| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
11. гзваддасуд̇д̇аван̣н̣анаа
11. Kevaṭṭasuttavaṇṇanā
гзваддаг̇ахабад̇ибуд̇д̇авад̇т̇уван̣н̣анаа
Kevaṭṭagahapatiputtavatthuvaṇṇanā
481. звам̣ мз суд̇ам̣…бз… наал̣анд̣̇ааяанд̇и гзваддасуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа. баавааригамб̣аванзд̇и баавааригасса амб̣аванз. гзваддод̇и ид̣̇ам̣ д̇асса г̇ахабад̇ибуд̇д̇асса наамам̣. со гира жад̇д̇аалийсагодид̇хано г̇ахабад̇имахаасаало ад̇ивияа сад̣̇д̇хо басанно ахоси. со сад̣̇д̇хаад̇хигад̇д̇ааязва ‘‘сажз зго бхигку ад̣дхамаасанд̇арзна ваа маасанд̇арзна ваа сам̣важчарзна ваа аагаасз уббад̇ид̇ваа вивид̇хаани баадихаарияаани д̣̇ассзяяа, саб̣б̣о ж̇ано ад̇ивияа басийд̣̇зяяа. яам̣нуунаахам̣ бхаг̇аванд̇ам̣ яаажид̇ваа баадихаарияагаран̣ад̇т̇ааяа згам̣ бхигкум̣ ануж̇аанаабзяяа’’нд̇и жинд̇зд̇ваа бхаг̇аванд̇ам̣ убасан̇гамид̇ваа звамааха.
481.Evaṃme sutaṃ…pe… nāḷandāyanti kevaṭṭasuttaṃ. Tatrāyaṃ apubbapadavaṇṇanā. Pāvārikambavaneti pāvārikassa ambavane. Kevaṭṭoti idaṃ tassa gahapatiputtassa nāmaṃ. So kira cattālīsakoṭidhano gahapatimahāsālo ativiya saddho pasanno ahosi. So saddhādhikattāyeva ‘‘sace eko bhikkhu aḍḍhamāsantarena vā māsantarena vā saṃvaccharena vā ākāse uppatitvā vividhāni pāṭihāriyāni dasseyya, sabbo jano ativiya pasīdeyya. Yaṃnūnāhaṃ bhagavantaṃ yācitvā pāṭihāriyakaraṇatthāya ekaṃ bhikkhuṃ anujānāpeyya’’nti cintetvā bhagavantaṃ upasaṅkamitvā evamāha.
д̇ад̇т̇а ид̣̇д̇хаад̇и самид̣̇д̇хаа пийд̇аад̇и наанаабхан̣д̣ауссаннад̇ааяа вуд̣̇д̇хиббад̇д̇аа. аагин̣н̣амануссаад̇и ам̣сагуудзна ам̣сагуудам̣ бахарид̇ваа вияа вижаранд̇зхи мануссзхи аагин̣н̣аа. самаад̣̇исад̇ууд̇и аан̣аабзд̇у таананд̇арз табзд̇у. уд̇д̇аримануссад̇хаммаад̇и уд̇д̇аримануссаанам̣ д̇хаммад̇о, д̣̇асагусаласан̇каад̇ад̇о ваа мануссад̇хаммад̇о уд̇д̇ари. бхияяосомад̇д̇ааяаад̇и багад̇ияааби баж̇ж̇алид̇абад̣̇ийбо д̇зласнзхам̣ лабхид̇ваа вияа ад̇ирзгаббамаан̣зна абхиббасийд̣̇иссад̇и. на ко аханд̇и бхаг̇аваа рааж̇аг̇ахасздтивад̇т̇усмим̣ сигкаабад̣̇ам̣ бан̃н̃абзси, д̇асмаа ‘‘на ко аха’’нд̇иаад̣̇имааха.
Tattha iddhāti samiddhā phītāti nānābhaṇḍaussannatāya vuddhippattā. Ākiṇṇamanussāti aṃsakūṭena aṃsakūṭaṃ paharitvā viya vicarantehi manussehi ākiṇṇā. Samādisatūti āṇāpetu ṭhānantare ṭhapetu. Uttarimanussadhammāti uttarimanussānaṃ dhammato, dasakusalasaṅkhātato vā manussadhammato uttari. Bhiyyosomattāyāti pakatiyāpi pajjalitapadīpo telasnehaṃ labhitvā viya atirekappamāṇena abhippasīdissati. Na kho ahanti bhagavā rājagahaseṭṭhivatthusmiṃ sikkhāpadaṃ paññapesi, tasmā ‘‘na kho aha’’ntiādimāha.
482. на д̇хам̣сзмийд̇и на г̇ун̣авинаасанзна д̇хам̣сзми, сийлабхзд̣̇ам̣ баабзд̇ваа анубуб̣б̣зна ужжадтаанад̇о од̇аарзнд̇о нийжадтаанз на табзми, ат̇а ко ахам̣ б̣уд̣̇д̇хасаасанасса вуд̣̇д̇хим̣ бажжаасийсанд̇о гат̇змийд̇и д̣̇ассзд̇и. д̇ад̇ияамби код̇и яаавад̇ад̇ияам̣ б̣уд̣̇д̇хаанам̣ гат̇ам̣ бадиб̣аахид̇ваа гат̇зд̇ум̣ висаханд̇о наама над̇т̇и. аяам̣ бана бхаг̇авад̇аа сад̣̇д̇хим̣ виссаасиго виссаасам̣ вад̣дхзд̇ваа валлабхо худ̇ваа ад̇т̇агаамосмийд̇и д̇игкад̇д̇ум̣ гат̇зси.
