| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
гзн̣ияаж̇адилавад̇т̇угат̇ааван̣н̣анаа
Keṇiyajaṭilavatthukathāvaṇṇanā
300. язна аабан̣ам̣ д̇ад̣̇авасарийд̇иаад̣̇ийсу аабан̣анд̇и згасса ниг̇амассзд̇ам̣ ад̇хиважанам̣. д̇асмим̣ гира ниг̇амз вийсад̇и аабан̣амукасахассаани вибхад̇д̇аани ахзсум̣. ид̇и со аабан̣аанам̣ уссаннад̇д̇аа ‘‘аабан̣а’’нд̇взва сан̇кам̣ г̇ад̇о. д̇асса бана ниг̇амасса авид̣̇уурз над̣̇ийд̇ийрз гханажчааяо раман̣ийяабхуумибхааг̇о махааванасан̣д̣о, д̇асмим̣ бхаг̇аваа вихарад̇и. гзн̣ияод̇и д̇асса наамам̣. ж̇адилод̇и аахаримаж̇адаад̇харо д̇аабасо. со гира б̣раахман̣амахаасаало, д̇ханарагкан̣ад̇т̇ааяа бана д̇аабасабаб̣б̣аж̇ж̇ам̣ самаад̣̇ааяа ран̃н̃о бан̣н̣аагаарам̣ д̣̇ад̇ваа бхуумибхааг̇ам̣ г̇ахзд̇ваа д̇ад̇т̇а ассамам̣ гаарзд̇ваа бан̃жахи сагадасад̇зхи ван̣иж̇ж̇ам̣ баяож̇зд̇ваа гуласахассасса ниссаяо худ̇ваа васад̇и. ассамзби жасса зго д̇ааларугко д̣̇ивасз д̣̇ивасз згам̣ сован̣н̣амаяам̣ палам̣ мун̃жад̇ийд̇и вад̣̇анд̇и. со д̣̇иваа гаасааваани д̇хаарзд̇и, ж̇адаа жа б̣анд̇хад̇и, рад̇д̇им̣ гаамасамбад̇д̇им̣ анубхавад̇и.
300.Yenaāpaṇaṃ tadavasarītiādīsu āpaṇanti ekassa nigamassetaṃ adhivacanaṃ. Tasmiṃ kira nigame vīsati āpaṇamukhasahassāni vibhattāni ahesuṃ. Iti so āpaṇānaṃ ussannattā ‘‘āpaṇa’’ntveva saṅkhaṃ gato. Tassa pana nigamassa avidūre nadītīre ghanacchāyo ramaṇīyabhūmibhāgo mahāvanasaṇḍo, tasmiṃ bhagavā viharati. Keṇiyoti tassa nāmaṃ. Jaṭiloti āharimajaṭādharo tāpaso. So kira brāhmaṇamahāsālo, dhanarakkhaṇatthāya pana tāpasapabbajjaṃ samādāya rañño paṇṇākāraṃ datvā bhūmibhāgaṃ gahetvā tattha assamaṃ kāretvā pañcahi sakaṭasatehi vaṇijjaṃ payojetvā kulasahassassa nissayo hutvā vasati. Assamepi cassa eko tālarukkho divase divase ekaṃ sovaṇṇamayaṃ phalaṃ muñcatīti vadanti. So divā kāsāvāni dhāreti, jaṭā ca bandhati, rattiṃ kāmasampattiṃ anubhavati.
