Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā

    3. каг̇г̇ависаан̣асуд̇д̇аван̣н̣анаа

    3. Khaggavisāṇasuttavaṇṇanā

    саб̣б̣зсу бхууд̇зсууд̇и каг̇г̇ависаан̣асуд̇д̇ам̣. гаа уббад̇д̇и? саб̣б̣асуд̇д̇аанам̣ жад̇уб̣б̣ид̇хаа уббад̇д̇и – ад̇д̇аж̇жхаасаяад̇о, бараж̇жхаасаяад̇о, адтуббад̇д̇ид̇о, бужчаавасид̇о жаад̇и. д̣̇ваяад̇аанубассанаад̣̇ийнан̃хи ад̇д̇аж̇жхаасаяад̇о уббад̇д̇и, мзд̇д̇асуд̇д̇аад̣̇ийнам̣ бараж̇жхаасаяад̇о, ураг̇асуд̇д̇аад̣̇ийнам̣ адтуббад̇д̇ид̇о, д̇хаммигасуд̇д̇аад̣̇ийнам̣ бужчаавасид̇о. д̇ад̇т̇а каг̇г̇ависаан̣асуд̇д̇асса ависзсзна бужчаавасид̇о уббад̇д̇и. висзсзна бана яасмаа зд̇т̇а гаажи г̇аат̇аа д̇зна д̇зна бажжзгасамб̣уд̣̇д̇хзна будтзна вуд̇д̇аа, гаажи абудтзна ад̇д̇анаа ад̇хиг̇ад̇амаг̇г̇анаяаануруубам̣ уд̣̇аанам̣язва уд̣̇аанзнд̇зна, д̇асмаа гааяажи г̇аат̇ааяа бужчаавасид̇о, гааяажи ад̇д̇аж̇жхаасаяад̇о уббад̇д̇и.

    Sabbesubhūtesūti khaggavisāṇasuttaṃ. Kā uppatti? Sabbasuttānaṃ catubbidhā uppatti – attajjhāsayato, parajjhāsayato, aṭṭhuppattito, pucchāvasito cāti. Dvayatānupassanādīnañhi attajjhāsayato uppatti, mettasuttādīnaṃ parajjhāsayato, uragasuttādīnaṃ aṭṭhuppattito, dhammikasuttādīnaṃ pucchāvasito. Tattha khaggavisāṇasuttassa avisesena pucchāvasito uppatti. Visesena pana yasmā ettha kāci gāthā tena tena paccekasambuddhena puṭṭhena vuttā, kāci apuṭṭhena attanā adhigatamagganayānurūpaṃ udānaṃyeva udānentena, tasmā kāyaci gāthāya pucchāvasito, kāyaci attajjhāsayato uppatti.

    д̇ад̇т̇а яаа аяам̣ ависзсзна бужчаавасид̇о уббад̇д̇и, саа аад̣̇ид̇о бабхуд̇и звам̣ взд̣̇ид̇аб̣б̣аа – згам̣ самаяам̣ бхаг̇аваа саавад̇т̇ияам̣ вихарад̇и. ат̇а ко ааяасмад̇о аананд̣̇асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘б̣уд̣̇д̇хаанам̣ бад̇т̇анаа жа абхинийхааро жа д̣̇иссад̇и; д̇ат̇аа саавагаанам̣, бажжзгаб̣уд̣̇д̇хаанам̣ на д̣̇иссад̇и; яам̣нуунаахам̣ бхаг̇аванд̇ам̣ убасан̇гамид̇ваа бужчзяяа’’нд̇и. со бадисаллаанаа вудтид̇о бхаг̇аванд̇ам̣ убасан̇гамид̇ваа яат̇ааггамзна зд̇амад̇т̇ам̣ бужчи. ат̇асса бхаг̇аваа буб̣б̣аяог̇ааважарасуд̇д̇ам̣ абхааси –

    Tattha yā ayaṃ avisesena pucchāvasito uppatti, sā ādito pabhuti evaṃ veditabbā – ekaṃ samayaṃ bhagavā sāvatthiyaṃ viharati. Atha kho āyasmato ānandassa rahogatassa paṭisallīnassa evaṃ cetaso parivitakko udapādi – ‘‘buddhānaṃ patthanā ca abhinīhāro ca dissati; tathā sāvakānaṃ, paccekabuddhānaṃ na dissati; yaṃnūnāhaṃ bhagavantaṃ upasaṅkamitvā puccheyya’’nti. So paṭisallānā vuṭṭhito bhagavantaṃ upasaṅkamitvā yathākkamena etamatthaṃ pucchi. Athassa bhagavā pubbayogāvacarasuttaṃ abhāsi –

    ‘‘бан̃жимз, аананд̣̇а, аанисам̣саа буб̣б̣аяог̇ааважарз д̣̇идтзва д̇хаммз бадигажжзва ан̃н̃ам̣ аараад̇хзд̇и. но жз д̣̇идтзва д̇хаммз бадигажжзва ан̃н̃ам̣ аараад̇хзд̇и, ат̇а маран̣агаалз ан̃н̃ам̣ аараад̇хзд̇и. но жз маран̣агаалз ан̃н̃ам̣ аараад̇хзд̇и, ат̇а д̣̇звабуд̇д̇о самаано ан̃н̃ам̣ аараад̇хзд̇и, ат̇а б̣уд̣̇д̇хаанам̣ саммукийбхаавз киббаабхин̃н̃о ход̇и, ат̇а бажчимз гаалз бажжзгасамб̣уд̣̇д̇хо ход̇ий’’д̇и –

    ‘‘Pañcime, ānanda, ānisaṃsā pubbayogāvacare diṭṭheva dhamme paṭikacceva aññaṃ ārādheti. No ce diṭṭheva dhamme paṭikacceva aññaṃ ārādheti, atha maraṇakāle aññaṃ ārādheti. No ce maraṇakāle aññaṃ ārādheti, atha devaputto samāno aññaṃ ārādheti, atha buddhānaṃ sammukhībhāve khippābhiñño hoti, atha pacchime kāle paccekasambuddho hotī’’ti –

    звам̣ вад̇ваа буна ааха –

    Evaṃ vatvā puna āha –

    ‘‘бажжзгаб̣уд̣̇д̇хаа наама, аананд̣̇а, абхинийхаарасамбаннаа буб̣б̣аяог̇ааважараа хонд̇и. д̇асмаа б̣уд̣̇д̇хабажжзгаб̣уд̣̇д̇хасаавагаанам̣ саб̣б̣зсам̣ бад̇т̇анаа жа абхинийхааро жа ижчид̇аб̣б̣о’’д̇и.

    ‘‘Paccekabuddhā nāma, ānanda, abhinīhārasampannā pubbayogāvacarā honti. Tasmā buddhapaccekabuddhasāvakānaṃ sabbesaṃ patthanā ca abhinīhāro ca icchitabbo’’ti.

    со ааха – ‘‘б̣уд̣̇д̇хаанам̣, бханд̇з, бад̇т̇анаа гийва жирам̣ ваддад̇ий’’д̇и? б̣уд̣̇д̇хаанам̣, аананд̣̇а, хздтимабарижчзд̣̇зна жад̇д̇аари асан̇кязяяаани габбасад̇асахассан̃жа, маж̇жхимабарижчзд̣̇зна адта асан̇кязяяаани габбасад̇асахассан̃жа, убаримабарижчзд̣̇зна сол̣аса асан̇кязяяаани габбасад̇асахассан̃жа. зд̇з жа бхзд̣̇аа бан̃н̃аад̇хигасад̣̇д̇хаад̇хигавийрияаад̇хигавасзна н̃аад̇аб̣б̣аа. бан̃н̃аад̇хигаанан̃хи сад̣̇д̇хаа манд̣̇аа ход̇и, бан̃н̃аа д̇игкаа. сад̣̇д̇хаад̇хигаанам̣ бан̃н̃аа маж̇жхимаа ход̇и, сад̣̇д̇хаа б̣алаваа. вийрияаад̇хигаанам̣ сад̣̇д̇хаабан̃н̃аа манд̣̇аа, вийрияам̣ б̣алаванд̇и. аббад̇ваа бана жад̇д̇аари асан̇кязяяаани габбасад̇асахассан̃жа д̣̇ивасз д̣̇ивасз взссанд̇арад̣̇аанасад̣̇исам̣ д̣̇аанам̣ д̣̇знд̇оби д̇ад̣̇ануруубасийлаад̣̇исаб̣б̣абаарамид̇хаммз аажинанд̇оби анд̇араа б̣уд̣̇д̇хо бхависсад̇ийд̇и нзд̇ам̣ таанам̣ виж̇ж̇ад̇и. гасмаа? н̃аан̣ам̣ г̇аб̣бхам̣ на г̇ан̣хаад̇и, взбуллам̣ наабаж̇ж̇ад̇и, барибаагам̣ на г̇ажчад̇ийд̇и. яат̇аа наама д̇имаасажад̇умаасабан̃жамаасажжаязна нибпаж̇ж̇анагам̣ сассам̣ д̇ам̣ д̇ам̣ гаалам̣ аббад̇ваа д̣̇ивасз д̣̇ивасз сахассагкад̇д̇ум̣ гзл̣ааяанд̇оби уд̣̇агзна син̃жанд̇оби анд̇араа багкзна ваа маасзна ваа нибпаад̣̇зссад̇ийд̇и нзд̇ам̣ таанам̣ виж̇ж̇ад̇и. гасмаа? сассам̣ г̇аб̣бхам̣ на г̇ан̣хаад̇и, взбуллам̣ наабаж̇ж̇ад̇и, барибаагам̣ на г̇ажчад̇ийд̇и. звамзвам̣ аббад̇ваа жад̇д̇аари асан̇кязяяаани…бз… нзд̇ам̣ таанам̣ виж̇ж̇ад̇ийд̇и. д̇асмаа яат̇аавуд̇д̇амзва гаалам̣ баарамибууран̣ам̣ гаад̇аб̣б̣ам̣ н̃аан̣абарибаагад̇т̇ааяа. зд̇д̇агзнаби жа гаалзна б̣уд̣̇д̇хад̇д̇ам̣ бад̇т̇аяад̇о абхинийхаарагаран̣з адта самбад̇д̇ияо ижчид̇аб̣б̣аа. аяан̃хи –

    So āha – ‘‘buddhānaṃ, bhante, patthanā kīva ciraṃ vaṭṭatī’’ti? Buddhānaṃ, ānanda, heṭṭhimaparicchedena cattāri asaṅkhyeyyāni kappasatasahassañca, majjhimaparicchedena aṭṭha asaṅkhyeyyāni kappasatasahassañca, uparimaparicchedena soḷasa asaṅkhyeyyāni kappasatasahassañca. Ete ca bhedā paññādhikasaddhādhikavīriyādhikavasena ñātabbā. Paññādhikānañhi saddhā mandā hoti, paññā tikkhā. Saddhādhikānaṃ paññā majjhimā hoti, saddhā balavā. Vīriyādhikānaṃ saddhāpaññā mandā, vīriyaṃ balavanti. Appatvā pana cattāri asaṅkhyeyyāni kappasatasahassañca divase divase vessantaradānasadisaṃ dānaṃ dentopi tadanurūpasīlādisabbapāramidhamme ācinantopi antarā buddho bhavissatīti netaṃ ṭhānaṃ vijjati. Kasmā? Ñāṇaṃ gabbhaṃ na gaṇhāti, vepullaṃ nāpajjati, paripākaṃ na gacchatīti. Yathā nāma timāsacatumāsapañcamāsaccayena nipphajjanakaṃ sassaṃ taṃ taṃ kālaṃ appatvā divase divase sahassakkhattuṃ keḷāyantopi udakena siñcantopi antarā pakkhena vā māsena vā nipphādessatīti netaṃ ṭhānaṃ vijjati. Kasmā? Sassaṃ gabbhaṃ na gaṇhāti, vepullaṃ nāpajjati, paripākaṃ na gacchatīti. Evamevaṃ appatvā cattāri asaṅkhyeyyāni…pe… netaṃ ṭhānaṃ vijjatīti. Tasmā yathāvuttameva kālaṃ pāramipūraṇaṃ kātabbaṃ ñāṇaparipākatthāya. Ettakenapi ca kālena buddhattaṃ patthayato abhinīhārakaraṇe aṭṭha sampattiyo icchitabbā. Ayañhi –

    ‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;

    ‘‘Manussattaṃ liṅgasampatti, hetu satthāradassanaṃ;

    баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа;

    Pabbajjā guṇasampatti, adhikāro ca chandatā;

    адтад̇хаммасамод̇хаанаа, абхинийхааро самиж̇жхад̇ий’’д̇и. (б̣у. вам̣. 2.59);

    Aṭṭhadhammasamodhānā, abhinīhāro samijjhatī’’ti. (bu. vaṃ. 2.59);

    абхинийхаарод̇и жа муулабан̣ид̇хаанассзд̇ам̣ ад̇хиважанам̣. д̇ад̇т̇а мануссад̇д̇анд̇и мануссаж̇аад̇и. ан̃н̃ад̇ра хи мануссаж̇аад̇ияаа авасзсаж̇аад̇ийсу д̣̇зваж̇аад̇ияамби тид̇асса бан̣ид̇хи на иж̇жхад̇и. зд̇т̇а тид̇зна бана б̣уд̣̇д̇хад̇д̇ам̣ бад̇т̇знд̇зна д̣̇аанаад̣̇ийни бун̃н̃агаммаани гад̇ваа мануссад̇д̇ам̣язва бад̇т̇зд̇аб̣б̣ам̣. д̇ад̇т̇а тад̇ваа бан̣ид̇хи гаад̇аб̣б̣о. зван̃хи самиж̇жхад̇и. лин̇г̇асамбад̇д̇ийд̇и бурисабхааво. маад̇уг̇ааманабум̣сагаубхад̇об̣яан̃ж̇анагаанан̃хи мануссаж̇аад̇ияам̣ тид̇аанамби бан̣ид̇хи на самиж̇жхад̇и. д̇ад̇т̇а тид̇зна бана б̣уд̣̇д̇хад̇д̇ам̣ бад̇т̇знд̇зна д̣̇аанаад̣̇ийни бун̃н̃агаммаани гад̇ваа бурисабхаавоязва бад̇т̇зд̇аб̣б̣о. д̇ад̇т̇а тад̇ваа бан̣ид̇хи гаад̇аб̣б̣о. зван̃хи самиж̇жхад̇и. хзд̇ууд̇и арахад̇д̇асса убаниссаяасамбад̇д̇и. яо хи д̇асмим̣ ад̇д̇абхаавз вааяаманд̇о арахад̇д̇ам̣ баабун̣ид̇ум̣ самад̇т̇о, д̇асса самиж̇жхад̇и, но ид̇арасса, яат̇аа сумзд̇хабан̣д̣ид̇асса. со хи д̣̇ийбан̇гарабаад̣̇амуулз баб̣б̣аж̇ид̇ваа д̇знад̇д̇абхаавзна арахад̇д̇ам̣ баабун̣ид̇ум̣ самад̇т̇о ахоси . сад̇т̇аарад̣̇ассананд̇и б̣уд̣̇д̇хаанам̣ саммукаад̣̇ассанам̣. зван̃хи иж̇жхад̇и, но ан̃н̃ат̇аа; яат̇аа сумзд̇хабан̣д̣ид̇асса. со хи д̣̇ийбан̇гарам̣ саммукаа д̣̇исваа бан̣ид̇хзси. баб̣б̣аж̇ж̇аад̇и анаг̇аарияабхааво. со жа ко саасанз ваа гаммаваад̣̇игирияаваад̣̇ид̇аабасабариб̣б̣ааж̇аганигааяз ваа ваддад̇и яат̇аа сумзд̇хабан̣д̣ид̇асса. со хи сумзд̇хо наама д̇аабасо худ̇ваа бан̣ид̇хзси. г̇ун̣асамбад̇д̇ийд̇и жхаанаад̣̇иг̇ун̣абадилаабхо. баб̣б̣аж̇ид̇ассааби хи г̇ун̣асамбаннассзва иж̇жхад̇и, но ид̇арасса; яат̇аа сумзд̇хабан̣д̣ид̇асса. со хи бан̃жаабхин̃н̃о адтасамаабад̇д̇илаабхий жа худ̇ваа бан̣ид̇хзси. ад̇хигаарод̇и ад̇хигагааро, барижжааг̇од̇и ад̇т̇о. ж̇ийвид̇аад̣̇ибарижжааг̇ан̃хи гад̇ваа бан̣ид̣̇ахад̇оязва иж̇жхад̇и, но ид̇арасса; яат̇аа сумзд̇хабан̣д̣ид̇асса. со хи –

    Abhinīhāroti ca mūlapaṇidhānassetaṃ adhivacanaṃ. Tattha manussattanti manussajāti. Aññatra hi manussajātiyā avasesajātīsu devajātiyampi ṭhitassa paṇidhi na ijjhati. Ettha ṭhitena pana buddhattaṃ patthentena dānādīni puññakammāni katvā manussattaṃyeva patthetabbaṃ. Tattha ṭhatvā paṇidhi kātabbo. Evañhi samijjhati. Liṅgasampattīti purisabhāvo. Mātugāmanapuṃsakaubhatobyañjanakānañhi manussajātiyaṃ ṭhitānampi paṇidhi na samijjhati. Tattha ṭhitena pana buddhattaṃ patthentena dānādīni puññakammāni katvā purisabhāvoyeva patthetabbo. Tattha ṭhatvā paṇidhi kātabbo. Evañhi samijjhati. Hetūti arahattassa upanissayasampatti. Yo hi tasmiṃ attabhāve vāyamanto arahattaṃ pāpuṇituṃ samattho, tassa samijjhati, no itarassa, yathā sumedhapaṇḍitassa. So hi dīpaṅkarapādamūle pabbajitvā tenattabhāvena arahattaṃ pāpuṇituṃ samattho ahosi . Satthāradassananti buddhānaṃ sammukhādassanaṃ. Evañhi ijjhati, no aññathā; yathā sumedhapaṇḍitassa. So hi dīpaṅkaraṃ sammukhā disvā paṇidhesi. Pabbajjāti anagāriyabhāvo. So ca kho sāsane vā kammavādikiriyavāditāpasaparibbājakanikāye vā vaṭṭati yathā sumedhapaṇḍitassa. So hi sumedho nāma tāpaso hutvā paṇidhesi. Guṇasampattīti jhānādiguṇapaṭilābho. Pabbajitassāpi hi guṇasampannasseva ijjhati, no itarassa; yathā sumedhapaṇḍitassa. So hi pañcābhiñño aṭṭhasamāpattilābhī ca hutvā paṇidhesi. Adhikāroti adhikakāro, pariccāgoti attho. Jīvitādipariccāgañhi katvā paṇidahatoyeva ijjhati, no itarassa; yathā sumedhapaṇḍitassa. So hi –

    ‘‘аггамид̇ваана мам̣ б̣уд̣̇д̇хо, саха сиссзхи г̇ажчад̇у;

    ‘‘Akkamitvāna maṃ buddho, saha sissehi gacchatu;

    маа нам̣ галалз аггамид̇т̇а, хид̇ааяа мз бхависсад̇ий’’д̇и. (б̣у. вам̣. 2.53) –

    Mā naṃ kalale akkamittha, hitāya me bhavissatī’’ti. (bu. vaṃ. 2.53) –

    звам̣ ж̇ийвид̇абарижжааг̇ам̣ гад̇ваа бан̣ид̇хзси. чанд̣̇ад̇аад̇и гад̇д̇угамяад̇аа. саа яасса б̣алавад̇ий ход̇и, д̇асса иж̇жхад̇и. саа жа, сажз гожи вад̣̇зяяа ‘‘го жад̇д̇аари асан̇кязяяаани сад̇асахассан̃жа габбз нираяз бажжид̇ваа б̣уд̣̇д̇хад̇д̇ам̣ ижчад̇ий’’д̇и, д̇ам̣ суд̇ваа яо ‘‘аха’’нд̇и вад̇д̇ум̣ уссахад̇и, д̇асса б̣алавад̇ийд̇и взд̣̇ид̇аб̣б̣аа. д̇ат̇аа яад̣̇и гожи вад̣̇зяяа ‘‘го сагалажаггаваал̣ам̣ вийд̇ажжигаанам̣ ан̇г̇аараанам̣ буурам̣ аггаманд̇о ад̇иггамид̇ваа б̣уд̣̇д̇хад̇д̇ам̣ ижчад̇и, го сагалажаггаваал̣ам̣ сад̇д̇исуулзхи аагин̣н̣ам̣ аггаманд̇о ад̇иггамид̇ваа б̣уд̣̇д̇хад̇д̇ам̣ ижчад̇и, го сагалажаггаваал̣ам̣ самад̇ид̇д̇игам̣ уд̣̇агабун̣н̣ам̣ уд̇д̇арид̇ваа б̣уд̣̇д̇хад̇д̇ам̣ ижчад̇и, го сагалажаггаваал̣ам̣ ниранд̇арам̣ взл̣уг̇умб̣асан̃чаннам̣ мад̣̇д̣̇анд̇о ад̇иггамид̇ваа б̣уд̣̇д̇хад̇д̇ам̣ ижчад̇ий’’д̇и д̇ам̣ суд̇ваа яо ‘‘аха’’нд̇и вад̇д̇ум̣ уссахад̇и, д̇асса б̣алавад̇ийд̇и взд̣̇ид̇аб̣б̣аа. зваруубзна жа гад̇д̇угамяад̇аачанд̣̇зна саманнааг̇ад̇о сумзд̇хабан̣д̣ид̇о бан̣ид̇хзсийд̇и.

    Evaṃ jīvitapariccāgaṃ katvā paṇidhesi. Chandatāti kattukamyatā. Sā yassa balavatī hoti, tassa ijjhati. Sā ca, sace koci vadeyya ‘‘ko cattāri asaṅkhyeyyāni satasahassañca kappe niraye paccitvā buddhattaṃ icchatī’’ti, taṃ sutvā yo ‘‘aha’’nti vattuṃ ussahati, tassa balavatīti veditabbā. Tathā yadi koci vadeyya ‘‘ko sakalacakkavāḷaṃ vītaccikānaṃ aṅgārānaṃ pūraṃ akkamanto atikkamitvā buddhattaṃ icchati, ko sakalacakkavāḷaṃ sattisūlehi ākiṇṇaṃ akkamanto atikkamitvā buddhattaṃ icchati, ko sakalacakkavāḷaṃ samatittikaṃ udakapuṇṇaṃ uttaritvā buddhattaṃ icchati, ko sakalacakkavāḷaṃ nirantaraṃ veḷugumbasañchannaṃ maddanto atikkamitvā buddhattaṃ icchatī’’ti taṃ sutvā yo ‘‘aha’’nti vattuṃ ussahati, tassa balavatīti veditabbā. Evarūpena ca kattukamyatāchandena samannāgato sumedhapaṇḍito paṇidhesīti.

    звам̣ самид̣̇д̇хаабхинийхааро жа б̣од̇хисад̇д̇о имаани адтаараса абхаб̣б̣адтаанаани на убзд̇и. со хи д̇ад̇о бабхуд̇и на ж̇ажжанд̇хо ход̇и, на ж̇ажжаб̣ад̇хиро, на уммад̇д̇аго, на зл̣амууг̇о, на бийтасаббий, на милагкуусу уббаж̇ж̇ад̇и, на д̣̇аасигужчияаа ниб̣б̣ад̇д̇ад̇и, на нияад̇амижчаад̣̇идтиго ход̇и, наасса лин̇г̇ам̣ баривад̇д̇ад̇и, на бан̃жаананд̇арияагаммаани гарод̇и, на гудтий ход̇и, на д̇иражчаанаяонияам̣ ваддагад̇о бажчимад̇д̇абхааво ход̇и, на куббибаасиганиж̇жхаамад̇ан̣хигабзд̇зсу уббаж̇ж̇ад̇и, на гаалаган̃жигаасурзсу, на авийжинираяз, на логанд̇аригзсу, гаамааважарзсу на мааро ход̇и, руубааважарзсу на асан̃н̃ийбхавз, на суд̣̇д̇хааваасабхавзсу уббаж̇ж̇ад̇и, на аруубабхавзсу, на ан̃н̃ам̣ жаггаваал̣ам̣ сан̇гамад̇и.

    Evaṃ samiddhābhinīhāro ca bodhisatto imāni aṭṭhārasa abhabbaṭṭhānāni na upeti. So hi tato pabhuti na jaccandho hoti, na jaccabadhiro, na ummattako, na eḷamūgo, na pīṭhasappī, na milakkhūsu uppajjati, na dāsikucchiyā nibbattati, na niyatamicchādiṭṭhiko hoti, nāssa liṅgaṃ parivattati, na pañcānantariyakammāni karoti, na kuṭṭhī hoti, na tiracchānayoniyaṃ vaṭṭakato pacchimattabhāvo hoti, na khuppipāsikanijjhāmataṇhikapetesu uppajjati, na kālakañcikāsuresu, na avīciniraye, na lokantarikesu, kāmāvacaresu na māro hoti, rūpāvacaresu na asaññībhave, na suddhāvāsabhavesu uppajjati, na arūpabhavesu, na aññaṃ cakkavāḷaṃ saṅkamati.

    яаа жимаа уссаахо умман̇г̇о авад̇т̇аанам̣ хид̇ажарияаа жаад̇и жад̇ассо б̣уд̣̇д̇хабхуумияо, д̇аахи саманнааг̇ад̇о ход̇и. д̇ад̇т̇а –

    Yā cimā ussāho ummaṅgo avatthānaṃ hitacariyā cāti catasso buddhabhūmiyo, tāhi samannāgato hoti. Tattha –

    ‘‘уссаахо вийрияам̣ вуд̇д̇ам̣, умман̇г̇о бан̃н̃аа бавужжад̇и;

    ‘‘Ussāho vīriyaṃ vuttaṃ, ummaṅgo paññā pavuccati;

    авад̇т̇аанам̣ ад̇хидтаанам̣, хид̇ажарияаа мзд̇д̇аабхааванаа’’д̇и. –

    Avatthānaṃ adhiṭṭhānaṃ, hitacariyā mettābhāvanā’’ti. –

    взд̣̇ид̇аб̣б̣аа. яз жааби имз нзгкаммаж̇жхаасаяо, бавивзгаж̇жхаасаяо, алобхаж̇жхаасаяо, ад̣̇осаж̇жхаасаяо, амохаж̇жхаасаяо, ниссаран̣аж̇жхаасаяод̇и ча аж̇жхаасаяаа б̣од̇хибарибаагааяа сам̣вад̇д̇анд̇и, язхи саманнааг̇ад̇ад̇д̇аа нзгкаммаж̇жхаасаяаа жа б̣од̇хисад̇д̇аа гаамз д̣̇осад̣̇ассаавино, бавивзгаж̇жхаасаяаа жа б̣од̇хисад̇д̇аа сан̇г̇ан̣игааяа д̣̇осад̣̇ассаавино, алобхаж̇жхаасаяаа жа б̣од̇хисад̇д̇аа лобхз д̣̇осад̣̇ассаавино, ад̣̇осаж̇жхаасаяаа жа б̣од̇хисад̇д̇аа д̣̇осз д̣̇осад̣̇ассаавино, амохаж̇жхаасаяаа жа б̣од̇хисад̇д̇аа мохз д̣̇осад̣̇ассаавино, ниссаран̣аж̇жхаасаяаа жа б̣од̇хисад̇д̇аа саб̣б̣абхавзсу д̣̇осад̣̇ассаавинод̇и вужжанд̇и, д̇зхи жа саманнааг̇ад̇о ход̇и.

    Veditabbā. Ye cāpi ime nekkhammajjhāsayo, pavivekajjhāsayo, alobhajjhāsayo, adosajjhāsayo, amohajjhāsayo, nissaraṇajjhāsayoti cha ajjhāsayā bodhiparipākāya saṃvattanti, yehi samannāgatattā nekkhammajjhāsayā ca bodhisattā kāme dosadassāvino, pavivekajjhāsayā ca bodhisattā saṅgaṇikāya dosadassāvino, alobhajjhāsayā ca bodhisattā lobhe dosadassāvino, adosajjhāsayā ca bodhisattā dose dosadassāvino, amohajjhāsayā ca bodhisattā mohe dosadassāvino, nissaraṇajjhāsayā ca bodhisattā sabbabhavesu dosadassāvinoti vuccanti, tehi ca samannāgato hoti.

    бажжзгаб̣уд̣̇д̇хаанам̣ бана гийва жирам̣ бад̇т̇анаа ваддад̇ийд̇и? бажжзгаб̣уд̣̇д̇хаанам̣ д̣̇вз асан̇кязяяаани габбасад̇асахассан̃жа. д̇ад̇о орам̣ на саггаа. буб̣б̣з вуд̇д̇анаязнзвзд̇т̇а гааран̣ам̣ взд̣̇ид̇аб̣б̣ам̣. зд̇д̇агзнааби жа гаалзна бажжзгаб̣уд̣̇д̇хад̇д̇ам̣ бад̇т̇аяад̇о абхинийхаарагаран̣з бан̃жа самбад̇д̇ияо ижчид̇аб̣б̣аа. д̇зсан̃хи –

    Paccekabuddhānaṃ pana kīva ciraṃ patthanā vaṭṭatīti? Paccekabuddhānaṃ dve asaṅkhyeyyāni kappasatasahassañca. Tato oraṃ na sakkā. Pubbe vuttanayenevettha kāraṇaṃ veditabbaṃ. Ettakenāpi ca kālena paccekabuddhattaṃ patthayato abhinīhārakaraṇe pañca sampattiyo icchitabbā. Tesañhi –

    мануссад̇д̇ам̣ лин̇г̇асамбад̇д̇и, виг̇ад̇аасавад̣̇ассанам̣;

    Manussattaṃ liṅgasampatti, vigatāsavadassanaṃ;

    ад̇хигааро чанд̣̇ад̇аа зд̇з, абхинийхаарагааран̣аа.

    Adhikāro chandatā ete, abhinīhārakāraṇā.

    д̇ад̇т̇а виг̇ад̇аасавад̣̇ассананд̇и б̣уд̣̇д̇хабажжзгаб̣уд̣̇д̇хасаавагаанам̣ яасса гассажи д̣̇ассананд̇и ад̇т̇о. сзсам̣ вуд̇д̇анаяамзва.

    Tattha vigatāsavadassananti buddhapaccekabuddhasāvakānaṃ yassa kassaci dassananti attho. Sesaṃ vuttanayameva.

    ат̇а саавагаанам̣ бад̇т̇анаа гид̇д̇агам̣ ваддад̇ийд̇и? д̣̇виннам̣ аг̇г̇асаавагаанам̣ згам̣ асан̇кязяяам̣ габбасад̇асахассан̃жа, асийд̇имахаасаавагаанам̣ габбасад̇асахассам̣, д̇ат̇аа б̣уд̣̇д̇хасса маад̇аабид̇уунам̣ убадтаагасса буд̇д̇асса жаад̇и. д̇ад̇о орам̣ на саггаа. вуд̇д̇анаяамзвзд̇т̇а гааран̣ам̣. имзсам̣ бана саб̣б̣зсамби ад̇хигааро чанд̣̇ад̇аад̇и д̣̇ван̇г̇асамбанноязва абхинийхааро ход̇и.

    Atha sāvakānaṃ patthanā kittakaṃ vaṭṭatīti? Dvinnaṃ aggasāvakānaṃ ekaṃ asaṅkhyeyyaṃ kappasatasahassañca, asītimahāsāvakānaṃ kappasatasahassaṃ, tathā buddhassa mātāpitūnaṃ upaṭṭhākassa puttassa cāti. Tato oraṃ na sakkā. Vuttanayamevettha kāraṇaṃ. Imesaṃ pana sabbesampi adhikāro chandatāti dvaṅgasampannoyeva abhinīhāro hoti.

    звам̣ имааяа бад̇т̇анааяа иминаа жа абхинийхаарзна яат̇аавуд̇д̇аббабхзд̣̇ам̣ гаалам̣ баарамияо буурзд̇ваа б̣уд̣̇д̇хаа логз уббаж̇ж̇анд̇аа кад̇д̇ияагулз ваа б̣раахман̣агулз ваа уббаж̇ж̇анд̇и, бажжзгаб̣уд̣̇д̇хаа кад̇д̇ияаб̣раахман̣аг̇ахабад̇игулаанам̣ ан̃н̃ад̇арасмим̣, аг̇г̇асаавагаа бана кад̇д̇ияаб̣раахман̣агулзсвзва б̣уд̣̇д̇хаа ива саб̣б̣аб̣уд̣̇д̇хаа сам̣ваддамаанз габбз на уббаж̇ж̇анд̇и, виваддамаанз габбз уббаж̇ж̇анд̇и. бажжзгаб̣уд̣̇д̇хаа б̣уд̣̇д̇хз аббад̇ваа б̣уд̣̇д̇хаанам̣ уббаж̇ж̇анагаалзязва уббаж̇ж̇анд̇и. б̣уд̣̇д̇хаа саяан̃жа б̣уж̇жханд̇и, барз жа б̣од̇хзнд̇и. бажжзгаб̣уд̣̇д̇хаа саяамзва б̣уж̇жханд̇и, на барз б̣од̇хзнд̇и. ад̇т̇арасамзва бадивиж̇жханд̇и, на д̇хаммарасам̣. на хи д̇з логуд̇д̇арад̇хаммам̣ бан̃н̃ад̇д̇им̣ ааробзд̇ваа д̣̇зсзд̇ум̣ саггонд̇и, мууг̇зна д̣̇идтасубино вияа ванажарагзна наг̇арз сааяид̇аб̣яан̃ж̇анарасо вияа жа нзсам̣ д̇хаммаабхисамаяо ход̇и. саб̣б̣ам̣ ид̣̇д̇хисамаабад̇д̇ибадисамбхид̣̇аабабхзд̣̇ам̣ баабун̣анд̇и, г̇ун̣ависидтад̇ааяа б̣уд̣̇д̇хаанам̣ хздтаа саавагаанам̣ убари хонд̇и, ан̃н̃з баб̣б̣ааж̇зд̇ваа аабхисамаажааригам̣ сигкаабзнд̇и, ‘‘жид̇д̇асаллзко гаад̇аб̣б̣о, восаанам̣ наабаж̇ж̇ид̇аб̣б̣а’’нд̇и иминаа уд̣̇д̣̇зсзна убосат̇ам̣ гаронд̇и, ‘аж̇ж̇убосат̇о’д̇и важанамад̇д̇зна ваа. убосат̇ам̣ гаронд̇аа жа г̇анд̇хамаад̣̇анз ман̃ж̇уусагаругкамуулз рад̇анамаал̣з саннибад̇ид̇ваа гаронд̇ийд̇и. звам̣ бхаг̇аваа ааяасмад̇о аананд̣̇асса бажжзгаб̣уд̣̇д̇хаанам̣ саб̣б̣аагаарабарибуурам̣ бад̇т̇анан̃жа абхинийхааран̃жа гат̇зд̇ваа, ид̣̇аани имааяа бад̇т̇анааяа иминаа жа абхинийхаарзна самуд̣̇ааг̇ад̇з д̇з д̇з бажжзгаб̣уд̣̇д̇хз гат̇зд̇ум̣ ‘‘саб̣б̣зсу бхууд̇зсу нид̇хааяа д̣̇ан̣д̣а’’нд̇иаад̣̇инаа наязна имам̣ каг̇г̇ависаан̣асуд̇д̇ам̣ абхааси. аяам̣ д̇аава ависзсзна бужчаавасид̇о каг̇г̇ависаан̣асуд̇д̇асса уббад̇д̇и.

    Evaṃ imāya patthanāya iminā ca abhinīhārena yathāvuttappabhedaṃ kālaṃ pāramiyo pūretvā buddhā loke uppajjantā khattiyakule vā brāhmaṇakule vā uppajjanti, paccekabuddhā khattiyabrāhmaṇagahapatikulānaṃ aññatarasmiṃ, aggasāvakā pana khattiyabrāhmaṇakulesveva buddhā iva sabbabuddhā saṃvaṭṭamāne kappe na uppajjanti, vivaṭṭamāne kappe uppajjanti. Paccekabuddhā buddhe appatvā buddhānaṃ uppajjanakāleyeva uppajjanti. Buddhā sayañca bujjhanti, pare ca bodhenti. Paccekabuddhā sayameva bujjhanti, na pare bodhenti. Attharasameva paṭivijjhanti, na dhammarasaṃ. Na hi te lokuttaradhammaṃ paññattiṃ āropetvā desetuṃ sakkonti, mūgena diṭṭhasupino viya vanacarakena nagare sāyitabyañjanaraso viya ca nesaṃ dhammābhisamayo hoti. Sabbaṃ iddhisamāpattipaṭisambhidāpabhedaṃ pāpuṇanti, guṇavisiṭṭhatāya buddhānaṃ heṭṭhā sāvakānaṃ upari honti, aññe pabbājetvā ābhisamācārikaṃ sikkhāpenti, ‘‘cittasallekho kātabbo, vosānaṃ nāpajjitabba’’nti iminā uddesena uposathaṃ karonti, ‘ajjuposatho’ti vacanamattena vā. Uposathaṃ karontā ca gandhamādane mañjūsakarukkhamūle ratanamāḷe sannipatitvā karontīti. Evaṃ bhagavā āyasmato ānandassa paccekabuddhānaṃ sabbākāraparipūraṃ patthanañca abhinīhārañca kathetvā, idāni imāya patthanāya iminā ca abhinīhārena samudāgate te te paccekabuddhe kathetuṃ ‘‘sabbesu bhūtesu nidhāya daṇḍa’’ntiādinā nayena imaṃ khaggavisāṇasuttaṃ abhāsi. Ayaṃ tāva avisesena pucchāvasito khaggavisāṇasuttassa uppatti.

    35. ид̣̇аани висзсзна вад̇д̇аб̣б̣аа. д̇ад̇т̇а имиссаа д̇аава г̇аат̇ааяа звам̣ уббад̇д̇и взд̣̇ид̇аб̣б̣аа – аяам̣ гира бажжзгаб̣уд̣̇д̇хо бажжзгаб̣од̇хисад̇д̇абхуумим̣ ог̇ааханд̇о д̣̇вз асан̇кязяяаани габбасад̇асахассан̃жа баарамияо буурзд̇ваа гассабасса бхаг̇авад̇о саасанз баб̣б̣аж̇ид̇ваа ааран̃н̃иго худ̇ваа г̇ад̇абажжааг̇ад̇авад̇д̇ам̣ буурзнд̇о саман̣ад̇хаммам̣ агааси. зд̇ам̣ гира вад̇д̇ам̣ абарибуурзд̇ваа бажжзгаб̣од̇хим̣ баабун̣анд̇аа наама над̇т̇и. гим̣ банзд̇ам̣ г̇ад̇абажжааг̇ад̇авад̇д̇ам̣ наама? харан̣абажжаахаран̣анд̇и. д̇ам̣ яат̇аа вибхууд̇ам̣ ход̇и, д̇ат̇аа гат̇зссаама.

    35. Idāni visesena vattabbā. Tattha imissā tāva gāthāya evaṃ uppatti veditabbā – ayaṃ kira paccekabuddho paccekabodhisattabhūmiṃ ogāhanto dve asaṅkhyeyyāni kappasatasahassañca pāramiyo pūretvā kassapassa bhagavato sāsane pabbajitvā āraññiko hutvā gatapaccāgatavattaṃ pūrento samaṇadhammaṃ akāsi. Etaṃ kira vattaṃ aparipūretvā paccekabodhiṃ pāpuṇantā nāma natthi. Kiṃ panetaṃ gatapaccāgatavattaṃ nāma? Haraṇapaccāharaṇanti. Taṃ yathā vibhūtaṃ hoti, tathā kathessāma.

    ид̇хзгажжо бхигку харад̇и, на бажжаахарад̇и; згажжо бажжаахарад̇и, на харад̇и; згажжо бана нзва харад̇и, на бажжаахарад̇и; згажжо харад̇и жа бажжаахарад̇и жа. д̇ад̇т̇а яо бхигку баг̇зва вудтааяа жзд̇ияан̇г̇ан̣аб̣од̇хияан̇г̇ан̣авад̇д̇ам̣ гад̇ваа, б̣од̇хиругкз уд̣̇агам̣ аасин̃жид̇ваа, баанийяагхадам̣ буурзд̇ваа баанийяамаал̣з табзд̇ваа, аажарияавад̇д̇ам̣ убаж̇жхааяавад̇д̇ам̣ гад̇ваа, д̣̇взасийд̇и куд̣̇д̣̇агавад̇д̇аани жуд̣̇д̣̇аса махаавад̇д̇аани жа самаад̣̇ааяа вад̇д̇ад̇и, со сарийрабаригаммам̣ гад̇ваа, сзнаасанам̣ бависид̇ваа, яаава бхигкаажааравзлаа д̇аава вивид̇д̇аасанз вийд̇инаамзд̇ваа, взлам̣ н̃ад̇ваа, ниваасзд̇ваа, гааяаб̣анд̇ханам̣ б̣анд̇хид̇ваа, уд̇д̇араасан̇г̇ам̣ гарид̇ваа, сан̇гхаадим̣ канд̇хз гарид̇ваа, бад̇д̇ам̣ ам̣сз аалаг̇г̇зд̇ваа, гаммадтаанам̣ манаси гаронд̇о жзд̇ияан̇г̇ан̣ам̣ бад̇ваа, жзд̇ияан̃жа б̣од̇хин̃жа ванд̣̇ид̇ваа, г̇аамасамийбз жийварам̣ баарубид̇ваа, бад̇д̇амаад̣̇ааяа г̇аамам̣ бин̣д̣ааяа бависад̇и, звам̣ бавидто жа лаабхий бхигку бун̃н̃аваа убаасагзхи саггад̇аг̇аругад̇о убадтаагагулз ваа бадиггаманасаалааяам̣ ваа бадиггамид̇ваа убаасагзхи д̇ам̣ д̇ам̣ бан̃хам̣ бужчияамаано д̇зсам̣ бан̃хависсаж̇ж̇анзна д̇хаммад̣̇зсанаавигкзбзна жа д̇ам̣ манасигаарам̣ чад̣д̣зд̇ваа нигкамад̇и, вихаарам̣ ааг̇ад̇оби бхигкуунам̣ бан̃хам̣ будто гат̇зд̇и, д̇хаммам̣ бхан̣ад̇и, д̇ам̣ д̇ам̣ б̣яаабаарамаабаж̇ж̇ад̇и, бажчаабхад̇д̇амби буримаяаамамби маж̇жхимаяаамамби звам̣ бхигкуухи сад̣̇д̇хим̣ бабан̃жид̇ваа гааяад̣̇удтуллаабхибхууд̇о бажчимаяаамзби саяад̇и, нзва гаммадтаанам̣ манаси гарод̇и, аяам̣ вужжад̇и харад̇и, на бажжаахарад̇ийд̇и.

    Idhekacco bhikkhu harati, na paccāharati; ekacco paccāharati, na harati; ekacco pana neva harati, na paccāharati; ekacco harati ca paccāharati ca. Tattha yo bhikkhu pageva vuṭṭhāya cetiyaṅgaṇabodhiyaṅgaṇavattaṃ katvā, bodhirukkhe udakaṃ āsiñcitvā, pānīyaghaṭaṃ pūretvā pānīyamāḷe ṭhapetvā, ācariyavattaṃ upajjhāyavattaṃ katvā, dveasīti khuddakavattāni cuddasa mahāvattāni ca samādāya vattati, so sarīraparikammaṃ katvā, senāsanaṃ pavisitvā, yāva bhikkhācāravelā tāva vivittāsane vītināmetvā, velaṃ ñatvā, nivāsetvā, kāyabandhanaṃ bandhitvā, uttarāsaṅgaṃ karitvā, saṅghāṭiṃ khandhe karitvā, pattaṃ aṃse ālaggetvā, kammaṭṭhānaṃ manasi karonto cetiyaṅgaṇaṃ patvā, cetiyañca bodhiñca vanditvā, gāmasamīpe cīvaraṃ pārupitvā, pattamādāya gāmaṃ piṇḍāya pavisati, evaṃ paviṭṭho ca lābhī bhikkhu puññavā upāsakehi sakkatagarukato upaṭṭhākakule vā paṭikkamanasālāyaṃ vā paṭikkamitvā upāsakehi taṃ taṃ pañhaṃ pucchiyamāno tesaṃ pañhavissajjanena dhammadesanāvikkhepena ca taṃ manasikāraṃ chaḍḍetvā nikkhamati, vihāraṃ āgatopi bhikkhūnaṃ pañhaṃ puṭṭho katheti, dhammaṃ bhaṇati, taṃ taṃ byāpāramāpajjati, pacchābhattampi purimayāmampi majjhimayāmampi evaṃ bhikkhūhi saddhiṃ papañcitvā kāyaduṭṭhullābhibhūto pacchimayāmepi sayati, neva kammaṭṭhānaṃ manasi karoti, ayaṃ vuccati harati, na paccāharatīti.

    яо бана б̣яаад̇хиб̣ахуло ход̇и, бхуд̇д̇аахааро бажжуусасамаяз на саммаа барин̣амад̇и, баг̇зва вудтааяа яат̇аавуд̇д̇ам̣ вад̇д̇ам̣ гаад̇ум̣ на саггод̇и гаммадтаанам̣ ваа манаси гаад̇ум̣, ан̃н̃ад̣̇ад̇т̇у яааг̇ум̣ ваа бхзсаж̇ж̇ам̣ ваа бад̇т̇аяамаано гаалассзва бад̇д̇ажийварамаад̣̇ааяа г̇аамам̣ бависад̇и. д̇ад̇т̇а яааг̇ум̣ ваа бхзсаж̇ж̇ам̣ ваа бхад̇д̇ам̣ ваа лад̣̇д̇хаа бхад̇д̇агижжам̣ нидтаабзд̇ваа, бан̃н̃ад̇д̇аасанз нисинно гаммадтаанам̣ манаси гад̇ваа, висзсам̣ бад̇ваа ваа аббад̇ваа ваа, вихаарам̣ ааг̇анд̇ваа, д̇знзва манасигаарзна вихарад̇и. аяам̣ вужжад̇и бажжаахарад̇и на харад̇ийд̇и. зд̣̇исаа жа бхигкуу яааг̇ум̣ бивид̇ваа, вибассанам̣ аарабхид̇ваа, б̣уд̣̇д̇хасаасанз арахад̇д̇ам̣ бад̇д̇аа г̇ан̣анабат̇ам̣ вийд̇ивад̇д̇аа. сийхал̣ад̣̇ийбзязва д̇зсу д̇зсу г̇аамзсу аасанасаалааяа на д̇ам̣ аасанам̣ ад̇т̇и, яад̇т̇а яааг̇ум̣ бивид̇ваа арахад̇д̇ам̣ бад̇д̇о бхигку над̇т̇ийд̇и.

    Yo pana byādhibahulo hoti, bhuttāhāro paccūsasamaye na sammā pariṇamati, pageva vuṭṭhāya yathāvuttaṃ vattaṃ kātuṃ na sakkoti kammaṭṭhānaṃ vā manasi kātuṃ, aññadatthu yāguṃ vā bhesajjaṃ vā patthayamāno kālasseva pattacīvaramādāya gāmaṃ pavisati. Tattha yāguṃ vā bhesajjaṃ vā bhattaṃ vā laddhā bhattakiccaṃ niṭṭhāpetvā, paññattāsane nisinno kammaṭṭhānaṃ manasi katvā, visesaṃ patvā vā appatvā vā, vihāraṃ āgantvā, teneva manasikārena viharati. Ayaṃ vuccati paccāharati na haratīti. Edisā ca bhikkhū yāguṃ pivitvā, vipassanaṃ ārabhitvā, buddhasāsane arahattaṃ pattā gaṇanapathaṃ vītivattā. Sīhaḷadīpeyeva tesu tesu gāmesu āsanasālāya na taṃ āsanaṃ atthi, yattha yāguṃ pivitvā arahattaṃ patto bhikkhu natthīti.

    яо бана бамаад̣̇авихаарий ход̇и нигкид̇д̇ад̇хуро, саб̣б̣авад̇д̇аани бхинд̣̇ид̇ваа бан̃жавид̇хажзд̇окилавиниб̣анд̇ханаб̣ад̣̇д̇хажид̇д̇о вихаранд̇о гаммадтаанаманасигаараманануяуд̇д̇о г̇аамам̣ бин̣д̣ааяа бависид̇ваа г̇ихибабан̃жзна бабан̃жид̇о д̇ужчаго нигкамад̇и, аяам̣ вужжад̇и нзва харад̇и на бажжаахарад̇ийд̇и.

    Yo pana pamādavihārī hoti nikkhittadhuro, sabbavattāni bhinditvā pañcavidhacetokhilavinibandhanabaddhacitto viharanto kammaṭṭhānamanasikāramananuyutto gāmaṃ piṇḍāya pavisitvā gihipapañcena papañcito tucchako nikkhamati, ayaṃ vuccati neva harati na paccāharatīti.

    яо бана баг̇зва вудтааяа буриманаязнзва саб̣б̣авад̇д̇аани барибуурзд̇ваа яаава бхигкаажааравзлаа, д̇аава баллан̇гам̣ аабхуж̇ид̇ваа гаммадтаанам̣ манаси гарод̇и. гаммадтаанам̣ наама д̣̇увид̇хам̣ – саб̣б̣ад̇т̇агам̣, баарихаарияан̃жа. саб̣б̣ад̇т̇агам̣ наама мзд̇д̇аа жа маран̣ассад̇и жа. д̇ам̣ саб̣б̣ад̇т̇а ижчид̇аб̣б̣ад̇о ‘‘саб̣б̣ад̇т̇ага’’нд̇и вужжад̇и. мзд̇д̇аа наама ааваасаад̣̇ийсу саб̣б̣ад̇т̇а ижчид̇аб̣б̣аа. ааваасзсу хи мзд̇д̇аавихаарий бхигку саб̣рахмажаарийнам̣ бияо ход̇и, д̇зна паасу асан̇гхадто вихарад̇и. д̣̇звад̇аасу мзд̇д̇аавихаарий д̣̇звад̇аахи рагкид̇аг̇обид̇о сукам̣ вихарад̇и. рааж̇арааж̇амахаамад̇д̇аад̣̇ийсу мзд̇д̇аавихаарий, д̇зхи мамааяид̇о сукам̣ вихарад̇и. г̇ааманиг̇амаад̣̇ийсу мзд̇д̇аавихаарий саб̣б̣ад̇т̇а бхигкаажарияаад̣̇ийсу мануссзхи саггад̇аг̇аругад̇о сукам̣ вихарад̇и. маран̣ассад̇ибхааванааяа ж̇ийвид̇аниганд̇им̣ бахааяа аббамад̇д̇о вихарад̇и.

    Yo pana pageva vuṭṭhāya purimanayeneva sabbavattāni paripūretvā yāva bhikkhācāravelā, tāva pallaṅkaṃ ābhujitvā kammaṭṭhānaṃ manasi karoti. Kammaṭṭhānaṃ nāma duvidhaṃ – sabbatthakaṃ, pārihāriyañca. Sabbatthakaṃ nāma mettā ca maraṇassati ca. Taṃ sabbattha icchitabbato ‘‘sabbatthaka’’nti vuccati. Mettā nāma āvāsādīsu sabbattha icchitabbā. Āvāsesu hi mettāvihārī bhikkhu sabrahmacārīnaṃ piyo hoti, tena phāsu asaṅghaṭṭho viharati. Devatāsu mettāvihārī devatāhi rakkhitagopito sukhaṃ viharati. Rājarājamahāmattādīsu mettāvihārī, tehi mamāyito sukhaṃ viharati. Gāmanigamādīsu mettāvihārī sabbattha bhikkhācariyādīsu manussehi sakkatagarukato sukhaṃ viharati. Maraṇassatibhāvanāya jīvitanikantiṃ pahāya appamatto viharati.

    яам̣ бана сад̣̇аа барихарид̇аб̣б̣ам̣ жарид̇аанугуулзна г̇ахид̇ад̇д̇аа д̣̇асаасубхагасин̣аануссад̇ийсу ан̃н̃ад̇арам̣, жад̇уд̇хаад̇увавад̇т̇аанамзва ваа, д̇ам̣ сад̣̇аа барихарид̇аб̣б̣ад̇о, рагкид̇аб̣б̣ад̇о, бхаавзд̇аб̣б̣ад̇о жа баарихаарияанд̇и вужжад̇и, муулагаммадтаананд̇иби д̇ад̣̇зва. д̇ад̇т̇а яам̣ батамам̣ саб̣б̣ад̇т̇агагаммадтаанам̣ манаси гарид̇ваа бажчаа баарихаарияагаммадтаанам̣ манаси гарод̇и, д̇ам̣ жад̇уд̇хаад̇увавад̇т̇аанамукзна д̣̇ассзссаама.

    Yaṃ pana sadā pariharitabbaṃ caritānukūlena gahitattā dasāsubhakasiṇānussatīsu aññataraṃ, catudhātuvavatthānameva vā, taṃ sadā pariharitabbato, rakkhitabbato, bhāvetabbato ca pārihāriyanti vuccati, mūlakammaṭṭhānantipi tadeva. Tattha yaṃ paṭhamaṃ sabbatthakakammaṭṭhānaṃ manasi karitvā pacchā pārihāriyakammaṭṭhānaṃ manasi karoti, taṃ catudhātuvavatthānamukhena dassessāma.

    аяан̃хи яат̇аатид̇ам̣ яат̇аабан̣ихид̇ам̣ гааяам̣ д̇хаад̇усо бажжавзгкад̇и – яам̣ имасмим̣ сарийрз вийсад̇игодтаасзсу гагкал̣ам̣ караг̇ад̇ам̣, саа бат̇авийд̇хаад̇у. яам̣ д̣̇ваад̣̇асасу ааб̣анд̇ханагижжагарам̣ снзхаг̇ад̇ам̣, саа аабод̇хаад̇у. яам̣ жад̇уусу барибаажанагарам̣ усумаг̇ад̇ам̣, саа д̇зж̇од̇хаад̇у. яам̣ бана часу вид̇т̇амбханагарам̣ вааяог̇ад̇ам̣, саа вааяод̇хаад̇у. яам̣ банзд̇т̇а жад̇уухи махаабхууд̇зхи асампудтам̣ чид̣̇д̣̇ам̣ виварам̣, саа аагаасад̇хаад̇у. д̇ам̣виж̇аананагам̣ жид̇д̇ам̣ вин̃н̃аан̣ад̇хаад̇у. д̇ад̇о уд̇д̇ари ан̃н̃о сад̇д̇о ваа буг̇г̇ало ваа над̇т̇и. гзвалам̣ суд̣̇д̇хасан̇каарабун̃ж̇ова аяанд̇и.

    Ayañhi yathāṭhitaṃ yathāpaṇihitaṃ kāyaṃ dhātuso paccavekkhati – yaṃ imasmiṃ sarīre vīsatikoṭṭhāsesu kakkhaḷaṃ kharagataṃ, sā pathavīdhātu. Yaṃ dvādasasu ābandhanakiccakaraṃ snehagataṃ, sā āpodhātu. Yaṃ catūsu paripācanakaraṃ usumagataṃ, sā tejodhātu. Yaṃ pana chasu vitthambhanakaraṃ vāyogataṃ, sā vāyodhātu. Yaṃ panettha catūhi mahābhūtehi asamphuṭṭhaṃ chiddaṃ vivaraṃ, sā ākāsadhātu. Taṃvijānanakaṃ cittaṃ viññāṇadhātu. Tato uttari añño satto vā puggalo vā natthi. Kevalaṃ suddhasaṅkhārapuñjova ayanti.

    звам̣ аад̣̇имаж̇жхабарияосаанад̇о гаммадтаанам̣ манаси гарид̇ваа, гаалам̣ н̃ад̇ваа, удтааяаасанаа ниваасзд̇ваа, буб̣б̣з вуд̇д̇анаязнзва г̇аамам̣ бин̣д̣ааяа г̇ажчад̇и. г̇ажчанд̇о жа яат̇аа анд̇хабут̇уж̇ж̇анаа абхиггамаад̣̇ийсу ‘‘ад̇д̇аа абхиггамад̇и, ад̇д̇анаа абхиггамо ниб̣б̣ад̇д̇ид̇о’’д̇и ваа, ‘‘ахам̣ абхиггамаами, маяаа абхиггамо ниб̣б̣ад̇д̇ид̇о’’д̇и ваа саммуяханд̇и, д̇ат̇аа асаммуяханд̇о ‘‘абхиггамаамийд̇и жид̇д̇з уббаж̇ж̇амаанз д̇знзва жид̇д̇зна сад̣̇д̇хим̣ жид̇д̇асамудтаанаа санд̇хааран̣авааяод̇хаад̇у уббаж̇ж̇ад̇и. саа имам̣ бат̇авийд̇хаад̇ваад̣̇исаннивзсабхууд̇ам̣ гааяасаммад̇ам̣ адтигасан̇гхаадам̣ вибпарад̇и, д̇ад̇о жид̇д̇агирияаавааяод̇хаад̇увибпааравасзна аяам̣ гааяасаммад̇о адтигасан̇гхаадо абхиггамад̇и. д̇ассзвам̣ абхиггамад̇о згзгабаад̣̇уд̣̇д̇хааран̣з жад̇уусу д̇хаад̇уусу вааяод̇хаад̇уануг̇ад̇аа д̇зж̇од̇хаад̇у ад̇хигаа уббаж̇ж̇ад̇и, манд̣̇аа ид̇араа. ад̇ихаран̣авийд̇ихаран̣аабахаран̣зсу бана д̇зж̇од̇хаад̇уануг̇ад̇аа вааяод̇хаад̇у ад̇хигаа уббаж̇ж̇ад̇и, манд̣̇аа ид̇араа. орохан̣з бана бат̇авийд̇хаад̇уануг̇ад̇аа аабод̇хаад̇у ад̇хигаа уббаж̇ж̇ад̇и, манд̣̇аа ид̇араа. саннигкзбанасамуббийл̣анзсу аабод̇хаад̇уануг̇ад̇аа бат̇авийд̇хаад̇у ад̇хигаа уббаж̇ж̇ад̇и, манд̣̇аа ид̇араа. ижжзд̇аа д̇хаад̇уяо д̇зна д̇зна ад̇д̇ано уббаад̣̇агажид̇д̇зна сад̣̇д̇хим̣ д̇ад̇т̇а д̇ад̇т̇зва бхиж̇ж̇анд̇и . д̇ад̇т̇а го зго абхиггамад̇и, гасса ваа згасса абхиггамана’’нд̇и звам̣ згзгабаад̣̇уд̣̇д̇хааран̣аад̣̇иббагаарзсу згзгасмим̣ багаарз уббаннад̇хаад̇уяо, д̇ад̣̇авиниб̣бхуд̇д̇аа жа сзсаа руубад̇хаммаа, д̇ам̣самудтаабагам̣ жид̇д̇ам̣, д̇ам̣самбаяуд̇д̇аа жа сзсаа аруубад̇хаммаад̇и зд̇з руубааруубад̇хаммаа. д̇ад̇о барам̣ ад̇ихаран̣авийд̇ихаран̣аад̣̇ийсу ан̃н̃ам̣ багаарам̣ на самбаабун̣анд̇и, д̇ад̇т̇а д̇ад̇т̇зва бхиж̇ж̇анд̇и. д̇асмаа анижжаа. яан̃жа анижжам̣, д̇ам̣ д̣̇угкам̣. яам̣ д̣̇угкам̣, д̇ад̣̇анад̇д̇аад̇и звам̣ саб̣б̣аагаарабарибуурам̣ гаммадтаанам̣ манасигаронд̇ова г̇ажчад̇и. ад̇т̇агаамаа хи гулабуд̇д̇аа саасанз баб̣б̣аж̇ид̇ваа д̣̇асаби вийсамби д̇им̣самби жад̇д̇аалийсамби бан̃н̃аасамби садтиби сад̇д̇ад̇иби сад̇амби згад̇о васанд̇аа гад̇игавад̇д̇ам̣ гад̇ваа вихаранд̇и – ‘‘аавусо, д̇умхз на ин̣адтаа, на бхаяадтаа, на ж̇ийвигаабагад̇аа баб̣б̣аж̇ид̇аа; д̣̇угкаа мужжид̇угаамаа банзд̇т̇а баб̣б̣аж̇ид̇аа. д̇асмаа г̇аманз уббаннагилзсам̣ г̇аманзязва ниг̇г̇ан̣хат̇а, таанз нисаж̇ж̇ааяа, саяанз уббаннагилзсам̣ г̇аманзязва ниг̇г̇ан̣хат̇аа’’д̇и. д̇з звам̣ гад̇игавад̇д̇ам̣ гад̇ваа бхигкаажаарам̣ г̇ажчанд̇аа ад̣дхаусабхаусабхаад̣дхаг̇аавуд̇аг̇аавуд̇анд̇арзсу баасаан̣аа хонд̇и, д̇ааяа сан̃н̃ааяа гаммадтаанам̣ манасигаронд̇аава г̇ажчанд̇и. сажз гассажи г̇аманз гилзсо уббаж̇ж̇ад̇и, д̇ад̇т̇зва нам̣ ниг̇г̇ан̣хаад̇и. д̇ат̇аа асаггонд̇о д̇идтад̇и. ат̇асса бажчад̇о ааг̇ажчанд̇оби д̇идтад̇и. со – ‘‘аяам̣ бхигку д̇уяхам̣ уббаннавид̇аггам̣ ж̇аанаад̇и, ананужчавигам̣ д̇з зд̇а’’нд̇и ад̇д̇аанам̣ бадижод̣̇зд̇ваа вибассанам̣ вад̣дхзд̇ваа д̇ад̇т̇зва арияабхуумим̣ оггамад̇и. д̇ат̇аа асаггонд̇о нисийд̣̇ад̇и. ат̇асса бажчад̇о ааг̇ажчанд̇оби нисийд̣̇ад̇ийд̇и соязва наяо. арияабхууми оггамид̇ум̣ асаггонд̇оби д̇ам̣ гилзсам̣ вигкамбхзд̇ваа гаммадтаанам̣ манасигаронд̇ова г̇ажчад̇и. на гаммадтаанавиббаяуд̇д̇зна жид̇д̇зна баад̣̇ам̣ уд̣̇д̇харад̇и. уд̣̇д̇харад̇и жз, бадинивад̇д̇ид̇ваа буримаббад̣̇зсам̣язва зд̇и сийхал̣ад̣̇ийбз аалинд̣̇агаваасий махаапуссад̣̇звад̇т̇зро вияа .

    Evaṃ ādimajjhapariyosānato kammaṭṭhānaṃ manasi karitvā, kālaṃ ñatvā, uṭṭhāyāsanā nivāsetvā, pubbe vuttanayeneva gāmaṃ piṇḍāya gacchati. Gacchanto ca yathā andhaputhujjanā abhikkamādīsu ‘‘attā abhikkamati, attanā abhikkamo nibbattito’’ti vā, ‘‘ahaṃ abhikkamāmi, mayā abhikkamo nibbattito’’ti vā sammuyhanti, tathā asammuyhanto ‘‘abhikkamāmīti citte uppajjamāne teneva cittena saddhiṃ cittasamuṭṭhānā sandhāraṇavāyodhātu uppajjati. Sā imaṃ pathavīdhātvādisannivesabhūtaṃ kāyasammataṃ aṭṭhikasaṅghāṭaṃ vippharati, tato cittakiriyāvāyodhātuvipphāravasena ayaṃ kāyasammato aṭṭhikasaṅghāṭo abhikkamati. Tassevaṃ abhikkamato ekekapāduddhāraṇe catūsu dhātūsu vāyodhātuanugatā tejodhātu adhikā uppajjati, mandā itarā. Atiharaṇavītiharaṇāpaharaṇesu pana tejodhātuanugatā vāyodhātu adhikā uppajjati, mandā itarā. Orohaṇe pana pathavīdhātuanugatā āpodhātu adhikā uppajjati, mandā itarā. Sannikkhepanasamuppīḷanesu āpodhātuanugatā pathavīdhātu adhikā uppajjati, mandā itarā. Iccetā dhātuyo tena tena attano uppādakacittena saddhiṃ tattha tattheva bhijjanti . Tattha ko eko abhikkamati, kassa vā ekassa abhikkamana’’nti evaṃ ekekapāduddhāraṇādippakāresu ekekasmiṃ pakāre uppannadhātuyo, tadavinibbhuttā ca sesā rūpadhammā, taṃsamuṭṭhāpakaṃ cittaṃ, taṃsampayuttā ca sesā arūpadhammāti ete rūpārūpadhammā. Tato paraṃ atiharaṇavītiharaṇādīsu aññaṃ pakāraṃ na sampāpuṇanti, tattha tattheva bhijjanti. Tasmā aniccā. Yañca aniccaṃ, taṃ dukkhaṃ. Yaṃ dukkhaṃ, tadanattāti evaṃ sabbākāraparipūraṃ kammaṭṭhānaṃ manasikarontova gacchati. Atthakāmā hi kulaputtā sāsane pabbajitvā dasapi vīsampi tiṃsampi cattālīsampi paññāsampi saṭṭhipi sattatipi satampi ekato vasantā katikavattaṃ katvā viharanti – ‘‘āvuso, tumhe na iṇaṭṭhā, na bhayaṭṭhā, na jīvikāpakatā pabbajitā; dukkhā muccitukāmā panettha pabbajitā. Tasmā gamane uppannakilesaṃ gamaneyeva niggaṇhatha, ṭhāne nisajjāya, sayane uppannakilesaṃ gamaneyeva niggaṇhathā’’ti. Te evaṃ katikavattaṃ katvā bhikkhācāraṃ gacchantā aḍḍhausabhausabhaaḍḍhagāvutagāvutantaresu pāsāṇā honti, tāya saññāya kammaṭṭhānaṃ manasikarontāva gacchanti. Sace kassaci gamane kileso uppajjati, tattheva naṃ niggaṇhāti. Tathā asakkonto tiṭṭhati. Athassa pacchato āgacchantopi tiṭṭhati. So – ‘‘ayaṃ bhikkhu tuyhaṃ uppannavitakkaṃ jānāti, ananucchavikaṃ te eta’’nti attānaṃ paṭicodetvā vipassanaṃ vaḍḍhetvā tattheva ariyabhūmiṃ okkamati. Tathā asakkonto nisīdati. Athassa pacchato āgacchantopi nisīdatīti soyeva nayo. Ariyabhūmi okkamituṃ asakkontopi taṃ kilesaṃ vikkhambhetvā kammaṭṭhānaṃ manasikarontova gacchati. Na kammaṭṭhānavippayuttena cittena pādaṃ uddharati. Uddharati ce, paṭinivattitvā purimappadesaṃyeva eti sīhaḷadīpe ālindakavāsī mahāphussadevatthero viya .

    со гира згуунавийсад̇и вассаани г̇ад̇абажжааг̇ад̇авад̇д̇ам̣ буурзнд̇о зва вихааси. мануссааби суд̣̇ам̣ анд̇араамаг̇г̇з гасанд̇аа жа вабанд̇аа жа мад̣̇д̣̇анд̇аа жа гаммаани гаронд̇аа т̇зрам̣ д̇ат̇аа г̇ажчанд̇ам̣ д̣̇исваа – ‘‘аяам̣ т̇зро бунаббунам̣ нивад̇д̇ид̇ваа г̇ажчад̇и, гим̣ ну ко маг̇г̇амуул̣хо, уд̣̇ааху гин̃жи бамудто’’д̇и самуллабанд̇и. со д̇ам̣ анаад̣̇ияид̇ваа гаммадтаанаяуд̇д̇знзва жид̇д̇зна саман̣ад̇хаммам̣ гаронд̇о вийсад̇ивассаб̣бханд̇арз арахад̇д̇ам̣ баабун̣и. арахад̇д̇аббад̇д̇ад̣̇ивасз жасса жан̇гаманагодияам̣ ад̇хивад̇т̇аа д̣̇звад̇аа ан̇г̇улийхи д̣̇ийбам̣ уж̇ж̇аалзд̇ваа адтааси. жад̇д̇аароби махаарааж̇аано сагго жа д̣̇зваанаминд̣̇о, б̣рахмаа жа сахамбад̇и убадтаанам̣ ааг̇амам̣су. д̇ан̃жа обхаасам̣ д̣̇исваа ванаваасий махаад̇иссад̇т̇зро д̇ам̣ д̣̇уд̇ияад̣̇ивасз бужчи ‘‘рад̇д̇ибхааг̇з ааяасмад̇о санд̇игз обхаасо ахоси, гим̣ со обхаасо’’д̇и? т̇зро вигкзбам̣ гаронд̇о ‘‘обхаасо наама д̣̇ийбобхаасоби ход̇и, ман̣иобхаасобий’’д̇и звамаад̣̇им̣ ааха. со ‘‘бадижчаад̣̇зт̇а д̇умхз’’д̇и ниб̣ад̣̇д̇хо ‘‘аамаа’’д̇и бадиж̇аанид̇ваа аарожзси.

    So kira ekūnavīsati vassāni gatapaccāgatavattaṃ pūrento eva vihāsi. Manussāpi sudaṃ antarāmagge kasantā ca vapantā ca maddantā ca kammāni karontā theraṃ tathā gacchantaṃ disvā – ‘‘ayaṃ thero punappunaṃ nivattitvā gacchati, kiṃ nu kho maggamūḷho, udāhu kiñci pamuṭṭho’’ti samullapanti. So taṃ anādiyitvā kammaṭṭhānayutteneva cittena samaṇadhammaṃ karonto vīsativassabbhantare arahattaṃ pāpuṇi. Arahattappattadivase cassa caṅkamanakoṭiyaṃ adhivatthā devatā aṅgulīhi dīpaṃ ujjāletvā aṭṭhāsi. Cattāropi mahārājāno sakko ca devānamindo, brahmā ca sahampati upaṭṭhānaṃ āgamaṃsu. Tañca obhāsaṃ disvā vanavāsī mahātissatthero taṃ dutiyadivase pucchi ‘‘rattibhāge āyasmato santike obhāso ahosi, kiṃ so obhāso’’ti? Thero vikkhepaṃ karonto ‘‘obhāso nāma dīpobhāsopi hoti, maṇiobhāsopī’’ti evamādiṃ āha. So ‘‘paṭicchādetha tumhe’’ti nibaddho ‘‘āmā’’ti paṭijānitvā ārocesi.

    гаал̣аваллиман̣д̣абаваасий махаанааг̇ад̇т̇зро вияа жа. соби гира г̇ад̇абажжааг̇ад̇авад̇д̇ам̣ буурзнд̇о ‘‘батамам̣ д̇аава бхаг̇авад̇о махаабад̇хаанам̣ бууж̇змий’’д̇и сад̇д̇а вассаани таанажан̇гамамзва ад̇хидтааси. буна сол̣аса вассаани г̇ад̇абажжааг̇ад̇авад̇д̇ам̣ буурзд̇ваа арахад̇д̇ам̣ баабун̣и. звам̣ гаммадтаанаяуд̇д̇знзва жид̇д̇зна баад̣̇ам̣ уд̣̇д̇харанд̇о виббаяуд̇д̇зна жид̇д̇зна уд̣̇д̇хадз бана бадинивад̇д̇анд̇о г̇аамасамийбам̣ г̇анд̇ваа, ‘‘г̇аавий ну баб̣б̣аж̇ид̇о нуу’’д̇и аасан̇ганийяаббад̣̇зсз тад̇ваа, сан̇гхаадим̣ баарубид̇ваа бад̇д̇ам̣ г̇ахзд̇ваа, г̇аамад̣̇ваарам̣ бад̇ваа, гажчаганд̇арад̇о уд̣̇агам̣ г̇ахзд̇ваа, г̇ан̣д̣уусам̣ гад̇ваа г̇аамам̣ бависад̇и ‘‘бхигкам̣ д̣̇аад̇ум̣ ваа ванд̣̇ид̇ум̣ ваа убаг̇ад̇з мануссз ‘д̣̇ийгхааяугаа хот̇аа’д̇и важанамад̇д̇знаби маа мз гаммадтаанавигкзбо ахосий’’д̇и сажз бана ‘‘аж̇ж̇а, бханд̇з, гим̣ сад̇д̇амий, уд̣̇ааху адтамий’’д̇и д̣̇ивасам̣ бужчанд̇и, уд̣̇агам̣ г̇илид̇ваа аарожзд̇и. сажз д̣̇ивасабужчагаа на хонд̇и, нигкаманавзлааяам̣ г̇аамад̣̇ваарз нидтубхид̇ваава яаад̇и.

    Kāḷavallimaṇḍapavāsī mahānāgatthero viya ca. Sopi kira gatapaccāgatavattaṃ pūrento ‘‘paṭhamaṃ tāva bhagavato mahāpadhānaṃ pūjemī’’ti satta vassāni ṭhānacaṅkamameva adhiṭṭhāsi. Puna soḷasa vassāni gatapaccāgatavattaṃ pūretvā arahattaṃ pāpuṇi. Evaṃ kammaṭṭhānayutteneva cittena pādaṃ uddharanto vippayuttena cittena uddhaṭe pana paṭinivattanto gāmasamīpaṃ gantvā, ‘‘gāvī nu pabbajito nū’’ti āsaṅkanīyappadese ṭhatvā, saṅghāṭiṃ pārupitvā pattaṃ gahetvā, gāmadvāraṃ patvā, kacchakantarato udakaṃ gahetvā, gaṇḍūsaṃ katvā gāmaṃ pavisati ‘‘bhikkhaṃ dātuṃ vā vandituṃ vā upagate manusse ‘dīghāyukā hothā’ti vacanamattenapi mā me kammaṭṭhānavikkhepo ahosī’’ti sace pana ‘‘ajja, bhante, kiṃ sattamī, udāhu aṭṭhamī’’ti divasaṃ pucchanti, udakaṃ gilitvā āroceti. Sace divasapucchakā na honti, nikkhamanavelāyaṃ gāmadvāre niṭṭhubhitvāva yāti.

    сийхал̣ад̣̇ийбзязва галамб̣ад̇ид̇т̇авихаарз вассуубаг̇ад̇аа бан̃н̃аасабхигкуу вияа жа. д̇з гира вассуубанааяигаубосат̇ад̣̇ивасз гад̇игавад̇д̇ам̣ агам̣су – ‘‘арахад̇д̇ам̣ аббад̇ваа ан̃н̃аман̃н̃ам̣ наалабиссаамаа’’д̇и. г̇ааман̃жа бин̣д̣ааяа бависанд̇аа г̇аамад̣̇ваарз уд̣̇агаг̇ан̣д̣уусам̣ гад̇ваа бависим̣су, д̣̇ивасз бужчид̇з уд̣̇агам̣ г̇илид̇ваа аарожзсум̣, абужчид̇з г̇аамад̣̇ваарз нидтубхид̇ваа вихаарам̣ ааг̇амам̣су. д̇ад̇т̇а мануссаа нидтубханадтаанам̣ д̣̇исваа ж̇ааним̣су ‘‘аж̇ж̇а зго ааг̇ад̇о, аж̇ж̇а д̣̇вз’’д̇и. зван̃жа жинд̇зсум̣ ‘‘гим̣ ну ко зд̇з амхзхзва сад̣̇д̇хим̣ на саллабанд̇и, уд̣̇ааху ан̃н̃аман̃н̃амби? яад̣̇и ан̃н̃аман̃н̃амби на саллабанд̇и, ад̣̇д̇хаа виваад̣̇аж̇аад̇аа бхависсанд̇и, ханд̣̇а нзсам̣ ан̃н̃аман̃н̃ам̣ камаабзссаамаа’’д̇и саб̣б̣з вихаарам̣ аг̇амам̣су. д̇ад̇т̇а бан̃н̃аасабхигкуусу вассам̣ убаг̇ад̇зсу д̣̇вз бхигкуу згогаасз наад̣̇д̣̇асам̣су. д̇ад̇о яо д̇зсу жагкумаа бурисо, со звамааха – ‘‘на, бхо, галахагаарагаанам̣ васаногаасо ийд̣̇исо ход̇и, сусаммадтам̣ жзд̇ияан̇г̇ан̣ам̣ б̣од̇хияан̇г̇ан̣ам̣, сунигкид̇д̇аа саммаж̇ж̇анияо, суубадтабид̇ам̣ баанийяабарибхож̇анийяа’’нд̇и. д̇з д̇ад̇ова нивад̇д̇аа. д̇з бхигкуу анд̇од̇змаасзязва вибассанам̣ аарабхид̇ваа арахад̇д̇ам̣ бад̇ваа махаабавааран̣ааяа висуд̣̇д̇хибавааран̣ам̣ баваарзсум̣.

    Sīhaḷadīpeyeva kalambatitthavihāre vassūpagatā paññāsabhikkhū viya ca. Te kira vassūpanāyikauposathadivase katikavattaṃ akaṃsu – ‘‘arahattaṃ appatvā aññamaññaṃ nālapissāmā’’ti. Gāmañca piṇḍāya pavisantā gāmadvāre udakagaṇḍūsaṃ katvā pavisiṃsu, divase pucchite udakaṃ gilitvā ārocesuṃ, apucchite gāmadvāre niṭṭhubhitvā vihāraṃ āgamaṃsu. Tattha manussā niṭṭhubhanaṭṭhānaṃ disvā jāniṃsu ‘‘ajja eko āgato, ajja dve’’ti. Evañca cintesuṃ ‘‘kiṃ nu kho ete amheheva saddhiṃ na sallapanti, udāhu aññamaññampi? Yadi aññamaññampi na sallapanti, addhā vivādajātā bhavissanti, handa nesaṃ aññamaññaṃ khamāpessāmā’’ti sabbe vihāraṃ agamaṃsu. Tattha paññāsabhikkhūsu vassaṃ upagatesu dve bhikkhū ekokāse nāddasaṃsu. Tato yo tesu cakkhumā puriso, so evamāha – ‘‘na, bho, kalahakārakānaṃ vasanokāso īdiso hoti, susammaṭṭhaṃ cetiyaṅgaṇaṃ bodhiyaṅgaṇaṃ, sunikkhittā sammajjaniyo, sūpaṭṭhapitaṃ pānīyaparibhojanīya’’nti. Te tatova nivattā. Te bhikkhū antotemāseyeva vipassanaṃ ārabhitvā arahattaṃ patvā mahāpavāraṇāya visuddhipavāraṇaṃ pavāresuṃ.

    звам̣ гаал̣аваллиман̣д̣абаваасий махаанааг̇ад̇т̇зро вияа галамб̣ад̇ид̇т̇авихаарз вассуубаг̇ад̇абхигкуу вияа жа гаммадтаанаяуд̇д̇знзва жид̇д̇зна баад̣̇ам̣ уд̣̇д̇харанд̇о г̇аамасамийбам̣ бад̇ваа, уд̣̇агаг̇ан̣д̣уусам̣ гад̇ваа, вийт̇ияо саллагкзд̇ваа, яад̇т̇а сураасон̣д̣ад̇худ̇д̇аад̣̇аяо галахагаарагаа жан̣д̣ахад̇т̇иассаад̣̇аяо ваа над̇т̇и, д̇ам̣ вийт̇им̣ бадибаж̇ж̇ад̇и. д̇ад̇т̇а жа бин̣д̣ааяа жарамаано на д̇урид̇ад̇урид̇о вияа ж̇авзна г̇ажчад̇и, ж̇аванабин̣д̣абаад̇игад̇худ̇ан̇г̇ам̣ наама над̇т̇и. висамабхуумибхааг̇аббад̇д̇ам̣ бана уд̣̇агабхарид̇асагадамива нижжалова худ̇ваа г̇ажчад̇и. анугхарам̣ бавидто жа д̣̇аад̇угаамам̣ ад̣̇аад̇угаамам̣ ваа саллагкзд̇ум̣ д̇ад̣̇ануруубам̣ гаалам̣ ааг̇амзнд̇о бхигкам̣ г̇ахзд̇ваа, бад̇ируубз огаасз нисийд̣̇ид̇ваа, гаммадтаанам̣ манаси гаронд̇о аахаарз бадигууласан̃н̃ам̣ убадтабзд̇ваа, агкаб̣бхан̃ж̇анаван̣аалзбанабуд̇д̇амам̣суубамаавасзна бажжавзгканд̇о адтан̇г̇асаманнааг̇ад̇ам̣ аахаарам̣ аахаарзд̇и, нзва д̣̇авааяа на мад̣̇ааяа…бз… бхуд̇д̇аавий жа уд̣̇агагижжам̣ гад̇ваа, мухуд̇д̇ам̣ бхад̇д̇агиламат̇ам̣ бадиббассамбхзд̇ваа, яат̇аа бурз бхад̇д̇ам̣, звам̣ бажчаа бхад̇д̇ам̣ буримаяаамам̣ бажчимаяааман̃жа гаммадтаанам̣ манаси гарод̇и. аяам̣ вужжад̇и харад̇и жзва бажжаахарад̇и жаад̇и. звамзд̇ам̣ харан̣абажжаахаран̣ам̣ г̇ад̇абажжааг̇ад̇авад̇д̇анд̇и вужжад̇и.

    Evaṃ kāḷavallimaṇḍapavāsī mahānāgatthero viya kalambatitthavihāre vassūpagatabhikkhū viya ca kammaṭṭhānayutteneva cittena pādaṃ uddharanto gāmasamīpaṃ patvā, udakagaṇḍūsaṃ katvā, vīthiyo sallakkhetvā, yattha surāsoṇḍadhuttādayo kalahakārakā caṇḍahatthiassādayo vā natthi, taṃ vīthiṃ paṭipajjati. Tattha ca piṇḍāya caramāno na turitaturito viya javena gacchati, javanapiṇḍapātikadhutaṅgaṃ nāma natthi. Visamabhūmibhāgappattaṃ pana udakabharitasakaṭamiva niccalova hutvā gacchati. Anugharaṃ paviṭṭho ca dātukāmaṃ adātukāmaṃ vā sallakkhetuṃ tadanurūpaṃ kālaṃ āgamento bhikkhaṃ gahetvā, patirūpe okāse nisīditvā, kammaṭṭhānaṃ manasi karonto āhāre paṭikūlasaññaṃ upaṭṭhapetvā, akkhabbhañjanavaṇālepanaputtamaṃsūpamāvasena paccavekkhanto aṭṭhaṅgasamannāgataṃ āhāraṃ āhāreti, neva davāya na madāya…pe… bhuttāvī ca udakakiccaṃ katvā, muhuttaṃ bhattakilamathaṃ paṭippassambhetvā, yathā pure bhattaṃ, evaṃ pacchā bhattaṃ purimayāmaṃ pacchimayāmañca kammaṭṭhānaṃ manasi karoti. Ayaṃ vuccati harati ceva paccāharati cāti. Evametaṃ haraṇapaccāharaṇaṃ gatapaccāgatavattanti vuccati.

    зд̇ам̣ буурзнд̇о яад̣̇и убаниссаяасамбанно ход̇и, батамаваяз зва арахад̇д̇ам̣ баабун̣аад̇и. но жз батамаваяз баабун̣аад̇и, ат̇а маж̇жхимаваяз баабун̣аад̇и. но жз маж̇жхимаваяз баабун̣аад̇и, ат̇а маран̣асамаяз баабун̣аад̇и. но жз маран̣асамаяз баабун̣аад̇и, ат̇а д̣̇звабуд̇д̇о худ̇ваа баабун̣аад̇и. но жз д̣̇звабуд̇д̇о худ̇ваа баабун̣аад̇и, ат̇а бажжзгасамб̣уд̣̇д̇хо худ̇ваа бариниб̣б̣аад̇и. но жз бажжзгасамб̣уд̣̇д̇хо худ̇ваа бариниб̣б̣аад̇и, ат̇а б̣уд̣̇д̇хаанам̣ санд̇игз киббаабхин̃н̃о ход̇и; сзяяат̇ааби – т̇зро б̣аахияо, махаабан̃н̃о ваа ход̇и; сзяяат̇ааби т̇зро саарибуд̇д̇о.

    Etaṃ pūrento yadi upanissayasampanno hoti, paṭhamavaye eva arahattaṃ pāpuṇāti. No ce paṭhamavaye pāpuṇāti, atha majjhimavaye pāpuṇāti. No ce majjhimavaye pāpuṇāti, atha maraṇasamaye pāpuṇāti. No ce maraṇasamaye pāpuṇāti, atha devaputto hutvā pāpuṇāti. No ce devaputto hutvā pāpuṇāti, atha paccekasambuddho hutvā parinibbāti. No ce paccekasambuddho hutvā parinibbāti, atha buddhānaṃ santike khippābhiñño hoti; seyyathāpi – thero bāhiyo, mahāpañño vā hoti; seyyathāpi thero sāriputto.

    аяам̣ бана бажжзгаб̣од̇хисад̇д̇о гассабасса бхаг̇авад̇о саасанз баб̣б̣аж̇ид̇ваа, ааран̃н̃иго худ̇ваа, вийсад̇и вассасахассаани зд̇ам̣ г̇ад̇абажжааг̇ад̇авад̇д̇ам̣ буурзд̇ваа, гаалам̣ гад̇ваа, гаамааважарад̣̇звалогз уббаж̇ж̇и. д̇ад̇о жавид̇ваа б̣аараан̣асиран̃н̃о аг̇г̇амахзсияаа гужчимхи бадисанд̇хим̣ аг̇г̇ахзси. гусалаа ид̇т̇ияо д̇ад̣̇ахзва г̇аб̣бхасан̣таанам̣ ж̇аананд̇и, саа жа д̇аасаман̃н̃ад̇араа , д̇асмаа д̇ам̣ г̇аб̣бхабад̇идтаанам̣ ран̃н̃о нивзд̣̇зси. д̇хаммад̇аа зсаа, яам̣ бун̃н̃аванд̇з сад̇д̇з г̇аб̣бхз уббаннз маад̇уг̇аамо г̇аб̣бхабарихаарам̣ лабхад̇и. д̇асмаа рааж̇аа д̇ассаа г̇аб̣бхабарихаарам̣ ад̣̇ааси. саа д̇ад̇о бабхуд̇и наажжун̣хам̣ гин̃жи аж̇жхохарид̇ум̣ лабхад̇и, наад̇исийд̇ам̣, наад̇иамб̣илам̣, наад̇илон̣ам̣, наад̇игадугам̣, наад̇ид̇ид̇д̇агам̣. ажжун̣хз хи маад̇араа аж̇жхохадз г̇аб̣бхасса лохагумбхиваасо вияа ход̇и, ад̇исийд̇з логанд̇аригаваасо вияа, ажжамб̣илалон̣агадугад̇ид̇д̇агзсу бхуд̇д̇зсу сад̇т̇зна паалзд̇ваа амб̣илаад̣̇ийхи сид̇д̇аани вияа г̇аб̣бхасзяяагасса ан̇г̇аани д̇иб̣б̣авзд̣̇анаани хонд̇и. ад̇ижан̇гаманадтаананисаж̇ж̇аасаяанад̇оби нам̣ ниваарзнд̇и – ‘‘гужчиг̇ад̇асса сан̃жаланад̣̇угкам̣ маа ахосий’’д̇и. муд̣̇угад̇т̇аран̣ад̇т̇ад̇ааяа бхуумияам̣ жан̇гаманаад̣̇ийни мад̇д̇ааяа гаад̇ум̣ лабхад̇и, ван̣н̣аг̇анд̇хаад̣̇исамбаннам̣ саад̣̇усаббааяам̣ аннабаанам̣ лабхад̇и. бариг̇г̇ахзд̇ваава нам̣ жан̇гамаабзнд̇и, нисийд̣̇аабзнд̇и, вудтаабзнд̇и.

    Ayaṃ pana paccekabodhisatto kassapassa bhagavato sāsane pabbajitvā, āraññiko hutvā, vīsati vassasahassāni etaṃ gatapaccāgatavattaṃ pūretvā, kālaṃ katvā, kāmāvacaradevaloke uppajji. Tato cavitvā bārāṇasirañño aggamahesiyā kucchimhi paṭisandhiṃ aggahesi. Kusalā itthiyo tadaheva gabbhasaṇṭhānaṃ jānanti, sā ca tāsamaññatarā , tasmā taṃ gabbhapatiṭṭhānaṃ rañño nivedesi. Dhammatā esā, yaṃ puññavante satte gabbhe uppanne mātugāmo gabbhaparihāraṃ labhati. Tasmā rājā tassā gabbhaparihāraṃ adāsi. Sā tato pabhuti nāccuṇhaṃ kiñci ajjhoharituṃ labhati, nātisītaṃ, nātiambilaṃ, nātiloṇaṃ, nātikaṭukaṃ, nātitittakaṃ. Accuṇhe hi mātarā ajjhohaṭe gabbhassa lohakumbhivāso viya hoti, atisīte lokantarikavāso viya, accambilaloṇakaṭukatittakesu bhuttesu satthena phāletvā ambilādīhi sittāni viya gabbhaseyyakassa aṅgāni tibbavedanāni honti. Aticaṅkamanaṭṭhānanisajjāsayanatopi naṃ nivārenti – ‘‘kucchigatassa sañcalanadukkhaṃ mā ahosī’’ti. Mudukattharaṇatthatāya bhūmiyaṃ caṅkamanādīni mattāya kātuṃ labhati, vaṇṇagandhādisampannaṃ sādusappāyaṃ annapānaṃ labhati. Pariggahetvāva naṃ caṅkamāpenti, nisīdāpenti, vuṭṭhāpenti.

    саа звам̣ барихарияамаанаа г̇аб̣бхабарибаагагаалз сууд̇игхарам̣ бависид̇ваа бажжуусасамаяз буд̇д̇ам̣ виж̇ааяи баггад̇зламад̣̇д̣̇ид̇аманосилаабин̣д̣исад̣̇исам̣ д̇хан̃н̃абун̃н̃алагкан̣уубзд̇ам̣. д̇ад̇о нам̣ бан̃жамад̣̇ивасз алан̇гад̇аббадияад̇д̇ам̣ ран̃н̃о д̣̇ассзсум̣, рааж̇аа д̇удто часадтияаа д̇хаад̇ийхи убадтаабзси. со саб̣б̣асамбад̇д̇ийхи вад̣дхамаано на жирассзва вин̃н̃уд̇ам̣ баабун̣и. д̇ам̣ сол̣асавассуд̣̇д̣̇зсигамзва самаанам̣ рааж̇аа раж̇ж̇з абхисин̃жи, вивид̇ханаадагаани жасса убадтаабзси. абхисид̇д̇о рааж̇абуд̇д̇о раж̇ж̇ам̣ гаарзси наамзна б̣рахмад̣̇ад̇д̇о сагалаж̇амб̣уд̣̇ийбз вийсад̇ияаа наг̇арасахассзсу. ж̇амб̣уд̣̇ийбз хи буб̣б̣з жад̇ураасийд̇и наг̇арасахассаани ахзсум̣. д̇аани барихааяанд̇аани садти ахзсум̣, д̇ад̇о барихааяанд̇аани жад̇д̇аалийсам̣, саб̣б̣абарихааяанагаалз бана вийсад̇и хонд̇и. аяан̃жа б̣рахмад̣̇ад̇д̇о саб̣б̣абарихааяанагаалз уббаж̇ж̇и. д̇знасса вийсад̇и наг̇арасахассаани ахзсум̣, вийсад̇и баасаад̣̇асахассаани, вийсад̇и хад̇т̇исахассаани, вийсад̇и ассасахассаани, вийсад̇и рат̇асахассаани , вийсад̇и бад̇д̇исахассаани, вийсад̇и ид̇т̇исахассаани – ород̇хаа жа наадагид̇т̇ияо жа, вийсад̇и амажжасахассаани. со махаараж̇ж̇ам̣ гаараяамаано зва гасин̣абаригаммам̣ гад̇ваа бан̃жа абхин̃н̃ааяо, адта самаабад̇д̇ияо жа ниб̣б̣ад̇д̇зси. яасмаа бана абхисид̇д̇аран̃н̃аа наама авассам̣ аддагаран̣з нисийд̣̇ид̇аб̣б̣ам̣, д̇асмаа згад̣̇ивасам̣ баг̇зва баад̇араасам̣ бхун̃ж̇ид̇ваа винижчаяадтаанз нисийд̣̇и. д̇ад̇т̇а ужжаасад̣̇д̣̇амахаасад̣̇д̣̇ам̣ агам̣су. со ‘‘аяам̣ сад̣̇д̣̇о самаабад̇д̇ияаа убаггилзсо’’д̇и баасаад̣̇ад̇алам̣ абхирухид̇ваа ‘‘самаабад̇д̇им̣ аббзмий’’д̇и нисинно наасагки аббзд̇ум̣, раж̇ж̇авигкзбзна самаабад̇д̇и барихийнаа. д̇ад̇о жинд̇зси ‘‘гим̣ раж̇ж̇ам̣ варам̣, уд̣̇ааху саман̣ад̇хаммо’’д̇и. д̇ад̇о ‘‘раж̇ж̇асукам̣ барид̇д̇ам̣ анзгаад̣̇ийнавам̣, саман̣ад̇хаммасукам̣ бана вибуламанзгаанисам̣сам̣ уд̇д̇амабурисасзвид̇ан̃жаа’’д̇и н̃ад̇ваа ан̃н̃ад̇арам̣ амажжам̣ аан̣аабзси – ‘‘имам̣ раж̇ж̇ам̣ д̇хаммзна самзна анусааса, маа ко ад̇хаммагаарам̣ агаасий’’д̇и саб̣б̣ам̣ нияяаад̇зд̇ваа баасаад̣̇ам̣ абхирухид̇ваа самаабад̇д̇исукзна вихарад̇и, на гожи убасан̇гамид̇ум̣ лабхад̇и ан̃н̃ад̇ра мукад̇хованад̣̇анд̇агадтад̣̇ааяагабхад̇д̇анийхаарагаад̣̇ийхи.

    Sā evaṃ parihariyamānā gabbhaparipākakāle sūtigharaṃ pavisitvā paccūsasamaye puttaṃ vijāyi pakkatelamadditamanosilāpiṇḍisadisaṃ dhaññapuññalakkhaṇūpetaṃ. Tato naṃ pañcamadivase alaṅkatappaṭiyattaṃ rañño dassesuṃ, rājā tuṭṭho chasaṭṭhiyā dhātīhi upaṭṭhāpesi. So sabbasampattīhi vaḍḍhamāno na cirasseva viññutaṃ pāpuṇi. Taṃ soḷasavassuddesikameva samānaṃ rājā rajje abhisiñci, vividhanāṭakāni cassa upaṭṭhāpesi. Abhisitto rājaputto rajjaṃ kāresi nāmena brahmadatto sakalajambudīpe vīsatiyā nagarasahassesu. Jambudīpe hi pubbe caturāsīti nagarasahassāni ahesuṃ. Tāni parihāyantāni saṭṭhi ahesuṃ, tato parihāyantāni cattālīsaṃ, sabbaparihāyanakāle pana vīsati honti. Ayañca brahmadatto sabbaparihāyanakāle uppajji. Tenassa vīsati nagarasahassāni ahesuṃ, vīsati pāsādasahassāni, vīsati hatthisahassāni, vīsati assasahassāni, vīsati rathasahassāni , vīsati pattisahassāni, vīsati itthisahassāni – orodhā ca nāṭakitthiyo ca, vīsati amaccasahassāni. So mahārajjaṃ kārayamāno eva kasiṇaparikammaṃ katvā pañca abhiññāyo, aṭṭha samāpattiyo ca nibbattesi. Yasmā pana abhisittaraññā nāma avassaṃ aṭṭakaraṇe nisīditabbaṃ, tasmā ekadivasaṃ pageva pātarāsaṃ bhuñjitvā vinicchayaṭṭhāne nisīdi. Tattha uccāsaddamahāsaddaṃ akaṃsu. So ‘‘ayaṃ saddo samāpattiyā upakkileso’’ti pāsādatalaṃ abhiruhitvā ‘‘samāpattiṃ appemī’’ti nisinno nāsakkhi appetuṃ, rajjavikkhepena samāpatti parihīnā. Tato cintesi ‘‘kiṃ rajjaṃ varaṃ, udāhu samaṇadhammo’’ti. Tato ‘‘rajjasukhaṃ parittaṃ anekādīnavaṃ, samaṇadhammasukhaṃ pana vipulamanekānisaṃsaṃ uttamapurisasevitañcā’’ti ñatvā aññataraṃ amaccaṃ āṇāpesi – ‘‘imaṃ rajjaṃ dhammena samena anusāsa, mā kho adhammakāraṃ akāsī’’ti sabbaṃ niyyātetvā pāsādaṃ abhiruhitvā samāpattisukhena viharati, na koci upasaṅkamituṃ labhati aññatra mukhadhovanadantakaṭṭhadāyakabhattanīhārakādīhi.

    д̇ад̇о ад̣̇д̇хамаасамад̇д̇з вийд̇игганд̇з махзсий бужчи ‘‘рааж̇аа уяяаанаг̇аманаб̣алад̣̇ассананаадагаад̣̇ийсу гад̇т̇ажи на д̣̇иссад̇и, гухим̣ г̇ад̇о’’д̇и? д̇ассаа д̇амад̇т̇ам̣ аарожзсум̣. саа амажжасса баахзси ‘‘раж̇ж̇з бадижчид̇з ахамби бадижчид̇аа хоми, зд̇у маяаа сад̣̇д̇хим̣ сам̣ваасам̣ габбзд̇уу’’д̇и. со убхо ган̣н̣з т̇агзд̇ваа ‘‘асаванийяамзд̇а’’нд̇и бадигкиби. саа бунаби д̣̇вад̇д̇игкад̇д̇ум̣ бзсзд̇ваа анижчамаанам̣ д̇аж̇ж̇аабзси – ‘‘яад̣̇и на гароси, таанааби д̇з жаавзми, ж̇ийвид̇ааби воробзмий’’д̇и. со бхийд̇о ‘‘маад̇уг̇аамо наама д̣̇ал̣ханижчаяо, гад̣̇аажи звамби гаараабзяяаа’’д̇и згад̣̇ивасам̣ рахо г̇анд̇ваа д̇ааяа сад̣̇д̇хим̣ сирисаяанз сам̣ваасам̣ габбзси. саа бун̃н̃авад̇ий сукасампассаа. со д̇ассаа сампассарааг̇зна рад̇д̇о д̇ад̇т̇а абхигкан̣ам̣ сан̇гид̇асан̇гид̇ова аг̇амааси. ануггамзна ад̇д̇ано гхарасаамиго вияа ниб̣б̣исан̇го бависид̇умаарад̣̇д̇хо.

    Tato addhamāsamatte vītikkante mahesī pucchi ‘‘rājā uyyānagamanabaladassananāṭakādīsu katthaci na dissati, kuhiṃ gato’’ti? Tassā tamatthaṃ ārocesuṃ. Sā amaccassa pāhesi ‘‘rajje paṭicchite ahampi paṭicchitā homi, etu mayā saddhiṃ saṃvāsaṃ kappetū’’ti. So ubho kaṇṇe thaketvā ‘‘asavanīyameta’’nti paṭikkhipi. Sā punapi dvattikkhattuṃ pesetvā anicchamānaṃ tajjāpesi – ‘‘yadi na karosi, ṭhānāpi te cāvemi, jīvitāpi voropemī’’ti. So bhīto ‘‘mātugāmo nāma daḷhanicchayo, kadāci evampi kārāpeyyā’’ti ekadivasaṃ raho gantvā tāya saddhiṃ sirisayane saṃvāsaṃ kappesi. Sā puññavatī sukhasamphassā. So tassā samphassarāgena ratto tattha abhikkhaṇaṃ saṅkitasaṅkitova agamāsi. Anukkamena attano gharasāmiko viya nibbisaṅko pavisitumāraddho.

    д̇ад̇о рааж̇амануссаа д̇ам̣ бавад̇д̇им̣ ран̃н̃о аарожзсум̣. рааж̇аа на сад̣̇д̣̇ахад̇и. д̣̇уд̇ияамби д̇ад̇ияамби аарожзсум̣. д̇ад̇о нилийно саяамзва д̣̇исваа саб̣б̣аамажжз саннибаад̇аабзд̇ваа аарожзси. д̇з – ‘‘аяам̣ рааж̇аабараад̇хиго хад̇т̇ажчзд̣̇ам̣ арахад̇и, баад̣̇ажчзд̣̇ам̣ арахад̇ий’’д̇и яаава суулз уд̇д̇аасанам̣, д̇аава саб̣б̣агаммагааран̣аани нид̣̇д̣̇исим̣су. рааж̇аа – ‘‘зд̇асса вад̇хаб̣анд̇ханад̇аал̣анз маяхам̣ вихим̣саа уббаж̇ж̇зяяа, ж̇ийвид̇аа воробанз баан̣аад̇ибаад̇о бхавзяяа, д̇ханахаран̣з ад̣̇иннаад̣̇аанам̣, алам̣ зваруубзхи гад̇зхи, имам̣ мама раж̇ж̇аа ниггад̣дхат̇аа’’д̇и ааха. амажжаа д̇ам̣ ниб̣б̣исаяам̣ агам̣су. со ад̇д̇ано д̇ханасааран̃жа буд̇д̇ад̣̇ааран̃жа г̇ахзд̇ваа барависаяам̣ аг̇амааси. д̇ад̇т̇а рааж̇аа суд̇ваа ‘‘гим̣ ааг̇ад̇осий’’д̇и бужчи. ‘‘д̣̇зва, ижчаами д̇ам̣ убадтаад̇у’’нд̇и. со д̇ам̣ самбадижчи. амажжо гад̇ибаахажжаязна лад̣̇д̇хависсаасо д̇ам̣ рааж̇аанам̣ зд̇ад̣̇авожа – ‘‘махаарааж̇а, амагкигамад̇хум̣ бассаами, д̇ам̣ каад̣̇анд̇о над̇т̇ий’’д̇и. рааж̇аа ‘‘гим̣ зд̇ам̣ уббан̣д̣зд̇угаамо бхан̣ад̇ий’’д̇и на сун̣аад̇и. со анд̇арам̣ лабхид̇ваа бунаби судтуд̇арам̣ ван̣н̣зд̇ваа аарожзси. рааж̇аа ‘‘гим̣ зд̇а’’нд̇и бужчи. ‘‘б̣аараан̣асираж̇ж̇ам̣, д̣̇зваа’’д̇и. рааж̇аа ‘‘мам̣ нзд̇ваа маарзд̇угаамосий’’д̇и ааха. со ‘‘маа, д̣̇зва, звам̣ аважа, яад̣̇и на сад̣̇д̣̇ахаси, мануссз бзсзхий’’д̇и. со мануссз бзсзси. д̇з г̇анд̇ваа г̇обурам̣ кан̣ид̇ваа ран̃н̃о саяанагхарз удтахим̣су.

    Tato rājamanussā taṃ pavattiṃ rañño ārocesuṃ. Rājā na saddahati. Dutiyampi tatiyampi ārocesuṃ. Tato nilīno sayameva disvā sabbāmacce sannipātāpetvā ārocesi. Te – ‘‘ayaṃ rājāparādhiko hatthacchedaṃ arahati, pādacchedaṃ arahatī’’ti yāva sūle uttāsanaṃ, tāva sabbakammakāraṇāni niddisiṃsu. Rājā – ‘‘etassa vadhabandhanatāḷane mayhaṃ vihiṃsā uppajjeyya, jīvitā voropane pāṇātipāto bhaveyya, dhanaharaṇe adinnādānaṃ, alaṃ evarūpehi katehi, imaṃ mama rajjā nikkaḍḍhathā’’ti āha. Amaccā taṃ nibbisayaṃ akaṃsu. So attano dhanasārañca puttadārañca gahetvā paravisayaṃ agamāsi. Tattha rājā sutvā ‘‘kiṃ āgatosī’’ti pucchi. ‘‘Deva, icchāmi taṃ upaṭṭhātu’’nti. So taṃ sampaṭicchi. Amacco katipāhaccayena laddhavissāso taṃ rājānaṃ etadavoca – ‘‘mahārāja, amakkhikamadhuṃ passāmi, taṃ khādanto natthī’’ti. Rājā ‘‘kiṃ etaṃ uppaṇḍetukāmo bhaṇatī’’ti na suṇāti. So antaraṃ labhitvā punapi suṭṭhutaraṃ vaṇṇetvā ārocesi. Rājā ‘‘kiṃ eta’’nti pucchi. ‘‘Bārāṇasirajjaṃ, devā’’ti. Rājā ‘‘maṃ netvā māretukāmosī’’ti āha. So ‘‘mā, deva, evaṃ avaca, yadi na saddahasi, manusse pesehī’’ti. So manusse pesesi. Te gantvā gopuraṃ khaṇitvā rañño sayanaghare uṭṭhahiṃsu.

    рааж̇аа д̣̇исваа ‘‘гисса ааг̇ад̇аад̇т̇аа’’д̇и бужчи. ‘‘жораа маяам̣, махаарааж̇аа’’д̇и. рааж̇аа д̇зсам̣ д̇ханам̣ д̣̇аабзд̇ваа ‘‘маа буна звамагад̇т̇аа’’д̇и овад̣̇ид̇ваа виссаж̇ж̇зси. д̇з ааг̇анд̇ваа д̇асса ран̃н̃о аарожзсум̣. со бунаби д̣̇вад̇д̇игкад̇д̇ум̣ д̇ат̇зва виймам̣сид̇ваа ‘‘сийлаваа рааж̇аа’’д̇и жад̇уран̇г̇иним̣ сзнам̣ саннаяхид̇ваа сийманд̇арз згам̣ наг̇арам̣ убаг̇амма д̇ад̇т̇а амажжасса баахзси ‘‘наг̇арам̣ ваа мз д̣̇зхи яуд̣̇д̇хам̣ ваа’’д̇и. со б̣рахмад̣̇ад̇д̇асса д̇амад̇т̇ам̣ аарожаабзси ‘‘аан̣аабзд̇у д̣̇зво гим̣ яуж̇жхаами, уд̣̇ааху наг̇арам̣ д̣̇змий’’д̇и. рааж̇аа ‘‘на яуж̇жхид̇аб̣б̣ам̣, наг̇арам̣ д̣̇ад̇ваа ид̇хааг̇ажчаа’’д̇и бзсзси. со д̇ат̇аа агааси. бадирааж̇ааби д̇ам̣ наг̇арам̣ г̇ахзд̇ваа авасзсанаг̇арзсуби д̇ат̇зва д̣̇ууд̇ам̣ баахзси. д̇зби амажжаа д̇ат̇зва б̣рахмад̣̇ад̇д̇асса аарожзд̇ваа д̇зна ‘‘на яуж̇жхид̇аб̣б̣ам̣, ид̇хааг̇анд̇аб̣б̣а’’нд̇и вуд̇д̇аа б̣аараан̣асим̣ ааг̇амам̣су.

    Rājā disvā ‘‘kissa āgatātthā’’ti pucchi. ‘‘Corā mayaṃ, mahārājā’’ti. Rājā tesaṃ dhanaṃ dāpetvā ‘‘mā puna evamakatthā’’ti ovaditvā vissajjesi. Te āgantvā tassa rañño ārocesuṃ. So punapi dvattikkhattuṃ tatheva vīmaṃsitvā ‘‘sīlavā rājā’’ti caturaṅginiṃ senaṃ sannayhitvā sīmantare ekaṃ nagaraṃ upagamma tattha amaccassa pāhesi ‘‘nagaraṃ vā me dehi yuddhaṃ vā’’ti. So brahmadattassa tamatthaṃ ārocāpesi ‘‘āṇāpetu devo kiṃ yujjhāmi, udāhu nagaraṃ demī’’ti. Rājā ‘‘na yujjhitabbaṃ, nagaraṃ datvā idhāgacchā’’ti pesesi. So tathā akāsi. Paṭirājāpi taṃ nagaraṃ gahetvā avasesanagaresupi tatheva dūtaṃ pāhesi. Tepi amaccā tatheva brahmadattassa ārocetvā tena ‘‘na yujjhitabbaṃ, idhāgantabba’’nti vuttā bārāṇasiṃ āgamaṃsu.

    д̇ад̇о амажжаа б̣рахмад̣̇ад̇д̇ам̣ аахам̣су – ‘‘махаарааж̇а, д̇зна саха яуж̇жхаамаа’’д̇и. рааж̇аа – ‘‘мама баан̣аад̇ибаад̇о бхависсад̇ий’’д̇и ваарзси. амажжаа – ‘‘маяам̣, махаарааж̇а, д̇ам̣ ж̇ийваг̇г̇аахам̣ г̇ахзд̇ваа ид̇хзва аанзссаамаа’’д̇и наанааубааязхи рааж̇аанам̣ сан̃н̃аабзд̇ваа ‘‘зхи махаарааж̇аа’’д̇и г̇анд̇ум̣ аарад̣̇д̇хаа. рааж̇аа ‘‘сажз сад̇д̇амааран̣аббахаран̣авилумбанагаммам̣ на гарот̇а, г̇ажчаамий’’д̇и бхан̣ад̇и. амажжаа ‘‘на, д̣̇зва, гарома, бхаяам̣ д̣̇ассзд̇ваа балаабзмаа’’д̇и жад̇уран̇г̇иним̣ сзнам̣ саннаяхид̇ваа гхадзсу д̣̇ийбз багкибид̇ваа рад̇д̇им̣ г̇ажчим̣су. бадирааж̇аа д̇ам̣ д̣̇ивасам̣ б̣аараан̣асисамийбз наг̇арам̣ г̇ахзд̇ваа ид̣̇аани гинд̇и рад̇д̇им̣ саннаахам̣ можаабзд̇ваа бамад̇д̇о нид̣̇д̣̇ам̣ оггами сад̣̇д̇хим̣ б̣алагааязна. д̇ад̇о амажжаа б̣аараан̣асирааж̇аанам̣ г̇ахзд̇ваа бадиран̃н̃о канд̇хааваарам̣ г̇анд̇ваа саб̣б̣агхадзхи д̣̇ийбз нихараабзд̇ваа згабаж̇ж̇од̇ааяа сзнааяа сад̣̇д̣̇ам̣ агам̣су. бадиран̃н̃о амажжо махааб̣алам̣ д̣̇исваа бхийд̇о ад̇д̇ано рааж̇аанам̣ убасан̇гамид̇ваа ‘‘удтзхи амагкигамад̇хум̣ каад̣̇аахий’’д̇и махаасад̣̇д̣̇ам̣ агааси. д̇ат̇аа д̣̇уд̇ияоби, д̇ад̇ияоби. бадирааж̇аа д̇зна сад̣̇д̣̇зна бадиб̣уж̇жхид̇ваа бхаяам̣ санд̇аасам̣ аабаж̇ж̇и. уггудтисад̇аани бавад̇д̇им̣су. со ‘‘бараважанам̣ сад̣̇д̣̇ахид̇ваа амид̇д̇ахад̇т̇ам̣ бад̇д̇омхий’’д̇и саб̣б̣арад̇д̇им̣ д̇ам̣ д̇ам̣ виббалабид̇ваа д̣̇уд̇ияад̣̇ивасз ‘‘д̇хаммиго рааж̇аа, убарод̇хам̣ на гарзяяа, г̇анд̇ваа камаабзмий’’д̇и жинд̇зд̇ваа рааж̇аанам̣ убасан̇гамид̇ваа ж̇ан̣н̣угзхи бад̇идтахид̇ваа ‘‘кама, махаарааж̇а, маяхам̣ абараад̇ха’’нд̇и ааха. рааж̇аа д̇ам̣ овад̣̇ид̇ваа ‘‘удтзхи, камаами д̇з’’д̇и ааха. со ран̃н̃аа звам̣ вуд̇д̇амад̇д̇зязва барамассаасаббад̇д̇о ахоси, б̣аараан̣асиран̃н̃о самийбзязва ж̇анабад̣̇з раж̇ж̇ам̣ лабхи. д̇з ан̃н̃аман̃н̃ам̣ сахааяагаа ахзсум̣.

    Tato amaccā brahmadattaṃ āhaṃsu – ‘‘mahārāja, tena saha yujjhāmā’’ti. Rājā – ‘‘mama pāṇātipāto bhavissatī’’ti vāresi. Amaccā – ‘‘mayaṃ, mahārāja, taṃ jīvaggāhaṃ gahetvā idheva ānessāmā’’ti nānāupāyehi rājānaṃ saññāpetvā ‘‘ehi mahārājā’’ti gantuṃ āraddhā. Rājā ‘‘sace sattamāraṇappaharaṇavilumpanakammaṃ na karotha, gacchāmī’’ti bhaṇati. Amaccā ‘‘na, deva, karoma, bhayaṃ dassetvā palāpemā’’ti caturaṅginiṃ senaṃ sannayhitvā ghaṭesu dīpe pakkhipitvā rattiṃ gacchiṃsu. Paṭirājā taṃ divasaṃ bārāṇasisamīpe nagaraṃ gahetvā idāni kinti rattiṃ sannāhaṃ mocāpetvā pamatto niddaṃ okkami saddhiṃ balakāyena. Tato amaccā bārāṇasirājānaṃ gahetvā paṭirañño khandhāvāraṃ gantvā sabbaghaṭehi dīpe niharāpetvā ekapajjotāya senāya saddaṃ akaṃsu. Paṭirañño amacco mahābalaṃ disvā bhīto attano rājānaṃ upasaṅkamitvā ‘‘uṭṭhehi amakkhikamadhuṃ khādāhī’’ti mahāsaddaṃ akāsi. Tathā dutiyopi, tatiyopi. Paṭirājā tena saddena paṭibujjhitvā bhayaṃ santāsaṃ āpajji. Ukkuṭṭhisatāni pavattiṃsu. So ‘‘paravacanaṃ saddahitvā amittahatthaṃ pattomhī’’ti sabbarattiṃ taṃ taṃ vippalapitvā dutiyadivase ‘‘dhammiko rājā, uparodhaṃ na kareyya, gantvā khamāpemī’’ti cintetvā rājānaṃ upasaṅkamitvā jaṇṇukehi patiṭṭhahitvā ‘‘khama, mahārāja, mayhaṃ aparādha’’nti āha. Rājā taṃ ovaditvā ‘‘uṭṭhehi, khamāmi te’’ti āha. So raññā evaṃ vuttamatteyeva paramassāsappatto ahosi, bārāṇasirañño samīpeyeva janapade rajjaṃ labhi. Te aññamaññaṃ sahāyakā ahesuṃ.

    ат̇а б̣рахмад̣̇ад̇д̇о д̣̇взби сзнаа саммод̣̇амаанаа згад̇о тид̇аа д̣̇исваа ‘‘мамзгасса жид̇д̇аанурагкан̣ааяа асмим̣ ж̇анагааяз куд̣̇д̣̇агамагкигааяа биванамад̇д̇амби лохид̇аб̣инд̣̇у на уббаннам̣. ахо саад̇ху, ахо судту, саб̣б̣з сад̇д̇аа сукид̇аа хонд̇у, авзраа хонд̇у, аб̣яаабаж̇жхаа хонд̇уу’’д̇и мзд̇д̇аажхаанам̣ уббаад̣̇зд̇ваа, д̇ад̣̇зва баад̣̇агам̣ гад̇ваа, сан̇каарз саммасид̇ваа, бажжзгаб̣од̇хин̃аан̣ам̣ сажчигад̇ваа, саяамбхуд̇ам̣ баабун̣и. д̇ам̣ маг̇г̇асукзна паласукзна сукид̇ам̣ хад̇т̇игканд̇хз нисиннам̣ амажжаа бан̣ибаад̇ам̣ гад̇ваа аахам̣су – ‘‘яаанагаало, махаарааж̇а, виж̇ид̇аб̣алагааяасса саггааро гаад̇аб̣б̣о, барааж̇ид̇аб̣алагааяасса бхад̇д̇абариб̣б̣аяо д̣̇аад̇аб̣б̣о’’д̇и. со ааха – ‘‘наахам̣, бхан̣з, рааж̇аа, бажжзгаб̣уд̣̇д̇хо наамааха’’нд̇и. гим̣ д̣̇зво бхан̣ад̇и, на зд̣̇исаа бажжзгаб̣уд̣̇д̇хаа хонд̇ийд̇и? гийд̣̇исаа, бхан̣з, бажжзгаб̣уд̣̇д̇хаад̇и? бажжзгаб̣уд̣̇д̇хаа наама д̣̇ван̇г̇улагзсамассу адтабаригкаараяуд̇д̇аа бхаванд̇ийд̇и. со д̣̇агкин̣ахад̇т̇зна сийсам̣ бараамаси, д̇аавад̣̇зва г̇ихилин̇г̇ам̣ анд̇арад̇хааяи, баб̣б̣аж̇ид̇авзсо баад̇урахоси, д̣̇ван̇г̇улагзсамассу адтабаригкаарасаманнааг̇ад̇о вассасад̇игад̇т̇зрасад̣̇исо ахоси. со жад̇уд̇т̇аж̇жхаанам̣ самаабаж̇ж̇ид̇ваа хад̇т̇игканд̇хад̇о взхаасам̣ аб̣бхуг̇г̇анд̇ваа бад̣̇умабубпз нисийд̣̇и. амажжаа ванд̣̇ид̇ваа ‘‘гим̣, бханд̇з, гаммадтаанам̣, гат̇ам̣ ад̇хиг̇ад̇осий’’д̇и бужчим̣су. со яад̇о асса мзд̇д̇аажхаанагаммадтаанам̣ ахоси , д̇ан̃жа вибассанам̣ вибассид̇ваа ад̇хиг̇ад̇о, д̇асмаа д̇амад̇т̇ам̣ д̣̇ассзнд̇о уд̣̇аанаг̇аат̇ан̃жа б̣яаагаран̣аг̇аат̇ан̃жа иман̃н̃зва г̇аат̇ам̣ абхааси ‘‘саб̣б̣зсу бхууд̇зсу нид̇хааяа д̣̇ан̣д̣а’’нд̇и.

    Atha brahmadatto dvepi senā sammodamānā ekato ṭhitā disvā ‘‘mamekassa cittānurakkhaṇāya asmiṃ janakāye khuddakamakkhikāya pivanamattampi lohitabindu na uppannaṃ. Aho sādhu, aho suṭṭhu, sabbe sattā sukhitā hontu, averā hontu, abyāpajjhā hontū’’ti mettājhānaṃ uppādetvā, tadeva pādakaṃ katvā, saṅkhāre sammasitvā, paccekabodhiñāṇaṃ sacchikatvā, sayambhutaṃ pāpuṇi. Taṃ maggasukhena phalasukhena sukhitaṃ hatthikkhandhe nisinnaṃ amaccā paṇipātaṃ katvā āhaṃsu – ‘‘yānakālo, mahārāja, vijitabalakāyassa sakkāro kātabbo, parājitabalakāyassa bhattaparibbayo dātabbo’’ti. So āha – ‘‘nāhaṃ, bhaṇe, rājā, paccekabuddho nāmāha’’nti. Kiṃ devo bhaṇati, na edisā paccekabuddhā hontīti? Kīdisā, bhaṇe, paccekabuddhāti? Paccekabuddhā nāma dvaṅgulakesamassu aṭṭhaparikkhārayuttā bhavantīti. So dakkhiṇahatthena sīsaṃ parāmasi, tāvadeva gihiliṅgaṃ antaradhāyi, pabbajitaveso pāturahosi, dvaṅgulakesamassu aṭṭhaparikkhārasamannāgato vassasatikattherasadiso ahosi. So catutthajjhānaṃ samāpajjitvā hatthikkhandhato vehāsaṃ abbhuggantvā padumapupphe nisīdi. Amaccā vanditvā ‘‘kiṃ, bhante, kammaṭṭhānaṃ, kathaṃ adhigatosī’’ti pucchiṃsu. So yato assa mettājhānakammaṭṭhānaṃ ahosi , tañca vipassanaṃ vipassitvā adhigato, tasmā tamatthaṃ dassento udānagāthañca byākaraṇagāthañca imaññeva gāthaṃ abhāsi ‘‘sabbesu bhūtesu nidhāya daṇḍa’’nti.

    д̇ад̇т̇а саб̣б̣зсууд̇и анавасзсзсу. бхууд̇зсууд̇и сад̇д̇зсу. аяамзд̇т̇а сан̇кзбо, вид̇т̇аарам̣ бана рад̇анасуд̇д̇аван̣н̣анааяам̣ вагкаама. нид̇хааяаад̇и нигкибид̇ваа. д̣̇ан̣д̣анд̇и гааяаважийманод̣̇ан̣д̣ам̣, гааяад̣̇ужжарид̇аад̣̇ийнамзд̇ам̣ ад̇хиважанам̣. гааяад̣̇ужжарид̇ан̃хи д̣̇ан̣д̣аяад̇ийд̇и д̣̇ан̣д̣о, б̣аад̇хзд̇и анаяаб̣яасанам̣ баабзд̇ийд̇и вуд̇д̇ам̣ ход̇и. звам̣ важийд̣̇ужжарид̇ам̣ манод̣̇ужжарид̇ам̣ жа. бахаран̣ад̣̇ан̣д̣о зва ваа д̣̇ан̣д̣о, д̇ам̣ нид̇хааяаад̇иби вуд̇д̇ам̣ ход̇и. авихзтаяанд̇и авихзтаяанд̇о. ан̃н̃ад̇арамбийд̇и яам̣гин̃жи згамби. д̇зсанд̇и д̇зсам̣ саб̣б̣абхууд̇аанам̣. на буд̇д̇амижчзяяаад̇и ад̇раж̇о, кзд̇раж̇о, д̣̇иннаго, анд̇зваасигод̇и имзсу жад̇уусу буд̇д̇зсу яам̣ гин̃жи буд̇д̇ам̣ на ижчзяяа. гуд̇о сахааяанд̇и сахааяам̣ бана ижчзяяаад̇и гуд̇о зва зд̇ам̣.

    Tattha sabbesūti anavasesesu. Bhūtesūti sattesu. Ayamettha saṅkhepo, vitthāraṃ pana ratanasuttavaṇṇanāyaṃ vakkhāma. Nidhāyāti nikkhipitvā. Daṇḍanti kāyavacīmanodaṇḍaṃ, kāyaduccaritādīnametaṃ adhivacanaṃ. Kāyaduccaritañhi daṇḍayatīti daṇḍo, bādheti anayabyasanaṃ pāpetīti vuttaṃ hoti. Evaṃ vacīduccaritaṃ manoduccaritaṃ ca. Paharaṇadaṇḍo eva vā daṇḍo, taṃ nidhāyātipi vuttaṃ hoti. Aviheṭhayanti aviheṭhayanto. Aññatarampīti yaṃkiñci ekampi. Tesanti tesaṃ sabbabhūtānaṃ. Na puttamiccheyyāti atrajo, khetrajo, dinnako, antevāsikoti imesu catūsu puttesu yaṃ kiñci puttaṃ na iccheyya. Kuto sahāyanti sahāyaṃ pana iccheyyāti kuto eva etaṃ.

    згод̇и баб̣б̣аж̇ж̇аасан̇каад̇зна зго, ад̣̇уд̇ияадтзна зго, д̇ан̣хаабахаанзна зго, зганд̇авиг̇ад̇агилзсод̇и зго, зго бажжзгасамб̣од̇хим̣ абхисамб̣уд̣̇д̇ход̇и зго. саман̣асахассассааби хи маж̇жхз вад̇д̇амаано г̇ихисан̃н̃ож̇анасса чиннад̇д̇аа зго – звам̣ баб̣б̣аж̇ж̇аасан̇каад̇зна зго. зго д̇идтад̇и, зго г̇ажчад̇и, зго нисийд̣̇ад̇и, зго сзяяам̣ габбзд̇и, зго ирияад̇и вад̇д̇ад̇ийд̇и – звам̣ ад̣̇уд̇ияадтзна зго.

    Ekoti pabbajjāsaṅkhātena eko, adutiyaṭṭhena eko, taṇhāpahānena eko, ekantavigatakilesoti eko, eko paccekasambodhiṃ abhisambuddhoti eko. Samaṇasahassassāpi hi majjhe vattamāno gihisaññojanassa chinnattā eko – evaṃ pabbajjāsaṅkhātena eko. Eko tiṭṭhati, eko gacchati, eko nisīdati, eko seyyaṃ kappeti, eko iriyati vattatīti – evaṃ adutiyaṭṭhena eko.

    ‘‘д̇ан̣хаад̣̇уд̇ияо бурисо, д̣̇ийгхамад̣̇д̇хаанасам̣сарам̣;

    ‘‘Taṇhādutiyo puriso, dīghamaddhānasaṃsaraṃ;

    ид̇т̇абхааван̃н̃ат̇аабхаавам̣, сам̣саарам̣ наад̇ивад̇д̇ад̇и.

    Itthabhāvaññathābhāvaṃ, saṃsāraṃ nātivattati.

    ‘‘звамаад̣̇ийнавам̣ н̃ад̇ваа, д̇ан̣хам̣ д̣̇угкасса самбхавам̣;

    ‘‘Evamādīnavaṃ ñatvā, taṇhaṃ dukkhassa sambhavaṃ;

    вийд̇ад̇ан̣хо анаад̣̇аано, сад̇о бхигку бариб̣б̣аж̇з’’д̇и. (ид̇иву. 15, 105; махаани. 191; жуул̣ани. баарааяанаануг̇ийд̇иг̇аат̇аанид̣̇д̣̇зса 107) –

    Vītataṇho anādāno, sato bhikkhu paribbaje’’ti. (itivu. 15, 105; mahāni. 191; cūḷani. pārāyanānugītigāthāniddesa 107) –

    звам̣ д̇ан̣хаабахаанадтзна зго. саб̣б̣агилзсаасса бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаад̇и – звам̣ зганд̇авиг̇ад̇агилзсод̇и зго. анаажарияаго худ̇ваа саяамбхуу сааман̃н̃зва бажжзгасамб̣од̇хим̣ абхисамб̣уд̣̇д̇ход̇и – звам̣ зго бажжзгасамб̣од̇хим̣ абхисамб̣уд̣̇д̇ход̇и зго.

    Evaṃ taṇhāpahānaṭṭhena eko. Sabbakilesāssa pahīnā ucchinnamūlā tālāvatthukatā anabhāvaṃkatā āyatiṃ anuppādadhammāti – evaṃ ekantavigatakilesoti eko. Anācariyako hutvā sayambhū sāmaññeva paccekasambodhiṃ abhisambuddhoti – evaṃ eko paccekasambodhiṃ abhisambuddhoti eko.

    жарзд̇и яаа имаа адта жарияааяо; сзяяат̇ид̣̇ам̣ – бан̣ид̇хисамбаннаанам̣ жад̇уусу ирияаабат̇зсу ирияаабат̇ажарияаа , инд̣̇риязсу г̇уд̇д̇ад̣̇ваараанам̣ аж̇жхад̇д̇игааяад̇анзсу ааяад̇анажарияаа, аббамаад̣̇авихаарийнам̣ жад̇уусу сад̇ибадтаанзсу сад̇ижарияаа, ад̇хижид̇д̇амануяуд̇д̇аанам̣ жад̇уусу жхаанзсу самаад̇хижарияаа, б̣уд̣̇д̇хисамбаннаанам̣ жад̇уусу арияасажжзсу н̃аан̣ажарияаа, саммаа бадибаннаанам̣ жад̇уусу арияамаг̇г̇зсу маг̇г̇ажарияаа, ад̇хиг̇ад̇абпалаанам̣ жад̇уусу сааман̃н̃апалзсу бад̇д̇ижарияаа, д̇ин̣н̣ам̣ б̣уд̣̇д̇хаанам̣ саб̣б̣асад̇д̇зсу логад̇т̇ажарияаа, д̇ад̇т̇а бад̣̇зсад̇о бажжзгаб̣уд̣̇д̇хасаавагаананд̇и. яат̇ааха – ‘‘жарияаад̇и адта жарияааяо ирияаабат̇ажарияаа’’д̇и (бади. ма. 1.197; 3.28) вид̇т̇ааро. д̇аахи жарияаахи саманнааг̇ад̇о бхавзяяаад̇и ад̇т̇о. ат̇а ваа яаа имаа ‘‘ад̇химужжанд̇о сад̣̇д̇хааяа жарад̇и, баг̇г̇ан̣ханд̇о вийриязна жарад̇и, убадтаханд̇о сад̇ияаа жарад̇и, авигкид̇д̇о самаад̇хинаа жарад̇и, баж̇аананд̇о бан̃н̃ааяа жарад̇и, виж̇аананд̇о вин̃н̃аан̣зна жарад̇и, звам̣ бадибаннасса гусалаа д̇хаммаа ааяад̇анд̇ийд̇и ааяад̇анажарияааяа жарад̇и, звам̣ бадибанно висзсамад̇хиг̇ажчад̇ийд̇и висзсажарияааяа жарад̇ий’’д̇и (бади. ма. 1.197; 3.29) звам̣ абарааби адта жарияаа вуд̇д̇аа. д̇аахиби саманнааг̇ад̇о бхавзяяаад̇и ад̇т̇о. каг̇г̇ависаан̣агаббод̇и зд̇т̇а каг̇г̇ависаан̣ам̣ наама каг̇г̇амиг̇асин̇г̇ам̣. габбасад̣̇д̣̇асса ад̇т̇ам̣ вид̇т̇аарад̇о ман̇г̇аласуд̇д̇аван̣н̣анааяам̣ багаасаяиссаама. ид̇ха банааяам̣ ‘‘сад̇т̇угаббзна вад̇а, бхо, гира саавагзна сад̣̇д̇хим̣ манд̇аяамаанаа’’д̇и (ма. ни. 1.260) звамаад̣̇ийсу вияа бадибхааг̇о взд̣̇ид̇аб̣б̣о. каг̇г̇ависаан̣агаббод̇и каг̇г̇ависаан̣асад̣̇исод̇и вуд̇д̇ам̣ ход̇и. аяам̣ д̇аавзд̇т̇а бад̣̇ад̇о ад̇т̇аван̣н̣анаа.

    Careti yā imā aṭṭha cariyāyo; seyyathidaṃ – paṇidhisampannānaṃ catūsu iriyāpathesu iriyāpathacariyā , indriyesu guttadvārānaṃ ajjhattikāyatanesu āyatanacariyā, appamādavihārīnaṃ catūsu satipaṭṭhānesu saticariyā, adhicittamanuyuttānaṃ catūsu jhānesu samādhicariyā, buddhisampannānaṃ catūsu ariyasaccesu ñāṇacariyā, sammā paṭipannānaṃ catūsu ariyamaggesu maggacariyā, adhigatapphalānaṃ catūsu sāmaññaphalesu patticariyā, tiṇṇaṃ buddhānaṃ sabbasattesu lokatthacariyā, tattha padesato paccekabuddhasāvakānanti. Yathāha – ‘‘cariyāti aṭṭha cariyāyo iriyāpathacariyā’’ti (paṭi. ma. 1.197; 3.28) vitthāro. Tāhi cariyāhi samannāgato bhaveyyāti attho. Atha vā yā imā ‘‘adhimuccanto saddhāya carati, paggaṇhanto vīriyena carati, upaṭṭhahanto satiyā carati, avikkhitto samādhinā carati, pajānanto paññāya carati, vijānanto viññāṇena carati, evaṃ paṭipannassa kusalā dhammā āyatantīti āyatanacariyāya carati, evaṃ paṭipanno visesamadhigacchatīti visesacariyāya caratī’’ti (paṭi. ma. 1.197; 3.29) evaṃ aparāpi aṭṭha cariyā vuttā. Tāhipi samannāgato bhaveyyāti attho. Khaggavisāṇakappoti ettha khaggavisāṇaṃ nāma khaggamigasiṅgaṃ. Kappasaddassa atthaṃ vitthārato maṅgalasuttavaṇṇanāyaṃ pakāsayissāma. Idha panāyaṃ ‘‘satthukappena vata, bho, kira sāvakena saddhiṃ mantayamānā’’ti (ma. ni. 1.260) evamādīsu viya paṭibhāgo veditabbo. Khaggavisāṇakappoti khaggavisāṇasadisoti vuttaṃ hoti. Ayaṃ tāvettha padato atthavaṇṇanā.

    ад̇хиббааяаанусанд̇хид̇о бана звам̣ взд̣̇ид̇аб̣б̣аа – явааяам̣ вуд̇д̇аббагааро д̣̇ан̣д̣о бхууд̇зсу бавад̇д̇ияамаано ахид̇о ход̇и, д̇ам̣ д̇зсу аббавад̇д̇анзна д̇аббадибагкабхууд̇ааяа мзд̇д̇ааяа барахид̇уубасам̣хаарзна жа саб̣б̣зсу бхууд̇зсу нид̇хааяа д̣̇ан̣д̣ам̣, нихид̇ад̣̇ан̣д̣ад̇д̇аа зва жа. яат̇аа анихид̇ад̣̇ан̣д̣аа сад̇д̇аа бхууд̇аани д̣̇ан̣д̣зна ваа сад̇т̇зна ваа баан̣инаа ваа лзд̣д̣унаа ваа вихзтаяанд̇и, д̇ат̇аа авихзтаяам̣ ан̃н̃ад̇арамби д̇зсам̣. имам̣ мзд̇д̇аагаммадтаанамааг̇амма яад̣̇зва д̇ад̇т̇а взд̣̇анааг̇ад̇ам̣ сан̃н̃аасан̇кааравин̃н̃аан̣аг̇ад̇ам̣ д̇ан̃жа д̇ад̣̇анусаарзнзва д̇ад̣̇ан̃н̃ан̃жа сан̇каараг̇ад̇ам̣ вибассид̇ваа имам̣ бажжзгаб̣од̇хим̣ ад̇хиг̇ад̇омхийд̇и аяам̣ д̇аава ад̇хиббааяо.

    Adhippāyānusandhito pana evaṃ veditabbā – yvāyaṃ vuttappakāro daṇḍo bhūtesu pavattiyamāno ahito hoti, taṃ tesu appavattanena tappaṭipakkhabhūtāya mettāya parahitūpasaṃhārena ca sabbesu bhūtesu nidhāya daṇḍaṃ, nihitadaṇḍattā eva ca. Yathā anihitadaṇḍā sattā bhūtāni daṇḍena vā satthena vā pāṇinā vā leḍḍunā vā viheṭhayanti, tathā aviheṭhayaṃ aññatarampi tesaṃ. Imaṃ mettākammaṭṭhānamāgamma yadeva tattha vedanāgataṃ saññāsaṅkhāraviññāṇagataṃ tañca tadanusāreneva tadaññañca saṅkhāragataṃ vipassitvā imaṃ paccekabodhiṃ adhigatomhīti ayaṃ tāva adhippāyo.

    аяам̣ бана анусанд̇хи – звам̣ вуд̇д̇з д̇з амажжаа аахам̣су – ‘‘ид̣̇аани, бханд̇з, гухим̣ г̇ажчат̇аа’’д̇и? д̇ад̇о д̇зна ‘‘буб̣б̣абажжзгасамб̣уд̣̇д̇хаа гад̇т̇а васанд̇ий’’д̇и ааваж̇ж̇зд̇ваа н̃ад̇ваа ‘‘г̇анд̇хамаад̣̇анабаб̣б̣ад̇з’’д̇и вуд̇д̇з бунаахам̣су – ‘‘амхз д̣̇аани, бханд̇з, баж̇ахат̇а, на ижчат̇аа’’д̇и. ат̇а бажжзгаб̣уд̣̇д̇хо ааха – ‘‘на буд̇д̇амижчзяяаа’’д̇и саб̣б̣ам̣. д̇ад̇раад̇хиббааяо – ахам̣ ид̣̇аани ад̇раж̇аад̣̇ийсу яам̣ гин̃жи буд̇д̇амби на ижчзяяам̣, гуд̇о бана д̇умхаад̣̇исам̣ сахааяам̣? д̇асмаа д̇умхзсуби яо маяаа сад̣̇д̇хим̣ г̇анд̇ум̣ маад̣̇исо ваа ход̇ум̣ ижчад̇и, со зго жарз каг̇г̇ависаан̣агаббо. ат̇а ваа д̇зхи ‘‘амхз д̣̇аани, бханд̇з, баж̇ахат̇а на ижчат̇аа’’д̇и вуд̇д̇з со бажжзгаб̣уд̣̇д̇хо ‘‘на буд̇д̇амижчзяяа гуд̇о сахааяа’’нд̇и вад̇ваа ад̇д̇ано яат̇аавуд̇д̇знад̇т̇зна згажарияааяа г̇ун̣ам̣ д̣̇исваа бамуд̣̇ид̇о бийд̇исоманассаж̇аад̇о имам̣ уд̣̇аанам̣ уд̣̇аанзси – ‘‘зго жарз каг̇г̇ависаан̣агаббо’’д̇и. звам̣ вад̇ваа бзгкамаанассзва махааж̇анасса аагаасз уббад̇ид̇ваа г̇анд̇хамаад̣̇анам̣ аг̇амааси.

    Ayaṃ pana anusandhi – evaṃ vutte te amaccā āhaṃsu – ‘‘idāni, bhante, kuhiṃ gacchathā’’ti? Tato tena ‘‘pubbapaccekasambuddhā kattha vasantī’’ti āvajjetvā ñatvā ‘‘gandhamādanapabbate’’ti vutte punāhaṃsu – ‘‘amhe dāni, bhante, pajahatha, na icchathā’’ti. Atha paccekabuddho āha – ‘‘na puttamiccheyyā’’ti sabbaṃ. Tatrādhippāyo – ahaṃ idāni atrajādīsu yaṃ kiñci puttampi na iccheyyaṃ, kuto pana tumhādisaṃ sahāyaṃ? Tasmā tumhesupi yo mayā saddhiṃ gantuṃ mādiso vā hotuṃ icchati, so eko care khaggavisāṇakappo. Atha vā tehi ‘‘amhe dāni, bhante, pajahatha na icchathā’’ti vutte so paccekabuddho ‘‘na puttamiccheyya kuto sahāya’’nti vatvā attano yathāvuttenatthena ekacariyāya guṇaṃ disvā pamudito pītisomanassajāto imaṃ udānaṃ udānesi – ‘‘eko care khaggavisāṇakappo’’ti. Evaṃ vatvā pekkhamānasseva mahājanassa ākāse uppatitvā gandhamādanaṃ agamāsi.

    г̇анд̇хамаад̣̇ано наама химавад̇и жуул̣агаал̣абаб̣б̣ад̇ам̣, махаагаал̣абаб̣б̣ад̇ам̣, нааг̇абаливзтанам̣, жанд̣̇аг̇аб̣бхам̣, суурияаг̇аб̣бхам̣, суван̣н̣абассам̣, химаванд̇абаб̣б̣ад̇анд̇и сад̇д̇а баб̣б̣ад̇з ад̇иггамма ход̇и. д̇ад̇т̇а нанд̣̇амуулагам̣ наама баб̣бхаарам̣ бажжзгаб̣уд̣̇д̇хаанам̣ васаногаасо. д̇иссо жа г̇ухааяо – суван̣н̣аг̇ухаа, ман̣иг̇ухаа, раж̇ад̇аг̇ухаад̇и. д̇ад̇т̇а ман̣иг̇ухаад̣̇ваарз ман̃ж̇уусаго наама ругко яож̇анам̣ уб̣б̣зд̇хзна, яож̇анам̣ вид̇т̇аарзна. со яад̇д̇агаани уд̣̇агз ваа т̇алз ваа бубпаани, саб̣б̣аани д̇аани бубпаяад̇и висзсзна бажжзгаб̣уд̣̇д̇хааг̇аманад̣̇ивасз. д̇ассуубарид̇о саб̣б̣арад̇анамаал̣о ход̇и. д̇ад̇т̇а саммаж̇ж̇анагаваад̇о гажаварам̣ чад̣д̣зд̇и, самагаран̣аваад̇о саб̣б̣арад̇анамаяам̣ ваалигам̣ самам̣ гарод̇и, син̃жанагаваад̇о анод̇ад̇д̇ад̣̇ахад̇о аанзд̇ваа уд̣̇агам̣ син̃жад̇и, суг̇анд̇хагаран̣аваад̇о химаванд̇ад̇о саб̣б̣зсам̣ г̇анд̇харугкаанам̣ г̇анд̇хз аанзд̇и, ожинагаваад̇о бубпаани ожинид̇ваа баад̇зд̇и, сант̇арагаваад̇о саб̣б̣ад̇т̇а сант̇арад̇и. сад̣̇аа бан̃н̃ад̇д̇аанзва жзд̇т̇а аасанаани хонд̇и, язсу бажжзгаб̣уд̣̇д̇хуббаад̣̇ад̣̇ивасз убосат̇ад̣̇ивасз жа саб̣б̣абажжзгаб̣уд̣̇д̇хаа саннибад̇ид̇ваа нисийд̣̇анд̇и. аяам̣ д̇ад̇т̇а багад̇и. абхисамб̣уд̣̇д̇ха-бажжзгаб̣уд̣̇д̇хо д̇ад̇т̇а г̇анд̇ваа бан̃н̃ад̇д̇аасанз нисийд̣̇ад̇и. д̇ад̇о сажз д̇асмим̣ гаалз ан̃н̃зби бажжзгаб̣уд̣̇д̇хаа сам̣виж̇ж̇анд̇и, д̇зби д̇ан̇кан̣ам̣ саннибад̇ид̇ваа бан̃н̃ад̇д̇аасанзсу нисийд̣̇анд̇и. нисийд̣̇ид̇ваа жа гин̃жид̣̇зва самаабад̇д̇им̣ самаабаж̇ж̇ид̇ваа вудтаханд̇и, д̇ад̇о сан̇гхад̇т̇зро ад̇хунааг̇ад̇абажжзгаб̣уд̣̇д̇хам̣ саб̣б̣зсам̣ анумод̣̇анад̇т̇ааяа ‘‘гат̇амад̇хиг̇ад̇а’’нд̇и гаммадтаанам̣ бужчад̇и. д̇ад̣̇ааби со д̇амзва ад̇д̇ано уд̣̇аанаб̣яаагаран̣аг̇аат̇ам̣ бхаасад̇и. буна бхаг̇авааби ааяасмад̇аа аананд̣̇зна будто д̇амзва г̇аат̇ам̣ бхаасад̇и, аананд̣̇о жа сан̇г̇ийд̇ияанд̇и звамзгзгаа г̇аат̇аа бажжзгасамб̣од̇хиабхисамб̣уд̣̇д̇хадтаанз, ман̃ж̇уусагамаал̣з , аананд̣̇зна бужчид̇агаалз, сан̇г̇ийд̇ияанд̇и жад̇угкад̇д̇ум̣ бхаасид̇аа ход̇ийд̇и.