482.Na dhaṃsemīti na guṇavināsanena dhaṃsemi, sīlabhedaṃ pāpetvā anupubbena uccaṭṭhānato otārento nīcaṭṭhāne na ṭhapemi, atha kho ahaṃ buddhasāsanassa vuddhiṃ paccāsīsanto kathemīti dasseti. Tatiyampi khoti yāvatatiyaṃ buddhānaṃ kathaṃ paṭibāhitvā kathetuṃ visahanto nāma natthi. Ayaṃ pana bhagavatā saddhiṃ vissāsiko vissāsaṃ vaḍḍhetvā vallabho hutvā atthakāmosmīti tikkhattuṃ kathesi.
ид̣̇д̇хибаадихаарияаван̣н̣анаа
Iddhipāṭihāriyavaṇṇanā
483-484. ат̇а бхаг̇аваа аяам̣ убаасаго маяи бадиб̣ааханд̇зби бунаббунам̣ яаажад̇иязва. ‘‘ханд̣̇асса баадихаарияагаран̣з аад̣̇ийнавам̣ д̣̇ассзмий’’д̇и жинд̇зд̇ваа ‘‘д̇ийн̣и ко’’д̇иаад̣̇имааха. д̇ад̇т̇а амаахам̣ бхигкунд̇и амум̣ ахам̣ бхигкум̣. г̇анд̇хаарийд̇и г̇анд̇хаарзна наама исинаа гад̇аа, г̇анд̇хаарарадтз ваа уббаннаа виж̇ж̇аа. д̇ад̇т̇а гира б̣ахуу исаяо васим̣су, д̇зсу згзна гад̇аа виж̇ж̇аад̇и ад̇хиббааяо. аддийяаамийд̇и аддо бийл̣ид̇о вияа хоми. харааяаамийд̇и лаж̇ж̇аами. ж̇иг̇ужчаамийд̇и г̇уут̇ам̣ д̣̇исваа вияа ж̇иг̇ужчам̣ уббаад̣̇зми.
483-484. Atha bhagavā ayaṃ upāsako mayi paṭibāhantepi punappunaṃ yācatiyeva. ‘‘Handassa pāṭihāriyakaraṇe ādīnavaṃ dassemī’’ti cintetvā ‘‘tīṇi kho’’tiādimāha. Tattha amāhaṃ bhikkhunti amuṃ ahaṃ bhikkhuṃ. Gandhārīti gandhārena nāma isinā katā, gandhāraraṭṭhe vā uppannā vijjā. Tattha kira bahū isayo vasiṃsu, tesu ekena katā vijjāti adhippāyo. Aṭṭīyāmīti aṭṭo pīḷito viya homi. Harāyāmīti lajjāmi. Jigucchāmīti gūthaṃ disvā viya jigucchaṃ uppādemi.
аад̣̇зсанаабаадихаарияаван̣н̣анаа
Ādesanāpāṭihāriyavaṇṇanā
485. барасад̇д̇аананд̇и ан̃н̃зсам̣ сад̇д̇аанам̣. д̣̇уд̇ияам̣ д̇ассзва взважанам̣. аад̣̇исад̇ийд̇и гат̇зд̇и. жзд̇асиганд̇и соманассад̣̇оманассам̣ ад̇хиббзд̇ам̣. звамби д̇з манод̇и звам̣ д̇ава мано соманассид̇о ваа д̣̇оманассид̇о ваа гаамавид̇аггаад̣̇исамбаяуд̇д̇о ваа. д̣̇уд̇ияам̣ д̇ассзва взважанам̣. ид̇иби д̇з жид̇д̇анд̇и ид̇и д̇ава жид̇д̇ам̣, ид̣̇ан̃жид̣̇ан̃жа ад̇т̇ам̣ жинд̇аяамаанам̣ бавад̇д̇ад̇ийд̇и ад̇т̇о. ман̣игаа наама виж̇ж̇аад̇и жинд̇ааман̣ийд̇и звам̣ лад̣̇д̇ханаамаа логз згаа виж̇ж̇аа ад̇т̇и. д̇ааяа барзсам̣ жид̇д̇ам̣ ж̇аанаад̇ийд̇и д̣̇ийбзд̇и.
485.Parasattānanti aññesaṃ sattānaṃ. Dutiyaṃ tasseva vevacanaṃ. Ādisatīti katheti. Cetasikanti somanassadomanassaṃ adhippetaṃ. Evampi te manoti evaṃ tava mano somanassito vā domanassito vā kāmavitakkādisampayutto vā. Dutiyaṃ tasseva vevacanaṃ. Itipi te cittanti iti tava cittaṃ, idañcidañca atthaṃ cintayamānaṃ pavattatīti attho. Maṇikā nāma vijjāti cintāmaṇīti evaṃ laddhanāmā loke ekā vijjā atthi. Tāya paresaṃ cittaṃ jānātīti dīpeti.
