ам̣ зд̇арахи б̣раахман̣аа бораан̣ам̣ манд̇абад̣̇ам̣ г̇ийд̇ам̣ бавуд̇д̇ам̣ самихид̇ам̣, д̇ад̣̇ануг̇ааяанд̇и д̇ад̣̇анубхаасанд̇и, бхаасид̇аманубхаасанд̇и, ваажид̇амануваажзнд̇и, сзяяат̇ид̣̇ам̣ – адтаго ваамаго ваамад̣̇зво взссаамид̇д̇о яамад̇аг̇г̇и 3 ан̇г̇ийрасо бхаарад̣̇вааж̇о ваасздто гассабо бхаг̇у 4, рад̇д̇уубарад̇аа вирад̇аа вигаалабхож̇анаа, д̇з зваруубаани баанаани саад̣̇ияим̣су. саман̣оби г̇од̇амо рад̇д̇уубарад̇о вирад̇о вигаалабхож̇анаа, арахад̇и саман̣оби г̇од̇амо зваруубаани баанаани саад̣̇ияид̇у’’нд̇и бахууд̇ам̣ баанам̣ бадияаад̣̇аабзд̇ваа гааж̇зхи г̇аахаабзд̇ваа язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и; саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтааси. згаманд̇ам̣ тид̇о ко гзн̣ияо ж̇адило бхаг̇аванд̇ам̣ зд̇ад̣̇авожа – ‘‘бадиг̇г̇ан̣хаад̇у мз бхавам̣ г̇од̇амо баана’’нд̇и. д̇зна хи, гзн̣ияа, бхигкуунам̣ д̣̇зхийд̇и. ат̇а ко гзн̣ияо ж̇адило бхигкуунам̣ д̣̇зд̇и. бхигкуу гуггужжааяанд̇аа на бадиг̇г̇ан̣ханд̇и. бадиг̇г̇ан̣хат̇а, бхигкавз, барибхун̃ж̇ат̇аад̇и. ат̇а ко гзн̣ияо ж̇адило б̣уд̣̇д̇хаббамукам̣ бхигкусан̇гхам̣ бахууд̇зхи баанзхи сахад̇т̇аа санд̇аббзд̇ваа самбаваарзд̇ваа бхаг̇аванд̇ам̣ д̇ход̇ахад̇т̇ам̣ онийд̇абад̇д̇абаан̣им̣ згаманд̇ам̣ нисийд̣̇и. згаманд̇ам̣ нисиннам̣ ко гзн̣ияам̣ ж̇адилам̣ бхаг̇аваа д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко гзн̣ияо ж̇адило бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. махаа ко, гзн̣ияа, бхигкусан̇гхо ад̣дхад̇зласаани бхигкусад̇аани, д̇ван̃жа б̣раахман̣зсу абхиббасаннод̇и. д̣̇уд̇ияамби ко гзн̣ияо ж̇адило бхаг̇аванд̇ам̣ зд̇ад̣̇авожа – ‘‘гин̃жааби ко, бхо г̇од̇ама, махаа бхигкусан̇гхо ад̣дхад̇зласаани бхигкусад̇аани, ахан̃жа б̣раахман̣зсу абхиббасанно, ад̇хиваасзд̇у мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. махаа ко, гзн̣ияа, бхигкусан̇гхо ад̣дхад̇зласаани бхигкусад̇аани, д̇ван̃жа б̣раахман̣зсу абхиббасаннод̇и . д̇ад̇ияамби ко гзн̣ияо ж̇адило бхаг̇аванд̇ам̣ зд̇ад̣̇авожа – ‘‘гин̃жааби ко, бхо г̇од̇ама, махаа бхигкусан̇гхо ад̣дхад̇зласаани бхигкусад̇аани, ахан̃жа б̣раахман̣зсу абхиббасанно, ад̇хиваасзд̇у бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко гзн̣ияо ж̇адило бхаг̇авад̇о ад̇хиваасанам̣ вид̣̇ид̇ваа удтааяаасанаа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, адта баанаани – амб̣абаанам̣ ж̇амб̣убаанам̣ жожабаанам̣ можабаанам̣ мад̇хуугабаанам̣ 5 муд̣̇д̣̇игабаанам̣ саалуугабаанам̣ паарусагабаанам̣. ануж̇аанаами, бхигкавз, саб̣б̣ам̣ паларасам̣ табзд̇ваа д̇хан̃н̃апаларасам̣. ануж̇аанаами, бхигкавз, саб̣б̣ам̣ бад̇д̇арасам̣ табзд̇ваа д̣аагарасам̣. ануж̇аанаами, бхигкавз, саб̣б̣ам̣ бубпарасам̣ табзд̇ваа мад̇хуугабубпарасам̣. ануж̇аанаами, бхигкавз, ужчураса’’нд̇и.
