| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3-9. кад̣̇ираванияад̇т̇зраабад̣̇аанаван̣н̣анаа
3-9. Khadiravaniyattheraapadānavaṇṇanā
г̇ан̇г̇аа бхааг̇ийрат̇ий наамаад̇иаад̣̇игам̣ ааяасмад̇о кад̣̇ираванияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз д̇ид̇т̇анаавигагулз ниб̣б̣ад̇д̇ид̇ваа махааг̇ан̇г̇ааяа баяааг̇ад̇ид̇т̇з д̇ид̇т̇анаавааяа гаммам̣ гаронд̇о згад̣̇ивасам̣ сасаавагасан̇гхам̣ бхаг̇аванд̇ам̣ г̇ан̇г̇аад̇ийрам̣ убаг̇ад̇ам̣ д̣̇исваа басаннамаанасо нааваасан̇гхаадам̣ яож̇зд̇ваа маханд̇зна бууж̇аасаггаарзна барад̇ийрам̣ баабзд̇ваа ан̃н̃ад̇арам̣ бхигкум̣ сад̇т̇аараа ааран̃н̃агаанам̣ бхигкуунам̣ аг̇г̇адтаанз табияамаанам̣ д̣̇исваа д̇ам̣ таананд̇арам̣ бад̇т̇зд̇ваа бхаг̇авад̇о бхигкусан̇гхасса жа махаад̣̇аанам̣ бавад̇д̇зд̇ваа бан̣ид̇хаанам̣ агааси. бхаг̇аваа д̇асса бад̇т̇анааяа аван̃жхабхаавам̣ б̣яаагааси.
Gaṅgābhāgīrathī nāmātiādikaṃ āyasmato khadiravaniyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare titthanāvikakule nibbattitvā mahāgaṅgāya payāgatitthe titthanāvāya kammaṃ karonto ekadivasaṃ sasāvakasaṅghaṃ bhagavantaṃ gaṅgātīraṃ upagataṃ disvā pasannamānaso nāvāsaṅghāṭaṃ yojetvā mahantena pūjāsakkārena paratīraṃ pāpetvā aññataraṃ bhikkhuṃ satthārā āraññakānaṃ bhikkhūnaṃ aggaṭṭhāne ṭhapiyamānaṃ disvā taṃ ṭhānantaraṃ patthetvā bhagavato bhikkhusaṅghassa ca mahādānaṃ pavattetvā paṇidhānaṃ akāsi. Bhagavā tassa patthanāya avañjhabhāvaṃ byākāsi.
со д̇ад̇о бадтааяа бун̃н̃аани убажинанд̇о д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з маг̇ад̇харадтз наалагаг̇аамз руубасаарияаа наама б̣раахман̣ияаа гужчимхи ниб̣б̣ад̇д̇и. д̇ам̣ ваяаббад̇д̇ам̣ маад̇аабид̇аро гхараб̣анд̇ханзна б̣анд̇хид̇угаамаа худ̇ваа д̇асса аарожзсум̣. со саарибуд̇д̇ад̇т̇зрасса баб̣б̣аж̇ид̇абхаавам̣ суд̇ваа ‘‘маяхам̣ ж̇здтабхаад̇аа аяяо убад̇иссо имам̣ вибхавам̣ чад̣д̣зд̇ваа баб̣б̣аж̇ид̇о, д̇зна ванд̇ам̣ кзл̣абин̣д̣ам̣ гат̇аахам̣ анубхависсаамий’’д̇и ж̇аад̇асам̣взг̇о баасам̣ анубаг̇ажчамаанамиг̇о вияа н̃аад̇агз ван̃жзд̇ваа хзд̇усамбад̇д̇ияаа жод̣̇ияамаано бхигкуунам̣ санд̇игам̣ г̇анд̇ваа д̇хаммасзнаабад̇ино ганидтабхаавам̣ нивзд̣̇зд̇ваа ад̇д̇ано баб̣б̣аж̇ж̇ааяа чанд̣̇ам̣ аарожзси. бхигкуу д̇ам̣ баб̣б̣ааж̇зд̇ваа барибун̣н̣авийсад̇ивассам̣ убасамбаад̣̇зд̇ваа гаммадтаанз нияож̇зсум̣. со гаммадтаанам̣ г̇ахзд̇ваа кад̣̇ираванам̣ бависид̇ваа виссаманд̇о гхадзнд̇о вааяаманд̇о н̃аан̣асса барибаагам̣ г̇ад̇ад̇д̇аа нажирассзва чал̣абхин̃н̃о арахаа ахоси. со арахаа худ̇ваа сад̇т̇аарам̣ д̇хаммасзнаабад̇ин̃жа ванд̣̇ид̇ум̣ сзнаасанам̣ сам̣саамзд̇ваа бад̇д̇ажийварамаад̣̇ааяа нигкамид̇ваа анубуб̣б̣зна саавад̇т̇им̣ бад̇ваа ж̇зд̇аванам̣ бависид̇ваа сад̇т̇аарам̣ д̇хаммасзнаабад̇ин̃жа ванд̣̇ид̇ваа гад̇ибаахам̣ ж̇зд̇аванз вихааси. ат̇а нам̣ сад̇т̇аа арияаг̇ан̣амаж̇жхз нисинно ааран̃н̃агаанам̣ бхигкуунам̣ аг̇г̇адтаанз табзси – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ ааран̃н̃агаанам̣ яад̣̇ид̣̇ам̣ рзвад̇о’’д̇и (а. ни. 1.198, 203).
So tato paṭṭhāya puññāni upacinanto devamanussesu saṃsaranto ubhayasampattiyo anubhavitvā imasmiṃ buddhuppāde magadharaṭṭhe nālakagāme rūpasāriyā nāma brāhmaṇiyā kucchimhi nibbatti. Taṃ vayappattaṃ mātāpitaro gharabandhanena bandhitukāmā hutvā tassa ārocesuṃ. So sāriputtattherassa pabbajitabhāvaṃ sutvā ‘‘mayhaṃ jeṭṭhabhātā ayyo upatisso imaṃ vibhavaṃ chaḍḍetvā pabbajito, tena vantaṃ kheḷapiṇḍaṃ kathāhaṃ anubhavissāmī’’ti jātasaṃvego pāsaṃ anupagacchamānamigo viya ñātake vañcetvā hetusampattiyā codiyamāno bhikkhūnaṃ santikaṃ gantvā dhammasenāpatino kaniṭṭhabhāvaṃ nivedetvā attano pabbajjāya chandaṃ ārocesi. Bhikkhū taṃ pabbājetvā paripuṇṇavīsativassaṃ upasampādetvā kammaṭṭhāne niyojesuṃ. So kammaṭṭhānaṃ gahetvā khadiravanaṃ pavisitvā vissamanto ghaṭento vāyamanto ñāṇassa paripākaṃ gatattā nacirasseva chaḷabhiñño arahā ahosi. So arahā hutvā satthāraṃ dhammasenāpatiñca vandituṃ senāsanaṃ saṃsāmetvā pattacīvaramādāya nikkhamitvā anupubbena sāvatthiṃ patvā jetavanaṃ pavisitvā satthāraṃ dhammasenāpatiñca vanditvā katipāhaṃ jetavane vihāsi. Atha naṃ satthā ariyagaṇamajjhe nisinno āraññakānaṃ bhikkhūnaṃ aggaṭṭhāne ṭhapesi – ‘‘etadaggaṃ, bhikkhave, mama sāvakānaṃ bhikkhūnaṃ āraññakānaṃ yadidaṃ revato’’ti (a. ni. 1.198, 203).
