Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

5. гзсагамб̣аласуд̇д̇ам̣

5. Kesakambalasuttaṃ

138. ‘‘сзяяат̇ааби, бхигкавз, яаани гаанижи д̇анд̇аавуд̇аанам̣ вад̇т̇аанам̣, гзсагамб̣ало д̇зсам̣ бадигидто агкааяад̇и. гзсагамб̣ало, бхигкавз, сийд̇з сийд̇о, ун̣хз ун̣хо, д̣̇уб̣б̣ан̣н̣о, д̣̇уг̇г̇анд̇хо, д̣̇угкасампассо. звамзвам̣ ко, бхигкавз, яаани гаанижи бут̇усаман̣аб̣раахман̣аваад̣̇аанам̣ ¹ магкаливаад̣̇о д̇зсам̣ бадигидто агкааяад̇и.

138. ‘‘Seyyathāpi, bhikkhave, yāni kānici tantāvutānaṃ vatthānaṃ, kesakambalo tesaṃ paṭikiṭṭho akkhāyati. Kesakambalo, bhikkhave, sīte sīto, uṇhe uṇho, dubbaṇṇo, duggandho, dukkhasamphasso. Evamevaṃ kho, bhikkhave, yāni kānici puthusamaṇabrāhmaṇavādānaṃ ² makkhalivādo tesaṃ paṭikiṭṭho akkhāyati.

‘‘магкали, бхигкавз, могхабурисо звам̣ваад̣̇ий звам̣д̣̇идти – ‘над̇т̇и гаммам̣, над̇т̇и гирияам̣, над̇т̇и вийрияа’нд̇и. язби д̇з, бхигкавз, ахзсум̣ ад̇ийд̇амад̣̇д̇хаанам̣ араханд̇о саммаасамб̣уд̣̇д̇хаа, д̇зби бхаг̇аванд̇о гаммаваад̣̇аа жзва ахзсум̣ гирияаваад̣̇аа жа вийрияаваад̣̇аа жа. д̇зби, бхигкавз, магкали могхабурисо бадиб̣аахад̇и – ‘над̇т̇и гаммам̣, над̇т̇и гирияам̣, над̇т̇и вийрияа’нд̇и. язби д̇з, бхигкавз, бхависсанд̇и анааг̇ад̇амад̣̇д̇хаанам̣ араханд̇о саммаасамб̣уд̣̇д̇хаа, д̇зби бхаг̇аванд̇о гаммаваад̣̇аа жзва бхависсанд̇и гирияаваад̣̇аа жа вийрияаваад̣̇аа жа. д̇зби, бхигкавз, магкали могхабурисо бадиб̣аахад̇и – ‘над̇т̇и гаммам̣, над̇т̇и гирияам̣, над̇т̇и вийрияа’нд̇и. ахамби, бхигкавз, зд̇арахи арахам̣ саммаасамб̣уд̣̇д̇хо гаммаваад̣̇о жзва гирияаваад̣̇о жа вийрияаваад̣̇о жа. мамби, бхигкавз, магкали могхабурисо бадиб̣аахад̇и – ‘над̇т̇и гаммам̣, над̇т̇и гирияам̣, над̇т̇и вийрияа’’’нд̇и.

‘‘Makkhali, bhikkhave, moghapuriso evaṃvādī evaṃdiṭṭhi – ‘natthi kammaṃ, natthi kiriyaṃ, natthi vīriya’nti. Yepi te, bhikkhave, ahesuṃ atītamaddhānaṃ arahanto sammāsambuddhā, tepi bhagavanto kammavādā ceva ahesuṃ kiriyavādā ca vīriyavādā ca. Tepi, bhikkhave, makkhali moghapuriso paṭibāhati – ‘natthi kammaṃ, natthi kiriyaṃ, natthi vīriya’nti. Yepi te, bhikkhave, bhavissanti anāgatamaddhānaṃ arahanto sammāsambuddhā, tepi bhagavanto kammavādā ceva bhavissanti kiriyavādā ca vīriyavādā ca. Tepi, bhikkhave, makkhali moghapuriso paṭibāhati – ‘natthi kammaṃ, natthi kiriyaṃ, natthi vīriya’nti. Ahampi, bhikkhave, etarahi arahaṃ sammāsambuddho kammavādo ceva kiriyavādo ca vīriyavādo ca. Mampi, bhikkhave, makkhali moghapuriso paṭibāhati – ‘natthi kammaṃ, natthi kiriyaṃ, natthi vīriya’’’nti.

‘‘сзяяат̇ааби , бхигкавз, над̣̇иймукз киббам̣ уд̣д̣зяяа ³ б̣ахуунам̣ ⁴ мажчаанам̣ ахид̇ааяа д̣̇угкааяа анаяааяа б̣яасанааяа; звамзвам̣ ко, бхигкавз, магкали могхабурисо мануссакиббам̣ ман̃н̃з логз уббанно б̣ахуунам̣ сад̇д̇аанам̣ ахид̇ааяа д̣̇угкааяа анаяааяа б̣яасанааяаа’’д̇и. бан̃жамам̣.

‘‘Seyyathāpi , bhikkhave, nadīmukhe khippaṃ uḍḍeyya ⁵ bahūnaṃ ⁶ macchānaṃ ahitāya dukkhāya anayāya byasanāya; evamevaṃ kho, bhikkhave, makkhali moghapuriso manussakhippaṃ maññe loke uppanno bahūnaṃ sattānaṃ ahitāya dukkhāya anayāya byasanāyā’’ti. Pañcamaṃ.

Next: 6. самбад̣̇аасуд̇д̇ам̣ • 6. Sampadāsuttaṃ

Footnotes:

1. саман̣аббаваад̣̇аанам̣ (сий. сяаа. гам̣. бий.)

2. samaṇappavādānaṃ (sī. syā. kaṃ. pī.)

3. од̣д̣зяяа (сий.)

4. б̣ахуннам̣ (сий. сяаа. гам̣. бий.)

5. oḍḍeyya (sī.)

6. bahunnaṃ (sī. syā. kaṃ. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. гзсагамб̣аласуд̇д̇аван̣н̣анаа • 5. Kesakambalasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-10. гзсагамб̣аласуд̇д̇аад̣̇иван̣н̣анаа • 5-10. Kesakambalasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact