| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
เกณิยชฎิลวตฺถุกถาวณฺณนา
Keṇiyajaṭilavatthukathāvaṇṇanā
๓๐๐. ชฎิโลติ อาหริมชฎาธโร ตาปสเวสธารโก ยญฺญยุโตฺต โลกปูชิโต พฺราหฺมโณฯ ปวตฺตาโร ปาวจนวเสน วตฺตาโรฯ เยสํ สนฺตกมิทํ, เยหิ วา อิทํ คีตนฺติ อโตฺถฯ คีตํ ปวุตฺตํ สมิหิตนฺติ อญฺญมญฺญสฺส ปริยายวจนํ วุตฺตนฺติ อโตฺถฯ ตทนุคายนฺตีติ ตํ เตหิ ปุเพฺพ คีตํ อนุคายนฺติฯ เอวํ เสเสสุ จฯ
300.Jaṭiloti āharimajaṭādharo tāpasavesadhārako yaññayutto lokapūjito brāhmaṇo. Pavattāro pāvacanavasena vattāro. Yesaṃ santakamidaṃ, yehi vā idaṃ gītanti attho. Gītaṃ pavuttaṃ samihitanti aññamaññassa pariyāyavacanaṃ vuttanti attho. Tadanugāyantīti taṃ tehi pubbe gītaṃ anugāyanti. Evaṃ sesesu ca.
ยาวกาลิกปกฺกานนฺติ ปเกฺก สนฺธาย วุตฺตํ, อามานิ ปน อนุปสมฺปเนฺนหิ สีตุทเก มทฺทิตฺวา ปริสฺสาเวตฺวา ทินฺนปานํ ปจฺฉาภตฺตมฺปิ กปฺปติ เอวฯ อยญฺจ อโตฺถ มหาอฎฺฐกถายํ สรูปโต อวุโตฺตติ อาห ‘‘กุรุนฺทิยํ ปนา’’ติอาทิฯ ‘‘อุจฺฉุรโส นิกสโฎ’’ติ อิทํ ปาตพฺพสามเญฺญน ยามกาลิกกถายํ วุตฺตํ, ตํ ปน สตฺตาหกาลิกเมวาติ คเหตพฺพํฯ อิเม จตฺตาโร รสาติ ผลปตฺตปุปฺผอุจฺฉุรสา จตฺตาโรฯ
Yāvakālikapakkānanti pakke sandhāya vuttaṃ, āmāni pana anupasampannehi sītudake madditvā parissāvetvā dinnapānaṃ pacchābhattampi kappati eva. Ayañca attho mahāaṭṭhakathāyaṃ sarūpato avuttoti āha ‘‘kurundiyaṃ panā’’tiādi. ‘‘Ucchuraso nikasaṭo’’ti idaṃ pātabbasāmaññena yāmakālikakathāyaṃ vuttaṃ, taṃ pana sattāhakālikamevāti gahetabbaṃ. Ime cattāro rasāti phalapattapupphaucchurasā cattāro.
ปาฬิยํ อคฺคิหุตฺตมุขาติ อคฺคิชุหนปุพฺพกาฯ ฉนฺทโสติ เวทสฺสฯ สาวิตฺตี มุขํ ปฐมํ สชฺฌายิตพฺพาติ อโตฺถฯ ตปตนฺติ วิโชตนฺตานํฯ
Pāḷiyaṃ aggihuttamukhāti aggijuhanapubbakā. Chandasoti vedassa. Sāvittī mukhaṃ paṭhamaṃ sajjhāyitabbāti attho. Tapatanti vijotantānaṃ.
เกณิยชฎิลวตฺถุกถาวณฺณนา นิฎฺฐิตาฯ
Keṇiyajaṭilavatthukathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๘๒. เกณิยชฎิลวตฺถุ • 182. Keṇiyajaṭilavatthu
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / เกณิยชฎิลวตฺถุกถา • Keṇiyajaṭilavatthukathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / เกณิยชฎิลวตฺถุกถาวณฺณนา • Keṇiyajaṭilavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / เกณิยชฎิลวตฺถุกถาวณฺณนา • Keṇiyajaṭilavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๘๒. เกณิยชฎิลวตฺถุกถา • 182. Keṇiyajaṭilavatthukathā
