| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5-10. гзсагамб̣аласуд̇д̇аад̣̇иван̣н̣анаа
5-10. Kesakambalasuttādivaṇṇanā
138-143. бан̃жамз д̇анд̇аавуд̇аанам̣ вад̇т̇аананд̇и ид̣̇ам̣ ‘‘яаани гаанижий’’д̇и иминаа самаанаад̇хигаран̣анд̇и ааха ‘‘бажжад̇д̇з саамиважана’’нд̇и. вааяид̇аананд̇и вийд̇аанам̣. лаамагод̇и нихийно, магкали могхабурисод̇и зд̇т̇а магкалийд̇и д̇асса наамам̣. д̇ам̣ гира сагад̣̇д̣̇амааяа бхуумияаа д̇злагхадам̣ г̇ахзд̇ваа г̇ажчанд̇ам̣, ‘‘д̇аад̇а, маа калий’’д̇и саамиго ааха. со бамаад̣̇зна калид̇ваа бад̇ид̇ваа саамигасса бхаязна балааяид̇ум̣ аарад̣̇д̇хо. саамиго убад̇хаавид̇ваа нам̣ д̣̇уссаган̣н̣з аг̇г̇ахзси, саадагам̣ чад̣д̣зд̇ваа ажзлаго худ̇ваа балааяи. со бан̣н̣зна ваа д̇ин̣зна ваа бадижчаад̣̇зд̇умби аж̇аананд̇о ж̇аад̇аруубзнзва згам̣ г̇аамам̣ баависи. мануссаа д̇ам̣ д̣̇исваа ‘‘аяам̣ саман̣о арахаа аббижчо, над̇т̇и иминаа сад̣̇исо’’д̇и буувабхад̇д̇аад̣̇ийни г̇ахзд̇ваа убасан̇гаманд̇и. со ‘‘маяхам̣ саадагам̣ анивад̇т̇абхаавзна ид̣̇ам̣ уббанна’’нд̇и д̇ад̇о бадтааяа саадагам̣ лабхид̇вааби на ниваасзси, д̇ад̣̇зва жа баб̣б̣аж̇ж̇ам̣ аг̇г̇ахзси. д̇асса санд̇игз ан̃н̃зби ан̃н̃збийд̇и бан̃жасад̇аа мануссаа баб̣б̣аж̇им̣су. д̇ам̣ санд̇хааяааха ‘‘магкали могхабурисо’’д̇и. чадтаад̣̇ийни уд̇д̇аанад̇т̇аани зва.
138-143. Pañcame tantāvutānaṃ vatthānanti idaṃ ‘‘yāni kānicī’’ti iminā samānādhikaraṇanti āha ‘‘paccatte sāmivacana’’nti. Vāyitānanti vītānaṃ. Lāmakoti nihīno, makkhali moghapurisoti ettha makkhalīti tassa nāmaṃ. Taṃ kira sakaddamāya bhūmiyā telaghaṭaṃ gahetvā gacchantaṃ, ‘‘tāta, mā khalī’’ti sāmiko āha. So pamādena khalitvā patitvā sāmikassa bhayena palāyituṃ āraddho. Sāmiko upadhāvitvā naṃ dussakaṇṇe aggahesi, sāṭakaṃ chaḍḍetvā acelako hutvā palāyi. So paṇṇena vā tiṇena vā paṭicchādetumpi ajānanto jātarūpeneva ekaṃ gāmaṃ pāvisi. Manussā taṃ disvā ‘‘ayaṃ samaṇo arahā appiccho, natthi iminā sadiso’’ti pūvabhattādīni gahetvā upasaṅkamanti. So ‘‘mayhaṃ sāṭakaṃ anivatthabhāvena idaṃ uppanna’’nti tato paṭṭhāya sāṭakaṃ labhitvāpi na nivāsesi, tadeva ca pabbajjaṃ aggahesi. Tassa santike aññepi aññepīti pañcasatā manussā pabbajiṃsu. Taṃ sandhāyāha ‘‘makkhali moghapuriso’’ti. Chaṭṭhādīni uttānatthāni eva.
гзсагамб̣аласуд̇д̇аад̣̇иван̣н̣анаа нидтид̇аа.
Kesakambalasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
5. гзсагамб̣аласуд̇д̇ам̣ • 5. Kesakambalasuttaṃ
6. самбад̣̇аасуд̇д̇ам̣ • 6. Sampadāsuttaṃ
7. вуд̣̇д̇хисуд̇д̇ам̣ • 7. Vuddhisuttaṃ
8. ассакал̣ун̇гасуд̇д̇ам̣ • 8. Assakhaḷuṅkasuttaṃ
9. ассабарассасуд̇д̇ам̣ • 9. Assaparassasuttaṃ
10. ассааж̇аанийяасуд̇д̇ам̣ • 10. Assājānīyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
5. гзсагамб̣аласуд̇д̇аван̣н̣анаа • 5. Kesakambalasuttavaṇṇanā
8. ассакал̣ун̇гасуд̇д̇аван̣н̣анаа • 8. Assakhaḷuṅkasuttavaṇṇanā
9. ассабарассасуд̇д̇аван̣н̣анаа • 9. Assaparassasuttavaṇṇanā
10. ассааж̇аанийяасуд̇д̇аван̣н̣анаа • 10. Assājānīyasuttavaṇṇanā
