| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
17. гзсагаарийвимаанаван̣н̣анаа
17. Kesakārīvimānavaṇṇanā
ид̣̇ам̣ вимаанам̣ ружирам̣ бабхассаранд̇и гзсагаарийвимаанам̣. д̇асса гаа уббад̇д̇и? бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. д̇зна ко бана самаязна самб̣ахулаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа б̣аараан̣асим̣ бин̣д̣ааяа бависим̣су. д̇з ан̃н̃ад̇арасса б̣раахман̣асса г̇зхад̣̇ваарасамийбзна г̇ажчанд̇и. д̇асмин̃жа г̇зхз б̣раахман̣асса д̇хийд̇аа гзсагаарий наама г̇зхад̣̇ваарасамийбз маад̇у сийсад̇о уугаа г̇ан̣ханд̇ий д̇з бхигкуу г̇ажчанд̇з д̣̇исваа маад̇арам̣ ааха ‘‘амма, имз баб̣б̣аж̇ид̇аа батамзна яоб̣б̣анзна саманнааг̇ад̇аа абхируубаа д̣̇ассанийяаа баасаад̣̇игаа сукумаалаа гзнажи баариж̇ун̃н̃зна анабхибхууд̇аа ман̃н̃з, гасмаа ну ко имз имасмим̣язва ваяз баб̣б̣аж̇анд̇ий’’д̇и ? д̇ам̣ маад̇аа ааха ‘‘ад̇т̇и, амма, сагяабуд̇д̇о сагяагулаа баб̣б̣аж̇ид̇о б̣уд̣̇д̇хо логз уббанно, со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣, барисуд̣̇д̇хам̣ б̣рахмажарияам̣ багаасзд̇и, д̇асса имз д̇хаммам̣ суд̇ваа баб̣б̣аж̇анд̇ий’’д̇и.
Idaṃ vimānaṃ ruciraṃ pabhassaranti kesakārīvimānaṃ. Tassa kā uppatti? Bhagavā bārāṇasiyaṃ viharati isipatane migadāye. Tena kho pana samayena sambahulā bhikkhū pubbaṇhasamayaṃ nivāsetvā pattacīvaramādāya bārāṇasiṃ piṇḍāya pavisiṃsu. Te aññatarassa brāhmaṇassa gehadvārasamīpena gacchanti. Tasmiñca gehe brāhmaṇassa dhītā kesakārī nāma gehadvārasamīpe mātu sīsato ūkā gaṇhantī te bhikkhū gacchante disvā mātaraṃ āha ‘‘amma, ime pabbajitā paṭhamena yobbanena samannāgatā abhirūpā dassanīyā pāsādikā sukhumālā kenaci pārijuññena anabhibhūtā maññe, kasmā nu kho ime imasmiṃyeva vaye pabbajantī’’ti ? Taṃ mātā āha ‘‘atthi, amma, sakyaputto sakyakulā pabbajito buddho loke uppanno, so dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ, parisuddhaṃ brahmacariyaṃ pakāseti, tassa ime dhammaṃ sutvā pabbajantī’’ti.
д̇зна жа самаязна ааг̇ад̇апало вин̃н̃аад̇асаасано ан̃н̃ад̇аро убаасаго д̇ааяа вийт̇ияаа г̇ажчанд̇о д̇ам̣ гат̇ам̣ суд̇ваа д̇аасам̣ санд̇игам̣ убасан̇гами. ат̇а нам̣ б̣раахман̣ий ааха ‘‘зд̇арахи ко убаасага б̣ахуу гулабуд̇д̇аа маханд̇ам̣ бхог̇агканд̇хам̣ маханд̇ам̣ н̃аад̇ибариваддам̣ бахааяа сагяасамаяз баб̣б̣аж̇анд̇и, д̇з гим̣ ну ко ад̇т̇авасам̣ самбассанд̇аа баб̣б̣аж̇анд̇ий’’д̇и? д̇ам̣ суд̇ваа убаасаго ‘‘гаамзсу аад̣̇ийнавам̣, нзгкаммз жа аанисам̣сам̣ самбассанд̇аа’’д̇и вад̇ваа ад̇д̇ано н̃аан̣аб̣алаануруубам̣ д̇амад̇т̇ам̣ вид̇т̇аарад̇о гат̇зси, д̇ин̣н̣ан̃жа рад̇анаанам̣ г̇ун̣з багаасзси, бан̃жаннам̣ сийлаанам̣ д̣̇идтад̇хаммигам̣ самбарааяиган̃жа г̇ун̣аанисам̣сам̣ бавзд̣̇зси. ат̇а б̣раахман̣ад̇хийд̇аа