| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. гзсамуд̇д̇исуд̇д̇аван̣н̣анаа
5. Kesamuttisuttavaṇṇanā
66. бан̃жамз гаалаамаанам̣ ниг̇амод̇и гаалаамаа наама кад̇д̇ияаа, д̇зсам̣ ниг̇амо. гзсамуд̇д̇ияаад̇и гзсамуд̇д̇аниг̇амаваасино. убасан̇гамим̣сууд̇и саббинаванийд̇аад̣̇ибхзсаж̇ж̇аани жзва адтавид̇хабаанагаани жа г̇аахаабзд̇ваа убасан̇гамим̣су. сагам̣язва ваад̣̇ам̣ д̣̇ийбзнд̇ийд̇и ад̇д̇аноязва лад̣̇д̇хим̣ гат̇знд̇и. ж̇од̇знд̇ийд̇и багаасзнд̇и. кум̣сзнд̇ийд̇и гхаддзнд̇и. вамбхзнд̇ийд̇и аваж̇аананд̇и. барибхаванд̇ийд̇и лаамагам̣ гаронд̇и. омагким̣ гаронд̇ийд̇и угкид̇д̇агам̣ гаронд̇и, угкибид̇ваа чад̣д̣знд̇и. абарзби, бханд̇зд̇и со гира адавимукз г̇аамо, д̇асмаа д̇ад̇т̇а адавим̣ ад̇игганд̇аа жа ад̇иггамид̇угаамаа жа ваасам̣ габбзнд̇и. д̇зсуби батамам̣ ааг̇ад̇аа ад̇д̇ано лад̣̇д̇хим̣ д̣̇ийбзд̇ваа баггамим̣су, бажчаа ааг̇ад̇аа ‘‘гим̣ д̇з ж̇аананд̇и, амхаагам̣ анд̇зваасигаа д̇з, амхаагам̣ санд̇игз гин̃жи гин̃жи сиббам̣ уг̇г̇ан̣хим̣суу’’д̇и ад̇д̇ано лад̣̇д̇хим̣ д̣̇ийбзд̇ваа баггамим̣су. гаалаамаа згалад̣̇д̇хияамби сан̣тахид̇ум̣ на сагким̣су. д̇з зд̇амад̇т̇ам̣ д̣̇ийбзд̇ваа бхаг̇авад̇о звамаарожзд̇ваа д̇зсам̣ но, бханд̇зд̇иаад̣̇имаахам̣су. д̇ад̇т̇а ход̇зва ган̇каад̇и ход̇иязва ган̇каа. вижигижчаад̇и д̇ассзва взважанам̣. аланд̇и яуд̇д̇ам̣.
66. Pañcame kālāmānaṃ nigamoti kālāmā nāma khattiyā, tesaṃ nigamo. Kesamuttiyāti kesamuttanigamavāsino. Upasaṅkamiṃsūti sappinavanītādibhesajjāni ceva aṭṭhavidhapānakāni ca gāhāpetvā upasaṅkamiṃsu. Sakaṃyeva vādaṃ dīpentīti attanoyeva laddhiṃ kathenti. Jotentīti pakāsenti. Khuṃsentīti ghaṭṭenti. Vambhentīti avajānanti. Paribhavantīti lāmakaṃ karonti. Omakkhiṃ karontīti ukkhittakaṃ karonti, ukkhipitvā chaḍḍenti. Aparepi, bhanteti so kira aṭavimukhe gāmo, tasmā tattha aṭaviṃ atikkantā ca atikkamitukāmā ca vāsaṃ kappenti. Tesupi paṭhamaṃ āgatā attano laddhiṃ dīpetvā pakkamiṃsu, pacchā āgatā ‘‘kiṃ te jānanti, amhākaṃ antevāsikā te, amhākaṃ santike kiñci kiñci sippaṃ uggaṇhiṃsū’’ti attano laddhiṃ dīpetvā pakkamiṃsu. Kālāmā ekaladdhiyampi saṇṭhahituṃ na sakkhiṃsu. Te etamatthaṃ dīpetvā bhagavato evamārocetvā tesaṃ no, bhantetiādimāhaṃsu. Tattha hoteva kaṅkhāti hotiyeva kaṅkhā. Vicikicchāti tasseva vevacanaṃ. Alanti yuttaṃ.