628. звам̣ зд̇ад̣̇аг̇г̇адтаанам̣ бад̇ваа ад̇д̇ано буб̣б̣агаммам̣ сарид̇ваа бийд̇исоманассавасзна буб̣б̣ажарид̇аабад̣̇аанам̣ багаасзнд̇о г̇ан̇г̇аа бхааг̇ийрат̇ийд̇иаад̣̇имааха. д̇ад̇т̇а г̇ан̇г̇аад̇и г̇ааяамаанаа гхосам̣ гурумаанаа г̇ажчад̇ийд̇и г̇ан̇г̇аа. ат̇а ваа г̇о вужжад̇и бат̇авий, д̇асмим̣ г̇ад̇аа бавад̇д̇аад̇и г̇ан̇г̇аа. анод̇ад̇д̇ад̣̇ахам̣ д̇игкад̇д̇ум̣ бад̣̇агкин̣ам̣ гад̇ваа г̇ад̇адтаанз ааваддаг̇ан̇г̇аад̇и жа баб̣б̣ад̇амад̇т̇агзна г̇ад̇адтаанз б̣ахалаг̇ан̇г̇аад̇и жа д̇иражчаанабаб̣б̣ад̇ам̣ виж̇жхид̇ваа г̇ад̇адтаанз уман̇г̇аг̇ан̇г̇аад̇и жа д̇ад̇о б̣ахалабаб̣б̣ад̇ам̣ бахарид̇ваа бан̃жаяож̇анам̣ аагаасзна г̇ад̇адтаанз аагаасаг̇ан̇г̇аад̇и жа д̇ассаа бад̇ид̇адтаанам̣ бхинд̣̇ид̇ваа ж̇аад̇ам̣ бан̃жа яож̇анам̣ богкаран̣ийгуулам̣ бхинд̣̇ид̇ваа д̇ад̇т̇а бана бан̃жан̇г̇ули вияа бан̃жа д̇хаараа худ̇ваа г̇ан̇г̇аа яамунаа сарабхуу махий ажиравад̇ийд̇и бан̃жа наамаа худ̇ваа ж̇амб̣уд̣̇ийбам̣ бан̃жа бхааг̇ам̣ бан̃жа годтаасам̣ гад̇ваа бан̃жа бхааг̇з бан̃жа годтаасз ид̇аа г̇ад̇аа бавад̇д̇аад̇и бхааг̇ийрат̇ий. г̇ан̇г̇аа жа саа бхааг̇ийрат̇ий жзд̇и г̇ан̇г̇аабхааг̇ийрат̇ий. ‘‘бхааг̇ийрат̇ий г̇ан̇г̇аа’’д̇и вад̇д̇аб̣б̣з г̇аат̇ааб̣анд̇хасукад̇т̇ам̣ буб̣б̣ажарияавасзна вуд̇д̇анд̇и д̣̇адтаб̣б̣ам̣. химаванд̇аа бабхаавид̇аад̇и сад̇д̇з хим̣сад̇и сийд̇зна ханад̇и мат̇зд̇и аалол̣зд̇ийд̇и химо, химо асса ад̇т̇ийд̇и химаваа, д̇ад̇о химаванд̇ад̇о бадтааяа бабхаавид̇аа бавад̇д̇аа санд̣̇амаанаад̇и химаванд̇абабхаавид̇аа. гуд̇ид̇т̇з наавиго аасинд̇и д̇ассаа г̇ан̇г̇ааяа жан̣д̣асод̇асамаабаннз висамад̇ид̇т̇з гзваддагулз уббанно наавиго аасим̣ ахосинд̇и ад̇т̇о. оримз жа д̇арим̣ аханд̇и самбад̇д̇асамбад̇д̇амануссз бааримаа д̇ийраа оримам̣ д̇ийрам̣ ахам̣ д̇арим̣ д̇аарзсинд̇и ад̇т̇о.
