| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
കേണിയജടിലവത്ഥുകഥാവണ്ണനാ
Keṇiyajaṭilavatthukathāvaṇṇanā
൩൦൦. ജടിലോതി ആഹരിമജടാധരോ താപസവേസധാരകോ യഞ്ഞയുത്തോ ലോകപൂജിതോ ബ്രാഹ്മണോ. പവത്താരോ പാവചനവസേന വത്താരോ. യേസം സന്തകമിദം, യേഹി വാ ഇദം ഗീതന്തി അത്ഥോ. ഗീതം പവുത്തം സമിഹിതന്തി അഞ്ഞമഞ്ഞസ്സ പരിയായവചനം വുത്തന്തി അത്ഥോ. തദനുഗായന്തീതി തം തേഹി പുബ്ബേ ഗീതം അനുഗായന്തി. ഏവം സേസേസു ച.
300.Jaṭiloti āharimajaṭādharo tāpasavesadhārako yaññayutto lokapūjito brāhmaṇo. Pavattāro pāvacanavasena vattāro. Yesaṃ santakamidaṃ, yehi vā idaṃ gītanti attho. Gītaṃ pavuttaṃ samihitanti aññamaññassa pariyāyavacanaṃ vuttanti attho. Tadanugāyantīti taṃ tehi pubbe gītaṃ anugāyanti. Evaṃ sesesu ca.
യാവകാലികപക്കാനന്തി പക്കേ സന്ധായ വുത്തം, ആമാനി പന അനുപസമ്പന്നേഹി സീതുദകേ മദ്ദിത്വാ പരിസ്സാവേത്വാ ദിന്നപാനം പച്ഛാഭത്തമ്പി കപ്പതി ഏവ. അയഞ്ച അത്ഥോ മഹാഅട്ഠകഥായം സരൂപതോ അവുത്തോതി ആഹ ‘‘കുരുന്ദിയം പനാ’’തിആദി. ‘‘ഉച്ഛുരസോ നികസടോ’’തി ഇദം പാതബ്ബസാമഞ്ഞേന യാമകാലികകഥായം വുത്തം, തം പന സത്താഹകാലികമേവാതി ഗഹേതബ്ബം. ഇമേ ചത്താരോ രസാതി ഫലപത്തപുപ്ഫഉച്ഛുരസാ ചത്താരോ.
Yāvakālikapakkānanti pakke sandhāya vuttaṃ, āmāni pana anupasampannehi sītudake madditvā parissāvetvā dinnapānaṃ pacchābhattampi kappati eva. Ayañca attho mahāaṭṭhakathāyaṃ sarūpato avuttoti āha ‘‘kurundiyaṃ panā’’tiādi. ‘‘Ucchuraso nikasaṭo’’ti idaṃ pātabbasāmaññena yāmakālikakathāyaṃ vuttaṃ, taṃ pana sattāhakālikamevāti gahetabbaṃ. Ime cattāro rasāti phalapattapupphaucchurasā cattāro.
പാളിയം അഗ്ഗിഹുത്തമുഖാതി അഗ്ഗിജുഹനപുബ്ബകാ. ഛന്ദസോതി വേദസ്സ. സാവിത്തീ മുഖം പഠമം സജ്ഝായിതബ്ബാതി അത്ഥോ. തപതന്തി വിജോതന്താനം.
Pāḷiyaṃ aggihuttamukhāti aggijuhanapubbakā. Chandasoti vedassa. Sāvittī mukhaṃ paṭhamaṃ sajjhāyitabbāti attho. Tapatanti vijotantānaṃ.
കേണിയജടിലവത്ഥുകഥാവണ്ണനാ നിട്ഠിതാ.
Keṇiyajaṭilavatthukathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൧൮൨. കേണിയജടിലവത്ഥു • 182. Keṇiyajaṭilavatthu
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / കേണിയജടിലവത്ഥുകഥാ • Keṇiyajaṭilavatthukathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / കേണിയജടിലവത്ഥുകഥാവണ്ണനാ • Keṇiyajaṭilavatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / കേണിയജടിലവത്ഥുകഥാവണ്ണനാ • Keṇiyajaṭilavatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൮൨. കേണിയജടിലവത്ഥുകഥാ • 182. Keṇiyajaṭilavatthukathā
