| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೫-೧೦. ಕೇಸಕಮ್ಬಲಸುತ್ತಾದಿವಣ್ಣನಾ
5-10. Kesakambalasuttādivaṇṇanā
೧೩೮-೧೪೩. ಪಞ್ಚಮೇ ತನ್ತಾವುತಾನಂ ವತ್ಥಾನನ್ತಿ ಇದಂ ‘‘ಯಾನಿ ಕಾನಿಚೀ’’ತಿ ಇಮಿನಾ ಸಮಾನಾಧಿಕರಣನ್ತಿ ಆಹ ‘‘ಪಚ್ಚತ್ತೇ ಸಾಮಿವಚನ’’ನ್ತಿ। ವಾಯಿತಾನನ್ತಿ ವೀತಾನಂ। ಲಾಮಕೋತಿ ನಿಹೀನೋ, ಮಕ್ಖಲಿ ಮೋಘಪುರಿಸೋತಿ ಏತ್ಥ ಮಕ್ಖಲೀತಿ ತಸ್ಸ ನಾಮಂ। ತಂ ಕಿರ ಸಕದ್ದಮಾಯ ಭೂಮಿಯಾ ತೇಲಘಟಂ ಗಹೇತ್ವಾ ಗಚ್ಛನ್ತಂ, ‘‘ತಾತ, ಮಾ ಖಲೀ’’ತಿ ಸಾಮಿಕೋ ಆಹ। ಸೋ ಪಮಾದೇನ ಖಲಿತ್ವಾ ಪತಿತ್ವಾ ಸಾಮಿಕಸ್ಸ ಭಯೇನ ಪಲಾಯಿತುಂ ಆರದ್ಧೋ। ಸಾಮಿಕೋ ಉಪಧಾವಿತ್ವಾ ನಂ ದುಸ್ಸಕಣ್ಣೇ ಅಗ್ಗಹೇಸಿ, ಸಾಟಕಂ ಛಡ್ಡೇತ್ವಾ ಅಚೇಲಕೋ ಹುತ್ವಾ ಪಲಾಯಿ। ಸೋ ಪಣ್ಣೇನ ವಾ ತಿಣೇನ ವಾ ಪಟಿಚ್ಛಾದೇತುಮ್ಪಿ ಅಜಾನನ್ತೋ ಜಾತರೂಪೇನೇವ ಏಕಂ ಗಾಮಂ ಪಾವಿಸಿ। ಮನುಸ್ಸಾ ತಂ ದಿಸ್ವಾ ‘‘ಅಯಂ ಸಮಣೋ ಅರಹಾ ಅಪ್ಪಿಚ್ಛೋ, ನತ್ಥಿ ಇಮಿನಾ ಸದಿಸೋ’’ತಿ ಪೂವಭತ್ತಾದೀನಿ ಗಹೇತ್ವಾ ಉಪಸಙ್ಕಮನ್ತಿ। ಸೋ ‘‘ಮಯ್ಹಂ ಸಾಟಕಂ ಅನಿವತ್ಥಭಾವೇನ ಇದಂ ಉಪ್ಪನ್ನ’’ನ್ತಿ ತತೋ ಪಟ್ಠಾಯ ಸಾಟಕಂ ಲಭಿತ್ವಾಪಿ ನ ನಿವಾಸೇಸಿ, ತದೇವ ಚ ಪಬ್ಬಜ್ಜಂ ಅಗ್ಗಹೇಸಿ। ತಸ್ಸ ಸನ್ತಿಕೇ ಅಞ್ಞೇಪಿ ಅಞ್ಞೇಪೀತಿ ಪಞ್ಚಸತಾ ಮನುಸ್ಸಾ ಪಬ್ಬಜಿಂಸು। ತಂ ಸನ್ಧಾಯಾಹ ‘‘ಮಕ್ಖಲಿ ಮೋಘಪುರಿಸೋ’’ತಿ। ಛಟ್ಠಾದೀನಿ ಉತ್ತಾನತ್ಥಾನಿ ಏವ।
138-143. Pañcame tantāvutānaṃ vatthānanti idaṃ ‘‘yāni kānicī’’ti iminā samānādhikaraṇanti āha ‘‘paccatte sāmivacana’’nti. Vāyitānanti vītānaṃ. Lāmakoti nihīno, makkhali moghapurisoti ettha makkhalīti tassa nāmaṃ. Taṃ kira sakaddamāya bhūmiyā telaghaṭaṃ gahetvā gacchantaṃ, ‘‘tāta, mā khalī’’ti sāmiko āha. So pamādena khalitvā patitvā sāmikassa bhayena palāyituṃ āraddho. Sāmiko upadhāvitvā naṃ dussakaṇṇe aggahesi, sāṭakaṃ chaḍḍetvā acelako hutvā palāyi. So paṇṇena vā tiṇena vā paṭicchādetumpi ajānanto jātarūpeneva ekaṃ gāmaṃ pāvisi. Manussā taṃ disvā ‘‘ayaṃ samaṇo arahā appiccho, natthi iminā sadiso’’ti pūvabhattādīni gahetvā upasaṅkamanti. So ‘‘mayhaṃ sāṭakaṃ anivatthabhāvena idaṃ uppanna’’nti tato paṭṭhāya sāṭakaṃ labhitvāpi na nivāsesi, tadeva ca pabbajjaṃ aggahesi. Tassa santike aññepi aññepīti pañcasatā manussā pabbajiṃsu. Taṃ sandhāyāha ‘‘makkhali moghapuriso’’ti. Chaṭṭhādīni uttānatthāni eva.
ಕೇಸಕಮ್ಬಲಸುತ್ತಾದಿವಣ್ಣನಾ ನಿಟ್ಠಿತಾ।
Kesakambalasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೫. ಕೇಸಕಮ್ಬಲಸುತ್ತಂ • 5. Kesakambalasuttaṃ
೬. ಸಮ್ಪದಾಸುತ್ತಂ • 6. Sampadāsuttaṃ
೭. ವುದ್ಧಿಸುತ್ತಂ • 7. Vuddhisuttaṃ
೮. ಅಸ್ಸಖಳುಙ್ಕಸುತ್ತಂ • 8. Assakhaḷuṅkasuttaṃ
೯. ಅಸ್ಸಪರಸ್ಸಸುತ್ತಂ • 9. Assaparassasuttaṃ
೧೦. ಅಸ್ಸಾಜಾನೀಯಸುತ್ತಂ • 10. Assājānīyasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೫. ಕೇಸಕಮ್ಬಲಸುತ್ತವಣ್ಣನಾ • 5. Kesakambalasuttavaṇṇanā
೮. ಅಸ್ಸಖಳುಙ್ಕಸುತ್ತವಣ್ಣನಾ • 8. Assakhaḷuṅkasuttavaṇṇanā
೯. ಅಸ್ಸಪರಸ್ಸಸುತ್ತವಣ್ಣನಾ • 9. Assaparassasuttavaṇṇanā
೧೦. ಅಸ್ಸಾಜಾನೀಯಸುತ್ತವಣ್ಣನಾ • 10. Assājānīyasuttavaṇṇanā