    Gandhamādano nāma himavati cūḷakāḷapabbataṃ, mahākāḷapabbataṃ, nāgapaliveṭhanaṃ, candagabbhaṃ, sūriyagabbhaṃ, suvaṇṇapassaṃ, himavantapabbatanti satta pabbate atikkamma hoti. Tattha nandamūlakaṃ nāma pabbhāraṃ paccekabuddhānaṃ vasanokāso. Tisso ca guhāyo – suvaṇṇaguhā, maṇiguhā, rajataguhāti. Tattha maṇiguhādvāre mañjūsako nāma rukkho yojanaṃ ubbedhena, yojanaṃ vitthārena. So yattakāni udake vā thale vā pupphāni, sabbāni tāni pupphayati visesena paccekabuddhāgamanadivase. Tassūparito sabbaratanamāḷo hoti. Tattha sammajjanakavāto kacavaraṃ chaḍḍeti, samakaraṇavāto sabbaratanamayaṃ vālikaṃ samaṃ karoti, siñcanakavāto anotattadahato ānetvā udakaṃ siñcati, sugandhakaraṇavāto himavantato sabbesaṃ gandharukkhānaṃ gandhe āneti, ocinakavāto pupphāni ocinitvā pāteti, santharakavāto sabbattha santharati. Sadā paññattāneva cettha āsanāni honti, yesu paccekabuddhuppādadivase uposathadivase ca sabbapaccekabuddhā sannipatitvā nisīdanti. Ayaṃ tattha pakati. Abhisambuddha-paccekabuddho tattha gantvā paññattāsane nisīdati. Tato sace tasmiṃ kāle aññepi paccekabuddhā saṃvijjanti, tepi taṅkhaṇaṃ sannipatitvā paññattāsanesu nisīdanti. Nisīditvā ca kiñcideva samāpattiṃ samāpajjitvā vuṭṭhahanti, tato saṅghatthero adhunāgatapaccekabuddhaṃ sabbesaṃ anumodanatthāya ‘‘kathamadhigata’’nti kammaṭṭhānaṃ pucchati. Tadāpi so tameva attano udānabyākaraṇagāthaṃ bhāsati. Puna bhagavāpi āyasmatā ānandena puṭṭho tameva gāthaṃ bhāsati, ānando ca saṅgītiyanti evamekekā gāthā paccekasambodhiabhisambuddhaṭṭhāne, mañjūsakamāḷe , ānandena pucchitakāle, saṅgītiyanti catukkhattuṃ bhāsitā hotīti.

    батамаг̇аат̇ааван̣н̣анаа самад̇д̇аа.

    Paṭhamagāthāvaṇṇanā samattā.

    36. сам̣саг̇г̇аж̇аад̇ассаад̇и гаа уббад̇д̇и? аяамби бажжзгаб̣од̇хисад̇д̇о гассабасса бхаг̇авад̇о саасанз вийсад̇и вассасахассаани буриманаязнзва саман̣ад̇хаммам̣ гаронд̇о гасин̣абаригаммам̣ гад̇ваа, батамаж̇жхаанам̣ ниб̣б̣ад̇д̇зд̇ваа, наамаруубам̣ вавад̇т̇абзд̇ваа, лагкан̣асаммасанам̣ гад̇ваа, арияамаг̇г̇ам̣ анад̇хиг̇амма б̣рахмалогз ниб̣б̣ад̇д̇и. со д̇ад̇о жуд̇о б̣аараан̣асиран̃н̃о аг̇г̇амахзсияаа гужчимхи уббаж̇ж̇ид̇ваа буриманаязнзва вад̣дхамаано яад̇о бабхуд̇и ‘‘аяам̣ ид̇т̇ий аяам̣ бурисо’’д̇и висзсам̣ ан̃н̃ааси, д̇ад̇убаад̣̇ааяа ид̇т̇ийнам̣ хад̇т̇з на рамад̇и, ужчаад̣̇ананхаабанаман̣д̣анаад̣̇имад̇д̇амби на сахад̇и. д̇ам̣ бурисаа зва босзнд̇и, т̇ан̃н̃абааяанагаалз д̇хаад̇ияо ган̃жугам̣ бадимун̃жид̇ваа бурисавзсзна т̇ан̃н̃ам̣ бааязнд̇и. со ид̇т̇ийнам̣ г̇анд̇хам̣ гхааяид̇ваа сад̣̇д̣̇ам̣ ваа суд̇ваа род̣̇ад̇и, вин̃н̃уд̇ам̣ бад̇д̇оби ид̇т̇ияо бассид̇ум̣ на ижчад̇и, д̇зна д̇ам̣ анид̇т̇иг̇анд̇ход̇взва сан̃ж̇ааним̣су.

    36.Saṃsaggajātassāti kā uppatti? Ayampi paccekabodhisatto kassapassa bhagavato sāsane vīsati vassasahassāni purimanayeneva samaṇadhammaṃ karonto kasiṇaparikammaṃ katvā, paṭhamajjhānaṃ nibbattetvā, nāmarūpaṃ vavatthapetvā, lakkhaṇasammasanaṃ katvā, ariyamaggaṃ anadhigamma brahmaloke nibbatti. So tato cuto bārāṇasirañño aggamahesiyā kucchimhi uppajjitvā purimanayeneva vaḍḍhamāno yato pabhuti ‘‘ayaṃ itthī ayaṃ puriso’’ti visesaṃ aññāsi, tatupādāya itthīnaṃ hatthe na ramati, ucchādananhāpanamaṇḍanādimattampi na sahati. Taṃ purisā eva posenti, thaññapāyanakāle dhātiyo kañcukaṃ paṭimuñcitvā purisavesena thaññaṃ pāyenti. So itthīnaṃ gandhaṃ ghāyitvā saddaṃ vā sutvā rodati, viññutaṃ pattopi itthiyo passituṃ na icchati, tena taṃ anitthigandhotveva sañjāniṃsu.

    д̇асмим̣ сол̣асавассуд̣̇д̣̇зсигз ж̇аад̇з рааж̇аа ‘‘гулавам̣сам̣ сан̣табзссаамий’’д̇и наанаагулзхи д̇асса ануруубаа ган̃н̃ааяо аанзд̇ваа ан̃н̃ад̇арам̣ амажжам̣ аан̣аабзси ‘‘гумаарам̣ рамаабзхий’’д̇и. амажжо убааязна д̇ам̣ рамаабзд̇угаамо д̇асса авид̣̇уурз саан̣ибаагаарам̣ баригкибаабзд̇ваа наадагаани баяож̇аабзси. гумааро г̇ийд̇аваад̣̇ид̇асад̣̇д̣̇ам̣ суд̇ваа – ‘‘гассзсо сад̣̇д̣̇о’’д̇и ааха. амажжо ‘‘д̇авзсо, д̣̇зва, наадагид̇т̇ийнам̣ сад̣̇д̣̇о, бун̃н̃аванд̇аанам̣ ийд̣̇исаани наадагаани хонд̇и, абхирама, д̣̇зва, махаабун̃н̃оси д̇ва’’нд̇и ааха. гумааро амажжам̣ д̣̇ан̣д̣зна д̇аал̣аабзд̇ваа ниггад̣дхаабзси. со ран̃н̃о аарожзси. рааж̇аа гумаарасса маад̇араа саха г̇анд̇ваа, гумаарам̣ камаабзд̇ваа, буна амажжам̣ аббзси. гумааро д̇зхи ад̇иниббийл̣ияамаано сздтасуван̣н̣ам̣ д̣̇ад̇ваа суван̣н̣агаарз аан̣аабзси – ‘‘сунд̣̇арам̣ ид̇т̇ируубам̣ гарот̇аа’’д̇и. д̇з виссагаммунаа ниммид̇асад̣̇исам̣ саб̣б̣аалан̇гааравибхуусид̇ам̣ ид̇т̇ируубам̣ гад̇ваа д̣̇ассзсум̣. гумааро д̣̇исваа вимхаязна сийсам̣ жаалзд̇ваа маад̇аабид̇уунам̣ бзсзси ‘‘яад̣̇и ийд̣̇исим̣ ид̇т̇им̣ лабхиссаами, г̇ан̣хиссаамий’’д̇и. маад̇аабид̇аро ‘‘амхаагам̣ буд̇д̇о махаабун̃н̃о, авассам̣ д̇зна саха гад̇абун̃н̃аа гаажи д̣̇ааригаа логз уббаннаа бхависсад̇ий’’д̇и д̇ам̣ суван̣н̣аруубам̣ рат̇ам̣ ааробзд̇ваа амажжаанам̣ аббзсум̣ ‘‘г̇ажчат̇а, ийд̣̇исим̣ д̣̇ааригам̣ г̇авзсат̇аа’’д̇и. д̇з г̇ахзд̇ваа сол̣аса махааж̇анабад̣̇з вижаранд̇аа д̇ам̣ д̇ам̣ г̇аамам̣ г̇анд̇ваа уд̣̇агад̇ид̇т̇аад̣̇ийсу яад̇т̇а яад̇т̇а ж̇анасамуухам̣ бассанд̇и, д̇ад̇т̇а д̇ад̇т̇а д̣̇звад̇ам̣ вияа суван̣н̣аруубам̣ табзд̇ваа наанаабубпавад̇т̇аалан̇гаарзхи бууж̇ам̣ гад̇ваа, вид̇аанам̣ б̣анд̇хид̇ваа, згаманд̇ам̣ д̇идтанд̇и – ‘‘яад̣̇и гзнажи зваруубаа д̣̇идтабуб̣б̣аа бхависсад̇и, со гат̇ам̣ самудтаабзссад̇ий’’д̇и? зд̇знубааязна ан̃н̃ад̇ра мад̣̇д̣̇арадтаа саб̣б̣з ж̇анабад̣̇з аахин̣д̣ид̇ваа д̇ам̣ ‘‘куд̣̇д̣̇агарадта’’нд̇и аваман̃н̃амаанаа д̇ад̇т̇а батамам̣ аг̇анд̇ваа нивад̇д̇им̣су.

    Tasmiṃ soḷasavassuddesike jāte rājā ‘‘kulavaṃsaṃ saṇṭhapessāmī’’ti nānākulehi tassa anurūpā kaññāyo ānetvā aññataraṃ amaccaṃ āṇāpesi ‘‘kumāraṃ ramāpehī’’ti. Amacco upāyena taṃ ramāpetukāmo tassa avidūre sāṇipākāraṃ parikkhipāpetvā nāṭakāni payojāpesi. Kumāro gītavāditasaddaṃ sutvā – ‘‘kasseso saddo’’ti āha. Amacco ‘‘taveso, deva, nāṭakitthīnaṃ saddo, puññavantānaṃ īdisāni nāṭakāni honti, abhirama, deva, mahāpuññosi tva’’nti āha. Kumāro amaccaṃ daṇḍena tāḷāpetvā nikkaḍḍhāpesi. So rañño ārocesi. Rājā kumārassa mātarā saha gantvā, kumāraṃ khamāpetvā, puna amaccaṃ appesi. Kumāro tehi atinippīḷiyamāno seṭṭhasuvaṇṇaṃ datvā suvaṇṇakāre āṇāpesi – ‘‘sundaraṃ itthirūpaṃ karothā’’ti. Te vissakammunā nimmitasadisaṃ sabbālaṅkāravibhūsitaṃ itthirūpaṃ katvā dassesuṃ. Kumāro disvā vimhayena sīsaṃ cāletvā mātāpitūnaṃ pesesi ‘‘yadi īdisiṃ itthiṃ labhissāmi, gaṇhissāmī’’ti. Mātāpitaro ‘‘amhākaṃ putto mahāpuñño, avassaṃ tena saha katapuññā kāci dārikā loke uppannā bhavissatī’’ti taṃ suvaṇṇarūpaṃ rathaṃ āropetvā amaccānaṃ appesuṃ ‘‘gacchatha, īdisiṃ dārikaṃ gavesathā’’ti. Te gahetvā soḷasa mahājanapade vicarantā taṃ taṃ gāmaṃ gantvā udakatitthādīsu yattha yattha janasamūhaṃ passanti, tattha tattha devataṃ viya suvaṇṇarūpaṃ ṭhapetvā nānāpupphavatthālaṅkārehi pūjaṃ katvā, vitānaṃ bandhitvā, ekamantaṃ tiṭṭhanti – ‘‘yadi kenaci evarūpā diṭṭhapubbā bhavissati, so kathaṃ samuṭṭhāpessatī’’ti? Etenupāyena aññatra maddaraṭṭhā sabbe janapade āhiṇḍitvā taṃ ‘‘khuddakaraṭṭha’’nti avamaññamānā tattha paṭhamaṃ agantvā nivattiṃsu.

    д̇ад̇о нзсам̣ ахоси ‘‘мад̣̇д̣̇арадтамби д̇аава г̇ажчаама, маа но б̣аараан̣асим̣ бавидтзби рааж̇аа буна баахзсий’’д̇и мад̣̇д̣̇арадтз сааг̇аланаг̇арам̣ аг̇амам̣су. сааг̇аланаг̇арз жа мад̣̇д̣̇аво наама рааж̇аа. д̇асса д̇хийд̇аа сол̣асавассуд̣̇д̣̇зсигаа абхируубаа ход̇и. д̇ассаа ван̣н̣ад̣̇аасияо нхаанод̣̇агад̇т̇ааяа д̇ид̇т̇ам̣ г̇ад̇аа. д̇ад̇т̇а амажжзхи табид̇ам̣ д̇ам̣ суван̣н̣аруубам̣ д̣̇уурад̇ова д̣̇исваа ‘‘амхз уд̣̇агад̇т̇ааяа бзсзд̇ваа рааж̇абуд̇д̇ий саяамзва ааг̇ад̇аа’’д̇и бхан̣анд̇ияо самийбам̣ г̇анд̇ваа ‘‘нааяам̣ сааминий, амхаагам̣ сааминий ид̇о абхируубад̇араа’’д̇и аахам̣су. амажжаа д̇ам̣ суд̇ваа рааж̇аанам̣ убасан̇гамид̇ваа ануруубзна наязна д̣̇ааригам̣ яаажим̣су, соби ад̣̇ааси. д̇ад̇о б̣аараан̣асиран̃н̃о баахзсум̣ ‘‘лад̣̇д̇хаа д̣̇ааригаа, саамам̣ ааг̇ажчиссад̇и, уд̣̇ааху амхзва аанзмаа’’д̇и? со жа ‘‘маяи ааг̇ажчанд̇з ж̇анабад̣̇абийл̣аа бхависсад̇и, д̇умхзва аанзт̇аа’’д̇и бзсзси.

    Tato nesaṃ ahosi ‘‘maddaraṭṭhampi tāva gacchāma, mā no bārāṇasiṃ paviṭṭhepi rājā puna pāhesī’’ti maddaraṭṭhe sāgalanagaraṃ agamaṃsu. Sāgalanagare ca maddavo nāma rājā. Tassa dhītā soḷasavassuddesikā abhirūpā hoti. Tassā vaṇṇadāsiyo nhānodakatthāya titthaṃ gatā. Tattha amaccehi ṭhapitaṃ taṃ suvaṇṇarūpaṃ dūratova disvā ‘‘amhe udakatthāya pesetvā rājaputtī sayameva āgatā’’ti bhaṇantiyo samīpaṃ gantvā ‘‘nāyaṃ sāminī, amhākaṃ sāminī ito abhirūpatarā’’ti āhaṃsu. Amaccā taṃ sutvā rājānaṃ upasaṅkamitvā anurūpena nayena dārikaṃ yāciṃsu, sopi adāsi. Tato bārāṇasirañño pāhesuṃ ‘‘laddhā dārikā, sāmaṃ āgacchissati, udāhu amheva ānemā’’ti? So ca ‘‘mayi āgacchante janapadapīḷā bhavissati, tumheva ānethā’’ti pesesi.

    амажжаа д̣̇ааригам̣ г̇ахзд̇ваа наг̇араа нигкамид̇ваа гумаарасса баахзсум̣ – ‘‘лад̣̇д̇хаа суван̣н̣аруубасад̣̇исий д̣̇ааригаа’’д̇и. гумааро суд̇ваава рааг̇зна абхибхууд̇о батамаж̇жхаанаа барихааяи. со д̣̇ууд̇абарамбарам̣ бзсзси ‘‘сийгхам̣ аанзт̇а, сийгхам̣ аанзт̇аа’’д̇и. д̇з саб̣б̣ад̇т̇а згарад̇д̇иваасзнзва б̣аараан̣асим̣ бад̇ваа б̣ахинаг̇арз тид̇аа ран̃н̃о баахзсум̣ – ‘‘аж̇ж̇а бависид̇аб̣б̣ам̣, но’’д̇и? рааж̇аа ‘‘сздтагулаа аанийд̇аа д̣̇ааригаа, ман̇г̇алагирияам̣ гад̇ваа махаасаггаарзна бавзсзссаама, уяяаанам̣ д̇аава нам̣ нзт̇аа’’д̇и аан̣аабзси. д̇з д̇ат̇аа агам̣су. саа ажжанд̇асукумаалаа яаануг̇гхаад̇зна уб̣б̣аал̣хаа ад̣̇д̇хаанабариссамзна уббаннаваад̇арог̇аа милаад̇амаалаа вияа худ̇ваа рад̇д̇им̣язва гааламагааси. амажжаа ‘‘саггаараа барибхадтамхаа’’д̇и барид̣̇звим̣су. рааж̇аа жа нааг̇араа жа ‘‘гулавам̣со винадто’’д̇и барид̣̇звим̣су. наг̇арз махааголаахалам̣ ахоси. гумаарасса суд̇амад̇д̇зязва махаасого уд̣̇абаад̣̇и. д̇ад̇о гумааро согасса муулам̣ кан̣ид̇умаарад̣̇д̇хо. со жинд̇зси – ‘‘аяам̣ сого наама на аж̇аад̇асса ход̇и, ж̇аад̇асса бана ход̇и, д̇асмаа ж̇аад̇им̣ бадижжа сого’’д̇и. ‘‘ж̇аад̇и бана гим̣ бадижжаа’’д̇и? д̇ад̇о ‘‘бхавам̣ бадижжа ж̇аад̇ий’’д̇и звам̣ буб̣б̣абхааванаанубхаавзна яонисо манасигаронд̇о ануломабадиломабадижжасамуббаад̣̇ам̣ д̣̇исваа сан̇каарз саммасанд̇о д̇ад̇т̇зва нисинно бажжзгаб̣од̇хим̣ сажчаагааси. д̇ам̣ маг̇г̇апаласукзна сукид̇ам̣ санд̇инд̣̇рияам̣ санд̇амаанасам̣ нисиннам̣ д̣̇исваа, бан̣ибаад̇ам̣ гад̇ваа, амажжаа аахам̣су – ‘‘маа сожи, д̣̇зва, маханд̇о ж̇амб̣уд̣̇ийбо, ан̃н̃ам̣ д̇ад̇о сунд̣̇арад̇арам̣ аанзссаамаа’’д̇и. со ааха – ‘‘наахам̣ сожаго, ниссого бажжзгаб̣уд̣̇д̇хо аха’’нд̇и. ид̇о барам̣ саб̣б̣ам̣ буримаг̇аат̇аасад̣̇исамзва табзд̇ваа г̇аат̇ааван̣н̣анам̣.

    Amaccā dārikaṃ gahetvā nagarā nikkhamitvā kumārassa pāhesuṃ – ‘‘laddhā suvaṇṇarūpasadisī dārikā’’ti. Kumāro sutvāva rāgena abhibhūto paṭhamajjhānā parihāyi. So dūtaparamparaṃ pesesi ‘‘sīghaṃ ānetha, sīghaṃ ānethā’’ti. Te sabbattha ekarattivāseneva bārāṇasiṃ patvā bahinagare ṭhitā rañño pāhesuṃ – ‘‘ajja pavisitabbaṃ, no’’ti? Rājā ‘‘seṭṭhakulā ānītā dārikā, maṅgalakiriyaṃ katvā mahāsakkārena pavesessāma, uyyānaṃ tāva naṃ nethā’’ti āṇāpesi. Te tathā akaṃsu. Sā accantasukhumālā yānugghātena ubbāḷhā addhānaparissamena uppannavātarogā milātamālā viya hutvā rattiṃyeva kālamakāsi. Amaccā ‘‘sakkārā paribhaṭṭhamhā’’ti parideviṃsu. Rājā ca nāgarā ca ‘‘kulavaṃso vinaṭṭho’’ti parideviṃsu. Nagare mahākolāhalaṃ ahosi. Kumārassa sutamatteyeva mahāsoko udapādi. Tato kumāro sokassa mūlaṃ khaṇitumāraddho. So cintesi – ‘‘ayaṃ soko nāma na ajātassa hoti, jātassa pana hoti, tasmā jātiṃ paṭicca soko’’ti. ‘‘Jāti pana kiṃ paṭiccā’’ti? Tato ‘‘bhavaṃ paṭicca jātī’’ti evaṃ pubbabhāvanānubhāvena yoniso manasikaronto anulomapaṭilomapaṭiccasamuppādaṃ disvā saṅkhāre sammasanto tattheva nisinno paccekabodhiṃ sacchākāsi. Taṃ maggaphalasukhena sukhitaṃ santindriyaṃ santamānasaṃ nisinnaṃ disvā, paṇipātaṃ katvā, amaccā āhaṃsu – ‘‘mā soci, deva, mahanto jambudīpo, aññaṃ tato sundarataraṃ ānessāmā’’ti. So āha – ‘‘nāhaṃ socako, nissoko paccekabuddho aha’’nti. Ito paraṃ sabbaṃ purimagāthāsadisameva ṭhapetvā gāthāvaṇṇanaṃ.

    г̇аат̇ааван̣н̣анааяам̣ бана сам̣саг̇г̇аж̇аад̇ассаад̇и ж̇аад̇асам̣саг̇г̇асса. д̇ад̇т̇а д̣̇ассана, савана, гааяа, самуллабана, самбхог̇асам̣саг̇г̇авасзна бан̃жавид̇хо сам̣саг̇г̇о. д̇ад̇т̇а ан̃н̃аман̃н̃ам̣ д̣̇исваа жагкувин̃н̃аан̣авийт̇ивасзна уббаннарааг̇о д̣̇ассанасам̣саг̇г̇о наама. д̇ад̇т̇а сийхал̣ад̣̇ийбз гаал̣ад̣̇ийгхаваабийг̇аамз бин̣д̣ааяа жаранд̇ам̣ галяаан̣авихаараваасийд̣̇ийгхабхаан̣агад̣̇ахарабхигкум̣ д̣̇исваа бадиб̣ад̣̇д̇хажид̇д̇аа гзнажи убааязна д̇ам̣ алабхид̇ваа, гаалагад̇аа гудумб̣ияад̇хийд̇аа, д̇ассаа ниваасанажол̣акан̣д̣ам̣ д̣̇исваа ‘‘зваруубавад̇т̇ад̇хааринияаа наама сад̣̇д̇хим̣ сам̣ваасам̣ наалад̇т̇а’’нд̇и хад̣̇аяам̣ паалзд̇ваа гаалагад̇о. со зва жа д̣̇ахаро нид̣̇ассанам̣.

    Gāthāvaṇṇanāyaṃ pana saṃsaggajātassāti jātasaṃsaggassa. Tattha dassana, savana, kāya, samullapana, sambhogasaṃsaggavasena pañcavidho saṃsaggo. Tattha aññamaññaṃ disvā cakkhuviññāṇavīthivasena uppannarāgo dassanasaṃsaggo nāma. Tattha sīhaḷadīpe kāḷadīghavāpīgāme piṇḍāya carantaṃ kalyāṇavihāravāsīdīghabhāṇakadaharabhikkhuṃ disvā paṭibaddhacittā kenaci upāyena taṃ alabhitvā, kālakatā kuṭumbiyadhītā, tassā nivāsanacoḷakhaṇḍaṃ disvā ‘‘evarūpavatthadhāriniyā nāma saddhiṃ saṃvāsaṃ nālattha’’nti hadayaṃ phāletvā kālakato. So eva ca daharo nidassanaṃ.

    барзхи бана гат̇ияамаанам̣ руубаад̣̇исамбад̇д̇им̣ ад̇д̇анаа ваа хасид̇алабид̇аг̇ийд̇асад̣̇д̣̇ам̣ суд̇ваа сод̇авин̃н̃аан̣авийт̇ивасзна уббанно рааг̇о саванасам̣саг̇г̇о наама. д̇ад̇рааби г̇ириг̇аамаваасийгаммаарад̇хийд̇ааяа бан̃жахи гумаарийхи сад̣̇д̇хим̣ бад̣̇умассарам̣ г̇анд̇ваа, нхад̇ваа маалам̣ ааробзд̇ваа, ужжаасад̣̇д̣̇зна г̇ааяанд̇ияаа аагаасзна г̇ажчанд̇о сад̣̇д̣̇ам̣ суд̇ваа гаамарааг̇зна висзсаа барихааяид̇ваа анаяаб̣яасанам̣ бад̇д̇о бан̃жаг̇г̇ал̣алзн̣аваасий д̇иссад̣̇ахаро нид̣̇ассанам̣.

    Parehi pana kathiyamānaṃ rūpādisampattiṃ attanā vā hasitalapitagītasaddaṃ sutvā sotaviññāṇavīthivasena uppanno rāgo savanasaṃsaggo nāma. Tatrāpi girigāmavāsīkammāradhītāya pañcahi kumārīhi saddhiṃ padumassaraṃ gantvā, nhatvā mālaṃ āropetvā, uccāsaddena gāyantiyā ākāsena gacchanto saddaṃ sutvā kāmarāgena visesā parihāyitvā anayabyasanaṃ patto pañcaggaḷaleṇavāsī tissadaharo nidassanaṃ.

    ан̃н̃аман̃н̃ам̣ ан̇г̇абараамасанзна уббаннарааг̇о гааяасам̣саг̇г̇о наама. д̇хаммаг̇ааяанад̣̇ахарабхигку жзд̇т̇а нид̣̇ассанам̣. махаавихаарз гира д̣̇ахарабхигку д̇хаммам̣ бхаасад̇и . д̇ад̇т̇а махааж̇анз ааг̇ад̇з рааж̇ааби аг̇амааси сад̣̇д̇хим̣ анд̇збурзна. д̇ад̇о рааж̇ад̇хийд̇ааяа д̇асса руубан̃жа сад̣̇д̣̇ан̃жа ааг̇амма б̣алаварааг̇о уббанно, д̇асса жа д̣̇ахарассааби. д̇ам̣ д̣̇исваа рааж̇аа саллагкзд̇ваа саан̣ибаагаарзна баригкибаабзси. д̇з ан̃н̃аман̃н̃ам̣ бараамасид̇ваа аалин̇г̇им̣су. буна саан̣ибаагаарам̣ абанзд̇ваа бассанд̇аа д̣̇взби гаалагад̇зязва ад̣̇д̣̇асам̣сууд̇и.

    Aññamaññaṃ aṅgaparāmasanena uppannarāgo kāyasaṃsaggo nāma. Dhammagāyanadaharabhikkhu cettha nidassanaṃ. Mahāvihāre kira daharabhikkhu dhammaṃ bhāsati . Tattha mahājane āgate rājāpi agamāsi saddhiṃ antepurena. Tato rājadhītāya tassa rūpañca saddañca āgamma balavarāgo uppanno, tassa ca daharassāpi. Taṃ disvā rājā sallakkhetvā sāṇipākārena parikkhipāpesi. Te aññamaññaṃ parāmasitvā āliṅgiṃsu. Puna sāṇipākāraṃ apanetvā passantā dvepi kālakateyeva addasaṃsūti.

    ан̃н̃аман̃н̃ам̣ аалабанасамуллабанз уббанно рааг̇о бана самуллабанасам̣саг̇г̇о наама. бхигкубхигкунийхи сад̣̇д̇хим̣ барибхог̇агаран̣з уббаннарааг̇о самбхог̇асам̣саг̇г̇о наама. д̣̇вийсуби жзд̇зсу баарааж̇игаббад̇д̇о бхигку жа бхигкуний жа нид̣̇ассанам̣. мариживаддинаамамахаавихаарамахз гира д̣̇удтаг̇ааман̣и абхаяамахаарааж̇аа махаад̣̇аанам̣ бадияаад̣̇зд̇ваа убхад̇осан̇гхам̣ баривисад̇и. д̇ад̇т̇а ун̣хаяааг̇уяаа д̣̇иннааяа сан̇гханавагасааман̣зрий анаад̇хаарагасса сан̇гханавагасааман̣зрасса д̣̇анд̇авалаяам̣ д̣̇ад̇ваа самуллаабам̣ агааси. д̇з убхоби убасамбаж̇ж̇ид̇ваа садтивассаа худ̇ваа барад̇ийрам̣ г̇ад̇аа ан̃н̃аман̃н̃ам̣ самуллаабзна буб̣б̣асан̃н̃ам̣ бадилабхид̇ваа д̇аавад̣̇зва ж̇аад̇асинзхаа сигкаабад̣̇ам̣ вийд̇иггамид̇ваа баарааж̇игаа ахзсунд̇и.

    Aññamaññaṃ ālapanasamullapane uppanno rāgo pana samullapanasaṃsaggo nāma. Bhikkhubhikkhunīhi saddhiṃ paribhogakaraṇe uppannarāgo sambhogasaṃsaggo nāma. Dvīsupi cetesu pārājikappatto bhikkhu ca bhikkhunī ca nidassanaṃ. Maricivaṭṭināmamahāvihāramahe kira duṭṭhagāmaṇi abhayamahārājā mahādānaṃ paṭiyādetvā ubhatosaṅghaṃ parivisati. Tattha uṇhayāguyā dinnāya saṅghanavakasāmaṇerī anādhārakassa saṅghanavakasāmaṇerassa dantavalayaṃ datvā samullāpaṃ akāsi. Te ubhopi upasampajjitvā saṭṭhivassā hutvā paratīraṃ gatā aññamaññaṃ samullāpena pubbasaññaṃ paṭilabhitvā tāvadeva jātasinehā sikkhāpadaṃ vītikkamitvā pārājikā ahesunti.

    звам̣ бан̃жавид̇хз сам̣саг̇г̇з язна гзнажи сам̣саг̇г̇зна ж̇аад̇асам̣саг̇г̇асса бхавад̇и снзхо, буримарааг̇абажжаяаа б̣алаварааг̇о уббаж̇ж̇ад̇и. д̇ад̇о снзханваяам̣ д̣̇угкамид̣̇ам̣ баход̇и д̇амзва снзхам̣ ануг̇ажчанд̇ам̣ санд̣̇идтигасамбарааяигасогабарид̣̇зваад̣̇инаанаббагаарагам̣ д̣̇угкамид̣̇ам̣ баход̇и, ниб̣б̣ад̇д̇ад̇и, бхавад̇и, ж̇ааяад̇и. абарз бана ‘‘аарамман̣з жид̇д̇асса воссаг̇г̇о сам̣саг̇г̇о’’д̇и бхан̣анд̇и. д̇ад̇о снзхо, снзхаа д̣̇угкамид̣̇анд̇и.

    Evaṃ pañcavidhe saṃsagge yena kenaci saṃsaggena jātasaṃsaggassa bhavati sneho, purimarāgapaccayā balavarāgo uppajjati. Tato snehanvayaṃ dukkhamidaṃ pahoti tameva snehaṃ anugacchantaṃ sandiṭṭhikasamparāyikasokaparidevādinānappakārakaṃ dukkhamidaṃ pahoti, nibbattati, bhavati, jāyati. Apare pana ‘‘ārammaṇe cittassa vossaggo saṃsaggo’’ti bhaṇanti. Tato sneho, snehā dukkhamidanti.

    звамад̇т̇аббабхзд̣̇ам̣ имам̣ ад̣дхаг̇аат̇ам̣ вад̇ваа со бажжзгаб̣уд̣̇д̇хо ааха – ‘‘сваахам̣ яамид̣̇ам̣ снзханваяам̣ согаад̣̇ид̣̇угкам̣ баход̇и, д̇асса д̣̇угкасса муулам̣ кананд̇о бажжзгасамб̣од̇химад̇хиг̇ад̇о’’д̇и. звам̣ вуд̇д̇з д̇з амажжаа аахам̣су – ‘‘амхзхи д̣̇аани, бханд̇з, гим̣ гаад̇аб̣б̣а’’нд̇и? д̇ад̇о со ааха – ‘‘д̇умхз ваа ан̃н̃з ваа яо имамхаа д̣̇угкаа мужжид̇угаамо, со саб̣б̣оби аад̣̇ийнавам̣ снзхаж̇ам̣ бзгкамаано, зго жарз каг̇г̇ависаан̣агаббо’’д̇и. зд̇т̇а жа яам̣ ‘‘снзханваяам̣ д̣̇угкамид̣̇ам̣ баход̇ий’’д̇и вуд̇д̇ам̣ ‘‘д̇ад̣̇зва санд̇хааяа аад̣̇ийнавам̣ снзхаж̇ам̣ бзгкамаано’’д̇и ид̣̇ам̣ вуд̇д̇анд̇и взд̣̇ид̇аб̣б̣ам̣. ат̇а ваа яат̇аавуд̇д̇зна сам̣саг̇г̇зна сам̣саг̇г̇аж̇аад̇асса бхавад̇и снзхо, снзханваяам̣ д̣̇угкамид̣̇ам̣ баход̇и, зд̇ам̣ яат̇аабхууд̇ам̣ аад̣̇ийнавам̣ снзхаж̇ам̣ бзгкамаано ахам̣ ад̇хиг̇ад̇од̇и. звам̣ абхисамб̣анд̇хид̇ваа жад̇уд̇т̇абаад̣̇о буб̣б̣з вуд̇д̇анаязнзва уд̣̇аанавасзна вуд̇д̇оби взд̣̇ид̇аб̣б̣о. д̇ад̇о барам̣ саб̣б̣ам̣ буримаг̇аат̇ааяа вуд̇д̇асад̣̇исамзваад̇и.

    Evamatthappabhedaṃ imaṃ aḍḍhagāthaṃ vatvā so paccekabuddho āha – ‘‘svāhaṃ yamidaṃ snehanvayaṃ sokādidukkhaṃ pahoti, tassa dukkhassa mūlaṃ khananto paccekasambodhimadhigato’’ti. Evaṃ vutte te amaccā āhaṃsu – ‘‘amhehi dāni, bhante, kiṃ kātabba’’nti? Tato so āha – ‘‘tumhe vā aññe vā yo imamhā dukkhā muccitukāmo, so sabbopi ādīnavaṃ snehajaṃ pekkhamāno, eko care khaggavisāṇakappo’’ti. Ettha ca yaṃ ‘‘snehanvayaṃ dukkhamidaṃ pahotī’’ti vuttaṃ ‘‘tadeva sandhāya ādīnavaṃ snehajaṃ pekkhamāno’’ti idaṃ vuttanti veditabbaṃ. Atha vā yathāvuttena saṃsaggena saṃsaggajātassa bhavati sneho, snehanvayaṃ dukkhamidaṃ pahoti, etaṃ yathābhūtaṃ ādīnavaṃ snehajaṃ pekkhamāno ahaṃ adhigatoti. Evaṃ abhisambandhitvā catutthapādo pubbe vuttanayeneva udānavasena vuttopi veditabbo. Tato paraṃ sabbaṃ purimagāthāya vuttasadisamevāti.

    сам̣саг̇г̇аг̇аат̇ааван̣н̣анаа самад̇д̇аа.

    Saṃsaggagāthāvaṇṇanā samattā.

    37. мид̇д̇з сухаж̇ж̇зд̇и гаа уббад̇д̇и? аяам̣ бажжзгаб̣од̇хисад̇д̇о буримаг̇аат̇ааяа вуд̇д̇анаязнзва уббаж̇ж̇ид̇ваа б̣аараан̣асияам̣ раж̇ж̇ам̣ гаарзнд̇о батамам̣ жхаанам̣ ниб̣б̣ад̇д̇зд̇ваа ‘‘гим̣ саман̣ад̇хаммо варо, раж̇ж̇ам̣ вара’’нд̇и виймам̣сид̇ваа жад̇уннам̣ амажжаанам̣ хад̇т̇з раж̇ж̇ам̣ нияяаад̇зд̇ваа саман̣ад̇хаммам̣ гарод̇и. амажжаа ‘‘д̇хаммзна самзна гарот̇аа’’д̇и вуд̇д̇ааби лан̃ж̇ам̣ г̇ахзд̇ваа ад̇хаммзна гаронд̇и. д̇з лан̃ж̇ам̣ г̇ахзд̇ваа саамигз барааж̇знд̇аа згад̣̇аа ан̃н̃ад̇арам̣ рааж̇аваллабхам̣ барааж̇зсум̣. со ран̃н̃о бхад̇д̇ахаарагзна сад̣̇д̇хим̣ бависид̇ваа саб̣б̣ам̣ аарожзси. рааж̇аа д̣̇уд̇ияад̣̇ивасз саяам̣ винижчаяадтаанам̣ аг̇амааси. д̇ад̇о махааж̇анагааяаа – ‘‘амажжаа саамигз асаамигз гаронд̇ий’’д̇и махаасад̣̇д̣̇ам̣ гаронд̇аа махааяуд̣̇д̇хам̣ вияа агам̣су. ат̇а рааж̇аа винижчаяадтаанаа вудтааяа баасаад̣̇ам̣ абхирухид̇ваа самаабад̇д̇им̣ аббзд̇ум̣ нисинно д̇зна сад̣̇д̣̇зна вигкид̇д̇ажид̇д̇о на саггод̇и аббзд̇ум̣. со ‘‘гим̣ мз раж̇ж̇зна, саман̣ад̇хаммо варо’’д̇и раж̇ж̇асукам̣ бахааяа буна самаабад̇д̇им̣ ниб̣б̣ад̇д̇зд̇ваа буб̣б̣з вуд̇д̇анаязнзва вибассанд̇о бажжзгасамб̣од̇хим̣ сажчаагааси. гаммадтаанан̃жа бужчид̇о имам̣ г̇аат̇ам̣ абхааси –

    37.Mitte suhajjeti kā uppatti? Ayaṃ paccekabodhisatto purimagāthāya vuttanayeneva uppajjitvā bārāṇasiyaṃ rajjaṃ kārento paṭhamaṃ jhānaṃ nibbattetvā ‘‘kiṃ samaṇadhammo varo, rajjaṃ vara’’nti vīmaṃsitvā catunnaṃ amaccānaṃ hatthe rajjaṃ niyyātetvā samaṇadhammaṃ karoti. Amaccā ‘‘dhammena samena karothā’’ti vuttāpi lañjaṃ gahetvā adhammena karonti. Te lañjaṃ gahetvā sāmike parājentā ekadā aññataraṃ rājavallabhaṃ parājesuṃ. So rañño bhattahārakena saddhiṃ pavisitvā sabbaṃ ārocesi. Rājā dutiyadivase sayaṃ vinicchayaṭṭhānaṃ agamāsi. Tato mahājanakāyā – ‘‘amaccā sāmike asāmike karontī’’ti mahāsaddaṃ karontā mahāyuddhaṃ viya akaṃsu. Atha rājā vinicchayaṭṭhānā vuṭṭhāya pāsādaṃ abhiruhitvā samāpattiṃ appetuṃ nisinno tena saddena vikkhittacitto na sakkoti appetuṃ. So ‘‘kiṃ me rajjena, samaṇadhammo varo’’ti rajjasukhaṃ pahāya puna samāpattiṃ nibbattetvā pubbe vuttanayeneva vipassanto paccekasambodhiṃ sacchākāsi. Kammaṭṭhānañca pucchito imaṃ gāthaṃ abhāsi –

    ‘‘мид̇д̇з сухаж̇ж̇з анугамбамаано, хаабзд̇и ад̇т̇ам̣ бадиб̣ад̣̇д̇хажид̇д̇о;

    ‘‘Mitte suhajje anukampamāno, hāpeti atthaṃ paṭibaddhacitto;

    зд̇ам̣ бхаяам̣ сант̇авз бзгкамаано, зго жарз каг̇г̇ависаан̣агаббо’’д̇и.

    Etaṃ bhayaṃ santhave pekkhamāno, eko care khaggavisāṇakappo’’ti.

    д̇ад̇т̇а мзд̇д̇ааяанавасзна мид̇д̇аа. сухад̣̇аяабхаавзна сухаж̇ж̇аа. гзжи хи зганд̇ахид̇агаамад̇ааяа мид̇д̇аава хонд̇и, на сухаж̇ж̇аа. гзжи г̇аманааг̇аманадтаананисаж̇ж̇аасамуллаабаад̣̇ийсу хад̣̇аяасукаж̇ананзна сухаж̇ж̇аава хонд̇и, на мид̇д̇аа. гзжи д̇ад̣̇убхаяавасзна сухаж̇ж̇аа жзва мид̇д̇аа жа. д̇з д̣̇увид̇хаа хонд̇и – аг̇аарияаа анаг̇аарияаа жа. д̇ад̇т̇а аг̇аарияаа д̇ивид̇хаа хонд̇и – убагааро, самаанасукад̣̇угко, анугамбагод̇и. анаг̇аарияаа висзсзна ад̇т̇агкааяино зва. д̇з жад̇уухи ан̇г̇зхи саманнааг̇ад̇аа хонд̇и. яат̇ааха –

    Tattha mettāyanavasena mittā. Suhadayabhāvena suhajjā. Keci hi ekantahitakāmatāya mittāva honti, na suhajjā. Keci gamanāgamanaṭṭhānanisajjāsamullāpādīsu hadayasukhajananena suhajjāva honti, na mittā. Keci tadubhayavasena suhajjā ceva mittā ca. Te duvidhā honti – agāriyā anagāriyā ca. Tattha agāriyā tividhā honti – upakāro, samānasukhadukkho, anukampakoti. Anagāriyā visesena atthakkhāyino eva. Te catūhi aṅgehi samannāgatā honti. Yathāha –

    ‘‘жад̇уухи ко, г̇ахабад̇ибуд̇д̇а, таанзхи убагааро мид̇д̇о сухад̣̇о взд̣̇ид̇аб̣б̣о – бамад̇д̇ам̣ рагкад̇и, бамад̇д̇асса саабад̇зяяам̣ рагкад̇и, бхийд̇асса саран̣ам̣ ход̇и, уббаннзсу гижжагаран̣ийязсу д̇ад̣̇д̣̇иг̇ун̣ам̣ бхог̇ам̣ ануббад̣̇зд̇и’’ (д̣̇ий. ни. 3.261).

    ‘‘Catūhi kho, gahapatiputta, ṭhānehi upakāro mitto suhado veditabbo – pamattaṃ rakkhati, pamattassa sāpateyyaṃ rakkhati, bhītassa saraṇaṃ hoti, uppannesu kiccakaraṇīyesu taddiguṇaṃ bhogaṃ anuppadeti’’ (dī. ni. 3.261).

    д̇ат̇аа –

    Tathā –

    ‘‘жад̇уухи ко, г̇ахабад̇ибуд̇д̇а, таанзхи самаанасукад̣̇угко мид̇д̇о сухад̣̇о взд̣̇ид̇аб̣б̣о – г̇уяхамасса аажигкад̇и, г̇уяхамасса бариг̇уухад̇и, аабад̣̇аасу на виж̇ахад̇и, ж̇ийвид̇амбисса ад̇т̇ааяа барижжад̇д̇ам̣ ход̇и’’ (д̣̇ий. ни. 3.262).

    ‘‘Catūhi kho, gahapatiputta, ṭhānehi samānasukhadukkho mitto suhado veditabbo – guyhamassa ācikkhati, guyhamassa parigūhati, āpadāsu na vijahati, jīvitampissa atthāya pariccattaṃ hoti’’ (dī. ni. 3.262).

    д̇ат̇аа –

    Tathā –

    ‘‘жад̇уухи ко, г̇ахабад̇ибуд̇д̇а, таанзхи анугамбаго мид̇д̇о сухад̣̇о взд̣̇ид̇аб̣б̣о – абхавзнасса на нанд̣̇ад̇и, бхавзнасса нанд̣̇ад̇и, аван̣н̣ам̣ бхан̣амаанам̣ ниваарзд̇и, ван̣н̣ам̣ бхан̣амаанам̣ басам̣сад̇и’’ (д̣̇ий. ни. 3.264).

    ‘‘Catūhi kho, gahapatiputta, ṭhānehi anukampako mitto suhado veditabbo – abhavenassa na nandati, bhavenassa nandati, avaṇṇaṃ bhaṇamānaṃ nivāreti, vaṇṇaṃ bhaṇamānaṃ pasaṃsati’’ (dī. ni. 3.264).

    д̇ат̇аа –

    Tathā –

    ‘‘жад̇уухи ко, г̇ахабад̇ибуд̇д̇а, таанзхи ад̇т̇агкааяий мид̇д̇о сухад̣̇о взд̣̇ид̇аб̣б̣о – баабаа ниваарзд̇и, галяаан̣з нивзсзд̇и, ассуд̇ам̣ саавзд̇и, саг̇г̇асса маг̇г̇ам̣ аажигкад̇ий’’д̇и (д̣̇ий. ни. 3.263).

    ‘‘Catūhi kho, gahapatiputta, ṭhānehi atthakkhāyī mitto suhado veditabbo – pāpā nivāreti, kalyāṇe niveseti, assutaṃ sāveti, saggassa maggaṃ ācikkhatī’’ti (dī. ni. 3.263).

    д̇зсвид̇ха аг̇аарияаа ад̇хиббзд̇аа. ад̇т̇ад̇о бана саб̣б̣зби яуж̇ж̇анд̇и. д̇з мид̇д̇з сухаж̇ж̇з. анугамбамаанод̇и ануд̣̇аяамаано. д̇зсам̣ сукам̣ убасам̣харид̇угаамо д̣̇угкам̣ абахарид̇угаамо жа.

    Tesvidha agāriyā adhippetā. Atthato pana sabbepi yujjanti. Te mitte suhajje. Anukampamānoti anudayamāno. Tesaṃ sukhaṃ upasaṃharitukāmo dukkhaṃ apaharitukāmo ca.

    хаабзд̇и ад̇т̇анд̇и д̣̇идтад̇хаммигасамбарааяигабарамад̇т̇авасзна д̇ивид̇хам̣, д̇ат̇аа ад̇д̇ад̇т̇абарад̇т̇аубхаяад̇т̇авасзнааби д̇ивид̇хам̣. ад̇т̇ам̣ лад̣̇д̇хавинаасанзна алад̣̇д̇хаануббаад̣̇анзнаад̇и д̣̇вид̇хааби хаабзд̇и винаасзд̇и. бадиб̣ад̣̇д̇хажид̇д̇од̇и ‘‘ахам̣ имам̣ винаа на ж̇ийваами, зса мз г̇ад̇и, зса мз барааяан̣а’’нд̇и звам̣ ад̇д̇аанам̣ нийжз таанз табзнд̇оби бадиб̣ад̣̇д̇хажид̇д̇о ход̇и. ‘‘имз мам̣ винаа на ж̇ийванд̇и, ахам̣ д̇зсам̣ г̇ад̇и, д̇зсам̣ барааяан̣а’’нд̇и звам̣ ад̇д̇аанам̣ ужжз таанз табзнд̇оби бадиб̣ад̣̇д̇хажид̇д̇о ход̇и. ид̇ха бана звам̣ бадиб̣ад̣̇д̇хажид̇д̇о ад̇хиббзд̇о. зд̇ам̣ бхаяанд̇и зд̇ам̣ ад̇т̇ахаабанабхаяам̣, ад̇д̇ано самаабад̇д̇ихааним̣ санд̇хааяа вуд̇д̇ам̣. сант̇авзд̇и д̇ивид̇хо сант̇аво – д̇ан̣хаад̣̇идтимид̇д̇асант̇ававасзна. д̇ад̇т̇а адтасад̇аббабхзд̣̇ааби д̇ан̣хаа д̇ан̣хаасант̇аво, д̣̇ваасадтибхзд̣̇ааби д̣̇идти д̣̇идтисант̇аво, бадиб̣ад̣̇д̇хажид̇д̇ад̇ааяа мид̇д̇аанугамбанаа мид̇д̇асант̇аво. со ид̇хаад̇хиббзд̇о. д̇зна хисса самаабад̇д̇и барихийнаа. д̇знааха – ‘‘зд̇ам̣ бхаяам̣ сант̇авз бзгкамаано ахамад̇хиг̇ад̇о’’д̇и. сзсам̣ вуд̇д̇асад̣̇исамзваад̇и взд̣̇ид̇аб̣б̣анд̇и.

    Hāpeti atthanti diṭṭhadhammikasamparāyikaparamatthavasena tividhaṃ, tathā attatthaparatthaubhayatthavasenāpi tividhaṃ. Atthaṃ laddhavināsanena aladdhānuppādanenāti dvidhāpi hāpeti vināseti. Paṭibaddhacittoti ‘‘ahaṃ imaṃ vinā na jīvāmi, esa me gati, esa me parāyaṇa’’nti evaṃ attānaṃ nīce ṭhāne ṭhapentopi paṭibaddhacitto hoti. ‘‘Ime maṃ vinā na jīvanti, ahaṃ tesaṃ gati, tesaṃ parāyaṇa’’nti evaṃ attānaṃ ucce ṭhāne ṭhapentopi paṭibaddhacitto hoti. Idha pana evaṃ paṭibaddhacitto adhippeto. Etaṃ bhayanti etaṃ atthahāpanabhayaṃ, attano samāpattihāniṃ sandhāya vuttaṃ. Santhaveti tividho santhavo – taṇhādiṭṭhimittasanthavavasena. Tattha aṭṭhasatappabhedāpi taṇhā taṇhāsanthavo, dvāsaṭṭhibhedāpi diṭṭhi diṭṭhisanthavo, paṭibaddhacittatāya mittānukampanā mittasanthavo. So idhādhippeto. Tena hissa samāpatti parihīnā. Tenāha – ‘‘etaṃ bhayaṃ santhave pekkhamāno ahamadhigato’’ti. Sesaṃ vuttasadisamevāti veditabbanti.

    мид̇д̇асухаж̇ж̇аг̇аат̇ааван̣н̣анаа самад̇д̇аа.

    Mittasuhajjagāthāvaṇṇanā samattā.

    38. вам̣со висаалод̇и гаа уббад̇д̇и? буб̣б̣з гира гассабасса бхаг̇авад̇о саасанз д̇аяо бажжзгаб̣од̇хисад̇д̇аа баб̣б̣аж̇ид̇ваа вийсад̇и вассасахассаани г̇ад̇абажжааг̇ад̇авад̇д̇ам̣ буурзд̇ваа д̣̇звалогз уббаннаа. д̇ад̇о жавид̇ваа д̇зсам̣ ж̇здтаго б̣аараан̣асирааж̇агулз ниб̣б̣ад̇д̇о, ид̇арз бажжанд̇арааж̇агулзсу. д̇з убхоби гаммадтаанам̣ уг̇г̇ан̣хид̇ваа, раж̇ж̇ам̣ бахааяа баб̣б̣аж̇ид̇ваа, ануггамзна бажжзгаб̣уд̣̇д̇хаа худ̇ваа, нанд̣̇амуулагабаб̣бхаарз васанд̇аа згад̣̇ивасам̣ самаабад̇д̇ид̇о вудтааяа ‘‘маяам̣ гим̣ гаммам̣ гад̇ваа имам̣ логуд̇д̇арасукам̣ ануббад̇д̇аа’’д̇и ааваж̇ж̇зд̇ваа бажжавзгкамаанаа гассабаб̣уд̣̇д̇хагаалз ад̇д̇ано жарияам̣ ад̣̇д̣̇асам̣су. д̇ад̇о ‘‘д̇ад̇ияо гухи’’нд̇и ааваж̇ж̇знд̇аа б̣аараан̣асияам̣ раж̇ж̇ам̣ гаарзнд̇ам̣ д̣̇исваа д̇асса г̇ун̣з сарид̇ваа ‘‘со багад̇ияаава аббижчад̇аад̣̇иг̇ун̣асаманнааг̇ад̇о ахоси, амхааган̃н̃зва оваад̣̇аго вад̇д̇аа важанагкамо баабаг̇арахий, ханд̣̇а, нам̣ аарамман̣ам̣ д̣̇ассзд̇ваа можзссаамаа’’д̇и огаасам̣ г̇авзсанд̇аа д̇ам̣ згад̣̇ивасам̣ саб̣б̣аалан̇гааравибхуусид̇ам̣ уяяаанам̣ г̇ажчанд̇ам̣ д̣̇исваа аагаасзнааг̇анд̇ваа уяяаанад̣̇ваарз взл̣уг̇умб̣амуулз адтам̣су. махааж̇ано ад̇ид̇д̇о рааж̇ад̣̇ассанзна рааж̇аанам̣ ологзд̇и. д̇ад̇о рааж̇аа ‘‘ад̇т̇и ну ко гожи мама д̣̇ассанз аб̣яаавадо’’д̇и ологзнд̇о бажжзгаб̣уд̣̇д̇хз ад̣̇д̣̇агки. саха д̣̇ассанзнзва жасса д̇зсу синзхо уббаж̇ж̇и.

    38.Vaṃso visāloti kā uppatti? Pubbe kira kassapassa bhagavato sāsane tayo paccekabodhisattā pabbajitvā vīsati vassasahassāni gatapaccāgatavattaṃ pūretvā devaloke uppannā. Tato cavitvā tesaṃ jeṭṭhako bārāṇasirājakule nibbatto, itare paccantarājakulesu. Te ubhopi kammaṭṭhānaṃ uggaṇhitvā, rajjaṃ pahāya pabbajitvā, anukkamena paccekabuddhā hutvā, nandamūlakapabbhāre vasantā ekadivasaṃ samāpattito vuṭṭhāya ‘‘mayaṃ kiṃ kammaṃ katvā imaṃ lokuttarasukhaṃ anuppattā’’ti āvajjetvā paccavekkhamānā kassapabuddhakāle attano cariyaṃ addasaṃsu. Tato ‘‘tatiyo kuhi’’nti āvajjentā bārāṇasiyaṃ rajjaṃ kārentaṃ disvā tassa guṇe saritvā ‘‘so pakatiyāva appicchatādiguṇasamannāgato ahosi, amhākaññeva ovādako vattā vacanakkhamo pāpagarahī, handa, naṃ ārammaṇaṃ dassetvā mocessāmā’’ti okāsaṃ gavesantā taṃ ekadivasaṃ sabbālaṅkāravibhūsitaṃ uyyānaṃ gacchantaṃ disvā ākāsenāgantvā uyyānadvāre veḷugumbamūle aṭṭhaṃsu. Mahājano atitto rājadassanena rājānaṃ oloketi. Tato rājā ‘‘atthi nu kho koci mama dassane abyāvaṭo’’ti olokento paccekabuddhe addakkhi. Saha dassaneneva cassa tesu sineho uppajji.

    со хад̇т̇игканд̇хаа оруяха санд̇зна убажаарзна д̇з убасан̇гамид̇ваа ‘‘бханд̇з, гим̣ наамаа д̇умхз’’д̇и бужчи. д̇з аахам̣су ‘‘маяам̣, махаарааж̇а, асаж̇ж̇амаанаа наамаа’’д̇и. ‘‘бханд̇з, ‘асаж̇ж̇амаанаа’д̇и зд̇асса го ад̇т̇о’’д̇и? ‘‘алаг̇г̇анад̇т̇о, махаарааж̇аа’’д̇и. д̇ад̇о д̇ам̣ взл̣уг̇умб̣ам̣ д̣̇ассзнд̇аа аахам̣су – ‘‘сзяяат̇ааби, махаарааж̇а, имам̣ взл̣уг̇умб̣ам̣ саб̣б̣асо муулаканд̇хасаакаанусаакаахи сам̣сиб̣б̣ид̇ваа тид̇ам̣ асихад̇т̇о бурисо муулз чзд̇ваа аавин̃чанд̇о на саггун̣зяяа уд̣̇д̇харид̇ум̣ , звамзва д̇вам̣ анд̇о жа б̣ахи жа ж̇адааяа ж̇адид̇о аасад̇д̇ависад̇д̇о д̇ад̇т̇а лаг̇г̇о. сзяяат̇ааби ваа банасса взмаж̇жхаг̇ад̇оби аяам̣ вам̣сагал̣ийро асан̃ж̇аад̇асаакад̇д̇аа гзнажи алаг̇г̇о тид̇о, саггаа жа бана аг̇г̇з ваа муулз ваа чзд̇ваа уд̣̇д̇харид̇ум̣, звамзва маяам̣ гад̇т̇ажи асаж̇ж̇амаанаа саб̣б̣ад̣̇исаа г̇ажчаамаа’’д̇и д̇аавад̣̇зва жад̇уд̇т̇аж̇жхаанам̣ самаабаж̇ж̇ид̇ваа бассад̇о зва ран̃н̃о аагаасзна нанд̣̇амуулагабаб̣бхаарам̣ аг̇амам̣су. д̇ад̇о рааж̇аа жинд̇зси – ‘‘гад̣̇аа ну ко ахамби звам̣ асаж̇ж̇амаано бхавзяяа’’нд̇и д̇ад̇т̇зва нисийд̣̇ид̇ваа вибассанд̇о бажжзгаб̣од̇хим̣ сажчаагааси. буриманаязнзва гаммадтаанам̣ бужчид̇о имам̣ г̇аат̇ам̣ абхааси –

    So hatthikkhandhā oruyha santena upacārena te upasaṅkamitvā ‘‘bhante, kiṃ nāmā tumhe’’ti pucchi. Te āhaṃsu ‘‘mayaṃ, mahārāja, asajjamānā nāmā’’ti. ‘‘Bhante, ‘asajjamānā’ti etassa ko attho’’ti? ‘‘Alagganattho, mahārājā’’ti. Tato taṃ veḷugumbaṃ dassentā āhaṃsu – ‘‘seyyathāpi, mahārāja, imaṃ veḷugumbaṃ sabbaso mūlakhandhasākhānusākhāhi saṃsibbitvā ṭhitaṃ asihattho puriso mūle chetvā āviñchanto na sakkuṇeyya uddharituṃ , evameva tvaṃ anto ca bahi ca jaṭāya jaṭito āsattavisatto tattha laggo. Seyyathāpi vā panassa vemajjhagatopi ayaṃ vaṃsakaḷīro asañjātasākhattā kenaci alaggo ṭhito, sakkā ca pana agge vā mūle vā chetvā uddharituṃ, evameva mayaṃ katthaci asajjamānā sabbadisā gacchāmā’’ti tāvadeva catutthajjhānaṃ samāpajjitvā passato eva rañño ākāsena nandamūlakapabbhāraṃ agamaṃsu. Tato rājā cintesi – ‘‘kadā nu kho ahampi evaṃ asajjamāno bhaveyya’’nti tattheva nisīditvā vipassanto paccekabodhiṃ sacchākāsi. Purimanayeneva kammaṭṭhānaṃ pucchito imaṃ gāthaṃ abhāsi –

    ‘‘вам̣со висаалова яат̇аа висад̇д̇о, буд̇д̇зсу д̣̇аарзсу жа яаа абзгкаа;

    ‘‘Vaṃso visālova yathā visatto, puttesu dāresu ca yā apekkhā;

    вам̣саггал̣ийрова асаж̇ж̇амаано, зго жарз каг̇г̇ависаан̣агаббо’’д̇и.

    Vaṃsakkaḷīrova asajjamāno, eko care khaggavisāṇakappo’’ti.

    д̇ад̇т̇а вам̣сод̇и взл̣у. висаалод̇и вид̇т̇ин̣н̣о. жагааро авад̇хааран̣ад̇т̇о, звагааро ваа аяам̣, санд̇хивасзнзд̇т̇а згааро надто. д̇асса барабад̣̇зна самб̣анд̇хо, д̇ам̣ бажчаа яож̇зссаама. яат̇аад̇и бадибхааг̇з. висад̇д̇од̇и лаг̇г̇о, ж̇адид̇о сам̣сиб̣б̣ид̇о. буд̇д̇зсу д̣̇аарзсу жаад̇и буд̇д̇ад̇хийд̇убхарияаасу. яаа абзгкаад̇и яаа д̇ан̣хаа яо снзхо. вам̣саггал̣ийрова асаж̇ж̇амаанод̇и вам̣сагал̣ийро вияа алаг̇г̇амаано. гим̣ вуд̇д̇ам̣ ход̇и? яат̇аа вам̣со висаало висад̇д̇о зва ход̇и, буд̇д̇зсу д̣̇аарзсу жа яаа абзгкаа, сааби звам̣ д̇аани вад̇т̇ууни сам̣сиб̣б̣ид̇ваа тид̇ад̇д̇аа висад̇д̇аа зва. сваахам̣ д̇ааяа абзгкааяа абзгкаваа висаало вам̣со вияа висад̇д̇од̇и звам̣ абзгкааяа аад̣̇ийнавам̣ д̣̇исваа д̇ам̣ абзгкам̣ маг̇г̇ан̃аан̣зна чинд̣̇анд̇о аяам̣ вам̣сагал̣ийрова руубаад̣̇ийсу ваа лобхаад̣̇ийсу ваа гаамабхаваад̣̇ийсу ваа д̣̇идтаад̣̇ийсу ваа д̇ан̣хаамаанад̣̇идтивасзна асаж̇ж̇амаано бажжзгаб̣од̇хим̣ ад̇хиг̇ад̇од̇и. сзсам̣ буриманаязнзва взд̣̇ид̇аб̣б̣анд̇и.

    Tattha vaṃsoti veḷu. Visāloti vitthiṇṇo. Cakāro avadhāraṇattho, evakāro vā ayaṃ, sandhivasenettha ekāro naṭṭho. Tassa parapadena sambandho, taṃ pacchā yojessāma. Yathāti paṭibhāge. Visattoti laggo, jaṭito saṃsibbito. Puttesu dāresu cāti puttadhītubhariyāsu. Yā apekkhāti yā taṇhā yo sneho. Vaṃsakkaḷīrova asajjamānoti vaṃsakaḷīro viya alaggamāno. Kiṃ vuttaṃ hoti? Yathā vaṃso visālo visatto eva hoti, puttesu dāresu ca yā apekkhā, sāpi evaṃ tāni vatthūni saṃsibbitvā ṭhitattā visattā eva. Svāhaṃ tāya apekkhāya apekkhavā visālo vaṃso viya visattoti evaṃ apekkhāya ādīnavaṃ disvā taṃ apekkhaṃ maggañāṇena chindanto ayaṃ vaṃsakaḷīrova rūpādīsu vā lobhādīsu vā kāmabhavādīsu vā diṭṭhādīsu vā taṇhāmānadiṭṭhivasena asajjamāno paccekabodhiṃ adhigatoti. Sesaṃ purimanayeneva veditabbanti.

    вам̣сагал̣ийраг̇аат̇ааван̣н̣анаа самад̇д̇аа.

    Vaṃsakaḷīragāthāvaṇṇanā samattā.

    39. миг̇о аран̃н̃амхийд̇и гаа уббад̇д̇и? зго гира бхигку гассабасса бхаг̇авад̇о саасанз яог̇ааважаро гаалам̣ гад̇ваа, б̣аараан̣асияам̣ сздтигулз уббанно ад̣дхз махад̣̇д̇ханз махаабхог̇з, со субхаг̇о ахоси. д̇ад̇о барад̣̇аариго худ̇ваа д̇ад̇т̇а гаалагад̇о нираяз ниб̣б̣ад̇д̇о д̇ад̇т̇а бажжид̇ваа вибаагаавасзсзна сздтибхарияааяа гужчимхи ид̇т̇ибадисанд̇хим̣ аг̇г̇ахзси. нираяад̇о ааг̇ад̇аанам̣ г̇ад̇д̇аани ун̣хаани хонд̇и. д̇зна сздтибхарияаа д̣аяхамаанзна уд̣̇арзна гижчзна гасирзна д̇ам̣ г̇аб̣бхам̣ д̇хаарзд̇ваа гаалзна д̣̇ааригам̣ виж̇ааяи. саа ж̇аад̇ад̣̇ивасад̇о бабхуд̇и маад̇аабид̇уунам̣ сзсаб̣анд̇хубариж̇анаанан̃жа д̣̇зссаа ахоси. ваяаббад̇д̇аа жа яамхи гулз д̣̇иннаа, д̇ад̇т̇ааби саамигасассусасураанам̣ д̣̇зссаава ахоси аббияаа аманаабаа. ат̇а нагкад̇д̇з гхосид̇з сздтибуд̇д̇о д̇ааяа сад̣̇д̇хим̣ гийл̣ид̇ум̣ анижчанд̇о взсим̣ аанзд̇ваа гийл̣ад̇и. саа д̇ам̣ д̣̇аасийнам̣ санд̇игаа суд̇ваа сздтибуд̇д̇ам̣ убасан̇гамид̇ваа наанаббагаарзхи анунаяид̇ваа ааха – ‘‘аяяабуд̇д̇а, ид̇т̇ий наама сажзби д̣̇асаннам̣ рааж̇уунам̣ ганидтаа ход̇и, жаггавад̇д̇ино ваа д̇хийд̇аа, д̇ат̇ааби саамигасса бзсанагараа ход̇и. саамигз анаалабанд̇з суулз ааробид̇аа вияа д̣̇угкам̣ бадисам̣взд̣̇зд̇и. сажз ахам̣ ануг̇г̇ахаарахаа, ануг̇г̇ахзд̇аб̣б̣аа. но жз, виссаж̇ж̇зд̇аб̣б̣аа, ад̇д̇ано н̃аад̇игулам̣ г̇амиссаамий’’д̇и. сздтибуд̇д̇о – ‘‘ход̇у, бхад̣̇д̣̇з, маа сожи, гийл̣анасаж̇ж̇аа хохи, нагкад̇д̇ам̣ гийл̣иссаамаа’’д̇и ааха. сздтид̇хийд̇аа д̇аавад̇агзнаби саллаабамад̇д̇зна уссаахаж̇аад̇аа ‘‘свз нагкад̇д̇ам̣ гийл̣иссаамий’’д̇и б̣ахум̣ каж̇ж̇абхож̇ж̇ам̣ бадияаад̣̇зд̇и. сздтибуд̇д̇о д̣̇уд̇ияад̣̇ивасз анаарожзд̇ваава гийл̣анадтаанам̣ г̇ад̇о. саа ‘‘ид̣̇аани бзсзссад̇и, ид̣̇аани бзсзссад̇ий’’д̇и маг̇г̇ам̣ ологзнд̇ий нисиннаа уссуурам̣ д̣̇исваа мануссз бзсзси. д̇з бажжааг̇анд̇ваа ‘‘сздтибуд̇д̇о г̇ад̇о’’д̇и аарожзсум̣. саа саб̣б̣ам̣ д̇ам̣ бадияаад̣̇ид̇ам̣ аад̣̇ааяа яаанам̣ абхирухид̇ваа уяяаанам̣ г̇анд̇ум̣ аарад̣̇д̇хаа.

    39.Migoaraññamhīti kā uppatti? Eko kira bhikkhu kassapassa bhagavato sāsane yogāvacaro kālaṃ katvā, bārāṇasiyaṃ seṭṭhikule uppanno aḍḍhe mahaddhane mahābhoge, so subhago ahosi. Tato paradāriko hutvā tattha kālakato niraye nibbatto tattha paccitvā vipākāvasesena seṭṭhibhariyāya kucchimhi itthipaṭisandhiṃ aggahesi. Nirayato āgatānaṃ gattāni uṇhāni honti. Tena seṭṭhibhariyā ḍayhamānena udarena kicchena kasirena taṃ gabbhaṃ dhāretvā kālena dārikaṃ vijāyi. Sā jātadivasato pabhuti mātāpitūnaṃ sesabandhuparijanānañca dessā ahosi. Vayappattā ca yamhi kule dinnā, tatthāpi sāmikasassusasurānaṃ dessāva ahosi appiyā amanāpā. Atha nakkhatte ghosite seṭṭhiputto tāya saddhiṃ kīḷituṃ anicchanto vesiṃ ānetvā kīḷati. Sā taṃ dāsīnaṃ santikā sutvā seṭṭhiputtaṃ upasaṅkamitvā nānappakārehi anunayitvā āha – ‘‘ayyaputta, itthī nāma sacepi dasannaṃ rājūnaṃ kaniṭṭhā hoti, cakkavattino vā dhītā, tathāpi sāmikassa pesanakarā hoti. Sāmike anālapante sūle āropitā viya dukkhaṃ paṭisaṃvedeti. Sace ahaṃ anuggahārahā, anuggahetabbā. No ce, vissajjetabbā, attano ñātikulaṃ gamissāmī’’ti. Seṭṭhiputto – ‘‘hotu, bhadde, mā soci, kīḷanasajjā hohi, nakkhattaṃ kīḷissāmā’’ti āha. Seṭṭhidhītā tāvatakenapi sallāpamattena ussāhajātā ‘‘sve nakkhattaṃ kīḷissāmī’’ti bahuṃ khajjabhojjaṃ paṭiyādeti. Seṭṭhiputto dutiyadivase anārocetvāva kīḷanaṭṭhānaṃ gato. Sā ‘‘idāni pesessati, idāni pesessatī’’ti maggaṃ olokentī nisinnā ussūraṃ disvā manusse pesesi. Te paccāgantvā ‘‘seṭṭhiputto gato’’ti ārocesuṃ. Sā sabbaṃ taṃ paṭiyāditaṃ ādāya yānaṃ abhiruhitvā uyyānaṃ gantuṃ āraddhā.

    ат̇а нанд̣̇амуулагабаб̣бхаарз бажжзгасамб̣уд̣̇д̇хо сад̇д̇амз д̣̇ивасз нирод̇хаа вудтааяа анод̇ад̇д̇з мукам̣ д̇ховид̇ваа нааг̇алад̇аад̣̇анд̇абон̣ам̣ каад̣̇ид̇ваа ‘‘гад̇т̇а аж̇ж̇а бхигкам̣ жариссаамий’’д̇и ааваж̇ж̇знд̇о д̇ам̣ сздтид̇хийд̇арам̣ д̣̇исваа ‘‘имиссаа маяи саггаарам̣ гарид̇ваа д̇ам̣ гаммам̣ баригкаяам̣ г̇амиссад̇ий’’д̇и н̃ад̇ваа баб̣бхаарасамийбз садтияож̇анам̣ маносилаад̇алам̣, д̇ад̇т̇а тад̇ваа ниваасзд̇ваа бад̇д̇ажийварамаад̣̇ааяа абхин̃н̃аабаад̣̇агаж̇жхаанам̣ самаабаж̇ж̇ид̇ваа аагаасзнааг̇анд̇ваа д̇ассаа бадибат̇з оруяха б̣аараан̣асийбхимуко аг̇амааси. д̇ам̣ д̣̇исваа д̣̇аасияо сздтид̇хийд̇ааяа аарожзсум̣. саа яаанаа оруяха саггажжам̣ ванд̣̇ид̇ваа, бад̇д̇ам̣ г̇ахзд̇ваа, саб̣б̣арасасамбаннзна каад̣̇анийяабхож̇анийязна буурзд̇ваа, бад̣̇умабубпзна бадижчаад̣̇зд̇ваа хздтааби бад̣̇умабубпам̣ гад̇ваа, бубпагалаабам̣ хад̇т̇зна г̇ахзд̇ваа, бажжзгаб̣уд̣̇д̇хам̣ убасан̇гамид̇ваа, д̇асса хад̇т̇з бад̇д̇ам̣ д̣̇ад̇ваа, ванд̣̇ид̇ваа, бубпагалаабахад̇т̇аа бад̇т̇зси ‘‘бханд̇з, яат̇аа ид̣̇ам̣ бубпам̣, зваахам̣ яад̇т̇а яад̇т̇а уббаж̇ж̇аами, д̇ад̇т̇а д̇ад̇т̇а махааж̇анасса бияаа бхавзяяам̣ манаабаа’’д̇и. звам̣ бад̇т̇зд̇ваа д̣̇уд̇ияам̣ бад̇т̇зси ‘‘бханд̇з, д̣̇угко г̇аб̣бхаваасо, д̇ам̣ анубаг̇амма бад̣̇умабубпз звам̣ бадисанд̇хи бхавзяяаа’’д̇и. д̇ад̇ияамби бад̇т̇зси ‘‘бханд̇з, ж̇иг̇ужчанийяо маад̇уг̇аамо, жаггавад̇д̇ид̇хийд̇ааби баравасам̣ г̇ажчад̇и, д̇асмаа ахам̣ ид̇т̇ибхаавам̣ анубаг̇амма бурисо бхавзяяа’’нд̇и. жад̇уд̇т̇амби бад̇т̇зси ‘‘бханд̇з, имам̣ сам̣саарад̣̇угкам̣ ад̇иггамма барияосаанз д̇умхзхи бад̇д̇ам̣ амад̇ам̣ баабун̣зяяа’’нд̇и.

