| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. кад̣̇ираванияад̇т̇зраг̇аат̇ааван̣н̣анаа
2. Khadiravaniyattheragāthāvaṇṇanā
жаалз убажаалзд̇и ааяасмад̇о кад̣̇ираванияарзвад̇ад̇т̇зрасса г̇аат̇аа. гаа уббад̇и? аяам̣ гира бад̣̇умуд̇д̇арасса бхаг̇авад̇о гаалз хам̣савад̇ийнаг̇арз д̇ид̇т̇анаавигагулз ниб̣б̣ад̇д̇ид̇ваа махааг̇ан̇г̇ааяа баяааг̇ад̇ид̇т̇з д̇ид̇т̇анааваагаммам̣ гаронд̇о згад̣̇ивасам̣ сасаавагасан̇гхам̣ бхаг̇аванд̇ам̣ г̇ан̇г̇аад̇ийрам̣ убаг̇ад̇ам̣ д̣̇исваа басаннамаанасо нааваасан̇гхаадам̣ яож̇зд̇ваа маханд̇зна бууж̇аасаггаарзна барад̇ийрам̣ баабзд̇ваа ан̃н̃ад̇арам̣ бхигкум̣ сад̇т̇аараа ааран̃н̃агаанам̣ аг̇г̇адтаанз табияамаанам̣ д̣̇исваа д̇ад̣̇ад̇т̇ам̣ бад̇т̇анам̣ бадтабзд̇ваа бхаг̇авад̇о бхигкусан̇гхасса жа махаад̣̇аанам̣ бавад̇д̇зси. бхаг̇аваа жа д̇асса бад̇т̇анааяа аваж̇жхабхаавам̣ б̣яаагааси. со д̇ад̇о бадтааяа д̇ад̇т̇а д̇ад̇т̇а виваддуубаниссаяам̣ гусалам̣ гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз наалагаг̇аамз руубасаарияаа б̣раахман̣ияаа гужчисмим̣ ниб̣б̣ад̇д̇и. д̇ам̣ ваяаббад̇д̇ам̣ маад̇аабид̇аро гхараб̣анд̇ханзна б̣анд̇хид̇угаамаа ж̇аад̇аа. со саарибуд̇д̇ад̇т̇зрасса баб̣б̣аж̇ид̇абхаавам̣ суд̇ваа ‘‘маяхам̣ ж̇здтабхаад̇аа аяяо убад̇иссо имам̣ вибхавам̣ чад̣д̣зд̇ваа баб̣б̣аж̇ид̇о, д̇зна ванд̇ам̣ кзл̣абин̣д̣ам̣ гат̇аахам̣ бажчаа г̇илиссаамий’’д̇и ж̇аад̇асам̣взг̇о баасам̣ анубаг̇ажчанагамиг̇о вияа н̃аад̇агз ван̃жзд̇ваа хзд̇усамбад̇д̇ияаа жод̣̇ияамаано бхигкуунам̣ санд̇игам̣ г̇анд̇ваа д̇хаммасзнаабад̇ино ганидтабхаавам̣ нивзд̣̇зд̇ваа ад̇д̇ано баб̣б̣аж̇ж̇ааяа чанд̣̇ам̣ аарожзси. бхигкуу д̇ам̣ баб̣б̣ааж̇зд̇ваа барибун̣н̣авийсад̇ивассам̣ убасамбаад̣̇зд̇ваа гаммадтаанз нияож̇зсум̣. со гаммадтаанам̣ г̇ахзд̇ваа кад̣̇ираванам̣ бависид̇ваа, ‘‘арахад̇д̇ам̣ бад̇ваа бхаг̇аванд̇ам̣ д̇хаммасзнаабад̇ин̃жа бассиссаамий’’д̇и гхадзнд̇о вааяаманд̇о н̃аан̣асса барибаагаг̇ад̇ад̇д̇аа нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 1.1.628-643) –
Cāle upacāleti āyasmato khadiravaniyarevatattherassa gāthā. Kā uppati? Ayaṃ kira padumuttarassa bhagavato kāle haṃsavatīnagare titthanāvikakule nibbattitvā mahāgaṅgāya payāgatitthe titthanāvākammaṃ karonto ekadivasaṃ sasāvakasaṅghaṃ bhagavantaṃ gaṅgātīraṃ upagataṃ disvā pasannamānaso nāvāsaṅghāṭaṃ yojetvā mahantena pūjāsakkārena paratīraṃ pāpetvā aññataraṃ bhikkhuṃ satthārā āraññakānaṃ aggaṭṭhāne ṭhapiyamānaṃ disvā tadatthaṃ patthanaṃ paṭṭhapetvā bhagavato bhikkhusaṅghassa ca mahādānaṃ pavattesi. Bhagavā ca tassa patthanāya avajjhabhāvaṃ byākāsi. So tato paṭṭhāya tattha tattha vivaṭṭūpanissayaṃ kusalaṃ katvā devamanussesu saṃsaranto imasmiṃ buddhuppāde magadharaṭṭhe nālakagāme rūpasāriyā brāhmaṇiyā kucchismiṃ nibbatti. Taṃ vayappattaṃ mātāpitaro gharabandhanena bandhitukāmā jātā. So sāriputtattherassa pabbajitabhāvaṃ sutvā ‘‘mayhaṃ jeṭṭhabhātā ayyo upatisso imaṃ vibhavaṃ chaḍḍetvā pabbajito, tena vantaṃ kheḷapiṇḍaṃ kathāhaṃ pacchā gilissāmī’’ti jātasaṃvego pāsaṃ anupagacchanakamigo viya ñātake vañcetvā hetusampattiyā codiyamāno bhikkhūnaṃ santikaṃ gantvā dhammasenāpatino kaniṭṭhabhāvaṃ nivedetvā attano pabbajjāya chandaṃ ārocesi. Bhikkhū taṃ pabbājetvā paripuṇṇavīsativassaṃ upasampādetvā kammaṭṭhāne niyojesuṃ. So kammaṭṭhānaṃ gahetvā khadiravanaṃ pavisitvā, ‘‘arahattaṃ patvā bhagavantaṃ dhammasenāpatiñca passissāmī’’ti ghaṭento vāyamanto ñāṇassa paripākagatattā nacirasseva chaḷabhiñño ahosi. Tena vuttaṃ apadāne (apa. thera 1.1.628-643) –
‘‘г̇ан̇г̇аа бхааг̇ийрат̇ий наама, химаванд̇аа бабхаавид̇аа;
‘‘Gaṅgā bhāgīrathī nāma, himavantā pabhāvitā;
гуд̇ид̇т̇з наавиго аасим̣, оримз жа д̇арим̣ ахам̣.
Kutitthe nāviko āsiṃ, orime ca tariṃ ahaṃ.
‘‘бад̣̇умуд̇д̇аро нааяаго, самб̣уд̣̇д̇хо д̣̇вибад̣̇уд̇д̇амо;
‘‘Padumuttaro nāyako, sambuddho dvipaduttamo;
васийсад̇асахассзхи, г̇ан̇г̇аад̇ийрамубааг̇ад̇о.
Vasīsatasahassehi, gaṅgātīramupāgato.
‘‘б̣ахуу нааваа самаанзд̇ваа, вад̣дхагийхи сусан̇кад̇ам̣;
‘‘Bahū nāvā samānetvā, vaḍḍhakīhi susaṅkhataṃ;
наавааяа чад̣̇анам̣ гад̇ваа, бадимааним̣ нараасабхам̣.
Nāvāya chadanaṃ katvā, paṭimāniṃ narāsabhaṃ.
‘‘ааг̇анд̇ваана жа самб̣уд̣̇д̇хо, ааруухи д̇ан̃жа наавагам̣;
‘‘Āgantvāna ca sambuddho, ārūhi tañca nāvakaṃ;
вааримаж̇жхз тид̇о сад̇т̇аа, имаа г̇аат̇аа абхаасат̇а.
Vārimajjhe ṭhito satthā, imā gāthā abhāsatha.
‘‘яо со д̇аарзси самб̣уд̣̇д̇хам̣, сан̇гхан̃жааби анаасавам̣;
‘‘Yo so tāresi sambuddhaṃ, saṅghañcāpi anāsavaṃ;
д̇зна жид̇д̇аббасаад̣̇зна, д̣̇звалогз рамиссад̇и.
Tena cittappasādena, devaloke ramissati.