анусаасанийбаадихаарияаван̣н̣анаа
Anusāsanīpāṭihāriyavaṇṇanā
486. звам̣ вид̇аггзт̇аад̇и нзгкаммавид̇аггаад̣̇аяо звам̣ бавад̇д̇знд̇аа вид̇аггзт̇а. маа звам̣ вид̇аггаяид̇т̇аад̇и звам̣ гаамавид̇аггаад̣̇аяо бавад̇д̇знд̇аа маа вид̇аггаяид̇т̇а. звам̣ манаси гарот̇аад̇и звам̣ анижжасан̃н̃амзва, д̣̇угкасан̃н̃аад̣̇ийсу ваа ан̃н̃ад̇арам̣ манаси гарот̇а. маа званд̇и ‘‘нижжа’’нд̇иаад̣̇инаа наязна маа манаси гарид̇т̇а. ид̣̇анд̇и ид̣̇ам̣ бан̃жагаамаг̇ун̣игарааг̇ам̣ баж̇ахат̇а. ид̣̇ам̣ убасамбаж̇ж̇аад̇и ид̣̇ам̣ жад̇умаг̇г̇апалаббабхзд̣̇ам̣ логуд̇д̇арад̇хаммамзва убасамбаж̇ж̇а баабун̣ид̇ваа нибпаад̣̇зд̇ваа вихарат̇а. ид̇и бхаг̇аваа ид̣̇д̇хивид̇хам̣ ид̣̇д̇хибаадихаарияанд̇и д̣̇ассзд̇и, барасса жид̇д̇ам̣ н̃ад̇ваа гат̇анам̣ аад̣̇зсанаабаадихаарияанд̇и. саавагаанан̃жа б̣уд̣̇д̇хаанан̃жа сад̇ад̇ам̣ д̇хаммад̣̇зсанаа анусаасанийбаадихаарияанд̇и.
486.Evaṃ vitakkethāti nekkhammavitakkādayo evaṃ pavattentā vitakketha. Mā evaṃ vitakkayitthāti evaṃ kāmavitakkādayo pavattentā mā vitakkayittha. Evaṃ manasi karothāti evaṃ aniccasaññameva, dukkhasaññādīsu vā aññataraṃ manasi karotha. Māevanti ‘‘nicca’’ntiādinā nayena mā manasi karittha. Idanti idaṃ pañcakāmaguṇikarāgaṃ pajahatha. Idaṃ upasampajjāti idaṃ catumaggaphalappabhedaṃ lokuttaradhammameva upasampajja pāpuṇitvā nipphādetvā viharatha. Iti bhagavā iddhividhaṃ iddhipāṭihāriyanti dasseti, parassa cittaṃ ñatvā kathanaṃ ādesanāpāṭihāriyanti. Sāvakānañca buddhānañca satataṃ dhammadesanā anusāsanīpāṭihāriyanti.
д̇ад̇т̇а ид̣̇д̇хибаадихаариязна анусаасанийбаадихаарияам̣ махаамог̇г̇аллаанасса аажин̣н̣ам̣, аад̣̇зсанаабаадихаариязна анусаасанийбаадихаарияам̣ д̇хаммасзнаабад̇исса. д̣̇звад̣̇ад̇д̇з сам̣гхам̣ бхинд̣̇ид̇ваа бан̃жа бхигкусад̇аани г̇ахзд̇ваа г̇аяаасийсз б̣уд̣̇д̇халийл̣ааяа д̇зсам̣ д̇хаммам̣ д̣̇зсанд̇з хи бхаг̇авад̇аа бзсид̇зсу д̣̇вийсу аг̇г̇асаавагзсу д̇хаммасзнаабад̇и д̇зсам̣ жид̇д̇аажаарам̣ н̃ад̇ваа д̇хаммам̣ д̣̇зсзси , т̇зрасса д̇хаммад̣̇зсанам̣ суд̇ваа бан̃жасад̇аа бхигкуу сод̇аабад̇д̇ипалз бад̇идтахим̣су. ат̇а нзсам̣ махаамог̇г̇аллаано вигуб̣б̣анам̣ д̣̇ассзд̇ваа д̣̇ассзд̇ваа д̇хаммам̣ д̣̇зсзси, д̇ам̣ суд̇ваа саб̣б̣з арахад̇д̇апалз бад̇идтахим̣су. ат̇а д̣̇взби махаанааг̇аа бан̃жа бхигкусад̇аани г̇ахзд̇ваа взхаасам̣ аб̣бхуг̇г̇анд̇ваа взл̣уванамзвааг̇амим̣су. анусаасанийбаадихаарияам̣ бана б̣уд̣̇д̇хаанам̣ сад̇ад̇ам̣ д̇хаммад̣̇зсанаа, д̇зсу ид̣̇д̇хибаадихаарияааад̣̇зсанаабаадихаарияаани саубаарамбхаани сад̣̇осаани, ад̣̇д̇хаанам̣ на д̇идтанд̇и, ад̣̇д̇хаанам̣ ад̇идтанад̇о на нияяанд̇и. анусаасанийбаадихаарияам̣ анубаарамбхам̣ нид̣̇д̣̇осам̣, ад̣̇д̇хаанам̣ д̇идтад̇и, ад̣̇д̇хаанам̣ д̇идтанад̇о нияяаад̇и. д̇асмаа бхаг̇аваа ид̣̇д̇хибаадихаарияан̃жа аад̣̇зсанаабаадихаарияан̃жа г̇арахад̇и, анусаасанийбаадихаарияам̣язва басам̣сад̇и.
