| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
14. жуд̣̇д̣̇асаганибаад̇о
14. Cuddasakanipāto
1. кад̣̇ираванияарзвад̇ад̇т̇зраг̇аат̇ааван̣н̣анаа
1. Khadiravaniyarevatattheragāthāvaṇṇanā
жуд̣̇д̣̇асаганибаад̇з яад̣̇аа аханд̇иаад̣̇игаа ааяасмад̇о кад̣̇ираванияарзвад̇ад̇т̇зрасса г̇аат̇аа. гаа уббад̇д̇и? гааман̃жимасса т̇зрасса г̇аат̇аа хздтаа згаганибаад̇з (т̇зраг̇аа. адта. 1. кад̣̇ираванияад̇т̇зраг̇аат̇ааван̣н̣анаа) ааг̇ад̇аа. д̇ад̇т̇а банасса ад̇д̇ано бхааг̇инзяязсу сад̇иж̇ананамад̇д̇ам̣ д̣̇ассид̇анд̇и д̇ассаа згаганибаад̇з сан̇г̇ахо гад̇о. имаа бана т̇зрасса баб̣б̣аж̇ид̇агаалад̇о бадтааяа яаава бариниб̣б̣аанаа бадибад̇д̇ибагаасид̇аа г̇аат̇аа имасмим̣ жуд̣̇д̣̇асаганибаад̇з сан̇г̇ахам̣ ааробид̇аа. д̇ад̇т̇а адтуббад̇д̇и хздтаа вуд̇д̇ааязва. аяам̣ бана висзсо – т̇зро гира арахад̇д̇ам̣ бад̇ваа гаалзна гаалам̣ сад̇т̇у д̇хаммасзнаабад̇иббабхууд̇ийнам̣ махаат̇зраанан̃жа убадтаанам̣ г̇анд̇ваа гад̇ибаахамзва д̇ад̇т̇а васид̇ваа кад̣̇ираванамзва бажжааг̇анд̇ваа паласамаабад̇д̇исукзна б̣рахмавихаарзхи жа вийд̇инаамзд̇и. звам̣ г̇ажчанд̇з гаалз ж̇ин̣н̣о вуд̣дхо ваяо ануббад̇д̇о ахоси. со згад̣̇ивасам̣ б̣уд̣̇д̇хубадтаанам̣ г̇ажчанд̇о анд̇араамаг̇г̇з саавад̇т̇ияаа авид̣̇уурз аран̃н̃з васи. д̇зна жа самаязна жораа наг̇арз гад̇агаммаа аарагкамануссзхи ануб̣анд̇хаа балааяанд̇аа т̇зрасса самийбз г̇ахид̇абхан̣д̣ам̣ чад̣д̣зд̇ваа балааяим̣су. мануссаа ануд̇хааванд̇аа т̇зрасса самийбз бхан̣д̣ам̣ д̣̇исваа т̇зрам̣ б̣анд̇хид̇ваа ‘‘жоро’’д̇и сан̃н̃ааяа г̇ахзд̇ваа ран̃н̃о д̣̇ассзсум̣, ‘‘аяам̣, д̣̇зва, жоро’’д̇и. рааж̇аа т̇зрам̣ мун̃жаабзд̇ваа, ‘‘гим̣, бханд̇з, д̇умхзхи ид̣̇ам̣ жоригагаммам̣ гад̇ам̣ ваа, но ваа’’д̇и бужчи. т̇зро гин̃жааби ж̇аад̇ид̇о бадтааяа ад̇д̇анаа д̇аад̣̇исам̣ на гад̇абуб̣б̣ам̣, д̇ам̣ баб̣б̣аж̇ид̇ад̇о бадтааяа бана агад̇абхаавасса, саб̣б̣асо гилзсаанам̣ самужчиннад̇д̇аа д̇аад̣̇исасса гаран̣з абхаб̣б̣ад̇ааяа багаасанад̇т̇ам̣ самийбз тид̇аанам̣ бхигкуунам̣ ран̃н̃о жа д̇хаммам̣ д̣̇зсзнд̇о –
Cuddasakanipāte yadā ahantiādikā āyasmato khadiravaniyarevatattherassa gāthā. Kā uppatti? Kāmañcimassa therassa gāthā heṭṭhā ekakanipāte (theragā. aṭṭha. 