д̇ам̣ ‘‘гим̣ амхзхиби саран̣зсу жа сийлзсу жа бад̇идтааяа д̇аяаа вуд̇д̇з г̇ун̣аанисам̣сз ад̇хиг̇анд̇ум̣ саггаа’’д̇и бужчи. со ‘‘саб̣б̣асаад̇хааран̣аа имз д̇хаммаа бхаг̇авад̇аа бхаасид̇аа, гасмаа на саггаа’’д̇и вад̇ваа д̇ассаа саран̣аани жа сийлаани жа ад̣̇ааси. саа г̇ахид̇асаран̣аа самаад̣̇иннасийлаа жа худ̇ваа буна ааха ‘‘гим̣ ид̇о уд̇д̇ари ан̃н̃амби гаран̣ийяам̣ ад̇т̇ий’’д̇и. со д̇ассаа вин̃н̃убхаавам̣ саллагкзнд̇о ‘‘убаниссаяасамбаннаа бхависсад̇ий’’д̇и н̃ад̇ваа сарийрасабхаавам̣ вибхаавзнд̇о д̣̇вад̇д̇им̣саагаарагаммадтаанам̣ гат̇зд̇ваа гааяз вирааг̇ам̣ уббаад̣̇зд̇ваа убари анижжад̇аад̣̇ибадисам̣яуд̇д̇ааяа д̇хаммияаа гат̇ааяа сам̣взж̇зд̇ваа вибассанаамаг̇г̇ам̣ аажигкид̇ваа г̇ад̇о. саа д̇зна вуд̇д̇анаяам̣ саб̣б̣ам̣ манаси гад̇ваа бадигууламанасигаарз самаахид̇ажид̇д̇аа вибассанам̣ бадтабзд̇ваа убаниссаяасамбад̇д̇ияаа на жирассзва сод̇аабад̇д̇ипалз бад̇идтахи. ат̇аабарзна самаязна гаалам̣ гад̇ваа саггасса д̣̇зваран̃н̃о барижааригаа худ̇ваа ниб̣б̣ад̇д̇и, сад̇асахассан̃жассаа ажчараабаривааро ахоси. д̇ам̣ сагго д̣̇зварааж̇аа д̣̇исваа ажчарияаб̣бхуд̇ажид̇д̇аж̇аад̇о бамуд̣̇ид̇ахад̣̇аяо –
Tena ca samayena āgataphalo viññātasāsano aññataro upāsako tāya vīthiyā gacchanto taṃ kathaṃ sutvā tāsaṃ santikaṃ upasaṅkami. Atha naṃ brāhmaṇī āha ‘‘etarahi kho upāsaka bahū kulaputtā mahantaṃ bhogakkhandhaṃ mahantaṃ ñātiparivaṭṭaṃ pahāya sakyasamaye pabbajanti, te kiṃ nu kho atthavasaṃ sampassantā pabbajantī’’ti? Taṃ sutvā upāsako ‘‘kāmesu ādīnavaṃ, nekkhamme ca ānisaṃsaṃ sampassantā’’ti vatvā attano ñāṇabalānurūpaṃ tamatthaṃ vitthārato kathesi, tiṇṇañca ratanānaṃ guṇe pakāsesi, pañcannaṃ sīlānaṃ diṭṭhadhammikaṃ samparāyikañca guṇānisaṃsaṃ pavedesi. Atha brāhmaṇadhītā taṃ ‘‘kiṃ amhehipi saraṇesu ca sīlesu ca patiṭṭhāya tayā vutte guṇānisaṃse adhigantuṃ sakkā’’ti pucchi. So ‘‘sabbasādhāraṇā ime dhammā bhagavatā bhāsitā, kasmā na sakkā’’ti vatvā tassā saraṇāni ca sīlāni ca adāsi. Sā gahitasaraṇā samādinnasīlā ca hutvā puna āha ‘‘kiṃ ito uttari aññampi karaṇīyaṃ atthī’’ti. So tassā viññubhāvaṃ sallakkhento ‘‘upanissayasampannā bhavissatī’’ti ñatvā sarīrasabhāvaṃ vibhāvento dvattiṃsākārakammaṭṭhānaṃ kathetvā kāye virāgaṃ uppādetvā upari aniccatādipaṭisaṃyuttāya dhammiyā kathāya saṃvejetvā vipassanāmaggaṃ ācikkhitvā gato. Sā tena vuttanayaṃ sabbaṃ manasi katvā paṭikūlamanasikāre samāhitacittā vipassanaṃ paṭṭhapetvā upanissayasampattiyā na cirasseva sotāpattiphale patiṭṭhahi. Athāparena samayena kālaṃ katvā sakkassa devarañño paricārikā hutvā nibbatti, satasahassañcassā accharāparivāro ahosi. Taṃ sakko devarājā disvā acchariyabbhutacittajāto pamuditahadayo –
150.
150.
‘‘ид̣̇ам̣ вимаанам̣ ружирам̣ бабхассарам̣, взл̣урияат̇амбхам̣ сад̇ад̇ам̣ суниммид̇ам̣;
‘‘Idaṃ vimānaṃ ruciraṃ pabhassaraṃ, veḷuriyathambhaṃ satataṃ sunimmitaṃ;
суван̣н̣аругкзхи саманд̇амод̇т̇ад̇ам̣, таанам̣ мамам̣ гаммавибаагасамбхавам̣.
Suvaṇṇarukkhehi samantamotthataṃ, ṭhānaṃ mamaṃ kammavipākasambhavaṃ.
151.
151.
‘‘д̇ад̇руубабаннаа буримажчараа имаа, сад̇ам̣ сахассаани сагзна гаммунаа;
‘‘Tatrūpapannā purimaccharā imā, sataṃ sahassāni sakena kammunā;
д̇увам̣си аж̇жхубаг̇ад̇аа яасассиний, обхаасаяам̣ д̇идтаси буб̣б̣ад̣̇звад̇аа.
Tuvaṃsi ajjhupagatā yasassinī, obhāsayaṃ tiṭṭhasi pubbadevatā.
152.
152.
‘‘сасий ад̇хиг̇г̇аяха яат̇аа вирожад̇и, нагкад̇д̇арааж̇аарива д̇аарагааг̇ан̣ам̣;
‘‘Sasī adhiggayha yathā virocati, nakkhattarājāriva tārakāgaṇaṃ;
д̇ат̇зва д̇вам̣ ажчараасан̇г̇ан̣ам̣ имам̣, д̣̇ад̣̇д̣̇алламаанаа яасасаа вирожаси.
Tatheva tvaṃ accharāsaṅgaṇaṃ imaṃ, daddallamānā yasasā virocasi.
153.
153.
‘‘гуд̇о ну ааг̇амма аномад̣̇ассанз, убабаннаа д̇вам̣ бхаванам̣ мамам̣ ид̣̇ам̣;
‘‘Kuto nu āgamma anomadassane, upapannā tvaṃ bhavanaṃ mamaṃ idaṃ;
б̣рахмам̣ва д̣̇зваа д̇ид̣̇асаа сахинд̣̇агаа, саб̣б̣з на д̇аббаамасз д̣̇ассанзна д̇а’’нд̇и. –
Brahmaṃva devā tidasā sahindakā, sabbe na tappāmase dassanena ta’’nti. –
жад̇уухи г̇аат̇аахи д̇ааяа гад̇агаммам̣ бужчи.
Catūhi gāthāhi tāya katakammaṃ pucchi.
150. д̇ад̇т̇а ид̣̇ам̣ вимаананд̇и яасмим̣ вимаанз саа д̣̇звад̇аа уббаннаа, д̇ам̣ ад̇д̇ано вимаанам̣ санд̇хааяааха. сад̇ад̇анд̇и саб̣б̣агаалам̣ ружирам̣ бабхассаранд̇и яож̇анаа. сад̇ад̇анд̇и ваа саммаад̇ад̇ам̣, ад̇ивияа вид̇т̇ин̣н̣анд̇и ад̇т̇о. саманд̇амод̇т̇ад̇анд̇и саманд̇ад̇о авад̇т̇ад̇ам̣ чаад̣̇ид̇ам̣. таананд̇и вимаанамзва санд̇хааяа вад̣̇ад̇и. д̇ан̃хи д̇идтанд̇и зд̇т̇а гад̇абун̃н̃аад̇и таананд̇и вужжад̇и. гаммавибаагасамбхаванд̇и гаммавибаагабхаавзна самбхууд̇ам̣, гаммавибаагзна ваа саха самбхууд̇ам̣. маманд̇и ид̣̇ам̣ мама таанам̣ мама гаммавибаагасамбхаванд̇и д̣̇вийхиби бад̣̇зхи яож̇зд̇аб̣б̣ам̣.