Tattha iddhipāṭihāriyena anusāsanīpāṭihāriyaṃ mahāmoggallānassa āciṇṇaṃ, ādesanāpāṭihāriyena anusāsanīpāṭihāriyaṃ dhammasenāpatissa. Devadatte saṃghaṃ bhinditvā pañca bhikkhusatāni gahetvā gayāsīse buddhalīḷāya tesaṃ dhammaṃ desante hi bhagavatā pesitesu dvīsu aggasāvakesu dhammasenāpati tesaṃ cittācāraṃ ñatvā dhammaṃ desesi , therassa dhammadesanaṃ sutvā pañcasatā bhikkhū sotāpattiphale patiṭṭhahiṃsu. Atha nesaṃ mahāmoggallāno vikubbanaṃ dassetvā dassetvā dhammaṃ desesi, taṃ sutvā sabbe arahattaphale patiṭṭhahiṃsu. Atha dvepi mahānāgā pañca bhikkhusatāni gahetvā vehāsaṃ abbhuggantvā veḷuvanamevāgamiṃsu. Anusāsanīpāṭihāriyaṃ pana buddhānaṃ satataṃ dhammadesanā, tesu iddhipāṭihāriyaādesanāpāṭihāriyāni saupārambhāni sadosāni, addhānaṃ na tiṭṭhanti, addhānaṃ atiṭṭhanato na niyyanti. Anusāsanīpāṭihāriyaṃ anupārambhaṃ niddosaṃ, addhānaṃ tiṭṭhati, addhānaṃ tiṭṭhanato niyyāti. Tasmā bhagavā iddhipāṭihāriyañca ādesanāpāṭihāriyañca garahati, anusāsanīpāṭihāriyaṃyeva pasaṃsati.
бхууд̇анирод̇хзсагавад̇т̇уван̣н̣анаа
Bhūtanirodhesakavatthuvaṇṇanā
487. бхууд̇абуб̣б̣анд̇и ид̣̇ам̣ гасмаа бхаг̇авад̇аа аарад̣̇д̇хам̣. ид̣̇д̇хибаадихаарияааад̣̇зсанаабаадихаарияаанам̣ анияяаанигабхаавад̣̇ассанад̇т̇ам̣, анусаасанийбаадихаарияассзва нияяаанигабхаавад̣̇ассанад̇т̇ам̣. аби жа саб̣б̣аб̣уд̣̇д̇хаанам̣ махаабхууд̇абариязсаго наамзго бхигку ход̇иязва. яо махаабхууд̇з бариязсанд̇о яаава б̣рахмалогаа вижарид̇ваа виссаж̇ж̇зд̇аарам̣ алабхид̇ваа ааг̇амма б̣уд̣̇д̇хамзва бужчид̇ваа нигган̇ко ход̇и. д̇асмаа б̣уд̣̇д̇хаанам̣ маханд̇абхааваббагаасанад̇т̇ам̣, ид̣̇ан̃жа гааран̣ам̣ бадижчаннам̣, ат̇а нам̣ вивадам̣ гад̇ваа д̣̇зсзнд̇оби бхаг̇аваа ‘‘бхууд̇абуб̣б̣а’’нд̇иаад̣̇имааха.
487.Bhūtapubbanti idaṃ kasmā bhagavatā āraddhaṃ. Iddhipāṭihāriyaādesanāpāṭihāriyānaṃ aniyyānikabhāvadassanatthaṃ, anusāsanīpāṭihāriyasseva niyyānikabhāvadassanatthaṃ. Api ca sabbabuddhānaṃ mahābhūtapariyesako nāmeko bhikkhu hotiyeva. Yo mahābhūte pariyesanto yāva brahmalokā vicaritvā vissajjetāraṃ alabhitvā āgamma buddhameva pucchitvā nikkaṅkho hoti. Tasmā buddhānaṃ mahantabhāvappakāsanatthaṃ, idañca kāraṇaṃ paṭicchannaṃ, atha naṃ vivaṭaṃ katvā desentopi bhagavā ‘‘bhūtapubba’’ntiādimāha.
д̇ад̇т̇а гад̇т̇а ну код̇и гисмим̣ таанз гим̣ ааг̇амма гим̣ бад̇д̇асса д̇з анавасзсаа аббавад̇д̇ивасзна нируж̇жханд̇и. махаабхууд̇агат̇аа банзсаа саб̣б̣аагаарзна висуд̣̇д̇химаг̇г̇з вуд̇д̇аа, д̇асмаа саа д̇ад̇ова г̇ахзд̇аб̣б̣аа.
Tattha kattha nu khoti kismiṃ ṭhāne kiṃ āgamma kiṃ pattassa te anavasesā appavattivasena nirujjhanti. Mahābhūtakathā panesā sabbākārena visuddhimagge vuttā, tasmā sā tatova gahetabbā.