‘‘ниб̣б̣ад̇д̇иссад̇и д̇з б̣яамхам̣, сугад̇ам̣ наавасан̣тид̇ам̣;
‘‘Nibbattissati te byamhaṃ, sukataṃ nāvasaṇṭhitaṃ;
аагаасз бубпачад̣̇анам̣, д̇хаараяиссад̇и саб̣б̣ад̣̇аа.
Ākāse pupphachadanaṃ, dhārayissati sabbadā.
‘‘адтабан̃н̃аасагаббамхи, д̇аараго наама кад̇д̇ияо;
‘‘Aṭṭhapaññāsakappamhi, tārako nāma khattiyo;
жаад̇уранд̇о виж̇ид̇аавий, жаггавад̇д̇ий бхависсад̇и.
Cāturanto vijitāvī, cakkavattī bhavissati.
‘‘сад̇д̇абан̃н̃аасагаббамхи , жаммаго наама кад̇д̇ияо;
‘‘Sattapaññāsakappamhi , cammako nāma khattiyo;
уг̇г̇ажчанд̇ова суурияо, ж̇од̇иссад̇и махаб̣б̣ало.
Uggacchantova sūriyo, jotissati mahabbalo.
‘‘габбасад̇асахассамхи, оггаагагуласамбхаво;
‘‘Kappasatasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇ид̣̇асаа со жавид̇ваана, мануссад̇д̇ам̣ г̇амиссад̇и;
‘‘Tidasā so cavitvāna, manussattaṃ gamissati;
рзвад̇о наама наамзна, б̣рахмаб̣анд̇ху бхависсад̇и.
Revato nāma nāmena, brahmabandhu bhavissati.
‘‘аг̇аараа нигкамид̇ваана, суггамуулзна жод̣̇ид̇о;
‘‘Agārā nikkhamitvāna, sukkamūlena codito;
г̇од̇амасса бхаг̇авад̇о, саасанз баб̣б̣аж̇иссад̇и.
Gotamassa bhagavato, sāsane pabbajissati.
‘‘со бажчаа баб̣б̣аж̇ид̇ваана, яуд̇д̇аяог̇о вибассаго;
‘‘So pacchā pabbajitvāna, yuttayogo vipassako;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
‘‘вийрияам̣ мз д̇хурад̇хораяхам̣, яог̇агкзмаад̇хивааханам̣;
‘‘Vīriyaṃ me dhuradhorayhaṃ, yogakkhemādhivāhanaṃ;
д̇хаарзми анд̇имам̣ д̣̇зхам̣, саммаасамб̣уд̣̇д̇хасаасанз.
Dhāremi antimaṃ dehaṃ, sammāsambuddhasāsane.
‘‘сад̇асахассз гад̇ам̣ гаммам̣, палам̣ д̣̇ассзси мз ид̇ха;
‘‘Satasahasse kataṃ kammaṃ, phalaṃ dassesi me idha;
сумуд̇д̇о саравзг̇ова, гилзсз жхаабаяий мама.
Sumutto saravegova, kilese jhāpayī mama.
‘‘д̇ад̇о мам̣ вананирад̇ам̣, д̣̇исваа логанд̇аг̇уу муни;
‘‘Tato maṃ vananirataṃ, disvā lokantagū muni;
ванаваасибхигкуунаг̇г̇ам̣, бан̃н̃абзси махаамад̇и.