150. Tattha idaṃ vimānanti yasmiṃ vimāne sā devatā uppannā, taṃ attano vimānaṃ sandhāyāha. Satatanti sabbakālaṃ ruciraṃ pabhassaranti yojanā. Satatanti vā sammātataṃ, ativiya vitthiṇṇanti attho. Samantamotthatanti samantato avatthataṃ chāditaṃ. Ṭhānanti vimānameva sandhāya vadati. Tañhi tiṭṭhanti ettha katapuññāti ṭhānanti vuccati. Kammavipākasambhavanti kammavipākabhāvena sambhūtaṃ, kammavipākena vā saha sambhūtaṃ. Mamanti idaṃ mama ṭhānaṃ mama kammavipākasambhavanti dvīhipi padehi yojetabbaṃ.
151. д̇ад̇руубабаннаад̇и г̇аат̇ааяа аяам̣ сан̇кзбад̇т̇о – д̇ад̇ра д̇асмим̣ яат̇аавуд̇д̇з вимаанз убабаннаад̇и ниб̣б̣ад̇д̇аа баг̇зва уббаннад̇д̇аа буб̣б̣ад̣̇звад̇аа имаа буримаа ажчарааяо баримаан̣ад̇о сад̇ам̣ сахассаани. д̇увам̣сийд̇и д̇вам̣ аси сагзна гаммунаа аж̇жхубаг̇ад̇аа убабаннаа. яасассинийд̇и бариваарасамбаннаа, д̇знзва сагзна гаммунаа гаммаанубхаавзна обхаасаяанд̇ий вирожамаанаа д̇идтасийд̇и.
151.Tatrūpapannāti gāthāya ayaṃ saṅkhepattho – tatra tasmiṃ yathāvutte vimāne upapannāti nibbattā pageva uppannattā pubbadevatā imā purimā accharāyo parimāṇato sataṃ sahassāni. Tuvaṃsīti tvaṃ asi sakena kammunā ajjhupagatā upapannā. Yasassinīti parivārasampannā, teneva sakena kammunā kammānubhāvena obhāsayantī virocamānā tiṭṭhasīti.
152. ид̣̇аани д̇амзва обхаасанам̣ убамааяа вибхаавзнд̇о ‘‘сасий’’д̇и г̇аат̇амааха. д̇ассад̇т̇о – яат̇аа сасалан̃чанаяог̇зна ‘‘сасий’’д̇и, нагкад̇д̇зхи ад̇хигаг̇ун̣ад̇ааяа ‘‘нагкад̇д̇арааж̇аа’’д̇и жа лад̣̇д̇ханаамо жанд̣̇о саб̣б̣ам̣ д̇аарагааг̇ан̣ам̣ ад̇хиг̇г̇аяха абхибхавид̇ваа вирожад̇и вирааж̇ад̇и, д̇ат̇зва д̇вам̣ имам̣ ажчараанам̣ д̣̇зваган̃н̃аанам̣ г̇ан̣ам̣ самуухам̣ ад̇д̇ано яасасаа д̣̇ад̣̇д̣̇алламаанаа ад̇ивияа виж̇ж̇од̇амаанаа вирожасийд̇и. зд̇т̇а жа ‘‘имаа’’д̇и ‘‘има’’нд̇и жа нибаад̇амад̇д̇ам̣. гзжи бана ‘‘нагкад̇д̇арааж̇аарива д̇аарааг̇ан̣ам̣ д̇ат̇зва д̇ва’’нд̇и батанд̇и.
152. Idāni tameva obhāsanaṃ upamāya vibhāvento ‘‘sasī’’ti gāthamāha. Tassattho – yathā sasalañchanayogena ‘‘sasī’’ti, nakkhattehi adhikaguṇatāya ‘‘nakkhattarājā’’ti ca laddhanāmo cando sabbaṃ tārakāgaṇaṃ adhiggayha abhibhavitvā virocati virājati, tatheva tvaṃ imaṃ accharānaṃ devakaññānaṃ gaṇaṃ samūhaṃ attano yasasā daddallamānā ativiya vijjotamānā virocasīti. Ettha ca ‘‘imā’’ti ‘‘ima’’nti ca nipātamattaṃ. Keci pana ‘‘nakkhattarājāriva tārāgaṇaṃ tatheva tva’’nti paṭhanti.