488. д̣̇зваяаанияо маг̇г̇од̇и баадиязгго д̣̇звалогаг̇аманамаг̇г̇о наама над̇т̇и, ид̣̇д̇хивид̇хан̃аан̣ассзва банзд̇ам̣ ад̇хиважанам̣. д̇зна хзса яаава б̣рахмалогааби гааязна васам̣ вад̇д̇знд̇о д̣̇звалогам̣ яаад̇и. д̇асмаа ‘‘д̇ам̣ д̣̇зваяаанияо маг̇г̇о’’д̇и вуд̇д̇ам̣. язна жаад̇умахаарааж̇игаад̇и самийбз тид̇амби бхаг̇аванд̇ам̣ абужчид̇ваа д̇хаммад̇ааяа жод̣̇ид̇о д̣̇звад̇аа махаанубхааваад̇и ман̃н̃амаано убасан̇гами. маяамби ко, бхигку, на ж̇аанаамаад̇и б̣уд̣̇д̇хависаяз бан̃хам̣ бужчид̇аа д̣̇звад̇аа на ж̇аананд̇и , д̇знзвамаахам̣су. ат̇а ко со бхигку ‘‘мама имам̣ бан̃хам̣ на гат̇зд̇ум̣ на лаб̣бхаа, сийгхам̣ гат̇зт̇аа’’д̇и д̇аа д̣̇звад̇аа аж̇жход̇т̇арад̇и, бунаббунам̣ бужчад̇и, д̇аа ‘‘аж̇жход̇т̇арад̇и но аяам̣ бхигку, ханд̣̇а нам̣ хад̇т̇ад̇о можзссаамаа’’д̇и жинд̇зд̇ваа ‘‘ад̇т̇и ко бхигку жад̇д̇ааро махаарааж̇аано’’д̇иаад̣̇имаахам̣су. д̇ад̇т̇а абхигганд̇ад̇араад̇и ад̇иггамма ганд̇ад̇араа. бан̣ийд̇ад̇араад̇и ван̣н̣аяасаиссарияаад̣̇ийхи уд̇д̇амад̇араа зд̇зна наязна саб̣б̣аваарзсу ад̇т̇о взд̣̇ид̇аб̣б̣о.
488.Devayāniyo maggoti pāṭiyekko devalokagamanamaggo nāma natthi, iddhividhañāṇasseva panetaṃ adhivacanaṃ. Tena hesa yāva brahmalokāpi kāyena vasaṃ vattento devalokaṃ yāti. Tasmā ‘‘taṃ devayāniyo maggo’’ti vuttaṃ. Yena cātumahārājikāti samīpe ṭhitampi bhagavantaṃ apucchitvā dhammatāya codito devatā mahānubhāvāti maññamāno upasaṅkami. Mayampi kho, bhikkhu, na jānāmāti buddhavisaye pañhaṃ pucchitā devatā na jānanti , tenevamāhaṃsu. Atha kho so bhikkhu ‘‘mama imaṃ pañhaṃ na kathetuṃ na labbhā, sīghaṃ kathethā’’ti tā devatā ajjhottharati, punappunaṃ pucchati, tā ‘‘ajjhottharati no ayaṃ bhikkhu, handa naṃ hatthato mocessāmā’’ti cintetvā ‘‘atthi kho bhikkhu cattāro mahārājāno’’tiādimāhaṃsu. Tattha abhikkantatarāti atikkamma kantatarā. Paṇītatarāti vaṇṇayasaissariyādīhi uttamatarā etena nayena sabbavāresu attho veditabbo.
491-493. аяам̣ бана висзсо – сагго гира д̣̇зварааж̇аа жинд̇зси ‘‘аяам̣ бан̃хо б̣уд̣̇д̇хависаяо, на саггаа ан̃н̃зна виссаж̇ж̇ид̇ум̣, аяан̃жа бхигку аг̇г̇им̣ бахааяа каж̇ж̇обанагам̣ д̇хаманд̇о вияа, бхзрим̣ бахааяа уд̣̇арам̣ ваад̣̇знд̇о вияа жа, логз аг̇г̇абуг̇г̇алам̣ саммаасамб̣уд̣̇д̇хам̣ бахааяа д̣̇звад̇аа бужчанд̇о вижарад̇и, бзсзми нам̣ сад̇т̇усанд̇ига’’нд̇и. д̇ад̇о бунад̣̇зва со жинд̇зси ‘‘суд̣̇уурамби г̇анд̇ваа сад̇т̇у санд̇игзва нигган̇ко бхависсад̇и . ад̇т̇и жзва буг̇г̇ало наамзса, т̇огам̣ д̇аава аахин̣д̣анд̇о гиламад̇у бажчаа ж̇ааниссад̇ий’’д̇и. д̇ад̇о д̇ам̣ ‘‘ахамби ко’’д̇иаад̣̇имааха. б̣рахмаяаанияоби д̣̇зваяаанияасад̣̇исова. д̣̇зваяаанияамаг̇г̇од̇и ваа б̣рахмаяаанияамаг̇г̇од̇и ваа д̇хаммасзд̇ууд̇и ваа згажид̇д̇агкан̣игааббанаад̇и ваа саннидтаанигажзд̇анаад̇и ваа махаг̇г̇ад̇ажид̇д̇анд̇и ваа абхин̃н̃аан̃аан̣анд̇и ваа саб̣б̣амзд̇ам̣ ид̣̇д̇хивид̇хан̃аан̣ассзва наамам̣.
