| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੫. ਕੇਸਕਮ੍ਬਲਸੁਤ੍ਤਂ
5. Kesakambalasuttaṃ
੧੩੮. ‘‘ਸੇਯ੍ਯਥਾਪਿ, ਭਿਕ੍ਖવੇ, ਯਾਨਿ ਕਾਨਿਚਿ ਤਨ੍ਤਾવੁਤਾਨਂ વਤ੍ਥਾਨਂ, ਕੇਸਕਮ੍ਬਲੋ ਤੇਸਂ ਪਟਿਕਿਟ੍ਠੋ ਅਕ੍ਖਾਯਤਿ। ਕੇਸਕਮ੍ਬਲੋ, ਭਿਕ੍ਖવੇ, ਸੀਤੇ ਸੀਤੋ, ਉਣ੍ਹੇ ਉਣ੍ਹੋ, ਦੁਬ੍ਬਣ੍ਣੋ, ਦੁਗ੍ਗਨ੍ਧੋ, ਦੁਕ੍ਖਸਮ੍ਫਸ੍ਸੋ। ਏવਮੇવਂ ਖੋ, ਭਿਕ੍ਖવੇ, ਯਾਨਿ ਕਾਨਿਚਿ ਪੁਥੁਸਮਣਬ੍ਰਾਹ੍ਮਣવਾਦਾਨਂ 1 ਮਕ੍ਖਲਿવਾਦੋ ਤੇਸਂ ਪਟਿਕਿਟ੍ਠੋ ਅਕ੍ਖਾਯਤਿ।
138. ‘‘Seyyathāpi, bhikkhave, yāni kānici tantāvutānaṃ vatthānaṃ, kesakambalo tesaṃ paṭikiṭṭho akkhāyati. Kesakambalo, bhikkhave, sīte sīto, uṇhe uṇho, dubbaṇṇo, duggandho, dukkhasamphasso. Evamevaṃ kho, bhikkhave, yāni kānici puthusamaṇabrāhmaṇavādānaṃ 2 makkhalivādo tesaṃ paṭikiṭṭho akkhāyati.
‘‘ਮਕ੍ਖਲਿ, ਭਿਕ੍ਖવੇ, ਮੋਘਪੁਰਿਸੋ ਏવਂવਾਦੀ ਏવਂਦਿਟ੍ਠਿ – ‘ਨਤ੍ਥਿ ਕਮ੍ਮਂ, ਨਤ੍ਥਿ ਕਿਰਿਯਂ, ਨਤ੍ਥਿ વੀਰਿਯ’ਨ੍ਤਿ। ਯੇਪਿ ਤੇ, ਭਿਕ੍ਖવੇ, ਅਹੇਸੁਂ ਅਤੀਤਮਦ੍ਧਾਨਂ ਅਰਹਨ੍ਤੋ ਸਮ੍ਮਾਸਮ੍ਬੁਦ੍ਧਾ, ਤੇਪਿ ਭਗવਨ੍ਤੋ ਕਮ੍ਮવਾਦਾ ਚੇવ ਅਹੇਸੁਂ ਕਿਰਿਯવਾਦਾ ਚ વੀਰਿਯવਾਦਾ ਚ। ਤੇਪਿ, ਭਿਕ੍ਖવੇ, ਮਕ੍ਖਲਿ ਮੋਘਪੁਰਿਸੋ ਪਟਿਬਾਹਤਿ – ‘ਨਤ੍ਥਿ ਕਮ੍ਮਂ, ਨਤ੍ਥਿ ਕਿਰਿਯਂ, ਨਤ੍ਥਿ વੀਰਿਯ’ਨ੍ਤਿ। ਯੇਪਿ ਤੇ, ਭਿਕ੍ਖવੇ, ਭવਿਸ੍ਸਨ੍ਤਿ ਅਨਾਗਤਮਦ੍ਧਾਨਂ ਅਰਹਨ੍ਤੋ ਸਮ੍ਮਾਸਮ੍ਬੁਦ੍ਧਾ, ਤੇਪਿ ਭਗવਨ੍ਤੋ ਕਮ੍ਮવਾਦਾ ਚੇવ ਭવਿਸ੍ਸਨ੍ਤਿ ਕਿਰਿਯવਾਦਾ ਚ વੀਰਿਯવਾਦਾ ਚ। ਤੇਪਿ, ਭਿਕ੍ਖવੇ, ਮਕ੍ਖਲਿ ਮੋਘਪੁਰਿਸੋ ਪਟਿਬਾਹਤਿ – ‘ਨਤ੍ਥਿ ਕਮ੍ਮਂ, ਨਤ੍ਥਿ ਕਿਰਿਯਂ, ਨਤ੍ਥਿ વੀਰਿਯ’ਨ੍ਤਿ। ਅਹਮ੍ਪਿ, ਭਿਕ੍ਖવੇ, ਏਤਰਹਿ ਅਰਹਂ ਸਮ੍ਮਾਸਮ੍ਬੁਦ੍ਧੋ ਕਮ੍ਮવਾਦੋ ਚੇવ ਕਿਰਿਯવਾਦੋ ਚ વੀਰਿਯવਾਦੋ ਚ। ਮਮ੍ਪਿ, ਭਿਕ੍ਖવੇ, ਮਕ੍ਖਲਿ ਮੋਘਪੁਰਿਸੋ ਪਟਿਬਾਹਤਿ – ‘ਨਤ੍ਥਿ ਕਮ੍ਮਂ, ਨਤ੍ਥਿ ਕਿਰਿਯਂ, ਨਤ੍ਥਿ વੀਰਿਯ’’’ਨ੍ਤਿ।
‘‘Makkhali, bhikkhave, moghapuriso evaṃvādī evaṃdiṭṭhi – ‘natthi kammaṃ, natthi kiriyaṃ, natthi vīriya’nti. Yepi te, bhikkhave, ahesuṃ atītamaddhānaṃ arahanto sammāsambuddhā, tepi bhagavanto kammavādā ceva ahesuṃ kiriyavādā ca vīriyavādā ca. Tepi, bhikkhave, makkhali moghapuriso paṭibāhati – ‘natthi kammaṃ, natthi kiriyaṃ, natthi vīriya’nti. Yepi te, bhikkhave, bhavissanti anāgatamaddhānaṃ arahanto sammāsambuddhā, tepi bhagavanto kammavādā ceva bhavissanti kiriyavādā ca vīriyavādā ca. Tepi, bhikkhave, makkhali moghapuriso paṭibāhati – ‘natthi kammaṃ, natthi kiriyaṃ, natthi vīriya’nti. Ahampi, bhikkhave, etarahi arahaṃ sammāsambuddho kammavādo ceva kiriyavādo ca vīriyavādo ca. Mampi, bhikkhave, makkhali moghapuriso paṭibāhati – ‘natthi kammaṃ, natthi kiriyaṃ, natthi vīriya’’’nti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਕੇਸਕਮ੍ਬਲਸੁਤ੍ਤવਣ੍ਣਨਾ • 5. Kesakambalasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੧੦. ਕੇਸਕਮ੍ਬਲਸੁਤ੍ਤਾਦਿવਣ੍ਣਨਾ • 5-10. Kesakambalasuttādivaṇṇanā
