| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
(၁၂) ၂. ကေသိဝဂ္ဂော
(12) 2. Kesivaggo
၁. ကေသိသုတ္တဝဏ္ဏနာ
1. Kesisuttavaṇṇanā
၁၁၁. ဒုတိယသ္သ ပဌမေ ကေသီတိ တသ္သ နာမံ။ အသ္သဒမ္မေ သာရေတီတိ အသ္သဒမ္မသာရထိ။ သဏ္ဟေနပိ ဝိနေတီတိအာဒီသု တသ္သ အနုစ္ဆဝိကံ သက္ကာရံ ကတ္ဝာ သုဘောဇနံ ဘောဇေတ္ဝာ မဓုရပာနံ ပာယေတ္ဝာ မုဒုဝစနေန သမုဒာစရိတ္ဝာ ဒမေန္တော သဏ္ဟေန ဒမေတိ နာမ, ဇာဏုဗန္ဓနမုခဗန္ဓနာဒီဟိ စေဝ ပတောဒဝိဇ္ဈနကသာဘိဃာတဖရုသဝစနေဟိ စ ဒမေန္တော ဖရုသေန ဒမေတိ နာမ, ကာလေန ကာလံ တဒုဘယံ ကရောန္တော သဏ္ဟဖရုသေန ဒမေတိ နာမ။
111. Dutiyassa paṭhame kesīti tassa nāmaṃ. Assadamme sāretīti assadammasārathi. Saṇhenapi vinetītiādīsu tassa anucchavikaṃ sakkāraṃ katvā subhojanaṃ bhojetvā madhurapānaṃ pāyetvā muduvacanena samudācaritvā damento saṇhena dameti nāma, jāṇubandhanamukhabandhanādīhi ceva patodavijjhanakasābhighātapharusavacanehi ca damento pharusena dameti nāma, kālena kālaṃ tadubhayaṃ karonto saṇhapharusena dameti nāma.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. ကေသိသုတ္တံ • 1. Kesisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၇. ကေသိသုတ္တာဒိဝဏ္ဏနာ • 1-7. Kesisuttādivaṇṇanā