1. khadiravaniyattheragāthāvaṇṇanā) āgatā. Tattha panassa attano bhāgineyyesu satijananamattaṃ dassitanti tassā ekakanipāte saṅgaho kato. Imā pana therassa pabbajitakālato paṭṭhāya yāva parinibbānā paṭipattipakāsitā gāthā imasmiṃ cuddasakanipāte saṅgahaṃ āropitā. Tattha aṭṭhuppatti heṭṭhā vuttāyeva. Ayaṃ pana viseso – thero kira arahattaṃ patvā kālena kālaṃ satthu dhammasenāpatippabhūtīnaṃ mahātherānañca upaṭṭhānaṃ gantvā katipāhameva tattha vasitvā khadiravanameva paccāgantvā phalasamāpattisukhena brahmavihārehi ca vītināmeti. Evaṃ gacchante kāle jiṇṇo vuḍḍho vayo anuppatto ahosi. So ekadivasaṃ buddhupaṭṭhānaṃ gacchanto antarāmagge sāvatthiyā avidūre araññe vasi. Tena ca samayena corā nagare katakammā ārakkhamanussehi anubandhā palāyantā therassa samīpe gahitabhaṇḍaṃ chaḍḍetvā palāyiṃsu. Manussā anudhāvantā therassa samīpe bhaṇḍaṃ disvā theraṃ bandhitvā ‘‘coro’’ti saññāya gahetvā rañño dassesuṃ, ‘‘ayaṃ, deva, coro’’ti. Rājā theraṃ muñcāpetvā, ‘‘kiṃ, bhante, tumhehi idaṃ corikakammaṃ kataṃ vā, no vā’’ti pucchi. Thero kiñcāpi jātito paṭṭhāya attanā tādisaṃ na katapubbaṃ, taṃ pabbajitato paṭṭhāya pana akatabhāvassa, sabbaso kilesānaṃ samucchinnattā tādisassa karaṇe abhabbatāya pakāsanatthaṃ samīpe ṭhitānaṃ bhikkhūnaṃ rañño ca dhammaṃ desento –
645.
645.
‘‘яад̣̇аа ахам̣ баб̣б̣аж̇ид̇о, аг̇аарасмаанаг̇аарияам̣;
‘‘Yadā ahaṃ pabbajito, agārasmānagāriyaṃ;
наабхиж̇аанаами сан̇габбам̣, анарияам̣ д̣̇осасам̣хид̇ам̣.
Nābhijānāmi saṅkappaṃ, anariyaṃ dosasaṃhitaṃ.
646.
646.
‘‘‘имз хан̃н̃анд̇у важ̇жханд̇у, д̣̇угкам̣ баббонд̇у баан̣ино’;
‘‘‘Ime haññantu vajjhantu, dukkhaṃ pappontu pāṇino’;
сан̇габбам̣ наабхиж̇аанаами, имасмим̣ д̣̇ийгхаманд̇арз.
Saṅkappaṃ nābhijānāmi, imasmiṃ dīghamantare.
647.
647.
‘‘мзд̇д̇ан̃жа абхиж̇аанаами, аббамаан̣ам̣ субхаавид̇ам̣;
‘‘Mettañca abhijānāmi, appamāṇaṃ subhāvitaṃ;
анубуб̣б̣ам̣ барижид̇ам̣, яат̇аа б̣уд̣̇д̇хзна д̣̇зсид̇ам̣.
Anupubbaṃ paricitaṃ, yathā buddhena desitaṃ.
648.
648.
‘‘саб̣б̣амид̇д̇о саб̣б̣асако, саб̣б̣абхууд̇аанугамбаго;
‘‘Sabbamitto sabbasakho, sabbabhūtānukampako;
мзд̇д̇ажид̇д̇ан̃жа бхаавзми, аб̣яаабаж̇ж̇арад̇о сад̣̇аа.
Mettacittañca bhāvemi, abyāpajjarato sadā.
649.
649.
‘‘асам̣хийрам̣ асам̣губбам̣, жид̇д̇ам̣ аамод̣̇аяаамахам̣;
‘‘Asaṃhīraṃ asaṃkuppaṃ, cittaṃ āmodayāmahaṃ;
б̣рахмавихаарам̣ бхаавзми, агаабурисасзвид̇ам̣.
Brahmavihāraṃ bhāvemi, akāpurisasevitaṃ.
650.
650.
‘‘авид̇аггам̣ самаабанно, саммаасамб̣уд̣̇д̇хасааваго;
‘‘Avitakkaṃ samāpanno, sammāsambuddhasāvako;
ариязна д̇ун̣хийбхаавзна, убзд̇о ход̇и д̇аавад̣̇з.
Ariyena tuṇhībhāvena, upeto hoti tāvade.
651.
651.
‘‘яат̇ааби баб̣б̣ад̇о сзло, ажало суббад̇идтид̇о;
‘‘Yathāpi pabbato selo, acalo suppatiṭṭhito;
звам̣ мохагкаяаа бхигку, баб̣б̣ад̇ова на взд̇хад̇и.
Evaṃ mohakkhayā bhikkhu, pabbatova na vedhati.
652.
652.
