| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੮੨. ਕੇਣਿਯਜਟਿਲવਤ੍ਥੁਕਥਾ
182. Keṇiyajaṭilavatthukathā
੩੦੦. ਕਾਜੇਹੀਤਿ ਏਤ੍ਥ ਕਾਜਸ੍ਸ ਗਣਨਂ ਦਸ੍ਸੇਨ੍ਤੋ ਆਹ ‘‘ਪਞ੍ਚਹਿ ਕਾਜਸਤੇਹੀ’’ਤਿ। ਏਕੇਨ ਕਾਜੇਨ ਦ੍વਿਨ੍ਨਂ ਕੁਟਾਨਂ ਗਹਿਤਤ੍ਤਾ વੁਤ੍ਤਂ ‘‘ਕੁਟਸਹਸ੍ਸ’’ਨ੍ਤਿ। વੋਤਿ ਤੁਮ੍ਹੇ। ਸੁਟ੍ਠੁ ਪਸਨ੍ਨੋਤਿ ਸਮ੍ਬਨ੍ਧੋ।
300.Kājehīti ettha kājassa gaṇanaṃ dassento āha ‘‘pañcahi kājasatehī’’ti. Ekena kājena dvinnaṃ kuṭānaṃ gahitattā vuttaṃ ‘‘kuṭasahassa’’nti. Voti tumhe. Suṭṭhu pasannoti sambandho.
ਤਤ੍ਥਾਤਿ ‘‘ਅਟ੍ਠ ਪਾਨਾਨੀ’’ਤਿ ਪਾਠੇ, ਅਟ੍ਠਸੁ ਪਾਨੇਸੁ વਾ। ‘‘ਅਮ੍ਬੇਹਿ ਕਤਪਾਨ’’ਨ੍ਤਿ ਇਮਿਨਾ ਮਜ੍ਝੇਲੋਪਸਮਾਸਂ ਦਸ੍ਸੇਤਿ। ਤਤ੍ਥਾਤਿ ਆਮਪਕ੍ਕੇਸੁ। ਕਰੋਨ੍ਤੇਨ ਕਾਤਬ੍ਬਨ੍ਤਿ ਸਮ੍ਬਨ੍ਧੋ। ਆਦਿਚ੍ਚਪਾਕੇਨਾਤਿ ਆਦਿਚ੍ਚਹੇਤੁਨਾ ਪਚਨੇਨ। ਪੁਰੇਭਤ੍ਤਮੇવ ਕਪ੍ਪਤੀਤਿ ਭਿਕ੍ਖੁਨਾ ਸਯਂ ਕਤਤ੍ਤਾ ਪੁਰੇਭਤ੍ਤਮੇવ ਕਪ੍ਪਤਿ। ਤੇਨ વੁਤ੍ਤਂ ‘‘ਅਨੁਪਸਮ੍ਪਨ੍ਨੇਹੀ’’ਤਿਆਦਿ। ਕਤਂ ਅਮ੍ਬਪਾਨਨ੍ਤਿ ਸਮ੍ਬਨ੍ਧੋ। ਸਬ੍ਬਪਾਨੇਸੂਤਿ ਜਮ੍ਬੁਪਾਨਾਦੀਸੁ ਸਬ੍ਬੇਸੁ ਪਾਨੇਸੁ।
Tatthāti ‘‘aṭṭha pānānī’’ti pāṭhe, aṭṭhasu pānesu vā. ‘‘Ambehi katapāna’’nti iminā majjhelopasamāsaṃ dasseti. Tatthāti āmapakkesu. Karontena kātabbanti sambandho. Ādiccapākenāti ādiccahetunā pacanena. Purebhattameva kappatīti bhikkhunā sayaṃ katattā purebhattameva kappati. Tena vuttaṃ ‘‘anupasampannehī’’tiādi. Kataṃ ambapānanti sambandho. Sabbapānesūti jambupānādīsu sabbesu pānesu.