153. ид̣̇аани д̇ассаа д̣̇звад̇ааяа буримабхавам̣ д̇ад̇т̇а гад̇абун̃н̃ан̃жа бужчанд̇о ‘‘гуд̇о ну ааг̇аммаа’’д̇и г̇аат̇амааха. д̇ад̇т̇а гуд̇о ну ааг̇аммаад̇и гуд̇о ну бхавад̇о гуд̇о ну бун̃н̃агаммад̇о гааран̣абхууд̇ад̇о ид̣̇ам̣ мама бхаванам̣ ааг̇амма бхад̣̇д̣̇з аномад̣̇ассанз саб̣б̣ан̇г̇асобханз д̇вам̣ убабаннаа уббад̇д̇иг̇ахан̣авасзна убаг̇ад̇аа. ‘‘аномад̣̇ассанз’’д̇и вуд̇д̇амзвад̇т̇ам̣ убамааяа багаасзнд̇о ‘‘б̣рахмам̣ва д̣̇зваа д̇ид̣̇асаа сахинд̣̇агаа, саб̣б̣з на д̇аббаамасз д̣̇ассанзна д̇а’’нд̇и ааха. д̇ад̇т̇а яат̇аа б̣рахмаанам̣ сахамбад̇им̣ санан̇гумаарам̣ ваа убаг̇ад̇ам̣ саха инд̣̇знаад̇и сахинд̣̇агаа д̇аавад̇им̣саа д̣̇зваа бассанд̇аа д̣̇ассанзна на д̇аббанд̇и, звам̣ д̇ава д̣̇ассанзна маяам̣ саб̣б̣з д̣̇зваа на д̇аббаамасзд̇и ад̇т̇о.
153. Idāni tassā devatāya purimabhavaṃ tattha katapuññañca pucchanto ‘‘kuto nu āgammā’’ti gāthamāha. Tattha kuto nu āgammāti kuto nu bhavato kuto nu puññakammato kāraṇabhūtato idaṃ mama bhavanaṃ āgamma bhadde anomadassane sabbaṅgasobhane tvaṃ upapannā uppattigahaṇavasena upagatā. ‘‘Anomadassane’’ti vuttamevatthaṃ upamāya pakāsento ‘‘brahmaṃva devā tidasā sahindakā, sabbe na tappāmase dassanena ta’’nti āha. Tattha yathā brahmānaṃ sahampatiṃ sanaṅkumāraṃ vā upagataṃ saha indenāti sahindakā tāvatiṃsā devā passantā dassanena na tappanti, evaṃ tava dassanena mayaṃ sabbe devā na tappāmaseti attho.
звам̣ бана саггзна д̣̇зваанаминд̣̇зна бужчид̇аа саа д̣̇звад̇аа д̇амад̇т̇ам̣ багаасзнд̇ий –
Evaṃ pana sakkena devānamindena pucchitā sā devatā tamatthaṃ pakāsentī –
154.
154.
‘‘яамзд̇ам̣ сагга анубужчасз мамам̣, гуд̇о жуд̇аа д̇вам̣ ид̇ха ааг̇ад̇аад̇и;
‘‘Yametaṃ sakka anupucchase mamaṃ, kuto cutā tvaṃ idha āgatāti;
б̣аараан̣асий наама бурад̇т̇и гаасинам̣, д̇ад̇т̇а ахосим̣ бурз гзсагааригаа.
Bārāṇasī nāma puratthi kāsinaṃ, tattha ahosiṃ pure kesakārikā.
155.
155.
‘‘б̣уд̣̇д̇хз жа д̇хаммз жа басаннамаанасаа, сан̇гхз жа зганд̇аг̇ад̇аа асам̣саяаа;
‘‘Buddhe ca dhamme ca pasannamānasā, saṅghe ca ekantagatā asaṃsayā;
акан̣д̣асигкаабад̣̇аа ааг̇ад̇абпалаа, самб̣од̇хид̇хаммз нияад̇аа анаамаяаа’’д̇и. –
Akhaṇḍasikkhāpadā āgatapphalā, sambodhidhamme niyatā anāmayā’’ti. –
г̇аат̇ад̣̇ваяамааха.
Gāthadvayamāha.