628. Evaṃ etadaggaṭṭhānaṃ patvā attano pubbakammaṃ saritvā pītisomanassavasena pubbacaritāpadānaṃ pakāsento gaṅgā bhāgīrathītiādimāha. Tattha gaṅgāti gāyamānā ghosaṃ kurumānā gacchatīti gaṅgā. Atha vā go vuccati pathavī, tasmiṃ gatā pavattāti gaṅgā. Anotattadahaṃ tikkhattuṃ padakkhiṇaṃ katvā gataṭṭhāne āvaṭṭagaṅgāti ca pabbatamatthakena gataṭṭhāne bahalagaṅgāti ca tiracchānapabbataṃ vijjhitvā gataṭṭhāne umaṅgagaṅgāti ca tato bahalapabbataṃ paharitvā pañcayojanaṃ ākāsena gataṭṭhāne ākāsagaṅgāti ca tassā patitaṭṭhānaṃ bhinditvā jātaṃ pañca yojanaṃ pokkharaṇīkūlaṃ bhinditvā tattha pana pañcaṅguli viya pañca dhārā hutvā gaṅgā yamunā sarabhū mahī aciravatīti pañca nāmā hutvā jambudīpaṃ pañca bhāgaṃ pañca koṭṭhāsaṃ katvā pañca bhāge pañca koṭṭhāse itā gatā pavattāti bhāgīrathī. Gaṅgā ca sā bhāgīrathī ceti gaṅgābhāgīrathī. ‘‘Bhāgīrathī gaṅgā’’ti vattabbe gāthābandhasukhatthaṃ pubbacariyavasena vuttanti daṭṭhabbaṃ. Himavantā pabhāvitāti satte hiṃsati sītena hanati matheti āloḷetīti himo, himo assa atthīti himavā, tato himavantato paṭṭhāya pabhāvitā pavattā sandamānāti himavantapabhāvitā. Kutitthe nāviko āsinti tassā gaṅgāya caṇḍasotasamāpanne visamatitthe kevaṭṭakule uppanno nāviko āsiṃ ahosinti attho. Orime ca tariṃ ahanti sampattasampattamanusse pārimā tīrā orimaṃ tīraṃ ahaṃ tariṃ tāresinti attho.
629. бад̣̇умуд̇д̇аро нааяагод̇и д̣̇вибад̣̇аанам̣ уд̇д̇амо сад̇д̇з ниб̣б̣аанам̣ нааяаго баабанаго бад̣̇умуд̇д̇араб̣уд̣̇д̇хо мама бун̃н̃асамбад̇д̇им̣ нибпаад̣̇знд̇о. васийсад̇асахассзхи кийн̣аасавасад̇асахассзхи г̇ан̇г̇аасод̇ам̣ д̇арид̇ум̣ д̇ид̇т̇ам̣ бад̇д̇од̇и самб̣анд̇хо.
629.Padumuttaro nāyakoti dvipadānaṃ uttamo satte nibbānaṃ nāyako pāpanako padumuttarabuddho mama puññasampattiṃ nipphādento. Vasīsatasahassehi khīṇāsavasatasahassehi gaṅgāsotaṃ tarituṃ titthaṃ pattoti sambandho.
630. б̣ахуу нааваа самаанзд̇ваад̇и самбад̇д̇ам̣ д̇ам̣ саммаасамб̣уд̣̇д̇хам̣ д̣̇исваа вад̣дхагийхи судту сан̇кад̇ам̣ гад̇ам̣ нибпаад̣̇ид̇ам̣ б̣ахуу наавааяо самаанзд̇ваа д̣̇вз д̣̇вз наавааяо згад̇о гад̇ваа д̇ассаа наавааяа убари ман̣д̣абачад̣̇анам̣ гад̇ваа нараасабхам̣ бад̣̇умуд̇д̇арасамб̣уд̣̇д̇хам̣ бадимааним̣ бууж̇зсинд̇и ад̇т̇о.