Vanavāsibhikkhūnaggaṃ, paññapesi mahāmati.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа т̇зро сад̇т̇аарам̣ д̇хаммасзнаабад̇ин̃жа ванд̣̇ид̇ум̣ сзнаасанам̣ сам̣саамзд̇ваа бад̇д̇ажийварамаад̣̇ааяа анубуб̣б̣зна саавад̇т̇им̣ бад̇ваа ж̇зд̇аванам̣ бависид̇ваа сад̇т̇аарам̣ д̇хаммасзнаабад̇ин̃жа ванд̣̇ид̇ваа гад̇ибаахам̣ ж̇зд̇аванз вихааси . ат̇а нам̣ сад̇т̇аа арияаг̇ан̣амаж̇жхз нисинно ааран̃н̃агаанам̣ бхигкуунам̣ аг̇г̇адтаанз табзси – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ ааран̃н̃агаанам̣ яад̣̇ид̣̇ам̣ рзвад̇о кад̣̇ираванияо’’д̇и (а. ни. 1.198, 203). со абарабхааг̇з ад̇д̇ано ж̇аад̇аг̇аамам̣ г̇анд̇ваа ‘‘жаалаа, убажаалаа, сийсуубажаалаа’’д̇и д̇иссаннам̣ бхаг̇инийнам̣ буд̇д̇з ‘‘жаалаа, убажаалаа, сийсуубажаалаа’’д̇и д̇аяо бхааг̇инзяяз аанзд̇ваа баб̣б̣ааж̇зд̇ваа гаммадтаанз нияож̇зси. д̇з гаммадтаанам̣ ануяуд̇д̇аа вихаранд̇и. д̇асмин̃жа самаяз т̇зрасса гожид̣̇зва ааб̣аад̇хо уббанно. д̇ам̣ суд̇ваа саарибуд̇д̇ад̇т̇зро рзвад̇ам̣ ‘‘г̇илаанабужчанам̣ ад̇хиг̇амабужчанан̃жа гариссаамий’’д̇и убаг̇ажчи. рзвад̇ад̇т̇зро д̇хаммасзнаабад̇им̣ д̣̇уурад̇ова ааг̇ажчанд̇ам̣ д̣̇исваа д̇зсам̣ сааман̣зраанам̣ сад̇уббаад̣̇анавасзна овад̣̇анд̇о ‘‘жаалз убажаалз’’д̇и г̇аат̇ам̣ абхааси.
Chaḷabhiñño pana hutvā thero satthāraṃ dhammasenāpatiñca vandituṃ senāsanaṃ saṃsāmetvā pattacīvaramādāya anupubbena sāvatthiṃ patvā jetavanaṃ pavisitvā satthāraṃ dhammasenāpatiñca vanditvā katipāhaṃ jetavane vihāsi . Atha naṃ satthā ariyagaṇamajjhe nisinno āraññakānaṃ bhikkhūnaṃ aggaṭṭhāne ṭhapesi – ‘‘etadaggaṃ, bhikkhave, mama sāvakānaṃ bhikkhūnaṃ āraññakānaṃ yadidaṃ revato khadiravaniyo’’ti (a. ni. 1.198, 203). So aparabhāge attano jātagāmaṃ gantvā ‘‘cālā, upacālā, sīsūpacālā’’ti tissannaṃ bhaginīnaṃ putte ‘‘cālā, upacālā, sīsūpacālā’’ti tayo bhāgineyye ānetvā pabbājetvā kammaṭṭhāne niyojesi. Te kammaṭṭhānaṃ anuyuttā viharanti. Tasmiñca samaye therassa kocideva ābādho uppanno. Taṃ sutvā sāriputtatthero revataṃ ‘‘gilānapucchanaṃ adhigamapucchanañca karissāmī’’ti upagacchi. Revatatthero dhammasenāpatiṃ dūratova āgacchantaṃ disvā tesaṃ sāmaṇerānaṃ satuppādanavasena ovadanto ‘‘cāle upacāle’’ti gāthaṃ abhāsi.
42. д̇ад̇т̇а жаалз убажаалз сийсуубажаалзд̇и д̇зсам̣ аалабанам̣. ‘‘жаалаа, убажаалаа, сийсуубажаалаа’’д̇и хи ид̇т̇илин̇г̇авасзна лад̣̇д̇ханаамаа д̇з д̇аяо д̣̇аарагаа баб̣б̣аж̇ид̇ааби д̇ат̇аа вохарийяанд̇и. ‘‘‘жаалий, убажаалий, сийсуубажаалий’д̇и д̇зсам̣ наама’’нд̇и жа вад̣̇анд̇и. яад̣̇ад̇т̇ам̣ ‘‘жаалаа’’д̇иаад̣̇инаа ааманд̇анам̣ гад̇ам̣, д̇ам̣ д̣̇ассзнд̇о ‘‘бад̇иссад̇аа ну ко вихарат̇аа’’д̇и вад̇ваа д̇ад̇т̇а гааран̣амааха ‘‘ааг̇ад̇о во ваалам̣ вияа взд̇хий’’д̇и. бад̇иссад̇аад̇и бад̇иссад̇игаа. код̇и авад̇хааран̣з. ааг̇ад̇од̇и ааг̇ажчи. вод̇и д̇умхаагам̣. ваалам̣ вияа взд̇хийд̇и ваалавзд̇хий вияа, аяан̃хзд̇т̇а сан̇кзбад̇т̇о – д̇игкаж̇авананиб̣б̣зд̇хигабан̃н̃ад̇ааяа ваалавзд̇хируубо сад̇т̇угаббо д̇умхаагам̣ маад̇улад̇т̇зро ааг̇ад̇о, д̇асмаа саман̣асан̃н̃ам̣ убадтабзд̇ваа сад̇исамбаж̇ан̃н̃аяуд̇д̇аа зва худ̇ваа вихарат̇а, ‘‘яат̇аад̇хиг̇ад̇з вихаарз аббамад̇д̇аа бхават̇аа’’д̇и.