бавад̇д̇аарод̇и (д̣̇ий. ни. адта. 1.285; ма. ни. адта. 2.427; а. ни. адта. 3.5.192) бавад̇д̇аяид̇ааро , бааважанавасзна вад̇д̇аарод̇и ад̇т̇о. язсанд̇и язсам̣ санд̇агам̣. манд̇абад̣̇анд̇и манд̇асад̣̇д̣̇з б̣ахигад̇ваа рахо бхаасид̇аб̣б̣адтзна манд̇аа зва д̇ам̣д̇ам̣ад̇т̇абадибад̇д̇ихзд̇уд̇ааяа бад̣̇анд̇и манд̇абад̣̇ам̣, взд̣̇аважанам̣. г̇ийд̇анд̇и адтагаад̣̇ийхи д̣̇асахи бораан̣аб̣раахман̣зхи уд̣̇аад̇д̇аануд̣̇аад̇д̇аад̣̇исарасамбад̇д̇ивасзна саж̇жхааяид̇ам̣. бавуд̇д̇анд̇и бааважанавасзна ан̃н̃зсам̣ вуд̇д̇ам̣, ваажид̇анд̇и ад̇т̇о. самихид̇анд̇и самубаб̣яуул̣хам̣ раасигад̇ам̣, ирувзд̣̇аяаж̇увзд̣̇асаамавзд̣̇аад̣̇ивасзна д̇ад̇т̇ааби бажжзгам̣ манд̇аб̣раахман̣аад̣̇ивасзна саж̇жхааяанаваажагаад̣̇ивасзна жа бин̣д̣ам̣ гад̇ваа табид̇анд̇и ад̇т̇о. д̇ад̣̇ануг̇ааяанд̇ийд̇и зд̇арахи б̣раахман̣аа д̇ам̣ д̇зхи буб̣б̣з г̇ийд̇ам̣ ануг̇ааяанд̇и анусаж̇жхааяанд̇и. д̇ад̣̇анубхаасанд̇ийд̇и д̇ам̣ анубхаасанд̇и, ид̣̇ам̣ буримассзва взважанам̣. бхаасид̇аманубхаасанд̇ийд̇и д̇зхи бхаасид̇ам̣ саж̇жхааяид̇ам̣ анусаж̇жхааяанд̇и. ваажид̇амануваажзнд̇ийд̇и д̇зхи ан̃н̃зсам̣ ваажид̇ам̣ ануваажзнд̇и. сзяяат̇ид̣̇анд̇и д̇з гад̇амзд̇и ад̇т̇о. адтагод̇иаад̣̇ийни д̇зсам̣ наамаани. д̇з гира д̣̇иб̣б̣ажагкубарибхан̣д̣зна яат̇аагаммуубаг̇ан̃аан̣зна сад̇д̇аанам̣ гаммассагад̇аад̣̇им̣ буб̣б̣зниваасан̃аан̣зна ад̇ийд̇агаббз б̣раахман̣аанам̣ манд̇аж̇жхзнавид̇хин̃жа ологзд̇ваа баруубагхаад̇ам̣ агад̇ваа гассабасаммаасамб̣уд̣̇д̇хасса бхаг̇авад̇о ваддасанниссид̇зна важанзна саха сам̣санд̣̇ид̇ваа манд̇з г̇ант̇зсум̣. абараабарз бана оггаагарааж̇агаалаад̣̇ийсу уббаннаб̣раахман̣аа баан̣аад̇ибаад̇аад̣̇ийни багкибид̇ваа д̇аяо взд̣̇з бхинд̣̇ид̇ваа б̣уд̣̇д̇хаважанзна сад̣̇д̇хим̣ вируд̣̇д̇хз агам̣су. рад̇д̇ибхож̇анам̣ рад̇д̇и, д̇ад̇о убарад̇аад̇и рад̇д̇уубарад̇аа. ад̇игганд̇з маж̇жханхигз яаава суурияад̇т̇ан̇г̇аманаа бхож̇анам̣ вигаалабхож̇анам̣ наама, д̇ад̇о вирад̇ад̇д̇аа вирад̇аа вигаалабхож̇анаа. бадияаад̣̇аабзд̇ваад̇и саббимад̇хусаггараад̣̇ийхи жзва марижзхи жа сусан̇кад̇ам̣ баанам̣ бадияаад̣̇аабзд̇ваа.
