| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(12) 2. гзсиваг̇г̇о
(12) 2. Kesivaggo
1. гзсисуд̇д̇ам̣
1. Kesisuttaṃ
111. ат̇а ко гзси ассад̣̇аммасаарат̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко гзсим̣ ассад̣̇аммасаарат̇им̣ бхаг̇аваа зд̇ад̣̇авожа – ‘‘д̇вам̣ коси, гзси, бан̃н̃аад̇о ассад̣̇аммасаарат̇ийд̇и 1. гат̇ам̣ бана д̇вам̣, гзси, ассад̣̇аммам̣ винзсий’’д̇и? ‘‘ахам̣ ко, бханд̇з, ассад̣̇аммам̣ сан̣хзнаби винзми, парусзнаби винзми , сан̣хапарусзнаби винзмий’’д̇и. ‘‘сажз д̇з, гзси, ассад̣̇аммо сан̣хзна винаяам̣ на убзд̇и, парусзна винаяам̣ на убзд̇и, сан̣хапарусзна винаяам̣ на убзд̇и, гинд̇и нам̣ гаросий’’д̇и? ‘‘сажз мз, бханд̇з, ассад̣̇аммо сан̣хзна винаяам̣ на убзд̇и, парусзна винаяам̣ на убзд̇и, сан̣хапарусзна винаяам̣ на убзд̇и; ханаами нам̣, бханд̇з. д̇ам̣ гисса хзд̇у? маа мз аажарияагуласса аван̣н̣о ахосий’’д̇и.
111. Atha kho kesi assadammasārathi yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho kesiṃ assadammasārathiṃ bhagavā etadavoca – ‘‘tvaṃ khosi, kesi, paññāto assadammasārathīti 2. Kathaṃ pana tvaṃ, kesi, assadammaṃ vinesī’’ti? ‘‘Ahaṃ kho, bhante, assadammaṃ saṇhenapi vinemi, pharusenapi vinemi , saṇhapharusenapi vinemī’’ti. ‘‘Sace te, kesi, assadammo saṇhena vinayaṃ na upeti, pharusena vinayaṃ na upeti, saṇhapharusena vinayaṃ na upeti, kinti naṃ karosī’’ti? ‘‘Sace me, bhante, assadammo saṇhena vinayaṃ na upeti, pharusena vinayaṃ na upeti, saṇhapharusena vinayaṃ na upeti; hanāmi naṃ, bhante. Taṃ kissa hetu? Mā me ācariyakulassa avaṇṇo ahosī’’ti.
‘‘бхаг̇аваа бана, бханд̇з, ануд̇д̇аро бурисад̣̇аммасаарат̇и. гат̇ам̣ бана, бханд̇з, бхаг̇аваа бурисад̣̇аммам̣ винзд̇ий’’д̇и? ‘‘ахам̣ ко, гзси, бурисад̣̇аммам̣ сан̣хзнаби винзми, парусзнаби винзми, сан̣хапарусзнаби винзми. д̇ад̇рид̣̇ам̣, гзси, сан̣хасмим̣ – ид̇и гааяасужарид̇ам̣ ид̇и гааяасужарид̇асса вибааго, ид̇и важийсужарид̇ам̣ ид̇и важийсужарид̇асса вибааго, ид̇и маносужарид̇ам̣ ид̇и маносужарид̇асса вибааго, ид̇и д̣̇зваа, ид̇и мануссаад̇и. д̇ад̇рид̣̇ам̣, гзси, парусасмим̣ – ид̇и гааяад̣̇ужжарид̇ам̣ ид̇и гааяад̣̇ужжарид̇асса вибааго, ид̇и важийд̣̇ужжарид̇ам̣ ид̇и важийд̣̇ужжарид̇асса вибааго, ид̇и манод̣̇ужжарид̇ам̣ ид̇и манод̣̇ужжарид̇асса вибааго, ид̇и нираяо, ид̇и д̇иражчаанаяони, ид̇и бзд̇д̇ивисаяо’’д̇и.
‘‘Bhagavā pana, bhante, anuttaro purisadammasārathi. Kathaṃ pana, bhante, bhagavā purisadammaṃ vinetī’’ti? ‘‘Ahaṃ kho, kesi, purisadammaṃ saṇhenapi vinemi, pharusenapi vinemi, saṇhapharusenapi vinemi. Tatridaṃ, kesi, saṇhasmiṃ – iti kāyasucaritaṃ iti kāyasucaritassa vipāko, iti vacīsucaritaṃ iti vacīsucaritassa vipāko, iti manosucaritaṃ iti manosucaritassa vipāko, iti devā, iti manussāti. Tatridaṃ, kesi, pharusasmiṃ – iti kāyaduccaritaṃ iti kāyaduccaritassa vipāko, iti vacīduccaritaṃ iti vacīduccaritassa vipāko, iti manoduccaritaṃ iti manoduccaritassa vipāko, iti nirayo, iti tiracchānayoni, iti pettivisayo’’ti.
‘‘д̇ад̇рид̣̇ам̣, гзси, сан̣хапарусасмим̣ – ид̇и гааяасужарид̇ам̣ ид̇и гааяасужарид̇асса вибааго, ид̇и гааяад̣̇ужжарид̇ам̣ ид̇и гааяад̣̇ужжарид̇асса вибааго, ид̇и важийсужарид̇ам̣ ид̇и важийсужарид̇асса вибааго, ид̇и важийд̣̇ужжарид̇ам̣ ид̇и важийд̣̇ужжарид̇асса вибааго, ид̇и маносужарид̇ам̣ ид̇и маносужарид̇асса вибааго, ид̇и манод̣̇ужжарид̇ам̣ ид̇и манод̣̇ужжарид̇асса вибааго, ид̇и д̣̇зваа, ид̇и мануссаа, ид̇и нираяо, ид̇и д̇иражчаанаяони, ид̇и бзд̇д̇ивисаяо’’д̇и.
