| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
කෙණියජටිලවත්‌ථුකථාවණ්‌ණනා
Keṇiyajaṭilavatthukathāvaṇṇanā
300. ජටිලොති ආහරිමජටාධරො තාපසවෙසධාරකො යඤ්‌ඤයුත්‌තො ලොකපූජිතො බ්‍රාහ්‌මණො. පවත්‌තාරො පාවචනවසෙන වත්‌තාරො. යෙසං සන්‌තකමිදං, යෙහි වා ඉදං ගීතන්‌ති අත්‌ථො. ගීතං පවුත්‌තං සමිහිතන්‌ති අඤ්‌ඤමඤ්‌ඤස්‌ස පරියායවචනං වුත්‌තන්‌ති අත්‌ථො. තදනුගායන්‌තීති තං තෙහි පුබ්‌බෙ ගීතං අනුගායන්‌ති. එවං සෙසෙසු ච.
300.Jaṭiloti āharimajaṭādharo tāpasavesadhārako yaññayutto lokapūjito brāhmaṇo. Pavattāro pāvacanavasena vattāro. Yesaṃ santakamidaṃ, yehi vā idaṃ gītanti attho. Gītaṃ pavuttaṃ samihitanti aññamaññassa pariyāyavacanaṃ vuttanti attho. Tadanugāyantīti taṃ tehi pubbe gītaṃ anugāyanti. Evaṃ sesesu ca.
යාවකාලිකපක්‌කානන්‌ති පක්‌කෙ සන්‌ධාය වුත්‌තං, ආමානි පන අනුපසම්‌පන්‌නෙහි සීතුදකෙ මද්‌දිත්‌වා පරිස්‌සාවෙත්‌වා දින්‌නපානං පච්‌ඡාභත්‌තම්‌පි කප්‌පති එව. අයඤ්‌ච අත්‌ථො මහාඅට්‌ඨකථායං සරූපතො අවුත්‌තොති ආහ ‘‘කුරුන්‌දියං පනා’’තිආදි. ‘‘උච්‌ඡුරසො නිකසටො’’ති ඉදං පාතබ්‌බසාමඤ්‌ඤෙන යාමකාලිකකථායං වුත්‌තං, තං පන සත්‌තාහකාලිකමෙවාති ගහෙතබ්‌බං. ඉමෙ චත්‌තාරො රසාති ඵලපත්‌තපුප්‌ඵඋච්‌ඡුරසා චත්‌තාරො.
Yāvakālikapakkānanti pakke sandhāya vuttaṃ, āmāni pana anupasampannehi sītudake madditvā parissāvetvā dinnapānaṃ pacchābhattampi kappati eva. Ayañca attho mahāaṭṭhakathāyaṃ sarūpato avuttoti āha ‘‘kurundiyaṃ panā’’tiādi. ‘‘Ucchuraso nikasaṭo’’ti idaṃ pātabbasāmaññena yāmakālikakathāyaṃ vuttaṃ, taṃ pana sattāhakālikamevāti gahetabbaṃ. Ime cattāro rasāti phalapattapupphaucchurasā cattāro.
පාළියං අග්‌ගිහුත්‌තමුඛාති අග්‌ගිජුහනපුබ්‌බකා. ඡන්‌දසොති වෙදස්‌ස. සාවිත්‌තී මුඛං පඨමං සජ්‌ඣායිතබ්‌බාති අත්‌ථො. තපතන්‌ති විජොතන්‌තානං.
Pāḷiyaṃ aggihuttamukhāti aggijuhanapubbakā. Chandasoti vedassa. Sāvittī mukhaṃ paṭhamaṃ sajjhāyitabbāti attho. Tapatanti vijotantānaṃ.
කෙණියජටිලවත්‌ථුකථාවණ්‌ණනා නිට්‌ඨිතා.
Keṇiyajaṭilavatthukathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 182. කෙණියජටිලවත්‌ථු • 182. Keṇiyajaṭilavatthu
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / කෙණියජටිලවත්‌ථුකථා • Keṇiyajaṭilavatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / කෙණියජටිලවත්‌ථුකථාවණ්‌ණනා • Keṇiyajaṭilavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / කෙණියජටිලවත්‌ථුකථාවණ්‌ණනා • Keṇiyajaṭilavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 182. කෙණියජටිලවත්‌ථුකථා • 182. Keṇiyajaṭilavatthukathā
