| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
เกณิยชฎิลวตฺถุกถาวณฺณนา
Keṇiyajaṭilavatthukathāvaṇṇanā
๓๐๐. ‘‘อตฺตนา ปฎิคฺคหิตํ ปุเรภตฺตเมว ปริจฺจชิตฺวา สามเณราทีหิ ปานกํ กตฺวา ทิเนฺน ปุเรภตฺตเมว วฎฺฎติ, น ปจฺฉาภตฺตํ สวตฺถุกปฎิคฺคหิตตฺตา’’ติ วทนฺติ, ตตฺถ ปุน ปฎิคฺคหเณ นิโทฺทสตฺตา, ปุเรภตฺตเมว ปฎิคฺคหณสฺส นิสฺสฎฺฐตฺตา, อตฺตนา จ อคฺคหิตตฺตา โทโส น ทิสฺสติ, อุปปริกฺขิตฺวา คเหตพฺพํฯ สาลูกา นาม กนฺทา, ‘‘อิโต กิญฺจิตก’’นฺติ โวหรนฺติฯ ‘‘ผารุสกนฺติ โคฬวิสเย เอโก รุโกฺข’’ติ จ ลิขิตํฯ ‘‘ปกฺกฑากรส’’นฺติ วิเสสิตตฺตา ‘‘อปกฺกํ วฎฺฎตี’’ติ วุตฺตํฯ กุรุนฺทิวจเนนปิ สิทฺธเมวฯ ตณฺฑุลโธวโนทกมฺปิ ธญฺญรโส เอวฯ ‘‘นิกฺกสโฎ อุจฺฉุรโส สตฺตาหกาลิโก’’ติ ลิขิตํฯ สาวิตฺตีติ คายตฺติฯ ฉนฺทโสติ เวทสฺสฯ ‘‘น, ภิกฺขเว, ปพฺพชิเตน อกปฺปิเย สมาทเปตพฺพ’นฺติ วุตฺตตฺตา อนุปสมฺปนฺนสฺสาปิ น เกวลํ ทสสุ เอว สิกฺขาปเทสุ, อถ โข ยํ ภิกฺขุสฺส น กปฺปติ, ตสฺมิมฺปีติ อธิปฺปาโย’’ติ วุตฺตํฯ
300. ‘‘Attanā paṭiggahitaṃ purebhattameva pariccajitvā sāmaṇerādīhi pānakaṃ katvā dinne purebhattameva vaṭṭati, na pacchābhattaṃ savatthukapaṭiggahitattā’’ti vadanti, tattha puna paṭiggahaṇe niddosattā, purebhattameva paṭiggahaṇassa nissaṭṭhattā, attanā ca aggahitattā doso na dissati, upaparikkhitvā gahetabbaṃ. Sālūkā nāma kandā, ‘‘ito kiñcitaka’’nti voharanti. ‘‘Phārusakanti goḷavisaye eko rukkho’’ti ca likhitaṃ. ‘‘Pakkaḍākarasa’’nti visesitattā ‘‘apakkaṃ vaṭṭatī’’ti vuttaṃ. Kurundivacanenapi siddhameva. Taṇḍuladhovanodakampi dhaññaraso eva. ‘‘Nikkasaṭo ucchuraso sattāhakāliko’’ti likhitaṃ. Sāvittīti gāyatti. Chandasoti vedassa. ‘‘Na, bhikkhave, pabbajitena akappiye samādapetabba’nti vuttattā anupasampannassāpi na kevalaṃ dasasu eva sikkhāpadesu, atha kho yaṃ bhikkhussa na kappati, tasmimpīti adhippāyo’’ti vuttaṃ.
๓๐๕. เทฺว ปฎา เทสนาเมเนวาติ จีนปฎฺฎโสมารปฎฺฎานิฯ ตีณีติ ปตฺตุเณฺณน สห ตีณิฯ อิทฺธิมยิกํ เอหิภิกฺขูนํ นิพฺพตฺตํฯ เทวทตฺติยํ อนุรุทฺธเตฺถเรน ลทฺธํฯ ‘‘ยามาติกฺกเม สนฺนิธิวเสน สตฺตาหาติกฺกเม เภสชฺชสิกฺขาปทวเสนา’’ติ ลิขิตํฯ
305.Dve paṭā desanāmenevāti cīnapaṭṭasomārapaṭṭāni. Tīṇīti pattuṇṇena saha tīṇi. Iddhimayikaṃ ehibhikkhūnaṃ nibbattaṃ. Devadattiyaṃ anuruddhattherena laddhaṃ. ‘‘Yāmātikkame sannidhivasena sattāhātikkame bhesajjasikkhāpadavasenā’’ti likhitaṃ.
เภสชฺชกฺขนฺธกวณฺณนา นิฎฺฐิตาฯ
Bhesajjakkhandhakavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๑๘๒. เกณิยชฎิลวตฺถุ • 182. Keṇiyajaṭilavatthu
๑๘๕. จตุมหาปเทสกถา • 185. Catumahāpadesakathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā
เกณิยชฎิลวตฺถุกถา • Keṇiyajaṭilavatthukathā
จตุมหาปเทสกถา • Catumahāpadesakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
เกณิยชฎิลวตฺถุกถาวณฺณนา • Keṇiyajaṭilavatthukathāvaṇṇanā
จตุมหาปเทสกถาวณฺณนา • Catumahāpadesakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā
เกณิยชฎิลวตฺถุกถาวณฺณนา • Keṇiyajaṭilavatthukathāvaṇṇanā
จตุมหาปเทสกถาวณฺณนา • Catumahāpadesakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๑๘๒. เกณิยชฎิลวตฺถุกถา • 182. Keṇiyajaṭilavatthukathā
๑๘๕. จตุมหาปเทสกถา • 185. Catumahāpadesakathā