491-493. Ayaṃ pana viseso – sakko kira devarājā cintesi ‘‘ayaṃ pañho buddhavisayo, na sakkā aññena vissajjituṃ, ayañca bhikkhu aggiṃ pahāya khajjopanakaṃ dhamanto viya, bheriṃ pahāya udaraṃ vādento viya ca, loke aggapuggalaṃ sammāsambuddhaṃ pahāya devatā pucchanto vicarati, pesemi naṃ satthusantika’’nti. Tato punadeva so cintesi ‘‘sudūrampi gantvā satthu santikeva nikkaṅkho bhavissati . Atthi ceva puggalo nāmesa, thokaṃ tāva āhiṇḍanto kilamatu pacchā jānissatī’’ti. Tato taṃ ‘‘ahampi kho’’tiādimāha. Brahmayāniyopi devayāniyasadisova. Devayāniyamaggoti vā brahmayāniyamaggoti vā dhammasetūti vā ekacittakkhaṇikaappanāti vā sanniṭṭhānikacetanāti vā mahaggatacittanti vā abhiññāñāṇanti vā sabbametaṃ iddhividhañāṇasseva nāmaṃ.
494. буб̣б̣анимид̇д̇анд̇и ааг̇аманабуб̣б̣абхааг̇з нимид̇д̇ам̣ суурияасса уд̣̇аяад̇о арун̣уг̇г̇ам̣ вияа. д̇асмаа ид̣̇аанзва б̣рахмаа ааг̇амиссад̇и, звам̣ маяам̣ ж̇аанаамаад̇и д̣̇ийбаяим̣су. баад̇урахосийд̇и баагадо ахоси. ат̇а ко со б̣рахмаа д̇зна бхигкунаа будто ад̇д̇ано ависаяабхаавам̣ н̃ад̇ваа сажаахам̣ ‘‘на ж̇аанаамий’’д̇и вагкаами, имз мам̣ барибхависсанд̇и, ат̇а ж̇аананд̇о вияа яам̣ гин̃жи гат̇зссаами, аяам̣ мз бхигку взяяаагаран̣зна анаарад̣̇д̇хажид̇д̇о ваад̣̇ам̣ ааробзссад̇и. ‘‘ахамасми бхигку б̣рахмаа’’д̇иаад̣̇ийни бана мз бхан̣анд̇асса на гожи важанам̣ сад̣̇д̣̇ахиссад̇и. яам̣нуунаахам̣ вигкзбам̣ гад̇ваа имам̣ бхигкум̣ сад̇т̇усанд̇игам̣язва бзсзяяанд̇и жинд̇зд̇ваа ‘‘ахамасми бхигку б̣рахмаа’’д̇иаад̣̇имааха.
494.Pubbanimittanti āgamanapubbabhāge nimittaṃ sūriyassa udayato aruṇuggaṃ viya. Tasmā idāneva brahmā āgamissati, evaṃ mayaṃ jānāmāti dīpayiṃsu. Pāturahosīti pākaṭo ahosi. Atha kho so brahmā tena bhikkhunā puṭṭho attano avisayabhāvaṃ ñatvā sacāhaṃ ‘‘na jānāmī’’ti vakkhāmi, ime maṃ paribhavissanti, atha jānanto viya yaṃ kiñci kathessāmi, ayaṃ me bhikkhu veyyākaraṇena anāraddhacitto vādaṃ āropessati. ‘‘Ahamasmi bhikkhu brahmā’’tiādīni pana me bhaṇantassa na koci vacanaṃ saddahissati. Yaṃnūnāhaṃ vikkhepaṃ katvā imaṃ bhikkhuṃ satthusantikaṃyeva peseyyanti cintetvā ‘‘ahamasmi bhikkhu brahmā’’tiādimāha.
495-496. згаманд̇ам̣ абанзд̇ваад̇и гасмаа звамагааси? гухагад̇д̇аа. б̣ахид̣̇д̇хаа барияздтинд̇и д̇злад̇т̇иго ваалигам̣ ниббийл̣ияамаано вияа яаава б̣рахмалогаа б̣ахид̣̇д̇хаа бариязсанам̣ аабаж̇ж̇ад̇и.
495-496.Ekamantaṃapanetvāti kasmā evamakāsi? Kuhakattā. Bahiddhā pariyeṭṭhinti telatthiko vālikaṃ nippīḷiyamāno viya yāva brahmalokā bahiddhā pariyesanaṃ āpajjati.
497. сагун̣анд̇и гаагам̣ ваа гулалам̣ ваа. на ко зсо, бхигку, бан̃хо звам̣ бужчид̇аб̣б̣од̇и ид̣̇ам̣ бхаг̇аваа яасмаа бад̣̇зсзнзса бан̃хо бужчид̇аб̣б̣о, аяан̃жа ко бхигку анубаад̣̇иннагзби г̇ахзд̇ваа ниббад̣̇зсад̇о бужчад̇и, д̇асмаа бадисзд̇хзд̇и. аажин̣н̣ам̣ гирзд̇ам̣ б̣уд̣̇д̇хаанам̣, бужчаамуул̣хасса ж̇анасса бужчааяа д̣̇осам̣ д̣̇ассзд̇ваа бужчам̣ сигкаабзд̇ваа бужчаависсаж̇ж̇анам̣. гасмаа? бужчид̇ум̣ аж̇аанид̇ваа барибужчанд̇о д̣̇увин̃н̃аабаяо ход̇и. бан̃хам̣ сигкаабзнд̇о бана ‘‘гад̇т̇а аабо жаа’’д̇иаад̣̇имааха.