Pavattāroti (dī. ni. aṭṭha. 1.285; ma. ni. aṭṭha. 2.427; a. ni. aṭṭha. 3.5.192) pavattayitāro , pāvacanavasena vattāroti attho. Yesanti yesaṃ santakaṃ. Mantapadanti mantasadde bahikatvā raho bhāsitabbaṭṭhena mantā eva taṃtaṃatthapaṭipattihetutāya padanti mantapadaṃ, vedavacanaṃ. Gītanti aṭṭhakādīhi dasahi porāṇabrāhmaṇehi udāttānudāttādisarasampattivasena sajjhāyitaṃ. Pavuttanti pāvacanavasena aññesaṃ vuttaṃ, vācitanti attho. Samihitanti samupabyūḷhaṃ rāsikataṃ, iruvedayajuvedasāmavedādivasena tatthāpi paccekaṃ mantabrāhmaṇādivasena sajjhāyanavācakādivasena ca piṇḍaṃ katvā ṭhapitanti attho. Tadanugāyantīti etarahi brāhmaṇā taṃ tehi pubbe gītaṃ anugāyanti anusajjhāyanti. Tadanubhāsantīti taṃ anubhāsanti, idaṃ purimasseva vevacanaṃ. Bhāsitamanubhāsantīti tehi bhāsitaṃ sajjhāyitaṃ anusajjhāyanti. Vācitamanuvācentīti tehi aññesaṃ vācitaṃ anuvācenti. Seyyathidanti te katameti attho. Aṭṭhakotiādīni tesaṃ nāmāni. Te kira dibbacakkhuparibhaṇḍena yathākammūpagañāṇena sattānaṃ kammassakatādiṃ pubbenivāsañāṇena atītakappe brāhmaṇānaṃ mantajjhenavidhiñca oloketvā parūpaghātaṃ akatvā kassapasammāsambuddhassa bhagavato vaṭṭasannissitena vacanena saha saṃsanditvā mante ganthesuṃ. Aparāpare pana okkākarājakālādīsu uppannabrāhmaṇā pāṇātipātādīni pakkhipitvā tayo vede bhinditvā buddhavacanena saddhiṃ viruddhe akaṃsu. Rattibhojanaṃ ratti, tato uparatāti rattūparatā. Atikkante majjhanhike yāva sūriyatthaṅgamanā bhojanaṃ vikālabhojanaṃ nāma, tato viratattā viratā vikālabhojanā. Paṭiyādāpetvāti sappimadhusakkarādīhi ceva maricehi ca susaṅkhataṃ pānaṃ paṭiyādāpetvā.
‘‘махаа ко гзн̣ияа бхигкусан̇гхо’’д̇и гасмаа бхаг̇аваа бунаббунам̣ бадигкиби? д̇ид̇т̇ияаанам̣ бадигкзбабасаннад̇ааяа. д̇ид̇т̇ияаа хи ‘‘ахо вад̇ааяам̣ аббижчо, яо ниманд̇ияамааноби на саад̣̇ияад̇ий’’д̇и убаниманд̇ияамаанасса бадигкзбз басийд̣̇анд̇ийд̇и гзжи, агааран̣ан̃жзд̇ам̣. над̇т̇и б̣уд̣̇д̇хаанам̣ бажжаяахзд̇у зваруубам̣ гохан̃н̃ам̣, аяам̣ бана ад̣дхад̇зласаани бхигкусад̇аани д̣̇исваа зд̇д̇агаанам̣язва бхигкам̣ бадияаад̣̇зссад̇и, свзва сзло б̣раахман̣о д̇ийхи бурисасад̇зхи сад̣̇д̇хим̣ баб̣б̣аж̇иссад̇и, аяуд̇д̇ам̣ ко бана навагз ан̃н̃ад̇о бзсзд̇ваа имзхзва сад̣̇д̇хим̣ г̇анд̇ум̣, имз ваа ан̃н̃ад̇о бзсзд̇ваа навагзхи сад̣̇д̇хим̣ г̇анд̇ум̣. ат̇ааби саб̣б̣зва г̇ахзд̇ваа г̇амиссаами, бхигкаахааро наббахоссад̇и. д̇ад̇о бхигкуусу бин̣д̣ааяа жаранд̇зсу мануссаа уж̇жхааяиссанд̇и ‘‘жирассамби гзн̣ияо саман̣ам̣ г̇од̇амам̣ ниманд̇зд̇ваа яаабанамад̇д̇ам̣ д̣̇аад̇ум̣ наасагкий’’д̇и, саяан̃жа виббадисаарий бхависсад̇и. бадигкзбз бана гад̇з ‘‘саман̣о г̇од̇амо бунаббунам̣ ‘д̇ван̃жа б̣раахман̣зсу абхиббасанно’д̇и б̣раахман̣аанам̣ наамам̣ г̇ан̣хаад̇ий’’д̇и жинд̇зд̇ваа б̣раахман̣зби ниманд̇зд̇угаамо бхависсад̇и, д̇ад̇о б̣раахман̣з баадиязггам̣ ниманд̇зссад̇и, д̇з д̇зна ниманд̇ид̇аа бхигкуу худ̇ваа бхун̃ж̇иссанд̇и, звамасса сад̣̇д̇хаа анурагкид̇аа бхависсад̇ийд̇и бунаббунам̣ бадигкиби. гин̃жааби ко бхо г̇од̇амаад̇и иминаа ид̣̇ам̣ д̣̇ийбзд̇и ‘‘бхо г̇од̇ама, гим̣ ж̇аад̇ам̣, яад̣̇и ахам̣ б̣раахман̣зсу абхиббасанно, ад̇хиваасзд̇у бхавам̣ г̇од̇амо, ахам̣ б̣раахман̣аанамби д̣̇аад̇ум̣ саггоми д̇умхаагамбий’’д̇и. табзд̇ваа д̇хан̃н̃апаларасанд̇и зд̇т̇а д̇ан̣д̣улад̇хованод̣̇агамби д̇хан̃н̃арасоязваад̇и вад̣̇анд̇и. ануж̇аанаами, бхигкавз, ужчурасанд̇и зд̇т̇а ниггасадо ужчурасо сад̇д̇аахагаалигод̇и взд̣̇ид̇аб̣б̣ам̣.