‘‘анан̇г̇ан̣асса босасса, нижжам̣ сужиг̇авзсино;
‘‘Anaṅgaṇassa posassa, niccaṃ sucigavesino;
ваалаг̇г̇амад̇д̇ам̣ баабасса, аб̣бхамад̇д̇ам̣ва кааяад̇и.
Vālaggamattaṃ pāpassa, abbhamattaṃva khāyati.
653.
653.
‘‘наг̇арам̣ яат̇аа бажжанд̇ам̣, г̇уд̇д̇ам̣ санд̇араб̣аахирам̣;
‘‘Nagaraṃ yathā paccantaṃ, guttaṃ santarabāhiraṃ;
звам̣ г̇обзт̇а ад̇д̇аанам̣, кан̣о во маа убажжаг̇аа.
Evaṃ gopetha attānaṃ, khaṇo vo mā upaccagā.
654.
654.
‘‘наабхинанд̣̇аами маран̣ам̣, наабхинанд̣̇аами ж̇ийвид̇ам̣;
‘‘Nābhinandāmi maraṇaṃ, nābhinandāmi jīvitaṃ;
гаалан̃жа бадиган̇каами, ниб̣б̣исам̣ бхад̇аго яат̇аа.
Kālañca paṭikaṅkhāmi, nibbisaṃ bhatako yathā.
655.
655.
‘‘наабхинанд̣̇аами маран̣ам̣, наабхинанд̣̇аами ж̇ийвид̇ам̣;
‘‘Nābhinandāmi maraṇaṃ, nābhinandāmi jīvitaṃ;
гаалан̃жа бадиган̇каами, самбаж̇аано бад̇иссад̇о.
Kālañca paṭikaṅkhāmi, sampajāno patissato.
656.
656.
‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;
‘‘Pariciṇṇo mayā satthā, kataṃ buddhassa sāsanaṃ;
охид̇о г̇аруго бхааро, бхаванзд̇д̇и самуухад̇аа.
Ohito garuko bhāro, bhavanetti samūhatā.
657.
657.
‘‘яасса жад̇т̇ааяа баб̣б̣аж̇ид̇о, аг̇аарасмаанаг̇аарияам̣;
‘‘Yassa catthāya pabbajito, agārasmānagāriyaṃ;
со мз ад̇т̇о ануббад̇д̇о, саб̣б̣асам̣яож̇анагкаяо.
So me attho anuppatto, sabbasaṃyojanakkhayo.
658.
658.
‘‘самбаад̣̇зт̇аббамаад̣̇зна, зсаа мз анусаасаний;
‘‘Sampādethappamādena, esā me anusāsanī;
ханд̣̇аахам̣ бариниб̣б̣иссам̣ виббамуд̇д̇омхи саб̣б̣ад̇хий’’д̇и. – имаа г̇аат̇аа абхааси;
Handāhaṃ parinibbissaṃ vippamuttomhi sabbadhī’’ti. – imā gāthā abhāsi;
д̇ад̇т̇ааяам̣ абуб̣б̣абад̣̇аван̣н̣анаа имасмим̣ д̣̇ийгхаманд̇арзд̇и, яад̣̇аа ахам̣ баб̣б̣аж̇ид̇омхи, д̇ад̇о бадтааяа аяан̃жа мз жаримагаало, зд̇асмим̣ д̣̇ийгхаманд̇арз гаалз ‘‘ид̣̇ам̣ маяхам̣ ход̇уу’’д̇и абхиж̇жхаавасзна ваа, ‘‘имз сад̇д̇аа хан̃н̃анд̇уу’’д̇иаад̣̇инаа б̣яаабаад̣̇авасзна ваа анарияам̣ д̣̇осасам̣хид̇ам̣ сан̇габбам̣ наабхиж̇аанаамийд̇и яож̇анаа.
Tatthāyaṃ apubbapadavaṇṇanā imasmiṃ dīghamantareti, yadā ahaṃ pabbajitomhi, tato paṭṭhāya ayañca me carimakālo, etasmiṃ dīghamantare kāle ‘‘idaṃ mayhaṃ hotū’’ti abhijjhāvasena vā, ‘‘ime sattā haññantū’’tiādinā byāpādavasena vā anariyaṃ dosasaṃhitaṃ saṅkappaṃ nābhijānāmīti yojanā.