    Atha nandamūlakapabbhāre paccekasambuddho sattame divase nirodhā vuṭṭhāya anotatte mukhaṃ dhovitvā nāgalatādantapoṇaṃ khāditvā ‘‘kattha ajja bhikkhaṃ carissāmī’’ti āvajjento taṃ seṭṭhidhītaraṃ disvā ‘‘imissā mayi sakkāraṃ karitvā taṃ kammaṃ parikkhayaṃ gamissatī’’ti ñatvā pabbhārasamīpe saṭṭhiyojanaṃ manosilātalaṃ, tattha ṭhatvā nivāsetvā pattacīvaramādāya abhiññāpādakajjhānaṃ samāpajjitvā ākāsenāgantvā tassā paṭipathe oruyha bārāṇasībhimukho agamāsi. Taṃ disvā dāsiyo seṭṭhidhītāya ārocesuṃ. Sā yānā oruyha sakkaccaṃ vanditvā, pattaṃ gahetvā, sabbarasasampannena khādanīyabhojanīyena pūretvā, padumapupphena paṭicchādetvā heṭṭhāpi padumapupphaṃ katvā, pupphakalāpaṃ hatthena gahetvā, paccekabuddhaṃ upasaṅkamitvā, tassa hatthe pattaṃ datvā, vanditvā, pupphakalāpahatthā patthesi ‘‘bhante, yathā idaṃ pupphaṃ, evāhaṃ yattha yattha uppajjāmi, tattha tattha mahājanassa piyā bhaveyyaṃ manāpā’’ti. Evaṃ patthetvā dutiyaṃ patthesi ‘‘bhante, dukkho gabbhavāso, taṃ anupagamma padumapupphe evaṃ paṭisandhi bhaveyyā’’ti. Tatiyampi patthesi ‘‘bhante, jigucchanīyo mātugāmo, cakkavattidhītāpi paravasaṃ gacchati, tasmā ahaṃ itthibhāvaṃ anupagamma puriso bhaveyya’’nti. Catutthampi patthesi ‘‘bhante, imaṃ saṃsāradukkhaṃ atikkamma pariyosāne tumhehi pattaṃ amataṃ pāpuṇeyya’’nti.

    звам̣ жад̇уро бан̣ид̇хаяо гад̇ваа, д̇ам̣ бад̣̇умабубпагалаабам̣ бууж̇зд̇ваа, бажжзгаб̣уд̣̇д̇хасса бан̃жабад̇идтид̇зна ванд̣̇ид̇ваа ‘‘бубпасад̣̇исо зва мз г̇анд̇хо жзва ван̣н̣о жа ход̇уу’’д̇и имам̣ бан̃жамам̣ бан̣ид̇хим̣ агааси. д̇ад̇о бажжзгаб̣уд̣̇д̇хо бад̇д̇ам̣ бубпагалаабан̃жа г̇ахзд̇ваа аагаасз тад̇ваа –

    Evaṃ caturo paṇidhayo katvā, taṃ padumapupphakalāpaṃ pūjetvā, paccekabuddhassa pañcapatiṭṭhitena vanditvā ‘‘pupphasadiso eva me gandho ceva vaṇṇo ca hotū’’ti imaṃ pañcamaṃ paṇidhiṃ akāsi. Tato paccekabuddho pattaṃ pupphakalāpañca gahetvā ākāse ṭhatvā –

    ‘‘ижчид̇ам̣ бад̇т̇ид̇ам̣ д̇уяхам̣, киббамзва самиж̇жхад̇у;

    ‘‘Icchitaṃ patthitaṃ tuyhaṃ, khippameva samijjhatu;

    саб̣б̣з буурзнд̇у сан̇габбаа, жанд̣̇о баннарасо яат̇аа’’д̇и. –

    Sabbe pūrentu saṅkappā, cando pannaraso yathā’’ti. –

    имааяа г̇аат̇ааяа сздтид̇хийд̇ааяа анумод̣̇анам̣ гад̇ваа ‘‘сздтид̇хийд̇аа мам̣ г̇ажчанд̇ам̣ бассад̇уу’’д̇и ад̇хидтахид̇ваа нанд̣̇амуулагабаб̣бхаарам̣ аг̇амааси. сздтид̇хийд̇ааяа д̇ам̣ д̣̇исваа махад̇ий бийд̇и уббаннаа. бхаванд̇арз гад̇ам̣ агусалагаммам̣ аногаасад̇ааяа баригкийн̣ам̣, жин̃жамб̣илад̇ход̇ад̇амб̣абхааж̇анамива суд̣̇д̇хаа ж̇аад̇аа. д̇аавад̣̇зва жассаа бад̇игулз н̃аад̇игулз жа саб̣б̣о ж̇ано д̇удто ‘‘гим̣ гаромаа’’д̇и бияаважанаани бан̣н̣аагаараани жа бзсзси. сздтибуд̇д̇о мануссз бзсзси ‘‘сийгхам̣ сийгхам̣ аанзт̇а сздтид̇хийд̇арам̣, ахам̣ виссарид̇ваа уяяаанам̣ ааг̇ад̇о’’д̇и. д̇ад̇о бабхуд̇и жа нам̣ урз вилид̇д̇ажанд̣̇анам̣ вияа аамуд̇д̇амуд̇д̇аахаарам̣ вияа бубпамаалам̣ вияа жа бияааяанд̇о барихари.

    Imāya gāthāya seṭṭhidhītāya anumodanaṃ katvā ‘‘seṭṭhidhītā maṃ gacchantaṃ passatū’’ti adhiṭṭhahitvā nandamūlakapabbhāraṃ agamāsi. Seṭṭhidhītāya taṃ disvā mahatī pīti uppannā. Bhavantare kataṃ akusalakammaṃ anokāsatāya parikkhīṇaṃ, ciñcambiladhotatambabhājanamiva suddhā jātā. Tāvadeva cassā patikule ñātikule ca sabbo jano tuṭṭho ‘‘kiṃ karomā’’ti piyavacanāni paṇṇākārāni ca pesesi. Seṭṭhiputto manusse pesesi ‘‘sīghaṃ sīghaṃ ānetha seṭṭhidhītaraṃ, ahaṃ vissaritvā uyyānaṃ āgato’’ti. Tato pabhuti ca naṃ ure vilittacandanaṃ viya āmuttamuttāhāraṃ viya pupphamālaṃ viya ca piyāyanto parihari.

    саа д̇ад̇т̇а яаавад̇ааяугам̣ иссарияабхог̇асукам̣ анубхавид̇ваа гаалам̣ гад̇ваа бурисабхаавзна д̣̇звалогз бад̣̇умабубпз уббаж̇ж̇и. со д̣̇звабуд̇д̇о г̇ажчанд̇оби бад̣̇умабубпаг̇аб̣бхзязва г̇ажчад̇и, д̇идтанд̇оби, нисийд̣̇анд̇оби, саяанд̇оби бад̣̇умаг̇аб̣бхзязва саяад̇и. махаабад̣̇умад̣̇звабуд̇д̇од̇и жасса наамам̣ агам̣су. звам̣ со д̇зна ид̣̇д̇хаанубхаавзна ануломабадиломам̣ чад̣̇звалогз зва сам̣сарад̇и.

    Sā tattha yāvatāyukaṃ issariyabhogasukhaṃ anubhavitvā kālaṃ katvā purisabhāvena devaloke padumapupphe uppajji. So devaputto gacchantopi padumapupphagabbheyeva gacchati, tiṭṭhantopi, nisīdantopi, sayantopi padumagabbheyeva sayati. Mahāpadumadevaputtoti cassa nāmaṃ akaṃsu. Evaṃ so tena iddhānubhāvena anulomapaṭilomaṃ chadevaloke eva saṃsarati.

    д̇зна жа самаязна б̣аараан̣асиран̃н̃о вийсад̇и ид̇т̇исахассаани хонд̇и. рааж̇аа згиссааби гужчияам̣ буд̇д̇ам̣ на лабхад̇и. амажжаа рааж̇аанам̣ вин̃н̃аабзсум̣ ‘‘д̣̇зва, гулавам̣саанубаалаго буд̇д̇о ижчид̇аб̣б̣о, ад̇раж̇з авиж̇ж̇амаанз кзд̇раж̇оби гулавам̣сад̇харо ход̇ий’’д̇и. рааж̇аа ‘‘табзд̇ваа махзсим̣ авасзсаа наадагид̇т̇ияо сад̇д̇аахам̣ д̇хамманаадагам̣ гарот̇аа’’д̇и яат̇аагаамам̣ б̣ахи жараабзси, д̇ат̇ааби буд̇д̇ам̣ наалад̇т̇а. буна амажжаа аахам̣су – ‘‘махаарааж̇а, махзсий наама бун̃н̃зна жа бан̃н̃ааяа жа саб̣б̣ид̇т̇ийнам̣ аг̇г̇аа, аббзва наама д̣̇зво махзсияааби гужчисмим̣ буд̇д̇ам̣ лабхзяяаа’’д̇и. рааж̇аа махзсияаа зд̇амад̇т̇ам̣ аарожзси. саа ааха – ‘‘махаарааж̇а, яаа ид̇т̇ий сажжаваад̣̇иний сийлавад̇ий, саа буд̇д̇ам̣ лабхзяяа, хирод̇д̇аббарахид̇ааяа гуд̇о буд̇д̇о’’д̇и баасаад̣̇ам̣ абхирухид̇ваа бан̃жа сийлаани самаад̣̇ияид̇ваа бунаббунам̣ анумаж̇ж̇ад̇и. сийлавад̇ияаа рааж̇ад̇хийд̇ааяа бан̃жа сийлаани анумаж̇ж̇анд̇ияаа буд̇д̇абад̇т̇анаажид̇д̇з уббаннамад̇д̇з саггасса аасанам̣ санд̇абби.

    Tena ca samayena bārāṇasirañño vīsati itthisahassāni honti. Rājā ekissāpi kucchiyaṃ puttaṃ na labhati. Amaccā rājānaṃ viññāpesuṃ ‘‘deva, kulavaṃsānupālako putto icchitabbo, atraje avijjamāne khetrajopi kulavaṃsadharo hotī’’ti. Rājā ‘‘ṭhapetvā mahesiṃ avasesā nāṭakitthiyo sattāhaṃ dhammanāṭakaṃ karothā’’ti yathākāmaṃ bahi carāpesi, tathāpi puttaṃ nālattha. Puna amaccā āhaṃsu – ‘‘mahārāja, mahesī nāma puññena ca paññāya ca sabbitthīnaṃ aggā, appeva nāma devo mahesiyāpi kucchismiṃ puttaṃ labheyyā’’ti. Rājā mahesiyā etamatthaṃ ārocesi. Sā āha – ‘‘mahārāja, yā itthī saccavādinī sīlavatī, sā puttaṃ labheyya, hirottapparahitāya kuto putto’’ti pāsādaṃ abhiruhitvā pañca sīlāni samādiyitvā punappunaṃ anumajjati. Sīlavatiyā rājadhītāya pañca sīlāni anumajjantiyā puttapatthanācitte uppannamatte sakkassa āsanaṃ santappi.

    ат̇а сагго аасанад̇аабагааран̣ам̣ ааваж̇ж̇знд̇о зд̇амад̇т̇ам̣ вид̣̇ид̇ваа ‘‘сийлавад̇ияаа рааж̇ад̇хийд̇ааяа буд̇д̇аварам̣ д̣̇змий’’д̇и аагаасзнааг̇анд̇ваа д̣̇звияаа саммукз тад̇ваа ‘‘гим̣ бад̇т̇зси д̣̇звий’’д̇и бужчи. ‘‘буд̇д̇ам̣, махаарааж̇аа’’д̇и. ‘‘д̣̇амми д̇з, д̣̇зви, буд̇д̇ам̣, маа жинд̇аяий’’д̇и вад̇ваа д̣̇звалогам̣ г̇анд̇ваа ‘‘ад̇т̇и ну ко зд̇т̇а кийн̣ааяуго’’д̇и ааваж̇ж̇знд̇о ‘‘аяам̣ махаабад̣̇умо убарид̣̇звалогз уббаж̇ж̇ид̇ум̣ ид̇о жавад̇ий’’д̇и н̃ад̇ваа д̇асса вимаанам̣ г̇анд̇ваа ‘‘д̇аад̇а махаабад̣̇ума, мануссалогам̣ г̇ажчаахий’’д̇и яаажи. со ааха – ‘‘махаарааж̇а, маа звам̣ бхан̣и, ж̇зг̇ужчо мануссалого’’д̇и. ‘‘д̇аад̇а, д̇вам̣ мануссалогз бун̃н̃ам̣ гад̇ваа ид̇хуубабанно, д̇ад̇т̇зва тад̇ваа баарамияо буурзд̇аб̣б̣аа, г̇ажча, д̇аад̇аа’’д̇и. ‘‘д̣̇угко, махаарааж̇а, г̇аб̣бхаваасо, на саггоми д̇ад̇т̇а васид̇у’’нд̇и. ‘‘гим̣ д̇з, д̇аад̇а, г̇аб̣бхаваасзна, д̇ат̇аа хи д̇вам̣ гаммамагааси, яат̇аа бад̣̇умаг̇аб̣бхзязва ниб̣б̣ад̇д̇иссаси, г̇ажча, д̇аад̇аа’’д̇и бунаббунам̣ вужжамаано ад̇хиваасзси.

    Atha sakko āsanatāpakāraṇaṃ āvajjento etamatthaṃ viditvā ‘‘sīlavatiyā rājadhītāya puttavaraṃ demī’’ti ākāsenāgantvā deviyā sammukhe ṭhatvā ‘‘kiṃ patthesi devī’’ti pucchi. ‘‘Puttaṃ, mahārājā’’ti. ‘‘Dammi te, devi, puttaṃ, mā cintayī’’ti vatvā devalokaṃ gantvā ‘‘atthi nu kho ettha khīṇāyuko’’ti āvajjento ‘‘ayaṃ mahāpadumo uparidevaloke uppajjituṃ ito cavatī’’ti ñatvā tassa vimānaṃ gantvā ‘‘tāta mahāpaduma, manussalokaṃ gacchāhī’’ti yāci. So āha – ‘‘mahārāja, mā evaṃ bhaṇi, jeguccho manussaloko’’ti. ‘‘Tāta, tvaṃ manussaloke puññaṃ katvā idhūpapanno, tattheva ṭhatvā pāramiyo pūretabbā, gaccha, tātā’’ti. ‘‘Dukkho, mahārāja, gabbhavāso, na sakkomi tattha vasitu’’nti. ‘‘Kiṃ te, tāta, gabbhavāsena, tathā hi tvaṃ kammamakāsi, yathā padumagabbheyeva nibbattissasi, gaccha, tātā’’ti punappunaṃ vuccamāno adhivāsesi.

    д̇ад̇о махаабад̣̇умо д̣̇звалогаа жавид̇ваа б̣аараан̣асиран̃н̃о уяяаанз силаабаддабогкаран̣ияам̣ бад̣̇умаг̇аб̣бхз ниб̣б̣ад̇д̇о. д̇ан̃жа рад̇д̇им̣ махзсий бажжуусасамаяз субинанд̇зна вийсад̇иид̇т̇исахассабаривуд̇аа уяяаанам̣ г̇анд̇ваа силаабаддабогкаран̣ияам̣ бад̣̇умассарз буд̇д̇ам̣ лад̣̇д̇хаа вияа ахоси. саа бабхаад̇ааяа рад̇д̇ияаа сийлаани рагкамаанаа д̇ат̇зва д̇ад̇т̇а г̇анд̇ваа згам̣ бад̣̇умабубпам̣ ад̣̇д̣̇аса. д̇ам̣ нзва д̇ийрз ход̇и на г̇амбхийрз. саха д̣̇ассанзнзва жассаа д̇ад̇т̇а буд̇д̇асинзхо уббаж̇ж̇и. саа саамам̣язва бависид̇ваа д̇ам̣ бубпам̣ аг̇г̇ахзси. бубпз г̇ахид̇амад̇д̇зязва бад̇д̇аани вигасим̣су. д̇ад̇т̇а д̇аддагз аасид̇д̇асуван̣н̣абадимам̣ вияа д̣̇аарагам̣ ад̣̇д̣̇аса. д̣̇исваава ‘‘буд̇д̇о мз лад̣̇д̇хо’’д̇и сад̣̇д̣̇ам̣ нижчаарзси. махааж̇ано саад̇хугаарасахассаани мун̃жи, ран̃н̃о жа бзсзси. рааж̇аа суд̇ваа ‘‘гад̇т̇а лад̣̇д̇хо’’д̇и бужчид̇ваа лад̣̇д̇хогаасан̃жа суд̇ваа ‘‘уяяаанан̃жа богкаран̣ияам̣ бад̣̇уман̃жа амхааган̃н̃зва кзд̇д̇ам̣, д̇асмаа амхаагам̣ кзд̇д̇з ж̇аад̇ад̇д̇аа кзд̇раж̇о наамааяам̣ буд̇д̇о’’д̇и вад̇ваа наг̇арам̣ бавзсзд̇ваа вийсад̇исахассаид̇т̇ияо д̇хаад̇игижжам̣ гаараабзси. яаа яаа гумаарасса ружим̣ н̃ад̇ваа бад̇т̇ид̇абад̇т̇ид̇ам̣ каад̣̇анийяам̣ каад̣̇аабзд̇и, саа саа сахассам̣ лабхад̇и. сагалаб̣аараан̣асий жалид̇аа, саб̣б̣о ж̇ано гумаарасса бан̣н̣аагаарасахассаани бзсзси. гумааро д̇ам̣ д̇ам̣ ад̇инзд̇ваа ‘‘имам̣ каад̣̇а, имам̣ бхун̃ж̇аа’’д̇и вужжамаано бхож̇анзна уб̣б̣аал̣хо угган̣тид̇о худ̇ваа, г̇обурад̣̇ваарам̣ г̇анд̇ваа, лаакааг̇ул̣агзна гийл̣ад̇и.

    Tato mahāpadumo devalokā cavitvā bārāṇasirañño uyyāne silāpaṭṭapokkharaṇiyaṃ padumagabbhe nibbatto. Tañca rattiṃ mahesī paccūsasamaye supinantena vīsatiitthisahassaparivutā uyyānaṃ gantvā silāpaṭṭapokkharaṇiyaṃ padumassare puttaṃ laddhā viya ahosi. Sā pabhātāya rattiyā sīlāni rakkhamānā tatheva tattha gantvā ekaṃ padumapupphaṃ addasa. Taṃ neva tīre hoti na gambhīre. Saha dassaneneva cassā tattha puttasineho uppajji. Sā sāmaṃyeva pavisitvā taṃ pupphaṃ aggahesi. Pupphe gahitamatteyeva pattāni vikasiṃsu. Tattha taṭṭake āsittasuvaṇṇapaṭimaṃ viya dārakaṃ addasa. Disvāva ‘‘putto me laddho’’ti saddaṃ nicchāresi. Mahājano sādhukārasahassāni muñci, rañño ca pesesi. Rājā sutvā ‘‘kattha laddho’’ti pucchitvā laddhokāsañca sutvā ‘‘uyyānañca pokkharaṇiyaṃ padumañca amhākaññeva khettaṃ, tasmā amhākaṃ khette jātattā khetrajo nāmāyaṃ putto’’ti vatvā nagaraṃ pavesetvā vīsatisahassaitthiyo dhātikiccaṃ kārāpesi. Yā yā kumārassa ruciṃ ñatvā patthitapatthitaṃ khādanīyaṃ khādāpeti, sā sā sahassaṃ labhati. Sakalabārāṇasī calitā, sabbo jano kumārassa paṇṇākārasahassāni pesesi. Kumāro taṃ taṃ atinetvā ‘‘imaṃ khāda, imaṃ bhuñjā’’ti vuccamāno bhojanena ubbāḷho ukkaṇṭhito hutvā, gopuradvāraṃ gantvā, lākhāguḷakena kīḷati.

    д̇ад̣̇аа ан̃н̃ад̇аро бажжзгаб̣уд̣̇д̇хо б̣аараан̣асим̣ ниссааяа исибад̇анз васад̇и. со гаалассзва вудтааяа сзнаасанавад̇д̇асарийрабаригаммаманасигаараад̣̇ийни саб̣б̣агижжаани гад̇ваа, бадисаллаанаа вудтид̇о ‘‘аж̇ж̇а гад̇т̇а бхигкам̣ г̇ахзссаамий’’д̇и ааваж̇ж̇знд̇о гумаарасса самбад̇д̇им̣ д̣̇исваа ‘‘зса буб̣б̣з гим̣ гаммам̣ гарий’’д̇и виймам̣санд̇о ‘‘маад̣̇исасса бин̣д̣абаад̇ам̣ д̣̇ад̇ваа, жад̇ассо бад̇т̇анаа бад̇т̇зси д̇ад̇т̇а д̇иссо сид̣̇д̇хаа, згаа д̇аава на сиж̇жхад̇и, д̇асса убааязна аарамман̣ам̣ д̣̇ассзмий’’д̇и бхигкаажарияавасзна гумаарасса санд̇игам̣ аг̇амааси. гумааро д̇ам̣ д̣̇исваа ‘‘саман̣а, маа ид̇ха ааг̇ажчи, имз хи д̇амби ‘ид̣̇ам̣ каад̣̇а, ид̣̇ам̣ бхун̃ж̇аа’д̇и вад̣̇зяяу’’нд̇и ааха. со згаважанзнзва д̇ад̇о нивад̇д̇ид̇ваа ад̇д̇ано сзнаасанам̣ баависи. гумааро бариж̇анам̣ ааха – ‘‘аяам̣ саман̣о маяаа вуд̇д̇амад̇д̇ова нивад̇д̇о, гуд̣̇д̇хо, ну, ко мамаа’’д̇и. д̇ад̇о д̇зхи ‘‘баб̣б̣аж̇ид̇аа наама, д̣̇зва, на год̇хабарааяан̣аа хонд̇и, барзна басаннаманзна яам̣ д̣̇иннам̣ ход̇и, д̇зна яаабзнд̇ий’’д̇и вужжамааноби ‘‘гуд̣̇д̇хо зва мамааяам̣ саман̣о, камаабзссаами на’’нд̇и маад̇аабид̇уунам̣ аарожзд̇ваа хад̇т̇им̣ абхирухид̇ваа, махад̇аа рааж̇аанубхаавзна исибад̇анам̣ г̇анд̇ваа, миг̇аяуут̇ам̣ д̣̇исваа, бужчи ‘‘гим̣ наама зд̇з’’д̇и? ‘‘зд̇з, саами, миг̇аа наамаа’’д̇и. зд̇зсам̣ ‘‘имам̣ каад̣̇ат̇а, имам̣ бхун̃ж̇ат̇а, имам̣ сааяат̇аа’’д̇и вад̇ваа бадиж̇аг̇г̇анд̇аа ад̇т̇ийд̇и. над̇т̇и саами, яад̇т̇а д̇ин̣од̣̇агам̣ сулабхам̣, д̇ад̇т̇а васанд̇ийд̇и.

    Tadā aññataro paccekabuddho bārāṇasiṃ nissāya isipatane vasati. So kālasseva vuṭṭhāya senāsanavattasarīraparikammamanasikārādīni sabbakiccāni katvā, paṭisallānā vuṭṭhito ‘‘ajja kattha bhikkhaṃ gahessāmī’’ti āvajjento kumārassa sampattiṃ disvā ‘‘esa pubbe kiṃ kammaṃ karī’’ti vīmaṃsanto ‘‘mādisassa piṇḍapātaṃ datvā, catasso patthanā patthesi tattha tisso siddhā, ekā tāva na sijjhati, tassa upāyena ārammaṇaṃ dassemī’’ti bhikkhācariyavasena kumārassa santikaṃ agamāsi. Kumāro taṃ disvā ‘‘samaṇa, mā idha āgacchi, ime hi tampi ‘idaṃ khāda, idaṃ bhuñjā’ti vadeyyu’’nti āha. So ekavacaneneva tato nivattitvā attano senāsanaṃ pāvisi. Kumāro parijanaṃ āha – ‘‘ayaṃ samaṇo mayā vuttamattova nivatto, kuddho, nu, kho mamā’’ti. Tato tehi ‘‘pabbajitā nāma, deva, na kodhaparāyaṇā honti, parena pasannamanena yaṃ dinnaṃ hoti, tena yāpentī’’ti vuccamānopi ‘‘kuddho eva mamāyaṃ samaṇo, khamāpessāmi na’’nti mātāpitūnaṃ ārocetvā hatthiṃ abhiruhitvā, mahatā rājānubhāvena isipatanaṃ gantvā, migayūthaṃ disvā, pucchi ‘‘kiṃ nāma ete’’ti? ‘‘Ete, sāmi, migā nāmā’’ti. Etesaṃ ‘‘imaṃ khādatha, imaṃ bhuñjatha, imaṃ sāyathā’’ti vatvā paṭijaggantā atthīti. Natthi sāmi, yattha tiṇodakaṃ sulabhaṃ, tattha vasantīti.

    гумааро ‘‘яат̇аа имз арагкияамаанаава яад̇т̇а ижчанд̇и, д̇ад̇т̇а васанд̇и, гад̣̇аа ну, ко, ахамби звам̣ васзяяа’’нд̇и зд̇амаарамман̣ам̣ аг̇г̇ахзси. бажжзгаб̣уд̣̇д̇хоби д̇асса ааг̇аманам̣ н̃ад̇ваа сзнаасанамаг̇г̇ан̃жа жан̇гаман̃жа саммаж̇ж̇ид̇ваа, мадтам̣ гад̇ваа, згад̣̇вигкад̇д̇ум̣ жан̇гамид̇ваа, бад̣̇анигкзбам̣ д̣̇ассзд̇ваа, д̣̇иваавихаарогаасан̃жа бан̣н̣асаалан̃жа саммаж̇ж̇ид̇ваа, мадтам̣ гад̇ваа, бависанабад̣̇анигкзбам̣ д̣̇ассзд̇ваа, нигкаманабад̣̇анигкзбам̣ ад̣̇ассзд̇ваа, ан̃н̃ад̇ра аг̇амааси. гумааро д̇ад̇т̇а г̇анд̇ваа д̇ам̣ бад̣̇зсам̣ саммаж̇ж̇ид̇ваа мадтам̣ гад̇ам̣ д̣̇исваа ‘‘васад̇и ман̃н̃з зд̇т̇а со бажжзгаб̣уд̣̇д̇хо’’д̇и бариж̇анзна бхаасид̇ам̣ суд̇ваа ааха – ‘‘баад̇оби со саман̣о гуд̣̇д̇хо, ид̣̇аани хад̇т̇иассаад̣̇ийхи ад̇д̇ано огаасам̣ агганд̇ам̣ д̣̇исваа, судтуд̇арам̣ гуж̇жхзяяа, ид̇хзва д̇умхз д̇идтат̇аа’’д̇и хад̇т̇игканд̇хаа оруяха згагова сзнаасанам̣ бавидто вад̇д̇асийсзна сусаммадтогаасз бад̣̇анигкзбам̣ д̣̇исваа, ‘‘аяам̣ саман̣о зд̇т̇а жан̇гаманд̇о на ван̣иж̇ж̇аад̣̇игаммам̣ жинд̇зси, ад̣̇д̇хаа ад̇д̇ано хид̇амзва жинд̇зси ман̃н̃з’’д̇и басаннамаанасо жан̇гамам̣ аарухид̇ваа, д̣̇уурийгад̇абут̇увид̇агго г̇анд̇ваа, баасаан̣апалагз нисийд̣̇ид̇ваа, сан̃ж̇аад̇азгаг̇г̇о худ̇ваа, бан̣н̣асаалам̣ бависид̇ваа, вибассанд̇о бажжзгаб̣од̇хин̃аан̣ам̣ ад̇хиг̇анд̇ваа, буриманаязнзва бурохид̇зна гаммадтаанз бужчид̇з г̇аг̇анад̇алз нисинно имам̣ г̇аат̇амааха –

    Kumāro ‘‘yathā ime arakkhiyamānāva yattha icchanti, tattha vasanti, kadā nu, kho, ahampi evaṃ vaseyya’’nti etamārammaṇaṃ aggahesi. Paccekabuddhopi tassa āgamanaṃ ñatvā senāsanamaggañca caṅkamañca sammajjitvā, maṭṭhaṃ katvā, ekadvikkhattuṃ caṅkamitvā, padanikkhepaṃ dassetvā, divāvihārokāsañca paṇṇasālañca sammajjitvā, maṭṭhaṃ katvā, pavisanapadanikkhepaṃ dassetvā, nikkhamanapadanikkhepaṃ adassetvā, aññatra agamāsi. Kumāro tattha gantvā taṃ padesaṃ sammajjitvā maṭṭhaṃ kataṃ disvā ‘‘vasati maññe ettha so paccekabuddho’’ti parijanena bhāsitaṃ sutvā āha – ‘‘pātopi so samaṇo kuddho, idāni hatthiassādīhi attano okāsaṃ akkantaṃ disvā, suṭṭhutaraṃ kujjheyya, idheva tumhe tiṭṭhathā’’ti hatthikkhandhā oruyha ekakova senāsanaṃ paviṭṭho vattasīsena susammaṭṭhokāse padanikkhepaṃ disvā, ‘‘ayaṃ samaṇo ettha caṅkamanto na vaṇijjādikammaṃ cintesi, addhā attano hitameva cintesi maññe’’ti pasannamānaso caṅkamaṃ āruhitvā, dūrīkataputhuvitakko gantvā, pāsāṇaphalake nisīditvā, sañjātaekaggo hutvā, paṇṇasālaṃ pavisitvā, vipassanto paccekabodhiñāṇaṃ adhigantvā, purimanayeneva purohitena kammaṭṭhāne pucchite gaganatale nisinno imaṃ gāthamāha –

    ‘‘миг̇о аран̃н̃амхи яат̇аа аб̣ад̣̇д̇хо, язнижчагам̣ г̇ажчад̇и г̇ожарааяа;

    ‘‘Migo araññamhi yathā abaddho, yenicchakaṃ gacchati gocarāya;

    вин̃н̃уу наро сзрид̇ам̣ бзгкамаано, зго жарз каг̇г̇ависаан̣агаббо’’д̇и.

    Viññū naro seritaṃ pekkhamāno, eko care khaggavisāṇakappo’’ti.

    д̇ад̇т̇а миг̇од̇и д̣̇вз миг̇аа зн̣иймиг̇о, басад̣̇амиг̇о жаад̇и. абижа саб̣б̣зсам̣ ааран̃н̃игаанам̣ жад̇уббад̣̇аанамзд̇ам̣ ад̇хиважанам̣. ид̇ха бана басад̣̇амиг̇о ад̇хиббзд̇о. аран̃н̃амхийд̇и г̇ааман̃жа г̇аамуубажааран̃жа табзд̇ваа авасзсам̣ аран̃н̃ам̣, ид̇хам̣ бана уяяаанамад̇хиббзд̇ам̣, д̇асмаа уяяаанамхийд̇и вуд̇д̇ам̣ ход̇и. яат̇аад̇и бадибхааг̇з. аб̣ад̣̇д̇ход̇и раж̇ж̇уб̣анд̇ханаад̣̇ийхи аб̣ад̣̇д̇хо, зд̇зна виссад̇т̇ажарияам̣ д̣̇ийбзд̇и. язнижчагам̣ г̇ажчад̇и г̇ожарааяад̇и язна язна д̣̇исаабхааг̇зна г̇анд̇умижчад̇и, д̇зна д̇зна д̣̇исаабхааг̇зна г̇ожарааяа г̇ажчад̇и. вуд̇д̇амби жзд̇ам̣ бхаг̇авад̇аа –

    Tattha migoti dve migā eṇīmigo, pasadamigo cāti. Apica sabbesaṃ āraññikānaṃ catuppadānametaṃ adhivacanaṃ. Idha pana pasadamigo adhippeto. Araññamhīti gāmañca gāmūpacārañca ṭhapetvā avasesaṃ araññaṃ, idhaṃ pana uyyānamadhippetaṃ, tasmā uyyānamhīti vuttaṃ hoti. Yathāti paṭibhāge. Abaddhoti rajjubandhanādīhi abaddho, etena vissatthacariyaṃ dīpeti. Yenicchakaṃ gacchati gocarāyati yena yena disābhāgena gantumicchati, tena tena disābhāgena gocarāya gacchati. Vuttampi cetaṃ bhagavatā –

    ‘‘сзяяат̇ааби, бхигкавз, ааран̃н̃аго миг̇о аран̃н̃з баванз жарамаано виссад̇т̇о г̇ажчад̇и, виссад̇т̇о д̇идтад̇и, виссад̇т̇о нисийд̣̇ад̇и, виссад̇т̇о сзяяам̣ габбзд̇и. д̇ам̣ гисса хзд̇у? анаабаат̇аг̇ад̇о, бхигкавз, луд̣̇д̣̇асса; звамзва ко, бхигкавз, бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз, бхигку анд̇хамагааси маарам̣ абад̣̇ам̣, вад̇хид̇ваа мааражагкум̣ ад̣̇ассанам̣ г̇ад̇о баабимад̇о’’д̇и (ма. ни. 1.287; жуул̣ани. каг̇г̇ависаан̣асуд̇д̇анид̣̇д̣̇зса 125) вид̇т̇ааро.

    ‘‘Seyyathāpi, bhikkhave, āraññako migo araññe pavane caramāno vissattho gacchati, vissattho tiṭṭhati, vissattho nisīdati, vissattho seyyaṃ kappeti. Taṃ kissa hetu? Anāpāthagato, bhikkhave, luddassa; evameva kho, bhikkhave, bhikkhu vivicceva kāmehi…pe… paṭhamaṃ jhānaṃ upasampajja viharati. Ayaṃ vuccati, bhikkhave, bhikkhu andhamakāsi māraṃ apadaṃ, vadhitvā māracakkhuṃ adassanaṃ gato pāpimato’’ti (ma. ni. 1.287; cūḷani. khaggavisāṇasuttaniddesa 125) vitthāro.

    вин̃н̃уу народ̇и бан̣д̣ид̇абурисо. сзрид̇анд̇и сажчанд̣̇авуд̇д̇ид̇ам̣ абарааяад̇д̇ад̇ам̣. бзгкамаанод̇и бан̃н̃аажагкунаа ологаяамаано. ат̇а ваа д̇хаммасзрид̇ам̣ буг̇г̇аласзрид̇ан̃жа. логуд̇д̇арад̇хаммаа хи гилзсавасам̣ аг̇аманад̇о сзрино д̇зхи саманнааг̇ад̇аа буг̇г̇алаа жа, д̇зсам̣ бхааванид̣̇д̣̇зсо сзрид̇аа. д̇ам̣ бзгкамаанод̇и. гим̣ вуд̇д̇ам̣ ход̇и? ‘‘яат̇аа миг̇о аран̃н̃амхи аб̣ад̣̇д̇хо язнижчагам̣ г̇ажчад̇и г̇ожарааяа, гад̣̇аа ну ко ахамби звам̣ г̇ажчзяяа’’нд̇и ид̇и мз д̇умхзхи ид̇о жид̇о жа бариваарзд̇ваа тид̇зхи б̣ад̣̇д̇хасса язнижчагам̣ г̇анд̇ум̣ алабханд̇асса д̇асмим̣ язнижчагаг̇аманаабхаавзна язнижчагаг̇аманз жаанисам̣сам̣ д̣̇исваа ануггамзна самат̇авибассанаа баарибуурим̣ аг̇амам̣су. д̇ад̇о бажжзгаб̣од̇хим̣ ад̇хиг̇ад̇омхи. д̇асмаа ан̃н̃оби вин̃н̃уу бан̣д̣ид̇о наро сзрид̇ам̣ бзгкамаано зго жарз каг̇г̇ависаан̣агаббод̇и. сзсам̣ вуд̇д̇анаязнзва взд̣̇ид̇аб̣б̣анд̇и.

    Viññūnaroti paṇḍitapuriso. Seritanti sacchandavuttitaṃ aparāyattataṃ. Pekkhamānoti paññācakkhunā olokayamāno. Atha vā dhammaseritaṃ puggalaseritañca. Lokuttaradhammā hi kilesavasaṃ agamanato serino tehi samannāgatā puggalā ca, tesaṃ bhāvaniddeso seritā. Taṃ pekkhamānoti. Kiṃ vuttaṃ hoti? ‘‘Yathā migo araññamhi abaddho yenicchakaṃ gacchati gocarāya, kadā nu kho ahampi evaṃ gaccheyya’’nti iti me tumhehi ito cito ca parivāretvā ṭhitehi baddhassa yenicchakaṃ gantuṃ alabhantassa tasmiṃ yenicchakagamanābhāvena yenicchakagamane cānisaṃsaṃ disvā anukkamena samathavipassanā pāripūriṃ agamaṃsu. Tato paccekabodhiṃ adhigatomhi. Tasmā aññopi viññū paṇḍito naro seritaṃ pekkhamāno eko care khaggavisāṇakappoti. Sesaṃ vuttanayeneva veditabbanti.

    миг̇ааран̃н̃аг̇аат̇ааван̣н̣анаа самад̇д̇аа.

    Migaaraññagāthāvaṇṇanā samattā.

    40. ааманд̇анаа ход̇ийд̇и гаа уббад̇д̇и? ад̇ийд̇з гира згаваж̇ж̇игаб̣рахмад̣̇ад̇д̇о наама рааж̇аа ахоси муд̣̇угаж̇аад̇иго. яад̣̇аа амажжаа д̇зна саха яуд̇д̇ам̣ ваа аяуд̇д̇ам̣ ваа манд̇зд̇угаамаа хонд̇и, д̇ад̣̇аа нам̣ баадиязггам̣ баадиязггам̣ згаманд̇ам̣ нзнд̇и. д̇ам̣ згад̣̇ивасам̣ д̣̇иваасзяяам̣ убаг̇ад̇ам̣ ан̃н̃ад̇аро амажжо ‘‘д̣̇зва, мама сод̇аб̣б̣ам̣ ад̇т̇ий’’д̇и згаманд̇ам̣ г̇аманам̣ яаажи. со удтааяа аг̇амааси. буна зго махааубадтаанз нисиннам̣ варам̣ яаажи, зго хад̇т̇игканд̇хз, зго ассабидтияам̣ , зго суван̣н̣арат̇з, зго сивигааяа нисийд̣̇ид̇ваа уяяаанам̣ г̇ажчанд̇ам̣ яаажи. рааж̇аа д̇ад̇о орохид̇ваа згаманд̇ам̣ аг̇амааси. абаро ж̇анабад̣̇ажааригам̣ г̇ажчанд̇ам̣ яаажи, д̇ассааби важанам̣ суд̇ваа хад̇т̇ид̇о оруяха згаманд̇ам̣ аг̇амааси. звам̣ со д̇зхи ниб̣б̣инно худ̇ваа баб̣б̣аж̇и. амажжаа иссариязна вад̣дханд̇и. д̇зсу зго г̇анд̇ваа рааж̇аанам̣ ааха – ‘‘амугам̣, махаарааж̇а, ж̇анабад̣̇ам̣ маяхам̣ д̣̇зхий’’д̇и. рааж̇аа ‘‘д̇ам̣ ид̇т̇аннаамо бхун̃ж̇ад̇ий’’д̇и бхан̣ад̇и. со ран̃н̃о важанам̣ анаад̣̇ияид̇ваа ‘‘г̇ажчаамахам̣ д̇ам̣ ж̇анабад̣̇ам̣ г̇ахзд̇ваа бхун̃ж̇аамий’’д̇и д̇ад̇т̇а г̇анд̇ваа, галахам̣ гад̇ваа, буна убхоби ран̃н̃о санд̇игам̣ ааг̇анд̇ваа, ан̃н̃аман̃н̃асса д̣̇осам̣ аарожзнд̇и. рааж̇аа ‘‘на саггаа имз д̇осзд̇у’’нд̇и д̇зсам̣ лобхз аад̣̇ийнавам̣ д̣̇исваа вибассанд̇о бажжзгасамб̣од̇хим̣ сажчаагааси. со буриманаязнзва имам̣ уд̣̇аанаг̇аат̇ам̣ абхааси –

    40.Āmantanā hotīti kā uppatti? Atīte kira ekavajjikabrahmadatto nāma rājā ahosi mudukajātiko. Yadā amaccā tena saha yuttaṃ vā ayuttaṃ vā mantetukāmā honti, tadā naṃ pāṭiyekkaṃ pāṭiyekkaṃ ekamantaṃ nenti. Taṃ ekadivasaṃ divāseyyaṃ upagataṃ aññataro amacco ‘‘deva, mama sotabbaṃ atthī’’ti ekamantaṃ gamanaṃ yāci. So uṭṭhāya agamāsi. Puna eko mahāupaṭṭhāne nisinnaṃ varaṃ yāci, eko hatthikkhandhe, eko assapiṭṭhiyaṃ , eko suvaṇṇarathe, eko sivikāya nisīditvā uyyānaṃ gacchantaṃ yāci. Rājā tato orohitvā ekamantaṃ agamāsi. Aparo janapadacārikaṃ gacchantaṃ yāci, tassāpi vacanaṃ sutvā hatthito oruyha ekamantaṃ agamāsi. Evaṃ so tehi nibbinno hutvā pabbaji. Amaccā issariyena vaḍḍhanti. Tesu eko gantvā rājānaṃ āha – ‘‘amukaṃ, mahārāja, janapadaṃ mayhaṃ dehī’’ti. Rājā ‘‘taṃ itthannāmo bhuñjatī’’ti bhaṇati. So rañño vacanaṃ anādiyitvā ‘‘gacchāmahaṃ taṃ janapadaṃ gahetvā bhuñjāmī’’ti tattha gantvā, kalahaṃ katvā, puna ubhopi rañño santikaṃ āgantvā, aññamaññassa dosaṃ ārocenti. Rājā ‘‘na sakkā ime tosetu’’nti tesaṃ lobhe ādīnavaṃ disvā vipassanto paccekasambodhiṃ sacchākāsi. So purimanayeneva imaṃ udānagāthaṃ abhāsi –

    ‘‘ааманд̇анаа ход̇и сахааяамаж̇жхз, ваасз таанз г̇аманз жааригааяа;

    ‘‘Āmantanā hoti sahāyamajjhe, vāse ṭhāne gamane cārikāya;

    анабхиж̇жхид̇ам̣ сзрид̇ам̣ бзгкамаано, зго жарз каг̇г̇ависаан̣агаббо’’д̇и.

    Anabhijjhitaṃ seritaṃ pekkhamāno, eko care khaggavisāṇakappo’’ti.

    д̇ассад̇т̇о – сахааяамаж̇жхз тид̇асса д̣̇иваасзяяасан̇каад̇з ваасз жа, махааубадтаанасан̇каад̇з таанз жа, уяяаанаг̇аманасан̇каад̇з г̇аманз жа, ж̇анабад̣̇ажааригасан̇каад̇ааяа жааригааяа жа ‘‘ид̣̇ам̣ мз сун̣а, ид̣̇ам̣ мз д̣̇зхий’’д̇иаад̣̇инаа наязна д̇ат̇аа д̇ат̇аа ааманд̇анаа ход̇и, д̇асмаа ахам̣ д̇ад̇т̇а ниб̣б̣иж̇ж̇ид̇ваа яааяам̣ арияаж̇анасзвид̇аа анзгаанисам̣саа зганд̇асукаа, звам̣ санд̇зби лобхаабхибхууд̇зхи саб̣б̣агаабурисзхи анабхиж̇жхид̇аа анабхибад̇т̇ид̇аа баб̣б̣аж̇ж̇аа, д̇ам̣ анабхиж̇жхид̇ам̣ барзсам̣ авасавад̇д̇анзна д̇хаммабуг̇г̇алавасзна жа сзрид̇ам̣ бзгкамаано вибассанам̣ аарабхид̇ваа ануггамзна бажжзгасамб̣од̇хим̣ ад̇хиг̇ад̇омхийд̇и. сзсам̣ вуд̇д̇анаяамзваад̇и.

    Tassattho – sahāyamajjhe ṭhitassa divāseyyasaṅkhāte vāse ca, mahāupaṭṭhānasaṅkhāte ṭhāne ca, uyyānagamanasaṅkhāte gamane ca, janapadacārikasaṅkhātāya cārikāya ca ‘‘idaṃ me suṇa, idaṃ me dehī’’tiādinā nayena tathā tathā āmantanā hoti, tasmā ahaṃ tattha nibbijjitvā yāyaṃ ariyajanasevitā anekānisaṃsā ekantasukhā, evaṃ santepi lobhābhibhūtehi sabbakāpurisehi anabhijjhitā anabhipatthitā pabbajjā, taṃ anabhijjhitaṃ paresaṃ avasavattanena dhammapuggalavasena ca seritaṃ pekkhamāno vipassanaṃ ārabhitvā anukkamena paccekasambodhiṃ adhigatomhīti. Sesaṃ vuttanayamevāti.

    ааманд̇анааг̇аат̇ааван̣н̣анаа самад̇д̇аа.

    Āmantanāgāthāvaṇṇanā samattā.

    41. кид̣д̣аа рад̇ийд̇и гаа уббад̇д̇и? б̣аараан̣асияам̣ згабуд̇д̇агаб̣рахмад̣̇ад̇д̇о наама рааж̇аа ахоси. со жасса згабуд̇д̇аго бияо ахоси манаабо баан̣асамо. со саб̣б̣ирияаабат̇зсу буд̇д̇ам̣ г̇ахзд̇ваава вад̇д̇ад̇и. со згад̣̇ивасам̣ уяяаанам̣ г̇ажчанд̇о д̇ам̣ табзд̇ваа г̇ад̇о. гумаароби д̇ам̣ д̣̇ивасам̣язва уббаннзна б̣яаад̇хинаа мад̇о. амажжаа ‘‘буд̇д̇асинзхзна ран̃н̃о хад̣̇аяамби палзяяаа’’д̇и анаарожзд̇ваава нам̣ жхаабзсум̣. рааж̇аа уяяаанз сураамад̣̇зна мад̇д̇о буд̇д̇ам̣ нзва сари, д̇ат̇аа д̣̇уд̇ияад̣̇ивасзби нхаанабхож̇анавзлаасу. ат̇а бхуд̇д̇аавий нисинно сарид̇ваа ‘‘буд̇д̇ам̣ мз аанзт̇аа’’д̇и ааха. д̇асса ануруубзна вид̇хаанзна д̇ам̣ бавад̇д̇им̣ аарожзсум̣. д̇ад̇о согаабхибхууд̇о нисинно звам̣ яонисо манасаагааси ‘‘имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇ий’’д̇и. со звам̣ ануггамзна ануломабадиломам̣ бадижжасамуббаад̣̇ам̣ саммасанд̇о бажжзгаб̣од̇хим̣ сажчаагааси. сзсам̣ сам̣саг̇г̇аг̇аат̇ааяа вуд̇д̇асад̣̇исамзва табзд̇ваа г̇аат̇ааяад̇т̇аван̣н̣анам̣.

    41.Khiḍḍā ratīti kā uppatti? Bārāṇasiyaṃ ekaputtakabrahmadatto nāma rājā ahosi. So cassa ekaputtako piyo ahosi manāpo pāṇasamo. So sabbiriyāpathesu puttaṃ gahetvāva vattati. So ekadivasaṃ uyyānaṃ gacchanto taṃ ṭhapetvā gato. Kumāropi taṃ divasaṃyeva uppannena byādhinā mato. Amaccā ‘‘puttasinehena rañño hadayampi phaleyyā’’ti anārocetvāva naṃ jhāpesuṃ. Rājā uyyāne surāmadena matto puttaṃ neva sari, tathā dutiyadivasepi nhānabhojanavelāsu. Atha bhuttāvī nisinno saritvā ‘‘puttaṃ me ānethā’’ti āha. Tassa anurūpena vidhānena taṃ pavattiṃ ārocesuṃ. Tato sokābhibhūto nisinno evaṃ yoniso manasākāsi ‘‘imasmiṃ sati idaṃ hoti, imassuppādā idaṃ uppajjatī’’ti. So evaṃ anukkamena anulomapaṭilomaṃ paṭiccasamuppādaṃ sammasanto paccekabodhiṃ sacchākāsi. Sesaṃ saṃsaggagāthāya vuttasadisameva ṭhapetvā gāthāyatthavaṇṇanaṃ.

    ад̇т̇аван̣н̣анааяам̣ бана кид̣д̣аад̇и гийл̣анаа. саа д̣̇увид̇хаа ход̇и – гааяигаа, ваажасигаа жа. д̇ад̇т̇а гааяигаа наама хад̇т̇ийхиби гийл̣анд̇и, ассзхиби, рат̇зхиби, д̇хануухиби, т̇аруухибийд̇и звамаад̣̇и. ваажасигаа наама г̇ийд̇ам̣, силогабхан̣анам̣, мукабхзрийд̇и звамаад̣̇и. рад̇ийд̇и бан̃жагаамаг̇ун̣арад̇и. вибуланд̇и яаава адтимин̃ж̇ам̣ аахажжа таанзна сагалад̇д̇абхааваб̣яаабагам̣. сзсам̣ баагадамзва. анусанд̇хияож̇анааби жзд̇т̇а сам̣саг̇г̇аг̇аат̇ааяа вуд̇д̇анаязнзва взд̣̇ид̇аб̣б̣аа, д̇ад̇о баран̃жа саб̣б̣анд̇и.

    Atthavaṇṇanāyaṃ pana khiḍḍāti kīḷanā. Sā duvidhā hoti – kāyikā, vācasikā ca. Tattha kāyikā nāma hatthīhipi kīḷanti, assehipi, rathehipi, dhanūhipi, tharūhipīti evamādi. Vācasikā nāma gītaṃ, silokabhaṇanaṃ, mukhabherīti evamādi. Ratīti pañcakāmaguṇarati. Vipulanti yāva aṭṭhimiñjaṃ āhacca ṭhānena sakalattabhāvabyāpakaṃ. Sesaṃ pākaṭameva. Anusandhiyojanāpi cettha saṃsaggagāthāya vuttanayeneva veditabbā, tato parañca sabbanti.

    кид̣д̣аарад̇иг̇аат̇ааван̣н̣анаа самад̇д̇аа.

    Khiḍḍāratigāthāvaṇṇanā samattā.

    42. жаад̇уд̣̇д̣̇исод̇и гаа уббад̇д̇и? буб̣б̣з гира гассабасса бхаг̇авад̇о саасанз бан̃жа бажжзгаб̣од̇хисад̇д̇аа баб̣б̣аж̇ид̇ваа вийсад̇и вассасахассаани г̇ад̇абажжааг̇ад̇авад̇д̇ам̣ буурзд̇ваа д̣̇звалогз уббаннаа. д̇ад̇о жавид̇ваа д̇зсам̣ ж̇здтаго б̣аараан̣асияам̣ рааж̇аа ахоси, сзсаа баагад̇игарааж̇аано. д̇з жад̇д̇аароби гаммадтаанам̣ уг̇г̇ан̣хид̇ваа, раж̇ж̇ам̣ бахааяа баб̣б̣аж̇ид̇ваа, ануггамзна бажжзгаб̣уд̣̇д̇хаа худ̇ваа нанд̣̇амуулагабаб̣бхаарз васанд̇аа згад̣̇ивасам̣ самаабад̇д̇ид̇о вудтааяа вам̣сагал̣ийраг̇аат̇ааяам̣ вуд̇д̇анаязнзва ад̇д̇ано гамман̃жа сахааяан̃жа ааваж̇ж̇зд̇ваа н̃ад̇ваа б̣аараан̣асиран̃н̃о убааязна аарамман̣ам̣ д̣̇ассзд̇ум̣ огаасам̣ г̇авзсанд̇и. со жа рааж̇аа д̇игкад̇д̇ум̣ рад̇д̇ияаа уб̣б̣иж̇ж̇ад̇и, бхийд̇о виссарам̣ гарод̇и, махаад̇алз д̇хаавад̇и. бурохид̇зна гаалассзва вудтааяа сукасзяяам̣ бужчид̇оби ‘‘гуд̇о мз, аажарияа, сука’’нд̇и саб̣б̣ам̣ д̇ам̣ бавад̇д̇им̣ аарожзси. бурохид̇оби ‘‘аяам̣ рог̇о на саггаа язна гзнажи уд̣̇д̇хам̣вирзжанаад̣̇инаа бхзсаж̇ж̇агаммзна винзд̇ум̣ , маяхам̣ бана каад̣̇ануубааяо уббанно’’д̇и жинд̇зд̇ваа ‘‘раж̇ж̇ахааниж̇ийвид̇анд̇арааяаад̣̇ийнам̣ буб̣б̣анимид̇д̇ам̣ зд̇ам̣ махаарааж̇аа’’д̇и рааж̇аанам̣ судтуд̇арам̣ уб̣б̣зж̇зд̇ваа д̇асса вуубасаманад̇т̇ам̣ ‘‘зд̇д̇агз жа зд̇д̇агз жа хад̇т̇иассарат̇аад̣̇аяо хиран̃н̃асуван̣н̣ан̃жа д̣̇агкин̣ам̣ д̣̇ад̇ваа яан̃н̃о яаж̇ид̇аб̣б̣о’’д̇и д̇ам̣ яан̃н̃аяаж̇анз самаад̣̇абзси.

    42.Cātuddisoti kā uppatti? Pubbe kira kassapassa bhagavato sāsane pañca paccekabodhisattā pabbajitvā vīsati vassasahassāni gatapaccāgatavattaṃ pūretvā devaloke uppannā. Tato cavitvā tesaṃ jeṭṭhako bārāṇasiyaṃ rājā ahosi, sesā pākatikarājāno. Te cattāropi kammaṭṭhānaṃ uggaṇhitvā, rajjaṃ pahāya pabbajitvā, anukkamena paccekabuddhā hutvā nandamūlakapabbhāre vasantā ekadivasaṃ samāpattito vuṭṭhāya vaṃsakaḷīragāthāyaṃ vuttanayeneva attano kammañca sahāyañca āvajjetvā ñatvā bārāṇasirañño upāyena ārammaṇaṃ dassetuṃ okāsaṃ gavesanti. So ca rājā tikkhattuṃ rattiyā ubbijjati, bhīto vissaraṃ karoti, mahātale dhāvati. Purohitena kālasseva vuṭṭhāya sukhaseyyaṃ pucchitopi ‘‘kuto me, ācariya, sukha’’nti sabbaṃ taṃ pavattiṃ ārocesi. Purohitopi ‘‘ayaṃ rogo na sakkā yena kenaci uddhaṃvirecanādinā bhesajjakammena vinetuṃ , mayhaṃ pana khādanūpāyo uppanno’’ti cintetvā ‘‘rajjahānijīvitantarāyādīnaṃ pubbanimittaṃ etaṃ mahārājā’’ti rājānaṃ suṭṭhutaraṃ ubbejetvā tassa vūpasamanatthaṃ ‘‘ettake ca ettake ca hatthiassarathādayo hiraññasuvaṇṇañca dakkhiṇaṃ datvā yañño yajitabbo’’ti taṃ yaññayajane samādapesi.

    д̇ад̇о бажжзгаб̣уд̣̇д̇хаа анзгаани баан̣асахассаани яан̃н̃ад̇т̇ааяа самбин̣д̣ияамаанаани д̣̇исваа ‘‘зд̇асмим̣ гаммз гад̇з д̣̇уб̣б̣од̇ханзяяо бхависсад̇и, ханд̣̇а нам̣ бадигажжзва г̇анд̇ваа бзгкаамаа’’д̇и вам̣сагал̣ийраг̇аат̇ааяам̣ вуд̇д̇анаязнзва ааг̇анд̇ваа бин̣д̣ааяа жарамаанаа рааж̇ан̇г̇ан̣з бадибаадияаа аг̇амам̣су. рааж̇аа сийхабан̃ж̇арз тид̇о рааж̇ан̇г̇ан̣ам̣ ологаяамаано д̇з ад̣̇д̣̇агки , саха д̣̇ассанзнзва жасса синзхо уббаж̇ж̇и. д̇ад̇о д̇з баггосаабзд̇ваа аагаасад̇алз бан̃н̃ад̇д̇аасанз нисийд̣̇аабзд̇ваа саггажжам̣ бхож̇зд̇ваа гад̇абхад̇д̇агижжз ‘‘гз д̇умхз’’д̇и бужчи. ‘‘маяам̣, махаарааж̇а, жаад̇уд̣̇д̣̇исаа наамаа’’д̇и. ‘‘бханд̇з, жаад̇уд̣̇д̣̇исаад̇и имасса го ад̇т̇о’’д̇и? ‘‘жад̇уусу д̣̇исаасу гад̇т̇ажи гуд̇ожи бхаяам̣ ваа жид̇д̇уд̇раасо ваа амхаагам̣ над̇т̇и, махаарааж̇аа’’д̇и. ‘‘бханд̇з, д̇умхаагам̣ д̇ам̣ бхаяам̣ гим̣ гааран̣аа на ход̇ий’’д̇и? ‘‘маяан̃хи, махаарааж̇а, мзд̇д̇ам̣ бхаавзма, гарун̣ам̣ бхаавзма, муд̣̇ид̇ам̣ бхаавзма, убзгкам̣ бхаавзма, д̇зна но д̇ам̣ бхаяам̣ на ход̇ий’’д̇и вад̇ваа удтааяаасанаа ад̇д̇ано васад̇им̣ аг̇амам̣су.

    Tato paccekabuddhā anekāni pāṇasahassāni yaññatthāya sampiṇḍiyamānāni disvā ‘‘etasmiṃ kamme kate dubbodhaneyyo bhavissati, handa naṃ paṭikacceva gantvā pekkhāmā’’ti vaṃsakaḷīragāthāyaṃ vuttanayeneva āgantvā piṇḍāya caramānā rājaṅgaṇe paṭipāṭiyā agamaṃsu. Rājā sīhapañjare ṭhito rājaṅgaṇaṃ olokayamāno te addakkhi , saha dassaneneva cassa sineho uppajji. Tato te pakkosāpetvā ākāsatale paññattāsane nisīdāpetvā sakkaccaṃ bhojetvā katabhattakicce ‘‘ke tumhe’’ti pucchi. ‘‘Mayaṃ, mahārāja, cātuddisā nāmā’’ti. ‘‘Bhante, cātuddisāti imassa ko attho’’ti? ‘‘Catūsu disāsu katthaci kutoci bhayaṃ vā cittutrāso vā amhākaṃ natthi, mahārājā’’ti. ‘‘Bhante, tumhākaṃ taṃ bhayaṃ kiṃ kāraṇā na hotī’’ti? ‘‘Mayañhi, mahārāja, mettaṃ bhāvema, karuṇaṃ bhāvema, muditaṃ bhāvema, upekkhaṃ bhāvema, tena no taṃ bhayaṃ na hotī’’ti vatvā uṭṭhāyāsanā attano vasatiṃ agamaṃsu.

    д̇ад̇о рааж̇аа жинд̇зси ‘‘имз саман̣аа мзд̇д̇аад̣̇ибхааванааяа бхаяам̣ на ход̇ийд̇и бхан̣анд̇и, б̣раахман̣аа бана анзгасахассабаан̣авад̇хам̣ ван̣н̣аяанд̇и, гзсам̣ ну ко важанам̣ сажжа’’нд̇и. ат̇асса зд̇ад̣̇ахоси – ‘‘саман̣аа суд̣̇д̇хзна асуд̣̇д̇хам̣ д̇хованд̇и, б̣раахман̣аа бана асуд̣̇д̇хзна асуд̣̇д̇хам̣. на жа саггаа асуд̣̇д̇хзна асуд̣̇д̇хам̣ д̇ховид̇ум̣, баб̣б̣аж̇ид̇аанам̣ зва важанам̣ сажжа’’нд̇и. со ‘‘саб̣б̣з сад̇д̇аа сукид̇аа хонд̇уу’’д̇иаад̣̇инаа наязна мзд̇д̇аад̣̇аяо жад̇д̇аароби б̣рахмавихаарз бхаавзд̇ваа хид̇апаран̣ажид̇д̇зна амажжз аан̣аабзси ‘‘саб̣б̣з баан̣з мун̃жат̇а, сийд̇аани баанийяаани биванд̇у, харид̇аани д̇ин̣аани каад̣̇анд̇у, сийд̇о жа нзсам̣ ваад̇о убавааяад̇уу’’д̇и. д̇з д̇ат̇аа агам̣су.

    Tato rājā cintesi ‘‘ime samaṇā mettādibhāvanāya bhayaṃ na hotīti bhaṇanti, brāhmaṇā pana anekasahassapāṇavadhaṃ vaṇṇayanti, kesaṃ nu kho vacanaṃ sacca’’nti. Athassa etadahosi – ‘‘samaṇā suddhena asuddhaṃ dhovanti, brāhmaṇā pana asuddhena asuddhaṃ. Na ca sakkā asuddhena asuddhaṃ dhovituṃ, pabbajitānaṃ eva vacanaṃ sacca’’nti. So ‘‘sabbe sattā sukhitā hontū’’tiādinā nayena mettādayo cattāropi brahmavihāre bhāvetvā hitapharaṇacittena amacce āṇāpesi ‘‘sabbe pāṇe muñcatha, sītāni pānīyāni pivantu, haritāni tiṇāni khādantu, sīto ca nesaṃ vāto upavāyatū’’ti. Te tathā akaṃsu.

    д̇ад̇о рааж̇аа ‘‘галяаан̣амид̇д̇аанам̣ важанзнзва баабагаммад̇о муд̇д̇омхий’’д̇и д̇ад̇т̇зва нисинно вибассид̇ваа бажжзгасамб̣од̇хим̣ сажчаагааси. амажжзхи жа бхож̇анавзлааяам̣ ‘‘бхун̃ж̇а, махаарааж̇а, гаало’’д̇и вуд̇д̇з ‘‘наахам̣ рааж̇аа’’д̇и буриманаязнзва саб̣б̣ам̣ вад̇ваа имам̣ уд̣̇аанаб̣яаагаран̣аг̇аат̇ам̣ абхааси –

    Tato rājā ‘‘kalyāṇamittānaṃ vacaneneva pāpakammato muttomhī’’ti tattheva nisinno vipassitvā paccekasambodhiṃ sacchākāsi. Amaccehi ca bhojanavelāyaṃ ‘‘bhuñja, mahārāja, kālo’’ti vutte ‘‘nāhaṃ rājā’’ti purimanayeneva sabbaṃ vatvā imaṃ udānabyākaraṇagāthaṃ abhāsi –

    ‘‘жаад̇уд̣̇д̣̇исо аббадигхо жа ход̇и, санд̇уссамаано ид̇арийд̇арзна;

    ‘‘Cātuddiso appaṭigho ca hoti, santussamāno itarītarena;

    бариссаяаанам̣ сахид̇аа ачамбхий, зго жарз каг̇г̇ависаан̣агаббо’’д̇и.

    Parissayānaṃ sahitā achambhī, eko care khaggavisāṇakappo’’ti.

    д̇ад̇т̇а жаад̇уд̣̇д̣̇исод̇и жад̇уусу д̣̇исаасу яат̇аасукавихаарий, ‘‘згам̣ д̣̇исам̣ парид̇ваа вихарад̇ий’’д̇иаад̣̇инаа (д̣̇ий. ни. 3.308; а. ни. 4.125; жуул̣ани. каг̇г̇ависаан̣асуд̇д̇анид̣̇д̣̇зса 128) ваа наязна б̣рахмавихаарабхааванаапарид̇аа жад̇ассо д̣̇исаа асса санд̇ийд̇иби жаад̇уд̣̇д̣̇исо. д̇аасу д̣̇исаасу гад̇т̇ажи сад̇д̇з ваа сан̇каарз ваа бхаязна на бадихан̃н̃ад̇ийд̇и аббадигхо. санд̇уссамаанод̇и д̣̇ваад̣̇асавид̇хасса санд̇осассавасзна санд̇уссаго, ид̇арийд̇арзнаад̇и ужжааважзна бажжаязна. бариссаяаанам̣ сахид̇аа ачамбхийд̇и зд̇т̇а бариссаяанд̇и гааяажид̇д̇аани, барихаабзнд̇и ваа д̇зсам̣ самбад̇д̇им̣, д̇аани ваа бадижжа саяанд̇ийд̇и бариссаяаа, б̣аахираанам̣ сийхаб̣яаг̇гхаад̣̇ийнам̣ аб̣бханд̇араанан̃жа гаамажчанд̣̇аад̣̇ийнам̣ гааяажид̇д̇убад̣̇д̣̇аваанам̣ зд̇ам̣ ад̇хиважанам̣. д̇з бариссаяз ад̇хиваасанаканд̇ияаа жа вийрияаад̣̇ийхи д̇хаммзхи жа сахад̇ийд̇и бариссаяаанам̣ сахид̇аа. т̇ад̣̇д̇хабхаавагарабхаяаабхаавзна ачамбхий. гим̣ вуд̇д̇ам̣ ход̇и? яат̇аа д̇з жад̇д̇ааро саман̣аа, звам̣ ид̇арийд̇арзна бажжаязна санд̇уссамаано зд̇т̇а бадибад̇д̇ибад̣̇адтаанз санд̇осз тид̇о жад̇уусу д̣̇исаасу мзд̇д̇аад̣̇ибхааванааяа жаад̇уд̣̇д̣̇исо, сад̇д̇асан̇каарзсу бадихананабхаяаабхаавзна аббадигхо жа ход̇и. со жаад̇уд̣̇д̣̇исад̇д̇аа вуд̇д̇аббагаараанам̣ бариссаяаанам̣ сахид̇аа, аббадигхад̇д̇аа ачамбхий жа ход̇ийд̇и звам̣ бадибад̇д̇иг̇ун̣ам̣ д̣̇исваа яонисо бадибаж̇ж̇ид̇ваа бажжзгаб̣од̇хим̣ ад̇хиг̇ад̇омхийд̇и. ат̇а ваа д̇з саман̣аа вияа санд̇уссамаано ид̇арийд̇арзна вуд̇д̇анаязнзва жаад̇уд̣̇д̣̇исо ход̇ийд̇и н̃ад̇ваа звам̣ жаад̇уд̣̇д̣̇исабхаавам̣ бад̇т̇аяанд̇о яонисо бадибаж̇ж̇ид̇ваа ад̇хиг̇ад̇омхи. д̇асмаа ан̃н̃оби ийд̣̇исам̣ таанам̣ бад̇т̇аяамаано жаад̇уд̣̇д̣̇исад̇ааяа бариссаяаанам̣ сахид̇аа аббадигхад̇ааяа жа ачамбхий худ̇ваа зго жарз каг̇г̇ависаан̣агаббод̇и. сзсам̣ вуд̇д̇анаяамзваад̇и.

    Tattha cātuddisoti catūsu disāsu yathāsukhavihārī, ‘‘ekaṃ disaṃ pharitvā viharatī’’tiādinā (dī. ni. 3.308; a. ni. 4.125; cūḷani. khaggavisāṇasuttaniddesa 128) vā nayena brahmavihārabhāvanāpharitā catasso disā assa santītipi cātuddiso. Tāsu disāsu katthaci satte vā saṅkhāre vā bhayena na paṭihaññatīti appaṭigho. Santussamānoti dvādasavidhassa santosassavasena santussako, itarītarenāti uccāvacena paccayena. Parissayānaṃ sahitā achambhīti ettha parissayanti kāyacittāni, parihāpenti vā tesaṃ sampattiṃ, tāni vā paṭicca sayantīti parissayā, bāhirānaṃ sīhabyagghādīnaṃ abbhantarānañca kāmacchandādīnaṃ kāyacittupaddavānaṃ etaṃ adhivacanaṃ. Te parissaye adhivāsanakhantiyā ca vīriyādīhi dhammehi ca sahatīti parissayānaṃ sahitā. Thaddhabhāvakarabhayābhāvena achambhī. Kiṃ vuttaṃ hoti? Yathā te cattāro samaṇā, evaṃ itarītarena paccayena santussamāno ettha paṭipattipadaṭṭhāne santose ṭhito catūsu disāsu mettādibhāvanāya cātuddiso, sattasaṅkhāresu paṭihananabhayābhāvena appaṭigho ca hoti. So cātuddisattā vuttappakārānaṃ parissayānaṃ sahitā, appaṭighattā achambhī ca hotīti evaṃ paṭipattiguṇaṃ disvā yoniso paṭipajjitvā paccekabodhiṃ adhigatomhīti. Atha vā te samaṇā viya santussamāno itarītarena vuttanayeneva cātuddiso hotīti ñatvā evaṃ cātuddisabhāvaṃ patthayanto yoniso paṭipajjitvā adhigatomhi. Tasmā aññopi īdisaṃ ṭhānaṃ patthayamāno cātuddisatāya parissayānaṃ sahitā appaṭighatāya ca achambhī hutvā eko care khaggavisāṇakappoti. Sesaṃ vuttanayamevāti.

    жаад̇уд̣̇д̣̇исаг̇аат̇ааван̣н̣анаа самад̇д̇аа.

    Cātuddisagāthāvaṇṇanā samattā.