497.Sakuṇanti kākaṃ vā kulalaṃ vā. Na kho eso, bhikkhu, pañho evaṃ pucchitabboti idaṃ bhagavā yasmā padesenesa pañho pucchitabbo, ayañca kho bhikkhu anupādinnakepi gahetvā nippadesato pucchati, tasmā paṭisedheti. Āciṇṇaṃ kiretaṃ buddhānaṃ, pucchāmūḷhassa janassa pucchāya dosaṃ dassetvā pucchaṃ sikkhāpetvā pucchāvissajjanaṃ. Kasmā? Pucchituṃ ajānitvā paripucchanto duviññāpayo hoti. Pañhaṃ sikkhāpento pana ‘‘kattha āpo cā’’tiādimāha.
498. д̇ад̇т̇а на г̇аад̇хад̇ийд̇и на бад̇идтаад̇и, имз жад̇д̇ааро махаабхууд̇аа гим̣ ааг̇амма аббад̇идтаа бхаванд̇ийд̇и ад̇т̇о. убаад̣̇иннам̣язва санд̇хааяа бужчад̇и. д̣̇ийгхан̃жа рассан̃жаад̇и сан̣таанавасзна убаад̣̇ааруубам̣ вуд̇д̇ам̣. ан̣ум̣ т̇ууланд̇и куд̣̇д̣̇агам̣ ваа маханд̇ам̣ ваа, иминааби убаад̣̇ааруубз ван̣н̣амад̇д̇амзва гат̇ид̇ам̣. субхаасубханд̇и субхан̃жа асубхан̃жа убаад̣̇ааруубамзва гат̇ид̇ам̣. гим̣ бана убаад̣̇ааруубам̣ субханд̇и асубханд̇и ад̇т̇и? над̇т̇и. идтаанидтаарамман̣ам̣ банзва гат̇ид̇ам̣. нааман̃жа руубан̃жаад̇и нааман̃жа д̣̇ийгхаад̣̇ибхзд̣̇ам̣ руубан̃жа. убаруж̇жхад̇ийд̇и нируж̇жхад̇и, гим̣ ааг̇амма асзсамзд̇ам̣ наббавад̇д̇ад̇ийд̇и.
498. Tattha na gādhatīti na patiṭṭhāti, ime cattāro mahābhūtā kiṃ āgamma appatiṭṭhā bhavantīti attho. Upādinnaṃyeva sandhāya pucchati. Dīghañca rassañcāti saṇṭhānavasena upādārūpaṃ vuttaṃ. Aṇuṃ thūlanti khuddakaṃ vā mahantaṃ vā, imināpi upādārūpe vaṇṇamattameva kathitaṃ. Subhāsubhanti subhañca asubhañca upādārūpameva kathitaṃ. Kiṃ pana upādārūpaṃ subhanti asubhanti atthi? Natthi. Iṭṭhāniṭṭhārammaṇaṃ paneva kathitaṃ. Nāmañca rūpañcāti nāmañca dīghādibhedaṃ rūpañca. Uparujjhatīti nirujjhati, kiṃ āgamma asesametaṃ nappavattatīti.
звам̣ бужчид̇аб̣б̣ам̣ сияаад̇и бужчам̣ д̣̇ассзд̇ваа ид̣̇аани виссаж̇ж̇анам̣ д̣̇ассзнд̇о д̇ад̇ра взяяаагаран̣ам̣ бхавад̇ийд̇и вад̇ваа – ‘‘вин̃н̃аан̣а’’нд̇иаад̣̇имааха.
Evaṃ pucchitabbaṃ siyāti pucchaṃ dassetvā idāni vissajjanaṃ dassento tatra veyyākaraṇaṃ bhavatīti vatvā – ‘‘viññāṇa’’ntiādimāha.