630.Bahū nāvā samānetvāti sampattaṃ taṃ sammāsambuddhaṃ disvā vaḍḍhakīhi suṭṭhu saṅkhataṃ kataṃ nipphāditaṃ bahū nāvāyo samānetvā dve dve nāvāyo ekato katvā tassā nāvāya upari maṇḍapachadanaṃ katvā narāsabhaṃ padumuttarasambuddhaṃ paṭimāniṃ pūjesinti attho.
631. ааг̇анд̇ваана жа самб̣уд̣̇д̇ход̇и звам̣ сан̇гхадид̇ааяа наавааяа д̇ад̇т̇а ааг̇анд̇ваана д̇ан̃жа наавагам̣ наавамуд̇д̇амам̣ аарухийд̇и самб̣анд̇хо. вааримаж̇жхз тид̇о сад̇т̇аад̇и наавамааруул̣хо сад̇т̇аа г̇ан̇г̇ааж̇аламаж̇жхз тид̇о самаано имаа соманассабадисам̣яуд̇д̇аг̇аат̇аа абхаасат̇а гат̇зсийд̇и самб̣анд̇хо.
631.Āgantvānaca sambuddhoti evaṃ saṅghaṭitāya nāvāya tattha āgantvāna tañca nāvakaṃ nāvamuttamaṃ āruhīti sambandho. Vārimajjhe ṭhito satthāti nāvamārūḷho satthā gaṅgājalamajjhe ṭhito samāno imā somanassapaṭisaṃyuttagāthā abhāsatha kathesīti sambandho.
632. яо со д̇аарзси самб̣уд̣̇д̇ханд̇и яо со наавиго г̇ан̇г̇аасод̇ааяа самб̣уд̣̇д̇хам̣ ад̇аарзси. сан̇гхан̃жааби анаасаванд̇и на гзваламзва самб̣уд̣̇д̇хам̣ д̇аарзси, анаасавам̣ ниггилзсам̣ сан̇гхан̃жааби д̇аарзсийд̇и ад̇т̇о. д̇зна жид̇д̇абасаад̣̇знаад̇и д̇зна нааваабааж̇анагаалз уббаннзна соманассасахаг̇ад̇ажид̇д̇абасаад̣̇зна д̣̇звалогз часу гаамасаг̇г̇зсу рамиссад̇и д̣̇иб̣б̣асамбад̇д̇им̣ анубхависсад̇ийд̇и ад̇т̇о.
632.Yo so tāresi sambuddhanti yo so nāviko gaṅgāsotāya sambuddhaṃ atāresi. Saṅghañcāpi anāsavanti na kevalameva sambuddhaṃ tāresi, anāsavaṃ nikkilesaṃ saṅghañcāpi tāresīti attho. Tena cittapasādenāti tena nāvāpājanakāle uppannena somanassasahagatacittapasādena devaloke chasu kāmasaggesu ramissati dibbasampattiṃ anubhavissatīti attho.
633. ниб̣б̣ад̇д̇иссад̇и д̇з б̣яамханд̇и д̣̇звалогз уббаннасса д̇з д̇уяхам̣ б̣яамхам̣ вимаанам̣ сугад̇ам̣ судту ниб̣б̣ад̇д̇ам̣ наавасан̣тид̇ам̣ нааваасан̣таанам̣ ниб̣б̣ад̇д̇иссад̇и баад̇убхависсад̇ийд̇и ад̇т̇о. аагаасз бубпачад̣̇ананд̇и наавааяа убариман̣д̣абагад̇агаммасса ниссанд̣̇зна саб̣б̣ад̣̇аа г̇ад̇аг̇ад̇адтаанз аагаасз бубпачад̣̇анам̣ д̇хаараяиссад̇ийд̇и самб̣анд̇хо.
