| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
১৮২. কেণিযজটিলৰত্থুকথা
182. Keṇiyajaṭilavatthukathā
৩০০. কাজেহীতি এত্থ কাজস্স গণনং দস্সেন্তো আহ ‘‘পঞ্চহি কাজসতেহী’’তি। একেন কাজেন দ্ৰিন্নং কুটানং গহিতত্তা ৰুত্তং ‘‘কুটসহস্স’’ন্তি। ৰোতি তুম্হে। সুট্ঠু পসন্নোতি সম্বন্ধো।
300.Kājehīti ettha kājassa gaṇanaṃ dassento āha ‘‘pañcahi kājasatehī’’ti. Ekena kājena dvinnaṃ kuṭānaṃ gahitattā vuttaṃ ‘‘kuṭasahassa’’nti. Voti tumhe. Suṭṭhu pasannoti sambandho.
তত্থাতি ‘‘অট্ঠ পানানী’’তি পাঠে, অট্ঠসু পানেসু ৰা। ‘‘অম্বেহি কতপান’’ন্তি ইমিনা মজ্ঝেলোপসমাসং দস্সেতি। তত্থাতি আমপক্কেসু। করোন্তেন কাতব্বন্তি সম্বন্ধো। আদিচ্চপাকেনাতি আদিচ্চহেতুনা পচনেন। পুরেভত্তমেৰ কপ্পতীতি ভিক্খুনা সযং কতত্তা পুরেভত্তমেৰ কপ্পতি। তেন ৰুত্তং ‘‘অনুপসম্পন্নেহী’’তিআদি। কতং অম্বপানন্তি সম্বন্ধো। সব্বপানেসূতি জম্বুপানাদীসু সব্বেসু পানেসু।
Tatthāti ‘‘aṭṭha pānānī’’ti pāṭhe, aṭṭhasu pānesu vā. ‘‘Ambehi katapāna’’nti iminā majjhelopasamāsaṃ dasseti. Tatthāti āmapakkesu. Karontena kātabbanti sambandho. Ādiccapākenāti ādiccahetunā pacanena. Purebhattameva kappatīti bhikkhunā sayaṃ katattā purebhattameva kappati. Tena vuttaṃ ‘‘anupasampannehī’’tiādi. Kataṃ ambapānanti sambandho. Sabbapānesūti jambupānādīsu sabbesu pānesu.
তেসূতি জম্বুপানাদীসু সত্তসু পানেসু। পনসদ্দো ৰিসেসত্থজোতকো। জম্বুফলেহীতি আমেহি ৰা পক্কেহি ৰা জম্বুফলেহি। অট্ঠিকেহীতি অট্ঠি অস্মিমত্থীতি অট্ঠিকং ফলং। জাতিরসেনাতি যথাজাতেন রসেন। ইমিনা মধুসক্খরকপ্পুরাদীহি ন যোজেতব্বোতি দস্সেতি। তং পনাতি মধুকপানং পন। মুদ্দিকাতি মুদ্দিকফলানি। সালুকেতি কন্দে। সত্তন্নং ধঞ্ঞানং ফলরসন্তি তণ্ডুলধোৰনোদকং। ‘‘পক্কডাকরস’’ন্তি ইমিনা অপক্কডাকরসং ৰট্টতীতি দীপেতি। হীতি সচ্চং, ৰিত্থারো ৰা। রসোতি পক্করসো। পটিগ্গহেত্ৰা ঠপিতসব্বিআদীহি পক্কানং যাৰজীৰিকানং পত্তানং রসোতি যোজনা। পক্কং যাৰজীৰিকপত্তরসন্তি সম্বন্ধো। যাৰকালিকপত্তানম্পীতি পিসদ্দো পগেৰ যাৰজীৰিকপত্তানন্তি দস্সেতি। যং পানন্তি যং মধুকপুপ্ফরসপানং। সোতি মধুকপুপ্ফরসো। তেনাতি মধুকপুপ্ফেন। যতো কালতো পট্ঠায মজ্জং ন করোন্তি, ততোতি যোজনা। উচ্ছুরসো নিকসটো পচ্ছাভত্তং ৰট্টতি সত্তাহকালিকত্তা। ইমে চত্তারো রসাতি ফলপত্তপুপ্ফউচ্ছুরসসঙ্খাতা ইমে চত্তারো রসা। অগ্গিহুত্তমুখাতি যঞ্ঞা অগ্গিহুতমুখা, অগ্গিহুতসেট্ঠাতি অত্থো।
Tesūti jambupānādīsu sattasu pānesu. Panasaddo visesatthajotako. Jambuphalehīti āmehi vā pakkehi vā jambuphalehi. Aṭṭhikehīti aṭṭhi asmimatthīti aṭṭhikaṃ phalaṃ. Jātirasenāti yathājātena rasena. Iminā madhusakkharakappurādīhi na yojetabboti dasseti. Taṃ panāti madhukapānaṃ pana. Muddikāti muddikaphalāni. Sāluketi kande. Sattannaṃ dhaññānaṃ phalarasanti taṇḍuladhovanodakaṃ. ‘‘Pakkaḍākarasa’’nti iminā apakkaḍākarasaṃ vaṭṭatīti dīpeti. Hīti saccaṃ, vitthāro vā. Rasoti pakkaraso. Paṭiggahetvā ṭhapitasabbiādīhi pakkānaṃ yāvajīvikānaṃ pattānaṃ rasoti yojanā. Pakkaṃ yāvajīvikapattarasanti sambandho. Yāvakālikapattānampīti pisaddo pageva yāvajīvikapattānanti dasseti. Yaṃ pānanti yaṃ madhukapuppharasapānaṃ. Soti madhukapuppharaso. Tenāti madhukapupphena. Yato kālato paṭṭhāya majjaṃ na karonti, tatoti yojanā. Ucchuraso nikasaṭo pacchābhattaṃ vaṭṭati sattāhakālikattā. Ime cattāro rasāti phalapattapupphaucchurasasaṅkhātā ime cattāro rasā. Aggihuttamukhāti yaññā aggihutamukhā, aggihutaseṭṭhāti attho.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১৮২. কেণিযজটিলৰত্থু • 182. Keṇiyajaṭilavatthu
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / কেণিযজটিলৰত্থুকথা • Keṇiyajaṭilavatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / কেণিযজটিলৰত্থুকথাৰণ্ণনা • Keṇiyajaṭilavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / কেণিযজটিলৰত্থুকথাৰণ্ণনা • Keṇiyajaṭilavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / কেণিযজটিলৰত্থুকথাৰণ্ণনা • Keṇiyajaṭilavatthukathāvaṇṇanā