    43. д̣̇уссан̇г̇ахаад̇и гаа уббад̇д̇и? б̣аараан̣асиран̃н̃о гира аг̇г̇амахзсий гааламагааси. д̇ад̇о вийд̇ивад̇д̇зсу согад̣̇ивасзсу згам̣ д̣̇ивасам̣ амажжаа ‘‘рааж̇уунам̣ наама д̇зсу д̇зсу гижжзсу аг̇г̇амахзсий авассам̣ ижчид̇аб̣б̣аа, саад̇ху, д̣̇зво, ан̃н̃ам̣ д̣̇звим̣ аанзд̇уу’’д̇и яаажим̣су. рааж̇аа‘‘д̇зна хи, бхан̣з, ж̇аанаат̇аа’’д̇и ааха. д̇з бариязсанд̇аа сааманд̇араж̇ж̇з рааж̇аа мад̇о. д̇асса д̣̇звий раж̇ж̇ам̣ анусаасад̇и. саа жа г̇аб̣бхиний ход̇и. амажжаа ‘‘аяам̣ ран̃н̃о ануруубаа’’д̇и н̃ад̇ваа д̇ам̣ яаажим̣су. саа ‘‘г̇аб̣бхиний наама мануссаанам̣ аманаабаа ход̇и, сажз ааг̇амзт̇а, яаава виж̇ааяаами, звам̣ ход̇у, но жз, ан̃н̃ам̣ бариязсат̇аа’’д̇и ааха. д̇з ран̃н̃оби зд̇амад̇т̇ам̣ аарожзсум̣. рааж̇аа ‘‘г̇аб̣бхинийби ход̇у аанзт̇аа’’д̇и. д̇з аанзсум̣. рааж̇аа д̇ам̣ абхисин̃жид̇ваа саб̣б̣ам̣ махзсийбхог̇ам̣ ад̣̇ааси. д̇ассаа бариж̇анан̃жа наанаавид̇хзхи бан̣н̣аагаарзхи сан̇г̇ан̣хаад̇и. саа гаалзна буд̇д̇ам̣ виж̇ааяи. д̇амби рааж̇аа ад̇д̇ано ж̇аад̇абуд̇д̇амива саб̣б̣ирияаабат̇зсу ан̇гз жа урз жа гад̇ваа вихарад̇и. д̇ад̇о д̣̇звияаа бариж̇ано жинд̇зси ‘‘рааж̇аа ад̇ивияа сан̇г̇ан̣хаад̇и гумаарам̣, ад̇ивиссаасанияаани рааж̇ахад̣̇аяаани, ханд̣̇а нам̣ барибхзд̣̇змаа’’д̇и.

    43.Dussaṅgahāti kā uppatti? Bārāṇasirañño kira aggamahesī kālamakāsi. Tato vītivattesu sokadivasesu ekaṃ divasaṃ amaccā ‘‘rājūnaṃ nāma tesu tesu kiccesu aggamahesī avassaṃ icchitabbā, sādhu, devo, aññaṃ deviṃ ānetū’’ti yāciṃsu. Rājā‘‘tena hi, bhaṇe, jānāthā’’ti āha. Te pariyesantā sāmantarajje rājā mato. Tassa devī rajjaṃ anusāsati. Sā ca gabbhinī hoti. Amaccā ‘‘ayaṃ rañño anurūpā’’ti ñatvā taṃ yāciṃsu. Sā ‘‘gabbhinī nāma manussānaṃ amanāpā hoti, sace āgametha, yāva vijāyāmi, evaṃ hotu, no ce, aññaṃ pariyesathā’’ti āha. Te raññopi etamatthaṃ ārocesuṃ. Rājā ‘‘gabbhinīpi hotu ānethā’’ti. Te ānesuṃ. Rājā taṃ abhisiñcitvā sabbaṃ mahesībhogaṃ adāsi. Tassā parijanañca nānāvidhehi paṇṇākārehi saṅgaṇhāti. Sā kālena puttaṃ vijāyi. Tampi rājā attano jātaputtamiva sabbiriyāpathesu aṅke ca ure ca katvā viharati. Tato deviyā parijano cintesi ‘‘rājā ativiya saṅgaṇhāti kumāraṃ, ativissāsaniyāni rājahadayāni, handa naṃ paribhedemā’’ti.

    д̇ад̇о гумаарам̣ – ‘‘д̇вам̣, д̇аад̇а, амхаагам̣ ран̃н̃о буд̇д̇о, на имасса ран̃н̃о, маа зд̇т̇а виссаасам̣ аабаж̇ж̇ий’’д̇и аахам̣су. ат̇а гумааро ‘‘зхи буд̇д̇аа’’д̇и ран̃н̃аа вужжамааноби хад̇т̇з г̇ахзд̇ваа аагад̣дхияамааноби буб̣б̣з вияа рааж̇аанам̣ на аллийяад̇и. рааж̇аа ‘‘гим̣ зд̇а’’нд̇и виймам̣санд̇о д̇ам̣ бавад̇д̇им̣ н̃ад̇ваа ‘‘арз, зд̇з маяаа звам̣ сан̇г̇ахид̇ааби бадигуулавуд̇д̇ино зваа’’д̇и ниб̣б̣иж̇ж̇ид̇ваа раж̇ж̇ам̣ бахааяа баб̣б̣аж̇ид̇о. ‘‘рааж̇аа баб̣б̣аж̇ид̇о’’д̇и амажжабариж̇анааби б̣ахуу баб̣б̣аж̇ид̇аа , ‘‘сабариж̇ано рааж̇аа баб̣б̣аж̇ид̇о’’д̇и мануссаа бан̣ийд̇з бажжаяз убанзнд̇и. рааж̇аа бан̣ийд̇з бажжаяз яат̇аавуд̣дхам̣ д̣̇аабзд̇и. д̇ад̇т̇а яз сунд̣̇арам̣ лабханд̇и, д̇з д̇уссанд̇и. ид̇арз уж̇жхааяанд̇и ‘‘маяам̣ баривзн̣асаммаж̇ж̇анаад̣̇ийни саб̣б̣агижжаани гаронд̇аа луукабхад̇д̇ам̣ ж̇ин̣н̣авад̇т̇ан̃жа лабхаамаа’’д̇и. со д̇амби н̃ад̇ваа ‘‘арз, яат̇аавуд̣дхам̣ д̣̇ияяамаанзби наама уж̇жхааяанд̇и, ахо, аяам̣ барисаа д̣̇уссан̇г̇ахаа’’д̇и бад̇д̇ажийварам̣ аад̣̇ааяа зго аран̃н̃ам̣ бависид̇ваа вибассанам̣ аарабхид̇ваа бажжзгаб̣од̇хим̣ сажчаагааси. д̇ад̇т̇а ааг̇ад̇зхи жа гаммадтаанам̣ бужчид̇о имам̣ г̇аат̇ам̣ абхааси –

    Tato kumāraṃ – ‘‘tvaṃ, tāta, amhākaṃ rañño putto, na imassa rañño, mā ettha vissāsaṃ āpajjī’’ti āhaṃsu. Atha kumāro ‘‘ehi puttā’’ti raññā vuccamānopi hatthe gahetvā ākaḍḍhiyamānopi pubbe viya rājānaṃ na allīyati. Rājā ‘‘kiṃ eta’’nti vīmaṃsanto taṃ pavattiṃ ñatvā ‘‘are, ete mayā evaṃ saṅgahitāpi paṭikūlavuttino evā’’ti nibbijjitvā rajjaṃ pahāya pabbajito. ‘‘Rājā pabbajito’’ti amaccaparijanāpi bahū pabbajitā , ‘‘saparijano rājā pabbajito’’ti manussā paṇīte paccaye upanenti. Rājā paṇīte paccaye yathāvuḍḍhaṃ dāpeti. Tattha ye sundaraṃ labhanti, te tussanti. Itare ujjhāyanti ‘‘mayaṃ pariveṇasammajjanādīni sabbakiccāni karontā lūkhabhattaṃ jiṇṇavatthañca labhāmā’’ti. So tampi ñatvā ‘‘are, yathāvuḍḍhaṃ diyyamānepi nāma ujjhāyanti, aho, ayaṃ parisā dussaṅgahā’’ti pattacīvaraṃ ādāya eko araññaṃ pavisitvā vipassanaṃ ārabhitvā paccekabodhiṃ sacchākāsi. Tattha āgatehi ca kammaṭṭhānaṃ pucchito imaṃ gāthaṃ abhāsi –

    ‘‘д̣̇уссан̇г̇ахаа баб̣б̣аж̇ид̇ааби згз, ат̇о г̇ахадтаа гхарамаавасанд̇аа;

    ‘‘Dussaṅgahā pabbajitāpi eke, atho gahaṭṭhā gharamāvasantā;

    аббоссугго барабуд̇д̇зсу худ̇ваа, зго жарз каг̇г̇ависаан̣агаббо’’д̇и.

    Appossukko paraputtesu hutvā, eko care khaggavisāṇakappo’’ti.

    саа ад̇т̇ад̇о баагадаа зва. аяам̣ бана яож̇анаа – д̣̇уссан̇г̇ахаа баб̣б̣аж̇ид̇ааби згз, яз асанд̇осаабхибхууд̇аа, д̇ат̇аавид̇хаа зва жа ат̇о г̇ахадтаа гхарамаавасанд̇аа. зд̇амахам̣ д̣̇уссан̇г̇ахабхаавам̣ ж̇иг̇ужчанд̇о вибассанам̣ аарабхид̇ваа бажжзгаб̣од̇хим̣ ад̇хиг̇ад̇омхийд̇и. сзсам̣ буриманаязнзва взд̣̇ид̇аб̣б̣анд̇и.

    Sā atthato pākaṭā eva. Ayaṃ pana yojanā – dussaṅgahā pabbajitāpi eke, ye asantosābhibhūtā, tathāvidhā eva ca atho gahaṭṭhā gharamāvasantā. Etamahaṃ dussaṅgahabhāvaṃ jigucchanto vipassanaṃ ārabhitvā paccekabodhiṃ adhigatomhīti. Sesaṃ purimanayeneva veditabbanti.

    д̣̇уссан̇г̇ахаг̇аат̇ааван̣н̣анаа самад̇д̇аа.

    Dussaṅgahagāthāvaṇṇanā samattā.

    44. оробаяид̇ваад̇и гаа уббад̇д̇и? б̣аараан̣асияам̣ гира жаад̇умаасигаб̣рахмад̣̇ад̇д̇о наама рааж̇аа г̇имхаанам̣ батамз маасз уяяаанам̣ г̇ад̇о. д̇ад̇т̇а раман̣ийяз бхуумибхааг̇з нийлагханабад̇д̇асан̃чаннам̣ говил̣аараругкам̣ д̣̇исваа ‘‘говил̣аарамуулз мама саяанам̣ бан̃н̃аабзт̇аа’’д̇и вад̇ваа уяяаанз гийл̣ид̇ваа сааяанхасамаяам̣ д̇ад̇т̇а сзяяам̣ габбзси. буна г̇имхаанам̣ маж̇жхимз маасз уяяаанам̣ г̇ад̇о. д̇ад̣̇аа говил̣ааро бубпид̇о ход̇и, д̇ад̣̇ааби д̇ат̇зва агааси. буна г̇имхаанам̣ бажчимз маасз г̇ад̇о. д̇ад̣̇аа говил̣ааро сан̃чиннабад̇д̇о сугкаругко вияа ход̇и. д̇ад̣̇ааби со ад̣̇исваава д̇ам̣ ругкам̣ буб̣б̣абарижаязна д̇ад̇т̇зва сзяяам̣ аан̣аабзси. амажжаа ж̇аананд̇ааби ‘‘ран̃н̃аа аан̣ад̇д̇а’’нд̇и бхаязна д̇ад̇т̇а саяанам̣ бан̃н̃аабзсум̣. со уяяаанз гийл̣ид̇ваа сааяанхасамаяам̣ д̇ад̇т̇а сзяяам̣ габбзнд̇о д̇ам̣ ругкам̣ д̣̇исваа ‘‘арз, аяам̣ буб̣б̣з сан̃чаннабад̇д̇о ман̣имаяо вияа абхируубад̣̇ассано ахоси. д̇ад̇о ман̣иван̣н̣асааканд̇арз табид̇абаваал̣ан̇гурасад̣̇исзхи бубпзхи сассиригажааруд̣̇ассано ахоси. муд̇д̇аад̣̇аласад̣̇исаваалигаагин̣н̣о жасса хздтаа бхуумибхааг̇о б̣анд̇ханаа бамуд̇д̇абубпасан̃чанно рад̇д̇агамб̣аласант̇ад̇о вияа ахоси. со наамаж̇ж̇а сугкаругко вияа саакаамад̇д̇аавасзсо тид̇о. ‘ахо, ж̇арааяа убахад̇о говил̣ааро’’’д̇и жинд̇зд̇ваа ‘‘анубаад̣̇иннамби д̇аава ж̇араа хан̃н̃ад̇и, гиман̇г̇а бана убаад̣̇инна’’нд̇и анижжасан̃н̃ам̣ бадилабхи. д̇ад̣̇анусаарзнзва саб̣б̣асан̇каарз д̣̇угкад̇о анад̇д̇ад̇о жа вибассанд̇о ‘‘ахо вад̇аахамби сан̃чиннабад̇д̇о говил̣ааро вияа абзд̇аг̇ихиб̣яан̃ж̇ано бхавзяяа’’нд̇и бад̇т̇аяамаано анубуб̣б̣зна д̇асмим̣ саяанад̇алз д̣̇агкин̣зна бассзна нибанноязва бажжзгаб̣од̇хим̣ сажчаагааси. д̇ад̇о г̇аманагаалз амажжзхи ‘‘гаало г̇анд̇ум̣, махаарааж̇аа’’д̇и вуд̇д̇з ‘‘наахам̣ рааж̇аа’’д̇иаад̣̇ийни вад̇ваа буриманаязнзва имам̣ г̇аат̇ам̣ абхааси –

    44.Oropayitvāti kā uppatti? Bārāṇasiyaṃ kira cātumāsikabrahmadatto nāma rājā gimhānaṃ paṭhame māse uyyānaṃ gato. Tattha ramaṇīye bhūmibhāge nīlaghanapattasañchannaṃ koviḷārarukkhaṃ disvā ‘‘koviḷāramūle mama sayanaṃ paññāpethā’’ti vatvā uyyāne kīḷitvā sāyanhasamayaṃ tattha seyyaṃ kappesi. Puna gimhānaṃ majjhime māse uyyānaṃ gato. Tadā koviḷāro pupphito hoti, tadāpi tatheva akāsi. Puna gimhānaṃ pacchime māse gato. Tadā koviḷāro sañchinnapatto sukkharukkho viya hoti. Tadāpi so adisvāva taṃ rukkhaṃ pubbaparicayena tattheva seyyaṃ āṇāpesi. Amaccā jānantāpi ‘‘raññā āṇatta’’nti bhayena tattha sayanaṃ paññāpesuṃ. So uyyāne kīḷitvā sāyanhasamayaṃ tattha seyyaṃ kappento taṃ rukkhaṃ disvā ‘‘are, ayaṃ pubbe sañchannapatto maṇimayo viya abhirūpadassano ahosi. Tato maṇivaṇṇasākhantare ṭhapitapavāḷaṅkurasadisehi pupphehi sassirikacārudassano ahosi. Muttādalasadisavālikākiṇṇo cassa heṭṭhā bhūmibhāgo bandhanā pamuttapupphasañchanno rattakambalasanthato viya ahosi. So nāmajja sukkharukkho viya sākhāmattāvaseso ṭhito. ‘Aho, jarāya upahato koviḷāro’’’ti cintetvā ‘‘anupādinnampi tāva jarā haññati, kimaṅga pana upādinna’’nti aniccasaññaṃ paṭilabhi. Tadanusāreneva sabbasaṅkhāre dukkhato anattato ca vipassanto ‘‘aho vatāhampi sañchinnapatto koviḷāro viya apetagihibyañjano bhaveyya’’nti patthayamāno anupubbena tasmiṃ sayanatale dakkhiṇena passena nipannoyeva paccekabodhiṃ sacchākāsi. Tato gamanakāle amaccehi ‘‘kālo gantuṃ, mahārājā’’ti vutte ‘‘nāhaṃ rājā’’tiādīni vatvā purimanayeneva imaṃ gāthaṃ abhāsi –

    ‘‘оробаяид̇ваа г̇ихиб̣яан̃ж̇анаани, сан̃чиннабад̇д̇о яат̇аа говил̣ааро;

    ‘‘Oropayitvā gihibyañjanāni, sañchinnapatto yathā koviḷāro;

    чзд̇ваана вийро г̇ихиб̣анд̇ханаани, зго жарз каг̇г̇ависаан̣агаббо’’д̇и.

    Chetvāna vīro gihibandhanāni, eko care khaggavisāṇakappo’’ti.

    д̇ад̇т̇а оробаяид̇ваад̇и абанзд̇ваа. г̇ихиб̣яан̃ж̇анаанийд̇и гзсамассуод̣̇аад̇авад̇т̇аалан̇гаарамаалааг̇анд̇хавилзбанаид̇т̇ибуд̇д̇ад̣̇аасид̣̇аасаад̣̇ийни. зд̇аани хи г̇ихибхаавам̣ б̣яан̃ж̇аяанд̇и, д̇асмаа ‘‘г̇ихиб̣яан̃ж̇анааний’’д̇и вужжанд̇и. сан̃чиннабад̇д̇од̇и бад̇ид̇абад̇д̇о. чзд̇ваанаад̇и маг̇г̇ан̃аан̣зна чинд̣̇ид̇ваа. вийрод̇и маг̇г̇авийрияасаманнааг̇ад̇о. г̇ихиб̣анд̇ханаанийд̇и гаамаб̣анд̇ханаани. гаамаа хи г̇ихийнам̣ б̣анд̇ханаани. аяам̣ д̇аава бад̣̇ад̇т̇о.

    Tattha oropayitvāti apanetvā. Gihibyañjanānīti kesamassuodātavatthālaṅkāramālāgandhavilepanaitthiputtadāsidāsādīni. Etāni hi gihibhāvaṃ byañjayanti, tasmā ‘‘gihibyañjanānī’’ti vuccanti. Sañchinnapattoti patitapatto. Chetvānāti maggañāṇena chinditvā. Vīroti maggavīriyasamannāgato. Gihibandhanānīti kāmabandhanāni. Kāmā hi gihīnaṃ bandhanāni. Ayaṃ tāva padattho.

    аяам̣ бана ад̇хиббааяо – ‘‘ахо вад̇аахамби оробаяид̇ваа г̇ихиб̣яан̃ж̇анаани сан̃чиннабад̇д̇о яат̇аа говил̣ааро бхавзяяа’’нд̇и зван̃хи жинд̇аяамаано вибассанам̣ аарабхид̇ваа бажжзгаб̣од̇хим̣ ад̇хиг̇ад̇омхийд̇и. сзсам̣ буриманаязнзва взд̣̇ид̇аб̣б̣анд̇и.

    Ayaṃ pana adhippāyo – ‘‘aho vatāhampi oropayitvā gihibyañjanāni sañchinnapatto yathā koviḷāro bhaveyya’’nti evañhi cintayamāno vipassanaṃ ārabhitvā paccekabodhiṃ adhigatomhīti. Sesaṃ purimanayeneva veditabbanti.

    говил̣аараг̇аат̇ааван̣н̣анаа самад̇д̇аа. батамо ваг̇г̇о нидтид̇о.

    Koviḷāragāthāvaṇṇanā samattā. Paṭhamo vaggo niṭṭhito.

    45-46. сажз лабхзт̇аад̇и гаа уббад̇д̇и? буб̣б̣з гира гассабасса бхаг̇авад̇о саасанз д̣̇вз бажжзгаб̣од̇хисад̇д̇аа баб̣б̣аж̇ид̇ваа вийсад̇и вассасахассаани г̇ад̇абажжааг̇ад̇авад̇д̇ам̣ буурзд̇ваа д̣̇звалогз уббаннаа. д̇ад̇о жавид̇ваа д̇зсам̣ ж̇здтаго б̣аараан̣асиран̃н̃о буд̇д̇о ахоси, ганидто бурохид̇асса буд̇д̇о ахоси. д̇з згад̣̇ивасам̣язва бадисанд̇хим̣ г̇ахзд̇ваа згад̣̇ивасамзва маад̇угужчид̇о нигкамид̇ваа сахабам̣сугийл̣ид̇асахааяагаа ахзсум̣. бурохид̇абуд̇д̇о бан̃н̃аваа ахоси. со рааж̇абуд̇д̇ам̣ ааха – ‘‘самма, д̇вам̣ бид̇уно ажжаязна раж̇ж̇ам̣ лабхиссаси, ахам̣ бурохид̇адтаанам̣, сусигкид̇зна жа сукам̣ раж̇ж̇ам̣ анусаасид̇ум̣ саггаа, зхи сиббам̣ уг̇г̇ахзссаамаа’’д̇и. д̇ад̇о убхоби буб̣б̣обажид̇агаммаа худ̇ваа г̇ааманиг̇амаад̣̇ийсу бхигкам̣ жарамаанаа бажжанд̇аж̇анабад̣̇аг̇аамам̣ г̇ад̇аа. д̇ан̃жа г̇аамам̣ бажжзгаб̣уд̣̇д̇хаа бхигкаажааравзлааяа бависанд̇и. ат̇а мануссаа бажжзгаб̣уд̣̇д̇хз д̣̇исваа уссаахаж̇аад̇аа аасанаани бан̃н̃аабзнд̇и, бан̣ийд̇ам̣ каад̣̇анийяам̣ бхож̇анийяам̣ убанаамзнд̇и, маанзнд̇и, бууж̇знд̇и. д̇зсам̣ зд̇ад̣̇ахоси – ‘‘амхзхи сад̣̇исаа ужжаагулигаа наама над̇т̇и, ат̇а жа банимз мануссаа яад̣̇и ижчанд̇и, амхаагам̣ бхигкам̣ д̣̇знд̇и, яад̣̇и жа нижчанд̇и, на д̣̇знд̇и, имзсам̣ бана баб̣б̣аж̇ид̇аанам̣ зваруубам̣ саггаарам̣ гаронд̇и, ад̣̇д̇хаа зд̇з гин̃жи сиббам̣ ж̇аананд̇и, ханд̣̇а нзсам̣ санд̇игз сиббам̣ уг̇г̇ан̣хаамаа’’д̇и.

    45-46.Sacelabhethāti kā uppatti? Pubbe kira kassapassa bhagavato sāsane dve paccekabodhisattā pabbajitvā vīsati vassasahassāni gatapaccāgatavattaṃ pūretvā devaloke uppannā. Tato cavitvā tesaṃ jeṭṭhako bārāṇasirañño putto ahosi, kaniṭṭho purohitassa putto ahosi. Te ekadivasaṃyeva paṭisandhiṃ gahetvā ekadivasameva mātukucchito nikkhamitvā sahapaṃsukīḷitasahāyakā ahesuṃ. Purohitaputto paññavā ahosi. So rājaputtaṃ āha – ‘‘samma, tvaṃ pituno accayena rajjaṃ labhissasi, ahaṃ purohitaṭṭhānaṃ, susikkhitena ca sukhaṃ rajjaṃ anusāsituṃ sakkā, ehi sippaṃ uggahessāmā’’ti. Tato ubhopi pubbopacitakammā hutvā gāmanigamādīsu bhikkhaṃ caramānā paccantajanapadagāmaṃ gatā. Tañca gāmaṃ paccekabuddhā bhikkhācāravelāya pavisanti. Atha manussā paccekabuddhe disvā ussāhajātā āsanāni paññāpenti, paṇītaṃ khādanīyaṃ bhojanīyaṃ upanāmenti, mānenti, pūjenti. Tesaṃ etadahosi – ‘‘amhehi sadisā uccākulikā nāma natthi, atha ca panime manussā yadi icchanti, amhākaṃ bhikkhaṃ denti, yadi ca nicchanti, na denti, imesaṃ pana pabbajitānaṃ evarūpaṃ sakkāraṃ karonti, addhā ete kiñci sippaṃ jānanti, handa nesaṃ santike sippaṃ uggaṇhāmā’’ti.

    д̇з мануссзсу бадигганд̇зсу огаасам̣ лабхид̇ваа ‘‘яам̣, бханд̇з, д̇умхз сиббам̣ ж̇аанаат̇а, д̇ам̣ амхзби сигкаабзт̇аа’’д̇и яаажим̣су. бажжзгаб̣уд̣̇д̇хаа ‘‘на саггаа абаб̣б̣аж̇ид̇зна сигкид̇у’’нд̇и аахам̣су. д̇з баб̣б̣аж̇ж̇ам̣ яаажид̇ваа баб̣б̣аж̇им̣су. д̇ад̇о нзсам̣ бажжзгаб̣уд̣̇д̇хаа ‘‘звам̣ во ниваасзд̇аб̣б̣ам̣, звам̣ баарубид̇аб̣б̣а’’нд̇иаад̣̇инаа наязна аабхисамаажааригам̣ аажигкид̇ваа ‘‘имасса сиббасса згийбхааваабхирад̇и нибпад̇д̇и, д̇асмаа згзнзва нисийд̣̇ид̇аб̣б̣ам̣, згзна жан̇гамид̇аб̣б̣ам̣, таад̇аб̣б̣ам̣, саяид̇аб̣б̣а’’нд̇и баадиязггам̣ бан̣н̣асааламад̣̇ам̣су. д̇ад̇о д̇з ад̇д̇ано ад̇д̇ано бан̣н̣асаалам̣ бависид̇ваа нисийд̣̇им̣су. бурохид̇абуд̇д̇о нисиннагаалад̇о бабхуд̇и жид̇д̇асамаад̇хаанам̣ лад̣̇д̇хаа жхаанам̣ лабхи. рааж̇абуд̇д̇о мухуд̇д̇знзва угган̣тид̇о д̇асса санд̇игам̣ ааг̇ад̇о. со д̇ам̣ д̣̇исваа ‘‘гим̣, саммаа’’д̇и бужчи. ‘‘угган̣тид̇омхий’’д̇и ааха. ‘‘д̇зна хи ид̇ха нисийд̣̇аа’’д̇и. со д̇ад̇т̇а мухуд̇д̇ам̣ нисийд̣̇ид̇ваа ааха – ‘‘имасса гира, самма, сиббасса згийбхааваабхирад̇и нибпад̇д̇ий’’д̇и бурохид̇абуд̇д̇о ‘‘звам̣, самма, д̇зна хи д̇вам̣ ад̇д̇ано нисинногаасам̣ зва г̇ажча, уг̇г̇ахзссаами имасса сиббасса нибпад̇д̇и’’нд̇и ааха. со г̇анд̇ваа бунаби мухуд̇д̇знзва угган̣тид̇о буриманаязнзва д̇игкад̇д̇ум̣ ааг̇ад̇о.

    Te manussesu paṭikkantesu okāsaṃ labhitvā ‘‘yaṃ, bhante, tumhe sippaṃ jānātha, taṃ amhepi sikkhāpethā’’ti yāciṃsu. Paccekabuddhā ‘‘na sakkā apabbajitena sikkhitu’’nti āhaṃsu. Te pabbajjaṃ yācitvā pabbajiṃsu. Tato nesaṃ paccekabuddhā ‘‘evaṃ vo nivāsetabbaṃ, evaṃ pārupitabba’’ntiādinā nayena ābhisamācārikaṃ ācikkhitvā ‘‘imassa sippassa ekībhāvābhirati nipphatti, tasmā ekeneva nisīditabbaṃ, ekena caṅkamitabbaṃ, ṭhātabbaṃ, sayitabba’’nti pāṭiyekkaṃ paṇṇasālamadaṃsu. Tato te attano attano paṇṇasālaṃ pavisitvā nisīdiṃsu. Purohitaputto nisinnakālato pabhuti cittasamādhānaṃ laddhā jhānaṃ labhi. Rājaputto muhutteneva ukkaṇṭhito tassa santikaṃ āgato. So taṃ disvā ‘‘kiṃ, sammā’’ti pucchi. ‘‘Ukkaṇṭhitomhī’’ti āha. ‘‘Tena hi idha nisīdā’’ti. So tattha muhuttaṃ nisīditvā āha – ‘‘imassa kira, samma, sippassa ekībhāvābhirati nipphattī’’ti purohitaputto ‘‘evaṃ, samma, tena hi tvaṃ attano nisinnokāsaṃ eva gaccha, uggahessāmi imassa sippassa nipphatti’’nti āha. So gantvā punapi muhutteneva ukkaṇṭhito purimanayeneva tikkhattuṃ āgato.

    д̇ад̇о нам̣ бурохид̇абуд̇д̇о д̇ат̇зва уяяож̇зд̇ваа д̇асмим̣ г̇ад̇з жинд̇зси ‘‘аяам̣ ад̇д̇ано жа гаммам̣ хаабзд̇и, мама жа ид̇хаабхигкан̣ам̣ ааг̇ажчанд̇о’’д̇и. со бан̣н̣асаалад̇о нигкамма аран̃н̃ам̣ бавидто. ид̇аро ад̇д̇ано бан̣н̣асаалааязва нисинно бунаби мухуд̇д̇знзва угган̣тид̇о худ̇ваа д̇асса бан̣н̣асаалам̣ ааг̇анд̇ваа ид̇о жид̇о жа маг̇г̇анд̇оби д̇ам̣ ад̣̇исваа жинд̇зси – ‘‘яо г̇ахадтагаалз бан̣н̣аагаарамби аад̣̇ааяа ааг̇ад̇о мам̣ д̣̇адтум̣ на лабхад̇и, со наама маяи ааг̇ад̇з д̣̇ассанамби ад̣̇аад̇угаамо баггаами, ахо, рз жид̇д̇а, на лаж̇ж̇аси, яам̣ мам̣ жад̇угкад̇д̇ум̣ ид̇хаанзси, сод̣̇аани д̇з васз на вад̇д̇иссаами, ан̃н̃ад̣̇ад̇т̇у д̇ам̣язва мама васз вад̇д̇аабзссаамий’’д̇и ад̇д̇ано сзнаасанам̣ бависид̇ваа вибассанам̣ аарабхид̇ваа бажжзгаб̣од̇хим̣ сажчигад̇ваа аагаасзна нанд̣̇амуулагабаб̣бхаарам̣ аг̇амааси. ид̇ароби аран̃н̃ам̣ бависид̇ваа вибассанам̣ аарабхид̇ваа бажжзгаб̣од̇хим̣ сажчигад̇ваа д̇ад̇т̇зва аг̇амааси. д̇з убхоби маносилаад̇алз нисийд̣̇ид̇ваа баадиязггам̣ баадиязггам̣ имаа уд̣̇аанаг̇аат̇ааяо абхаасим̣су –

    Tato naṃ purohitaputto tatheva uyyojetvā tasmiṃ gate cintesi ‘‘ayaṃ attano ca kammaṃ hāpeti, mama ca idhābhikkhaṇaṃ āgacchanto’’ti. So paṇṇasālato nikkhamma araññaṃ paviṭṭho. Itaro attano paṇṇasālāyeva nisinno punapi muhutteneva ukkaṇṭhito hutvā tassa paṇṇasālaṃ āgantvā ito cito ca maggantopi taṃ adisvā cintesi – ‘‘yo gahaṭṭhakāle paṇṇākārampi ādāya āgato maṃ daṭṭhuṃ na labhati, so nāma mayi āgate dassanampi adātukāmo pakkāmi, aho, re citta, na lajjasi, yaṃ maṃ catukkhattuṃ idhānesi, sodāni te vase na vattissāmi, aññadatthu taṃyeva mama vase vattāpessāmī’’ti attano senāsanaṃ pavisitvā vipassanaṃ ārabhitvā paccekabodhiṃ sacchikatvā ākāsena nandamūlakapabbhāraṃ agamāsi. Itaropi araññaṃ pavisitvā vipassanaṃ ārabhitvā paccekabodhiṃ sacchikatvā tattheva agamāsi. Te ubhopi manosilātale nisīditvā pāṭiyekkaṃ pāṭiyekkaṃ imā udānagāthāyo abhāsiṃsu –

    ‘‘сажз лабхзт̇а нибагам̣ сахааяам̣, сад̣̇д̇хим̣ жарам̣ саад̇хувихаари д̇хийрам̣;

    ‘‘Sace labhetha nipakaṃ sahāyaṃ, saddhiṃ caraṃ sādhuvihāri dhīraṃ;

    абхибхуяяа саб̣б̣аани бариссаяаани, жарзяяа д̇знад̇д̇амано сад̇иймаа.

    Abhibhuyya sabbāni parissayāni, careyya tenattamano satīmā.

    ‘‘но жз лабхзт̇а нибагам̣ сахааяам̣, сад̣̇д̇хим̣ жарам̣ саад̇хувихаари д̇хийрам̣;

    ‘‘No ce labhetha nipakaṃ sahāyaṃ, saddhiṃ caraṃ sādhuvihāri dhīraṃ;

    рааж̇аава радтам̣ виж̇ид̇ам̣ бахааяа, зго жарз маад̇ан̇г̇аран̃н̃зва нааг̇о’’д̇и.

    Rājāva raṭṭhaṃ vijitaṃ pahāya, eko care mātaṅgaraññeva nāgo’’ti.

    д̇ад̇т̇а нибаганд̇и багад̇инибун̣ам̣ бан̣д̣ид̇ам̣ гасин̣абаригаммаад̣̇ийсу гусалам̣. саад̇хувихааринд̇и аббанаавихаарзна ваа убажаарзна ваа саманнааг̇ад̇ам̣. д̇хийранд̇и д̇хид̇исамбаннам̣. д̇ад̇т̇а нибагад̇д̇зна д̇хид̇исамбад̣̇аа вуд̇д̇аа. ид̇ха бана д̇хид̇исамбаннамзваад̇и ад̇т̇о. д̇хид̇и наама асит̇илабараггамад̇аа, ‘‘гаамам̣ д̇ажо жа нхаару жаа’’д̇и (ма. ни. 2.184; а. ни. 2.5; махаани. 196) звам̣ бавад̇д̇авийрияассзд̇ам̣ ад̇хиважанам̣. абижа д̇хигад̇абаабод̇иби д̇хийро. рааж̇аава радтам̣ виж̇ид̇ам̣ бахааяаад̇и яат̇аа бадирааж̇аа ‘‘виж̇ид̇ам̣ радтам̣ анад̇т̇ааваха’’нд̇и н̃ад̇ваа раж̇ж̇ам̣ бахааяа зго жарад̇и, звам̣ б̣ааласахааяам̣ бахааяа зго жарз. ат̇а ваа рааж̇аава радтанд̇и яат̇аа суд̇асомо рааж̇аа виж̇ид̇ам̣ радтам̣ бахааяа зго жари, яат̇аа жа махааж̇анаго, звам̣ зго жарзд̇и аяамби д̇ассад̇т̇о. сзсам̣ вуд̇д̇аанусаарзна саггаа ж̇аанид̇унд̇и на вид̇т̇аарид̇анд̇и.

    Tattha nipakanti pakatinipuṇaṃ paṇḍitaṃ kasiṇaparikammādīsu kusalaṃ. Sādhuvihārinti appanāvihārena vā upacārena vā samannāgataṃ. Dhīranti dhitisampannaṃ. Tattha nipakattena dhitisampadā vuttā. Idha pana dhitisampannamevāti attho. Dhiti nāma asithilaparakkamatā, ‘‘kāmaṃ taco ca nhāru cā’’ti (ma. ni. 2.184; a. ni. 2.5; mahāni. 196) evaṃ pavattavīriyassetaṃ adhivacanaṃ. Apica dhikatapāpotipi dhīro. Rājāva raṭṭhaṃ vijitaṃ pahāyāti yathā paṭirājā ‘‘vijitaṃ raṭṭhaṃ anatthāvaha’’nti ñatvā rajjaṃ pahāya eko carati, evaṃ bālasahāyaṃ pahāya eko care. Atha vā rājāva raṭṭhanti yathā sutasomo rājā vijitaṃ raṭṭhaṃ pahāya eko cari, yathā ca mahājanako, evaṃ eko careti ayampi tassattho. Sesaṃ vuttānusārena sakkā jānitunti na vitthāritanti.

    сахааяаг̇аат̇ааван̣н̣анаа самад̇д̇аа.

    Sahāyagāthāvaṇṇanā samattā.

    47. ад̣̇д̇хаа басам̣саамаад̇и имиссаа г̇аат̇ааяа яаава аагаасад̇алз бан̃н̃ад̇д̇аасанз бажжзгаб̣уд̣̇д̇хаанам̣ нисаж̇ж̇аа, д̇аава жаад̇уд̣̇д̣̇исаг̇аат̇ааяа уббад̇д̇исад̣̇исаа зва уббад̇д̇и. аяам̣ бана висзсо – яат̇аа со рааж̇аа рад̇д̇ияаа д̇игкад̇д̇ум̣ уб̣б̣иж̇ж̇и, на д̇ат̇аа аяам̣, нзвасса яан̃н̃о бажжубадтид̇о ахоси. со аагаасад̇алз бан̃н̃ад̇д̇зсу аасанзсу бажжзгаб̣уд̣̇д̇хз нисийд̣̇аабзд̇ваа ‘‘гз д̇умхз’’д̇и бужчи. ‘‘маяам̣, махаарааж̇а, анаваж̇ж̇абхож̇ино наамаа’’д̇и. ‘‘бханд̇з, ‘анаваж̇ж̇абхож̇ино’д̇и имасса го ад̇т̇о’’д̇и? ‘‘сунд̣̇арам̣ ваа асунд̣̇арам̣ ваа лад̣̇д̇хаа ниб̣б̣игаараа бхун̃ж̇аама, махаарааж̇аа’’д̇и. д̇ам̣ суд̇ваа ран̃н̃о зд̇ад̣̇ахоси ‘‘яам̣нуунаахам̣ имз убабаригкзяяам̣ зд̣̇исаа ваа но ваа’’д̇и. д̇ам̣ д̣̇ивасам̣ ган̣ааж̇агзна б̣илан̇г̇ад̣̇уд̇иязна баривиси. бажжзгаб̣уд̣̇д̇хаа амад̇ам̣ бхун̃ж̇анд̇аа вияа ниб̣б̣игаараа бхун̃ж̇им̣су. рааж̇аа ‘‘хонд̇и наама згад̣̇ивасам̣ бадин̃н̃аад̇ад̇д̇аа ниб̣б̣игаараа, свз ж̇ааниссаамий’’д̇и сваад̇анааяаби ниманд̇зси. д̇ад̇о д̣̇уд̇ияад̣̇ивасзби д̇ат̇зваагааси. д̇зби д̇ат̇зва барибхун̃ж̇им̣су. ат̇а рааж̇аа ‘‘ид̣̇аани сунд̣̇арам̣ д̣̇ад̇ваа виймам̣сиссаамий’’д̇и бунаби ниманд̇зд̇ваа, д̣̇вз д̣̇ивасз махаасаггаарам̣ гад̇ваа, бан̣ийд̇зна ад̇ивижид̇рзна каад̣̇анийязна бхож̇анийязна баривиси. д̇зби д̇ат̇зва ниб̣б̣игаараа бхун̃ж̇ид̇ваа ран̃н̃о ман̇г̇алам̣ вад̇ваа баггамим̣су. рааж̇аа ажирабагганд̇зсу д̇зсу ‘‘анаваж̇ж̇абхож̇инова зд̇з саман̣аа, ахо вад̇аахамби анаваж̇ж̇абхож̇ий бхавзяяа’’нд̇и жинд̇зд̇ваа махаараж̇ж̇ам̣ бахааяа баб̣б̣аж̇ж̇ам̣ самаад̣̇ааяа вибассанам̣ аарабхид̇ваа, бажжзгаб̣уд̣̇д̇хо худ̇ваа, ман̃ж̇уусагаругкамуулз бажжзгаб̣уд̣̇д̇хаанам̣ маж̇жхз ад̇д̇ано аарамман̣ам̣ вибхаавзнд̇о имам̣ г̇аат̇ам̣ абхааси –

    47.Addhā pasaṃsāmāti imissā gāthāya yāva ākāsatale paññattāsane paccekabuddhānaṃ nisajjā, tāva cātuddisagāthāya uppattisadisā eva uppatti. Ayaṃ pana viseso – yathā so rājā rattiyā tikkhattuṃ ubbijji, na tathā ayaṃ, nevassa yañño paccupaṭṭhito ahosi. So ākāsatale paññattesu āsanesu paccekabuddhe nisīdāpetvā ‘‘ke tumhe’’ti pucchi. ‘‘Mayaṃ, mahārāja, anavajjabhojino nāmā’’ti. ‘‘Bhante, ‘anavajjabhojino’ti imassa ko attho’’ti? ‘‘Sundaraṃ vā asundaraṃ vā laddhā nibbikārā bhuñjāma, mahārājā’’ti. Taṃ sutvā rañño etadahosi ‘‘yaṃnūnāhaṃ ime upaparikkheyyaṃ edisā vā no vā’’ti. Taṃ divasaṃ kaṇājakena bilaṅgadutiyena parivisi. Paccekabuddhā amataṃ bhuñjantā viya nibbikārā bhuñjiṃsu. Rājā ‘‘honti nāma ekadivasaṃ paṭiññātattā nibbikārā, sve jānissāmī’’ti svātanāyapi nimantesi. Tato dutiyadivasepi tathevākāsi. Tepi tatheva paribhuñjiṃsu. Atha rājā ‘‘idāni sundaraṃ datvā vīmaṃsissāmī’’ti punapi nimantetvā, dve divase mahāsakkāraṃ katvā, paṇītena ativicitrena khādanīyena bhojanīyena parivisi. Tepi tatheva nibbikārā bhuñjitvā rañño maṅgalaṃ vatvā pakkamiṃsu. Rājā acirapakkantesu tesu ‘‘anavajjabhojinova ete samaṇā, aho vatāhampi anavajjabhojī bhaveyya’’nti cintetvā mahārajjaṃ pahāya pabbajjaṃ samādāya vipassanaṃ ārabhitvā, paccekabuddho hutvā, mañjūsakarukkhamūle paccekabuddhānaṃ majjhe attano ārammaṇaṃ vibhāvento imaṃ gāthaṃ abhāsi –

    ‘‘ад̣̇д̇хаа басам̣саама сахааяасамбад̣̇ам̣, сздтаа самаа сзвид̇аб̣б̣аа сахааяаа;

    ‘‘Addhā pasaṃsāma sahāyasampadaṃ, seṭṭhā samā sevitabbā sahāyā;

    зд̇з алад̣̇д̇хаа анаваж̇ж̇абхож̇ий, зго жарз каг̇г̇ависаан̣агаббо’’д̇и.

    Ete aladdhā anavajjabhojī, eko care khaggavisāṇakappo’’ti.

    саа бад̣̇ад̇т̇ад̇о уд̇д̇аанаа зва. гзвалам̣ бана сахааяасамбад̣̇анд̇и зд̇т̇а асзкзхи сийлаад̣̇игканд̇хзхи самбаннаа сахааяаа зва сахааяасамбад̣̇аад̇и взд̣̇ид̇аб̣б̣аа. аяам̣ банзд̇т̇а яож̇анаа – яааяам̣ вуд̇д̇аа сахааяасамбад̣̇аа, д̇ам̣ сахааяасамбад̣̇ам̣ ад̣̇д̇хаа басам̣саама, згам̣сзнзва т̇омзмаад̇и вуд̇д̇ам̣ ход̇и. гат̇ам̣? сздтаа самаа сзвид̇аб̣б̣аа сахааяаад̇и. гасмаа? ад̇д̇ано хи сийлаад̣̇ийхи сздтз сзвамаанасса сийлаад̣̇аяо д̇хаммаа ануббаннаа уббаж̇ж̇анд̇и, уббаннаа вуд̣̇д̇хим̣ вируул̣хим̣ взбуллам̣ баабун̣анд̇и. самз сзвамаанасса ан̃н̃аман̃н̃ам̣ самад̇хааран̣зна гуггужжасса винод̣̇анзна жа лад̣̇д̇хаа на барихааяанд̇и. зд̇з бана сахааяагз сздтз жа самз жа алад̣̇д̇хаа гуханаад̣̇имижчааж̇ийвам̣ важ̇ж̇зд̇ваа д̇хаммзна самзна уббаннам̣ бхож̇анам̣ бхун̃ж̇анд̇о д̇ад̇т̇а жа бадигхаанунаяам̣ ануббаад̣̇знд̇о анаваж̇ж̇абхож̇ий худ̇ваа ад̇т̇агаамо гулабуд̇д̇о зго жарз каг̇г̇ависаан̣агаббо. ахамби хи звам̣ жаранд̇о имам̣ самбад̇д̇им̣ ад̇хиг̇ад̇омхийд̇и.

    Sā padatthato uttānā eva. Kevalaṃ pana sahāyasampadanti ettha asekhehi sīlādikkhandhehi sampannā sahāyā eva sahāyasampadāti veditabbā. Ayaṃ panettha yojanā – yāyaṃ vuttā sahāyasampadā, taṃ sahāyasampadaṃ addhā pasaṃsāma, ekaṃseneva thomemāti vuttaṃ hoti. Kathaṃ? Seṭṭhā samā sevitabbā sahāyāti. Kasmā? Attano hi sīlādīhi seṭṭhe sevamānassa sīlādayo dhammā anuppannā uppajjanti, uppannā vuddhiṃ virūḷhiṃ vepullaṃ pāpuṇanti. Same sevamānassa aññamaññaṃ samadhāraṇena kukkuccassa vinodanena ca laddhā na parihāyanti. Ete pana sahāyake seṭṭhe ca same ca aladdhā kuhanādimicchājīvaṃ vajjetvā dhammena samena uppannaṃ bhojanaṃ bhuñjanto tattha ca paṭighānunayaṃ anuppādento anavajjabhojī hutvā atthakāmo kulaputto eko care khaggavisāṇakappo. Ahampi hi evaṃ caranto imaṃ sampattiṃ adhigatomhīti.

    анаваж̇ж̇абхож̇иг̇аат̇ааван̣н̣анаа самад̇д̇аа.

    Anavajjabhojigāthāvaṇṇanā samattā.

    48. д̣̇исваа суван̣н̣ассаад̇и гаа уббад̇д̇и? ан̃н̃ад̇аро б̣аараан̣асирааж̇аа г̇имхасамаяз д̣̇иваасзяяам̣ убаг̇ад̇о. санд̇игз жасса ван̣н̣ад̣̇аасий г̇осийд̇ажанд̣̇анам̣ бисад̇и. д̇ассаа згаб̣аахааяам̣ згам̣ суван̣н̣авалаяам̣, згаб̣аахааяам̣ д̣̇вз, д̇аани сан̇гхадданд̇и ид̇арам̣ на сан̇гхаддад̇и. рааж̇аа д̇ам̣ д̣̇исваа ‘‘звамзва г̇ан̣аваасз сан̇гхадданаа, згаваасз асан̇гхадданаа’’д̇и бунаббунам̣ д̇ам̣ д̣̇аасим̣ ологаяамаано жинд̇зси. д̇зна жа самаязна саб̣б̣аалан̇гаарабхуусид̇аа д̣̇звий д̇ам̣ б̣ийж̇аяанд̇ий тид̇аа ход̇и. саа ‘‘ван̣н̣ад̣̇аасияаа бадиб̣ад̣̇д̇хажид̇д̇о ман̃н̃з рааж̇аа’’д̇и жинд̇зд̇ваа д̇ам̣ д̣̇аасим̣ удтаабзд̇ваа саяамзва бисид̇умаарад̣̇д̇хаа . д̇ассаа убхосу б̣аахаасу анзгз суван̣н̣авалаяаа, д̇з сан̇гхадданд̇аа махаасад̣̇д̣̇ам̣ ж̇анаяим̣су. рааж̇аа судтуд̇арам̣ ниб̣б̣инно д̣̇агкин̣зна бассзна нибанноязва вибассанам̣ аарабхид̇ваа бажжзгаб̣од̇хим̣ сажчаагааси. д̇ам̣ ануд̇д̇арзна сукзна сукид̇ам̣ нибаннам̣ жанд̣̇анахад̇т̇аа д̣̇звий убасан̇гамид̇ваа ‘‘аалимбаами, махаарааж̇аа’’д̇и ааха. рааж̇аа – ‘‘абзхи, маа аалимбаахий’’д̇и ааха. саа ‘‘гисса, махаарааж̇аа’’д̇и ааха. со ‘‘наахам̣ рааж̇аа’’д̇и. звамзд̇зсам̣ д̇ам̣ гат̇аасаллаабам̣ суд̇ваа амажжаа убасан̇гамим̣су. д̇зхиби махаарааж̇аваад̣̇зна аалабид̇о ‘‘наахам̣, бхан̣з, рааж̇аа’’д̇и ааха. сзсам̣ батамаг̇аат̇ааяа вуд̇д̇асад̣̇исамзва.

    48.Disvāsuvaṇṇassāti kā uppatti? Aññataro bārāṇasirājā gimhasamaye divāseyyaṃ upagato. Santike cassa vaṇṇadāsī gosītacandanaṃ pisati. Tassā ekabāhāyaṃ ekaṃ suvaṇṇavalayaṃ, ekabāhāyaṃ dve, tāni saṅghaṭṭanti itaraṃ na saṅghaṭṭati. Rājā taṃ disvā ‘‘evameva gaṇavāse saṅghaṭṭanā, ekavāse asaṅghaṭṭanā’’ti punappunaṃ taṃ dāsiṃ olokayamāno cintesi. Tena ca samayena sabbālaṅkārabhūsitā devī taṃ bījayantī ṭhitā hoti. Sā ‘‘vaṇṇadāsiyā paṭibaddhacitto maññe rājā’’ti cintetvā taṃ dāsiṃ uṭṭhāpetvā sayameva pisitumāraddhā . Tassā ubhosu bāhāsu aneke suvaṇṇavalayā, te saṅghaṭṭantā mahāsaddaṃ janayiṃsu. Rājā suṭṭhutaraṃ nibbinno dakkhiṇena passena nipannoyeva vipassanaṃ ārabhitvā paccekabodhiṃ sacchākāsi. Taṃ anuttarena sukhena sukhitaṃ nipannaṃ candanahatthā devī upasaṅkamitvā ‘‘ālimpāmi, mahārājā’’ti āha. Rājā – ‘‘apehi, mā ālimpāhī’’ti āha. Sā ‘‘kissa, mahārājā’’ti āha. So ‘‘nāhaṃ rājā’’ti. Evametesaṃ taṃ kathāsallāpaṃ sutvā amaccā upasaṅkamiṃsu. Tehipi mahārājavādena ālapito ‘‘nāhaṃ, bhaṇe, rājā’’ti āha. Sesaṃ paṭhamagāthāya vuttasadisameva.

    аяам̣ бана г̇аат̇ааван̣н̣анаа – д̣̇исваад̇и ологзд̇ваа. суван̣н̣ассаад̇и ган̃жанасса ‘‘валаяааний’’д̇и баатасзсо. саавасзсабаато хи аяам̣ ад̇т̇о. бабхассараанийд̇и бабхаасанасийлаани, ж̇уд̇иманд̇аанийд̇и вуд̇д̇ам̣ ход̇и. сзсам̣ уд̇д̇аанад̇т̇амзва. аяам̣ бана яож̇анаа – д̣̇исваа бхуж̇асмим̣ суван̣н̣асса валаяаани ‘‘г̇ан̣аваасз сад̇и сан̇гхадданаа, згаваасз асан̇гхадданаа’’д̇и звам̣ жинд̇знд̇о вибассанам̣ аарабхид̇ваа бажжзгаб̣од̇хим̣ ад̇хиг̇ад̇омхийд̇и. сзсам̣ вуд̇д̇анаяамзваад̇и.

    Ayaṃ pana gāthāvaṇṇanā – disvāti oloketvā. Suvaṇṇassāti kañcanassa ‘‘valayānī’’ti pāṭhaseso. Sāvasesapāṭho hi ayaṃ attho. Pabhassarānīti pabhāsanasīlāni, jutimantānīti vuttaṃ hoti. Sesaṃ uttānatthameva. Ayaṃ pana yojanā – disvā bhujasmiṃ suvaṇṇassa valayāni ‘‘gaṇavāse sati saṅghaṭṭanā, ekavāse asaṅghaṭṭanā’’ti evaṃ cintento vipassanaṃ ārabhitvā paccekabodhiṃ adhigatomhīti. Sesaṃ vuttanayamevāti.

    суван̣н̣авалаяаг̇аат̇ааван̣н̣анаа самад̇д̇аа.

    Suvaṇṇavalayagāthāvaṇṇanā samattā.

    49. звам̣ д̣̇уд̇иязнаад̇и гаа уббад̇д̇и? ан̃н̃ад̇аро б̣аараан̣асирааж̇аа д̣̇ахарова баб̣б̣аж̇ид̇угаамо амажжз аан̣аабзси ‘‘д̣̇звим̣ г̇ахзд̇ваа раж̇ж̇ам̣ барихарат̇а, ахам̣ баб̣б̣аж̇иссаамий’’д̇и. амажжаа ‘‘на, махаарааж̇а, арааж̇агам̣ раж̇ж̇ам̣ амхзхи саггаа рагкид̇ум̣, сааманд̇арааж̇аано ааг̇амма вилумбиссанд̇и, яаава згабуд̇д̇оби уббаж̇ж̇ад̇и, д̇аава ааг̇амзхий’’д̇и сан̃н̃аабзсум̣. муд̣̇ужид̇д̇о рааж̇аа ад̇хиваасзси. ат̇а д̣̇звий г̇аб̣бхам̣ г̇ан̣хи. рааж̇аа бунаби д̇з аан̣аабзси – ‘‘д̣̇звий г̇аб̣бхиний, буд̇д̇ам̣ ж̇аад̇ам̣ раж̇ж̇з абхисин̃жид̇ваа раж̇ж̇ам̣ барихарат̇а, ахам̣ баб̣б̣аж̇иссаамий’’д̇и. амажжаа ‘‘д̣̇уж̇ж̇аанам̣, махаарааж̇а, зд̇ам̣ д̣̇звий буд̇д̇ам̣ ваа виж̇ааяиссад̇и д̇хийд̇арам̣ ваа, виж̇ааяанагаалам̣ д̇аава ааг̇амзхий’’д̇и бунаби сан̃н̃аабзсум̣. ат̇а саа буд̇д̇ам̣ виж̇ааяи. д̇ад̣̇ааби рааж̇аа д̇ат̇зва амажжз аан̣аабзси. амажжаа бунаби рааж̇аанам̣ ‘‘ааг̇амзхи, махаарааж̇а, яаава, бадиб̣ало ход̇ий’’д̇и б̣ахуухи гааран̣зхи сан̃н̃аабзсум̣. д̇ад̇о гумаарз бадиб̣алз ж̇аад̇з амажжз саннибаад̇аабзд̇ваа ‘‘бадиб̣ало аяам̣, д̇ам̣ раж̇ж̇з абхисин̃жид̇ваа бадибаж̇ж̇ат̇аа’’д̇и амажжаанам̣ огаасам̣ ад̣̇ад̇ваа анд̇араабан̣аа гаасааяавад̇т̇аад̣̇аяо саб̣б̣абаригкаарз аахараабзд̇ваа анд̇збурз зва баб̣б̣аж̇ид̇ваа махааж̇анаго вияа нигками. саб̣б̣абариж̇ано наанаббагаарагам̣ барид̣̇звамаано рааж̇аанам̣ ануб̣анд̇хи.

    49.Evaṃ dutiyenāti kā uppatti? Aññataro bārāṇasirājā daharova pabbajitukāmo amacce āṇāpesi ‘‘deviṃ gahetvā rajjaṃ pariharatha, ahaṃ pabbajissāmī’’ti. Amaccā ‘‘na, mahārāja, arājakaṃ rajjaṃ amhehi sakkā rakkhituṃ, sāmantarājāno āgamma vilumpissanti, yāva ekaputtopi uppajjati, tāva āgamehī’’ti saññāpesuṃ. Muducitto rājā adhivāsesi. Atha devī gabbhaṃ gaṇhi. Rājā punapi te āṇāpesi – ‘‘devī gabbhinī, puttaṃ jātaṃ rajje abhisiñcitvā rajjaṃ pariharatha, ahaṃ pabbajissāmī’’ti. Amaccā ‘‘dujjānaṃ, mahārāja, etaṃ devī puttaṃ vā vijāyissati dhītaraṃ vā, vijāyanakālaṃ tāva āgamehī’’ti punapi saññāpesuṃ. Atha sā puttaṃ vijāyi. Tadāpi rājā tatheva amacce āṇāpesi. Amaccā punapi rājānaṃ ‘‘āgamehi, mahārāja, yāva, paṭibalo hotī’’ti bahūhi kāraṇehi saññāpesuṃ. Tato kumāre paṭibale jāte amacce sannipātāpetvā ‘‘paṭibalo ayaṃ, taṃ rajje abhisiñcitvā paṭipajjathā’’ti amaccānaṃ okāsaṃ adatvā antarāpaṇā kāsāyavatthādayo sabbaparikkhāre āharāpetvā antepure eva pabbajitvā mahājanako viya nikkhami. Sabbaparijano nānappakārakaṃ paridevamāno rājānaṃ anubandhi.

    рааж̇аа яаава ад̇д̇ано раж̇ж̇асиймаа, д̇аава г̇анд̇ваа гад̇д̇арад̣̇ан̣д̣зна лзкам̣ гад̇ваа ‘‘аяам̣ лзкаа наад̇иггамид̇аб̣б̣аа’’д̇и ааха. махааж̇ано лзкааяа сийсам̣ гад̇ваа, бхуумияам̣ нибанно барид̣̇звамаано ‘‘д̇уяхам̣ д̣̇аани, д̇аад̇а, ран̃н̃о аан̣аа, гим̣ гариссад̇ий’’д̇и гумаарам̣ лзкам̣ ад̇иггамаабзси. гумааро ‘‘д̇аад̇а, д̇аад̇аа’’д̇и д̇хаавид̇ваа рааж̇аанам̣ самбаабун̣и. рааж̇аа гумаарам̣ д̣̇исваа ‘‘зд̇ам̣ махааж̇анам̣ барихаранд̇о раж̇ж̇ам̣ гаарзсим̣, гим̣ д̣̇аани згам̣ д̣̇аарагам̣ барихарид̇ум̣ на сагкисса’’нд̇и гумаарам̣ г̇ахзд̇ваа аран̃н̃ам̣ бавидто, д̇ад̇т̇а буб̣б̣абажжзгаб̣уд̣̇д̇хзхи васид̇абан̣н̣асаалам̣ д̣̇исваа ваасам̣ габбзси сад̣̇д̇хим̣ буд̇д̇зна. д̇ад̇о гумааро варасаяанаад̣̇ийсу гад̇абарижаяо д̇ин̣асант̇аарагз ваа раж̇ж̇уман̃жагз ваа саяамаано род̣̇ад̇и. сийд̇аваад̇аад̣̇ийхи пудто самаано ‘‘сийд̇ам̣, д̇аад̇а, ун̣хам̣, д̇аад̇а, магкигаа, д̇аад̇а, каад̣̇анд̇и, чаад̇омхи, д̇аад̇а, бибаасид̇омхи, д̇аад̇аа’’д̇и вад̣̇ад̇и. рааж̇аа д̇ам̣ сан̃н̃аабзнд̇оязва рад̇д̇им̣ вийд̇инаамзд̇и. д̣̇иваабисса бин̣д̣ааяа жарид̇ваа бхад̇д̇ам̣ убанаамзд̇и, д̇ам̣ ход̇и миссагабхад̇д̇ам̣ ган̇г̇уварагамуг̇г̇аад̣̇иб̣ахулам̣. гумааро ажчаад̣̇знд̇амби д̇ам̣ ж̇игхажчаавасзна бхун̃ж̇амаано гад̇ибаахзнзва ун̣хз табид̇абад̣̇умам̣ вияа милааяи. бажжзгаб̣од̇хисад̇д̇о бана бадисан̇каанаб̣алзна ниб̣б̣игаароязва бхун̃ж̇ад̇и.

    Rājā yāva attano rajjasīmā, tāva gantvā kattaradaṇḍena lekhaṃ katvā ‘‘ayaṃ lekhā nātikkamitabbā’’ti āha. Mahājano lekhāya sīsaṃ katvā, bhūmiyaṃ nipanno paridevamāno ‘‘tuyhaṃ dāni, tāta, rañño āṇā, kiṃ karissatī’’ti kumāraṃ lekhaṃ atikkamāpesi. Kumāro ‘‘tāta, tātā’’ti dhāvitvā rājānaṃ sampāpuṇi. Rājā kumāraṃ disvā ‘‘etaṃ mahājanaṃ pariharanto rajjaṃ kāresiṃ, kiṃ dāni ekaṃ dārakaṃ pariharituṃ na sakkhissa’’nti kumāraṃ gahetvā araññaṃ paviṭṭho, tattha pubbapaccekabuddhehi vasitapaṇṇasālaṃ disvā vāsaṃ kappesi saddhiṃ puttena. Tato kumāro varasayanādīsu kataparicayo tiṇasanthārake vā rajjumañcake vā sayamāno rodati. Sītavātādīhi phuṭṭho samāno ‘‘sītaṃ, tāta, uṇhaṃ, tāta, makkhikā, tāta, khādanti, chātomhi, tāta, pipāsitomhi, tātā’’ti vadati. Rājā taṃ saññāpentoyeva rattiṃ vītināmeti. Divāpissa piṇḍāya caritvā bhattaṃ upanāmeti, taṃ hoti missakabhattaṃ kaṅguvarakamuggādibahulaṃ. Kumāro acchādentampi taṃ jighacchāvasena bhuñjamāno katipāheneva uṇhe ṭhapitapadumaṃ viya milāyi. Paccekabodhisatto pana paṭisaṅkhānabalena nibbikāroyeva bhuñjati.

    д̇ад̇о со гумаарам̣ сан̃н̃аабзнд̇о ааха – ‘‘наг̇арасмим̣, д̇аад̇а, бан̣ийд̇аахааро лаб̣бхад̇и, д̇ад̇т̇а г̇ажчаамаа’’д̇и. гумааро ‘‘аама, д̇аад̇аа’’д̇и ааха. д̇ад̇о нам̣ бурагкад̇ваа ааг̇ад̇амаг̇г̇знзва нивад̇д̇и. гумаарамаад̇ааби д̣̇звий ‘‘на д̣̇аани рааж̇аа гумаарам̣ г̇ахзд̇ваа аран̃н̃з жирам̣ васиссад̇и, гад̇ибаахзнзва нивад̇д̇иссад̇ий’’д̇и жинд̇зд̇ваа ран̃н̃аа гад̇д̇арад̣̇ан̣д̣зна ликид̇адтаанзязва вад̇им̣ гаараабзд̇ваа ваасам̣ габбзси. д̇ад̇о рааж̇аа д̇ассаа вад̇ияаа авид̣̇уурз тад̇ваа ‘‘зд̇т̇а д̇з, д̇аад̇а, маад̇аа нисиннаа, г̇ажчаахий’’д̇и бзсзси. яаава жа со д̇ам̣ таанам̣ баабун̣аад̇и, д̇аава уд̣̇игканд̇о адтааси ‘‘маа хзва нам̣ гожи вихзтзяяаа’’д̇и. гумааро маад̇у санд̇игам̣ д̇хааванд̇о аг̇амааси. аарагкагабурисаа жа нам̣ д̣̇исваа д̣̇звияаа аарожзсум̣. д̣̇звий вийсад̇инаадагид̇т̇исахассабаривуд̇аа г̇анд̇ваа бадиг̇г̇ахзси, ран̃н̃о жа бавад̇д̇им̣ бужчи. ат̇а ‘‘бажчад̇о ааг̇ажчад̇ий’’д̇и суд̇ваа мануссз бзсзси. рааж̇ааби д̇аавад̣̇зва сагавасад̇им̣ аг̇амааси. мануссаа рааж̇аанам̣ ад̣̇исваа нивад̇д̇им̣су. д̇ад̇о д̣̇звий нираасаава худ̇ваа, буд̇д̇ам̣ г̇ахзд̇ваа, наг̇арам̣ г̇анд̇ваа, д̇ам̣ раж̇ж̇з абхисин̃жи. рааж̇ааби ад̇д̇ано васад̇им̣ бад̇ваа, д̇ад̇т̇а нисинно вибассид̇ваа, бажжзгаб̣од̇хим̣ сажчигад̇ваа, ман̃ж̇уусагаругкамуулз бажжзгаб̣уд̣̇д̇хаанам̣ маж̇жхз имам̣ уд̣̇аанаг̇аат̇ам̣ абхааси –

    Tato so kumāraṃ saññāpento āha – ‘‘nagarasmiṃ, tāta, paṇītāhāro labbhati, tattha gacchāmā’’ti. Kumāro ‘‘āma, tātā’’ti āha. Tato naṃ purakkhatvā āgatamaggeneva nivatti. Kumāramātāpi devī ‘‘na dāni rājā kumāraṃ gahetvā araññe ciraṃ vasissati, katipāheneva nivattissatī’’ti cintetvā raññā kattaradaṇḍena likhitaṭṭhāneyeva vatiṃ kārāpetvā vāsaṃ kappesi. Tato rājā tassā vatiyā avidūre ṭhatvā ‘‘ettha te, tāta, mātā nisinnā, gacchāhī’’ti pesesi. Yāva ca so taṃ ṭhānaṃ pāpuṇāti, tāva udikkhanto aṭṭhāsi ‘‘mā heva naṃ koci viheṭheyyā’’ti. Kumāro mātu santikaṃ dhāvanto agamāsi. Ārakkhakapurisā ca naṃ disvā deviyā ārocesuṃ. Devī vīsatināṭakitthisahassaparivutā gantvā paṭiggahesi, rañño ca pavattiṃ pucchi. Atha ‘‘pacchato āgacchatī’’ti sutvā manusse pesesi. Rājāpi tāvadeva sakavasatiṃ agamāsi. Manussā rājānaṃ adisvā nivattiṃsu. Tato devī nirāsāva hutvā, puttaṃ gahetvā, nagaraṃ gantvā, taṃ rajje abhisiñci. Rājāpi attano vasatiṃ patvā, tattha nisinno vipassitvā, paccekabodhiṃ sacchikatvā, mañjūsakarukkhamūle paccekabuddhānaṃ majjhe imaṃ udānagāthaṃ abhāsi –

    ‘‘звам̣ д̣̇уд̇иязна саха мамасса, ваажаабхилаабо абхисаж̇ж̇анаа ваа;

    ‘‘Evaṃ dutiyena saha mamassa, vācābhilāpo abhisajjanā vā;

    зд̇ам̣ бхаяам̣ ааяад̇им̣ бзгкамаано, зго жарз каг̇г̇ависаан̣агаббо’’д̇и.

    Etaṃ bhayaṃ āyatiṃ pekkhamāno, eko care khaggavisāṇakappo’’ti.

    саа бад̣̇ад̇т̇ад̇о уд̇д̇аанаа зва. аяам̣ банзд̇т̇а ад̇хиббааяо – явааяам̣ зд̇зна д̣̇уд̇иязна гумаарзна сийд̇ун̣хаад̣̇ийни нивзд̣̇знд̇зна сахаваасзна д̇ам̣ сан̃н̃аабзнд̇асса мама ваажаабхилаабо, д̇асмим̣ синзхавасзна абхисаж̇ж̇анаа жа ж̇аад̇аа, сажз ахам̣ имам̣ на барижжаж̇аами, д̇ад̇о ааяад̇имби хзссад̇и яат̇зва ид̣̇аани; звам̣ д̣̇уд̇иязна саха мамасса ваажаабхилаабо абхисаж̇ж̇анаа ваа. убхаяамби жзд̇ам̣ анд̇арааяагарам̣ висзсаад̇хиг̇амассаад̇и зд̇ам̣ бхаяам̣ ааяад̇им̣ бзгкамаано д̇ам̣ чад̣д̣зд̇ваа яонисо бадибаж̇ж̇ид̇ваа бажжзгаб̣од̇хим̣ ад̇хиг̇ад̇омхийд̇и. сзсам̣ вуд̇д̇анаяамзваад̇и.

    Sā padatthato uttānā eva. Ayaṃ panettha adhippāyo – yvāyaṃ etena dutiyena kumārena sītuṇhādīni nivedentena sahavāsena taṃ saññāpentassa mama vācābhilāpo, tasmiṃ sinehavasena abhisajjanā ca jātā, sace ahaṃ imaṃ na pariccajāmi, tato āyatimpi hessati yatheva idāni; evaṃ dutiyena saha mamassa vācābhilāpo abhisajjanā vā. Ubhayampi cetaṃ antarāyakaraṃ visesādhigamassāti etaṃ bhayaṃ āyatiṃ pekkhamāno taṃ chaḍḍetvā yoniso paṭipajjitvā paccekabodhiṃ adhigatomhīti. Sesaṃ vuttanayamevāti.

    ааяад̇ибхаяаг̇аат̇ааван̣н̣анаа самад̇д̇аа.

    Āyatibhayagāthāvaṇṇanā samattā.