мзд̇д̇ан̃жа абхиж̇аанаамийд̇и, миж̇ж̇ад̇и синияхад̇и зд̇ааяаад̇и мзд̇д̇аа, аб̣яаабаад̣̇о. мзд̇д̇аа зд̇иссаа ад̇т̇ийд̇и мзд̇д̇аа, мзд̇д̇аабхааванаа мзд̇д̇ааб̣рахмавихааро, д̇ам̣ мзд̇д̇ам̣. жа-сад̣̇д̣̇зна гарун̣ам̣ муд̣̇ид̇ам̣ убзгкан̃жаад̇и ид̇араб̣рахмавихаарз сан̇г̇ан̣хаад̇и. абхиж̇аанаамийд̇и, абхимукад̇о ж̇аанаами. ад̇хиг̇ад̇ан̃хи жхаанам̣ бажжавзгкад̇о бажжавзгкан̣ан̃аан̣асса абхимукам̣ ход̇и. гийд̣̇исанд̇и ааха ‘‘аббамаан̣а’’нд̇иаад̣̇и. д̇ан̃хи яат̇аа б̣уд̣̇д̇хзна бхаг̇авад̇аа д̣̇зсид̇ам̣, д̇ат̇аа анод̣̇иссагапаран̣авасзна абаримаан̣асад̇д̇аарамман̣ад̇ааяа аббамаан̣ам̣. баг̇ун̣аб̣алавабхааваабаад̣̇анзна судту бхаавид̇ад̇д̇аа субхаавид̇ам̣. батамам̣ мзд̇д̇аа, д̇ад̇о гарун̣аа, д̇ад̇о муд̣̇ид̇аа, бажчаа убзгкаад̇и звам̣ анубуб̣б̣ам̣ ануггамзна барижид̇ам̣ аасзвид̇ам̣, б̣ахулийгад̇ам̣ абхиж̇аанаамийд̇и яож̇анаа.
Mettañcaabhijānāmīti, mijjati siniyhati etāyāti mettā, abyāpādo. Mettā etissā atthīti mettā, mettābhāvanā mettābrahmavihāro, taṃ mettaṃ. Ca-saddena karuṇaṃ muditaṃ upekkhañcāti itarabrahmavihāre saṅgaṇhāti. Abhijānāmīti, abhimukhato jānāmi. Adhigatañhi jhānaṃ paccavekkhato paccavekkhaṇañāṇassa abhimukhaṃ hoti. Kīdisanti āha ‘‘appamāṇa’’ntiādi. Tañhi yathā buddhena bhagavatā desitaṃ, tathā anodissakapharaṇavasena aparimāṇasattārammaṇatāya appamāṇaṃ. Paguṇabalavabhāvāpādanena suṭṭhu bhāvitattā subhāvitaṃ. Paṭhamaṃ mettā, tato karuṇā, tato muditā, pacchā upekkhāti evaṃ anupubbaṃ anukkamena paricitaṃ āsevitaṃ, bahulīkataṃ abhijānāmīti yojanā.
саб̣б̣зсам̣ сад̇д̇аанам̣ мид̇д̇о, саб̣б̣з ваа д̇з маяхам̣ мид̇д̇аад̇и саб̣б̣амид̇д̇о. мзд̇д̇ан̃хи бхаавзнд̇о сад̇д̇аанам̣ бияо ход̇и. саб̣б̣асакод̇и, зд̇т̇ааби зсзва наяо. саб̣б̣абхууд̇аанугамбагод̇и, саб̣б̣асад̇д̇аанам̣ ануг̇г̇ан̣ханаго. мзд̇д̇ажид̇д̇ан̃жа бхаавзмийд̇и, мзд̇д̇ааяа сахид̇ам̣ самбаяуд̇д̇ам̣ жид̇д̇ам̣ висзсад̇о бхаавзми, вад̣дхзми, багаасзми ваа агат̇знд̇зби бхааванааяа уггам̣саг̇ад̇абхаавад̇о. ‘‘мзд̇д̇ам̣ жид̇д̇ан̃жа бхаавзмий’’д̇и ваа баато. д̇ассад̇т̇о хздтаа вуд̇д̇анаяова. аб̣яаабаж̇ж̇арад̇од̇и, аб̣яаабаж̇ж̇з сад̇д̇аанам̣ хид̇уубасам̣хаарз абхирад̇о. сад̣̇аад̇и, саб̣б̣агаалам̣, д̇зна д̇ад̇т̇а саад̇ажжагирияам̣ д̣̇ассзд̇и.
Sabbesaṃ sattānaṃ mitto, sabbe vā te mayhaṃ mittāti sabbamitto. Mettañhi bhāvento sattānaṃ piyo hoti. Sabbasakhoti, etthāpi eseva nayo. Sabbabhūtānukampakoti, sabbasattānaṃ anuggaṇhanako. Mettacittañca bhāvemīti, mettāya sahitaṃ sampayuttaṃ cittaṃ visesato bhāvemi, vaḍḍhemi, pakāsemi vā akathentepi bhāvanāya ukkaṃsagatabhāvato. ‘‘Mettaṃ cittañca bhāvemī’’ti vā pāṭho. Tassattho heṭṭhā vuttanayova. Abyāpajjaratoti, abyāpajje sattānaṃ hitūpasaṃhāre abhirato. Sadāti, sabbakālaṃ, tena tattha sātaccakiriyaṃ dasseti.
