| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਖਦਿਰਪਤ੍ਤਸੁਤ੍ਤਂ
2. Khadirapattasuttaṃ
੧੧੦੨. ‘‘ਯੋ, ਭਿਕ੍ਖવੇ, ਏવਂ વਦੇਯ੍ਯ – ‘ਅਹਂ ਦੁਕ੍ਖਂ ਅਰਿਯਸਚ੍ਚਂ ਯਥਾਭੂਤਂ ਅਨਭਿਸਮੇਚ੍ਚ, ਦੁਕ੍ਖਸਮੁਦਯਂ ਅਰਿਯਸਚ੍ਚਂ ਯਥਾਭੂਤਂ ਅਨਭਿਸਮੇਚ੍ਚ, ਦੁਕ੍ਖਨਿਰੋਧਂ ਅਰਿਯਸਚ੍ਚਂ ਯਥਾਭੂਤਂ ਅਨਭਿਸਮੇਚ੍ਚ, ਦੁਕ੍ਖਨਿਰੋਧਗਾਮਿਨਿਂ ਪਟਿਪਦਂ ਅਰਿਯਸਚ੍ਚਂ ਯਥਾਭੂਤਂ ਅਨਭਿਸਮੇਚ੍ਚ ਸਮ੍ਮਾ ਦੁਕ੍ਖਸ੍ਸਨ੍ਤਂ ਕਰਿਸ੍ਸਾਮੀ’ਤਿ – ਨੇਤਂ ਠਾਨਂ વਿਜ੍ਜਤਿ।
1102. ‘‘Yo, bhikkhave, evaṃ vadeyya – ‘ahaṃ dukkhaṃ ariyasaccaṃ yathābhūtaṃ anabhisamecca, dukkhasamudayaṃ ariyasaccaṃ yathābhūtaṃ anabhisamecca, dukkhanirodhaṃ ariyasaccaṃ yathābhūtaṃ anabhisamecca, dukkhanirodhagāminiṃ paṭipadaṃ ariyasaccaṃ yathābhūtaṃ anabhisamecca sammā dukkhassantaṃ karissāmī’ti – netaṃ ṭhānaṃ vijjati.
‘‘ਸੇਯ੍ਯਥਾਪਿ , ਭਿਕ੍ਖવੇ, ਯੋ ਏવਂ વਦੇਯ੍ਯ – ‘ਅਹਂ ਖਦਿਰਪਤ੍ਤਾਨਂ વਾ ਸਰਲਪਤ੍ਤਾਨਂ 1 વਾ ਆਮਲਕਪਤ੍ਤਾਨਂ વਾ ਪੁਟਂ ਕਰਿਤ੍વਾ ਉਦਕਂ વਾ ਤਾਲਪਤ੍ਤਂ વਾ ਆਹਰਿਸ੍ਸਾਮੀ’ਤਿ – ਨੇਤਂ ਠਾਨਂ વਿਜ੍ਜਤਿ; ਏવਮੇવ ਖੋ, ਭਿਕ੍ਖવੇ, ਯੋ ਏવਂ વਦੇਯ੍ਯ – ‘ਅਹਂ ਦੁਕ੍ਖਂ ਅਰਿਯਸਚ੍ਚਂ ਯਥਾਭੂਤਂ ਅਨਭਿਸਮੇਚ੍ਚ…ਪੇ॰… ਦੁਕ੍ਖਨਿਰੋਧਗਾਮਿਨਿਂ ਪਟਿਪਦਂ ਅਰਿਯਸਚ੍ਚਂ ਯਥਾਭੂਤਂ ਅਨਭਿਸਮੇਚ੍ਚ ਸਮ੍ਮਾ ਦੁਕ੍ਖਸ੍ਸਨ੍ਤਂ ਕਰਿਸ੍ਸਾਮੀ’ਤਿ – ਨੇਤਂ ਠਾਨਂ વਿਜ੍ਜਤਿ।
‘‘Seyyathāpi , bhikkhave, yo evaṃ vadeyya – ‘ahaṃ khadirapattānaṃ vā saralapattānaṃ 2 vā āmalakapattānaṃ vā puṭaṃ karitvā udakaṃ vā tālapattaṃ vā āharissāmī’ti – netaṃ ṭhānaṃ vijjati; evameva kho, bhikkhave, yo evaṃ vadeyya – ‘ahaṃ dukkhaṃ ariyasaccaṃ yathābhūtaṃ anabhisamecca…pe… dukkhanirodhagāminiṃ paṭipadaṃ ariyasaccaṃ yathābhūtaṃ anabhisamecca sammā dukkhassantaṃ karissāmī’ti – netaṃ ṭhānaṃ vijjati.