    50. гаамаа хи жид̇раад̇и гаа уббад̇д̇и? б̣аараан̣асияам̣ гира сздтибуд̇д̇о д̣̇ахарова сздтидтаанам̣ лабхи. д̇асса д̇ин̣н̣ам̣ уд̇уунам̣ д̇аяо баасаад̣̇аа хонд̇и . со д̇ад̇т̇а саб̣б̣асамбад̇д̇ийхи д̣̇звагумааро вияа барижаарзд̇и. со д̣̇ахарова самаано ‘‘баб̣б̣аж̇иссаамий’’д̇и маад̇аабид̇аро яаажи. д̇з нам̣ ваарзнд̇и. со д̇ат̇зва ниб̣анд̇хад̇и. бунаби нам̣ маад̇аабид̇аро ‘‘д̇вам̣, д̇аад̇а, сукумаало, д̣̇уггараа баб̣б̣аж̇ж̇аа, курад̇хаарааяа убари жан̇гаманасад̣̇исаа’’д̇и наанаббагаарзхи ваарзнд̇и. со д̇ат̇зва ниб̣анд̇хад̇и. д̇з жинд̇зсум̣ ‘‘сажааяам̣ баб̣б̣аж̇ад̇и, амхаагам̣ д̣̇оманассам̣ ход̇и. сажз нам̣ ниваарзма, зд̇асса д̣̇оманассам̣ ход̇и. абижа амхаагам̣ д̣̇оманассам̣ ход̇у, маа жа зд̇ассаа’’д̇и ануж̇ааним̣су. д̇ад̇о со саб̣б̣абариж̇анам̣ барид̣̇звамаанам̣ анаад̣̇ияид̇ваа исибад̇анам̣ г̇анд̇ваа бажжзгаб̣уд̣̇д̇хаанам̣ санд̇игз баб̣б̣аж̇и. д̇асса ул̣аарасзнаасанам̣ на баабун̣аад̇и, ман̃жагз д̇аддигам̣ бад̇т̇арид̇ваа саяи. со варасаяанз гад̇абарижаяо саб̣б̣арад̇д̇им̣ ад̇ид̣̇угкид̇о ахоси. бабхаад̇зби сарийрабаригаммам̣ гад̇ваа, бад̇д̇ажийварамаад̣̇ааяа бажжзгаб̣уд̣̇д̇хзхи сад̣̇д̇хим̣ бин̣д̣ааяа баависи. д̇ад̇т̇а вуд̣дхаа аг̇г̇аасанан̃жа аг̇г̇абин̣д̣ан̃жа лабханд̇и, навагаа яам̣гин̃жид̣̇зва аасанам̣ луукабхож̇анан̃жа. со д̇зна луукабхож̇анзнааби ад̇ид̣̇угкид̇о ахоси. со гад̇ибаахам̣язва гисо д̣̇уб̣б̣ан̣н̣о худ̇ваа ниб̣б̣иж̇ж̇и яат̇аа д̇ам̣ абарибаагаг̇ад̇з саман̣ад̇хаммз. д̇ад̇о маад̇аабид̇уунам̣ д̣̇ууд̇ам̣ бзсзд̇ваа уббаб̣б̣аж̇и. со гад̇ибаахам̣язва б̣алам̣ г̇ахзд̇ваа бунаби баб̣б̣аж̇ид̇угаамо ахоси. д̇ад̇о д̇знзва гамзна баб̣б̣аж̇ид̇ваа бунаби уббаб̣б̣аж̇ид̇ваа д̇ад̇ияаваарз баб̣б̣аж̇ид̇ваа саммаа бадибанно бажжзгасамб̣од̇хим̣ сажчигад̇ваа имам̣ уд̣̇аанаг̇аат̇ам̣ вад̇ваа буна бажжзгаб̣уд̣̇д̇хаанам̣ маж̇жхз имамзва б̣яаагаран̣аг̇аат̇ам̣ абхааси –

    50.Kāmā hi citrāti kā uppatti? Bārāṇasiyaṃ kira seṭṭhiputto daharova seṭṭhiṭṭhānaṃ labhi. Tassa tiṇṇaṃ utūnaṃ tayo pāsādā honti . So tattha sabbasampattīhi devakumāro viya paricāreti. So daharova samāno ‘‘pabbajissāmī’’ti mātāpitaro yāci. Te naṃ vārenti. So tatheva nibandhati. Punapi naṃ mātāpitaro ‘‘tvaṃ, tāta, sukhumālo, dukkarā pabbajjā, khuradhārāya upari caṅkamanasadisā’’ti nānappakārehi vārenti. So tatheva nibandhati. Te cintesuṃ ‘‘sacāyaṃ pabbajati, amhākaṃ domanassaṃ hoti. Sace naṃ nivārema, etassa domanassaṃ hoti. Apica amhākaṃ domanassaṃ hotu, mā ca etassā’’ti anujāniṃsu. Tato so sabbaparijanaṃ paridevamānaṃ anādiyitvā isipatanaṃ gantvā paccekabuddhānaṃ santike pabbaji. Tassa uḷārasenāsanaṃ na pāpuṇāti, mañcake taṭṭikaṃ pattharitvā sayi. So varasayane kataparicayo sabbarattiṃ atidukkhito ahosi. Pabhātepi sarīraparikammaṃ katvā, pattacīvaramādāya paccekabuddhehi saddhiṃ piṇḍāya pāvisi. Tattha vuḍḍhā aggāsanañca aggapiṇḍañca labhanti, navakā yaṃkiñcideva āsanaṃ lūkhabhojanañca. So tena lūkhabhojanenāpi atidukkhito ahosi. So katipāhaṃyeva kiso dubbaṇṇo hutvā nibbijji yathā taṃ aparipākagate samaṇadhamme. Tato mātāpitūnaṃ dūtaṃ pesetvā uppabbaji. So katipāhaṃyeva balaṃ gahetvā punapi pabbajitukāmo ahosi. Tato teneva kamena pabbajitvā punapi uppabbajitvā tatiyavāre pabbajitvā sammā paṭipanno paccekasambodhiṃ sacchikatvā imaṃ udānagāthaṃ vatvā puna paccekabuddhānaṃ majjhe imameva byākaraṇagāthaṃ abhāsi –

    ‘‘гаамаа хи жид̇раа мад̇хураа манорамаа, вируубаруубзна мат̇знд̇и жид̇д̇ам̣;

    ‘‘Kāmā hi citrā madhurā manoramā, virūparūpena mathenti cittaṃ;

    аад̣̇ийнавам̣ гаамаг̇ун̣зсу д̣̇исваа, зго жарз каг̇г̇ависаан̣агаббо’’д̇и.

    Ādīnavaṃ kāmaguṇesu disvā, eko care khaggavisāṇakappo’’ti.

    д̇ад̇т̇а гаамаад̇и д̣̇вз гаамаа вад̇т̇угаамаа жа гилзсагаамаа жа. д̇ад̇т̇а вад̇т̇угаамаа манаабияаруубаад̣̇аяо д̇хаммаа, гилзсагаамаа чанд̣̇аад̣̇аяо саб̣б̣зби рааг̇аббабхзд̣̇аа. ид̇ха бана вад̇т̇угаамаа ад̇хиббзд̇аа. руубаад̣̇ианзгаббагааравасзна жид̇раа. логассаад̣̇авасзна мад̇хураа. б̣аалабут̇уж̇ж̇анаанам̣ манам̣ рамзнд̇ийд̇и манорамаа. вируубаруубзнаад̇и вируубзна руубзна, анзгавид̇хзна сабхаавзнаад̇и вуд̇д̇ам̣ ход̇и. д̇з хи руубаад̣̇ивасзна жид̇раа, руубаад̣̇ийсуби нийлаад̣̇ивасзна вивид̇харуубаа. звам̣ д̇зна вируубаруубзна д̇ат̇аа д̇ат̇аа ассаад̣̇ам̣ д̣̇ассзд̇ваа мат̇знд̇и жид̇д̇ам̣ баб̣б̣аж̇ж̇ааяа абхирамид̇ум̣ на д̣̇знд̇ийд̇и. сзсамзд̇т̇а баагадамзва. ниг̇аманамби д̣̇вийхи д̇ийхи ваа бад̣̇зхи яож̇зд̇ваа буримаг̇аат̇аасу вуд̇д̇анаязнзва взд̣̇ид̇аб̣б̣анд̇и.

    Tattha kāmāti dve kāmā vatthukāmā ca kilesakāmā ca. Tattha vatthukāmā manāpiyarūpādayo dhammā, kilesakāmā chandādayo sabbepi rāgappabhedā. Idha pana vatthukāmā adhippetā. Rūpādianekappakāravasena citrā. Lokassādavasena madhurā. Bālaputhujjanānaṃ manaṃ ramentīti manoramā. Virūparūpenāti virūpena rūpena, anekavidhena sabhāvenāti vuttaṃ hoti. Te hi rūpādivasena citrā, rūpādīsupi nīlādivasena vividharūpā. Evaṃ tena virūparūpena tathā tathā assādaṃ dassetvā mathenti cittaṃ pabbajjāya abhiramituṃ na dentīti. Sesamettha pākaṭameva. Nigamanampi dvīhi tīhi vā padehi yojetvā purimagāthāsu vuttanayeneva veditabbanti.

    гаамаг̇аат̇ааван̣н̣анаа самад̇д̇аа.

    Kāmagāthāvaṇṇanā samattā.

    51. ийд̇ий жаад̇и гаа уббад̇д̇и? б̣аараан̣асияам̣ гира ран̃н̃о г̇ан̣д̣о уд̣̇абаад̣̇и. б̣аал̣хаа взд̣̇анаа вад̇д̇анд̇и. взж̇ж̇аа ‘‘сад̇т̇агаммзна винаа паасу на ход̇ий’’д̇и бхан̣анд̇и. рааж̇аа д̇зсам̣ абхаяам̣ д̣̇ад̇ваа сад̇т̇агаммам̣ гаараабзси. д̇з паалзд̇ваа, буб̣б̣алохид̇ам̣ нийхарид̇ваа, ниб̣б̣зд̣̇анам̣ гад̇ваа, ван̣ам̣ баддзна б̣анд̇хим̣су, аахаараажаарзсу жа нам̣ саммаа овад̣̇им̣су. рааж̇аа луукабхож̇анзна гисасарийро ахоси, г̇ан̣д̣о жасса милааяи. со паасугасан̃н̃ий худ̇ваа синид̣̇д̇хаахаарам̣ бхун̃ж̇и. д̇зна жа сан̃ж̇аад̇аб̣ало висаяз бадисзви. д̇асса г̇ан̣д̣о буна буримасабхаавамзва самбаабун̣и. звам̣ яаава д̇игкад̇д̇ум̣ сад̇т̇агаммам̣ гаараабзд̇ваа, взж̇ж̇зхи бариваж̇ж̇ид̇о ниб̣б̣иж̇ж̇ид̇ваа, раж̇ж̇ам̣ бахааяа баб̣б̣аж̇ид̇ваа, аран̃н̃ам̣ бависид̇ваа, вибассанам̣ аарабхид̇ваа, сад̇д̇ахи вассзхи бажжзгаб̣од̇хим̣ сажчигад̇ваа, имам̣ уд̣̇аанаг̇аат̇ам̣ бхаасид̇ваа нанд̣̇амуулагабаб̣бхаарам̣ аг̇амааси.

    51.Ītīcāti kā uppatti? Bārāṇasiyaṃ kira rañño gaṇḍo udapādi. Bāḷhā vedanā vattanti. Vejjā ‘‘satthakammena vinā phāsu na hotī’’ti bhaṇanti. Rājā tesaṃ abhayaṃ datvā satthakammaṃ kārāpesi. Te phāletvā, pubbalohitaṃ nīharitvā, nibbedanaṃ katvā, vaṇaṃ paṭṭena bandhiṃsu, āhārācāresu ca naṃ sammā ovadiṃsu. Rājā lūkhabhojanena kisasarīro ahosi, gaṇḍo cassa milāyi. So phāsukasaññī hutvā siniddhāhāraṃ bhuñji. Tena ca sañjātabalo visaye paṭisevi. Tassa gaṇḍo puna purimasabhāvameva sampāpuṇi. Evaṃ yāva tikkhattuṃ satthakammaṃ kārāpetvā, vejjehi parivajjito nibbijjitvā, rajjaṃ pahāya pabbajitvā, araññaṃ pavisitvā, vipassanaṃ ārabhitvā, sattahi vassehi paccekabodhiṃ sacchikatvā, imaṃ udānagāthaṃ bhāsitvā nandamūlakapabbhāraṃ agamāsi.

    ‘‘ийд̇ий жа г̇ан̣д̣о жа убад̣̇д̣̇аво жа, рог̇о жа саллан̃жа бхаяан̃жа мзд̇ам̣;

    ‘‘Ītī ca gaṇḍo ca upaddavo ca, rogo ca sallañca bhayañca metaṃ;

    зд̇ам̣ бхаяам̣ гаамаг̇ун̣зсу д̣̇исваа, зго жарз каг̇г̇ависаан̣агаббо’’д̇и.

    Etaṃ bhayaṃ kāmaguṇesu disvā, eko care khaggavisāṇakappo’’ti.

    д̇ад̇т̇а зд̇ийд̇и ийд̇и, ааг̇анд̇угаанам̣ агусалабхааг̇ияаанам̣ б̣яасанахзд̇уунам̣ зд̇ам̣ ад̇хиважанам̣. д̇асмаа гаамаг̇ун̣ааби зд̇з анзгаб̣яасанаавахадтзна д̣̇ал̣хасаннибаад̇адтзна жа ийд̇и. г̇ан̣д̣оби асужим̣ баг̇гхарад̇и, уд̣̇д̇хумаад̇абарибаггабарибхинно ход̇и. д̇асмаа зд̇з гилзсаасужибаг̇гхаран̣ад̇о уббаад̣̇аж̇араабхан̇г̇зхи уд̣̇д̇хумаад̇абарибаггабарибхиннабхаавад̇о жа г̇ан̣д̣о. убад̣̇д̣̇авад̇ийд̇и убад̣̇д̣̇аво; анад̇т̇ам̣ ж̇анзнд̇о абхибхавад̇и; аж̇жход̇т̇арад̇ийд̇и ад̇т̇о, рааж̇ад̣̇ан̣д̣аад̣̇ийнамзд̇ам̣ ад̇хиважанам̣. д̇асмаа гаамаг̇ун̣аабзд̇з авид̣̇ид̇аниб̣б̣аанад̇т̇аавахахзд̇уд̇ааяа саб̣б̣убад̣̇д̣̇ававад̇т̇уд̇ааяа жа убад̣̇д̣̇аво. яасмаа банзд̇з гилзсаад̇урабхаавам̣ ж̇анзнд̇аа сийласан̇каад̇амаарог̇яам̣, лолуббам̣ ваа уббаад̣̇знд̇аа баагад̇игамзва аарог̇яам̣ вилумбанд̇и, д̇асмаа иминаа аарог̇яавилумбанадтзнзва рог̇о. аб̣бханд̇арамануббавидтадтзна бана анд̇од̇уд̣̇агадтзна д̣̇уннихаран̣ийяадтзна жа саллам̣. д̣̇идтад̇хаммигасамбарааяигабхаяааваханад̇о бхаяам̣. мз зд̇анд̇и мзд̇ам̣. сзсамзд̇т̇а баагадамзва. ниг̇аманам̣ вуд̇д̇анаязнзва взд̣̇ид̇аб̣б̣анд̇и.

    Tattha etīti īti, āgantukānaṃ akusalabhāgiyānaṃ byasanahetūnaṃ etaṃ adhivacanaṃ. Tasmā kāmaguṇāpi ete anekabyasanāvahaṭṭhena daḷhasannipātaṭṭhena ca īti. Gaṇḍopi asuciṃ paggharati, uddhumātaparipakkaparibhinno hoti. Tasmā ete kilesāsucipaggharaṇato uppādajarābhaṅgehi uddhumātaparipakkaparibhinnabhāvato ca gaṇḍo. Upaddavatīti upaddavo; anatthaṃ janento abhibhavati; ajjhottharatīti attho, rājadaṇḍādīnametaṃ adhivacanaṃ. Tasmā kāmaguṇāpete aviditanibbānatthāvahahetutāya sabbupaddavavatthutāya ca upaddavo. Yasmā panete kilesāturabhāvaṃ janentā sīlasaṅkhātamārogyaṃ, loluppaṃ vā uppādentā pākatikameva ārogyaṃ vilumpanti, tasmā iminā ārogyavilumpanaṭṭheneva rogo. Abbhantaramanuppaviṭṭhaṭṭhena pana antotudakaṭṭhena dunniharaṇīyaṭṭhena ca sallaṃ. Diṭṭhadhammikasamparāyikabhayāvahanato bhayaṃ. Me etanti metaṃ. Sesamettha pākaṭameva. Nigamanaṃ vuttanayeneva veditabbanti.

    ийд̇иг̇аат̇ааван̣н̣анаа самад̇д̇аа.

    Ītigāthāvaṇṇanā samattā.

    52. сийд̇ан̃жаад̇и гаа уббад̇д̇и? б̣аараан̣асияам̣ гира сийд̇аалугаб̣рахмад̣̇ад̇д̇о наама рааж̇аа ахоси. со баб̣б̣аж̇ид̇ваа аран̃н̃агудигааяа вихарад̇и. д̇асмин̃жа бад̣̇зсз сийд̇з сийд̇ам̣, ун̣хз ун̣хамзва жа ход̇и аб̣бхогаасад̇д̇аа бад̣̇зсасса. г̇ожараг̇аамз бхигкаа яаавад̣̇ад̇т̇ааяа на лаб̣бхад̇и. биванагабаанийяамби д̣̇уллабхам̣, ваад̇аад̇абад̣ам̣сасарийсабааби б̣аад̇хзнд̇и. д̇асса зд̇ад̣̇ахоси – ‘‘ид̇о ад̣дхаяож̇анамад̇д̇з самбанно бад̣̇зсо, д̇ад̇т̇а саб̣б̣зби зд̇з бариссаяаа над̇т̇и. яам̣нуунаахам̣ д̇ад̇т̇а г̇ажчзяяам̣; паасугам̣ вихаранд̇зна саггаа висзсам̣ ад̇хиг̇анд̇у’’нд̇и. д̇асса буна ахоси – ‘‘баб̣б̣аж̇ид̇аа наама на бажжаяавасигаа хонд̇и, зваруубан̃жа жид̇д̇ам̣ васз вад̇д̇знд̇и, на жид̇д̇асса васз вад̇д̇знд̇и, наахам̣ г̇амиссаамий’’д̇и бажжавзгкид̇ваа на аг̇амааси. звам̣ яаавад̇ад̇ияагам̣ уббаннажид̇д̇ам̣ бажжавзгкид̇ваа нивад̇д̇зси. д̇ад̇о д̇ад̇т̇зва сад̇д̇а вассаани васид̇ваа, саммаа бадибаж̇ж̇амаано бажжзгасамб̣од̇хим̣ сажчигад̇ваа, имам̣ уд̣̇аанаг̇аат̇ам̣ бхаасид̇ваа нанд̣̇амуулагабаб̣бхаарам̣ аг̇амааси.

    52.Sītañcāti kā uppatti? Bārāṇasiyaṃ kira sītālukabrahmadatto nāma rājā ahosi. So pabbajitvā araññakuṭikāya viharati. Tasmiñca padese sīte sītaṃ, uṇhe uṇhameva ca hoti abbhokāsattā padesassa. Gocaragāme bhikkhā yāvadatthāya na labbhati. Pivanakapānīyampi dullabhaṃ, vātātapaḍaṃsasarīsapāpi bādhenti. Tassa etadahosi – ‘‘ito aḍḍhayojanamatte sampanno padeso, tattha sabbepi ete parissayā natthi. Yaṃnūnāhaṃ tattha gaccheyyaṃ; phāsukaṃ viharantena sakkā visesaṃ adhigantu’’nti. Tassa puna ahosi – ‘‘pabbajitā nāma na paccayavasikā honti, evarūpañca cittaṃ vase vattenti, na cittassa vase vattenti, nāhaṃ gamissāmī’’ti paccavekkhitvā na agamāsi. Evaṃ yāvatatiyakaṃ uppannacittaṃ paccavekkhitvā nivattesi. Tato tattheva satta vassāni vasitvā, sammā paṭipajjamāno paccekasambodhiṃ sacchikatvā, imaṃ udānagāthaṃ bhāsitvā nandamūlakapabbhāraṃ agamāsi.

    ‘‘сийд̇ан̃жа ун̣хан̃жа куд̣̇ам̣ бибаасам̣, ваад̇аад̇абз д̣ам̣сасарийсабз жа;

    ‘‘Sītañca uṇhañca khudaṃ pipāsaṃ, vātātape ḍaṃsasarīsape ca;

    саб̣б̣аанибзд̇аани абхисамбхавид̇ваа, зго жарз каг̇г̇ависаан̣агаббо’’д̇и.

    Sabbānipetāni abhisambhavitvā, eko care khaggavisāṇakappo’’ti.

    д̇ад̇т̇а сийд̇ан̃жаад̇и сийд̇ам̣ наама д̣̇увид̇хам̣ аб̣бханд̇арад̇хаад̇угкобхабажжаяан̃жа, б̣аахирад̇хаад̇угкобхабажжаяан̃жа; д̇ат̇аа ун̣хам̣. д̣ам̣саад̇и бин̇г̇аламагкигаа. сарийсабаад̇и яз гзжи д̣̇ийгхаж̇аад̇игаа сарид̇ваа г̇ажчанд̇и. сзсам̣ баагадамзва. ниг̇аманамби вуд̇д̇анаязнзва взд̣̇ид̇аб̣б̣анд̇и.

    Tattha sītañcāti sītaṃ nāma duvidhaṃ abbhantaradhātukkhobhapaccayañca, bāhiradhātukkhobhapaccayañca; tathā uṇhaṃ. Ḍaṃsāti piṅgalamakkhikā. Sarīsapāti ye keci dīghajātikā saritvā gacchanti. Sesaṃ pākaṭameva. Nigamanampi vuttanayeneva veditabbanti.

    сийд̇аалугаг̇аат̇ааван̣н̣анаа самад̇д̇аа.

    Sītālukagāthāvaṇṇanā samattā.

    53. нааг̇оваад̇и гаа уббад̇д̇и? б̣аараан̣асияам̣ гира ан̃н̃ад̇аро рааж̇аа вийсад̇и вассаани раж̇ж̇ам̣ гаарзд̇ваа гаалагад̇о нираяз вийсад̇и зва вассаани бажжид̇ваа химаванд̇аббад̣̇зсз хад̇т̇ияонияам̣ уббаж̇ж̇ид̇ваа сан̃ж̇аад̇агканд̇хо бад̣̇умаван̣н̣асагаласарийро ул̣ааро яуут̇абад̇и махаанааг̇о ахоси. д̇асса обхаг̇г̇обхаг̇г̇ам̣ саакаабхан̇г̇ам̣ хад̇т̇ичаабаава каад̣̇анд̇и. ог̇аахзби нам̣ хад̇т̇инияо гад̣̇д̣̇амзна лимбанд̇и , саб̣б̣ам̣ баалилзяяаганааг̇ассзва ахоси. со яуут̇аа ниб̣б̣иж̇ж̇ид̇ваа баггами. д̇ад̇о нам̣ бад̣̇аанусаарзна яуут̇ам̣ ануб̣анд̇хи. звам̣ яаавад̇ад̇ияам̣ багганд̇о ануб̣ад̣̇д̇хова. д̇ад̇о жинд̇зси – ‘‘ид̣̇аани маяхам̣ над̇д̇аго б̣аараан̣асияам̣ раж̇ж̇ам̣ гаарзд̇и, яам̣нуунаахам̣ ад̇д̇ано буримаж̇аад̇ияаа уяяаанам̣ г̇ажчзяяам̣, д̇ад̇ра мам̣ со рагкиссад̇ий’’д̇и. д̇ад̇о рад̇д̇им̣ нид̣̇д̣̇аавасам̣ г̇ад̇з яуут̇з яуут̇ам̣ бахааяа д̇амзва уяяаанам̣ баависи. уяяаанабаало д̣̇исваа ран̃н̃о аарожзси. рааж̇аа ‘‘хад̇т̇им̣ г̇ахзссаамий’’д̇и сзнааяа бариваарзси. хад̇т̇ий рааж̇аанам̣ зва абхимуко г̇ажчад̇и. рааж̇аа ‘‘мам̣ абхимуко зд̇ий’’д̇и кураббам̣ саннаяхид̇ваа адтааси. д̇ад̇о хад̇т̇ий ‘‘виж̇жхзяяааби мам̣ зсо’’д̇и маанусигааяа ваажааяа ‘‘б̣рахмад̣̇ад̇д̇а, маа мам̣ виж̇жха, ахам̣ д̇з аяяаго’’д̇и ааха. рааж̇аа ‘‘гим̣ бхан̣асий’’д̇и саб̣б̣ам̣ бужчи. хад̇т̇ийби раж̇ж̇з жа нарагз жа хад̇т̇ияонияан̃жа бавад̇д̇им̣ саб̣б̣ам̣ аарожзси. рааж̇аа ‘‘сунд̣̇арам̣, маа бхааяи, маа жа ган̃жи бхим̣саабзхий’’д̇и хад̇т̇ино ваддан̃жа аарагкагз жа хад̇т̇ибхан̣д̣з жа убадтаабзси.

    53.Nāgovāti kā uppatti? Bārāṇasiyaṃ kira aññataro rājā vīsati vassāni rajjaṃ kāretvā kālakato niraye vīsati eva vassāni paccitvā himavantappadese hatthiyoniyaṃ uppajjitvā sañjātakkhandho padumavaṇṇasakalasarīro uḷāro yūthapati mahānāgo ahosi. Tassa obhaggobhaggaṃ sākhābhaṅgaṃ hatthichāpāva khādanti. Ogāhepi naṃ hatthiniyo kaddamena limpanti , sabbaṃ pālileyyakanāgasseva ahosi. So yūthā nibbijjitvā pakkami. Tato naṃ padānusārena yūthaṃ anubandhi. Evaṃ yāvatatiyaṃ pakkanto anubaddhova. Tato cintesi – ‘‘idāni mayhaṃ nattako bārāṇasiyaṃ rajjaṃ kāreti, yaṃnūnāhaṃ attano purimajātiyā uyyānaṃ gaccheyyaṃ, tatra maṃ so rakkhissatī’’ti. Tato rattiṃ niddāvasaṃ gate yūthe yūthaṃ pahāya tameva uyyānaṃ pāvisi. Uyyānapālo disvā rañño ārocesi. Rājā ‘‘hatthiṃ gahessāmī’’ti senāya parivāresi. Hatthī rājānaṃ eva abhimukho gacchati. Rājā ‘‘maṃ abhimukho etī’’ti khurappaṃ sannayhitvā aṭṭhāsi. Tato hatthī ‘‘vijjheyyāpi maṃ eso’’ti mānusikāya vācāya ‘‘brahmadatta, mā maṃ vijjha, ahaṃ te ayyako’’ti āha. Rājā ‘‘kiṃ bhaṇasī’’ti sabbaṃ pucchi. Hatthīpi rajje ca narake ca hatthiyoniyañca pavattiṃ sabbaṃ ārocesi. Rājā ‘‘sundaraṃ, mā bhāyi, mā ca kañci bhiṃsāpehī’’ti hatthino vaṭṭañca ārakkhake ca hatthibhaṇḍe ca upaṭṭhāpesi.

    ат̇згад̣̇ивасам̣ рааж̇аа хад̇т̇игканд̇хаг̇ад̇о ‘‘аяам̣ вийсад̇и вассаани раж̇ж̇ам̣ гад̇ваа нираяз багго, вибаагаавасзсзна жа д̇иражчаанаяонияам̣ уббанно, д̇ад̇т̇аби г̇ан̣аваасасан̇гхадданам̣ асаханд̇о ид̇хааг̇ад̇о. ахо д̣̇угко г̇ан̣аваасо, згийбхааво зва жа бана суко’’д̇и жинд̇зд̇ваа д̇ад̇т̇зва вибассанам̣ аарабхид̇ваа бажжзгаб̣од̇хим̣ сажчаагааси. д̇ам̣ логуд̇д̇арасукзна сукид̇ам̣ амажжаа убасан̇гамид̇ваа, бан̣ибаад̇ам̣ гад̇ваа ‘‘яаанагаало махаарааж̇аа’’д̇и аахам̣су. д̇ад̇о ‘‘наахам̣ рааж̇аа’’д̇и вад̇ваа буриманаязнзва имам̣ г̇аат̇ам̣ абхааси –

    Athekadivasaṃ rājā hatthikkhandhagato ‘‘ayaṃ vīsati vassāni rajjaṃ katvā niraye pakko, vipākāvasesena ca tiracchānayoniyaṃ uppanno, tatthapi gaṇavāsasaṅghaṭṭanaṃ asahanto idhāgato. Aho dukkho gaṇavāso, ekībhāvo eva ca pana sukho’’ti cintetvā tattheva vipassanaṃ ārabhitvā paccekabodhiṃ sacchākāsi. Taṃ lokuttarasukhena sukhitaṃ amaccā upasaṅkamitvā, paṇipātaṃ katvā ‘‘yānakālo mahārājā’’ti āhaṃsu. Tato ‘‘nāhaṃ rājā’’ti vatvā purimanayeneva imaṃ gāthaṃ abhāsi –

    ‘‘нааг̇ова яуут̇аани виваж̇ж̇аяид̇ваа, сан̃ж̇аад̇аканд̇хо бад̣̇умий ул̣ааро;

    ‘‘Nāgova yūthāni vivajjayitvā, sañjātakhandho padumī uḷāro;

    яат̇аабхиранд̇ам̣ вихарам̣ аран̃н̃з, зго жарз каг̇г̇ависаан̣агаббо’’д̇и.

    Yathābhirantaṃ viharaṃ araññe, eko care khaggavisāṇakappo’’ti.

    саа бад̣̇ад̇т̇ад̇о баагадаа зва. аяам̣ банзд̇т̇а ад̇хиббааяаяож̇анаа. саа жа ко яуд̇д̇ивасзнзва, на ануссававасзна. яат̇аа аяам̣ хад̇т̇ий мануссаганд̇зсу сийлзсу д̣̇анд̇ад̇д̇аа ад̣̇анд̇абхуумим̣ нааг̇ажчад̇ийд̇и ваа, сарийрамаханд̇ад̇ааяа ваа нааг̇о, звам̣ гуд̣̇аассу наамаахамби арияаганд̇зсу сийлзсу д̣̇анд̇ад̇д̇аа ад̣̇анд̇абхуумим̣ нааг̇аманзна ааг̇ум̣ агаран̣зна буна ид̇т̇ад̇д̇ам̣ анааг̇аманзна жа г̇ун̣асарийрамаханд̇ад̇ааяа ваа нааг̇о бхавзяяам̣. яат̇аа жзса яуут̇аани виваж̇ж̇зд̇ваа згажарияасукзна яат̇аабхиранд̇ам̣ вихарам̣ аран̃н̃з зго жарз каг̇г̇ависаан̣агаббо, гуд̣̇аассу наамаахамби звам̣ г̇ан̣ам̣ виваж̇ж̇зд̇ваа згавихаарасукзна жхаанасукзна яат̇аабхиранд̇ам̣ вихарам̣ аран̃н̃з ад̇д̇ано яат̇аа яат̇аа сукам̣, д̇ат̇аа д̇ат̇аа яад̇д̇агам̣ ваа ижчаами, д̇ад̇д̇агам̣ аран̃н̃з ниваасам̣ зго жарз каг̇г̇ависаан̣агаббо жарзяяанд̇и ад̇т̇о. яат̇аа жзса сусан̣тид̇агканд̇хад̇ааяа сан̃ж̇аад̇агканд̇хо, гуд̣̇аассу наамаахамби звам̣ асзкасийлагканд̇хамаханд̇ад̇ааяа сан̃ж̇аад̇агканд̇хо бхавзяяам̣. яат̇аа жзса бад̣̇умасад̣̇исаг̇ад̇д̇ад̇ааяа ваа бад̣̇умагулз уббаннад̇ааяа ваа бад̣̇умий, гуд̣̇аассу наамаахамби звам̣ бад̣̇умасад̣̇исауж̇уг̇ад̇д̇ад̇ааяа ваа арияаж̇аад̇ибад̣̇умз уббаннад̇ааяа ваа бад̣̇умий бхавзяяам̣. яат̇аа жзса т̇аамаб̣алаж̇аваад̣̇ийхи ул̣ааро, гуд̣̇аассу наамаахамби звам̣ барисуд̣̇д̇хагааяасамаажаарад̇аад̣̇ийхи сийласамаад̇хиниб̣б̣зд̇хигабан̃н̃аад̣̇ийхи ваа ул̣ааро бхавзяяанд̇и звам̣ жинд̇знд̇о вибассанам̣ аарабхид̇ваа бажжзгаб̣од̇хим̣ ад̇хиг̇ад̇омхийд̇и.

    Sā padatthato pākaṭā eva. Ayaṃ panettha adhippāyayojanā. Sā ca kho yuttivaseneva, na anussavavasena. Yathā ayaṃ hatthī manussakantesu sīlesu dantattā adantabhūmiṃ nāgacchatīti vā, sarīramahantatāya vā nāgo, evaṃ kudāssu nāmāhampi ariyakantesu sīlesu dantattā adantabhūmiṃ nāgamanena āguṃ akaraṇena puna itthattaṃ anāgamanena ca guṇasarīramahantatāya vā nāgo bhaveyyaṃ. Yathā cesa yūthāni vivajjetvā ekacariyasukhena yathābhirantaṃ viharaṃ araññe eko care khaggavisāṇakappo, kudāssu nāmāhampi evaṃ gaṇaṃ vivajjetvā ekavihārasukhena jhānasukhena yathābhirantaṃ viharaṃ araññe attano yathā yathā sukhaṃ, tathā tathā yattakaṃ vā icchāmi, tattakaṃ araññe nivāsaṃ eko care khaggavisāṇakappo careyyanti attho. Yathā cesa susaṇṭhitakkhandhatāya sañjātakkhandho, kudāssu nāmāhampi evaṃ asekhasīlakkhandhamahantatāya sañjātakkhandho bhaveyyaṃ. Yathā cesa padumasadisagattatāya vā padumakule uppannatāya vā padumī, kudāssu nāmāhampi evaṃ padumasadisaujugattatāya vā ariyajātipadume uppannatāya vā padumī bhaveyyaṃ. Yathā cesa thāmabalajavādīhi uḷāro, kudāssu nāmāhampi evaṃ parisuddhakāyasamācāratādīhi sīlasamādhinibbedhikapaññādīhi vā uḷāro bhaveyyanti evaṃ cintento vipassanaṃ ārabhitvā paccekabodhiṃ adhigatomhīti.

    нааг̇аг̇аат̇ааван̣н̣анаа самад̇д̇аа.

    Nāgagāthāvaṇṇanā samattā.

    54. адтаана д̇анд̇и гаа уббад̇д̇и? б̣аараан̣асиран̃н̃о гира буд̇д̇о д̣̇ахаро зва самаано баб̣б̣аж̇ид̇угаамо маад̇аабид̇аро яаажи. маад̇аабид̇аро нам̣ ваарзнд̇и. со ваарияамааноби ниб̣анд̇хад̇иязва ‘‘баб̣б̣аж̇иссаамий’’д̇и. д̇ад̇о нам̣ буб̣б̣з вуд̇д̇асздтибуд̇д̇ам̣ вияа саб̣б̣ам̣ вад̇ваа ануж̇ааним̣су. баб̣б̣аж̇ид̇ваа жа уяяаанзязва васид̇аб̣б̣анд̇и бадиж̇аанаабзсум̣, со д̇ат̇аа агааси. д̇асса маад̇аа баад̇ова вийсад̇исахассанаадагид̇т̇ибаривуд̇аа уяяаанам̣ г̇анд̇ваа, буд̇д̇ам̣ яааг̇ум̣ бааязд̇ваа, анд̇араа каж̇ж̇агаад̣̇ийни жа каад̣̇аабзд̇ваа, яаава маж̇жханхигасамаяам̣ д̇зна сад̣̇д̇хим̣ самуллабид̇ваа, наг̇арам̣ бависад̇и. бид̇аа жа маж̇жханхигз ааг̇анд̇ваа, д̇ам̣ бхож̇зд̇ваа ад̇д̇анааби бхун̃ж̇ид̇ваа, д̣̇ивасам̣ д̇зна сад̣̇д̇хим̣ самуллабид̇ваа, сааяанхасамаяз ж̇аг̇г̇анабурисз табзд̇ваа наг̇арам̣ бависад̇и. со звам̣ рад̇д̇инд̣̇ивам̣ авивид̇д̇о вихарад̇и. д̇зна ко бана самаязна аад̣̇ижжаб̣анд̇ху наама бажжзгаб̣уд̣̇д̇хо нанд̣̇амуулагабаб̣бхаарз вихарад̇и. со ааваж̇ж̇знд̇о д̇ам̣ ад̣̇д̣̇аса – ‘‘аяам̣ гумааро баб̣б̣аж̇ид̇ум̣ асагки, ж̇адам̣ чинд̣̇ид̇ум̣ на саггод̇ий’’д̇и. д̇ад̇о барам̣ ааваж̇ж̇и ‘‘ад̇д̇ано д̇хаммад̇ааяа ниб̣б̣иж̇ж̇иссад̇и, но’’д̇и. ат̇а ‘‘д̇хаммад̇ааяа ниб̣б̣инд̣̇анд̇о ад̇ижирам̣ бхависсад̇ий’’д̇и н̃ад̇ваа ‘‘д̇асса аарамман̣ам̣ д̣̇ассзссаамий’’д̇и буб̣б̣з вуд̇д̇анаязнзва маносилаад̇алад̇о ааг̇анд̇ваа уяяаанз адтааси. рааж̇абурисо д̣̇исваа ‘‘бажжзгаб̣уд̣̇д̇хо ааг̇ад̇о, махаарааж̇аа’’д̇и ран̃н̃о аарожзси. рааж̇аа ‘‘ид̣̇аани мз буд̇д̇о бажжзгаб̣уд̣̇д̇хзна сад̣̇д̇хим̣ анугган̣тид̇о васиссад̇ий’’д̇и бамуд̣̇ид̇амано худ̇ваа бажжзгаб̣уд̣̇д̇хам̣ саггажжам̣ убадтахид̇ваа д̇ад̇т̇зва ваасам̣ яаажид̇ваа бан̣н̣асаалаад̣̇иваавихаарадтаанажан̇гамаад̣̇исаб̣б̣ам̣ гаарзд̇ваа ваасзси.

    54.Aṭṭhāna tanti kā uppatti? Bārāṇasirañño kira putto daharo eva samāno pabbajitukāmo mātāpitaro yāci. Mātāpitaro naṃ vārenti. So vāriyamānopi nibandhatiyeva ‘‘pabbajissāmī’’ti. Tato naṃ pubbe vuttaseṭṭhiputtaṃ viya sabbaṃ vatvā anujāniṃsu. Pabbajitvā ca uyyāneyeva vasitabbanti paṭijānāpesuṃ, so tathā akāsi. Tassa mātā pātova vīsatisahassanāṭakitthiparivutā uyyānaṃ gantvā, puttaṃ yāguṃ pāyetvā, antarā khajjakādīni ca khādāpetvā, yāva majjhanhikasamayaṃ tena saddhiṃ samullapitvā, nagaraṃ pavisati. Pitā ca majjhanhike āgantvā, taṃ bhojetvā attanāpi bhuñjitvā, divasaṃ tena saddhiṃ samullapitvā, sāyanhasamaye jagganapurise ṭhapetvā nagaraṃ pavisati. So evaṃ rattindivaṃ avivitto viharati. Tena kho pana samayena ādiccabandhu nāma paccekabuddho nandamūlakapabbhāre viharati. So āvajjento taṃ addasa – ‘‘ayaṃ kumāro pabbajituṃ asakkhi, jaṭaṃ chindituṃ na sakkotī’’ti. Tato paraṃ āvajji ‘‘attano dhammatāya nibbijjissati, no’’ti. Atha ‘‘dhammatāya nibbindanto aticiraṃ bhavissatī’’ti ñatvā ‘‘tassa ārammaṇaṃ dassessāmī’’ti pubbe vuttanayeneva manosilātalato āgantvā uyyāne aṭṭhāsi. Rājapuriso disvā ‘‘paccekabuddho āgato, mahārājā’’ti rañño ārocesi. Rājā ‘‘idāni me putto paccekabuddhena saddhiṃ anukkaṇṭhito vasissatī’’ti pamuditamano hutvā paccekabuddhaṃ sakkaccaṃ upaṭṭhahitvā tattheva vāsaṃ yācitvā paṇṇasālādivāvihāraṭṭhānacaṅkamādisabbaṃ kāretvā vāsesi.

    со д̇ад̇т̇а васанд̇о згад̣̇ивасам̣ огаасам̣ лабхид̇ваа гумаарам̣ бужчи ‘‘госи д̇ва’’нд̇и? со ааха ‘‘ахам̣ баб̣б̣аж̇ид̇о’’д̇и. ‘‘баб̣б̣аж̇ид̇аа наама на зд̣̇исаа хонд̇ий’’д̇и. ‘‘ат̇а бханд̇з, гийд̣̇исаа хонд̇и, гим̣ маяхам̣ ананужчавига’’нд̇и вуд̇д̇з ‘‘д̇вам̣ ад̇д̇ано ананужчавигам̣ на бзгкаси , нану д̇з маад̇аа вийсад̇исахассаид̇т̇ийхи сад̣̇д̇хим̣ буб̣б̣ан̣хасамаяз ааг̇ажчанд̇ий уяяаанам̣ авивид̇д̇ам̣ гарод̇и, бид̇аа махад̇аа б̣алагааязна сааяанхасамаяз, ж̇аг̇г̇анабурисаа сагаларад̇д̇им̣; баб̣б̣аж̇ид̇аа наама д̇ава сад̣̇исаа на хонд̇и, ‘зд̣̇исаа бана хонд̇ий’’’д̇и д̇ад̇ра тид̇ассзва ид̣̇д̇хияаа химаванд̇з ан̃н̃ад̇арам̣ вихаарам̣ д̣̇ассзси. со д̇ад̇т̇а бажжзгаб̣уд̣̇д̇хз ааламб̣анаб̣аахам̣ ниссааяа тид̇з жа жан̇гаманд̇з жа раж̇анагаммасуужигаммаад̣̇ийни гаронд̇з жа д̣̇исваа ааха – ‘‘д̇умхз ид̇ха, нааг̇ажчат̇а, баб̣б̣аж̇ж̇аа наама д̇умхзхи анун̃н̃аад̇аа’’д̇и. ‘‘аама, баб̣б̣аж̇ж̇аа анун̃н̃аад̇аа, баб̣б̣аж̇ид̇агаалад̇о бадтааяа саман̣аа наама ад̇д̇ано ниссаран̣ам̣ гаад̇ум̣ ижчид̇абад̇т̇ид̇ан̃жа бад̣̇зсам̣ г̇анд̇ум̣ лабханд̇и, зд̇д̇агам̣ва ваддад̇ий’’д̇и вад̇ваа аагаасз тад̇ваа –

    So tattha vasanto ekadivasaṃ okāsaṃ labhitvā kumāraṃ pucchi ‘‘kosi tva’’nti? So āha ‘‘ahaṃ pabbajito’’ti. ‘‘Pabbajitā nāma na edisā hontī’’ti. ‘‘Atha bhante, kīdisā honti, kiṃ mayhaṃ ananucchavika’’nti vutte ‘‘tvaṃ attano ananucchavikaṃ na pekkhasi , nanu te mātā vīsatisahassaitthīhi saddhiṃ pubbaṇhasamaye āgacchantī uyyānaṃ avivittaṃ karoti, pitā mahatā balakāyena sāyanhasamaye, jagganapurisā sakalarattiṃ; pabbajitā nāma tava sadisā na honti, ‘edisā pana hontī’’’ti tatra ṭhitasseva iddhiyā himavante aññataraṃ vihāraṃ dassesi. So tattha paccekabuddhe ālambanabāhaṃ nissāya ṭhite ca caṅkamante ca rajanakammasūcikammādīni karonte ca disvā āha – ‘‘tumhe idha, nāgacchatha, pabbajjā nāma tumhehi anuññātā’’ti. ‘‘Āma, pabbajjā anuññātā, pabbajitakālato paṭṭhāya samaṇā nāma attano nissaraṇaṃ kātuṃ icchitapatthitañca padesaṃ gantuṃ labhanti, ettakaṃva vaṭṭatī’’ti vatvā ākāse ṭhatvā –

    ‘‘адтаана д̇ам̣ сан̇г̇ан̣игаарад̇асса, яам̣ пассаяз саамаяигам̣ вимуд̇д̇и’’нд̇и. –

    ‘‘Aṭṭhāna taṃ saṅgaṇikāratassa, yaṃ phassaye sāmayikaṃ vimutti’’nti. –

    имам̣ убад̣дхаг̇аат̇ам̣ вад̇ваа, д̣̇иссамаанзнзва гааязна нанд̣̇амуулагабаб̣бхаарам̣ аг̇амааси. звам̣ г̇ад̇з бажжзгаб̣уд̣̇д̇хз со ад̇д̇ано бан̣н̣асаалам̣ бависид̇ваа нибаж̇ж̇и. аарагкагабурисоби ‘‘саяид̇о гумааро, ид̣̇аани гухим̣ г̇амиссад̇ий’’д̇и бамад̇д̇о нид̣̇д̣̇ам̣ оггами. со д̇асса бамад̇д̇абхаавам̣ н̃ад̇ваа бад̇д̇ажийварам̣ г̇ахзд̇ваа аран̃н̃ам̣ баависи. д̇ад̇ра жа вивид̇д̇о вибассанам̣ аарабхид̇ваа, бажжзгаб̣од̇хим̣ сажчигад̇ваа, бажжзгаб̣уд̣̇д̇хадтаанам̣ г̇ад̇о. д̇ад̇ра жа ‘‘гат̇амад̇хиг̇ад̇а’’нд̇и бужчид̇о аад̣̇ижжаб̣анд̇хунаа вуд̇д̇ам̣ убад̣дхаг̇аат̇ам̣ барибун̣н̣ам̣ гад̇ваа абхааси.

    Imaṃ upaḍḍhagāthaṃ vatvā, dissamāneneva kāyena nandamūlakapabbhāraṃ agamāsi. Evaṃ gate paccekabuddhe so attano paṇṇasālaṃ pavisitvā nipajji. Ārakkhakapurisopi ‘‘sayito kumāro, idāni kuhiṃ gamissatī’’ti pamatto niddaṃ okkami. So tassa pamattabhāvaṃ ñatvā pattacīvaraṃ gahetvā araññaṃ pāvisi. Tatra ca vivitto vipassanaṃ ārabhitvā, paccekabodhiṃ sacchikatvā, paccekabuddhaṭṭhānaṃ gato. Tatra ca ‘‘kathamadhigata’’nti pucchito ādiccabandhunā vuttaṃ upaḍḍhagāthaṃ paripuṇṇaṃ katvā abhāsi.

    д̇ассад̇т̇о – адтаана д̇анд̇и. адтаанам̣ д̇ам̣, агааран̣ам̣ д̇анд̇и вуд̇д̇ам̣ ход̇и, анунаасигалобо гад̇о ‘‘арияасажжаана д̣̇ассана’’нд̇иаад̣̇ийсу (ку. баа. 5.11; су. ни. 270) вияа. сан̇г̇ан̣игаарад̇ассаад̇и г̇ан̣аабхирад̇асса. яанд̇и гаран̣аважанамзд̇ам̣ ‘‘яам̣ хирийяад̇и хирийяид̇аб̣б̣знаа’’д̇иаад̣̇ийсу (д̇ха. са. 30) вияа. пассаязд̇и ад̇хиг̇ажчз. саамаяигам̣ вимуд̇д̇инд̇и логияасамаабад̇д̇им̣. саа хи аббид̇аббид̇асамаяз зва бажжанийгзхи вимужжанад̇о ‘‘саамаяигаа вимуд̇д̇ий’’д̇и вужжад̇и. д̇ам̣ саамаяигам̣ вимуд̇д̇им̣. адтаанам̣ д̇ам̣, на д̇ам̣ гааран̣ам̣ виж̇ж̇ад̇и сан̇г̇ан̣игаарад̇асса, язна гааран̣зна пассаязд̇и зд̇ам̣ аад̣̇ижжаб̣анд̇хусса бажжзгаб̣уд̣̇д̇хасса важо нисамма сан̇г̇ан̣игаарад̇им̣ бахааяа яонисо бадибаж̇ж̇анд̇о ад̇хиг̇ад̇омхийд̇и ааха. сзсам̣ вуд̇д̇анаяамзваад̇и.

    Tassattho – aṭṭhāna tanti. Aṭṭhānaṃ taṃ, akāraṇaṃ tanti vuttaṃ hoti, anunāsikalopo kato ‘‘ariyasaccāna dassana’’ntiādīsu (khu. pā. 5.11; su. ni. 270) viya. Saṅgaṇikāratassāti gaṇābhiratassa. Yanti karaṇavacanametaṃ ‘‘yaṃ hirīyati hirīyitabbenā’’tiādīsu (dha. sa. 30) viya. Phassayeti adhigacche. Sāmayikaṃ vimuttinti lokiyasamāpattiṃ. Sā hi appitappitasamaye eva paccanīkehi vimuccanato ‘‘sāmayikā vimuttī’’ti vuccati. Taṃ sāmayikaṃ vimuttiṃ. Aṭṭhānaṃ taṃ, na taṃ kāraṇaṃ vijjati saṅgaṇikāratassa, yena kāraṇena phassayeti etaṃ ādiccabandhussa paccekabuddhassa vaco nisamma saṅgaṇikāratiṃ pahāya yoniso paṭipajjanto adhigatomhīti āha. Sesaṃ vuttanayamevāti.

    адтаанаг̇аат̇ааван̣н̣анаа самад̇д̇аа.

    Aṭṭhānagāthāvaṇṇanā samattā.

    д̣̇уд̇ияо ваг̇г̇о нидтид̇о.

    Dutiyo vaggo niṭṭhito.

    55. д̣̇идтийвисуугаанийд̇и гаа уббад̇д̇и? б̣аараан̣асияам̣ гира ан̃н̃ад̇аро рааж̇аа рахог̇ад̇о жинд̇зси – ‘‘яат̇аа сийд̇аад̣̇ийнам̣ бадигхаад̇агаани ун̣хаад̣̇ийни ад̇т̇и, ад̇т̇и ну ко звам̣ ваддабадигхаад̇агам̣ винаддам̣, но’’д̇и. со амажжз бужчи – ‘‘виваддам̣ ж̇аанаат̇аа’’д̇и? д̇з ‘‘ж̇аанаама, махаарааж̇аа’’д̇и аахам̣су. рааж̇аа – ‘‘гим̣ д̇а’’нд̇и? д̇ад̇о ‘‘анд̇аваа лого’’д̇иаад̣̇инаа наязна сассад̇ужчзд̣̇ам̣ гат̇зсум̣. ат̇а рааж̇аа ‘‘имз на ж̇аананд̇и, саб̣б̣збимз д̣̇идтиг̇ад̇игаа’’д̇и саяамзва д̇зсам̣ виломад̇ан̃жа аяуд̇д̇ад̇ан̃жа д̣̇исваа ‘‘ваддабадигхаад̇агам̣ виваддам̣ ад̇т̇и, д̇ам̣ г̇авзсид̇аб̣б̣а’’нд̇и жинд̇зд̇ваа раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчаагааси. иман̃жа уд̣̇аанаг̇аат̇ам̣ абхааси бажжзгаб̣уд̣̇д̇хамаж̇жхз б̣яаагаран̣аг̇аат̇ан̃жа –

    55.Diṭṭhīvisūkānīti kā uppatti? Bārāṇasiyaṃ kira aññataro rājā rahogato cintesi – ‘‘yathā sītādīnaṃ paṭighātakāni uṇhādīni atthi, atthi nu kho evaṃ vaṭṭapaṭighātakaṃ vinaṭṭaṃ, no’’ti. So amacce pucchi – ‘‘vivaṭṭaṃ jānāthā’’ti? Te ‘‘jānāma, mahārājā’’ti āhaṃsu. Rājā – ‘‘kiṃ ta’’nti? Tato ‘‘antavā loko’’tiādinā nayena sassatucchedaṃ kathesuṃ. Atha rājā ‘‘ime na jānanti, sabbepime diṭṭhigatikā’’ti sayameva tesaṃ vilomatañca ayuttatañca disvā ‘‘vaṭṭapaṭighātakaṃ vivaṭṭaṃ atthi, taṃ gavesitabba’’nti cintetvā rajjaṃ pahāya pabbajitvā vipassanto paccekabodhiṃ sacchākāsi. Imañca udānagāthaṃ abhāsi paccekabuddhamajjhe byākaraṇagāthañca –

    ‘‘д̣̇идтийвисуугаани убаад̇ивад̇д̇о, бад̇д̇о нияаамам̣ бадилад̣̇д̇хамаг̇г̇о;

    ‘‘Diṭṭhīvisūkāni upātivatto, patto niyāmaṃ paṭiladdhamaggo;

    уббаннан̃аан̣омхи анан̃н̃анзяяо, зго жарз каг̇г̇ависаан̣агаббо’’д̇и.

    Uppannañāṇomhi anaññaneyyo, eko care khaggavisāṇakappo’’ti.

    д̇ассад̇т̇о – д̣̇идтийвисуугаанийд̇и д̣̇ваасадтид̣̇идтиг̇ад̇аани. д̇аани хи маг̇г̇асаммаад̣̇идтияаа висуугадтзна виж̇жханадтзна виломадтзна жа висуугаани. звам̣ д̣̇идтияаа висуугаани, д̣̇идти зва ваа висуугаани д̣̇идтивисуугаани. убаад̇ивад̇д̇од̇и д̣̇ассанамаг̇г̇зна ад̇игганд̇о. бад̇д̇о нияааманд̇и авинибаад̇ад̇хаммад̇ааяа самб̣од̇хибарааяан̣ад̇ааяа жа нияад̇абхаавам̣ ад̇хиг̇ад̇о, саммад̇д̇анияаамасан̇каад̇ам̣ ваа батамамаг̇г̇анд̇и. зд̇д̇аавад̇аа батамамаг̇г̇агижжанибпад̇д̇и жа д̇асса бадилаабхо жа вуд̇д̇о. ид̣̇аани бадилад̣̇д̇хамаг̇г̇од̇и иминаа сзсамаг̇г̇абадилаабхам̣ д̣̇ассзд̇и. уббаннан̃аан̣омхийд̇и уббаннабажжзгаб̣од̇хин̃аан̣о амхи. зд̇зна палам̣ д̣̇ассзд̇и. анан̃н̃анзяяод̇и ан̃н̃зхи ‘‘ид̣̇ам̣ сажжам̣, ид̣̇ам̣ сажжа’’нд̇и на нзд̇аб̣б̣о. зд̇зна саяамбхуд̇ам̣ д̣̇ийбзд̇и, бад̇д̇з ваа бажжзгаб̣од̇хин̃аан̣з анзяяад̇ааяа абхааваа саяам̣васид̇ам̣. самат̇авибассанааяа ваа д̣̇идтивисуугаани убаад̇ивад̇д̇о, аад̣̇имаг̇г̇зна бад̇д̇о нияаамам̣, сзсзхи бадилад̣̇д̇хамаг̇г̇о, палан̃аан̣зна уббаннан̃аан̣о, д̇ам̣ саб̣б̣ам̣ ад̇д̇анаава ад̇хиг̇ад̇од̇и анан̃н̃анзяяо. сзсам̣ вуд̇д̇анаязнзва взд̣̇ид̇аб̣б̣анд̇и.

    Tassattho – diṭṭhīvisūkānīti dvāsaṭṭhidiṭṭhigatāni. Tāni hi maggasammādiṭṭhiyā visūkaṭṭhena vijjhanaṭṭhena vilomaṭṭhena ca visūkāni. Evaṃ diṭṭhiyā visūkāni, diṭṭhi eva vā visūkāni diṭṭhivisūkāni. Upātivattoti dassanamaggena atikkanto. Patto niyāmanti avinipātadhammatāya sambodhiparāyaṇatāya ca niyatabhāvaṃ adhigato, sammattaniyāmasaṅkhātaṃ vā paṭhamamagganti. Ettāvatā paṭhamamaggakiccanipphatti ca tassa paṭilābho ca vutto. Idāni paṭiladdhamaggoti iminā sesamaggapaṭilābhaṃ dasseti. Uppannañāṇomhīti uppannapaccekabodhiñāṇo amhi. Etena phalaṃ dasseti. Anaññaneyyoti aññehi ‘‘idaṃ saccaṃ, idaṃ sacca’’nti na netabbo. Etena sayambhutaṃ dīpeti, patte vā paccekabodhiñāṇe aneyyatāya abhāvā sayaṃvasitaṃ. Samathavipassanāya vā diṭṭhivisūkāni upātivatto, ādimaggena patto niyāmaṃ, sesehi paṭiladdhamaggo, phalañāṇena uppannañāṇo, taṃ sabbaṃ attanāva adhigatoti anaññaneyyo. Sesaṃ vuttanayeneva veditabbanti.

    д̣̇идтивисуугаг̇аат̇ааван̣н̣анаа самад̇д̇аа.

    Diṭṭhivisūkagāthāvaṇṇanā samattā.

    56. ниллолубод̇и гаа уббад̇д̇и? б̣аараан̣асиран̃н̃о гира сууд̣̇о анд̇арабхад̇д̇ам̣ бажид̇ваа убанаамзси манун̃н̃ад̣̇ассанам̣ саад̣̇урасам̣ ‘‘аббзва наама мз рааж̇аа д̇ханамануббад̣̇зяяаа’’д̇и. д̇ам̣ ран̃н̃о г̇анд̇хзнзва бход̇д̇угаамад̇ам̣ ж̇анзси мукз кзл̣ам̣ уббаад̣̇знд̇ам̣. батамагаб̣ал̣з бана мукз багкид̇д̇амад̇д̇з сад̇д̇арасахаран̣исахассаани амад̇знзва пудтаани ахзсум̣. сууд̣̇о ‘‘ид̣̇аани мз д̣̇ассад̇и, ид̣̇аани мз д̣̇ассад̇ий’’д̇и жинд̇зси. рааж̇ааби ‘‘саггаараарахо сууд̣̇о’’д̇и жинд̇зси – ‘‘расам̣ сааяид̇ваа бана саггаронд̇ам̣ мам̣ баабаго гид̇д̇исад̣̇д̣̇о аб̣бхуг̇г̇ажчзяяа – ‘лоло аяам̣ рааж̇аа расаг̇аруго’’’д̇и на гин̃жи абхан̣и. звам̣ яаава бхож̇анабарияосаанам̣, д̇аава сууд̣̇оби ‘‘ид̣̇аани д̣̇ассад̇и, ид̣̇аани д̣̇ассад̇ий’’д̇и жинд̇зси. рааж̇ааби аван̣н̣абхаязна на гин̃жи абхан̣и. д̇ад̇о сууд̣̇о ‘‘над̇т̇и имасса ран̃н̃о ж̇ивхаавин̃н̃аан̣а’’нд̇и д̣̇уд̇ияад̣̇ивасз арасабхад̇д̇ам̣ убанаамзси. рааж̇аа бхун̃ж̇анд̇о ‘‘ниг̇г̇ахаарахо аж̇ж̇а сууд̣̇о’’д̇и ж̇аананд̇оби буб̣б̣з вияа бажжавзгкид̇ваа аван̣н̣абхаязна на гин̃жи абхан̣и. д̇ад̇о сууд̣̇о ‘‘рааж̇аа нзва сунд̣̇арам̣ наасунд̣̇арам̣ ж̇аанаад̇ий’’д̇и жинд̇зд̇ваа саб̣б̣ам̣ бариб̣б̣аяам̣ ад̇д̇анаа г̇ахзд̇ваа яам̣гин̃жид̣̇зва бажид̇ваа ран̃н̃о д̣̇зд̇и. рааж̇аа ‘‘ахо вад̇а лобхо, ахам̣ наама вийсад̇и наг̇арасахассаани бхун̃ж̇анд̇о имасса лобхзна бхад̇д̇амад̇д̇амби на лабхаамий’’д̇и ниб̣б̣иж̇ж̇ид̇ваа, раж̇ж̇ам̣ бахааяа баб̣б̣аж̇ид̇ваа, вибассанд̇о бажжзгаб̣од̇хим̣ сажчаагааси, буриманаязнзва жа имам̣ г̇аат̇ам̣ абхааси –

    56.Nillolupoti kā uppatti? Bārāṇasirañño kira sūdo antarabhattaṃ pacitvā upanāmesi manuññadassanaṃ sādurasaṃ ‘‘appeva nāma me rājā dhanamanuppadeyyā’’ti. Taṃ rañño gandheneva bhottukāmataṃ janesi mukhe kheḷaṃ uppādentaṃ. Paṭhamakabaḷe pana mukhe pakkhittamatte sattarasaharaṇisahassāni amateneva phuṭṭhāni ahesuṃ. Sūdo ‘‘idāni me dassati, idāni me dassatī’’ti cintesi. Rājāpi ‘‘sakkārāraho sūdo’’ti cintesi – ‘‘rasaṃ sāyitvā pana sakkarontaṃ maṃ pāpako kittisaddo abbhuggaccheyya – ‘lolo ayaṃ rājā rasagaruko’’’ti na kiñci abhaṇi. Evaṃ yāva bhojanapariyosānaṃ, tāva sūdopi ‘‘idāni dassati, idāni dassatī’’ti cintesi. Rājāpi avaṇṇabhayena na kiñci abhaṇi. Tato sūdo ‘‘natthi imassa rañño jivhāviññāṇa’’nti dutiyadivase arasabhattaṃ upanāmesi. Rājā bhuñjanto ‘‘niggahāraho ajja sūdo’’ti jānantopi pubbe viya paccavekkhitvā avaṇṇabhayena na kiñci abhaṇi. Tato sūdo ‘‘rājā neva sundaraṃ nāsundaraṃ jānātī’’ti cintetvā sabbaṃ paribbayaṃ attanā gahetvā yaṃkiñcideva pacitvā rañño deti. Rājā ‘‘aho vata lobho, ahaṃ nāma vīsati nagarasahassāni bhuñjanto imassa lobhena bhattamattampi na labhāmī’’ti nibbijjitvā, rajjaṃ pahāya pabbajitvā, vipassanto paccekabodhiṃ sacchākāsi, purimanayeneva ca imaṃ gāthaṃ abhāsi –

    ‘‘ниллолубо ниггухо ниббибаасо, ниммагко нид̣̇д̇ханд̇агасаавамохо;

    ‘‘Nillolupo nikkuho nippipāso, nimmakkho niddhantakasāvamoho;

    нираасаяо саб̣б̣алогз бхавид̇ваа, зго жарз каг̇г̇ависаан̣агаббо’’д̇и.

    Nirāsayo sabbaloke bhavitvā, eko care khaggavisāṇakappo’’ti.

    д̇ад̇т̇а ниллолубод̇и алолубо. яо хи расад̇ан̣хаабхибхууд̇о ход̇и, со бхусам̣ луббад̇и бунаббунан̃жа луббад̇и, д̇зна лолубод̇и вужжад̇и. д̇асмаа зса д̇ам̣ бадигкибанд̇о ааха ‘‘ниллолубо’’д̇и. ниггуход̇и зд̇т̇а гин̃жааби яасса д̇ивид̇хам̣ гуханавад̇т̇у над̇т̇и, со ниггуход̇и вужжад̇и. имиссаа бана г̇аат̇ааяа манун̃н̃абхож̇анаад̣̇ийсу вимхаяаманаабаж̇ж̇анад̇о ниггуход̇и аяамад̇хиббааяо . ниббибаасод̇и зд̇т̇а баад̇умижчаа бибаасаа, д̇ассаа абхаавзна ниббибаасо, саад̣̇урасалобхзна бход̇д̇угамяад̇аавирахид̇од̇и ад̇т̇о. ниммагкод̇и зд̇т̇а бараг̇ун̣авинаасаналагкан̣о магко, д̇асса абхаавзна ниммагко. ад̇д̇ано г̇ахадтагаалз сууд̣̇асса г̇ун̣амагканаабхаавам̣ санд̇хааяааха. нид̣̇д̇ханд̇агасаавамоход̇и зд̇т̇а рааг̇аад̣̇аяо д̇аяо, гааяад̣̇ужжарид̇аад̣̇ийни жа д̇ийн̣ийд̇и ча д̇хаммаа яат̇аасамбхавам̣ аббасаннадтзна сагабхаавам̣ виж̇ахаабзд̇ваа барабхаавам̣ г̇ан̣хаабанадтзна гасададтзна жа гасааваад̇и взд̣̇ид̇аб̣б̣аа. яат̇ааха –

    Tattha nillolupoti alolupo. Yo hi rasataṇhābhibhūto hoti, so bhusaṃ luppati punappunañca luppati, tena lolupoti vuccati. Tasmā esa taṃ paṭikkhipanto āha ‘‘nillolupo’’ti. Nikkuhoti ettha kiñcāpi yassa tividhaṃ kuhanavatthu natthi, so nikkuhoti vuccati. Imissā pana gāthāya manuññabhojanādīsu vimhayamanāpajjanato nikkuhoti ayamadhippāyo . Nippipāsoti ettha pātumicchā pipāsā, tassā abhāvena nippipāso, sādurasalobhena bhottukamyatāvirahitoti attho. Nimmakkhoti ettha paraguṇavināsanalakkhaṇo makkho, tassa abhāvena nimmakkho. Attano gahaṭṭhakāle sūdassa guṇamakkhanābhāvaṃ sandhāyāha. Niddhantakasāvamohoti ettha rāgādayo tayo, kāyaduccaritādīni ca tīṇīti cha dhammā yathāsambhavaṃ appasannaṭṭhena sakabhāvaṃ vijahāpetvā parabhāvaṃ gaṇhāpanaṭṭhena kasaṭaṭṭhena ca kasāvāti veditabbā. Yathāha –

    ‘‘д̇ад̇т̇а, гад̇амз д̇аяо гасааваа? рааг̇агасааво, д̣̇осагасааво, мохагасааво, имз д̇аяо гасааваа. д̇ад̇т̇а, гад̇амз абарзби д̇аяо гасааваа? гааяагасааво, важийгасааво, маногасааво’’д̇и (вибха. 924).

    ‘‘Tattha, katame tayo kasāvā? Rāgakasāvo, dosakasāvo, mohakasāvo, ime tayo kasāvā. Tattha, katame aparepi tayo kasāvā? Kāyakasāvo, vacīkasāvo, manokasāvo’’ti (vibha. 924).

    д̇зсу мохам̣ табзд̇ваа бан̃жаннам̣ гасааваанам̣ д̇зсан̃жа саб̣б̣зсам̣ муулабхууд̇асса мохасса нид̣̇д̇ханд̇ад̇д̇аа нид̣̇д̇ханд̇агасаавамохо, д̇ин̣н̣ам̣ зва ваа гааяаважийманогасааваанам̣ мохасса жа нид̣̇д̇ханд̇ад̇д̇аа нид̣̇д̇ханд̇агасаавамохо. ид̇арзсу ниллолубад̇аад̣̇ийхи рааг̇агасаавасса, ниммагкад̇ааяа д̣̇осагасаавасса нид̣̇д̇ханд̇абхааво сид̣̇д̇хо зва. нираасаяод̇и нид̇д̇ан̣хо. саб̣б̣алогзд̇и сагалалогз, д̇ийсу бхавзсу д̣̇ваад̣̇асасу ваа ааяад̇анзсу бхававибхавад̇ан̣хаавирахид̇о худ̇ваад̇и ад̇т̇о. сзсам̣ вуд̇д̇анаязнзва взд̣̇ид̇аб̣б̣ам̣. ат̇а ваа д̇аяоби баад̣̇з вад̇ваа зго жарзд̇и зго жарид̇ум̣ саггун̣зяяаад̇и звамби зд̇т̇а самб̣анд̇хо гаад̇аб̣б̣од̇и.

    Tesu mohaṃ ṭhapetvā pañcannaṃ kasāvānaṃ tesañca sabbesaṃ mūlabhūtassa mohassa niddhantattā niddhantakasāvamoho, tiṇṇaṃ eva vā kāyavacīmanokasāvānaṃ mohassa ca niddhantattā niddhantakasāvamoho. Itaresu nillolupatādīhi rāgakasāvassa, nimmakkhatāya dosakasāvassa niddhantabhāvo siddho eva. Nirāsayoti nittaṇho. Sabbaloketi sakalaloke, tīsu bhavesu dvādasasu vā āyatanesu bhavavibhavataṇhāvirahito hutvāti attho. Sesaṃ vuttanayeneva veditabbaṃ. Atha vā tayopi pāde vatvā eko careti eko carituṃ sakkuṇeyyāti evampi ettha sambandho kātabboti.

    ниллолубаг̇аат̇ааван̣н̣анаа самад̇д̇аа.

    Nillolupagāthāvaṇṇanā samattā.

    57. баабам̣ сахааяанд̇и гаа уббад̇д̇и? б̣аараан̣асияам̣ гира ан̃н̃ад̇аро рааж̇аа махажжарааж̇аанубхаавзна наг̇арам̣ бад̣̇агкин̣ам̣ гаронд̇о мануссз годтааг̇аарад̇о бураан̣ад̇хан̃н̃аани б̣ахид̣̇д̇хаа нийхаранд̇з д̣̇исваа ‘‘гим̣, бхан̣з, ид̣̇а’’нд̇и амажжз бужчи. ‘‘ид̣̇аани, махаарааж̇а, навад̇хан̃н̃аани уббаж̇ж̇иссанд̇и, д̇зсам̣ огаасам̣ гаад̇ум̣ имз мануссаа бураан̣ад̇хан̃н̃аад̣̇ийни чад̣д̣знд̇ий’’д̇и. рааж̇аа – ‘‘гим̣, бхан̣з, ид̇т̇ааг̇аараб̣алагааяаад̣̇ийнам̣ ваддам̣ барибун̣н̣а’’нд̇и ? ‘‘аама, махаарааж̇а, барибун̣н̣анд̇и’’. ‘‘д̇зна хи, бхан̣з, д̣̇аанасаалам̣ гаараабзт̇а, д̣̇аанам̣ д̣̇ассаами, маа имаани д̇хан̃н̃аани анубагаараани винассим̣суу’’д̇и. д̇ад̇о нам̣ ан̃н̃ад̇аро д̣̇идтиг̇ад̇иго амажжо ‘‘махаарааж̇а, над̇т̇и д̣̇инна’’нд̇и аараб̣бха яаава ‘‘б̣аалаа жа бан̣д̣ид̇аа жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇ий’’д̇и вад̇ваа ниваарзси. со д̣̇уд̇ияамби д̇ад̇ияамби годтааг̇аарз вилумбанд̇з д̣̇исваа д̇ат̇зва аан̣аабзси. д̇ад̇ияамби нам̣ ‘‘махаарааж̇а, д̣̇ад̇д̇убан̃н̃ад̇д̇ам̣ яад̣̇ид̣̇ам̣ д̣̇аана’’нд̇иаад̣̇ийни вад̇ваа ниваарзси. со ‘‘арз, ахам̣ ад̇д̇ано санд̇агамби на лабхаами д̣̇аад̇ум̣, гим̣ мз имзхи баабасахааязхий’’д̇и ниб̣б̣инно раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчаагааси. д̇ан̃жа баабам̣ сахааяам̣ г̇араханд̇о имам̣ уд̣̇аанаг̇аат̇ам̣ абхааси –

    57.Pāpaṃ sahāyanti kā uppatti? Bārāṇasiyaṃ kira aññataro rājā mahaccarājānubhāvena nagaraṃ padakkhiṇaṃ karonto manusse koṭṭhāgārato purāṇadhaññāni bahiddhā nīharante disvā ‘‘kiṃ, bhaṇe, ida’’nti amacce pucchi. ‘‘Idāni, mahārāja, navadhaññāni uppajjissanti, tesaṃ okāsaṃ kātuṃ ime manussā purāṇadhaññādīni chaḍḍentī’’ti. Rājā – ‘‘kiṃ, bhaṇe, itthāgārabalakāyādīnaṃ vaṭṭaṃ paripuṇṇa’’nti ? ‘‘Āma, mahārāja, paripuṇṇanti’’. ‘‘Tena hi, bhaṇe, dānasālaṃ kārāpetha, dānaṃ dassāmi, mā imāni dhaññāni anupakārāni vinassiṃsū’’ti. Tato naṃ aññataro diṭṭhigatiko amacco ‘‘mahārāja, natthi dinna’’nti ārabbha yāva ‘‘bālā ca paṇḍitā ca sandhāvitvā saṃsaritvā dukkhassantaṃ karissantī’’ti vatvā nivāresi. So dutiyampi tatiyampi koṭṭhāgāre vilumpante disvā tatheva āṇāpesi. Tatiyampi naṃ ‘‘mahārāja, dattupaññattaṃ yadidaṃ dāna’’ntiādīni vatvā nivāresi. So ‘‘are, ahaṃ attano santakampi na labhāmi dātuṃ, kiṃ me imehi pāpasahāyehī’’ti nibbinno rajjaṃ pahāya pabbajitvā vipassanto paccekabodhiṃ sacchākāsi. Tañca pāpaṃ sahāyaṃ garahanto imaṃ udānagāthaṃ abhāsi –

    ‘‘баабам̣ сахааяам̣ бариваж̇ж̇аязт̇а, анад̇т̇ад̣̇ассим̣ висамз нивидтам̣;

    ‘‘Pāpaṃ sahāyaṃ parivajjayetha, anatthadassiṃ visame niviṭṭhaṃ;

    саяам̣ на сзвз басуд̇ам̣ бамад̇д̇ам̣, зго жарз каг̇г̇ависаан̣агаббо’’д̇и.

    Sayaṃ na seve pasutaṃ pamattaṃ, eko care khaggavisāṇakappo’’ti.