300.6 Atha kho bhagavā anupubbena cārikaṃ caramāno yena āpaṇaṃ tadavasari. Assosi kho keṇiyo jaṭilo – ‘‘samaṇo khalu bho gotamo sakyaputto sakyakulā pabbajito āpaṇaṃ anuppatto, taṃ kho pana bhavantaṃ gotamaṃ evaṃ kalyāṇo kittisaddo abbhuggato…pe… sādhu kho pana tathārūpānaṃ arahataṃ dassanaṃ hotī’’ti. Atha kho keṇiyassa jaṭilassa etadahosi – ‘‘kiṃ nu kho ahaṃ samaṇassa gotamassa harāpeyya’’nti. Atha kho keṇiyassa jaṭilassa etadahosi – ‘‘yepi kho te brāhmaṇānaṃ 7 pubbakā isayo mantānaṃ kattāro mantānaṃ pavattāro, yesamidaṃ etarahi brāhmaṇā porāṇaṃ mantapadaṃ gītaṃ pavuttaṃ samihitaṃ, tadanugāyanti tadanubhāsanti, bhāsitamanubhāsanti, vācitamanuvācenti, seyyathidaṃ – aṭṭhako vāmako vāmadevo vessāmitto yamataggi 8 aṅgīraso bhāradvājo vāseṭṭho kassapo bhagu 9, rattūparatā viratā vikālabhojanā, te evarūpāni pānāni sādiyiṃsu. Samaṇopi gotamo rattūparato virato vikālabhojanā, arahati samaṇopi gotamo evarūpāni pānāni sādiyitu’’nti pahūtaṃ pānaṃ paṭiyādāpetvā kājehi gāhāpetvā yena bhagavā tenupasaṅkami; upasaṅkamitvā bhagavatā saddhiṃ sammodi; sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho keṇiyo jaṭilo bhagavantaṃ etadavoca – ‘‘paṭiggaṇhātu me bhavaṃ gotamo pāna’’nti. Tena hi, keṇiya, bhikkhūnaṃ dehīti. Atha kho keṇiyo jaṭilo bhikkhūnaṃ deti. Bhikkhū kukkuccāyantā na paṭiggaṇhanti. Paṭiggaṇhatha, bhikkhave, paribhuñjathāti. Atha kho keṇiyo jaṭilo buddhappamukhaṃ bhikkhusaṅghaṃ pahūtehi pānehi sahatthā santappetvā sampavāretvā bhagavantaṃ dhotahatthaṃ onītapattapāṇiṃ ekamantaṃ nisīdi. Ekamantaṃ nisinnaṃ kho keṇiyaṃ jaṭilaṃ bhagavā dhammiyā kathāya sandassesi samādapesi samuttejesi sampahaṃsesi. Atha kho keṇiyo jaṭilo bhagavatā dhammiyā kathāya sandassito samādapito samuttejito sampahaṃsito bhagavantaṃ etadavoca – ‘‘adhivāsetu me bhavaṃ gotamo svātanāya bhattaṃ saddhiṃ bhikkhusaṅghenā’’ti. Mahā kho, keṇiya, bhikkhusaṅgho aḍḍhatelasāni bhikkhusatāni, tvañca brāhmaṇesu abhippasannoti. Dutiyampi kho keṇiyo jaṭilo bhagavantaṃ etadavoca – ‘‘kiñcāpi kho, bho gotama, mahā bhikkhusaṅgho aḍḍhatelasāni bhikkhusatāni, ahañca brāhmaṇesu abhippasanno, adhivāsetu me bhavaṃ gotamo svātanāya bhattaṃ saddhiṃ bhikkhusaṅghenā’’ti. Mahā kho, keṇiya, bhikkhusaṅgho aḍḍhatelasāni bhikkhusatāni, tvañca brāhmaṇesu abhippasannoti . Tatiyampi kho keṇiyo jaṭilo bhagavantaṃ etadavoca – ‘‘kiñcāpi kho, bho gotama, mahā bhikkhusaṅgho aḍḍhatelasāni bhikkhusatāni, ahañca brāhmaṇesu abhippasanno, adhivāsetu bhavaṃ gotamo svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena. Atha kho keṇiyo jaṭilo bhagavato adhivāsanaṃ viditvā uṭṭhāyāsanā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, aṭṭha pānāni – ambapānaṃ jambupānaṃ cocapānaṃ mocapānaṃ madhūkapānaṃ 10 muddikapānaṃ sālūkapānaṃ phārusakapānaṃ. Anujānāmi, bhikkhave, sabbaṃ phalarasaṃ ṭhapetvā dhaññaphalarasaṃ. Anujānāmi, bhikkhave, sabbaṃ pattarasaṃ ṭhapetvā ḍākarasaṃ. Anujānāmi, bhikkhave, sabbaṃ puppharasaṃ ṭhapetvā madhūkapuppharasaṃ. Anujānāmi, bhikkhave, ucchurasa’’nti.