ਤੇਸੂਤਿ ਜਮ੍ਬੁਪਾਨਾਦੀਸੁ ਸਤ੍ਤਸੁ ਪਾਨੇਸੁ। ਪਨਸਦ੍ਦੋ વਿਸੇਸਤ੍ਥਜੋਤਕੋ। ਜਮ੍ਬੁਫਲੇਹੀਤਿ ਆਮੇਹਿ વਾ ਪਕ੍ਕੇਹਿ વਾ ਜਮ੍ਬੁਫਲੇਹਿ। ਅਟ੍ਠਿਕੇਹੀਤਿ ਅਟ੍ਠਿ ਅਸ੍ਮਿਮਤ੍ਥੀਤਿ ਅਟ੍ਠਿਕਂ ਫਲਂ। ਜਾਤਿਰਸੇਨਾਤਿ ਯਥਾਜਾਤੇਨ ਰਸੇਨ। ਇਮਿਨਾ ਮਧੁਸਕ੍ਖਰਕਪ੍ਪੁਰਾਦੀਹਿ ਨ ਯੋਜੇਤਬ੍ਬੋਤਿ ਦਸ੍ਸੇਤਿ। ਤਂ ਪਨਾਤਿ ਮਧੁਕਪਾਨਂ ਪਨ। ਮੁਦ੍ਦਿਕਾਤਿ ਮੁਦ੍ਦਿਕਫਲਾਨਿ। ਸਾਲੁਕੇਤਿ ਕਨ੍ਦੇ। ਸਤ੍ਤਨ੍ਨਂ ਧਞ੍ਞਾਨਂ ਫਲਰਸਨ੍ਤਿ ਤਣ੍ਡੁਲਧੋવਨੋਦਕਂ। ‘‘ਪਕ੍ਕਡਾਕਰਸ’’ਨ੍ਤਿ ਇਮਿਨਾ ਅਪਕ੍ਕਡਾਕਰਸਂ વਟ੍ਟਤੀਤਿ ਦੀਪੇਤਿ। ਹੀਤਿ ਸਚ੍ਚਂ, વਿਤ੍ਥਾਰੋ વਾ। ਰਸੋਤਿ ਪਕ੍ਕਰਸੋ। ਪਟਿਗ੍ਗਹੇਤ੍વਾ ਠਪਿਤਸਬ੍ਬਿਆਦੀਹਿ ਪਕ੍ਕਾਨਂ ਯਾવਜੀવਿਕਾਨਂ ਪਤ੍ਤਾਨਂ ਰਸੋਤਿ ਯੋਜਨਾ। ਪਕ੍ਕਂ ਯਾવਜੀવਿਕਪਤ੍ਤਰਸਨ੍ਤਿ ਸਮ੍ਬਨ੍ਧੋ। ਯਾવਕਾਲਿਕਪਤ੍ਤਾਨਮ੍ਪੀਤਿ ਪਿਸਦ੍ਦੋ ਪਗੇવ ਯਾવਜੀવਿਕਪਤ੍ਤਾਨਨ੍ਤਿ ਦਸ੍ਸੇਤਿ। ਯਂ ਪਾਨਨ੍ਤਿ ਯਂ ਮਧੁਕਪੁਪ੍ਫਰਸਪਾਨਂ। ਸੋਤਿ ਮਧੁਕਪੁਪ੍ਫਰਸੋ। ਤੇਨਾਤਿ ਮਧੁਕਪੁਪ੍ਫੇਨ। ਯਤੋ ਕਾਲਤੋ ਪਟ੍ਠਾਯ ਮਜ੍ਜਂ ਨ ਕਰੋਨ੍ਤਿ, ਤਤੋਤਿ ਯੋਜਨਾ। ਉਚ੍ਛੁਰਸੋ ਨਿਕਸਟੋ ਪਚ੍ਛਾਭਤ੍ਤਂ વਟ੍ਟਤਿ ਸਤ੍ਤਾਹਕਾਲਿਕਤ੍ਤਾ। ਇਮੇ ਚਤ੍ਤਾਰੋ ਰਸਾਤਿ ਫਲਪਤ੍ਤਪੁਪ੍ਫਉਚ੍ਛੁਰਸਸਙ੍ਖਾਤਾ ਇਮੇ ਚਤ੍ਤਾਰੋ ਰਸਾ। ਅਗ੍ਗਿਹੁਤ੍ਤਮੁਖਾਤਿ ਯਞ੍ਞਾ ਅਗ੍ਗਿਹੁਤਮੁਖਾ, ਅਗ੍ਗਿਹੁਤਸੇਟ੍ਠਾਤਿ ਅਤ੍ਥੋ।
Tesūti jambupānādīsu sattasu pānesu. Panasaddo visesatthajotako. Jambuphalehīti āmehi vā pakkehi vā jambuphalehi. Aṭṭhikehīti aṭṭhi asmimatthīti aṭṭhikaṃ phalaṃ. Jātirasenāti yathājātena rasena. Iminā madhusakkharakappurādīhi na yojetabboti dasseti. Taṃ panāti madhukapānaṃ pana. Muddikāti muddikaphalāni. Sāluketi kande. Sattannaṃ dhaññānaṃ phalarasanti taṇḍuladhovanodakaṃ. ‘‘Pakkaḍākarasa’’nti iminā apakkaḍākarasaṃ vaṭṭatīti dīpeti. Hīti saccaṃ, vitthāro vā. Rasoti pakkaraso. Paṭiggahetvā ṭhapitasabbiādīhi pakkānaṃ yāvajīvikānaṃ pattānaṃ rasoti yojanā. Pakkaṃ yāvajīvikapattarasanti sambandho. Yāvakālikapattānampīti pisaddo pageva yāvajīvikapattānanti dasseti. Yaṃ pānanti yaṃ madhukapuppharasapānaṃ. Soti madhukapuppharaso. Tenāti madhukapupphena. Yato kālato paṭṭhāya majjaṃ na karonti, tatoti yojanā. Ucchuraso nikasaṭo pacchābhattaṃ vaṭṭati sattāhakālikattā. Ime cattāro rasāti phalapattapupphaucchurasasaṅkhātā ime cattāro rasā. Aggihuttamukhāti yaññā aggihutamukhā, aggihutaseṭṭhāti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੮੨. ਕੇਣਿਯਜਟਿਲવਤ੍ਥੁ • 182. Keṇiyajaṭilavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਕੇਣਿਯਜਟਿਲવਤ੍ਥੁਕਥਾ • Keṇiyajaṭilavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਕੇਣਿਯਜਟਿਲવਤ੍ਥੁਕਥਾવਣ੍ਣਨਾ • Keṇiyajaṭilavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਕੇਣਿਯਜਟਿਲવਤ੍ਥੁਕਥਾવਣ੍ਣਨਾ • Keṇiyajaṭilavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਕੇਣਿਯਜਟਿਲવਤ੍ਥੁਕਥਾવਣ੍ਣਨਾ • Keṇiyajaṭilavatthukathāvaṇṇanā