    д̇ассааяам̣ сан̇кзбад̇т̇о – явааяам̣ д̣̇асавад̇т̇угааяа баабад̣̇идтияаа саманнааг̇ад̇ад̇д̇аа баабо, барзсамби анад̇т̇ам̣ бассад̇ийд̇и анад̇т̇ад̣̇ассий, гааяад̣̇ужжарид̇аад̣̇имхи жа висамз нивидто, д̇ам̣ ад̇т̇агаамо гулабуд̇д̇о баабам̣ сахааяам̣ бариваж̇ж̇аязт̇а анад̇т̇ад̣̇ассим̣ висамз нивидтам̣. саяам̣ на сзвзд̇и ад̇д̇ано васзна на сзвз. яад̣̇и бана баравасо ход̇и, гим̣ саггаа гаад̇унд̇и вуд̇д̇ам̣ ход̇и. басуд̇анд̇и басадам̣ , д̣̇идтивасзна д̇ад̇т̇а д̇ад̇т̇а лаг̇г̇анд̇и ад̇т̇о. бамад̇д̇анд̇и гаамаг̇ун̣зсу воссадтажид̇д̇ам̣, гусалабхааванаарахид̇ам̣ ваа. д̇ам̣ зваруубам̣ на сзвз, на бхаж̇з, на баяирубаасз, ан̃н̃ад̣̇ад̇т̇у зго жарз каг̇г̇ависаан̣агаббод̇и.

    Tassāyaṃ saṅkhepattho – yvāyaṃ dasavatthukāya pāpadiṭṭhiyā samannāgatattā pāpo, paresampi anatthaṃ passatīti anatthadassī, kāyaduccaritādimhi ca visame niviṭṭho, taṃ atthakāmo kulaputto pāpaṃ sahāyaṃ parivajjayetha anatthadassiṃ visame niviṭṭhaṃ. Sayaṃ na seveti attano vasena na seve. Yadi pana paravaso hoti, kiṃ sakkā kātunti vuttaṃ hoti. Pasutanti pasaṭaṃ , diṭṭhivasena tattha tattha lagganti attho. Pamattanti kāmaguṇesu vossaṭṭhacittaṃ, kusalabhāvanārahitaṃ vā. Taṃ evarūpaṃ na seve, na bhaje, na payirupāse, aññadatthu eko care khaggavisāṇakappoti.

    баабасахааяаг̇аат̇ааван̣н̣анаа самад̇д̇аа.

    Pāpasahāyagāthāvaṇṇanā samattā.

    58. б̣ахуссуд̇анд̇и гаа уббад̇д̇и? буб̣б̣з гира гассабасса бхаг̇авад̇о саасанз адта бажжзгаб̣од̇хисад̇д̇аа баб̣б̣аж̇ид̇ваа г̇ад̇абажжааг̇ад̇авад̇д̇ам̣ буурзд̇ваа д̣̇звалогз уббаннаад̇и саб̣б̣ам̣ анаваж̇ж̇абхож̇ийг̇аат̇ааяа вуд̇д̇асад̣̇исамзва. аяам̣ бана висзсо – бажжзгаб̣уд̣̇д̇хз нисийд̣̇аабзд̇ваа рааж̇аа ааха ‘‘гз д̇умхз’’д̇и? д̇з аахам̣су – ‘‘маяам̣, махаарааж̇а, б̣ахуссуд̇аа наамаа’’д̇и. рааж̇аа – ‘‘ахам̣ суд̇аб̣рахмад̣̇ад̇д̇о наама, суд̇зна д̇ид̇д̇им̣ на г̇ажчаами, ханд̣̇а, нзсам̣ санд̇игз вижид̇ранаяам̣ сад̣̇д̇хаммад̣̇зсанам̣ соссаамий’’д̇и ад̇д̇амано д̣̇агкин̣од̣̇агам̣ д̣̇ад̇ваа, баривисид̇ваа, бхад̇д̇агижжабарияосаанз сан̇гхад̇т̇зрасса бад̇д̇ам̣ г̇ахзд̇ваа, ванд̣̇ид̇ваа, бурад̇о нисийд̣̇и ‘‘д̇хаммагат̇ам̣, бханд̇з, гарот̇аа’’д̇и. со ‘‘сукид̇о ход̇у, махаарааж̇а, рааг̇агкаяо ход̇уу’’д̇и вад̇ваа удтид̇о. рааж̇аа ‘‘аяам̣ на б̣ахуссуд̇о, д̣̇уд̇ияо б̣ахуссуд̇о бхависсад̇и, свз д̣̇аани вижид̇рад̇хаммад̣̇зсанам̣ соссаамий’’д̇и сваад̇анааяа ниманд̇зси. звам̣ яаава саб̣б̣зсам̣ бадибаади г̇ажчад̇и, д̇аава ниманд̇зси. д̇з саб̣б̣зби ‘‘д̣̇осагкаяо ход̇у, мохагкаяо, г̇ад̇игкаяо, ваддагкаяо, убад̇хигкаяо, д̇ан̣хагкаяо ход̇уу’’д̇и звам̣ згзгам̣ бад̣̇ам̣ висзсзд̇ваа сзсам̣ батамасад̣̇исамзва вад̇ваа удтахим̣су.

    58.Bahussutanti kā uppatti? Pubbe kira kassapassa bhagavato sāsane aṭṭha paccekabodhisattā pabbajitvā gatapaccāgatavattaṃ pūretvā devaloke uppannāti sabbaṃ anavajjabhojīgāthāya vuttasadisameva. Ayaṃ pana viseso – paccekabuddhe nisīdāpetvā rājā āha ‘‘ke tumhe’’ti? Te āhaṃsu – ‘‘mayaṃ, mahārāja, bahussutā nāmā’’ti. Rājā – ‘‘ahaṃ sutabrahmadatto nāma, sutena tittiṃ na gacchāmi, handa, nesaṃ santike vicitranayaṃ saddhammadesanaṃ sossāmī’’ti attamano dakkhiṇodakaṃ datvā, parivisitvā, bhattakiccapariyosāne saṅghattherassa pattaṃ gahetvā, vanditvā, purato nisīdi ‘‘dhammakathaṃ, bhante, karothā’’ti. So ‘‘sukhito hotu, mahārāja, rāgakkhayo hotū’’ti vatvā uṭṭhito. Rājā ‘‘ayaṃ na bahussuto, dutiyo bahussuto bhavissati, sve dāni vicitradhammadesanaṃ sossāmī’’ti svātanāya nimantesi. Evaṃ yāva sabbesaṃ paṭipāṭi gacchati, tāva nimantesi. Te sabbepi ‘‘dosakkhayo hotu, mohakkhayo, gatikkhayo, vaṭṭakkhayo, upadhikkhayo, taṇhakkhayo hotū’’ti evaṃ ekekaṃ padaṃ visesetvā sesaṃ paṭhamasadisameva vatvā uṭṭhahiṃsu.

    д̇ад̇о рааж̇аа ‘‘имз ‘б̣ахуссуд̇аа маяа’нд̇и бхан̣анд̇и, на жа д̇зсам̣ вижид̇рагат̇аа, гимзд̇зхи вуд̇д̇а’’нд̇и д̇зсам̣ важанад̇т̇ам̣ убабаригкид̇умаарад̣̇д̇хо. ат̇а ‘‘рааг̇агкаяо ход̇уу’’д̇и убабаригканд̇о ‘‘рааг̇з кийн̣з д̣̇особи мохоби ан̃н̃ад̇аран̃н̃ад̇арзби гилзсаа кийн̣аа хонд̇ий’’д̇и н̃ад̇ваа ад̇д̇амано ахоси – ‘‘ниббарияааяаб̣ахуссуд̇аа имз саман̣аа. яат̇аа хи бурисзна махаабат̇авим̣ ваа аагаасам̣ ваа ан̇г̇улияаа нид̣̇д̣̇исанд̇зна на ан̇г̇улимад̇д̇ова бад̣̇зсо нид̣̇д̣̇идто ход̇и, абижа, ко, бана бат̇авийаагаасаа зва нид̣̇д̣̇идтаа хонд̇и, звам̣ имзхи згамзгам̣ ад̇т̇ам̣ нид̣̇д̣̇исанд̇зхи абаримаан̣аа ад̇т̇аа нид̣̇д̣̇идтаа хонд̇ий’’д̇и. д̇ад̇о со ‘‘гуд̣̇аассу наамаахамби звам̣ б̣ахуссуд̇о бхависсаамий’’д̇и д̇ат̇ааруубам̣ б̣ахуссуд̇абхаавам̣ бад̇т̇знд̇о раж̇ж̇ам̣ бахааяа баб̣б̣аж̇ид̇ваа, вибассанд̇о бажжзгаб̣од̇хим̣ сажчигад̇ваа, имам̣ уд̣̇аанаг̇аат̇ам̣ абхааси –

    Tato rājā ‘‘ime ‘bahussutā maya’nti bhaṇanti, na ca tesaṃ vicitrakathā, kimetehi vutta’’nti tesaṃ vacanatthaṃ upaparikkhitumāraddho. Atha ‘‘rāgakkhayo hotū’’ti upaparikkhanto ‘‘rāge khīṇe dosopi mohopi aññataraññatarepi kilesā khīṇā hontī’’ti ñatvā attamano ahosi – ‘‘nippariyāyabahussutā ime samaṇā. Yathā hi purisena mahāpathaviṃ vā ākāsaṃ vā aṅguliyā niddisantena na aṅgulimattova padeso niddiṭṭho hoti, apica, kho, pana pathavīākāsā eva niddiṭṭhā honti, evaṃ imehi ekamekaṃ atthaṃ niddisantehi aparimāṇā atthā niddiṭṭhā hontī’’ti. Tato so ‘‘kudāssu nāmāhampi evaṃ bahussuto bhavissāmī’’ti tathārūpaṃ bahussutabhāvaṃ patthento rajjaṃ pahāya pabbajitvā, vipassanto paccekabodhiṃ sacchikatvā, imaṃ udānagāthaṃ abhāsi –

    ‘‘б̣ахуссуд̇ам̣ д̇хаммад̇харам̣ бхаж̇зт̇а, мид̇д̇ам̣ ул̣аарам̣ бадибхаанаванд̇ам̣;

    ‘‘Bahussutaṃ dhammadharaṃ bhajetha, mittaṃ uḷāraṃ paṭibhānavantaṃ;

    ан̃н̃ааяа ад̇т̇аани винзяяа ган̇кам̣, зго жарз каг̇г̇ависаан̣агаббо’’д̇и.

    Aññāya atthāni vineyya kaṅkhaṃ, eko care khaggavisāṇakappo’’ti.

    д̇ад̇т̇ааяам̣ сан̇кзбад̇т̇о – б̣ахуссуд̇анд̇и д̣̇увид̇хо б̣ахуссуд̇о д̇ийсу бидагзсу ад̇т̇ад̇о никило барияад̇д̇иб̣ахуссуд̇о жа, маг̇г̇апалавиж̇ж̇аабхин̃н̃аанам̣ бадивид̣̇д̇хад̇д̇аа бадивзд̇хаб̣ахуссуд̇о жа. ааг̇ад̇ааг̇амо д̇хаммад̇харо. ул̣аарзхи бана гааяаважийманогаммзхи саманнааг̇ад̇о ул̣ааро. яуд̇д̇абадибхаано жа муд̇д̇абадибхаано жа яуд̇д̇амуд̇д̇абадибхаано жа бадибхаанаваа. барияад̇д̇ибарибужчаад̇хиг̇амавасзна ваа д̇ид̇хаа бадибхаанаваа взд̣̇ид̇аб̣б̣о. яасса хи барияад̇д̇и бадибхаад̇и, со барияад̇д̇ибадибхаанаваа. яасса ад̇т̇ан̃жа н̃аан̣ан̃жа лагкан̣ан̃жа таанаадтаанан̃жа барибужчанд̇асса барибужчаа бадибхаад̇и, со барибужчаабадибхаанаваа. язна маг̇г̇аад̣̇аяо бадивид̣̇д̇хаа хонд̇и, со ад̇хиг̇амабадибхаанаваа. д̇ам̣ зваруубам̣ б̣ахуссуд̇ам̣ д̇хаммад̇харам̣ бхаж̇зт̇а мид̇д̇ам̣ ул̣аарам̣ бадибхаанаванд̇ам̣. д̇ад̇о д̇ассаанубхаавзна ад̇д̇ад̇т̇абарад̇т̇аубхаяад̇т̇абхзд̣̇ад̇о ваа д̣̇идтад̇хаммигасамбарааяигабарамад̇т̇абхзд̣̇ад̇о ваа анзгаббагаараани ан̃н̃ааяа ад̇т̇аани. д̇ад̇о – ‘‘ахосим̣ ну ко ахам̣ ад̇ийд̇амад̣̇д̇хаана’’нд̇иаад̣̇ийсу (ма. ни. 1.18; сам̣. ни. 2.20) ган̇кадтаанзсу винзяяа ган̇кам̣, вижигижчам̣ винзд̇ваа винаасзд̇ваа звам̣ гад̇асаб̣б̣агижжо зго жарз каг̇г̇ависаан̣агаббод̇и.

    Tatthāyaṃ saṅkhepattho – bahussutanti duvidho bahussuto tīsu piṭakesu atthato nikhilo pariyattibahussuto ca, maggaphalavijjābhiññānaṃ paṭividdhattā paṭivedhabahussuto ca. Āgatāgamo dhammadharo. Uḷārehi pana kāyavacīmanokammehi samannāgato uḷāro. Yuttapaṭibhāno ca muttapaṭibhāno ca yuttamuttapaṭibhāno ca paṭibhānavā. Pariyattiparipucchādhigamavasena vā tidhā paṭibhānavā veditabbo. Yassa hi pariyatti paṭibhāti, so pariyattipaṭibhānavā. Yassa atthañca ñāṇañca lakkhaṇañca ṭhānāṭṭhānañca paripucchantassa paripucchā paṭibhāti, so paripucchāpaṭibhānavā. Yena maggādayo paṭividdhā honti, so adhigamapaṭibhānavā. Taṃ evarūpaṃ bahussutaṃ dhammadharaṃ bhajetha mittaṃ uḷāraṃ paṭibhānavantaṃ. Tato tassānubhāvena attatthaparatthaubhayatthabhedato vā diṭṭhadhammikasamparāyikaparamatthabhedato vā anekappakārāni aññāya atthāni. Tato – ‘‘ahosiṃ nu kho ahaṃ atītamaddhāna’’ntiādīsu (ma. ni. 1.18; saṃ. ni. 2.20) kaṅkhaṭṭhānesu vineyya kaṅkhaṃ, vicikicchaṃ vinetvā vināsetvā evaṃ katasabbakicco eko care khaggavisāṇakappoti.

    б̣ахуссуд̇аг̇аат̇ааван̣н̣анаа самад̇д̇аа.

    Bahussutagāthāvaṇṇanā samattā.

    59. кид̣д̣ам̣ рад̇инд̇и гаа уббад̇д̇и? б̣аараан̣асияам̣ вибхуусагаб̣рахмад̣̇ад̇д̇о наама рааж̇аа баад̇ова яааг̇ум̣ ваа бхад̇д̇ам̣ ваа бхун̃ж̇ид̇ваа наанаавид̇хавибхуусанзхи ад̇д̇аанам̣ вибхуусаабзд̇ваа махаааад̣̇аасз сагаласарийрам̣ д̣̇исваа яам̣ на ижчад̇и д̇ам̣ абанзд̇ваа ан̃н̃зна вибхуусанзна вибхуусаабзд̇и. д̇асса згад̣̇ивасам̣ звам̣ гарод̇о бхад̇д̇авзлаа маж̇жханхигасамаяо бад̇д̇о. ат̇а авибхуусид̇ова д̣̇уссабаддзна сийсам̣ взтзд̇ваа, бхун̃ж̇ид̇ваа, д̣̇иваасзяяам̣ убаг̇ажчи. бунаби удтахид̇ваа д̇ат̇зва гарод̇о суурияо ад̇т̇ан̇г̇ад̇о. звам̣ д̣̇уд̇ияад̣̇ивасзби д̇ад̇ияад̣̇ивасзби. ат̇асса звам̣ ман̣д̣анаббасуд̇асса бидтирог̇о уд̣̇абаад̣̇и. д̇ассзд̇ад̣̇ахоси – ‘‘ахо рз, ахам̣ саб̣б̣ат̇аамзна вибхуусанд̇оби имасмим̣ габбагз вибхуусанз асанд̇удто лобхам̣ уббаад̣̇зсим̣. лобхо жа наамзса абааяаг̇аманийяо д̇хаммо, ханд̣̇аахам̣, лобхам̣ ниг̇г̇ан̣хаамий’’д̇и раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа имам̣ уд̣̇аанаг̇аат̇ам̣ абхааси –

    59.Khiḍḍaṃratinti kā uppatti? Bārāṇasiyaṃ vibhūsakabrahmadatto nāma rājā pātova yāguṃ vā bhattaṃ vā bhuñjitvā nānāvidhavibhūsanehi attānaṃ vibhūsāpetvā mahāādāse sakalasarīraṃ disvā yaṃ na icchati taṃ apanetvā aññena vibhūsanena vibhūsāpeti. Tassa ekadivasaṃ evaṃ karoto bhattavelā majjhanhikasamayo patto. Atha avibhūsitova dussapaṭṭena sīsaṃ veṭhetvā, bhuñjitvā, divāseyyaṃ upagacchi. Punapi uṭṭhahitvā tatheva karoto sūriyo atthaṅgato. Evaṃ dutiyadivasepi tatiyadivasepi. Athassa evaṃ maṇḍanappasutassa piṭṭhirogo udapādi. Tassetadahosi – ‘‘aho re, ahaṃ sabbathāmena vibhūsantopi imasmiṃ kappake vibhūsane asantuṭṭho lobhaṃ uppādesiṃ. Lobho ca nāmesa apāyagamanīyo dhammo, handāhaṃ, lobhaṃ niggaṇhāmī’’ti rajjaṃ pahāya pabbajitvā vipassanto paccekabodhiṃ sacchikatvā imaṃ udānagāthaṃ abhāsi –

    ‘‘кид̣д̣ам̣ рад̇им̣ гаамасукан̃жа логз, аналан̇гарид̇ваа анабзгкамаано;

    ‘‘Khiḍḍaṃ ratiṃ kāmasukhañca loke, analaṅkaritvā anapekkhamāno;

    вибхуусанадтаанаа вирад̇о сажжаваад̣̇ий, зго жарз каг̇г̇ависаан̣агаббо’’д̇и.

    Vibhūsanaṭṭhānā virato saccavādī, eko care khaggavisāṇakappo’’ti.

    д̇ад̇т̇а кид̣д̣аа жа рад̇и жа буб̣б̣з вуд̇д̇аава. гаамасуканд̇и вад̇т̇угаамасукам̣. вад̇т̇угаамааби хи сукасса висаяаад̣̇ибхаавзна суканд̇и вужжанд̇и. яат̇ааха – ‘‘ад̇т̇и руубам̣ сукам̣ сукаанубад̇ид̇а’’нд̇и (сам̣. ни. 3.60). звамзд̇ам̣ кид̣д̣ам̣ рад̇им̣ гаамасукан̃жа имасмим̣ огаасалогз аналан̇гарид̇ваа аланд̇и агад̇ваа, зд̇ам̣ д̇аббаганд̇и ваа саарабхууд̇анд̇и ваа звам̣ аг̇г̇ахзд̇ваа. анабзгкамаанод̇и д̇зна алан̇гаран̣зна анабзгкан̣асийло, абихаалуго, нид̇д̇ан̣хо, вибхуусанадтаанаа вирад̇о сажжаваад̣̇ий зго жарзд̇и. д̇ад̇т̇а вибхуусаа д̣̇увид̇хаа – аг̇ааригавибхуусаа, анаг̇ааригавибхуусаа жа. д̇ад̇т̇а аг̇ааригавибхуусаа саадагавзтанамаалааг̇анд̇хаад̣̇и, анаг̇ааригавибхуусаа бад̇д̇аман̣д̣анаад̣̇и. вибхуусаа зва вибхуусанадтаанам̣. д̇асмаа вибхуусанадтаанаа д̇ивид̇хааяа вирад̇ияаа вирад̇о. авид̇ат̇аважанад̇о сажжаваад̣̇ийд̇и звамад̇т̇о д̣̇адтаб̣б̣о.

    Tattha khiḍḍā ca rati ca pubbe vuttāva. Kāmasukhanti vatthukāmasukhaṃ. Vatthukāmāpi hi sukhassa visayādibhāvena sukhanti vuccanti. Yathāha – ‘‘atthi rūpaṃ sukhaṃ sukhānupatita’’nti (saṃ. ni. 3.60). Evametaṃ khiḍḍaṃ ratiṃ kāmasukhañca imasmiṃ okāsaloke analaṅkaritvā alanti akatvā, etaṃ tappakanti vā sārabhūtanti vā evaṃ aggahetvā. Anapekkhamānoti tena alaṅkaraṇena anapekkhaṇasīlo, apihāluko, nittaṇho, vibhūsanaṭṭhānā virato saccavādī eko careti. Tattha vibhūsā duvidhā – agārikavibhūsā, anagārikavibhūsā ca. Tattha agārikavibhūsā sāṭakaveṭhanamālāgandhādi, anagārikavibhūsā pattamaṇḍanādi. Vibhūsā eva vibhūsanaṭṭhānaṃ. Tasmā vibhūsanaṭṭhānā tividhāya viratiyā virato. Avitathavacanato saccavādīti evamattho daṭṭhabbo.

    вибхуусанадтаанаг̇аат̇ааван̣н̣анаа самад̇д̇аа.

    Vibhūsanaṭṭhānagāthāvaṇṇanā samattā.

    60. буд̇д̇ан̃жа д̣̇ааранд̇и гаа уббад̇д̇и? б̣аараан̣асиран̃н̃о гира буд̇д̇о д̣̇ахарагаалз зва абхисид̇д̇о раж̇ж̇ам̣ гаарзси. со батамаг̇аат̇ааяа вуд̇д̇абажжзгаб̣од̇хисад̇д̇о вияа раж̇ж̇асириманубхаванд̇о згад̣̇ивасам̣ жинд̇зси – ‘‘ахам̣ раж̇ж̇ам̣ гаарзнд̇о б̣ахуунам̣ д̣̇угкам̣ гароми. гим̣ мз згабхад̇д̇ад̇т̇ааяа иминаа баабзна, ханд̣̇а сукамуббаад̣̇змий’’д̇и раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа имам̣ уд̣̇аанаг̇аат̇ам̣ абхааси –

    60.Puttañcadāranti kā uppatti? Bārāṇasirañño kira putto daharakāle eva abhisitto rajjaṃ kāresi. So paṭhamagāthāya vuttapaccekabodhisatto viya rajjasirimanubhavanto ekadivasaṃ cintesi – ‘‘ahaṃ rajjaṃ kārento bahūnaṃ dukkhaṃ karomi. Kiṃ me ekabhattatthāya iminā pāpena, handa sukhamuppādemī’’ti rajjaṃ pahāya pabbajitvā vipassanto paccekabodhiṃ sacchikatvā imaṃ udānagāthaṃ abhāsi –

    ‘‘буд̇д̇ан̃жа д̣̇аарам̣ бид̇аран̃жа маад̇арам̣, д̇ханаани д̇хан̃н̃аани жа б̣анд̇хаваани;

    ‘‘Puttañca dāraṃ pitarañca mātaraṃ, dhanāni dhaññāni ca bandhavāni;

    хид̇ваана гаамаани яат̇од̇хигаани, зго жарз каг̇г̇ависаан̣агаббо’’д̇и.

    Hitvāna kāmāni yathodhikāni, eko care khaggavisāṇakappo’’ti.

    д̇ад̇т̇а д̇ханаанийд̇и муд̇д̇ааман̣ивзл̣урияасан̇касилаабаваал̣араж̇ад̇аж̇аад̇аруубаад̣̇ийни рад̇анаани. д̇хан̃н̃аанийд̇и сааливийхияаваг̇од̇хумаган̇гуварагагуд̣̇руусагабабхзд̣̇аани сад̇д̇а сзсаабаран̣н̣аани жа. б̣анд̇хаваанийд̇и н̃аад̇иб̣анд̇хуг̇од̇д̇аб̣анд̇хумид̇д̇аб̣анд̇хусиббаб̣анд̇хувасзна жад̇уб̣б̣ид̇хз б̣анд̇хавз. яат̇од̇хигаанийд̇и сагасагаод̇хивасзна тид̇аанзва. сзсам̣ вуд̇д̇анаяамзваад̇и.

    Tattha dhanānīti muttāmaṇiveḷuriyasaṅkhasilāpavāḷarajatajātarūpādīni ratanāni. Dhaññānīti sālivīhiyavagodhumakaṅkuvarakakudrūsakapabhedāni satta sesāparaṇṇāni ca. Bandhavānīti ñātibandhugottabandhumittabandhusippabandhuvasena catubbidhe bandhave. Yathodhikānīti sakasakaodhivasena ṭhitāneva. Sesaṃ vuttanayamevāti.

    буд̇д̇ад̣̇аараг̇аат̇ааван̣н̣анаа самад̇д̇аа.

    Puttadāragāthāvaṇṇanā samattā.

    61. сан̇г̇о зсод̇и гаа уббад̇д̇и? б̣аараан̣асияам̣ гира баад̣̇алолаб̣рахмад̣̇ад̇д̇о наама рааж̇аа ахоси. со баад̇ова яааг̇ум̣ ваа бхад̇д̇ам̣ ваа бхун̃ж̇ид̇ваа д̇ийсу баасаад̣̇зсу д̇ивид̇ханаадагаани бассад̇и. д̇ивид̇ханаадагаанийд̇и гира буб̣б̣арааж̇ад̇о ааг̇ад̇ам̣, ананд̇арарааж̇ад̇о ааг̇ад̇ам̣, ад̇д̇ано гаалз удтид̇анд̇и. со згад̣̇ивасам̣ баад̇ова д̣̇ахаранаадагабаасаад̣̇ам̣ г̇ад̇о. д̇аа наадагид̇т̇ияо ‘‘рааж̇аанам̣ рамаабзссаамаа’’д̇и саггасса д̣̇зваанаминд̣̇асса ажчарааяо вияа ад̇иманохарам̣ нажжаг̇ийд̇аваад̣̇ид̇ам̣ баяож̇зсум̣. рааж̇аа – ‘‘анажчарияамзд̇ам̣ д̣̇ахараана’’нд̇и асанд̇удто худ̇ваа маж̇жхиманаадагабаасаад̣̇ам̣ г̇ад̇о. д̇ааби наадагид̇т̇ияо д̇ат̇зва агам̣су. со д̇ад̇т̇ааби д̇ат̇зва асанд̇удто худ̇ваа махаанаадагабаасаад̣̇ам̣ г̇ад̇о. д̇ааби наадагид̇т̇ияо д̇ат̇зва агам̣су. рааж̇аа д̣̇вз д̇аяо рааж̇абариваддз ад̇ийд̇аанам̣ д̇аасам̣ махаллагабхаавзна адтигийл̣анасад̣̇исам̣ нажжам̣ д̣̇исваа г̇ийд̇ан̃жа амад̇хурам̣ суд̇ваа бунад̣̇зва д̣̇ахаранаадагабаасаад̣̇ам̣, буна маж̇жхиманаадагабаасаад̣̇анд̇и звам̣ вижарид̇ваа гад̇т̇ажи асанд̇удто жинд̇зси – ‘‘имаа наадагид̇т̇ияо саггам̣ д̣̇зваанаминд̣̇ам̣ ажчарааяо вияа мам̣ рамаабзд̇угаамаа саб̣б̣ат̇аамзна нажжаг̇ийд̇аваад̣̇ид̇ам̣ баяож̇зсум̣, сваахам̣ гад̇т̇ажи асанд̇удто лобхамзва вад̣дхзми, лобхо жа наамзса абааяаг̇аманийяо д̇хаммо, ханд̣̇аахам̣ лобхам̣ ниг̇г̇ан̣хаамий’’д̇и раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа имам̣ уд̣̇аанаг̇аат̇ам̣ абхааси –

    61.Saṅgo esoti kā uppatti? Bārāṇasiyaṃ kira pādalolabrahmadatto nāma rājā ahosi. So pātova yāguṃ vā bhattaṃ vā bhuñjitvā tīsu pāsādesu tividhanāṭakāni passati. Tividhanāṭakānīti kira pubbarājato āgataṃ, anantararājato āgataṃ, attano kāle uṭṭhitanti. So ekadivasaṃ pātova daharanāṭakapāsādaṃ gato. Tā nāṭakitthiyo ‘‘rājānaṃ ramāpessāmā’’ti sakkassa devānamindassa accharāyo viya atimanoharaṃ naccagītavāditaṃ payojesuṃ. Rājā – ‘‘anacchariyametaṃ daharāna’’nti asantuṭṭho hutvā majjhimanāṭakapāsādaṃ gato. Tāpi nāṭakitthiyo tatheva akaṃsu. So tatthāpi tatheva asantuṭṭho hutvā mahānāṭakapāsādaṃ gato. Tāpi nāṭakitthiyo tatheva akaṃsu. Rājā dve tayo rājaparivaṭṭe atītānaṃ tāsaṃ mahallakabhāvena aṭṭhikīḷanasadisaṃ naccaṃ disvā gītañca amadhuraṃ sutvā punadeva daharanāṭakapāsādaṃ, puna majjhimanāṭakapāsādanti evaṃ vicaritvā katthaci asantuṭṭho cintesi – ‘‘imā nāṭakitthiyo sakkaṃ devānamindaṃ accharāyo viya maṃ ramāpetukāmā sabbathāmena naccagītavāditaṃ payojesuṃ, svāhaṃ katthaci asantuṭṭho lobhameva vaḍḍhemi, lobho ca nāmesa apāyagamanīyo dhammo, handāhaṃ lobhaṃ niggaṇhāmī’’ti rajjaṃ pahāya pabbajitvā vipassanto paccekabodhiṃ sacchikatvā imaṃ udānagāthaṃ abhāsi –

    ‘‘сан̇г̇о зсо барид̇д̇амзд̇т̇а сокяам̣, аббассаад̣̇о д̣̇угкамзд̇т̇а бхияяо;

    ‘‘Saṅgo eso parittamettha sokhyaṃ, appassādo dukkhamettha bhiyyo;

    г̇ал̣о зсо ид̇и н̃ад̇ваа мад̇имаа, зго жарз каг̇г̇ависаан̣агаббо’’д̇и.

    Gaḷo eso iti ñatvā matimā, eko care khaggavisāṇakappo’’ti.

    д̇ассад̇т̇о – сан̇г̇о зсод̇и ад̇д̇ано убабхог̇ам̣ нид̣̇д̣̇исад̇и. со хи саж̇ж̇анд̇и д̇ад̇т̇а баан̣ино гад̣̇д̣̇амз бавидто хад̇т̇ий вияаад̇и сан̇г̇о. барид̇д̇амзд̇т̇а сокяанд̇и зд̇т̇а бан̃жагаамаг̇ун̣уубабхог̇агаалз вибарийд̇асан̃н̃ааяа уббаад̣̇зд̇аб̣б̣ад̇о гаамааважарад̇хаммабарияаабаннад̇о ваа лаамагадтзна сокяам̣ барид̇д̇ам̣, виж̇ж̇уббабхааяа обхаасид̇анажжад̣̇ассанасукам̣ вияа ид̇д̇арам̣ , д̇аавагаалиганд̇и вуд̇д̇ам̣ ход̇и. аббассаад̣̇о д̣̇угкамзд̇т̇а бхияяод̇и зд̇т̇а жа явааяам̣ ‘‘яам̣ ко, бхигкавз, имз бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣, аяам̣ гаамаанам̣ ассаад̣̇о’’д̇и (ма. ни. 1.166) вуд̇д̇о. со яад̣̇ид̣̇ам̣ ‘‘го жа, бхигкавз, гаамаанам̣ аад̣̇ийнаво? ид̇ха, бхигкавз, гулабуд̇д̇о язна сиббадтаанзна ж̇ийвигам̣ габбзд̇и, яад̣̇и муд̣̇д̣̇ааяа, яад̣̇и г̇ан̣анааяаа’’д̇и звамаад̣̇инаа (ма. ни. 1.167) наязнзд̇т̇а д̣̇угкам̣ вуд̇д̇ам̣. д̇ам̣ убанид̇хааяа аббо уд̣̇агаб̣инд̣̇умад̇д̇о ход̇и. ат̇а ко д̣̇угкамзва бхияяо б̣аху, жад̇уусу самуд̣̇д̣̇зсу уд̣̇агасад̣̇исам̣ ход̇и. д̇зна вуд̇д̇ам̣ ‘‘аббассаад̣̇о д̣̇угкамзд̇т̇а бхияяо’’д̇и. г̇ал̣о зсод̇и ассаад̣̇ам̣ д̣̇ассзд̇ваа аагад̣дханавасзна б̣ал̣исо вияа зсо яад̣̇ид̣̇ам̣ бан̃жа гаамаг̇ун̣аа. ид̇и н̃ад̇ваа мад̇имаад̇и звам̣ н̃ад̇ваа б̣уд̣̇д̇химаа бан̣д̣ид̇о бурисо саб̣б̣амбзд̇ам̣ бахааяа зго жарз каг̇г̇ависаан̣агаббод̇и.

    Tassattho – saṅgo esoti attano upabhogaṃ niddisati. So hi sajjanti tattha pāṇino kaddame paviṭṭho hatthī viyāti saṅgo. Parittamettha sokhyanti ettha pañcakāmaguṇūpabhogakāle viparītasaññāya uppādetabbato kāmāvacaradhammapariyāpannato vā lāmakaṭṭhena sokhyaṃ parittaṃ, vijjuppabhāya obhāsitanaccadassanasukhaṃ viya ittaraṃ , tāvakālikanti vuttaṃ hoti. Appassādo dukkhamettha bhiyyoti ettha ca yvāyaṃ ‘‘yaṃ kho, bhikkhave, ime pañca kāmaguṇe paṭicca uppajjati sukhaṃ somanassaṃ, ayaṃ kāmānaṃ assādo’’ti (ma. ni. 1.166) vutto. So yadidaṃ ‘‘ko ca, bhikkhave, kāmānaṃ ādīnavo? Idha, bhikkhave, kulaputto yena sippaṭṭhānena jīvikaṃ kappeti, yadi muddāya, yadi gaṇanāyā’’ti evamādinā (ma. ni. 1.167) nayenettha dukkhaṃ vuttaṃ. Taṃ upanidhāya appo udakabindumatto hoti. Atha kho dukkhameva bhiyyo bahu, catūsu samuddesu udakasadisaṃ hoti. Tena vuttaṃ ‘‘appassādo dukkhamettha bhiyyo’’ti. Gaḷo esoti assādaṃ dassetvā ākaḍḍhanavasena baḷiso viya eso yadidaṃ pañca kāmaguṇā. Iti ñatvā matimāti evaṃ ñatvā buddhimā paṇḍito puriso sabbampetaṃ pahāya eko care khaggavisāṇakappoti.

    сан̇г̇аг̇аат̇ааван̣н̣анаа самад̇д̇аа.

    Saṅgagāthāvaṇṇanā samattā.

    62. санд̣̇аалаяид̇ваанаад̇и гаа уббад̇д̇и? б̣аараан̣асияам̣ гира анивад̇д̇аб̣рахмад̣̇ад̇д̇о наама рааж̇аа ахоси . со сан̇г̇аамам̣ од̇ин̣н̣о аж̇инид̇ваа ан̃н̃ам̣ ваа гижжам̣ аарад̣̇д̇хо анидтабзд̇ваа на нивад̇д̇ад̇и, д̇асмаа нам̣ звам̣ сан̃ж̇ааним̣су. со згад̣̇ивасам̣ уяяаанам̣ г̇ажчад̇и. д̇зна жа самаязна ванад̣̇аахо удтааси. со аг̇г̇и сугкаани жа харид̇аани жа д̇ин̣аад̣̇ийни д̣̇аханд̇о анивад̇д̇амаано зва г̇ажчад̇и. рааж̇аа д̇ам̣ д̣̇исваа д̇аббадибхааг̇анимид̇д̇ам̣ уббаад̣̇зси. ‘‘яат̇ааяам̣ ванад̣̇аахо, звамзва згаад̣̇асавид̇хо аг̇г̇и саб̣б̣асад̇д̇з д̣̇аханд̇о анивад̇д̇амаанова г̇ажчад̇и махаад̣̇угкам̣ уббаад̣̇знд̇о, гуд̣̇аассу наамаахамби имасса д̣̇угкасса нивад̇д̇анад̇т̇ам̣ аяам̣ аг̇г̇и вияа арияамаг̇г̇ан̃аан̣аг̇г̇инаа гилзсз д̣̇аханд̇о анивад̇д̇амаано г̇ажчзяяа’’нд̇и? д̇ад̇о мухуд̇д̇ам̣ г̇анд̇ваа гзваддз ад̣̇д̣̇аса над̣̇ияам̣ мажчз г̇ан̣ханд̇з . д̇зсам̣ ж̇ааланд̇арам̣ бавидто зго махаамажчо ж̇аалам̣ бхзд̇ваа балааяи. д̇з ‘‘мажчо ж̇аалам̣ бхзд̇ваа г̇ад̇о’’д̇и сад̣̇д̣̇амагам̣су. рааж̇аа д̇амби важанам̣ суд̇ваа д̇аббадибхааг̇анимид̇д̇ам̣ уббаад̣̇зси – ‘‘гуд̣̇аассу наамаахамби арияамаг̇г̇ан̃аан̣зна д̇ан̣хаад̣̇идтиж̇аалам̣ бхзд̇ваа асаж̇ж̇амаано г̇ажчзяяа’’нд̇и. со раж̇ж̇ам̣ бахааяа баб̣б̣аж̇ид̇ваа вибассанам̣ аарабхид̇ваа бажжзгаб̣од̇хим̣ сажчаагааси, иман̃жа уд̣̇аанаг̇аат̇ам̣ абхааси –

    62.Sandālayitvānāti kā uppatti? Bārāṇasiyaṃ kira anivattabrahmadatto nāma rājā ahosi . So saṅgāmaṃ otiṇṇo ajinitvā aññaṃ vā kiccaṃ āraddho aniṭṭhapetvā na nivattati, tasmā naṃ evaṃ sañjāniṃsu. So ekadivasaṃ uyyānaṃ gacchati. Tena ca samayena vanadāho uṭṭhāsi. So aggi sukkhāni ca haritāni ca tiṇādīni dahanto anivattamāno eva gacchati. Rājā taṃ disvā tappaṭibhāganimittaṃ uppādesi. ‘‘Yathāyaṃ vanadāho, evameva ekādasavidho aggi sabbasatte dahanto anivattamānova gacchati mahādukkhaṃ uppādento, kudāssu nāmāhampi imassa dukkhassa nivattanatthaṃ ayaṃ aggi viya ariyamaggañāṇagginā kilese dahanto anivattamāno gaccheyya’’nti? Tato muhuttaṃ gantvā kevaṭṭe addasa nadiyaṃ macche gaṇhante . Tesaṃ jālantaraṃ paviṭṭho eko mahāmaccho jālaṃ bhetvā palāyi. Te ‘‘maccho jālaṃ bhetvā gato’’ti saddamakaṃsu. Rājā tampi vacanaṃ sutvā tappaṭibhāganimittaṃ uppādesi – ‘‘kudāssu nāmāhampi ariyamaggañāṇena taṇhādiṭṭhijālaṃ bhetvā asajjamāno gaccheyya’’nti. So rajjaṃ pahāya pabbajitvā vipassanaṃ ārabhitvā paccekabodhiṃ sacchākāsi, imañca udānagāthaṃ abhāsi –

    ‘‘санд̣̇аалаяид̇ваана сам̣яож̇анаани, ж̇аалам̣ва бхзд̇ваа салиламб̣ужаарий;

    ‘‘Sandālayitvāna saṃyojanāni, jālaṃva bhetvā salilambucārī;

    аг̇г̇ийва д̣̇ад̣дхам̣ анивад̇д̇амаано, зго жарз каг̇г̇ависаан̣агаббо’’д̇и.

    Aggīva daḍḍhaṃ anivattamāno, eko care khaggavisāṇakappo’’ti.

    д̇ассаа д̣̇уд̇ияабаад̣̇з ж̇ааланд̇и суд̇д̇амаяам̣ вужжад̇и. амб̣ууд̇и уд̣̇агам̣, д̇ад̇т̇а жарад̇ийд̇и амб̣ужаарий, мажчассзд̇ам̣ ад̇хиважанам̣. салилз амб̣ужаарий салиламб̣ужаарий, д̇асмим̣ над̣̇ийсалилз ж̇аалам̣ бхзд̇ваа амб̣ужаарийваад̇и вуд̇д̇ам̣ ход̇и. д̇ад̇ияабаад̣̇з д̣̇ад̣дханд̇и д̣̇ад̣дхадтаанам̣ вужжад̇и. яат̇аа аг̇г̇и д̣̇ад̣дхадтаанам̣ буна на нивад̇д̇ад̇и, на д̇ад̇т̇а бхияяо ааг̇ажчад̇и, звам̣ маг̇г̇ан̃аан̣аг̇г̇инаа д̣̇ад̣дхам̣ гаамаг̇ун̣адтаанам̣ анивад̇д̇амаано д̇ад̇т̇а бхияяо анааг̇ажчанд̇од̇и вуд̇д̇ам̣ ход̇и. сзсам̣ вуд̇д̇анаяамзваад̇и.

    Tassā dutiyapāde jālanti suttamayaṃ vuccati. Ambūti udakaṃ, tattha caratīti ambucārī, macchassetaṃ adhivacanaṃ. Salile ambucārī salilambucārī, tasmiṃ nadīsalile jālaṃ bhetvā ambucārīvāti vuttaṃ hoti. Tatiyapāde daḍḍhanti daḍḍhaṭṭhānaṃ vuccati. Yathā aggi daḍḍhaṭṭhānaṃ puna na nivattati, na tattha bhiyyo āgacchati, evaṃ maggañāṇagginā daḍḍhaṃ kāmaguṇaṭṭhānaṃ anivattamāno tattha bhiyyo anāgacchantoti vuttaṃ hoti. Sesaṃ vuttanayamevāti.

    санд̣̇ааланаг̇аат̇ааван̣н̣анаа самад̇д̇аа.

    Sandālanagāthāvaṇṇanā samattā.

    63. огкид̇д̇ажагкууд̇и гаа уббад̇д̇и? б̣аараан̣асияам̣ гира жагкулолаб̣рахмад̣̇ад̇д̇о наама рааж̇аа баад̣̇алолаб̣рахмад̣̇ад̇д̇о вияа наадагад̣̇ассанамануяуд̇д̇о ход̇и. аяам̣ бана висзсо – со асанд̇удто д̇ад̇т̇а д̇ад̇т̇а г̇ажчад̇и, аяам̣ д̇ам̣ д̇ам̣ наадагам̣ д̣̇исваа ад̇ивияа абхинанд̣̇ид̇ваа наадагабаривад̇д̇ад̣̇ассанзна д̇ан̣хам̣ вад̣дхзнд̇о вижарад̇и. со гира наадагад̣̇ассанааяа ааг̇ад̇ам̣ ан̃н̃ад̇арам̣ гудумб̣ияабхарияам̣ д̣̇исваа рааг̇ам̣ уббаад̣̇зси. д̇ад̇о сам̣взг̇амаабаж̇ж̇ид̇ваа буна ‘‘ахам̣ имам̣ д̇ан̣хам̣ вад̣дхзнд̇о абааяабарибуураго бхависсаами, ханд̣̇а нам̣ ниг̇г̇ан̣хаамий’’д̇и баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа ад̇д̇ано буримабадибад̇д̇им̣ г̇араханд̇о д̇аббадибагкаг̇ун̣ад̣̇ийбигам̣ имам̣ уд̣̇аанаг̇аат̇ам̣ абхааси –

    63.Okkhittacakkhūti kā uppatti? Bārāṇasiyaṃ kira cakkhulolabrahmadatto nāma rājā pādalolabrahmadatto viya nāṭakadassanamanuyutto hoti. Ayaṃ pana viseso – so asantuṭṭho tattha tattha gacchati, ayaṃ taṃ taṃ nāṭakaṃ disvā ativiya abhinanditvā nāṭakaparivattadassanena taṇhaṃ vaḍḍhento vicarati. So kira nāṭakadassanāya āgataṃ aññataraṃ kuṭumbiyabhariyaṃ disvā rāgaṃ uppādesi. Tato saṃvegamāpajjitvā puna ‘‘ahaṃ imaṃ taṇhaṃ vaḍḍhento apāyaparipūrako bhavissāmi, handa naṃ niggaṇhāmī’’ti pabbajitvā vipassanto paccekabodhiṃ sacchikatvā attano purimapaṭipattiṃ garahanto tappaṭipakkhaguṇadīpikaṃ imaṃ udānagāthaṃ abhāsi –

    ‘‘огкид̇д̇ажагкуу на жа баад̣̇алоло, г̇уд̇д̇инд̣̇рияо рагкид̇амаанасаано;

    ‘‘Okkhittacakkhū na ca pādalolo, guttindriyo rakkhitamānasāno;

    анавассуд̇о абарид̣аяхамаано, зго жарз каг̇г̇ависаан̣агаббо’’д̇и.

    Anavassuto apariḍayhamāno, eko care khaggavisāṇakappo’’ti.

    д̇ад̇т̇а огкид̇д̇ажагкууд̇и хздтаакид̇д̇ажагку, сад̇д̇а г̇ийвадтийни бадибаадияаа табзд̇ваа бариваж̇ж̇аг̇ахзд̇аб̣б̣ад̣̇ассанад̇т̇ам̣ яуг̇амад̇д̇ам̣ бзгкамаанод̇и вуд̇д̇ам̣ ход̇и. на д̇у ханугадтинаа хад̣̇аяадтим̣ сан̇гхаддзнд̇о. зван̃хи огкид̇д̇ажагкуд̇аа на саман̣асааруббаа ход̇ий. на жа баад̣̇алолод̇и згасса д̣̇уд̇ияо, д̣̇виннам̣ д̇ад̇ияод̇и звам̣ г̇ан̣амаж̇жхам̣ бависид̇угаамад̇ааяа ган̣д̣ууяамаанабаад̣̇о вияа абхаванд̇о, д̣̇ийгхажааригаанавадтид̇ажааригавирад̇о ваа. г̇уд̇д̇инд̣̇рияод̇и часу инд̣̇риязсу ид̇ха висум̣вуд̇д̇аавасзсавасзна г̇обид̇инд̣̇рияо. рагкид̇амаанасаанод̇и маанасам̣ язва маанасаанам̣, д̇ам̣ рагкид̇амассаад̇и рагкид̇амаанасаано. яат̇аа гилзсзхи на вилуббад̇и, звам̣ рагкид̇ажид̇д̇од̇и вуд̇д̇ам̣ ход̇и. анавассуд̇од̇и имааяа бадибад̇д̇ияаа д̇зсу д̇зсу аарамман̣зсу гилзсаанваассававирахид̇о. абарид̣аяхамаанод̇и звам̣ анваассававирахаава гилзсаг̇г̇ийхи абарид̣аяхамаано. б̣ахид̣̇д̇хаа ваа анавассуд̇о, аж̇жхад̇д̇ам̣ абарид̣аяхамаано. сзсам̣ вуд̇д̇анаяамзваад̇и.

    Tattha okkhittacakkhūti heṭṭhākhittacakkhu, satta gīvaṭṭhīni paṭipāṭiyā ṭhapetvā parivajjagahetabbadassanatthaṃ yugamattaṃ pekkhamānoti vuttaṃ hoti. Na tu hanukaṭṭhinā hadayaṭṭhiṃ saṅghaṭṭento. Evañhi okkhittacakkhutā na samaṇasāruppā hotī. Na ca pādaloloti ekassa dutiyo, dvinnaṃ tatiyoti evaṃ gaṇamajjhaṃ pavisitukāmatāya kaṇḍūyamānapādo viya abhavanto, dīghacārikaanavaṭṭhitacārikavirato vā. Guttindriyoti chasu indriyesu idha visuṃvuttāvasesavasena gopitindriyo. Rakkhitamānasānoti mānasaṃ yeva mānasānaṃ, taṃ rakkhitamassāti rakkhitamānasāno. Yathā kilesehi na viluppati, evaṃ rakkhitacittoti vuttaṃ hoti. Anavassutoti imāya paṭipattiyā tesu tesu ārammaṇesu kilesaanvāssavavirahito. Apariḍayhamānoti evaṃ anvāssavavirahāva kilesaggīhi apariḍayhamāno. Bahiddhā vā anavassuto, ajjhattaṃ apariḍayhamāno. Sesaṃ vuttanayamevāti.

    огкид̇д̇ажагкуг̇аат̇ааван̣н̣анаа самад̇д̇аа.

    Okkhittacakkhugāthāvaṇṇanā samattā.

    64. охаараяид̇ваад̇и гаа уббад̇д̇и? б̣аараан̣асияам̣ гира аяам̣ ан̃н̃оби жаад̇умаасигаб̣рахмад̣̇ад̇д̇о наама рааж̇аа жад̇умаасз жад̇умаасз уяяаанагийл̣ам̣ г̇ажчад̇и. со згад̣̇ивасам̣ г̇имхаанам̣ маж̇жхимз маасз уяяаанам̣ бависанд̇о уяяаанад̣̇ваарз бад̇д̇асан̃чаннам̣ бубпаалан̇гад̇авидабам̣ баарижчад̇д̇агаговил̣аарам̣ д̣̇исваа згам̣ бубпам̣ г̇ахзд̇ваа уяяаанам̣ баависи. д̇ад̇о ‘‘ран̃н̃аа аг̇г̇абубпам̣ г̇ахид̇а’’нд̇и ан̃н̃ад̇ароби амажжо хад̇т̇игканд̇хз тид̇о зва згам̣ бубпам̣ аг̇г̇ахзси. зд̇знзва убааязна саб̣б̣о б̣алагааяо аг̇г̇ахзси. бубпам̣ анассаад̣̇знд̇аа бад̇д̇амби г̇ан̣хим̣су. со ругко ниббад̇д̇абубпо канд̇хамад̇д̇ова ахоси. д̇ам̣ рааж̇аа сааяанхасамаяз уяяаанаа нигкаманд̇о д̣̇исваа ‘‘гим̣ гад̇о аяам̣ ругко, мама ааг̇аманавзлааяам̣ ман̣иван̣н̣асааканд̇арзсу баваал̣асад̣̇исабубпаалан̇гад̇о ахоси, ид̣̇аани ниббад̇д̇абубпо ж̇аад̇о’’д̇и жинд̇знд̇о д̇ассзваавид̣̇уурз абубпид̇ам̣ ругкам̣ сан̃чаннабалаасам̣ ад̣̇д̣̇аса. д̣̇исваа жасса зд̇ад̣̇ахоси – ‘‘аяам̣ ругко бубпабхарид̇асаакад̇д̇аа б̣ахуж̇анасса лобханийяо ахоси, д̇зна мухуд̇д̇знзва б̣яасанам̣ бад̇д̇о, аяам̣ банан̃н̃о алобханийяад̇д̇аа д̇ат̇зва тид̇о. ид̣̇амби раж̇ж̇ам̣ бубпид̇аругко вияа лобханийяам̣, бхигкубхааво бана абубпид̇аругко вияа алобханийяо. д̇асмаа яаава ид̣̇амби аяам̣ ругко вияа на вилуббад̇и, д̇аава аяаман̃н̃о сан̃чаннабад̇д̇о яат̇аа баарижчад̇д̇аго, звам̣ гаасаавзна барисан̃чаннзна худ̇ваа баб̣б̣аж̇ид̇аб̣б̣а’’нд̇и. со раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа имам̣ уд̣̇аанаг̇аат̇ам̣ абхааси –

    64.Ohārayitvāti kā uppatti? Bārāṇasiyaṃ kira ayaṃ aññopi cātumāsikabrahmadatto nāma rājā catumāse catumāse uyyānakīḷaṃ gacchati. So ekadivasaṃ gimhānaṃ majjhime māse uyyānaṃ pavisanto uyyānadvāre pattasañchannaṃ pupphālaṅkataviṭapaṃ pāricchattakakoviḷāraṃ disvā ekaṃ pupphaṃ gahetvā uyyānaṃ pāvisi. Tato ‘‘raññā aggapupphaṃ gahita’’nti aññataropi amacco hatthikkhandhe ṭhito eva ekaṃ pupphaṃ aggahesi. Eteneva upāyena sabbo balakāyo aggahesi. Pupphaṃ anassādentā pattampi gaṇhiṃsu. So rukkho nippattapuppho khandhamattova ahosi. Taṃ rājā sāyanhasamaye uyyānā nikkhamanto disvā ‘‘kiṃ kato ayaṃ rukkho, mama āgamanavelāyaṃ maṇivaṇṇasākhantaresu pavāḷasadisapupphālaṅkato ahosi, idāni nippattapuppho jāto’’ti cintento tassevāvidūre apupphitaṃ rukkhaṃ sañchannapalāsaṃ addasa. Disvā cassa etadahosi – ‘‘ayaṃ rukkho pupphabharitasākhattā bahujanassa lobhanīyo ahosi, tena muhutteneva byasanaṃ patto, ayaṃ panañño alobhanīyattā tatheva ṭhito. Idampi rajjaṃ pupphitarukkho viya lobhanīyaṃ, bhikkhubhāvo pana apupphitarukkho viya alobhanīyo. Tasmā yāva idampi ayaṃ rukkho viya na viluppati, tāva ayamañño sañchannapatto yathā pāricchattako, evaṃ kāsāvena parisañchannena hutvā pabbajitabba’’nti. So rajjaṃ pahāya pabbajitvā vipassanto paccekabodhiṃ sacchikatvā imaṃ udānagāthaṃ abhāsi –

    ‘‘охаараяид̇ваа г̇ихиб̣яан̃ж̇анаани, сан̃чаннабад̇д̇о яат̇аа бааричад̇д̇о;

    ‘‘Ohārayitvā gihibyañjanāni, sañchannapatto yathā pārichatto;

    гаасааяавад̇т̇о абхинигкамид̇ваа, зго жарз каг̇г̇ависаан̣агаббо’’д̇и.

    Kāsāyavattho abhinikkhamitvā, eko care khaggavisāṇakappo’’ti.

    д̇ад̇т̇а гаасааяавад̇т̇о абхинигкамид̇ваад̇и имасса баад̣̇асса г̇зхаа абхинигкамид̇ваа гаасааяавад̇т̇о худ̇ваад̇и звамад̇т̇о взд̣̇ид̇аб̣б̣о. сзсам̣ вуд̇д̇анаязнзва саггаа ж̇аанид̇унд̇и на вид̇т̇аарид̇анд̇и.

    Tattha kāsāyavattho abhinikkhamitvāti imassa pādassa gehā abhinikkhamitvā kāsāyavattho hutvāti evamattho veditabbo. Sesaṃ vuttanayeneva sakkā jānitunti na vitthāritanti.

    баарижчад̇д̇агаг̇аат̇ааван̣н̣анаа самад̇д̇аа.

    Pāricchattakagāthāvaṇṇanā samattā.

    д̇ад̇ияо ваг̇г̇о нидтид̇о.

    Tatiyo vaggo niṭṭhito.

    65. расзсууд̇и гаа уббад̇д̇и? ан̃н̃ад̇аро гира б̣аараан̣асирааж̇аа уяяаанз амажжабуд̇д̇зхи баривуд̇о силаабаддабогкаран̣ияам̣ гийл̣ад̇и. д̇асса сууд̣̇о саб̣б̣амам̣саанам̣ расам̣ г̇ахзд̇ваа ад̇ийва сусан̇кад̇ам̣ амад̇агаббам̣ анд̇арабхад̇д̇ам̣ бажид̇ваа убанаамзси. со д̇ад̇т̇а г̇зд̇хамаабанно гассажи гин̃жи ад̣̇ад̇ваа ад̇д̇анаава бхун̃ж̇и. уд̣̇агагийл̣ад̇о жа ад̇ивигаалз нигканд̇о сийгхам̣ сийгхам̣ бхун̃ж̇и. язхи сад̣̇д̇хим̣ буб̣б̣з бхун̃ж̇ад̇и, на д̇зсам̣ ган̃жи сари. ат̇а бажчаа бадисан̇каанам̣ уббаад̣̇зд̇ваа ‘‘ахо, маяаа баабам̣ гад̇ам̣, яваахам̣ расад̇ан̣хааяа абхибхууд̇о саб̣б̣аж̇анам̣ висарид̇ваа згагова бхун̃ж̇им̣. ханд̣̇а расад̇ан̣хам̣ ниг̇г̇ан̣хаамий’’д̇и раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа ад̇д̇ано буримабадибад̇д̇им̣ г̇араханд̇о д̇аббадибагкаг̇ун̣ад̣̇ийбигам̣ имам̣ уд̣̇аанаг̇аат̇ам̣ абхааси –

    65.Rasesūti kā uppatti? Aññataro kira bārāṇasirājā uyyāne amaccaputtehi parivuto silāpaṭṭapokkharaṇiyaṃ kīḷati. Tassa sūdo sabbamaṃsānaṃ rasaṃ gahetvā atīva susaṅkhataṃ amatakappaṃ antarabhattaṃ pacitvā upanāmesi. So tattha gedhamāpanno kassaci kiñci adatvā attanāva bhuñji. Udakakīḷato ca ativikāle nikkhanto sīghaṃ sīghaṃ bhuñji. Yehi saddhiṃ pubbe bhuñjati, na tesaṃ kañci sari. Atha pacchā paṭisaṅkhānaṃ uppādetvā ‘‘aho, mayā pāpaṃ kataṃ, yvāhaṃ rasataṇhāya abhibhūto sabbajanaṃ visaritvā ekakova bhuñjiṃ. Handa rasataṇhaṃ niggaṇhāmī’’ti rajjaṃ pahāya pabbajitvā vipassanto paccekabodhiṃ sacchikatvā attano purimapaṭipattiṃ garahanto tappaṭipakkhaguṇadīpikaṃ imaṃ udānagāthaṃ abhāsi –

    ‘‘расзсу г̇зд̇хам̣ агарам̣ алоло, анан̃н̃абосий сабад̣̇аанажаарий;

    ‘‘Rasesu gedhaṃ akaraṃ alolo, anaññaposī sapadānacārī;

    гулз гулз аббадиб̣ад̣̇д̇хажид̇д̇о, зго жарз каг̇г̇ависаан̣агаббо’’д̇и.

    Kule kule appaṭibaddhacitto, eko care khaggavisāṇakappo’’ti.

    д̇ад̇т̇а расзсууд̇и амб̣иламад̇хурад̇ид̇д̇агагадугалон̣игакааригагасааваад̣̇ибхзд̣̇зсу сааяанийязсу. г̇зд̇хам̣ агаранд̇и г̇ид̣̇д̇хим̣ агаронд̇о, д̇ан̣хам̣ ануббаад̣̇знд̇од̇и вуд̇д̇ам̣ ход̇и. алолод̇и ‘‘ид̣̇ам̣ сааяиссаами, ид̣̇ам̣ сааяиссаамий’’д̇и звам̣ расависзсзсу анаагуло. анан̃н̃абосийд̇и босзд̇аб̣б̣агасад̣̇д̇хивихааригаад̣̇ивирахид̇о , гааяасанд̇хааран̣амад̇д̇зна санд̇удтод̇и вуд̇д̇ам̣ ход̇и. яат̇аа ваа буб̣б̣з уяяаанз расзсу г̇зд̇хагаран̣алоло худ̇ваа ан̃н̃абосий аасим̣, звам̣ ахуд̇ваа яааяа д̇ан̣хааяа лоло худ̇ваа расзсу г̇зд̇хам̣ гарод̇и. д̇ам̣ д̇ан̣хам̣ хид̇ваа ааяад̇им̣ д̇ан̣хаамуулагасса ан̃н̃асса ад̇д̇абхаавасса аниб̣б̣ад̇д̇анзна анан̃н̃абосийд̇и д̣̇ассзд̇и. ат̇а ваа ад̇т̇абхан̃ж̇анагадтзна ан̃н̃зд̇и гилзсаа вужжанд̇и. д̇зсам̣ абосанзна анан̃н̃абосийд̇и аяамбзд̇т̇а ад̇т̇о. сабад̣̇аанажаарийд̇и авоггаммажаарий анубуб̣б̣ажаарий, гхарабадибаадим̣ ачад̣д̣зд̇ваа ад̣дхагулан̃жа д̣̇алид̣̇д̣̇агулан̃жа ниранд̇арам̣ бин̣д̣ааяа бависамаанод̇и ад̇т̇о. гулз гулз аббадиб̣ад̣̇д̇хажид̇д̇од̇и кад̇д̇ияагулаад̣̇ийсу яад̇т̇а гад̇т̇ажи гилзсавасзна алаг̇г̇ажид̇д̇о, жанд̣̇уубамо нижжанаваго худ̇ваад̇и ад̇т̇о. сзсам̣ вуд̇д̇анаяамзваад̇и.

    Tattha rasesūti ambilamadhuratittakakaṭukaloṇikakhārikakasāvādibhedesu sāyanīyesu. Gedhaṃ akaranti giddhiṃ akaronto, taṇhaṃ anuppādentoti vuttaṃ hoti. Aloloti ‘‘idaṃ sāyissāmi, idaṃ sāyissāmī’’ti evaṃ rasavisesesu anākulo. Anaññaposīti posetabbakasaddhivihārikādivirahito , kāyasandhāraṇamattena santuṭṭhoti vuttaṃ hoti. Yathā vā pubbe uyyāne rasesu gedhakaraṇalolo hutvā aññaposī āsiṃ, evaṃ ahutvā yāya taṇhāya lolo hutvā rasesu gedhaṃ karoti. Taṃ taṇhaṃ hitvā āyatiṃ taṇhāmūlakassa aññassa attabhāvassa anibbattanena anaññaposīti dasseti. Atha vā atthabhañjanakaṭṭhena aññeti kilesā vuccanti. Tesaṃ aposanena anaññaposīti ayampettha attho. Sapadānacārīti avokkammacārī anupubbacārī, gharapaṭipāṭiṃ achaḍḍetvā aḍḍhakulañca daliddakulañca nirantaraṃ piṇḍāya pavisamānoti attho. Kule kule appaṭibaddhacittoti khattiyakulādīsu yattha katthaci kilesavasena alaggacitto, candūpamo niccanavako hutvāti attho. Sesaṃ vuttanayamevāti.

    расаг̇зд̇хаг̇аат̇ааван̣н̣анаа самад̇д̇аа.

    Rasagedhagāthāvaṇṇanā samattā.

    66. бахааяа бан̃жааваран̣аанийд̇и гаа уббад̇д̇и? б̣аараан̣асияам̣ гира ан̃н̃ад̇аро рааж̇аа батамаж̇жхааналаабхий ахоси. со жхаанаанурагкан̣ад̇т̇ам̣ раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа ад̇д̇ано бадибад̇д̇исамбад̣̇ам̣ д̣̇ийбзнд̇о имам̣ уд̣̇аанаг̇аат̇ам̣ абхааси –

    66.Pahāyapañcāvaraṇānīti kā uppatti? Bārāṇasiyaṃ kira aññataro rājā paṭhamajjhānalābhī ahosi. So jhānānurakkhaṇatthaṃ rajjaṃ pahāya pabbajitvā vipassanto paccekabodhiṃ sacchikatvā attano paṭipattisampadaṃ dīpento imaṃ udānagāthaṃ abhāsi –

    ‘‘бахааяа бан̃жааваран̣аани жзд̇асо, убаггилзсз б̣яабануж̇ж̇а саб̣б̣з;

    ‘‘Pahāya pañcāvaraṇāni cetaso, upakkilese byapanujja sabbe;

    аниссид̇о чзд̇ва синзхад̣̇осам̣, зго жарз каг̇г̇ависаан̣агаббо’’д̇и.

    Anissito chetva sinehadosaṃ, eko care khaggavisāṇakappo’’ti.

    д̇ад̇т̇а ааваран̣аанийд̇и нийваран̣аанзва. д̇аани ад̇т̇ад̇о ураг̇асуд̇д̇з вуд̇д̇аани. д̇аани бана яасмаа аб̣бхаад̣̇аяо вияа жанд̣̇асуурияз жзд̇о ааваранд̇и, д̇асмаа ‘‘ааваран̣аани жзд̇асо’’д̇и вуд̇д̇аани. д̇аани убажаарзна ваа аббанааяа ваа бахааяа. убаггилзсзд̇и убаг̇амма жид̇д̇ам̣ виб̣аад̇хзнд̇з агусалз д̇хаммз, вад̇т̇обамаад̣̇ийсу вуд̇д̇з абхиж̇жхаад̣̇аяо ваа. б̣яабануж̇ж̇аад̇и бануд̣̇ид̇ваа винаасзд̇ваа, вибассанаамаг̇г̇зна баж̇ахид̇ваад̇и ад̇т̇о. саб̣б̣зд̇и анавасзсз. звам̣ самат̇авибассанаасамбанно батамамаг̇г̇зна д̣̇идтиниссаяасса бахийнад̇д̇аа аниссид̇о. сзсамаг̇г̇зхи чзд̇ваа д̇зд̇хаад̇угам̣ синзхад̣̇осам̣, д̇ан̣хаарааг̇анд̇и вуд̇д̇ам̣ ход̇и. синзхо зва хи г̇ун̣абадибагкад̇о синзхад̣̇осод̇и вуд̇д̇о. сзсам̣ вуд̇д̇анаяамзваад̇и.

    Tattha āvaraṇānīti nīvaraṇāneva. Tāni atthato uragasutte vuttāni. Tāni pana yasmā abbhādayo viya candasūriye ceto āvaranti, tasmā ‘‘āvaraṇāni cetaso’’ti vuttāni. Tāni upacārena vā appanāya vā pahāya. Upakkileseti upagamma cittaṃ vibādhente akusale dhamme, vatthopamādīsu vutte abhijjhādayo vā. Byapanujjāti panuditvā vināsetvā, vipassanāmaggena pajahitvāti attho. Sabbeti anavasese. Evaṃ samathavipassanāsampanno paṭhamamaggena diṭṭhinissayassa pahīnattā anissito. Sesamaggehi chetvā tedhātukaṃ sinehadosaṃ, taṇhārāganti vuttaṃ hoti. Sineho eva hi guṇapaṭipakkhato sinehadosoti vutto. Sesaṃ vuttanayamevāti.

    ааваран̣аг̇аат̇ааван̣н̣анаа самад̇д̇аа.

    Āvaraṇagāthāvaṇṇanā samattā.

    67. вибидтигад̇ваанаад̇и гаа уббад̇д̇и? б̣аараан̣асияам̣ гира ан̃н̃ад̇аро рааж̇аа жад̇уд̇т̇аж̇жхааналаабхий ахоси. со жхаанаанурагкан̣ад̇т̇ам̣ раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа ад̇д̇ано бадибад̇д̇исамбад̣̇ам̣ д̣̇ийбзнд̇о имам̣ уд̣̇аанаг̇аат̇ам̣ абхааси –

    67.Vipiṭṭhikatvānāti kā uppatti? Bārāṇasiyaṃ kira aññataro rājā catutthajjhānalābhī ahosi. So jhānānurakkhaṇatthaṃ rajjaṃ pahāya pabbajitvā vipassanto paccekabodhiṃ sacchikatvā attano paṭipattisampadaṃ dīpento imaṃ udānagāthaṃ abhāsi –

    ‘‘вибидтигад̇ваана сукам̣ д̣̇укан̃жа, буб̣б̣зва жа соманассад̣̇оманассам̣;

    ‘‘Vipiṭṭhikatvāna sukhaṃ dukhañca, pubbeva ca somanassadomanassaṃ;

    лад̣̇д̇хаанубзгкам̣ самат̇ам̣ висуд̣̇д̇хам̣, зго жарз каг̇г̇ависаан̣агаббо’’д̇и.

    Laddhānupekkhaṃ samathaṃ visuddhaṃ, eko care khaggavisāṇakappo’’ti.

    д̇ад̇т̇а вибидтигад̇ваанаад̇и бидтид̇о гад̇ваа, чад̣д̣зд̇ваа ж̇ахид̇ваад̇и ад̇т̇о. сукам̣ д̣̇укан̃жаад̇и гааяигам̣ саад̇аасаад̇ам̣. соманассад̣̇оманассанд̇и жзд̇асигам̣ саад̇аасаад̇ам̣. убзгканд̇и жад̇уд̇т̇аж̇жхаанубзгкам̣. самат̇анд̇и жад̇уд̇т̇аж̇жхаанасамат̇амзва. висуд̣̇д̇ханд̇и бан̃жанийваран̣авид̇аггавижаарабийд̇исукасан̇каад̇зхи навахи бажжанийгад̇хаммзхи вимуд̇д̇ад̇д̇аа висуд̣̇д̇хам̣, нид̣̇д̇ханд̇асуван̣н̣амива виг̇ад̇уубаггилзсанд̇и ад̇т̇о.

    Tattha vipiṭṭhikatvānāti piṭṭhito katvā, chaḍḍetvā jahitvāti attho. Sukhaṃ dukhañcāti kāyikaṃ sātāsātaṃ. Somanassadomanassanti cetasikaṃ sātāsātaṃ. Upekkhanti catutthajjhānupekkhaṃ. Samathanti catutthajjhānasamathameva. Visuddhanti pañcanīvaraṇavitakkavicārapītisukhasaṅkhātehi navahi paccanīkadhammehi vimuttattā visuddhaṃ, niddhantasuvaṇṇamiva vigatūpakkilesanti attho.

    аяам̣ бана яож̇анаа – вибидтигад̇ваана сукам̣ д̣̇угкан̃жа буб̣б̣зва батамаж̇жхаанубажаарабхуумияам̣язва д̣̇угкам̣, д̇ад̇ияаж̇жхаанубажаарабхуумияам̣ суканд̇и ад̇хиббааяо. буна аад̣̇ид̇о вуд̇д̇ам̣ жагаарам̣ барад̇о нзд̇ваа ‘‘соманассам̣ д̣̇оманассан̃жа вибидтигад̇ваана буб̣б̣зваа’’д̇и ад̇хигааро. д̇зна соманассам̣ жад̇уд̇т̇аж̇жхаанубажаарз, д̣̇оманассан̃жа д̣̇уд̇ияаж̇жхаанубажаарзязваад̇и д̣̇ийбзд̇и. зд̇аани хи зд̇зсам̣ барияааяад̇о бахаанадтаанаани. ниббарияааяад̇о бана д̣̇угкасса батамаж̇жхаанам̣, д̣̇оманассасса д̣̇уд̇ияаж̇жхаанам̣, сукасса д̇ад̇ияаж̇жхаанам̣, соманассасса жад̇уд̇т̇аж̇жхаанам̣ бахаанадтаанам̣. яат̇ааха – ‘‘батамаж̇жхаанам̣ убасамбаж̇ж̇а вихарад̇и зд̇т̇уббаннам̣ д̣̇угкинд̣̇рияам̣ абарисзсам̣ нируж̇жхад̇ий’’д̇иаад̣̇и (сам̣. ни. 5.510). д̇ам̣ саб̣б̣ам̣ адтасаалинияаа д̇хаммасан̇г̇ахадтагат̇ааяам̣ (д̇ха. са. адта. 165) вуд̇д̇ам̣. яад̇о буб̣б̣зва д̇ийсу батамаж̇жхаанаад̣̇ийсу д̣̇угкад̣̇оманассасукаани вибидтигад̇ваа зд̇т̇зва жад̇уд̇т̇аж̇жхаанз соманассам̣ вибидтигад̇ваа имааяа бадибад̣̇ааяа лад̣̇д̇хаанубзгкам̣ самат̇ам̣ висуд̣̇д̇хам̣ зго жарзд̇и. сзсам̣ саб̣б̣ад̇т̇а баагадамзваад̇и.