асам̣хийранд̇и на сам̣хийрам̣, аасаннабажжад̇т̇игзна рааг̇зна анаагад̣дханияам̣. асам̣губбанд̇и на губбам̣, д̣̇уурабажжад̇т̇игзна б̣яаабаад̣̇зна агобияам̣, звам̣бхууд̇ам̣ гад̇ваа мама мзд̇д̇ажид̇д̇ам̣ аамод̣̇аяаами абхиббамод̣̇аяаами б̣рахмавихаарам̣ бхаавзми. агаабурисасзвид̇анд̇и, гаабурисзхи нийжаж̇анзхи асзвид̇ам̣, агаабурисзхи ваа ариязхи б̣уд̣̇д̇хаад̣̇ийхи сзвид̇ам̣ б̣рахмам̣ сздтам̣ нид̣̇д̣̇осам̣ мзд̇д̇аад̣̇ивихаарам̣ бхаавзми вад̣дхзмийд̇и ад̇т̇о.
Asaṃhīranti na saṃhīraṃ, āsannapaccatthikena rāgena anākaḍḍhaniyaṃ. Asaṃkuppanti na kuppaṃ, dūrapaccatthikena byāpādena akopiyaṃ, evaṃbhūtaṃ katvā mama mettacittaṃ āmodayāmi abhippamodayāmi brahmavihāraṃ bhāvemi. Akāpurisasevitanti, kāpurisehi nīcajanehi asevitaṃ, akāpurisehi vā ariyehi buddhādīhi sevitaṃ brahmaṃ seṭṭhaṃ niddosaṃ mettādivihāraṃ bhāvemi vaḍḍhemīti attho.
звам̣ ад̇д̇уд̣̇д̣̇зсавасзна бан̃жахи г̇аат̇аахи ад̇д̇ано бадибад̇д̇им̣ д̣̇ассзд̇ваа ид̣̇аани д̇ам̣ ан̃н̃аабад̣̇зсзна д̣̇ассзнд̇о ‘‘авид̇агга’’нд̇иаад̣̇инаа жад̇ассо г̇аат̇аа абхааси. д̇ад̇т̇а авид̇аггам̣ самаабаннод̇и, вид̇аггавирахид̇ам̣ д̣̇уд̇ияаад̣̇ижхаанам̣ самаабанно, зд̇зна т̇зро б̣рахмавихаарабхааванааяа ан̃н̃аабад̣̇зсзна ад̇д̇анаа д̣̇уд̇ияаад̣̇ижхаанаад̇хиг̇амамааха. яасмаа банааяам̣ т̇зро д̇амзва жхаанам̣ баад̣̇агам̣ гад̇ваа вибассанам̣ вад̣дхзд̇ваа згаасанзнзва арахад̇д̇ам̣ г̇ан̣хи, д̇асмаа д̇амад̇т̇ам̣ ан̃н̃аабад̣̇зсзнзва д̣̇ассзнд̇о ‘‘авид̇аггам̣ самаабанно’’д̇и вад̇ваа ‘‘саммаасамб̣уд̣̇д̇хасааваго. ариязна д̇ун̣хийбхаавзна, убзд̇о ход̇и д̇аавад̣̇з’’д̇и ааха. д̇ад̇т̇а важийсан̇каараабхаавад̇о авид̇аггаавижаараа самаабад̇д̇и ‘‘арияо д̇ун̣хийбхааво’’д̇и вад̣̇анд̇и. ‘‘саннибад̇ид̇аанам̣ во, бхигкавз, д̣̇ваяам̣ гаран̣ийяам̣ д̇хаммий ваа гат̇аа арияо ваа д̇ун̣хийбхааво’’д̇и (ма. ни. 1.273) бана важанад̇о яаа гаажи самаабад̇д̇и арияо д̇ун̣хийбхааво наама. ид̇ха бана жад̇уд̇т̇аж̇жхаанигаа аг̇г̇апаласамаабад̇д̇и ад̇хиббзд̇аа.