42. Tattha cāle upacāle sīsūpacāleti tesaṃ ālapanaṃ. ‘‘Cālā, upacālā, sīsūpacālā’’ti hi itthiliṅgavasena laddhanāmā te tayo dārakā pabbajitāpi tathā voharīyanti. ‘‘‘Cālī, upacālī, sīsūpacālī’ti tesaṃ nāma’’nti ca vadanti. Yadatthaṃ ‘‘cālā’’tiādinā āmantanaṃ kataṃ, taṃ dassento ‘‘patissatā nu kho viharathā’’ti vatvā tattha kāraṇamāha ‘‘āgato vo vālaṃ viya vedhī’’ti. Patissatāti patissatikā. Khoti avadhāraṇe. Āgatoti āgacchi. Voti tumhākaṃ. Vālaṃ viya vedhīti vālavedhī viya, ayañhettha saṅkhepattho – tikkhajavananibbedhikapaññatāya vālavedhirūpo satthukappo tumhākaṃ mātulatthero āgato, tasmā samaṇasaññaṃ upaṭṭhapetvā satisampajaññayuttā eva hutvā viharatha, ‘‘yathādhigate vihāre appamattā bhavathā’’ti.
д̇ам̣ суд̇ваа д̇з сааман̣зраа д̇хаммасзнаабад̇исса бажжуг̇г̇аманаад̣̇ивад̇д̇ам̣ гад̇ваа убхиннам̣ маад̇улад̇т̇зраанам̣ бадисант̇ааравзлааяам̣ наад̇ид̣̇уурз самаад̇хим̣ самаабаж̇ж̇ид̇ваа нисийд̣̇им̣су. д̇хаммасзнаабад̇и рзвад̇ад̇т̇зрзна сад̣̇д̇хим̣ бадисант̇аарам̣ гад̇ваа удтааяаасанаа д̇з сааман̣зрз убасан̇гами, д̇з д̇ат̇аагаалабарижчзд̣̇асса гад̇ад̇д̇аа т̇зрз убасан̇гаманд̇з зва удтахид̇ваа ванд̣̇ид̇ваа адтам̣су. т̇зро ‘‘гад̇арагад̇аравихаарзна вихарат̇аа’’д̇и бужчид̇ваа д̇зхи ‘‘имааяа имааяаа’’д̇и вуд̇д̇з ‘‘д̣̇аарагзби наама звам̣ винзнд̇о маяхам̣ бхаад̇иго бажжабаад̣̇и вад̇а д̇хаммасса ануд̇хамма’’нд̇и т̇зрам̣ басам̣санд̇о баггаами.
Taṃ sutvā te sāmaṇerā dhammasenāpatissa paccuggamanādivattaṃ katvā ubhinnaṃ mātulattherānaṃ paṭisanthāravelāyaṃ nātidūre samādhiṃ samāpajjitvā nisīdiṃsu. Dhammasenāpati revatattherena saddhiṃ paṭisanthāraṃ katvā uṭṭhāyāsanā te sāmaṇere upasaṅkami, te tathākālaparicchedassa katattā there upasaṅkamante eva uṭṭhahitvā vanditvā aṭṭhaṃsu. Thero ‘‘katarakataravihārena viharathā’’ti pucchitvā tehi ‘‘imāya imāyā’’ti vutte ‘‘dārakepi nāma evaṃ vinento mayhaṃ bhātiko paccapādi vata dhammassa anudhamma’’nti theraṃ pasaṃsanto pakkāmi.
кад̣̇ираванияад̇т̇зраг̇аат̇ааван̣н̣анаа нидтид̇аа.
Khadiravaniyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. кад̣̇ираванияад̇т̇зраг̇аат̇аа • 2. Khadiravaniyattheragāthā