‘‘Mahā kho keṇiya bhikkhusaṅgho’’ti kasmā bhagavā punappunaṃ paṭikkhipi? Titthiyānaṃ paṭikkhepapasannatāya. Titthiyā hi ‘‘aho vatāyaṃ appiccho, yo nimantiyamānopi na sādiyatī’’ti upanimantiyamānassa paṭikkhepe pasīdantīti keci, akāraṇañcetaṃ. Natthi buddhānaṃ paccayahetu evarūpaṃ kohaññaṃ, ayaṃ pana aḍḍhatelasāni bhikkhusatāni disvā ettakānaṃyeva bhikkhaṃ paṭiyādessati, sveva selo brāhmaṇo tīhi purisasatehi saddhiṃ pabbajissati, ayuttaṃ kho pana navake aññato pesetvā imeheva saddhiṃ gantuṃ, ime vā aññato pesetvā navakehi saddhiṃ gantuṃ. Athāpi sabbeva gahetvā gamissāmi, bhikkhāhāro nappahossati. Tato bhikkhūsu piṇḍāya carantesu manussā ujjhāyissanti ‘‘cirassampi keṇiyo samaṇaṃ gotamaṃ nimantetvā yāpanamattaṃ dātuṃ nāsakkhī’’ti, sayañca vippaṭisārī bhavissati. Paṭikkhepe pana kate ‘‘samaṇo gotamo punappunaṃ ‘tvañca brāhmaṇesu abhippasanno’ti brāhmaṇānaṃ nāmaṃ gaṇhātī’’ti cintetvā brāhmaṇepi nimantetukāmo bhavissati, tato brāhmaṇe pāṭiyekkaṃ nimantessati, te tena nimantitā bhikkhū hutvā bhuñjissanti, evamassa saddhā anurakkhitā bhavissatīti punappunaṃ paṭikkhipi. Kiñcāpi kho bho gotamāti iminā idaṃ dīpeti ‘‘bho gotama, kiṃ jātaṃ, yadi ahaṃ brāhmaṇesu abhippasanno, adhivāsetu bhavaṃ gotamo, ahaṃ brāhmaṇānampi dātuṃ sakkomi tumhākampī’’ti. Ṭhapetvā dhaññaphalarasanti ettha taṇḍuladhovanodakampi dhaññarasoyevāti vadanti. Anujānāmi, bhikkhave, ucchurasanti ettha nikkasaṭo ucchuraso sattāhakālikoti veditabbaṃ.
имаахи г̇аат̇аахийд̇и (ма. ни. адта. 2.400) имаахи гзн̣ияасса жид̇д̇аанугуулаахи г̇аат̇аахи. д̇ад̇т̇а аг̇г̇ибарижарияам̣ винаа б̣раахман̣аанам̣ яан̃н̃аабхаавад̇о ‘‘аг̇г̇ихуд̇д̇амукаа яан̃н̃аа’’д̇и вуд̇д̇ам̣, аг̇г̇ихуд̇д̇асздтаа аг̇г̇иж̇уханаббад̇хаанаад̇и ад̇т̇о. б̣раахман̣аа хи ‘‘аг̇г̇имукаа д̣̇зваа’’д̇и аг̇г̇иж̇уханабуб̣б̣агам̣ яан̃н̃ам̣ вид̣̇аханд̇и. взд̣̇з саж̇жхааяанд̇зхи батамам̣ саж̇жхааяид̇аб̣б̣ад̇о саавид̇д̇ий ‘‘чанд̣̇асо мука’’нд̇и вуд̇д̇аа, саавид̇д̇ий взд̣̇асса буб̣б̣ан̇г̇амаад̇и ад̇т̇о д̇ам̣буб̣б̣агад̇д̇аа взд̣̇асаванасса. мануссаанам̣ сздтабхаавад̇о рааж̇аа ‘‘мука’’нд̇и вуд̇д̇о. ог̇ааханд̇ийнам̣ над̣̇ийнам̣ аад̇хаарабхаавад̇о г̇анд̇аб̣б̣адтаанабхаавзна бадисаран̣ад̇о жа сааг̇аро ‘‘мука’’нд̇и вуд̇д̇о. жанд̣̇асамааяог̇зна ‘‘аж̇ж̇а гад̇д̇игаа, аж̇ж̇а рохин̣ий’’д̇и сан̃н̃ааяанад̇о нагкад̇д̇аани абхибхавид̇ваа аалогагаран̣ад̇о нагкад̇д̇зхи ад̇ивисзсасоммабхаавад̇о жа ‘‘нагкад̇д̇аанам̣ мукам̣ жанд̣̇о’’д̇и вуд̇д̇ам̣. ‘‘д̣̇ийбасикаа аг̇г̇иж̇аалаа асанивижагга’’нд̇и звамаад̣̇ийнам̣ д̇абанд̇аанам̣ виж̇ж̇улад̇аанам̣ аг̇г̇ад̇д̇аа аад̣̇ижжо ‘‘д̇абад̇ам̣ мука’’нд̇и вуд̇д̇о. д̣̇агкин̣зяяаанам̣ бана аг̇г̇ад̇д̇аа висзсзна д̇асмим̣ самаяз б̣уд̣̇д̇хаббамукам̣ сан̇гхам̣ санд̇хааяа ‘‘бун̃н̃ам̣ ааган̇камаанаанам̣, сан̇гхо вз яаж̇ад̇ам̣ мука’’нд̇и вуд̇д̇ам̣. д̇зна сан̇гхо бун̃н̃асса ааяамукам̣ аг̇г̇ад̣̇агкин̣зяяабхаавзнаад̇и д̣̇ассзд̇и.
Imāhigāthāhīti (ma. ni. aṭṭha. 2.400) imāhi keṇiyassa cittānukūlāhi gāthāhi. Tattha aggiparicariyaṃ vinā brāhmaṇānaṃ yaññābhāvato ‘‘aggihuttamukhā yaññā’’ti vuttaṃ, aggihuttaseṭṭhā aggijuhanappadhānāti attho. Brāhmaṇā hi ‘‘aggimukhā devā’’ti aggijuhanapubbakaṃ yaññaṃ vidahanti. Vede sajjhāyantehi paṭhamaṃ sajjhāyitabbato sāvittī ‘‘chandaso mukha’’nti vuttā, sāvittī vedassa pubbaṅgamāti attho taṃpubbakattā vedasavanassa. Manussānaṃ seṭṭhabhāvato rājā ‘‘mukha’’nti vutto. Ogāhantīnaṃ nadīnaṃ ādhārabhāvato gantabbaṭṭhānabhāvena paṭisaraṇato ca sāgaro ‘‘mukha’’nti vutto. Candasamāyogena ‘‘ajja kattikā, ajja rohiṇī’’ti saññāyanato nakkhattāni abhibhavitvā ālokakaraṇato nakkhattehi ativisesasommabhāvato ca ‘‘nakkhattānaṃ mukhaṃ cando’’ti vuttaṃ. ‘‘Dīpasikhā aggijālā asanivicakka’’nti evamādīnaṃ tapantānaṃ vijjulatānaṃ aggattā ādicco ‘‘tapataṃ mukha’’nti vutto. Dakkhiṇeyyānaṃ pana aggattā visesena tasmiṃ samaye buddhappamukhaṃ saṅghaṃ sandhāya ‘‘puññaṃ ākaṅkhamānānaṃ, saṅgho ve yajataṃ mukha’’nti vuttaṃ. Tena saṅgho puññassa āyamukhaṃ aggadakkhiṇeyyabhāvenāti dasseti.
гзн̣ияаж̇адилавад̇т̇угат̇ааван̣н̣анаа нидтид̇аа.
Keṇiyajaṭilavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 182. гзн̣ияаж̇адилавад̇т̇у • 182. Keṇiyajaṭilavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / гзн̣ияаж̇адилавад̇т̇угат̇аа • Keṇiyajaṭilavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гзн̣ияаж̇адилавад̇т̇угат̇ааван̣н̣анаа • Keṇiyajaṭilavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гзн̣ияаж̇адилавад̇т̇угат̇ааван̣н̣анаа • Keṇiyajaṭilavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 182. гзн̣ияаж̇адилавад̇т̇угат̇аа • 182. Keṇiyajaṭilavatthukathā