ат̇а ко гзн̣ияо ж̇адило д̇ассаа рад̇д̇ияаа ажжаязна сагз ассамз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бхо г̇од̇ама, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна гзн̣ияасса ж̇адиласса ассамо д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко гзн̣ияо ж̇адило б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ згаманд̇ам̣ нисийд̣̇и. згаманд̇ам̣ нисиннам̣ ко гзн̣ияам̣ ж̇адилам̣ бхаг̇аваа имаахи г̇аат̇аахи анумод̣̇и –
Atha kho keṇiyo jaṭilo tassā rattiyā accayena sake assame paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bho gotama, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya yena keṇiyassa jaṭilassa assamo tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena. Atha kho keṇiyo jaṭilo buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappetvā sampavāretvā bhagavantaṃ bhuttāviṃ onītapattapāṇiṃ ekamantaṃ nisīdi. Ekamantaṃ nisinnaṃ kho keṇiyaṃ jaṭilaṃ bhagavā imāhi gāthāhi anumodi –
‘‘аг̇г̇ихуд̇д̇амукаа яан̃н̃аа, саавид̇д̇ий чанд̣̇асо мукам̣;
‘‘Aggihuttamukhā yaññā, sāvittī chandaso mukhaṃ;
рааж̇аа мукам̣ мануссаанам̣, над̣̇ийнам̣ сааг̇аро мукам̣.
Rājā mukhaṃ manussānaṃ, nadīnaṃ sāgaro mukhaṃ.
‘‘нагкад̇д̇аанам̣ мукам̣ жанд̣̇о, аад̣̇ижжо д̇абад̇ам̣ мукам̣;
‘‘Nakkhattānaṃ mukhaṃ cando, ādicco tapataṃ mukhaṃ;
бун̃н̃ам̣ ааган̇камаанаанам̣ сан̇гхо, вз яаж̇ад̇ам̣ мука’’нд̇и.
Puññaṃ ākaṅkhamānānaṃ saṅgho, ve yajataṃ mukha’’nti.
ат̇а ко бхаг̇аваа гзн̣ияам̣ ж̇адилам̣ имаахи г̇аат̇аахи анумод̣̇ид̇ваа удтааяаасанаа баггаами.
Atha kho bhagavā keṇiyaṃ jaṭilaṃ imāhi gāthāhi anumoditvā uṭṭhāyāsanā pakkāmi.
гзн̣ияаж̇адилавад̇т̇у нидтид̇ам̣.
Keṇiyajaṭilavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гзн̣ияаж̇адилавад̇т̇угат̇аа • Keṇiyajaṭilavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / гзн̣ияаж̇адилавад̇т̇угат̇ааван̣н̣анаа • Keṇiyajaṭilavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гзн̣ияаж̇адилавад̇т̇угат̇ааван̣н̣анаа • Keṇiyajaṭilavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гзн̣ияаж̇адилавад̇т̇угат̇ааван̣н̣анаа • Keṇiyajaṭilavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 182. гзн̣ияаж̇адилавад̇т̇угат̇аа • 182. Keṇiyajaṭilavatthukathā