‘‘Tatridaṃ, kesi, saṇhapharusasmiṃ – iti kāyasucaritaṃ iti kāyasucaritassa vipāko, iti kāyaduccaritaṃ iti kāyaduccaritassa vipāko, iti vacīsucaritaṃ iti vacīsucaritassa vipāko, iti vacīduccaritaṃ iti vacīduccaritassa vipāko, iti manosucaritaṃ iti manosucaritassa vipāko, iti manoduccaritaṃ iti manoduccaritassa vipāko, iti devā, iti manussā, iti nirayo, iti tiracchānayoni, iti pettivisayo’’ti.
‘‘сажз д̇з, бханд̇з, бурисад̣̇аммо сан̣хзна винаяам̣ на убзд̇и, парусзна винаяам̣ на убзд̇и, сан̣хапарусзна винаяам̣ на убзд̇и, гинд̇и нам̣ бхаг̇аваа гарод̇ий’’д̇и? ‘‘сажз мз, гзси, бурисад̣̇аммо сан̣хзна винаяам̣ на убзд̇и, парусзна винаяам̣ на убзд̇и, сан̣хапарусзна винаяам̣ на убзд̇и, ханаами нам̣, гзсий’’д̇и. ‘‘на ко, бханд̇з, бхаг̇авад̇о баан̣аад̇ибаад̇о габбад̇и. ат̇а жа бана бхаг̇аваа звамааха – ‘ханаами, нам̣ гзсий’’’д̇и! ‘‘сажжам̣, гзси! на д̇ат̇ааг̇ад̇асса баан̣аад̇ибаад̇о габбад̇и. аби жа яо бурисад̣̇аммо сан̣хзна винаяам̣ на убзд̇и, парусзна винаяам̣ на убзд̇и, сан̣хапарусзна винаяам̣ на убзд̇и, на д̇ам̣ д̇ат̇ааг̇ад̇о вад̇д̇аб̣б̣ам̣ анусаасид̇аб̣б̣ам̣ ман̃н̃ад̇и, нааби вин̃н̃уу саб̣рахмажаарий вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и. вад̇хо хзсо, гзси, арияасса винаяз – яам̣ на д̇ат̇ааг̇ад̇о вад̇д̇аб̣б̣ам̣ анусаасид̇аб̣б̣ам̣ ман̃н̃ад̇и, нааби вин̃н̃уу саб̣рахмажаарий вад̇д̇аб̣б̣ам̣ анусаасид̇аб̣б̣ам̣ ман̃н̃анд̇ий’’д̇и.
‘‘Sace te, bhante, purisadammo saṇhena vinayaṃ na upeti, pharusena vinayaṃ na upeti, saṇhapharusena vinayaṃ na upeti, kinti naṃ bhagavā karotī’’ti? ‘‘Sace me, kesi, purisadammo saṇhena vinayaṃ na upeti, pharusena vinayaṃ na upeti, saṇhapharusena vinayaṃ na upeti, hanāmi naṃ, kesī’’ti. ‘‘Na kho, bhante, bhagavato pāṇātipāto kappati. Atha ca pana bhagavā evamāha – ‘hanāmi, naṃ kesī’’’ti! ‘‘Saccaṃ, kesi! Na tathāgatassa pāṇātipāto kappati. Api ca yo purisadammo saṇhena vinayaṃ na upeti, pharusena vinayaṃ na upeti, saṇhapharusena vinayaṃ na upeti, na taṃ tathāgato vattabbaṃ anusāsitabbaṃ maññati, nāpi viññū sabrahmacārī vattabbaṃ anusāsitabbaṃ maññanti. Vadho heso, kesi, ariyassa vinaye – yaṃ na tathāgato vattabbaṃ anusāsitabbaṃ maññati, nāpi viññū sabrahmacārī vattabbaṃ anusāsitabbaṃ maññantī’’ti.
‘‘со хи нууна, бханд̇з, сухад̇о ход̇и – яам̣ на д̇ат̇ааг̇ад̇о вад̇д̇аб̣б̣ам̣ анусаасид̇аб̣б̣ам̣ ман̃н̃ад̇и, нааби вин̃н̃уу саб̣рахмажаарий вад̇д̇аб̣б̣ам̣ анусаасид̇аб̣б̣ам̣ ман̃н̃анд̇ийд̇и. абхигганд̇ам̣, бханд̇з, абхигганд̇ам̣, бханд̇з…бз… убаасагам̣ мам̣, бханд̇з, бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. батамам̣.
‘‘So hi nūna, bhante, suhato hoti – yaṃ na tathāgato vattabbaṃ anusāsitabbaṃ maññati, nāpi viññū sabrahmacārī vattabbaṃ anusāsitabbaṃ maññantīti. Abhikkantaṃ, bhante, abhikkantaṃ, bhante…pe… upāsakaṃ maṃ, bhante, bhagavā dhāretu ajjatagge pāṇupetaṃ saraṇaṃ gata’’nti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. гзсисуд̇д̇аван̣н̣анаа • 1. Kesisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. гзсисуд̇д̇аад̣̇иван̣н̣анаа • 1-7. Kesisuttādivaṇṇanā