633.Nibbattissatite byamhanti devaloke uppannassa te tuyhaṃ byamhaṃ vimānaṃ sukataṃ suṭṭhu nibbattaṃ nāvasaṇṭhitaṃ nāvāsaṇṭhānaṃ nibbattissati pātubhavissatīti attho. Ākāse pupphachadananti nāvāya uparimaṇḍapakatakammassa nissandena sabbadā gatagataṭṭhāne ākāse pupphachadanaṃ dhārayissatīti sambandho.
634. адтабан̃н̃аасагаббамхийд̇и ид̇о бун̃н̃агаран̣агаалад̇о бадтааяа адтабан̣н̣аасагаббам̣ ад̇иггамид̇ваа наамзна д̇аараго наама жаггавад̇д̇ий кад̇д̇ияо жаад̇уранд̇о жад̇уусу д̣̇ийбзсу иссаро виж̇ид̇аавий ж̇ид̇аванд̇о бхависсад̇ийд̇и самб̣анд̇хо. сзсаг̇аат̇аа уд̇д̇аанад̇т̇аава.
634.Aṭṭhapaññāsakappamhīti ito puññakaraṇakālato paṭṭhāya aṭṭhapaṇṇāsakappaṃ atikkamitvā nāmena tārako nāma cakkavattī khattiyo cāturanto catūsu dīpesu issaro vijitāvī jitavanto bhavissatīti sambandho. Sesagāthā uttānatthāva.
637. рзвад̇о наама наамзнаад̇и рзвад̇ийнагкад̇д̇зна ж̇аад̇ад̇д̇аа ‘‘рзвад̇о’’д̇и лад̣̇д̇ханаамо б̣рахмаб̣анд̇ху б̣раахман̣абуд̇д̇абхууд̇о бхависсад̇и б̣раахман̣агулз уббаж̇ж̇иссад̇ийд̇и ад̇т̇о.
637.Revato nāma nāmenāti revatīnakkhattena jātattā ‘‘revato’’ti laddhanāmo brahmabandhu brāhmaṇaputtabhūto bhavissati brāhmaṇakule uppajjissatīti attho.
639. ниб̣б̣ааяиссад̇инаасавод̇и ниггилзсо канд̇хабариниб̣б̣аанзна ниб̣б̣ааяиссад̇и.
639.Nibbāyissatināsavoti nikkileso khandhaparinibbānena nibbāyissati.
640. вийрияам̣ мз д̇хурад̇хораяханд̇и звам̣ бад̣̇умуд̇д̇арзна бхаг̇авад̇аа б̣яаагад̇о ахам̣ гамзна баарамид̇аагодим̣ бад̇ваа мз маяхам̣ вийрияам̣ асит̇илавийрияам̣ д̇хурад̇хораяхам̣ д̇хураваахам̣ д̇хураад̇хаарам̣ яог̇зхи кзмасса ниб̣бхаяасса ниб̣б̣аанасса ад̇хивааханам̣ ааваханам̣ ахосийд̇и ад̇т̇о. д̇хаарзми анд̇имам̣ д̣̇зханд̇и ид̣̇аанаахам̣ саммаасамб̣уд̣̇д̇хасаасанз барияосаанасарийрам̣ д̇хаарзмийд̇и самб̣анд̇хо.
640.Vīriyaṃ me dhuradhorayhanti evaṃ padumuttarena bhagavatā byākato ahaṃ kamena pāramitākoṭiṃ patvā me mayhaṃ vīriyaṃ asithilavīriyaṃ dhuradhorayhaṃ dhuravāhaṃ dhurādhāraṃ yogehi khemassa nibbhayassa nibbānassa adhivāhanaṃ āvahanaṃ ahosīti attho. Dhāremi antimaṃ dehanti idānāhaṃ sammāsambuddhasāsane pariyosānasarīraṃ dhāremīti sambandho.
