| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৫-১০. কেসকম্বলসুত্তাদিৰণ্ণনা
5-10. Kesakambalasuttādivaṇṇanā
১৩৮-১৪৩. পঞ্চমে তন্তাৰুতানং ৰত্থানন্তি ইদং ‘‘যানি কানিচী’’তি ইমিনা সমানাধিকরণন্তি আহ ‘‘পচ্চত্তে সামিৰচন’’ন্তি। ৰাযিতানন্তি ৰীতানং। লামকোতি নিহীনো, মক্খলি মোঘপুরিসোতি এত্থ মক্খলীতি তস্স নামং। তং কির সকদ্দমায ভূমিযা তেলঘটং গহেত্ৰা গচ্ছন্তং, ‘‘তাত, মা খলী’’তি সামিকো আহ। সো পমাদেন খলিত্ৰা পতিত্ৰা সামিকস্স ভযেন পলাযিতুং আরদ্ধো। সামিকো উপধাৰিত্ৰা নং দুস্সকণ্ণে অগ্গহেসি, সাটকং ছড্ডেত্ৰা অচেলকো হুত্ৰা পলাযি। সো পণ্ণেন ৰা তিণেন ৰা পটিচ্ছাদেতুম্পি অজানন্তো জাতরূপেনেৰ একং গামং পাৰিসি। মনুস্সা তং দিস্ৰা ‘‘অযং সমণো অরহা অপ্পিচ্ছো, নত্থি ইমিনা সদিসো’’তি পূৰভত্তাদীনি গহেত্ৰা উপসঙ্কমন্তি। সো ‘‘ময্হং সাটকং অনিৰত্থভাৰেন ইদং উপ্পন্ন’’ন্তি ততো পট্ঠায সাটকং লভিত্ৰাপি ন নিৰাসেসি, তদেৰ চ পব্বজ্জং অগ্গহেসি। তস্স সন্তিকে অঞ্ঞেপি অঞ্ঞেপীতি পঞ্চসতা মনুস্সা পব্বজিংসু। তং সন্ধাযাহ ‘‘মক্খলি মোঘপুরিসো’’তি। ছট্ঠাদীনি উত্তানত্থানি এৰ।
138-143. Pañcame tantāvutānaṃ vatthānanti idaṃ ‘‘yāni kānicī’’ti iminā samānādhikaraṇanti āha ‘‘paccatte sāmivacana’’nti. Vāyitānanti vītānaṃ. Lāmakoti nihīno, makkhali moghapurisoti ettha makkhalīti tassa nāmaṃ. Taṃ kira sakaddamāya bhūmiyā telaghaṭaṃ gahetvā gacchantaṃ, ‘‘tāta, mā khalī’’ti sāmiko āha. So pamādena khalitvā patitvā sāmikassa bhayena palāyituṃ āraddho. Sāmiko upadhāvitvā naṃ dussakaṇṇe aggahesi, sāṭakaṃ chaḍḍetvā acelako hutvā palāyi. So paṇṇena vā tiṇena vā paṭicchādetumpi ajānanto jātarūpeneva ekaṃ gāmaṃ pāvisi. Manussā taṃ disvā ‘‘ayaṃ samaṇo arahā appiccho, natthi iminā sadiso’’ti pūvabhattādīni gahetvā upasaṅkamanti. So ‘‘mayhaṃ sāṭakaṃ anivatthabhāvena idaṃ uppanna’’nti tato paṭṭhāya sāṭakaṃ labhitvāpi na nivāsesi, tadeva ca pabbajjaṃ aggahesi. Tassa santike aññepi aññepīti pañcasatā manussā pabbajiṃsu. Taṃ sandhāyāha ‘‘makkhali moghapuriso’’ti. Chaṭṭhādīni uttānatthāni eva.
কেসকম্বলসুত্তাদিৰণ্ণনা নিট্ঠিতা।
Kesakambalasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৫. কেসকম্বলসুত্তং • 5. Kesakambalasuttaṃ
৬. সম্পদাসুত্তং • 6. Sampadāsuttaṃ
৭. ৰুদ্ধিসুত্তং • 7. Vuddhisuttaṃ
৮. অস্সখল়ুঙ্কসুত্তং • 8. Assakhaḷuṅkasuttaṃ
৯. অস্সপরস্সসুত্তং • 9. Assaparassasuttaṃ
১০. অস্সাজানীযসুত্তং • 10. Assājānīyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৫. কেসকম্বলসুত্তৰণ্ণনা • 5. Kesakambalasuttavaṇṇanā
৮. অস্সখল়ুঙ্কসুত্তৰণ্ণনা • 8. Assakhaḷuṅkasuttavaṇṇanā
৯. অস্সপরস্সসুত্তৰণ্ণনা • 9. Assaparassasuttavaṇṇanā
১০. অস্সাজানীযসুত্তৰণ্ণনা • 10. Assājānīyasuttavaṇṇanā
