| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
কেণিযজটিলৰত্থুকথাৰণ্ণনা
Keṇiyajaṭilavatthukathāvaṇṇanā
৩০০. ‘‘অত্তনা পটিগ্গহিতং পুরেভত্তমেৰ পরিচ্চজিত্ৰা সামণেরাদীহি পানকং কত্ৰা দিন্নে পুরেভত্তমেৰ ৰট্টতি, ন পচ্ছাভত্তং সৰত্থুকপটিগ্গহিতত্তা’’তি ৰদন্তি, তত্থ পুন পটিগ্গহণে নিদ্দোসত্তা, পুরেভত্তমেৰ পটিগ্গহণস্স নিস্সট্ঠত্তা, অত্তনা চ অগ্গহিতত্তা দোসো ন দিস্সতি, উপপরিক্খিত্ৰা গহেতব্বং। সালূকা নাম কন্দা, ‘‘ইতো কিঞ্চিতক’’ন্তি ৰোহরন্তি। ‘‘ফারুসকন্তি গোল়ৰিসযে একো রুক্খো’’তি চ লিখিতং। ‘‘পক্কডাকরস’’ন্তি ৰিসেসিতত্তা ‘‘অপক্কং ৰট্টতী’’তি ৰুত্তং। কুরুন্দিৰচনেনপি সিদ্ধমেৰ। তণ্ডুলধোৰনোদকম্পি ধঞ্ঞরসো এৰ। ‘‘নিক্কসটো উচ্ছুরসো সত্তাহকালিকো’’তি লিখিতং। সাৰিত্তীতি গাযত্তি। ছন্দসোতি ৰেদস্স। ‘‘ন, ভিক্খৰে, পব্বজিতেন অকপ্পিযে সমাদপেতব্ব’ন্তি ৰুত্তত্তা অনুপসম্পন্নস্সাপি ন কেৰলং দসসু এৰ সিক্খাপদেসু, অথ খো যং ভিক্খুস্স ন কপ্পতি, তস্মিম্পীতি অধিপ্পাযো’’তি ৰুত্তং।
300. ‘‘Attanā paṭiggahitaṃ purebhattameva pariccajitvā sāmaṇerādīhi pānakaṃ katvā dinne purebhattameva vaṭṭati, na pacchābhattaṃ savatthukapaṭiggahitattā’’ti vadanti, tattha puna paṭiggahaṇe niddosattā, purebhattameva paṭiggahaṇassa nissaṭṭhattā, attanā ca aggahitattā doso na dissati, upaparikkhitvā gahetabbaṃ. Sālūkā nāma kandā, ‘‘ito kiñcitaka’’nti voharanti. ‘‘Phārusakanti goḷavisaye eko rukkho’’ti ca likhitaṃ. ‘‘Pakkaḍākarasa’’nti visesitattā ‘‘apakkaṃ vaṭṭatī’’ti vuttaṃ. Kurundivacanenapi siddhameva. Taṇḍuladhovanodakampi dhaññaraso eva. ‘‘Nikkasaṭo ucchuraso sattāhakāliko’’ti likhitaṃ. Sāvittīti gāyatti. Chandasoti vedassa. ‘‘Na, bhikkhave, pabbajitena akappiye samādapetabba’nti vuttattā anupasampannassāpi na kevalaṃ dasasu eva sikkhāpadesu, atha kho yaṃ bhikkhussa na kappati, tasmimpīti adhippāyo’’ti vuttaṃ.
৩০৫. দ্ৰে পটা দেসনামেনেৰাতি চীনপট্টসোমারপট্টানি। তীণীতি পত্তুণ্ণেন সহ তীণি। ইদ্ধিমযিকং এহিভিক্খূনং নিব্বত্তং। দেৰদত্তিযং অনুরুদ্ধত্থেরেন লদ্ধং। ‘‘যামাতিক্কমে সন্নিধিৰসেন সত্তাহাতিক্কমে ভেসজ্জসিক্খাপদৰসেনা’’তি লিখিতং।
305.Dve paṭā desanāmenevāti cīnapaṭṭasomārapaṭṭāni. Tīṇīti pattuṇṇena saha tīṇi. Iddhimayikaṃ ehibhikkhūnaṃ nibbattaṃ. Devadattiyaṃ anuruddhattherena laddhaṃ. ‘‘Yāmātikkame sannidhivasena sattāhātikkame bhesajjasikkhāpadavasenā’’ti likhitaṃ.
ভেসজ্জক্খন্ধকৰণ্ণনা নিট্ঠিতা।
Bhesajjakkhandhakavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৮২. কেণিযজটিলৰত্থু • 182. Keṇiyajaṭilavatthu
১৮৫. চতুমহাপদেসকথা • 185. Catumahāpadesakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā
কেণিযজটিলৰত্থুকথা • Keṇiyajaṭilavatthukathā
চতুমহাপদেসকথা • Catumahāpadesakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
কেণিযজটিলৰত্থুকথাৰণ্ণনা • Keṇiyajaṭilavatthukathāvaṇṇanā
চতুমহাপদেসকথাৰণ্ণনা • Catumahāpadesakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā
কেণিযজটিলৰত্থুকথাৰণ্ণনা • Keṇiyajaṭilavatthukathāvaṇṇanā
চতুমহাপদেসকথাৰণ্ণনা • Catumahāpadesakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
১৮২. কেণিযজটিলৰত্থুকথা • 182. Keṇiyajaṭilavatthukathā
১৮৫. চতুমহাপদেসকথা • 185. Catumahāpadesakathā