со абарабхааг̇з ад̇д̇ано ж̇аад̇аг̇аамам̣ г̇анд̇ваа ‘‘жаалаа, убажаалаа, сийсуубажаалаа’’д̇и д̇иссаннам̣ бхаг̇инийнам̣ буд̇д̇з ‘‘жаалаа, убажаалаа, сийсуубажаалаа’’д̇и д̇аяо бхааг̇инзяяз аанзд̇ваа баб̣б̣ааж̇зд̇ваа гаммадтаанз нияож̇зси. д̇з гаммадтаанам̣ ануяуд̇д̇аа вихарим̣су.
So aparabhāge attano jātagāmaṃ gantvā ‘‘cālā, upacālā, sīsūpacālā’’ti tissannaṃ bhaginīnaṃ putte ‘‘cālā, upacālā, sīsūpacālā’’ti tayo bhāgineyye ānetvā pabbājetvā kammaṭṭhāne niyojesi. Te kammaṭṭhānaṃ anuyuttā vihariṃsu.
д̇асмин̃жа самаяз т̇зрасса гожид̣̇зва ааб̣аад̇хо уббанно, д̇ам̣ суд̇ваа саарибуд̇д̇ад̇т̇зро – ‘‘рзвад̇асса г̇илаанабужчанам̣ ад̇хиг̇амабужчанан̃жа гариссаамий’’д̇и убаг̇ан̃чи. рзвад̇ад̇т̇зро д̇хаммасзнаабад̇им̣ д̣̇уурад̇ова ааг̇ажчанд̇ам̣ д̣̇исваа д̇зсам̣ сааман̣зраанам̣ сад̇уббаад̣̇авасзна овад̣̇ияамаано жаалзд̇иг̇аат̇ам̣ абхаасид̇т̇а. д̇ад̇т̇а жаалз убажаалз сийсуубажаалзд̇и д̇зсам̣ аалабанам̣. жаалаа, убажаалаа, сийсуубажаалаад̇и хи ид̇т̇илин̇г̇авасзна лад̣̇д̇ханаамаа д̇аяо д̣̇аарагаа баб̣б̣аж̇ид̇ааби д̇ат̇аа вохарияяанд̇и. ‘‘жаалий, убажаалий, сийсуубажаалийд̇и д̇зсам̣ наамааний’’д̇и жа вад̣̇анд̇и. яад̣̇ад̇т̇ам̣ ‘‘жаалз’’д̇иаад̣̇инаа ааманд̇анам̣ гад̇ам̣, д̇ам̣ д̣̇ассзнд̇о ‘‘бад̇иссад̇аа ну ко вихарат̇аа’’д̇и вад̇ваа д̇ад̇т̇а гааран̣ам̣ ааха – ‘‘ааг̇ад̇о во ваалам̣ вияа взд̇хий’’д̇и. бад̇иссад̇аад̇и бад̇иссад̇игаа . код̇и авад̇хааран̣з. ааг̇ад̇од̇и ааг̇ан̃чи. вод̇и д̇умхаагам̣. ваалам̣ вияа взд̇хийд̇и ваалавзд̇хи вияа. аяан̃хзд̇т̇а сан̇кзбад̇т̇о – д̇игкаж̇авананиб̣б̣зд̇хигабан̃н̃ад̇ааяа ваалавзд̇хируубо сад̇т̇угаббо д̇умхаагам̣ маад̇улад̇т̇зро ааг̇ад̇о, д̇асмаа саман̣асан̃н̃ам̣ убадтабзд̇ваа сад̇исамбаж̇ан̃н̃аяуд̇д̇аа зва худ̇ваа вихарат̇а, яат̇аад̇хиг̇ад̇з вихаарз аббамад̇д̇аа бхават̇аад̇и.
