| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
५-१०. केसकम्बलसुत्तादिवण्णना
5-10. Kesakambalasuttādivaṇṇanā
१३८-१४३. पञ्चमे तन्तावुतानं वत्थानन्ति इदं ‘‘यानि कानिची’’ति इमिना समानाधिकरणन्ति आह ‘‘पच्चत्ते सामिवचन’’न्ति। वायितानन्ति वीतानं। लामकोति निहीनो, मक्खलि मोघपुरिसोति एत्थ मक्खलीति तस्स नामं। तं किर सकद्दमाय भूमिया तेलघटं गहेत्वा गच्छन्तं, ‘‘तात, मा खली’’ति सामिको आह। सो पमादेन खलित्वा पतित्वा सामिकस्स भयेन पलायितुं आरद्धो। सामिको उपधावित्वा नं दुस्सकण्णे अग्गहेसि, साटकं छड्डेत्वा अचेलको हुत्वा पलायि। सो पण्णेन वा तिणेन वा पटिच्छादेतुम्पि अजानन्तो जातरूपेनेव एकं गामं पाविसि। मनुस्सा तं दिस्वा ‘‘अयं समणो अरहा अप्पिच्छो, नत्थि इमिना सदिसो’’ति पूवभत्तादीनि गहेत्वा उपसङ्कमन्ति। सो ‘‘मय्हं साटकं अनिवत्थभावेन इदं उप्पन्न’’न्ति ततो पट्ठाय साटकं लभित्वापि न निवासेसि, तदेव च पब्बज्जं अग्गहेसि। तस्स सन्तिके अञ्ञेपि अञ्ञेपीति पञ्चसता मनुस्सा पब्बजिंसु। तं सन्धायाह ‘‘मक्खलि मोघपुरिसो’’ति। छट्ठादीनि उत्तानत्थानि एव।
138-143. Pañcame tantāvutānaṃ vatthānanti idaṃ ‘‘yāni kānicī’’ti iminā samānādhikaraṇanti āha ‘‘paccatte sāmivacana’’nti. Vāyitānanti vītānaṃ. Lāmakoti nihīno, makkhali moghapurisoti ettha makkhalīti tassa nāmaṃ. Taṃ kira sakaddamāya bhūmiyā telaghaṭaṃ gahetvā gacchantaṃ, ‘‘tāta, mā khalī’’ti sāmiko āha. So pamādena khalitvā patitvā sāmikassa bhayena palāyituṃ āraddho. Sāmiko upadhāvitvā naṃ dussakaṇṇe aggahesi, sāṭakaṃ chaḍḍetvā acelako hutvā palāyi. So paṇṇena vā tiṇena vā paṭicchādetumpi ajānanto jātarūpeneva ekaṃ gāmaṃ pāvisi. Manussā taṃ disvā ‘‘ayaṃ samaṇo arahā appiccho, natthi iminā sadiso’’ti pūvabhattādīni gahetvā upasaṅkamanti. So ‘‘mayhaṃ sāṭakaṃ anivatthabhāvena idaṃ uppanna’’nti tato paṭṭhāya sāṭakaṃ labhitvāpi na nivāsesi, tadeva ca pabbajjaṃ aggahesi. Tassa santike aññepi aññepīti pañcasatā manussā pabbajiṃsu. Taṃ sandhāyāha ‘‘makkhali moghapuriso’’ti. Chaṭṭhādīni uttānatthāni eva.
केसकम्बलसुत्तादिवण्णना निट्ठिता।
Kesakambalasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
५. केसकम्बलसुत्तं • 5. Kesakambalasuttaṃ
६. सम्पदासुत्तं • 6. Sampadāsuttaṃ
७. वुद्धिसुत्तं • 7. Vuddhisuttaṃ
८. अस्सखळुङ्कसुत्तं • 8. Assakhaḷuṅkasuttaṃ
९. अस्सपरस्ससुत्तं • 9. Assaparassasuttaṃ
१०. अस्साजानीयसुत्तं • 10. Assājānīyasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
५. केसकम्बलसुत्तवण्णना • 5. Kesakambalasuttavaṇṇanā
८. अस्सखळुङ्कसुत्तवण्णना • 8. Assakhaḷuṅkasuttavaṇṇanā
९. अस्सपरस्ससुत्तवण्णना • 9. Assaparassasuttavaṇṇanā
१०. अस्साजानीयसुत्तवण्णना • 10. Assājānīyasuttavaṇṇanā