‘‘ਯੋ ਚ ਖੋ, ਭਿਕ੍ਖવੇ, ਏવਂ વਦੇਯ੍ਯ – ‘ਅਹਂ ਦੁਕ੍ਖਂ ਅਰਿਯਸਚ੍ਚਂ ਯਥਾਭੂਤਂ ਅਭਿਸਮੇਚ੍ਚ, ਦੁਕ੍ਖਸਮੁਦਯਂ ਅਰਿਯਸਚ੍ਚਂ ਯਥਾਭੂਤਂ ਅਭਿਸਮੇਚ੍ਚ, ਦੁਕ੍ਖਨਿਰੋਧਂ ਅਰਿਯਸਚ੍ਚਂ ਯਥਾਭੂਤਂ ਅਭਿਸਮੇਚ੍ਚ, ਦੁਕ੍ਖਨਿਰੋਧਗਾਮਿਨਿਂ ਪਟਿਪਦਂ ਅਰਿਯਸਚ੍ਚਂ ਯਥਾਭੂਤਂ ਅਭਿਸਮੇਚ੍ਚ ਸਮ੍ਮਾ ਦੁਕ੍ਖਸ੍ਸਨ੍ਤਂ ਕਰਿਸ੍ਸਾਮੀ’ਤਿ – ਠਾਨਮੇਤਂ વਿਜ੍ਜਤਿ।
‘‘Yo ca kho, bhikkhave, evaṃ vadeyya – ‘ahaṃ dukkhaṃ ariyasaccaṃ yathābhūtaṃ abhisamecca, dukkhasamudayaṃ ariyasaccaṃ yathābhūtaṃ abhisamecca, dukkhanirodhaṃ ariyasaccaṃ yathābhūtaṃ abhisamecca, dukkhanirodhagāminiṃ paṭipadaṃ ariyasaccaṃ yathābhūtaṃ abhisamecca sammā dukkhassantaṃ karissāmī’ti – ṭhānametaṃ vijjati.
‘‘ਸੇਯ੍ਯਥਾਪਿ, ਭਿਕ੍ਖવੇ, ਯੋ ਏવਂ વਦੇਯ੍ਯ – ‘ਅਹਂ ਪਦੁਮਪਤ੍ਤਾਨਂ વਾ ਪਲਾਸਪਤ੍ਤਾਨਂ વਾ ਮਾਲੁવਪਤ੍ਤਾਨਂ વਾ ਪੁਟਂ ਕਰਿਤ੍વਾ ਉਦਕਂ વਾ ਤਾਲਪਤ੍ਤਂ વਾ ਆਹਰਿਸ੍ਸਾਮੀ’ਤਿ – ਠਾਨਮੇਤਂ વਿਜ੍ਜਤਿ; ਏવਮੇવ ਖੋ, ਭਿਕ੍ਖવੇ, ਯੋ ਏવਂ વਦੇਯ੍ਯ – ‘ਅਹਂ ਦੁਕ੍ਖਂ ਅਰਿਯਸਚ੍ਚਂ ਯਥਾਭੂਤਂ ਅਭਿਸਮੇਚ੍ਚ …ਪੇ॰… ਦੁਕ੍ਖਨਿਰੋਧਗਾਮਿਨਿਂ ਪਟਿਪਦਂ ਅਰਿਯਸਚ੍ਚਂ ਯਥਾਭੂਤਂ ਅਭਿਸਮੇਚ੍ਚ ਸਮ੍ਮਾ ਦੁਕ੍ਖਸ੍ਸਨ੍ਤਂ ਕਰਿਸ੍ਸਾਮੀ’ਤਿ – ਠਾਨਮੇਤਂ વਿਜ੍ਜਤਿ।
‘‘Seyyathāpi, bhikkhave, yo evaṃ vadeyya – ‘ahaṃ padumapattānaṃ vā palāsapattānaṃ vā māluvapattānaṃ vā puṭaṃ karitvā udakaṃ vā tālapattaṃ vā āharissāmī’ti – ṭhānametaṃ vijjati; evameva kho, bhikkhave, yo evaṃ vadeyya – ‘ahaṃ dukkhaṃ ariyasaccaṃ yathābhūtaṃ abhisamecca …pe… dukkhanirodhagāminiṃ paṭipadaṃ ariyasaccaṃ yathābhūtaṃ abhisamecca sammā dukkhassantaṃ karissāmī’ti – ṭhānametaṃ vijjati.
‘‘ਤਸ੍ਮਾਤਿਹ, ਭਿਕ੍ਖવੇ, ‘ਇਦਂ ਦੁਕ੍ਖ’ਨ੍ਤਿ ਯੋਗੋ ਕਰਣੀਯੋ…ਪੇ॰… ‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’ਤਿ ਯੋਗੋ ਕਰਣੀਯੋ’’ਤਿ। ਦੁਤਿਯਂ।
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਖਦਿਰਪਤ੍ਤਸੁਤ੍ਤવਣ੍ਣਨਾ • 2. Khadirapattasuttavaṇṇanā