Tasmiñca samaye therassa kocideva ābādho uppanno, taṃ sutvā sāriputtatthero – ‘‘revatassa gilānapucchanaṃ adhigamapucchanañca karissāmī’’ti upagañchi. Revatatthero dhammasenāpatiṃ dūratova āgacchantaṃ disvā tesaṃ sāmaṇerānaṃ satuppādavasena ovadiyamāno cāletigāthaṃ abhāsittha. Tattha cāle upacāle sīsūpacāleti tesaṃ ālapanaṃ. Cālā, upacālā, sīsūpacālāti hi itthiliṅgavasena laddhanāmā tayo dārakā pabbajitāpi tathā vohariyyanti. ‘‘Cālī, upacālī, sīsūpacālīti tesaṃ nāmānī’’ti ca vadanti. Yadatthaṃ ‘‘cāle’’tiādinā āmantanaṃ kataṃ, taṃ dassento ‘‘patissatā nu kho viharathā’’ti vatvā tattha kāraṇaṃ āha – ‘‘āgato vo vālaṃ viya vedhī’’ti. Patissatāti patissatikā . Khoti avadhāraṇe. Āgatoti āgañchi. Voti tumhākaṃ. Vālaṃ viya vedhīti vālavedhi viya. Ayañhettha saṅkhepattho – tikkhajavananibbedhikapaññatāya vālavedhirūpo satthukappo tumhākaṃ mātulatthero āgato, tasmā samaṇasaññaṃ upaṭṭhapetvā satisampajaññayuttā eva hutvā viharatha, yathādhigate vihāre appamattā bhavathāti.
д̇ам̣ суд̇ваа д̇з сааман̣зраа д̇хаммасзнаабад̇исса бажжуг̇г̇аманаад̣̇ивад̇д̇ам̣ гад̇ваа убхиннам̣ маад̇улад̇т̇зраанам̣ бадисант̇ааравзлааяам̣ наад̇ид̣̇уурз самаад̇хим̣ самаабаж̇ж̇ид̇ваа нисийд̣̇им̣су. д̇хаммасзнаабад̇и рзвад̇ад̇т̇зрзна сад̣̇д̇хим̣ бадисант̇аарам̣ гад̇ваа удтааяаасанаа д̇з сааман̣зрз убасан̇гами. д̇з д̇ат̇аа гаалабарижчзд̣̇асса гад̇ад̇д̇аа т̇зрз убасан̇гаманд̇з удтахид̇ваа ванд̣̇ид̇ваа адтам̣су. т̇зро – ‘‘гад̇арагад̇аравихаарзна вихарат̇аа’’д̇и бужчид̇ваа д̇зхи ‘‘имааяа имааяаа’’д̇и вуд̇д̇з д̣̇аарагзби звам̣ винзнд̇о – ‘‘маяхам̣ бхаад̇иго сажжаваад̣̇ий вад̇а д̇хаммасса ануд̇хаммажаари’’нд̇и т̇зрам̣ басам̣санд̇о баггаами. сзсамзд̇т̇а уд̇д̇аанад̇т̇амзваад̇и.
Taṃ sutvā te sāmaṇerā dhammasenāpatissa paccuggamanādivattaṃ katvā ubhinnaṃ mātulattherānaṃ paṭisanthāravelāyaṃ nātidūre samādhiṃ samāpajjitvā nisīdiṃsu. Dhammasenāpati revatattherena saddhiṃ paṭisanthāraṃ katvā uṭṭhāyāsanā te sāmaṇere upasaṅkami. Te tathā kālaparicchedassa katattā there upasaṅkamante uṭṭhahitvā vanditvā aṭṭhaṃsu. Thero – ‘‘katarakataravihārena viharathā’’ti pucchitvā tehi ‘‘imāya imāyā’’ti vutte dārakepi evaṃ vinento – ‘‘mayhaṃ bhātiko saccavādī vata dhammassa anudhammacāri’’nti theraṃ pasaṃsanto pakkāmi. Sesamettha uttānatthamevāti.
кад̣̇ираванияад̇т̇зраабад̣̇аанаван̣н̣анаа самад̇д̇аа.
Khadiravaniyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3-9. кад̣̇ираванияарзвад̇ад̇т̇зраабад̣̇аанам̣ • 3-9. Khadiravaniyarevatattheraapadānaṃ