Evaṃ attuddesavasena pañcahi gāthāhi attano paṭipattiṃ dassetvā idāni taṃ aññāpadesena dassento ‘‘avitakka’’ntiādinā catasso gāthā abhāsi. Tattha avitakkaṃ samāpannoti, vitakkavirahitaṃ dutiyādijhānaṃ samāpanno, etena thero brahmavihārabhāvanāya aññāpadesena attanā dutiyādijhānādhigamamāha. Yasmā panāyaṃ thero tameva jhānaṃ pādakaṃ katvā vipassanaṃ vaḍḍhetvā ekāsaneneva arahattaṃ gaṇhi, tasmā tamatthaṃ aññāpadeseneva dassento ‘‘avitakkaṃ samāpanno’’ti vatvā ‘‘sammāsambuddhasāvako. Ariyena tuṇhībhāvena, upeto hoti tāvade’’ti āha. Tattha vacīsaṅkhārābhāvato avitakkāvicārā samāpatti ‘‘ariyo tuṇhībhāvo’’ti vadanti. ‘‘Sannipatitānaṃ vo, bhikkhave, dvayaṃ karaṇīyaṃ dhammī vā kathā ariyo vā tuṇhībhāvo’’ti (ma. ni. 1.273) pana vacanato yā kāci samāpatti ariyo tuṇhībhāvo nāma. Idha pana catutthajjhānikā aggaphalasamāpatti adhippetā.
ид̣̇аани д̇ассаад̇хиг̇ад̇ад̇д̇аа логад̇хаммзхи агамбанийяад̇ам̣ убамааяа багаасзнд̇о ‘‘яат̇ааби баб̣б̣ад̇о’’д̇и г̇аат̇амааха. д̇ад̇т̇а яат̇ааби баб̣б̣ад̇о сзлод̇и, яат̇аа силаамаяо згагханасзло баб̣б̣ад̇о, на бам̣субаб̣б̣ад̇о на миссагабаб̣б̣ад̇од̇и ад̇т̇о. ажало суббад̇идтид̇од̇и, судту бад̇идтид̇амууло багад̇иваад̇зхи ажало агамбанийяо ход̇и, д̇асмаа арахад̇д̇ам̣ ниб̣б̣аанан̃жа звам̣ мохагкаяаа бхигку, баб̣б̣ад̇ова на взд̇хад̇ийд̇и мохасса анавасзсаббахаанаа, мохамуулагад̇д̇аа жа саб̣б̣аагусалаанам̣ бахийнасаб̣б̣аагусало бхигку яат̇аа со баб̣б̣ад̇о багад̇иваад̇зхи, звам̣ логад̇хаммзхи на взд̇хад̇и на гамбад̇и, мохагкаяод̇и ваа яасмаа арахад̇д̇ам̣ ниб̣б̣аанан̃жа вужжад̇и , д̇асмаа мохагкаяаад̇и мохагкаяасса хзд̇у ниб̣б̣аанасса арахад̇д̇асса жа ад̇хиг̇ад̇ад̇д̇аа жад̇уусу арияасажжзсу суббад̇идтид̇о асамаабаннагаалзби баб̣б̣ад̇о вияа на взд̇хад̇и, баг̇зва самаабаннагаалзд̇и ад̇хиббааяо.
Idāni tassādhigatattā lokadhammehi akampanīyataṃ upamāya pakāsento ‘‘yathāpi pabbato’’ti gāthamāha. Tattha yathāpi pabbato seloti, yathā silāmayo ekaghanaselo pabbato, na paṃsupabbato na missakapabbatoti attho. Acalo suppatiṭṭhitoti, suṭṭhu patiṭṭhitamūlo pakativātehi acalo akampanīyo hoti, tasmā arahattaṃ nibbānañca evaṃ mohakkhayā bhikkhu, pabbatova na vedhatīti mohassa anavasesappahānā, mohamūlakattā ca sabbākusalānaṃ pahīnasabbākusalo bhikkhu yathā so pabbato pakativātehi, evaṃ lokadhammehi na vedhati na kampati, mohakkhayoti vā yasmā arahattaṃ nibbānañca vuccati , tasmā mohakkhayāti mohakkhayassa hetu nibbānassa arahattassa ca adhigatattā catūsu ariyasaccesu suppatiṭṭhito asamāpannakālepi pabbato viya na vedhati, pageva samāpannakāleti adhippāyo.
ид̣̇аани баабам̣ наамзд̇ам̣ асужисийло зва самаажарад̇и, на жа сужисийло, сужисийласса бана д̇ам̣ ан̣умад̇д̇амби бхаарияам̣ худ̇ваа убадтаад̇ийд̇и д̣̇ассзнд̇о ‘‘анан̇г̇ан̣ассаа’’д̇иаад̣̇иг̇аат̇амааха . д̇ассад̇т̇о – рааг̇аад̣̇иан̇г̇ан̣аабхаавад̇о анан̇г̇ан̣асса саб̣б̣агаалам̣ сужианаваж̇ж̇ад̇хаммз зва г̇авзсанд̇асса саббурисасса ваалаг̇г̇амад̇д̇ам̣ гзсаг̇г̇амад̇д̇ам̣ баабасса лзсамад̇д̇амби сагалам̣ логад̇хаад̇ум̣ парид̇ваа тид̇ам̣ аб̣бхамад̇д̇ам̣ худ̇ваа убадтаад̇и, д̇асмаа на зваруубз гаммз маад̣̇исаа аасан̇гид̇аб̣б̣аад̇и ад̇хиббааяо.
