| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
கேணியஜடிலவத்து²கதா²வண்ணனா
Keṇiyajaṭilavatthukathāvaṇṇanā
300. ஜடிலோதி ஆஹரிமஜடாத⁴ரோ தாபஸவேஸதா⁴ரகோ யஞ்ஞயுத்தோ லோகபூஜிதோ ப்³ராஹ்மணோ. பவத்தாரோ பாவசனவஸேன வத்தாரோ. யேஸங் ஸந்தகமித³ங், யேஹி வா இத³ங் கீ³தந்தி அத்தோ². கீ³தங் பவுத்தங் ஸமிஹிதந்தி அஞ்ஞமஞ்ஞஸ்ஸ பரியாயவசனங் வுத்தந்தி அத்தோ². தத³னுகா³யந்தீதி தங் தேஹி புப்³பே³ கீ³தங் அனுகா³யந்தி. ஏவங் ஸேஸேஸு ச.
300.Jaṭiloti āharimajaṭādharo tāpasavesadhārako yaññayutto lokapūjito brāhmaṇo. Pavattāro pāvacanavasena vattāro. Yesaṃ santakamidaṃ, yehi vā idaṃ gītanti attho. Gītaṃ pavuttaṃ samihitanti aññamaññassa pariyāyavacanaṃ vuttanti attho. Tadanugāyantīti taṃ tehi pubbe gītaṃ anugāyanti. Evaṃ sesesu ca.
யாவகாலிகபக்கானந்தி பக்கே ஸந்தா⁴ய வுத்தங், ஆமானி பன அனுபஸம்பன்னேஹி ஸீதுத³கே மத்³தி³த்வா பரிஸ்ஸாவெத்வா தி³ன்னபானங் பச்சா²ப⁴த்தம்பி கப்பதி ஏவ. அயஞ்ச அத்தோ² மஹாஅட்ட²கதா²யங் ஸரூபதோ அவுத்தோதி ஆஹ ‘‘குருந்தி³யங் பனா’’திஆதி³. ‘‘உச்சு²ரஸோ நிகஸடோ’’தி இத³ங் பாதப்³ப³ஸாமஞ்ஞேன யாமகாலிககதா²யங் வுத்தங், தங் பன ஸத்தாஹகாலிகமேவாதி க³ஹேதப்³ப³ங். இமே சத்தாரோ ரஸாதி ப²லபத்தபுப்ப²உச்சு²ரஸா சத்தாரோ.
Yāvakālikapakkānanti pakke sandhāya vuttaṃ, āmāni pana anupasampannehi sītudake madditvā parissāvetvā dinnapānaṃ pacchābhattampi kappati eva. Ayañca attho mahāaṭṭhakathāyaṃ sarūpato avuttoti āha ‘‘kurundiyaṃ panā’’tiādi. ‘‘Ucchuraso nikasaṭo’’ti idaṃ pātabbasāmaññena yāmakālikakathāyaṃ vuttaṃ, taṃ pana sattāhakālikamevāti gahetabbaṃ. Ime cattāro rasāti phalapattapupphaucchurasā cattāro.
பாளியங் அக்³கி³ஹுத்தமுகா²தி அக்³கி³ஜுஹனபுப்³ப³கா. ச²ந்த³ஸோதி வேத³ஸ்ஸ. ஸாவித்தீ முக²ங் பட²மங் ஸஜ்ஜா²யிதப்³பா³தி அத்தோ². தபதந்தி விஜோதந்தானங்.
Pāḷiyaṃ aggihuttamukhāti aggijuhanapubbakā. Chandasoti vedassa. Sāvittī mukhaṃ paṭhamaṃ sajjhāyitabbāti attho. Tapatanti vijotantānaṃ.
கேணியஜடிலவத்து²கதா²வண்ணனா நிட்டி²தா.
Keṇiyajaṭilavatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 182. கேணியஜடிலவத்து² • 182. Keṇiyajaṭilavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / கேணியஜடிலவத்து²கதா² • Keṇiyajaṭilavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / கேணியஜடிலவத்து²கதா²வண்ணனா • Keṇiyajaṭilavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / கேணியஜடிலவத்து²கதா²வண்ணனா • Keṇiyajaṭilavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 182. கேணியஜடிலவத்து²கதா² • 182. Keṇiyajaṭilavatthukathā