499. д̇ад̇т̇а вин̃н̃аад̇аб̣б̣анд̇и вин̃н̃аан̣ам̣ ниб̣б̣аанассзд̇ам̣ наамам̣, д̇ад̣̇зд̇ам̣ нид̣̇ассанаабхаавад̇о анид̣̇ассанам̣. уббаад̣̇анд̇о ваа ваяанд̇о ваа тид̇асса ан̃н̃ат̇ад̇д̇анд̇о ваа зд̇асса над̇т̇ийд̇и ананд̇ам̣. бабханд̇и банзд̇ам̣ гира д̇ид̇т̇асса наамам̣, д̇ан̃хи бабанд̇и зд̇т̇аад̇и бабам̣, багаарасса бана бхагааро гад̇о. саб̣б̣ад̇о бабхамассаад̇и саб̣б̣ад̇обабхам̣. ниб̣б̣аанасса гира яат̇аа махаасамуд̣̇д̣̇асса яад̇о яад̇о од̇арид̇угаамаа хонд̇и, д̇ам̣ д̇ад̣̇зва д̇ид̇т̇ам̣, ад̇ид̇т̇ам̣ наама над̇т̇и. звамзва адтад̇им̣сааяа гаммадтаанзсу язна язна мукзна ниб̣б̣аанам̣ од̇арид̇угаамаа хонд̇и, д̇ам̣ д̇ад̣̇зва д̇ид̇т̇ам̣, ниб̣б̣аанасса ад̇ид̇т̇ам̣ наама над̇т̇и. д̇зна вуд̇д̇ам̣ ‘‘саб̣б̣ад̇обабха’’нд̇и. зд̇т̇а аабо жаад̇и зд̇т̇а ниб̣б̣аанз ид̣̇ам̣ ниб̣б̣аанам̣ ааг̇амма саб̣б̣амзд̇ам̣ аабод̇иаад̣̇инаа наязна вуд̇д̇ам̣ убаад̣̇иннага д̇хаммаж̇аад̇ам̣ нируж̇жхад̇и, аббавад̇д̇ам̣ ход̇ийд̇и.
499. Tattha viññātabbanti viññāṇaṃ nibbānassetaṃ nāmaṃ, tadetaṃ nidassanābhāvato anidassanaṃ. Uppādanto vā vayanto vā ṭhitassa aññathattanto vā etassa natthīti anantaṃ. Pabhanti panetaṃ kira titthassa nāmaṃ, tañhi papanti etthāti papaṃ, pakārassa pana bhakāro kato. Sabbato pabhamassāti sabbatopabhaṃ. Nibbānassa kira yathā mahāsamuddassa yato yato otaritukāmā honti, taṃ tadeva titthaṃ, atitthaṃ nāma natthi. Evameva aṭṭhatiṃsāya kammaṭṭhānesu yena yena mukhena nibbānaṃ otaritukāmā honti, taṃ tadeva titthaṃ, nibbānassa atitthaṃ nāma natthi. Tena vuttaṃ ‘‘sabbatopabha’’nti. Ettha āpo cāti ettha nibbāne idaṃ nibbānaṃ āgamma sabbametaṃ āpotiādinā nayena vuttaṃ upādinnaka dhammajātaṃ nirujjhati, appavattaṃ hotīti.
ид̣̇аанисса нируж̇жхануубааяам̣ д̣̇ассзнд̇о ‘‘вин̃н̃аан̣асса нирод̇хзна зд̇т̇зд̇ам̣ убаруж̇жхад̇ий’’д̇и ааха. д̇ад̇т̇а вин̃н̃аан̣анд̇и жаримагавин̃н̃аан̣амби абхисан̇кааравин̃н̃аан̣амби , жаримагавин̃н̃аан̣ассааби хи нирод̇хзна зд̇т̇зд̇ам̣ убаруж̇жхад̇и. виж̇жхаад̇ад̣̇ийбасикаа вияа абан̣н̣ад̇д̇игабхаавам̣ яаад̇и. абхисан̇кааравин̃н̃аан̣ассааби ануббаад̣̇анирод̇хзна ануббаад̣̇авасзна убаруж̇жхад̇и. яат̇ааха ‘‘сод̇аабад̇д̇имаг̇г̇ан̃аан̣зна абхисан̇кааравин̃н̃аан̣асса нирод̇хзна табзд̇ваа сад̇д̇абхавз анамад̇аг̇г̇з сам̣саарз яз уббаж̇ж̇зяяум̣ нааман̃жа руубан̃жа зд̇т̇зд̇з нируж̇жханд̇ий’’д̇и саб̣б̣ам̣ жуул̣анид̣̇д̣̇зсз вуд̇д̇анаязнзва взд̣̇ид̇аб̣б̣ам̣. сзсам̣ саб̣б̣ад̇т̇а уд̇д̇аанамзваад̇и.
Idānissa nirujjhanūpāyaṃ dassento ‘‘viññāṇassa nirodhena etthetaṃ uparujjhatī’’ti āha. Tattha viññāṇanti carimakaviññāṇampi abhisaṅkhāraviññāṇampi , carimakaviññāṇassāpi hi nirodhena etthetaṃ uparujjhati. Vijjhātadīpasikhā viya apaṇṇattikabhāvaṃ yāti. Abhisaṅkhāraviññāṇassāpi anuppādanirodhena anuppādavasena uparujjhati. Yathāha ‘‘sotāpattimaggañāṇena abhisaṅkhāraviññāṇassa nirodhena ṭhapetvā sattabhave anamatagge saṃsāre ye uppajjeyyuṃ nāmañca rūpañca etthete nirujjhantī’’ti sabbaṃ cūḷaniddese vuttanayeneva veditabbaṃ. Sesaṃ sabbattha uttānamevāti.
ид̇и суман̇г̇алавилаасинияаа д̣̇ийгханигааяадтагат̇ааяам̣
Iti sumaṅgalavilāsiniyā dīghanikāyaṭṭhakathāyaṃ
гзваддасуд̇д̇аван̣н̣анаа нидтид̇аа.
Kevaṭṭasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 11. гзваддасуд̇д̇ам̣ • 11. Kevaṭṭasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 11. гзваддасуд̇д̇аван̣н̣анаа • 11. Kevaṭṭasuttavaṇṇanā