Idāni pāpaṃ nāmetaṃ asucisīlo eva samācarati, na ca sucisīlo, sucisīlassa pana taṃ aṇumattampi bhāriyaṃ hutvā upaṭṭhātīti dassento ‘‘anaṅgaṇassā’’tiādigāthamāha . Tassattho – rāgādiaṅgaṇābhāvato anaṅgaṇassa sabbakālaṃ sucianavajjadhamme eva gavesantassa sappurisassa vālaggamattaṃ kesaggamattaṃ pāpassa lesamattampi sakalaṃ lokadhātuṃ pharitvā ṭhitaṃ abbhamattaṃ hutvā upaṭṭhāti, tasmā na evarūpe kamme mādisā āsaṅkitabbāti adhippāyo.
яасмаа ниггилзсзсуби анд̇хаб̣аалаа зваруубз абаваад̣̇з самудтаабзнд̇и, д̇асмаа ад̇т̇агаамзхи саггажжам̣ ад̇д̇аа рагкид̇аб̣б̣од̇и оваад̣̇ам̣ д̣̇знд̇о ‘‘наг̇арам̣ яат̇аа’’д̇иаад̣̇иг̇аат̇амааха. д̇ассад̇т̇о – яат̇аа бана бажжанд̇анаг̇араваасийхи мануссзхи бажжанд̇ам̣ наг̇арам̣ д̣̇ваарабаагаараад̣̇ийни т̇ираани гаронд̇зхи саанд̇арам̣, уд̣̇д̣̇аабабарикаад̣̇ийни т̇ираани гаронд̇зхи саб̣аахиранд̇и санд̇араб̣аахирам̣ г̇уд̇д̇ам̣ гарийяад̇и, звам̣ д̇умхзхиби сад̇им̣ убадтабзд̇ваа аж̇жхад̇д̇игаани ча д̣̇ваараани бид̣̇ахид̇ваа д̣̇ваарарагкид̇ам̣ сад̇им̣ ависсаж̇ж̇зд̇ваа яат̇аа г̇аяхамаанаани б̣аахираани ча ааяад̇анаани аж̇жхад̇д̇игаани убагхаад̇ааяа сам̣вад̇д̇анд̇и, д̇ат̇аа аг̇г̇ахан̣зна д̇ааниби т̇ираани гад̇ваа д̇зсам̣ аббавзсааяа д̣̇ваарарагкид̇ам̣ сад̇им̣ аббахааяа вижаранд̇аа ад̇д̇аанам̣ г̇обзт̇а. гасмаа? кан̣о во маа убажжаг̇аа. яо хи звам̣ ад̇д̇аанам̣ на г̇обзд̇и, д̇ам̣ буг̇г̇алам̣ б̣уд̣̇д̇хуббаад̣̇агкан̣о, мануссад̇д̇абхаавагкан̣о, маж̇жхимад̣̇зсз уббад̇д̇игкан̣о, саммаад̣̇идтияаа бадилад̣̇д̇хагкан̣о, чаннам̣ ааяад̇анаанам̣ авзгаллагкан̣од̇и саб̣б̣оби аяам̣ кан̣о ад̇иггамад̇и, со кан̣о д̇умхз маа ад̇иггамад̇ууд̇и.
Yasmā nikkilesesupi andhabālā evarūpe apavāde samuṭṭhāpenti, tasmā atthakāmehi sakkaccaṃ attā rakkhitabboti ovādaṃ dento ‘‘nagaraṃ yathā’’tiādigāthamāha. Tassattho – yathā pana paccantanagaravāsīhi manussehi paccantaṃ nagaraṃ dvārapākārādīni thirāni karontehi saantaraṃ, uddāpaparikhādīni thirāni karontehi sabāhiranti santarabāhiraṃ guttaṃ karīyati, evaṃ tumhehipi satiṃ upaṭṭhapetvā ajjhattikāni cha dvārāni pidahitvā dvārarakkhitaṃ satiṃ avissajjetvā yathā gayhamānāni bāhirāni cha āyatanāni ajjhattikāni upaghātāya saṃvattanti, tathā aggahaṇena tānipi thirāni katvā tesaṃ appavesāya dvārarakkhitaṃ satiṃ appahāya vicarantā attānaṃ gopetha. Kasmā? Khaṇo vo mā upaccagā. Yo hi evaṃ attānaṃ na gopeti, taṃ puggalaṃ buddhuppādakkhaṇo, manussattabhāvakkhaṇo, majjhimadese uppattikkhaṇo, sammādiṭṭhiyā paṭiladdhakkhaṇo, channaṃ āyatanānaṃ avekallakkhaṇoti sabbopi ayaṃ khaṇo atikkamati, so khaṇo tumhe mā atikkamatūti.
