| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5-10. கேஸகம்ப³லஸுத்தாதி³வண்ணனா
5-10. Kesakambalasuttādivaṇṇanā
138-143. பஞ்சமே தந்தாவுதானங் வத்தா²னந்தி இத³ங் ‘‘யானி கானிசீ’’தி இமினா ஸமானாதி⁴கரணந்தி ஆஹ ‘‘பச்சத்தே ஸாமிவசன’’ந்தி. வாயிதானந்தி வீதானங். லாமகோதி நிஹீனோ, மக்க²லி மோக⁴புரிஸோதி எத்த² மக்க²லீதி தஸ்ஸ நாமங். தங் கிர ஸகத்³த³மாய பூ⁴மியா தேலக⁴டங் க³ஹெத்வா க³ச்ச²ந்தங், ‘‘தாத, மா க²லீ’’தி ஸாமிகோ ஆஹ. ஸோ பமாதே³ன க²லித்வா பதித்வா ஸாமிகஸ்ஸ ப⁴யேன பலாயிதுங் ஆரத்³தோ⁴. ஸாமிகோ உபதா⁴வித்வா நங் து³ஸ்ஸகண்ணே அக்³க³ஹேஸி, ஸாடகங் ச²ட்³டெ³த்வா அசேலகோ ஹுத்வா பலாயி. ஸோ பண்ணேன வா திணேன வா படிச்சா²தே³தும்பி அஜானந்தோ ஜாதரூபேனேவ ஏகங் கா³மங் பாவிஸி. மனுஸ்ஸா தங் தி³ஸ்வா ‘‘அயங் ஸமணோ அரஹா அப்பிச்சோ², நத்தி² இமினா ஸதி³ஸோ’’தி பூவப⁴த்தாதீ³னி க³ஹெத்வா உபஸங்கமந்தி. ஸோ ‘‘மய்ஹங் ஸாடகங் அனிவத்த²பா⁴வேன இத³ங் உப்பன்ன’’ந்தி ததோ பட்டா²ய ஸாடகங் லபி⁴த்வாபி ந நிவாஸேஸி, ததே³வ ச பப்³ப³ஜ்ஜங் அக்³க³ஹேஸி. தஸ்ஸ ஸந்திகே அஞ்ஞேபி அஞ்ஞேபீதி பஞ்சஸதா மனுஸ்ஸா பப்³ப³ஜிங்ஸு. தங் ஸந்தா⁴யாஹ ‘‘மக்க²லி மோக⁴புரிஸோ’’தி. ச²ட்டா²தீ³னி உத்தானத்தா²னி ஏவ.
138-143. Pañcame tantāvutānaṃ vatthānanti idaṃ ‘‘yāni kānicī’’ti iminā samānādhikaraṇanti āha ‘‘paccatte sāmivacana’’nti. Vāyitānanti vītānaṃ. Lāmakoti nihīno, makkhali moghapurisoti ettha makkhalīti tassa nāmaṃ. Taṃ kira sakaddamāya bhūmiyā telaghaṭaṃ gahetvā gacchantaṃ, ‘‘tāta, mā khalī’’ti sāmiko āha. So pamādena khalitvā patitvā sāmikassa bhayena palāyituṃ āraddho. Sāmiko upadhāvitvā naṃ dussakaṇṇe aggahesi, sāṭakaṃ chaḍḍetvā acelako hutvā palāyi. So paṇṇena vā tiṇena vā paṭicchādetumpi ajānanto jātarūpeneva ekaṃ gāmaṃ pāvisi. Manussā taṃ disvā ‘‘ayaṃ samaṇo arahā appiccho, natthi iminā sadiso’’ti pūvabhattādīni gahetvā upasaṅkamanti. So ‘‘mayhaṃ sāṭakaṃ anivatthabhāvena idaṃ uppanna’’nti tato paṭṭhāya sāṭakaṃ labhitvāpi na nivāsesi, tadeva ca pabbajjaṃ aggahesi. Tassa santike aññepi aññepīti pañcasatā manussā pabbajiṃsu. Taṃ sandhāyāha ‘‘makkhali moghapuriso’’ti. Chaṭṭhādīni uttānatthāni eva.
கேஸகம்ப³லஸுத்தாதி³வண்ணனா நிட்டி²தா.
Kesakambalasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
5. கேஸகம்ப³லஸுத்தங் • 5. Kesakambalasuttaṃ
6. ஸம்பதா³ஸுத்தங் • 6. Sampadāsuttaṃ
7. வுத்³தி⁴ஸுத்தங் • 7. Vuddhisuttaṃ
8. அஸ்ஸக²ளுங்கஸுத்தங் • 8. Assakhaḷuṅkasuttaṃ
9. அஸ்ஸபரஸ்ஸஸுத்தங் • 9. Assaparassasuttaṃ
10. அஸ்ஸாஜானீயஸுத்தங் • 10. Assājānīyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
5. கேஸகம்ப³லஸுத்தவண்ணனா • 5. Kesakambalasuttavaṇṇanā
8. அஸ்ஸக²ளுங்கஸுத்தவண்ணனா • 8. Assakhaḷuṅkasuttavaṇṇanā
9. அஸ்ஸபரஸ்ஸஸுத்தவண்ணனா • 9. Assaparassasuttavaṇṇanā
10. அஸ்ஸாஜானீயஸுத்தவண்ணனா • 10. Assājānīyasuttavaṇṇanā