маа ануссавзнаад̇и ануссавагат̇ааяаби маа г̇ан̣хид̇т̇а. маа барамбарааяаад̇и барамбарагат̇ааяаби маа г̇ан̣хид̇т̇а. маа ид̇игирааяаад̇и звам̣ гира зд̇анд̇и маа г̇ан̣хид̇т̇а. маа бидагасамбад̣̇аанзнаад̇и амхаагам̣ бидагад̇анд̇ияаа сад̣̇д̇хим̣ самзд̇ийд̇и маа г̇ан̣хид̇т̇а. маа д̇аггахзд̇ууд̇и д̇аггаг̇г̇аахзнаби маа г̇ан̣хид̇т̇а. маа наяахзд̇ууд̇и наяаг̇г̇аахзнаби маа г̇ан̣хид̇т̇а. маа аагаарабаривид̇аггзнаад̇и сунд̣̇арамид̣̇ам̣ гааран̣анд̇и звам̣ гааран̣абаривид̇аггзнаби маа г̇ан̣хид̇т̇а. маа д̣̇идтиниж̇жхаанагканд̇ияаад̇и амхаагам̣ ниж̇жхааяид̇ваа камид̇ваа г̇ахид̇ад̣̇идтияаа сад̣̇д̇хим̣ самзд̇ийд̇иби маа г̇ан̣хид̇т̇а. маа бхаб̣б̣аруубад̇ааяаад̇и аяам̣ бхигку бхаб̣б̣аруубо, имасса гат̇ам̣ г̇ахзд̇ум̣ яуд̇д̇анд̇иби маа г̇ан̣хид̇т̇а. маа саман̣о но г̇арууд̇и аяам̣ саман̣о амхаагам̣ г̇ару, имасса гат̇ам̣ г̇ахзд̇ум̣ яуд̇д̇анд̇иби маа г̇ан̣хид̇т̇а. самад̇д̇аад̇и барибун̣н̣аа. самаад̣̇иннаад̇и г̇ахид̇аа бараамадтаа. яам̣са ход̇ийд̇и яам̣ гааран̣ам̣ д̇асса буг̇г̇аласса ход̇и. алобхаад̣̇аяо лобхаад̣̇ибадибагкавасзна взд̣̇ид̇аб̣б̣аа. виг̇ад̇аабхиж̇жход̇иаад̣̇ийхи мзд̇д̇ааяа буб̣б̣абхааг̇о гат̇ид̇о.
Māanussavenāti anussavakathāyapi mā gaṇhittha. Mā paramparāyāti paramparakathāyapi mā gaṇhittha. Mā itikirāyāti evaṃ kira etanti mā gaṇhittha. Mā piṭakasampadānenāti amhākaṃ piṭakatantiyā saddhiṃ sametīti mā gaṇhittha. Mā takkahetūti takkaggāhenapi mā gaṇhittha. Mā nayahetūti nayaggāhenapi mā gaṇhittha. Mā ākāraparivitakkenāti sundaramidaṃ kāraṇanti evaṃ kāraṇaparivitakkenapi mā gaṇhittha. Mā diṭṭhinijjhānakkhantiyāti amhākaṃ nijjhāyitvā khamitvā gahitadiṭṭhiyā saddhiṃ sametītipi mā gaṇhittha. Mā bhabbarūpatāyāti ayaṃ bhikkhu bhabbarūpo, imassa kathaṃ gahetuṃ yuttantipi mā gaṇhittha. Mā samaṇo no garūti ayaṃ samaṇo amhākaṃ garu, imassa kathaṃ gahetuṃ yuttantipi mā gaṇhittha. Samattāti paripuṇṇā. Samādinnāti gahitā parāmaṭṭhā. Yaṃsa hotīti yaṃ kāraṇaṃ tassa puggalassa hoti. Alobhādayo lobhādipaṭipakkhavasena veditabbā. Vigatābhijjhotiādīhi mettāya pubbabhāgo kathito.