звам̣ т̇зро имааяа г̇аат̇ааяа сарааж̇игам̣ барисам̣ бхигкуу жа овад̣̇ид̇ваа буна маран̣з ж̇ийвид̇з жа ад̇д̇ано самажид̇д̇ад̇ам̣ гад̇агижжад̇ан̃жа багаасзнд̇о ‘‘наабхинанд̣̇аами маран̣а’’нд̇иаад̣̇имааха. д̇ам̣ хздтаа вуд̇д̇ад̇т̇амзва (т̇зраг̇аа. адта. 2.607).
Evaṃ thero imāya gāthāya sarājikaṃ parisaṃ bhikkhū ca ovaditvā puna maraṇe jīvite ca attano samacittataṃ katakiccatañca pakāsento ‘‘nābhinandāmi maraṇa’’ntiādimāha. Taṃ heṭṭhā vuttatthameva (theragā. aṭṭha. 2.607).
звам̣ бана вад̇ваа ад̇д̇ано бариниб̣б̣аанагаалам̣ убадтид̇ам̣ д̣̇исваа сан̇кзбзнзва нзсам̣ оваад̣̇ам̣ д̣̇ад̇ваа бариниб̣б̣аанам̣ бавзд̣̇знд̇о осаанаг̇аат̇амааха. д̇ад̇т̇а самбаад̣̇зт̇аббамаад̣̇знаад̇и самбаад̣̇зд̇аб̣б̣ам̣ д̣̇аанасийлаад̣̇им̣ аббамаад̣̇зна самбаад̣̇зт̇а, д̣̇идтад̇хаммигасамбарааяигабабхзд̣̇з г̇ахадтавад̇д̇з сийлаанурагкан̣з самат̇аануяог̇з вибассанаабхааванааяа жа аббамад̇д̇аа хот̇а. зсаа мз анусаасанийд̇и д̣̇аанасийлаад̣̇ийсу на бамаж̇ж̇ат̇аад̇и зсаа мама анусидти оваад̣̇о.
Evaṃ pana vatvā attano parinibbānakālaṃ upaṭṭhitaṃ disvā saṅkhepeneva nesaṃ ovādaṃ datvā parinibbānaṃ pavedento osānagāthamāha. Tattha sampādethappamādenāti sampādetabbaṃ dānasīlādiṃ appamādena sampādetha, diṭṭhadhammikasamparāyikapabhede gahaṭṭhavatte sīlānurakkhaṇe samathaanuyoge vipassanābhāvanāya ca appamattā hotha. Esā me anusāsanīti dānasīlādīsu na pamajjathāti esā mama anusiṭṭhi ovādo.
звам̣ сикаабад̇д̇ам̣ барахид̇абадибад̇д̇им̣ д̣̇ийбзд̇ваа ад̇д̇ахид̇абадибад̇д̇ияааби мад̇т̇агам̣ г̇ан̣ханд̇о ‘‘ханд̣̇аахам̣ бариниб̣б̣иссам̣, виббамуд̇д̇омхи саб̣б̣ад̇хий’’д̇и ааха. д̇ад̇т̇а виббамуд̇д̇омхи саб̣б̣ад̇хийд̇и саб̣б̣асо гилзсзхи бхавзхи жа виббамуд̇д̇о амхи, д̇асмаа згам̣сзна бариниб̣б̣ааяиссаамийд̇и.
Evaṃ sikhāpattaṃ parahitapaṭipattiṃ dīpetvā attahitapaṭipattiyāpi matthakaṃ gaṇhanto ‘‘handāhaṃ parinibbissaṃ, vippamuttomhi sabbadhī’’ti āha. Tattha vippamuttomhi sabbadhīti sabbaso kilesehi bhavehi ca vippamutto amhi, tasmā ekaṃsena parinibbāyissāmīti.
звам̣ бана вад̇ваа аагаасз баллан̇гзна нисинно д̇зж̇од̇хаад̇ум̣ самаабаж̇ж̇ид̇ваа баж̇ж̇аланд̇о анубаад̣̇исзсааяа ниб̣б̣аанад̇хаад̇уяаа бариниб̣б̣ааяи.
Evaṃ pana vatvā ākāse pallaṅkena nisinno tejodhātuṃ samāpajjitvā pajjalanto anupādisesāya nibbānadhātuyā parinibbāyi.
кад̣̇ираванияарзвад̇ад̇т̇зраг̇аат̇ааван̣н̣анаа нидтид̇аа.
Khadiravaniyarevatattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. кад̣̇ираванияарзвад̇ад̇т̇зраг̇аат̇аа • 1. Khadiravaniyarevatattheragāthā