154-5. д̇ад̇т̇а яамзд̇анд̇и яам̣ зд̇ам̣ бан̃ханд̇и ад̇т̇о. анубужчасзд̇и анугуулабхаавзна бужчаси. маманд̇и мам̣. бурад̇т̇ийд̇и бурам̣ ад̇т̇и. гаасинанд̇и гаасирадтасса. гзсагааригаад̇и буримад̇д̇абхаавз ад̇д̇ано наамам̣ вад̣̇ад̇и. б̣уд̣̇д̇хз жа д̇хаммз жаад̇иаад̣̇инаа ад̇д̇ано бун̃н̃ам̣ вибхаавзд̇и.
154-5. Tattha yametanti yaṃ etaṃ pañhanti attho. Anupucchaseti anukūlabhāvena pucchasi. Mamanti maṃ. Puratthīti puraṃ atthi. Kāsinanti kāsiraṭṭhassa. Kesakārikāti purimattabhāve attano nāmaṃ vadati. Buddheca dhamme cātiādinā attano puññaṃ vibhāveti.
буна сагго д̇ассаа д̇ам̣ бун̃н̃асамбад̇д̇ин̃жа д̣̇иб̣б̣асамбад̇д̇ин̃жа анумод̣̇амаано –
Puna sakko tassā taṃ puññasampattiñca dibbasampattiñca anumodamāno –
156.
156.
‘‘д̇анд̇яаабхинанд̣̇аамасз свааг̇ад̇ан̃жа д̇з,
‘‘Tantyābhinandāmase svāgatañca te,
д̇хаммзна жа д̇вам̣ яасасаа вирожаси;
Dhammena ca tvaṃ yasasā virocasi;
б̣уд̣̇д̇хз жа д̇хаммз жа басаннамаанасз,
Buddhe ca dhamme ca pasannamānase,
сан̇гхз жа зганд̇аг̇ад̇з асам̣саяз;
Saṅghe ca ekantagate asaṃsaye;
акан̣д̣асигкаабад̣̇з ааг̇ад̇абпалз,
Akhaṇḍasikkhāpade āgatapphale,
самб̣од̇хид̇хаммз нияад̇з анаамаяз’’д̇и. – ааха;
Sambodhidhamme niyate anāmaye’’ti. – āha;
156. д̇ад̇т̇а д̇анд̇яаабхинанд̣̇аамасзд̇и д̇ам̣ д̇з д̣̇увид̇хамби самбад̇д̇им̣ абхинанд̣̇аама анумод̣̇аама. свааг̇ад̇ан̃жа д̇зд̇и д̇уяхан̃жа ид̇хааг̇аманам̣ свааг̇ад̇ам̣, амхаагам̣ бийд̇исоманассасам̣вад̣̇д̇ханамзва. сзсам̣ вуд̇д̇анаяамзваад̇и.
156. Tattha tantyābhinandāmaseti taṃ te duvidhampi sampattiṃ abhinandāma anumodāma. Svāgatañcateti tuyhañca idhāgamanaṃ svāgataṃ, amhākaṃ pītisomanassasaṃvaddhanameva. Sesaṃ vuttanayamevāti.
д̇ам̣ бана бавад̇д̇им̣ сагго д̣̇зварааж̇аа ааяасмад̇о махаамог̇г̇аллаанад̇т̇зрасса гат̇зси, т̇зро бхаг̇авад̇о нивзд̣̇зси. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа сад̣̇звагасса логасса саад̇т̇игаа ж̇аад̇аад̇и.
Taṃ pana pavattiṃ sakko devarājā āyasmato mahāmoggallānattherassa kathesi, thero bhagavato nivedesi. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā sadevakassa lokassa sātthikā jātāti.
гзсагаарийвимаанаван̣н̣анаа нидтид̇аа.
Kesakārīvimānavaṇṇanā niṭṭhitā.
ид̇и барамад̇т̇ад̣̇ийбанияаа куд̣̇д̣̇ага-адтагат̇ааяа вимаанавад̇т̇усмим̣
Iti paramatthadīpaniyā khuddaka-aṭṭhakathāya vimānavatthusmiṃ
сад̇д̇арасавад̇т̇убадиман̣д̣ид̇асса батамасса бийтаваг̇г̇асса
Sattarasavatthupaṭimaṇḍitassa paṭhamassa pīṭhavaggassa
ад̇т̇аван̣н̣анаа нидтид̇аа.
Atthavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 17. гзсагаарийвимаанавад̇т̇у • 17. Kesakārīvimānavatthu
