| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៥-១០. កេសកម្ពលសុត្តាទិវណ្ណនា
5-10. Kesakambalasuttādivaṇṇanā
១៣៨-១៤៣. បញ្ចមេ តន្តាវុតានំ វត្ថានន្តិ ឥទំ ‘‘យានិ កានិចី’’តិ ឥមិនា សមានាធិករណន្តិ អាហ ‘‘បច្ចត្តេ សាមិវចន’’ន្តិ។ វាយិតានន្តិ វីតានំ។ លាមកោតិ និហីនោ, មក្ខលិ មោឃបុរិសោតិ ឯត្ថ មក្ខលីតិ តស្ស នាមំ។ តំ កិរ សកទ្ទមាយ ភូមិយា តេលឃដំ គហេត្វា គច្ឆន្តំ, ‘‘តាត, មា ខលី’’តិ សាមិកោ អាហ។ សោ បមាទេន ខលិត្វា បតិត្វា សាមិកស្ស ភយេន បលាយិតុំ អារទ្ធោ។ សាមិកោ ឧបធាវិត្វា នំ ទុស្សកណ្ណេ អគ្គហេសិ, សាដកំ ឆឌ្ឌេត្វា អចេលកោ ហុត្វា បលាយិ។ សោ បណ្ណេន វា តិណេន វា បដិច្ឆាទេតុម្បិ អជានន្តោ ជាតរូបេនេវ ឯកំ គាមំ បាវិសិ។ មនុស្សា តំ ទិស្វា ‘‘អយំ សមណោ អរហា អប្បិច្ឆោ, នត្ថិ ឥមិនា សទិសោ’’តិ បូវភត្តាទីនិ គហេត្វា ឧបសង្កមន្តិ។ សោ ‘‘មយ្ហំ សាដកំ អនិវត្ថភាវេន ឥទំ ឧប្បន្ន’’ន្តិ តតោ បដ្ឋាយ សាដកំ លភិត្វាបិ ន និវាសេសិ, តទេវ ច បព្ពជ្ជំ អគ្គហេសិ។ តស្ស សន្តិកេ អញ្ញេបិ អញ្ញេបីតិ បញ្ចសតា មនុស្សា បព្ពជិំសុ។ តំ សន្ធាយាហ ‘‘មក្ខលិ មោឃបុរិសោ’’តិ។ ឆដ្ឋាទីនិ ឧត្តានត្ថានិ ឯវ។
138-143. Pañcame tantāvutānaṃ vatthānanti idaṃ ‘‘yāni kānicī’’ti iminā samānādhikaraṇanti āha ‘‘paccatte sāmivacana’’nti. Vāyitānanti vītānaṃ. Lāmakoti nihīno, makkhali moghapurisoti ettha makkhalīti tassa nāmaṃ. Taṃ kira sakaddamāya bhūmiyā telaghaṭaṃ gahetvā gacchantaṃ, ‘‘tāta, mā khalī’’ti sāmiko āha. So pamādena khalitvā patitvā sāmikassa bhayena palāyituṃ āraddho. Sāmiko upadhāvitvā naṃ dussakaṇṇe aggahesi, sāṭakaṃ chaḍḍetvā acelako hutvā palāyi. So paṇṇena vā tiṇena vā paṭicchādetumpi ajānanto jātarūpeneva ekaṃ gāmaṃ pāvisi. Manussā taṃ disvā ‘‘ayaṃ samaṇo arahā appiccho, natthi iminā sadiso’’ti pūvabhattādīni gahetvā upasaṅkamanti. So ‘‘mayhaṃ sāṭakaṃ anivatthabhāvena idaṃ uppanna’’nti tato paṭṭhāya sāṭakaṃ labhitvāpi na nivāsesi, tadeva ca pabbajjaṃ aggahesi. Tassa santike aññepi aññepīti pañcasatā manussā pabbajiṃsu. Taṃ sandhāyāha ‘‘makkhali moghapuriso’’ti. Chaṭṭhādīni uttānatthāni eva.
កេសកម្ពលសុត្តាទិវណ្ណនា និដ្ឋិតា។
Kesakambalasuttādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៥. កេសកម្ពលសុត្តំ • 5. Kesakambalasuttaṃ
៦. សម្បទាសុត្តំ • 6. Sampadāsuttaṃ
៧. វុទ្ធិសុត្តំ • 7. Vuddhisuttaṃ
៨. អស្សខឡុង្កសុត្តំ • 8. Assakhaḷuṅkasuttaṃ
៩. អស្សបរស្សសុត្តំ • 9. Assaparassasuttaṃ
១០. អស្សាជានីយសុត្តំ • 10. Assājānīyasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
៥. កេសកម្ពលសុត្តវណ្ណនា • 5. Kesakambalasuttavaṇṇanā
៨. អស្សខឡុង្កសុត្តវណ្ណនា • 8. Assakhaḷuṅkasuttavaṇṇanā
៩. អស្សបរស្សសុត្តវណ្ណនា • 9. Assaparassasuttavaṇṇanā
១០. អស្សាជានីយសុត្តវណ្ណនា • 10. Assājānīyasuttavaṇṇanā