    Ayaṃ pana yojanā – vipiṭṭhikatvāna sukhaṃ dukkhañca pubbeva paṭhamajjhānupacārabhūmiyaṃyeva dukkhaṃ, tatiyajjhānupacārabhūmiyaṃ sukhanti adhippāyo. Puna ādito vuttaṃ cakāraṃ parato netvā ‘‘somanassaṃ domanassañca vipiṭṭhikatvāna pubbevā’’ti adhikāro. Tena somanassaṃ catutthajjhānupacāre, domanassañca dutiyajjhānupacāreyevāti dīpeti. Etāni hi etesaṃ pariyāyato pahānaṭṭhānāni. Nippariyāyato pana dukkhassa paṭhamajjhānaṃ, domanassassa dutiyajjhānaṃ, sukhassa tatiyajjhānaṃ, somanassassa catutthajjhānaṃ pahānaṭṭhānaṃ. Yathāha – ‘‘paṭhamajjhānaṃ upasampajja viharati etthuppannaṃ dukkhindriyaṃ aparisesaṃ nirujjhatī’’tiādi (saṃ. ni. 5.510). Taṃ sabbaṃ aṭṭhasāliniyā dhammasaṅgahaṭṭhakathāyaṃ (dha. sa. aṭṭha. 165) vuttaṃ. Yato pubbeva tīsu paṭhamajjhānādīsu dukkhadomanassasukhāni vipiṭṭhikatvā ettheva catutthajjhāne somanassaṃ vipiṭṭhikatvā imāya paṭipadāya laddhānupekkhaṃ samathaṃ visuddhaṃ eko careti. Sesaṃ sabbattha pākaṭamevāti.

    вибидтигад̇вааг̇аат̇ааван̣н̣анаа самад̇д̇аа.

    Vipiṭṭhikatvāgāthāvaṇṇanā samattā.

    68. аарад̣̇д̇хавийрияод̇и гаа уббад̇д̇и? ан̃н̃ад̇аро гира бажжанд̇арааж̇аа сахассаяод̇хабаримаан̣аб̣алагааяо раж̇ж̇зна куд̣̇д̣̇аго, бан̃н̃ааяа маханд̇о ахоси. со згад̣̇ивасам̣ ‘‘гин̃жааби ахам̣ куд̣̇д̣̇аго, бан̃н̃авад̇аа жа бана саггаа сагалаж̇амб̣уд̣̇ийбам̣ г̇ахзд̇у’’нд̇и жинд̇зд̇ваа сааманд̇аран̃н̃о д̣̇ууд̇ам̣ баахзси – ‘‘сад̇д̇ад̣̇ивасаб̣бханд̇арз мз раж̇ж̇ам̣ ваа д̣̇зд̇у яуд̣̇д̇хам̣ ваа’’д̇и. д̇ад̇о со ад̇д̇ано амажжз самод̇хаанзд̇ваа ааха – ‘‘маяаа д̇умхз анаабужчааязва саахасам̣ гад̇ам̣, амугасса ран̃н̃о звам̣ бахид̇ам̣, гим̣ гаад̇аб̣б̣а’’нд̇и? д̇з аахам̣су – ‘‘саггаа, махаарааж̇а, со д̣̇ууд̇о нивад̇д̇зд̇у’’нд̇и? ‘‘на саггаа, г̇ад̇о бхависсад̇ий’’д̇и. ‘‘яад̣̇и звам̣ винаасид̇амхаа д̇аяаа, д̇зна хи д̣̇угкам̣ ан̃н̃асса сад̇т̇зна марид̇ум̣. ханд̣̇а, маяам̣ ан̃н̃аман̃н̃ам̣ бахарид̇ваа мараама, ад̇д̇аанам̣ бахарид̇ваа мараама, уб̣б̣анд̇хаама, висам̣ каад̣̇аамаа’’д̇и. звам̣ д̇зсу згамзго маран̣амзва сам̣ван̣н̣зд̇и. д̇ад̇о рааж̇аа – ‘‘гим̣ мз, имзхи, ад̇т̇и, бхан̣з, маяхам̣ яод̇хаа’’д̇и ааха. ат̇а ‘‘ахам̣, махаарааж̇а, яод̇хо, ахам̣, махаарааж̇а, яод̇хо’’д̇и д̇ам̣ яод̇хасахассам̣ удтахи.

    68.Āraddhavīriyoti kā uppatti? Aññataro kira paccantarājā sahassayodhaparimāṇabalakāyo rajjena khuddako, paññāya mahanto ahosi. So ekadivasaṃ ‘‘kiñcāpi ahaṃ khuddako, paññavatā ca pana sakkā sakalajambudīpaṃ gahetu’’nti cintetvā sāmantarañño dūtaṃ pāhesi – ‘‘sattadivasabbhantare me rajjaṃ vā detu yuddhaṃ vā’’ti. Tato so attano amacce samodhānetvā āha – ‘‘mayā tumhe anāpucchāyeva sāhasaṃ kataṃ, amukassa rañño evaṃ pahitaṃ, kiṃ kātabba’’nti? Te āhaṃsu – ‘‘sakkā, mahārāja, so dūto nivattetu’’nti? ‘‘Na sakkā, gato bhavissatī’’ti. ‘‘Yadi evaṃ vināsitamhā tayā, tena hi dukkhaṃ aññassa satthena marituṃ. Handa, mayaṃ aññamaññaṃ paharitvā marāma, attānaṃ paharitvā marāma, ubbandhāma, visaṃ khādāmā’’ti. Evaṃ tesu ekameko maraṇameva saṃvaṇṇeti. Tato rājā – ‘‘kiṃ me, imehi, atthi, bhaṇe, mayhaṃ yodhā’’ti āha. Atha ‘‘ahaṃ, mahārāja, yodho, ahaṃ, mahārāja, yodho’’ti taṃ yodhasahassaṃ uṭṭhahi.

    рааж̇аа ‘‘зд̇з убабаригкиссаамий’’д̇и манд̇ваа жид̇агам̣ саж̇ж̇зд̇ваа ааха – ‘‘маяаа, бхан̣з, ид̣̇ам̣ наама саахасам̣ гад̇ам̣, д̇ам̣ мз амажжаа бадиггосанд̇и, сохам̣ жид̇агам̣ бависиссаами, го маяаа сад̣̇д̇хим̣ бависиссад̇и, гзна маяхам̣ ж̇ийвид̇ам̣ барижжад̇д̇а’’нд̇и? звам̣ вуд̇д̇з бан̃жасад̇аа яод̇хаа удтахим̣су – ‘‘маяам̣, махаарааж̇а, бависаамаа’’д̇и. д̇ад̇о рааж̇аа абарз бан̃жасад̇з яод̇хз ааха – ‘‘д̇умхз ид̣̇аани, д̇аад̇аа, гим̣ гариссат̇аа’’д̇и? д̇з аахам̣су – ‘‘нааяам̣, махаарааж̇а, бурисагааро, ид̇т̇игирияаа зсаа, абижа махаарааж̇зна бадиран̃н̃о д̣̇ууд̇о бзсид̇о, д̇зна маяам̣ ран̃н̃аа сад̣̇д̇хим̣ яуж̇жхид̇ваа мариссаамаа’’д̇и. д̇ад̇о рааж̇аа ‘‘барижжад̇д̇ам̣ д̇умхзхи мама ж̇ийвид̇а’’нд̇и жад̇уран̇г̇иним̣ сзнам̣ саннаяхид̇ваа д̇зна яод̇хасахассзна баривуд̇о г̇анд̇ваа раж̇ж̇асиймааяа нисийд̣̇и.

    Rājā ‘‘ete upaparikkhissāmī’’ti mantvā citakaṃ sajjetvā āha – ‘‘mayā, bhaṇe, idaṃ nāma sāhasaṃ kataṃ, taṃ me amaccā paṭikkosanti, sohaṃ citakaṃ pavisissāmi, ko mayā saddhiṃ pavisissati, kena mayhaṃ jīvitaṃ pariccatta’’nti? Evaṃ vutte pañcasatā yodhā uṭṭhahiṃsu – ‘‘mayaṃ, mahārāja, pavisāmā’’ti. Tato rājā apare pañcasate yodhe āha – ‘‘tumhe idāni, tātā, kiṃ karissathā’’ti? Te āhaṃsu – ‘‘nāyaṃ, mahārāja, purisakāro, itthikiriyā esā, apica mahārājena paṭirañño dūto pesito, tena mayaṃ raññā saddhiṃ yujjhitvā marissāmā’’ti. Tato rājā ‘‘pariccattaṃ tumhehi mama jīvita’’nti caturaṅginiṃ senaṃ sannayhitvā tena yodhasahassena parivuto gantvā rajjasīmāya nisīdi.

    соби бадирааж̇аа д̇ам̣ бавад̇д̇им̣ суд̇ваа ‘‘арз, со куд̣̇д̣̇агарааж̇аа мама д̣̇аасассааби наббаход̇ий’’д̇и гуж̇жхид̇ваа саб̣б̣ам̣ б̣алагааяам̣ аад̣̇ааяа яуж̇жхид̇ум̣ нигками. куд̣̇д̣̇агарааж̇аа д̇ам̣ аб̣бхуяяаад̇ам̣ д̣̇исваа б̣алагааяам̣ ааха – ‘‘д̇аад̇аа, д̇умхз на б̣ахугаа; саб̣б̣з самбин̣д̣ид̇ваа, асижаммам̣ г̇ахзд̇ваа, сийгхам̣ имасса ран̃н̃о бурад̇о уж̇угам̣ зва г̇ажчат̇аа’’д̇и. д̇з д̇ат̇аа агам̣су. ат̇а саа сзнаа д̣̇вид̇хаа бхиж̇ж̇ид̇ваа анд̇арамад̣̇ааси. д̇з д̇ам̣ рааж̇аанам̣ ж̇ийваг̇г̇аахам̣ г̇ан̣хим̣су, ан̃н̃з яод̇хаа балааяим̣су. куд̣̇д̣̇агарааж̇аа ‘‘д̇ам̣ маарзмий’’д̇и бурад̇о д̇хаавад̇и, бадирааж̇аа д̇ам̣ абхаяам̣ яаажи. д̇ад̇о д̇асса абхаяам̣ д̣̇ад̇ваа, сабат̇ам̣ гаараабзд̇ваа, д̇ам̣ ад̇д̇ано мануссам̣ гад̇ваа, д̇зна саха ан̃н̃ам̣ рааж̇аанам̣ аб̣бхуг̇г̇анд̇ваа, д̇асса раж̇ж̇асиймааяа тад̇ваа бзсзси – ‘‘раж̇ж̇ам̣ ваа мз д̣̇зд̇у яуд̣̇д̇хам̣ ваа’’д̇и. со ‘‘ахам̣ згаяуд̣̇д̇хамби на сахаамий’’д̇и раж̇ж̇ам̣ нияяаад̇зси. зд̇знзва убааязна саб̣б̣арааж̇аано г̇ахзд̇ваа анд̇з б̣аараан̣асирааж̇аанамби аг̇г̇ахзси.

    Sopi paṭirājā taṃ pavattiṃ sutvā ‘‘are, so khuddakarājā mama dāsassāpi nappahotī’’ti kujjhitvā sabbaṃ balakāyaṃ ādāya yujjhituṃ nikkhami. Khuddakarājā taṃ abbhuyyātaṃ disvā balakāyaṃ āha – ‘‘tātā, tumhe na bahukā; sabbe sampiṇḍitvā, asicammaṃ gahetvā, sīghaṃ imassa rañño purato ujukaṃ eva gacchathā’’ti. Te tathā akaṃsu. Atha sā senā dvidhā bhijjitvā antaramadāsi. Te taṃ rājānaṃ jīvaggāhaṃ gaṇhiṃsu, aññe yodhā palāyiṃsu. Khuddakarājā ‘‘taṃ māremī’’ti purato dhāvati, paṭirājā taṃ abhayaṃ yāci. Tato tassa abhayaṃ datvā, sapathaṃ kārāpetvā, taṃ attano manussaṃ katvā, tena saha aññaṃ rājānaṃ abbhuggantvā, tassa rajjasīmāya ṭhatvā pesesi – ‘‘rajjaṃ vā me detu yuddhaṃ vā’’ti. So ‘‘ahaṃ ekayuddhampi na sahāmī’’ti rajjaṃ niyyātesi. Eteneva upāyena sabbarājāno gahetvā ante bārāṇasirājānampi aggahesi.

    со згасад̇арааж̇абаривуд̇о сагалаж̇амб̣уд̣̇ийбз раж̇ж̇ам̣ анусаасанд̇о жинд̇зси – ‘‘ахам̣ буб̣б̣з куд̣̇д̣̇аго ахосим̣, сомхи ад̇д̇ано н̃аан̣асамбад̇д̇ияаа сагалаж̇амб̣уд̣̇ийбасса иссаро ж̇аад̇о. д̇ам̣ ко бана мз н̃аан̣ам̣ логияавийрияасамбаяуд̇д̇ам̣, нзва ниб̣б̣ид̣̇ааяа на вирааг̇ааяа сам̣вад̇д̇ад̇и, саад̇ху вад̇асса сваахам̣ иминаа н̃аан̣зна логуд̇д̇арад̇хаммам̣ г̇авзсзяяа’’нд̇и. д̇ад̇о б̣аараан̣асиран̃н̃о раж̇ж̇ам̣ д̣̇ад̇ваа, буд̇д̇ад̣̇ааран̃жа сагаж̇анабад̣̇амзва бзсзд̇ваа, баб̣б̣аж̇ж̇ам̣ самаад̣̇ааяа вибассанам̣ аарабхид̇ваа, бажжзгаб̣од̇хим̣ сажчигад̇ваа ад̇д̇ано вийрияасамбад̇д̇им̣ д̣̇ийбзнд̇о имам̣ уд̣̇аанаг̇аат̇ам̣ абхааси –

    So ekasatarājaparivuto sakalajambudīpe rajjaṃ anusāsanto cintesi – ‘‘ahaṃ pubbe khuddako ahosiṃ, somhi attano ñāṇasampattiyā sakalajambudīpassa issaro jāto. Taṃ kho pana me ñāṇaṃ lokiyavīriyasampayuttaṃ, neva nibbidāya na virāgāya saṃvattati, sādhu vatassa svāhaṃ iminā ñāṇena lokuttaradhammaṃ gaveseyya’’nti. Tato bārāṇasirañño rajjaṃ datvā, puttadārañca sakajanapadameva pesetvā, pabbajjaṃ samādāya vipassanaṃ ārabhitvā, paccekabodhiṃ sacchikatvā attano vīriyasampattiṃ dīpento imaṃ udānagāthaṃ abhāsi –

    ‘‘аарад̣̇д̇хавирияо барамад̇т̇абад̇д̇ияаа, алийнажид̇д̇о агусийд̇авуд̇д̇и;

    ‘‘Āraddhaviriyo paramatthapattiyā, alīnacitto akusītavutti;

    д̣̇ал̣ханиггамо т̇аамаб̣алуубабанно, зго жарз каг̇г̇ависаан̣агаббо’’д̇и.

    Daḷhanikkamo thāmabalūpapanno, eko care khaggavisāṇakappo’’ti.

    д̇ад̇т̇а аарад̣̇д̇хам̣ вийрияамассаад̇и аарад̣̇д̇хавирияо. зд̇зна ад̇д̇ано вийрияаарамбхам̣ аад̣̇ивийрияам̣ д̣̇ассзд̇и. барамад̇т̇о вужжад̇и ниб̣б̣аанам̣, д̇асса бад̇д̇ияаа барамад̇т̇абад̇д̇ияаа. зд̇зна вийрияаарамбхзна бад̇д̇аб̣б̣апалам̣ д̣̇ассзд̇и. алийнажид̇д̇од̇и зд̇зна б̣алавийрияуубад̇т̇амбхаанам̣ жид̇д̇ажзд̇асигаанам̣ алийнад̇ам̣ д̣̇ассзд̇и. агусийд̇авуд̇д̇ийд̇и зд̇зна таанааасанажан̇гаманаад̣̇ийсу гааяасса анавасийд̣̇анам̣. д̣̇ал̣ханиггамод̇и зд̇зна ‘‘гаамам̣ д̇ажо жа нхаару жаа’’д̇и (ма. ни. 2.184; а. ни. 2.5; махаани. 196) звам̣ бавад̇д̇ам̣ бад̣̇аханавийрияам̣ д̣̇ассзд̇и, яам̣ д̇ам̣ анубуб̣б̣асигкаад̣̇ийсу бад̣̇аханд̇о ‘‘гааязна жзва барамасажжам̣ сажчигарод̇и, бан̃н̃ааяа жа нам̣ ад̇ивиж̇жха бассад̇ий’’д̇и вужжад̇и. ат̇а ваа зд̇зна маг̇г̇асамбаяуд̇д̇авийрияам̣ д̣̇ассзд̇и. д̇ан̃хи д̣̇ал̣хан̃жа бхааванаабаарибуурим̣ г̇ад̇ад̇д̇аа, ниггамо жа саб̣б̣асо бадибагкаа нигканд̇ад̇д̇аа, д̇асмаа д̇ам̣саман̇г̇ийбуг̇г̇алоби д̣̇ал̣хо ниггамо ассаад̇и ‘‘д̣̇ал̣ханиггамо’’д̇и вужжад̇и. т̇аамаб̣алуубабаннод̇и маг̇г̇агкан̣з гааяат̇аамзна н̃аан̣аб̣алзна жа убабанно, ат̇а ваа т̇аамабхууд̇зна б̣алзна убабаннод̇и т̇аамаб̣алуубабанно, т̇иран̃аан̣аб̣алуубабаннод̇и вуд̇д̇ам̣ ход̇и. зд̇зна д̇асса вийрияасса вибассанаан̃аан̣асамбаяог̇ам̣ д̣̇ийбзнд̇о яонисо бад̣̇аханабхаавам̣ саад̇хзд̇и. буб̣б̣абхааг̇амаж̇жхимауггадтавийрияавасзна ваа д̇аяоби баад̣̇аа яож̇зд̇аб̣б̣аа. сзсам̣ вуд̇д̇анаяамзваад̇и.

    Tattha āraddhaṃ vīriyamassāti āraddhaviriyo. Etena attano vīriyārambhaṃ ādivīriyaṃ dasseti. Paramattho vuccati nibbānaṃ, tassa pattiyā paramatthapattiyā. Etena vīriyārambhena pattabbaphalaṃ dasseti. Alīnacittoti etena balavīriyūpatthambhānaṃ cittacetasikānaṃ alīnataṃ dasseti. Akusītavuttīti etena ṭhānaāsanacaṅkamanādīsu kāyassa anavasīdanaṃ. Daḷhanikkamoti etena ‘‘kāmaṃ taco ca nhāru cā’’ti (ma. ni. 2.184; a. ni. 2.5; mahāni. 196) evaṃ pavattaṃ padahanavīriyaṃ dasseti, yaṃ taṃ anupubbasikkhādīsu padahanto ‘‘kāyena ceva paramasaccaṃ sacchikaroti, paññāya ca naṃ ativijjha passatī’’ti vuccati. Atha vā etena maggasampayuttavīriyaṃ dasseti. Tañhi daḷhañca bhāvanāpāripūriṃ gatattā, nikkamo ca sabbaso paṭipakkhā nikkhantattā, tasmā taṃsamaṅgīpuggalopi daḷho nikkamo assāti ‘‘daḷhanikkamo’’ti vuccati. Thāmabalūpapannoti maggakkhaṇe kāyathāmena ñāṇabalena ca upapanno, atha vā thāmabhūtena balena upapannoti thāmabalūpapanno, thirañāṇabalūpapannoti vuttaṃ hoti. Etena tassa vīriyassa vipassanāñāṇasampayogaṃ dīpento yoniso padahanabhāvaṃ sādheti. Pubbabhāgamajjhimaukkaṭṭhavīriyavasena vā tayopi pādā yojetabbā. Sesaṃ vuttanayamevāti.

    аарад̣̇д̇хавийрияаг̇аат̇ааван̣н̣анаа самад̇д̇аа.

    Āraddhavīriyagāthāvaṇṇanā samattā.

    69. бадисаллаананд̇и гаа уббад̇д̇и? имиссаа г̇аат̇ааяа ааваран̣аг̇аат̇ааяа уббад̇д̇исад̣̇исаа зва уббад̇д̇и, над̇т̇и гожи висзсо. ад̇т̇аван̣н̣анааяам̣ банассаа бадисаллаананд̇и д̇зхи д̇зхи сад̇д̇асан̇каарзхи бадинивад̇д̇ид̇ваа саллийнам̣ згад̇д̇асзвид̇аа згийбхааво, гааяавивзгод̇и ад̇т̇о. жхаананд̇и бажжанийгажхаабанад̇о аарамман̣алагкан̣уубаниж̇жхаанад̇о жа жид̇д̇авивзго вужжад̇и. д̇ад̇т̇а адтасамаабад̇д̇ияо нийваран̣аад̣̇ибажжанийгажхаабанад̇о аарамман̣уубаниж̇жхаанад̇о жа жхаананд̇и вужжад̇и, вибассанаамаг̇г̇апалаани сад̇д̇асан̃н̃аад̣̇ибажжанийгажхаабанад̇о, лагкан̣уубаниж̇жхаанад̇оязва жзд̇т̇а палаани. ид̇ха бана аарамман̣уубаниж̇жхаанамзва ад̇хиббзд̇ам̣. звамзд̇ам̣ бадисаллаанан̃жа жхаанан̃жа арин̃жамаано, аж̇ахамаано, аниссаж̇ж̇амаано. д̇хаммзсууд̇и вибассануубаг̇зсу бан̃жагканд̇хаад̣̇ид̇хаммзсу. нижжанд̇и сад̇ад̇ам̣, самид̇ам̣, аб̣бхогин̣н̣ам̣. ануд̇хаммажаарийд̇и д̇з д̇хаммз аараб̣бха бавад̇д̇амаанзна ануг̇ад̇ам̣ вибассанаад̇хаммам̣ жарамаано. ат̇а ваа д̇хаммаад̇и нава логуд̇д̇арад̇хаммаа, д̇зсам̣ д̇хаммаанам̣ ануломо д̇хаммод̇и ануд̇хаммо, вибассанааязд̇ам̣ ад̇хиважанам̣. д̇ад̇т̇а ‘‘д̇хаммаанам̣ нижжам̣ ануд̇хаммажаарий’’д̇и вад̇д̇аб̣б̣з г̇аат̇ааб̣анд̇хасукад̇т̇ам̣ вибхад̇д̇иб̣яад̇д̇аязна ‘‘д̇хаммзсуу’’д̇и вуд̇д̇ам̣ сияаа. аад̣̇ийнавам̣ саммасид̇аа бхавзсууд̇и д̇ааяа ануд̇хаммажарид̇аасан̇каад̇ааяа вибассанааяа анижжаагаараад̣̇ид̣̇осам̣ д̇ийсу бхавзсу саманубассанд̇о звам̣ имам̣ гааяавивзгажид̇д̇авивзгам̣ арин̃жамаано сикааббад̇д̇авибассанаасан̇каад̇ааяа бадибад̣̇ааяа ад̇хиг̇ад̇од̇и вад̇д̇аб̣б̣о зго жарзд̇и звам̣ яож̇анаа взд̣̇ид̇аб̣б̣аа.

    69.Paṭisallānanti kā uppatti? Imissā gāthāya āvaraṇagāthāya uppattisadisā eva uppatti, natthi koci viseso. Atthavaṇṇanāyaṃ panassā paṭisallānanti tehi tehi sattasaṅkhārehi paṭinivattitvā sallīnaṃ ekattasevitā ekībhāvo, kāyavivekoti attho. Jhānanti paccanīkajhāpanato ārammaṇalakkhaṇūpanijjhānato ca cittaviveko vuccati. Tattha aṭṭhasamāpattiyo nīvaraṇādipaccanīkajhāpanato ārammaṇūpanijjhānato ca jhānanti vuccati, vipassanāmaggaphalāni sattasaññādipaccanīkajhāpanato, lakkhaṇūpanijjhānatoyeva cettha phalāni. Idha pana ārammaṇūpanijjhānameva adhippetaṃ. Evametaṃ paṭisallānañca jhānañca ariñcamāno, ajahamāno, anissajjamāno. Dhammesūti vipassanūpagesu pañcakkhandhādidhammesu. Niccanti satataṃ, samitaṃ, abbhokiṇṇaṃ. Anudhammacārīti te dhamme ārabbha pavattamānena anugataṃ vipassanādhammaṃ caramāno. Atha vā dhammāti nava lokuttaradhammā, tesaṃ dhammānaṃ anulomo dhammoti anudhammo, vipassanāyetaṃ adhivacanaṃ. Tattha ‘‘dhammānaṃ niccaṃ anudhammacārī’’ti vattabbe gāthābandhasukhatthaṃ vibhattibyattayena ‘‘dhammesū’’ti vuttaṃ siyā. Ādīnavaṃ sammasitā bhavesūti tāya anudhammacaritāsaṅkhātāya vipassanāya aniccākārādidosaṃ tīsu bhavesu samanupassanto evaṃ imaṃ kāyavivekacittavivekaṃ ariñcamāno sikhāppattavipassanāsaṅkhātāya paṭipadāya adhigatoti vattabbo eko careti evaṃ yojanā veditabbā.

    бадисаллаанаг̇аат̇ааван̣н̣анаа самад̇д̇аа.

    Paṭisallānagāthāvaṇṇanā samattā.

    70. д̇ан̣хагкаяанд̇и гаа уббад̇д̇и? ан̃н̃ад̇аро гира б̣аараан̣асирааж̇аа махажжарааж̇аанубхаавзна наг̇арам̣ бад̣̇агкин̣ам̣ гарод̇и. д̇асса сарийрасобхааяа ааваддид̇ахад̣̇аяаа сад̇д̇аа бурад̇о г̇ажчанд̇ааби нивад̇д̇ид̇ваа д̇амзва уллогзнд̇и, бажчад̇о г̇ажчанд̇ааби, убхохи бассзхи г̇ажчанд̇ааби. багад̇ияаа зва хи б̣уд̣̇д̇хад̣̇ассанз бун̣н̣ажанд̣̇асамуд̣̇д̣̇арааж̇ад̣̇ассанз жа ад̇ид̇д̇о лого. ат̇а ан̃н̃ад̇араа гудумб̣ияабхарияааби убарибаасаад̣̇аг̇ад̇аа сийхабан̃ж̇арам̣ виварид̇ваа ологаяамаанаа адтааси. рааж̇аа д̇ам̣ д̣̇исваава бадиб̣ад̣̇д̇хажид̇д̇о худ̇ваа амажжам̣ аан̣аабзси – ‘‘ж̇аанаахи д̇аава, бхан̣з, аяам̣ ид̇т̇ий сасаамигаа ваа асаамигаа ваа’’д̇и. со г̇анд̇ваа ‘‘сасаамигаа’’д̇и аарожзси. ат̇а рааж̇аа жинд̇зси – ‘‘имаа вийсад̇исахассанаадагид̇т̇ияо д̣̇зважчарааяо вияа мам̣язва згам̣ абхирамзнд̇и, со д̣̇аанаахам̣ зд̇ааби ад̇усид̇ваа барасса ид̇т̇ияаа д̇ан̣хам̣ уббаад̣̇зсим̣, саа уббаннаа абааяамзва аагад̣дхад̇ий’’д̇и д̇ан̣хааяа аад̣̇ийнавам̣ д̣̇исваа ‘‘ханд̣̇а нам̣ ниг̇г̇ан̣хаамий’’д̇и раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа имам̣ уд̣̇аанаг̇аат̇ам̣ абхааси –

    70.Taṇhakkhayanti kā uppatti? Aññataro kira bārāṇasirājā mahaccarājānubhāvena nagaraṃ padakkhiṇaṃ karoti. Tassa sarīrasobhāya āvaṭṭitahadayā sattā purato gacchantāpi nivattitvā tameva ullokenti, pacchato gacchantāpi, ubhohi passehi gacchantāpi. Pakatiyā eva hi buddhadassane puṇṇacandasamuddarājadassane ca atitto loko. Atha aññatarā kuṭumbiyabhariyāpi uparipāsādagatā sīhapañjaraṃ vivaritvā olokayamānā aṭṭhāsi. Rājā taṃ disvāva paṭibaddhacitto hutvā amaccaṃ āṇāpesi – ‘‘jānāhi tāva, bhaṇe, ayaṃ itthī sasāmikā vā asāmikā vā’’ti. So gantvā ‘‘sasāmikā’’ti ārocesi. Atha rājā cintesi – ‘‘imā vīsatisahassanāṭakitthiyo devaccharāyo viya maṃyeva ekaṃ abhiramenti, so dānāhaṃ etāpi atusitvā parassa itthiyā taṇhaṃ uppādesiṃ, sā uppannā apāyameva ākaḍḍhatī’’ti taṇhāya ādīnavaṃ disvā ‘‘handa naṃ niggaṇhāmī’’ti rajjaṃ pahāya pabbajitvā vipassanto paccekabodhiṃ sacchikatvā imaṃ udānagāthaṃ abhāsi –

    ‘‘д̇ан̣хагкаяам̣ бад̇т̇аяамаббамад̇д̇о, анзл̣амууг̇о суд̇аваа сад̇иймаа;

    ‘‘Taṇhakkhayaṃ patthayamappamatto, aneḷamūgo sutavā satīmā;

    сан̇каад̇ад̇хаммо нияад̇о бад̇хаанаваа, зго жарз каг̇г̇ависаан̣агаббо’’д̇и.

    Saṅkhātadhammo niyato padhānavā, eko care khaggavisāṇakappo’’ti.

    д̇ад̇т̇а д̇ан̣хагкаяанд̇и ниб̣б̣аанам̣, звам̣ д̣̇идтаад̣̇ийнавааяа д̇ан̣хааяа зва аббавад̇д̇им̣. аббамад̇д̇од̇и саад̇ажжагаарий саггажжагаарий. анзл̣амууг̇од̇и алаалаамуко. ат̇а ваа анзл̣о жа амууг̇о жа, бан̣д̣ид̇о б̣яад̇д̇од̇и вуд̇д̇ам̣ ход̇и. хид̇асукасамбаабагам̣ суд̇амасса ад̇т̇ийд̇и суд̇аваа ааг̇амасамбаннод̇и вуд̇д̇ам̣ ход̇и. сад̇иймаад̇и жирагад̇аад̣̇ийнам̣ ануссарид̇аа. сан̇каад̇ад̇хаммод̇и д̇хаммубабаригкааяа барин̃н̃аад̇ад̇хаммо. нияад̇од̇и арияамаг̇г̇зна нияаамам̣ бад̇д̇о. бад̇хаанаваад̇и саммаббад̇хаанавийрияасамбанно. уббадибаадияаа зса баато яож̇зд̇аб̣б̣о. звамзд̇зхи аббамаад̣̇аад̣̇ийхи саманнааг̇ад̇о нияаамасамбаабагзна бад̇хаанзна бад̇хаанаваа, д̇зна бад̇хаанзна бад̇д̇анияаамад̇д̇аа нияад̇о, д̇ад̇о арахад̇д̇аббад̇д̇ияаа сан̇каад̇ад̇хаммо. арахаа хи буна сан̇каад̇аб̣б̣аабхаавад̇о ‘‘сан̇каад̇ад̇хаммо’’д̇и вужжад̇и. яат̇ааха ‘‘яз жа сан̇каад̇ад̇хаммаасз, яз жа сзкаа бут̇уу ид̇хаа’’д̇и (су. ни. 1044; жуул̣ани. аж̇ид̇амаан̣авабужчаанид̣̇д̣̇зса 7). сзсам̣ вуд̇д̇анаяамзваад̇и.

    Tattha taṇhakkhayanti nibbānaṃ, evaṃ diṭṭhādīnavāya taṇhāya eva appavattiṃ. Appamattoti sātaccakārī sakkaccakārī. Aneḷamūgoti alālāmukho. Atha vā aneḷo ca amūgo ca, paṇḍito byattoti vuttaṃ hoti. Hitasukhasampāpakaṃ sutamassa atthīti sutavā āgamasampannoti vuttaṃ hoti. Satīmāti cirakatādīnaṃ anussaritā. Saṅkhātadhammoti dhammupaparikkhāya pariññātadhammo. Niyatoti ariyamaggena niyāmaṃ patto. Padhānavāti sammappadhānavīriyasampanno. Uppaṭipāṭiyā esa pāṭho yojetabbo. Evametehi appamādādīhi samannāgato niyāmasampāpakena padhānena padhānavā, tena padhānena pattaniyāmattā niyato, tato arahattappattiyā saṅkhātadhammo. Arahā hi puna saṅkhātabbābhāvato ‘‘saṅkhātadhammo’’ti vuccati. Yathāha ‘‘ye ca saṅkhātadhammāse, ye ca sekhā puthū idhā’’ti (su. ni. 1044; cūḷani. ajitamāṇavapucchāniddesa 7). Sesaṃ vuttanayamevāti.

    д̇ан̣хагкаяаг̇аат̇ааван̣н̣анаа самад̇д̇аа.

    Taṇhakkhayagāthāvaṇṇanā samattā.

    71. сийхо ваад̇и гаа уббад̇д̇и? ан̃н̃ад̇арасса гира б̣аараан̣асиран̃н̃о д̣̇уурз уяяаанам̣ ход̇и. со баг̇зва вудтааяа уяяаанам̣ г̇ажчанд̇о анд̇араамаг̇г̇з яаанаа оруяха уд̣̇агадтаанам̣ убаг̇ад̇о ‘‘мукам̣ д̇ховиссаамий’’д̇и. д̇асмин̃жа бад̣̇зсз сийхий бод̇агам̣ ж̇анзд̇ваа г̇ожарааяа г̇ад̇аа. рааж̇абурисо д̇ам̣ д̣̇исваа ‘‘сийхабод̇аго д̣̇зваа’’д̇и аарожзси. рааж̇аа ‘‘сийхо гира на гассажи бхааяад̇ий’’д̇и д̇ам̣ убабаригкид̇ум̣ бхзриаад̣̇ийни аагодаабзси. сийхабод̇аго д̇ам̣ сад̣̇д̣̇ам̣ суд̇вааби д̇ат̇зва саяи. рааж̇аа яаавад̇ад̇ияагам̣ аагодаабзси, со д̇ад̇ияаваарз сийсам̣ угкибид̇ваа саб̣б̣ам̣ барисам̣ ологзд̇ваа д̇ат̇зва саяи. ат̇а рааж̇аа ‘‘яаавасса маад̇аа нааг̇ажчад̇и, д̇аава г̇ажчаамаа’’д̇и вад̇ваа г̇ажчанд̇о жинд̇зси – ‘‘д̇ам̣ д̣̇ивасам̣ ж̇аад̇оби сийхабод̇аго на санд̇асад̇и на бхааяад̇и, гуд̣̇аассу наамаахамби д̇ан̣хаад̣̇идтибарид̇аасам̣ чзд̇ваа на санд̇асзяяам̣ на бхааязяяа’’нд̇и. со д̇ам̣ аарамман̣ам̣ г̇ахзд̇ваа, г̇ажчанд̇о буна гзваддзхи мажчз г̇ахзд̇ваа саакаасу б̣анд̇хид̇ваа басаарид̇з ж̇аалз ваад̇ам̣ алаг̇г̇ам̣язва г̇ажчамаанам̣ д̣̇исваа, д̇амби нимид̇д̇ам̣ аг̇г̇ахзси – ‘‘гуд̣̇аассу наамаахамби д̇ан̣хаад̣̇идтиж̇аалам̣ мохаж̇аалам̣ ваа паалзд̇ваа звам̣ асаж̇ж̇амаано г̇ажчзяяа’’нд̇и.

    71.Sīho vāti kā uppatti? Aññatarassa kira bārāṇasirañño dūre uyyānaṃ hoti. So pageva vuṭṭhāya uyyānaṃ gacchanto antarāmagge yānā oruyha udakaṭṭhānaṃ upagato ‘‘mukhaṃ dhovissāmī’’ti. Tasmiñca padese sīhī potakaṃ janetvā gocarāya gatā. Rājapuriso taṃ disvā ‘‘sīhapotako devā’’ti ārocesi. Rājā ‘‘sīho kira na kassaci bhāyatī’’ti taṃ upaparikkhituṃ bheriādīni ākoṭāpesi. Sīhapotako taṃ saddaṃ sutvāpi tatheva sayi. Rājā yāvatatiyakaṃ ākoṭāpesi, so tatiyavāre sīsaṃ ukkhipitvā sabbaṃ parisaṃ oloketvā tatheva sayi. Atha rājā ‘‘yāvassa mātā nāgacchati, tāva gacchāmā’’ti vatvā gacchanto cintesi – ‘‘taṃ divasaṃ jātopi sīhapotako na santasati na bhāyati, kudāssu nāmāhampi taṇhādiṭṭhiparitāsaṃ chetvā na santaseyyaṃ na bhāyeyya’’nti. So taṃ ārammaṇaṃ gahetvā, gacchanto puna kevaṭṭehi macche gahetvā sākhāsu bandhitvā pasārite jāle vātaṃ alaggaṃyeva gacchamānaṃ disvā, tampi nimittaṃ aggahesi – ‘‘kudāssu nāmāhampi taṇhādiṭṭhijālaṃ mohajālaṃ vā phāletvā evaṃ asajjamāno gaccheyya’’nti.

    ат̇а уяяаанам̣ г̇анд̇ваа силаабаддабогкаран̣ид̇ийрз нисинно ваад̇аб̣бхаахад̇аани бад̣̇умаани онамид̇ваа уд̣̇агам̣ пусид̇ваа ваад̇авиг̇амз буна яат̇аатаанз тид̇аани уд̣̇агзна анубалид̇д̇аани д̣̇исваа д̇амби нимид̇д̇ам̣ аг̇г̇ахзси – ‘‘гуд̣̇аассу наамаахамби яат̇аа зд̇аани уд̣̇агз ж̇аад̇аани уд̣̇агзна анубалид̇д̇аани д̇идтанд̇и, звамзвам̣ логз ж̇аад̇о логзна анубалид̇д̇о д̇идтзяяа’’нд̇и. со бунаббунам̣ ‘‘яат̇аа сийхаваад̇абад̣̇умаани, звам̣ асанд̇асанд̇зна асаж̇ж̇амаанзна анубалид̇д̇зна бхавид̇аб̣б̣а’’нд̇и жинд̇зд̇ваа, раж̇ж̇ам̣ бахааяа баб̣б̣аж̇ид̇ваа, вибассанд̇о бажжзгаб̣од̇хим̣ сажчигад̇ваа имам̣ уд̣̇аанаг̇аат̇ам̣ абхааси –

    Atha uyyānaṃ gantvā silāpaṭṭapokkharaṇitīre nisinno vātabbhāhatāni padumāni onamitvā udakaṃ phusitvā vātavigame puna yathāṭhāne ṭhitāni udakena anupalittāni disvā tampi nimittaṃ aggahesi – ‘‘kudāssu nāmāhampi yathā etāni udake jātāni udakena anupalittāni tiṭṭhanti, evamevaṃ loke jāto lokena anupalitto tiṭṭheyya’’nti. So punappunaṃ ‘‘yathā sīhavātapadumāni, evaṃ asantasantena asajjamānena anupalittena bhavitabba’’nti cintetvā, rajjaṃ pahāya pabbajitvā, vipassanto paccekabodhiṃ sacchikatvā imaṃ udānagāthaṃ abhāsi –

    ‘‘сийхова сад̣̇д̣̇зсу асанд̇асанд̇о, ваад̇ова ж̇ааламхи асаж̇ж̇амаано;

    ‘‘Sīhova saddesu asantasanto, vātova jālamhi asajjamāno;

    бад̣̇умам̣ва д̇оязна алиббамаано, зго жарз каг̇г̇ависаан̣агаббо’’д̇и.

    Padumaṃva toyena alippamāno, eko care khaggavisāṇakappo’’ti.

    д̇ад̇т̇а сийход̇и жад̇д̇ааро сийхаа – д̇ин̣асийхо, бан̣д̣усийхо, гаал̣асийхо, гзсарасийход̇и. гзсарасийхо д̇зсам̣ аг̇г̇амагкааяад̇и. сова ид̇ха ад̇хиббзд̇о. ваад̇о бурад̇т̇имаад̣̇ивасзна анзгавид̇хо, бад̣̇умам̣ рад̇д̇асзд̇аад̣̇ивасзна. д̇зсу яо гожи ваад̇о яам̣гин̃жи бад̣̇уман̃жа ваддад̇иязва. д̇ад̇т̇а яасмаа санд̇аасо ад̇д̇асинзхзна ход̇и, ад̇д̇асинзхо жа д̇ан̣хаалзбо, соби д̣̇идтисамбаяуд̇д̇зна ваа д̣̇идтивиббаяуд̇д̇зна ваа лобхзна ход̇и, со жа д̇ан̣хааязва. саж̇ж̇анам̣ бана д̇ад̇т̇а убабаригкаавирахид̇асса мохзна ход̇и, мохо жа авиж̇ж̇аа. д̇ад̇т̇а самат̇зна д̇ан̣хааяа бахаанам̣ ход̇и, вибассанааяа, авиж̇ж̇ааяа. д̇асмаа самат̇зна ад̇д̇асинзхам̣ бахааяа сийхова сад̣̇д̣̇зсу анижжаад̣̇ийсу асанд̇асанд̇о, вибассанааяа мохам̣ бахааяа ваад̇ова ж̇ааламхи канд̇хааяад̇анаад̣̇ийсу асаж̇ж̇амаано, самат̇знзва лобхам̣ лобхасамбаяуд̇д̇ам̣ зва д̣̇идтин̃жа бахааяа, бад̣̇умам̣ва д̇оязна саб̣б̣абхавабхог̇алобхзна алиббамаано. зд̇т̇а жа самат̇асса сийлам̣ бад̣̇адтаанам̣, самат̇о самаад̇хи, вибассанаа бан̃н̃аад̇и. звам̣ д̇зсу д̣̇вийсу д̇хаммзсу сид̣̇д̇хзсу д̇аяоби канд̇хаа сид̣̇д̇хаа хонд̇и. д̇ад̇т̇а сийлагканд̇хзна сурад̇о ход̇и. со сийхова сад̣̇д̣̇зсу аагхаад̇авад̇т̇уусу гуж̇жхид̇угаамад̇ааяа на санд̇асад̇и. бан̃н̃аагканд̇хзна бадивид̣̇д̇хасабхааво ваад̇ова ж̇ааламхи канд̇хаад̣̇ид̇хаммабхзд̣̇з на саж̇ж̇ад̇и, самаад̇хигканд̇хзна вийд̇арааг̇о бад̣̇умам̣ва д̇оязна рааг̇зна на либбад̇и. звам̣ самат̇авибассанаахи сийласамаад̇хибан̃н̃аагканд̇хзхи жа яат̇аасамбхавам̣ авиж̇ж̇аад̇ан̣хаанам̣ д̇ин̣н̣ан̃жа агусаламуулаанам̣ бахаанавасзна асанд̇асанд̇о асаж̇ж̇амаано алиббамаано жа взд̣̇ид̇аб̣б̣о. сзсам̣ вуд̇д̇анаяамзваад̇и.

    Tattha sīhoti cattāro sīhā – tiṇasīho, paṇḍusīho, kāḷasīho, kesarasīhoti. Kesarasīho tesaṃ aggamakkhāyati. Sova idha adhippeto. Vāto puratthimādivasena anekavidho, padumaṃ rattasetādivasena. Tesu yo koci vāto yaṃkiñci padumañca vaṭṭatiyeva. Tattha yasmā santāso attasinehena hoti, attasineho ca taṇhālepo, sopi diṭṭhisampayuttena vā diṭṭhivippayuttena vā lobhena hoti, so ca taṇhāyeva. Sajjanaṃ pana tattha upaparikkhāvirahitassa mohena hoti, moho ca avijjā. Tattha samathena taṇhāya pahānaṃ hoti, vipassanāya, avijjāya. Tasmā samathena attasinehaṃ pahāya sīhova saddesu aniccādīsu asantasanto, vipassanāya mohaṃ pahāya vātova jālamhi khandhāyatanādīsu asajjamāno, samatheneva lobhaṃ lobhasampayuttaṃ eva diṭṭhiñca pahāya, padumaṃva toyena sabbabhavabhogalobhena alippamāno. Ettha ca samathassa sīlaṃ padaṭṭhānaṃ, samatho samādhi, vipassanā paññāti. Evaṃ tesu dvīsu dhammesu siddhesu tayopi khandhā siddhā honti. Tattha sīlakkhandhena surato hoti. So sīhova saddesu āghātavatthūsu kujjhitukāmatāya na santasati. Paññākkhandhena paṭividdhasabhāvo vātova jālamhi khandhādidhammabhede na sajjati, samādhikkhandhena vītarāgo padumaṃva toyena rāgena na lippati. Evaṃ samathavipassanāhi sīlasamādhipaññākkhandhehi ca yathāsambhavaṃ avijjātaṇhānaṃ tiṇṇañca akusalamūlānaṃ pahānavasena asantasanto asajjamāno alippamāno ca veditabbo. Sesaṃ vuttanayamevāti.

    асанд̇асанд̇аг̇аат̇ааван̣н̣анаа самад̇д̇аа.

    Asantasantagāthāvaṇṇanā samattā.

    72. сийхо яат̇аад̇и гаа уббад̇д̇и? ан̃н̃ад̇аро гира б̣аараан̣асирааж̇аа бажжанд̇ам̣ губбид̇ам̣ вуубасамзд̇ум̣ г̇аамаануг̇аамимаг̇г̇ам̣ чад̣д̣зд̇ваа, уж̇ум̣ адавимаг̇г̇ам̣ г̇ахзд̇ваа, махад̇ияаа сзнааяа г̇ажчад̇и. д̇зна жа самаязна ан̃н̃ад̇арасмим̣ баб̣б̣ад̇абаад̣̇з сийхо б̣ааласуурияаад̇абам̣ д̇аббамаано нибанно ход̇и. д̇ам̣ д̣̇исваа рааж̇абурисо ран̃н̃о аарожзси. рааж̇аа ‘‘сийхо гира сад̣̇д̣̇зна на санд̇асад̇ий’’д̇и бхзрисан̇кабан̣аваад̣̇ийхи сад̣̇д̣̇ам̣ гаараабзси. сийхо д̇ат̇зва нибаж̇ж̇и. д̣̇уд̇ияамби гаараабзси. сийхо д̇ат̇зва нибаж̇ж̇и. д̇ад̇ияамби гаараабзси. сийхо ‘‘мама бадисад̇д̇у ад̇т̇ий’’д̇и жад̇уухи баад̣̇зхи суббад̇идтид̇ам̣ бад̇идтахид̇ваа сийханаад̣̇ам̣ над̣̇и. д̇ам̣ суд̇ваава хад̇т̇аарохаад̣̇аяо хад̇т̇иаад̣̇ийхи орохид̇ваа д̇ин̣аг̇аханаани бавидтаа, хад̇т̇иассаг̇ан̣аа д̣̇исаавид̣̇исаа балаад̇аа. ран̃н̃о хад̇т̇ийби рааж̇аанам̣ г̇ахзд̇ваа ванаг̇аханаани бот̇аяамаано балааяи. со д̇ам̣ санд̇хаарзд̇ум̣ асаггонд̇о ругкасаакааяа оламб̣ид̇ваа , бат̇авим̣ бад̇ид̇ваа, згабад̣̇игамаг̇г̇зна г̇ажчанд̇о бажжзгаб̣уд̣̇д̇хаанам̣ васанадтаанам̣ баабун̣ид̇ваа д̇ад̇т̇а бажжзгаб̣уд̣̇д̇хз бужчи – ‘‘аби, бханд̇з, сад̣̇д̣̇амассуд̇т̇аа’’д̇и? ‘‘аама, махаарааж̇аа’’д̇и. ‘‘гасса сад̣̇д̣̇ам̣, бханд̇з’’д̇и? ‘‘батамам̣ бхзрисан̇каад̣̇ийнам̣, бажчаа сийхассаа’’д̇и. ‘‘на бхааяид̇т̇а, бханд̇з’’д̇и? ‘‘на маяам̣, махаарааж̇а, гассажи сад̣̇д̣̇асса бхааяаамаа’’д̇и. ‘‘саггаа бана, бханд̇з, маяхамби зд̣̇исам̣ гаад̇у’’нд̇и? ‘‘саггаа, махаарааж̇а, сажз баб̣б̣аж̇асий’’д̇и. ‘‘баб̣б̣аж̇аами, бханд̇з’’д̇и. д̇ад̇о нам̣ баб̣б̣ааж̇зд̇ваа буб̣б̣з вуд̇д̇анаязнзва аабхисамаажааригам̣ сигкаабзсум̣. соби буб̣б̣з вуд̇д̇анаязнзва вибассанд̇о бажжзгаб̣од̇хим̣ сажчигад̇ваа имам̣ уд̣̇аанаг̇аат̇ам̣ абхааси –

    72.Sīho yathāti kā uppatti? Aññataro kira bārāṇasirājā paccantaṃ kuppitaṃ vūpasametuṃ gāmānugāmimaggaṃ chaḍḍetvā, ujuṃ aṭavimaggaṃ gahetvā, mahatiyā senāya gacchati. Tena ca samayena aññatarasmiṃ pabbatapāde sīho bālasūriyātapaṃ tappamāno nipanno hoti. Taṃ disvā rājapuriso rañño ārocesi. Rājā ‘‘sīho kira saddena na santasatī’’ti bherisaṅkhapaṇavādīhi saddaṃ kārāpesi. Sīho tatheva nipajji. Dutiyampi kārāpesi. Sīho tatheva nipajji. Tatiyampi kārāpesi. Sīho ‘‘mama paṭisattu atthī’’ti catūhi pādehi suppatiṭṭhitaṃ patiṭṭhahitvā sīhanādaṃ nadi. Taṃ sutvāva hatthārohādayo hatthiādīhi orohitvā tiṇagahanāni paviṭṭhā, hatthiassagaṇā disāvidisā palātā. Rañño hatthīpi rājānaṃ gahetvā vanagahanāni pothayamāno palāyi. So taṃ sandhāretuṃ asakkonto rukkhasākhāya olambitvā , pathaviṃ patitvā, ekapadikamaggena gacchanto paccekabuddhānaṃ vasanaṭṭhānaṃ pāpuṇitvā tattha paccekabuddhe pucchi – ‘‘api, bhante, saddamassutthā’’ti? ‘‘Āma, mahārājā’’ti. ‘‘Kassa saddaṃ, bhante’’ti? ‘‘Paṭhamaṃ bherisaṅkhādīnaṃ, pacchā sīhassā’’ti. ‘‘Na bhāyittha, bhante’’ti? ‘‘Na mayaṃ, mahārāja, kassaci saddassa bhāyāmā’’ti. ‘‘Sakkā pana, bhante, mayhampi edisaṃ kātu’’nti? ‘‘Sakkā, mahārāja, sace pabbajasī’’ti. ‘‘Pabbajāmi, bhante’’ti. Tato naṃ pabbājetvā pubbe vuttanayeneva ābhisamācārikaṃ sikkhāpesuṃ. Sopi pubbe vuttanayeneva vipassanto paccekabodhiṃ sacchikatvā imaṃ udānagāthaṃ abhāsi –

    ‘‘сийхо яат̇аа д̣̇аатаб̣алий басаяха, рааж̇аа миг̇аанам̣ абхибхуяяа жаарий;

    ‘‘Sīho yathā dāṭhabalī pasayha, rājā migānaṃ abhibhuyya cārī;

    сзвзт̇а банд̇аани сзнаасанаани, зго жарз каг̇г̇ависаан̣агаббо’’д̇и.

    Sevetha pantāni senāsanāni, eko care khaggavisāṇakappo’’ti.

    д̇ад̇т̇а саханаа жа хананаа жа сийгхаж̇авад̇д̇аа жа сийхо. гзсарасийхова ид̇ха ад̇хиббзд̇о. д̣̇аатаа б̣аламасса ад̇т̇ийд̇и д̣̇аатаб̣алий. басаяха абхибхуяяаад̇и, убхаяам̣ жаарийсад̣̇д̣̇зна саха яож̇зд̇аб̣б̣ам̣ басаяхажаарий абхибхуяяажаарийд̇и д̇ад̇т̇а басаяха ниг̇г̇ахзд̇ваа жаран̣зна басаяхажаарий, абхибхавид̇ваа, санд̇аасзд̇ваа, васийгад̇ваа, жаран̣зна абхибхуяяажаарий. свааяам̣ гааяаб̣алзна басаяхажаарий, д̇зж̇асаа абхибхуяяажаарий. д̇ад̇т̇а сажз гожи вад̣̇зяяа – ‘‘гим̣ басаяха абхибхуяяа жаарий’’д̇и, д̇ад̇о миг̇аананд̇и саамиважанам̣ убаяог̇аважанам̣ гад̇ваа ‘‘миг̇з басаяха абхибхуяяа жаарий’’д̇и бадивад̇д̇аб̣б̣ам̣. банд̇аанийд̇и д̣̇уураани. сзнаасанаанийд̇и васанадтаанаани. сзсам̣ буб̣б̣з вуд̇д̇анаязнзва саггаа ж̇аанид̇унд̇и на вид̇т̇аарид̇анд̇и.

    Tattha sahanā ca hananā ca sīghajavattā ca sīho. Kesarasīhova idha adhippeto. Dāṭhā balamassa atthīti dāṭhabalī. Pasayha abhibhuyyāti, ubhayaṃ cārīsaddena saha yojetabbaṃ pasayhacārī abhibhuyyacārīti tattha pasayha niggahetvā caraṇena pasayhacārī, abhibhavitvā, santāsetvā, vasīkatvā, caraṇena abhibhuyyacārī. Svāyaṃ kāyabalena pasayhacārī, tejasā abhibhuyyacārī. Tattha sace koci vadeyya – ‘‘kiṃ pasayha abhibhuyya cārī’’ti, tato migānanti sāmivacanaṃ upayogavacanaṃ katvā ‘‘mige pasayha abhibhuyya cārī’’ti paṭivattabbaṃ. Pantānīti dūrāni. Senāsanānīti vasanaṭṭhānāni. Sesaṃ pubbe vuttanayeneva sakkā jānitunti na vitthāritanti.

    д̣̇аатаб̣алийг̇аат̇ааван̣н̣анаа самад̇д̇аа.

    Dāṭhabalīgāthāvaṇṇanā samattā.

    73. мзд̇д̇ам̣ убзгканд̇и гаа уббад̇д̇и? ан̃н̃ад̇аро гира рааж̇аа мзд̇д̇аад̣̇ижхааналаабхий ахоси. со ‘‘жхаанасуканд̇арааяагарам̣ раж̇ж̇а’’нд̇и жхаанаанурагкан̣ад̇т̇ам̣ раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа, имам̣ уд̣̇аанаг̇аат̇ам̣ абхааси –

    73.Mettaṃ upekkhanti kā uppatti? Aññataro kira rājā mettādijhānalābhī ahosi. So ‘‘jhānasukhantarāyakaraṃ rajja’’nti jhānānurakkhaṇatthaṃ rajjaṃ pahāya pabbajitvā vipassanto paccekabodhiṃ sacchikatvā, imaṃ udānagāthaṃ abhāsi –

    мзд̇д̇ам̣ убзгкам̣ гарун̣ам̣ вимуд̇д̇им̣, аасзвамаано муд̣̇ид̇ан̃жа гаалз;

    Mettaṃ upekkhaṃ karuṇaṃ vimuttiṃ, āsevamāno muditañca kāle;

    саб̣б̣зна логзна авируж̇жхамаано, зго жарз каг̇г̇ависаан̣агаббо’’д̇и.

    Sabbena lokena avirujjhamāno, eko care khaggavisāṇakappo’’ti.

    д̇ад̇т̇а ‘‘саб̣б̣з сад̇д̇аа сукид̇аа хонд̇уу’’д̇иаад̣̇инаа наязна хид̇асукубанаяанагаамад̇аа мзд̇д̇аа. ‘‘ахо вад̇а имамхаа д̣̇угкаа вимужжзяяу’’нд̇иаад̣̇инаа наязна ахид̇ад̣̇угкаабанаяанагаамад̇аа гарун̣аа. ‘‘мод̣̇анд̇и вад̇а бхонд̇о сад̇д̇аа мод̣̇анд̇и саад̇ху судтуу’’д̇иаад̣̇инаа наязна хид̇асукаавиббаяог̇агаамад̇аа муд̣̇ид̇аа. ‘‘бан̃н̃ааяиссанд̇и сагзна гаммзнаа’’д̇и сукад̣̇угкзсу аж̇жхубзгканад̇аа убзгкаа. г̇аат̇ааб̣анд̇хасукад̇т̇ам̣ бана уббадибаадияаа мзд̇д̇ам̣ вад̇ваа убзгкаа вуд̇д̇аа, муд̣̇ид̇аа бажчаа. вимуд̇д̇инд̇и жад̇ассоби хи зд̇аа ад̇д̇ано бажжанийгад̇хаммзхи вимуд̇д̇ад̇д̇аа вимуд̇д̇ияо. д̇зна вуд̇д̇ам̣ ‘‘мзд̇д̇ам̣ убзгкам̣ гарун̣ам̣, вимуд̇д̇им̣, аасзвамаано муд̣̇ид̇ан̃жа гаалз’’д̇и.

    Tattha ‘‘sabbe sattā sukhitā hontū’’tiādinā nayena hitasukhupanayanakāmatā mettā. ‘‘Aho vata imamhā dukkhā vimucceyyu’’ntiādinā nayena ahitadukkhāpanayanakāmatā karuṇā. ‘‘Modanti vata bhonto sattā modanti sādhu suṭṭhū’’tiādinā nayena hitasukhāvippayogakāmatā muditā. ‘‘Paññāyissanti sakena kammenā’’ti sukhadukkhesu ajjhupekkhanatā upekkhā. Gāthābandhasukhatthaṃ pana uppaṭipāṭiyā mettaṃ vatvā upekkhā vuttā, muditā pacchā. Vimuttinti catassopi hi etā attano paccanīkadhammehi vimuttattā vimuttiyo. Tena vuttaṃ ‘‘mettaṃ upekkhaṃ karuṇaṃ, vimuttiṃ, āsevamāno muditañca kāle’’ti.

    д̇ад̇т̇а аасзвамаанод̇и д̇иссо д̇игажад̇уггаж̇жхаанавасзна, убзгкам̣ жад̇уд̇т̇аж̇жхаанавасзна бхааваяамаано. гаалзд̇и мзд̇д̇ам̣ аасзвид̇ваа д̇ад̇о вудтааяа гарун̣ам̣, д̇ад̇о вудтааяа муд̣̇ид̇ам̣, д̇ад̇о ид̇арад̇о ваа ниббийд̇игажхаанад̇о вудтааяа убзгкам̣ аасзвамаано ‘‘гаалз аасзвамаано’’д̇и вужжад̇и, аасзвид̇ум̣ паасугаалз ваа. саб̣б̣зна логзна авируж̇жхамаанод̇и д̣̇асасу д̣̇исаасу саб̣б̣зна сад̇д̇алогзна авируж̇жхамаано. мзд̇д̇аад̣̇ийнан̃хи бхаавид̇ад̇д̇аа сад̇д̇аа аббадигуулаа хонд̇и. сад̇д̇зсу жа вирод̇хабхууд̇о бадигхо вуубасаммад̇и. д̇зна вуд̇д̇ам̣ – ‘‘саб̣б̣зна логзна авируж̇жхамаано’’д̇и. аяамзд̇т̇а сан̇кзбо, вид̇т̇аарзна бана мзд̇д̇аад̣̇игат̇аа адтасаалинияаа д̇хаммасан̇г̇ахадтагат̇ааяам̣ (д̇ха. са. адта. 251) вуд̇д̇аа. сзсам̣ буб̣б̣авуд̇д̇асад̣̇исамзваад̇и.

    Tattha āsevamānoti tisso tikacatukkajjhānavasena, upekkhaṃ catutthajjhānavasena bhāvayamāno. Kāleti mettaṃ āsevitvā tato vuṭṭhāya karuṇaṃ, tato vuṭṭhāya muditaṃ, tato itarato vā nippītikajhānato vuṭṭhāya upekkhaṃ āsevamāno ‘‘kāle āsevamāno’’ti vuccati, āsevituṃ phāsukāle vā. Sabbena lokena avirujjhamānoti dasasu disāsu sabbena sattalokena avirujjhamāno. Mettādīnañhi bhāvitattā sattā appaṭikūlā honti. Sattesu ca virodhabhūto paṭigho vūpasammati. Tena vuttaṃ – ‘‘sabbena lokena avirujjhamāno’’ti. Ayamettha saṅkhepo, vitthārena pana mettādikathā aṭṭhasāliniyā dhammasaṅgahaṭṭhakathāyaṃ (dha. sa. aṭṭha. 251) vuttā. Sesaṃ pubbavuttasadisamevāti.

    аббаман̃н̃ааг̇аат̇ааван̣н̣анаа самад̇д̇аа.

    Appamaññāgāthāvaṇṇanā samattā.

    74. рааг̇ан̃жа д̣̇осан̃жаад̇и гаа уббад̇д̇и? рааж̇аг̇ахам̣ гира убаниссааяа маад̇ан̇г̇о наама бажжзгаб̣уд̣̇д̇хо вихарад̇и саб̣б̣абажчимо бажжзгаб̣уд̣̇д̇хаанам̣. ат̇а амхаагам̣ б̣од̇хисад̇д̇з уббаннз д̣̇звад̇ааяо б̣од̇хисад̇д̇асса бууж̇анад̇т̇ааяа ааг̇ажчанд̇ияо д̇ам̣ д̣̇исваа ‘‘маарисаа, маарисаа, б̣уд̣̇д̇хо логз уббанно’’д̇и бхан̣им̣су . со нирод̇хаа вудтаханд̇о д̇ам̣ сад̣̇д̣̇ам̣ суд̇ваа, ад̇д̇ано жа ж̇ийвид̇агкаяам̣ д̣̇исваа, химаванд̇з махаабабаад̇о наама баб̣б̣ад̇о бажжзгаб̣уд̣̇д̇хаанам̣ бариниб̣б̣аанадтаанам̣, д̇ад̇т̇а аагаасзна г̇анд̇ваа буб̣б̣з бариниб̣б̣уд̇абажжзгаб̣уд̣̇д̇хасса адтисан̇гхаад̇ам̣ бабаад̇з багкибид̇ваа, силаад̇алз нисийд̣̇ид̇ваа имам̣ уд̣̇аанаг̇аат̇ам̣ абхааси –

    74.Rāgañca dosañcāti kā uppatti? Rājagahaṃ kira upanissāya mātaṅgo nāma paccekabuddho viharati sabbapacchimo paccekabuddhānaṃ. Atha amhākaṃ bodhisatte uppanne devatāyo bodhisattassa pūjanatthāya āgacchantiyo taṃ disvā ‘‘mārisā, mārisā, buddho loke uppanno’’ti bhaṇiṃsu . So nirodhā vuṭṭhahanto taṃ saddaṃ sutvā, attano ca jīvitakkhayaṃ disvā, himavante mahāpapāto nāma pabbato paccekabuddhānaṃ parinibbānaṭṭhānaṃ, tattha ākāsena gantvā pubbe parinibbutapaccekabuddhassa aṭṭhisaṅghātaṃ papāte pakkhipitvā, silātale nisīditvā imaṃ udānagāthaṃ abhāsi –

    ‘‘рааг̇ан̃жа д̣̇осан̃жа бахааяа мохам̣, санд̣̇аалаяид̇ваана сам̣яож̇анаани;

    ‘‘Rāgañca dosañca pahāya mohaṃ, sandālayitvāna saṃyojanāni;

    асанд̇асам̣ ж̇ийвид̇асан̇каяамхи, зго жарз каг̇г̇ависаан̣агаббо’’д̇и.

    Asantasaṃ jīvitasaṅkhayamhi, eko care khaggavisāṇakappo’’ti.

    д̇ад̇т̇а рааг̇ад̣̇осамохаа ураг̇асуд̇д̇з вуд̇д̇аа. сам̣яож̇анаанийд̇и д̣̇аса сам̣яож̇анаани. д̇аани жа д̇зна д̇зна маг̇г̇зна санд̣̇аалаяид̇ваа. асанд̇асам̣ ж̇ийвид̇асан̇каяамхийд̇и ж̇ийвид̇асан̇каяо вужжад̇и жуд̇ижид̇д̇асса барибхзд̣̇о, д̇асмин̃жа ж̇ийвид̇асан̇каяз ж̇ийвид̇аниганд̇ияаа бахийнад̇д̇аа асанд̇асанд̇и. зд̇д̇аавад̇аа собаад̣̇исзсам̣ ниб̣б̣аанад̇хаад̇ум̣ ад̇д̇ано д̣̇ассзд̇ваа г̇аат̇аабарияосаанз анубаад̣̇исзсааяа ниб̣б̣аанад̇хаад̇уяаа бариниб̣б̣ааяийд̇и.

    Tattha rāgadosamohā uragasutte vuttā. Saṃyojanānīti dasa saṃyojanāni. Tāni ca tena tena maggena sandālayitvā. Asantasaṃ jīvitasaṅkhayamhīti jīvitasaṅkhayo vuccati cuticittassa paribhedo, tasmiñca jīvitasaṅkhaye jīvitanikantiyā pahīnattā asantasanti. Ettāvatā sopādisesaṃ nibbānadhātuṃ attano dassetvā gāthāpariyosāne anupādisesāya nibbānadhātuyā parinibbāyīti.

    ж̇ийвид̇асан̇каяаг̇аат̇ааван̣н̣анаа самад̇д̇аа.

    Jīvitasaṅkhayagāthāvaṇṇanā samattā.

    75. бхаж̇анд̇ийд̇и гаа уббад̇д̇и? б̣аараан̣асияам̣ гира ан̃н̃ад̇аро рааж̇аа аад̣̇иг̇аат̇ааяа вуд̇д̇аббагаарамзва пийд̇ам̣ раж̇ж̇ам̣ саманусаасад̇и. д̇асса каро ааб̣аад̇хо уббаж̇ж̇и, д̣̇угкаа взд̣̇анаа вад̇д̇анд̇и. вийсад̇исахассид̇т̇ияо бариваарзд̇ваа хад̇т̇абаад̣̇асамб̣ааханаад̣̇ийни гаронд̇и. амажжаа ‘‘на д̣̇аанааяам̣ рааж̇аа ж̇ийвиссад̇и, ханд̣̇а маяам̣ ад̇д̇ано саран̣ам̣ г̇авзсаамаа’’д̇и жинд̇зд̇ваа ан̃н̃асса ран̃н̃о санд̇игам̣ г̇анд̇ваа убадтаанам̣ яаажим̣су. д̇з д̇ад̇т̇а убадтаханд̇иязва, на гин̃жи лабханд̇и. рааж̇ааби ааб̣аад̇хаа вудтахид̇ваа бужчи ‘‘ид̇т̇аннаамо жа ид̇т̇аннаамо жа гухи’’нд̇и? д̇ад̇о д̇ам̣ бавад̇д̇им̣ суд̇ваа сийсам̣ жаалзд̇ваа д̇ун̣хий ахоси. д̇зби амажжаа ‘‘рааж̇аа вудтид̇о’’д̇и суд̇ваа д̇ад̇т̇а гин̃жи алабхамаанаа барамзна баариж̇ун̃н̃зна саманнааг̇ад̇аа бунад̣̇зва ааг̇анд̇ваа рааж̇аанам̣ ванд̣̇ид̇ваа згаманд̇ам̣ адтам̣су. д̇зна жа ран̃н̃аа ‘‘гухим̣, д̇аад̇аа, д̇умхз г̇ад̇аа’’д̇и вуд̇д̇аа аахам̣су – ‘‘д̣̇звам̣ д̣̇уб̣б̣алам̣ д̣̇исваа ааж̇ийвигабхаязнамхаа асугам̣ наама ж̇анабад̣̇ам̣ г̇ад̇аа’’д̇и. рааж̇аа сийсам̣ жаалзд̇ваа жинд̇зси – ‘‘яам̣нуунаахам̣ имз виймам̣сзяяам̣, гим̣ бунаби звам̣ гарзяяум̣ но’’д̇и? со буб̣б̣з ааб̣аад̇хигарог̇зна пудто вияа б̣аал̣хавзд̣̇анам̣ ад̇д̇аанам̣ д̣̇ассзнд̇о г̇илаанаалаяам̣ агааси. ид̇т̇ияо самбариваарзд̇ваа буб̣б̣асад̣̇исамзва саб̣б̣ам̣ агам̣су. д̇зби амажжаа д̇ат̇зва буна б̣ахуд̇арам̣ ж̇анам̣ г̇ахзд̇ваа баггамим̣су. звам̣ рааж̇аа яаавад̇ад̇ияам̣ саб̣б̣ам̣ буб̣б̣асад̣̇исам̣ агааси. д̇зби д̇ат̇зва баггамим̣су. д̇ад̇о жад̇уд̇т̇амби д̇з ааг̇ад̇з д̣̇исваа ‘‘ахо имз д̣̇уггарам̣ агам̣су, яз мам̣ б̣яаад̇хид̇ам̣ бахааяа анабзгкаа баггамим̣суу’’д̇и ниб̣б̣инно раж̇ж̇ам̣ бахааяа баб̣б̣аж̇ид̇ваа вибассанд̇о бажжзгаб̣од̇хим̣ сажчигад̇ваа имам̣ уд̣̇аанаг̇аат̇ам̣ абхааси –

    75.Bhajantīti kā uppatti? Bārāṇasiyaṃ kira aññataro rājā ādigāthāya vuttappakārameva phītaṃ rajjaṃ samanusāsati. Tassa kharo ābādho uppajji, dukkhā vedanā vattanti. Vīsatisahassitthiyo parivāretvā hatthapādasambāhanādīni karonti. Amaccā ‘‘na dānāyaṃ rājā jīvissati, handa mayaṃ attano saraṇaṃ gavesāmā’’ti cintetvā aññassa rañño santikaṃ gantvā upaṭṭhānaṃ yāciṃsu. Te tattha upaṭṭhahantiyeva, na kiñci labhanti. Rājāpi ābādhā vuṭṭhahitvā pucchi ‘‘itthannāmo ca itthannāmo ca kuhi’’nti? Tato taṃ pavattiṃ sutvā sīsaṃ cāletvā tuṇhī ahosi. Tepi amaccā ‘‘rājā vuṭṭhito’’ti sutvā tattha kiñci alabhamānā paramena pārijuññena samannāgatā punadeva āgantvā rājānaṃ vanditvā ekamantaṃ aṭṭhaṃsu. Tena ca raññā ‘‘kuhiṃ, tātā, tumhe gatā’’ti vuttā āhaṃsu – ‘‘devaṃ dubbalaṃ disvā ājīvikabhayenamhā asukaṃ nāma janapadaṃ gatā’’ti. Rājā sīsaