| Library / Tipiṭaka / తిపిటక • Tipiṭaka / విమతివినోదనీ-టీకా • Vimativinodanī-ṭīkā |
కేణియజటిలవత్థుకథావణ్ణనా
Keṇiyajaṭilavatthukathāvaṇṇanā
౩౦౦. జటిలోతి ఆహరిమజటాధరో తాపసవేసధారకో యఞ్ఞయుత్తో లోకపూజితో బ్రాహ్మణో. పవత్తారో పావచనవసేన వత్తారో. యేసం సన్తకమిదం, యేహి వా ఇదం గీతన్తి అత్థో. గీతం పవుత్తం సమిహితన్తి అఞ్ఞమఞ్ఞస్స పరియాయవచనం వుత్తన్తి అత్థో. తదనుగాయన్తీతి తం తేహి పుబ్బే గీతం అనుగాయన్తి. ఏవం సేసేసు చ.
300.Jaṭiloti āharimajaṭādharo tāpasavesadhārako yaññayutto lokapūjito brāhmaṇo. Pavattāro pāvacanavasena vattāro. Yesaṃ santakamidaṃ, yehi vā idaṃ gītanti attho. Gītaṃ pavuttaṃ samihitanti aññamaññassa pariyāyavacanaṃ vuttanti attho. Tadanugāyantīti taṃ tehi pubbe gītaṃ anugāyanti. Evaṃ sesesu ca.
యావకాలికపక్కానన్తి పక్కే సన్ధాయ వుత్తం, ఆమాని పన అనుపసమ్పన్నేహి సీతుదకే మద్దిత్వా పరిస్సావేత్వా దిన్నపానం పచ్ఛాభత్తమ్పి కప్పతి ఏవ. అయఞ్చ అత్థో మహాఅట్ఠకథాయం సరూపతో అవుత్తోతి ఆహ ‘‘కురున్దియం పనా’’తిఆది. ‘‘ఉచ్ఛురసో నికసటో’’తి ఇదం పాతబ్బసామఞ్ఞేన యామకాలికకథాయం వుత్తం, తం పన సత్తాహకాలికమేవాతి గహేతబ్బం. ఇమే చత్తారో రసాతి ఫలపత్తపుప్ఫఉచ్ఛురసా చత్తారో.
Yāvakālikapakkānanti pakke sandhāya vuttaṃ, āmāni pana anupasampannehi sītudake madditvā parissāvetvā dinnapānaṃ pacchābhattampi kappati eva. Ayañca attho mahāaṭṭhakathāyaṃ sarūpato avuttoti āha ‘‘kurundiyaṃ panā’’tiādi. ‘‘Ucchuraso nikasaṭo’’ti idaṃ pātabbasāmaññena yāmakālikakathāyaṃ vuttaṃ, taṃ pana sattāhakālikamevāti gahetabbaṃ. Ime cattāro rasāti phalapattapupphaucchurasā cattāro.
పాళియం అగ్గిహుత్తముఖాతి అగ్గిజుహనపుబ్బకా. ఛన్దసోతి వేదస్స. సావిత్తీ ముఖం పఠమం సజ్ఝాయితబ్బాతి అత్థో. తపతన్తి విజోతన్తానం.
Pāḷiyaṃ aggihuttamukhāti aggijuhanapubbakā. Chandasoti vedassa. Sāvittī mukhaṃ paṭhamaṃ sajjhāyitabbāti attho. Tapatanti vijotantānaṃ.
కేణియజటిలవత్థుకథావణ్ణనా నిట్ఠితా.
Keṇiyajaṭilavatthukathāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౧౮౨. కేణియజటిలవత్థు • 182. Keṇiyajaṭilavatthu
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావగ్గ-అట్ఠకథా • Mahāvagga-aṭṭhakathā / కేణియజటిలవత్థుకథా • Keṇiyajaṭilavatthukathā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / కేణియజటిలవత్థుకథావణ్ణనా • Keṇiyajaṭilavatthukathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / కేణియజటిలవత్థుకథావణ్ణనా • Keṇiyajaṭilavatthukathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧౮౨. కేణియజటిలవత్థుకథా • 182. Keṇiyajaṭilavatthukathā