ид̣̇аани мзд̇д̇аад̣̇игам̣ гаммадтаанам̣ гат̇знд̇о мзд̇д̇аасахаг̇ад̇знаад̇иаад̣̇имааха. д̇ад̇т̇а гаммадтаанагат̇ааяа ваа бхааванаанаяз ваа баал̣иван̣н̣анааяа ваа яам̣ вад̇д̇аб̣б̣ам̣ сияаа, д̇ам̣ саб̣б̣ам̣ висуд̣̇д̇химаг̇г̇з (висуд̣̇д̇хи. 1.240) вуд̇д̇амзва. звам̣ авзражид̇д̇од̇и звам̣ агусалавзрасса жа буг̇г̇алавзрино жа над̇т̇ид̇ааяа авзражид̇д̇о. аб̣яааб̣аж̇жхажид̇д̇од̇и год̇хажид̇д̇асса абхаавзна нид̣̇д̣̇угкажид̇д̇о. асам̣гилидтажид̇д̇од̇и гилзсасса над̇т̇ид̇ааяа асам̣гилидтажид̇д̇о. висуд̣̇д̇хажид̇д̇од̇и гилзсамалаабхаавзна висуд̣̇д̇хажид̇д̇о ход̇ийд̇и ад̇т̇о. д̇ассаад̇и д̇асса зваруубасса арияасаавагасса. ассаасаад̇и авассаяаа бад̇идтаа. сажз ко бана ад̇т̇и баро логод̇и яад̣̇и имамхаа логаа баралого наама ад̇т̇и. ат̇аахам̣ гааяасса бхзд̣̇аа бараммаран̣аа…бз… убабаж̇ж̇иссаамийд̇и ад̇т̇зд̇ам̣ гааран̣ам̣, язнаахам̣ гааяасса бхзд̣̇аа бараммаран̣аа суг̇ад̇им̣ саг̇г̇ам̣ логам̣ убабаж̇ж̇иссаамийд̇и звам̣ саб̣б̣ад̇т̇а наяо взд̣̇ид̇аб̣б̣о. анийгханд̇и нид̣̇д̣̇угкам̣. сукинд̇и сукид̇ам̣. убхаязнзва висуд̣̇д̇хам̣ ад̇д̇аанам̣ саманубассаамийд̇и яан̃жа баабам̣ на гароми, яан̃жа гарод̇оби на гарийяад̇и, иминаа убхаязнааби висуд̣̇д̇хам̣ ад̇д̇аанам̣ саманубассаами. сзсам̣ саб̣б̣ад̇т̇а уд̇д̇аанад̇т̇амзваад̇и.
Idāni mettādikaṃ kammaṭṭhānaṃ kathento mettāsahagatenātiādimāha. Tattha kammaṭṭhānakathāya vā bhāvanānaye vā pāḷivaṇṇanāya vā yaṃ vattabbaṃ siyā, taṃ sabbaṃ visuddhimagge (visuddhi. 1.240) vuttameva. Evaṃ averacittoti evaṃ akusalaverassa ca puggalaverino ca natthitāya averacitto. Abyābajjhacittoti kodhacittassa abhāvena niddukkhacitto. Asaṃkiliṭṭhacittoti kilesassa natthitāya asaṃkiliṭṭhacitto. Visuddhacittoti kilesamalābhāvena visuddhacitto hotīti attho. Tassāti tassa evarūpassa ariyasāvakassa. Assāsāti avassayā patiṭṭhā. Sace kho pana atthi paro lokoti yadi imamhā lokā paraloko nāma atthi. Athāhaṃ kāyassa bhedā parammaraṇā…pe… upapajjissāmīti atthetaṃ kāraṇaṃ, yenāhaṃ kāyassa bhedā parammaraṇā sugatiṃ saggaṃ lokaṃ upapajjissāmīti evaṃ sabbattha nayo veditabbo. Anīghanti niddukkhaṃ. Sukhinti sukhitaṃ. Ubhayeneva visuddhaṃ attānaṃ samanupassāmīti yañca pāpaṃ na karomi, yañca karotopi na karīyati, iminā ubhayenāpi visuddhaṃ attānaṃ samanupassāmi. Sesaṃ sabbattha uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. гзсамуд̇д̇исуд̇д̇ам̣ • 5. Kesamuttisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. гзсамуд̇д̇исуд̇д̇аван̣н̣анаа • 5. Kesamuttisuttavaṇṇanā
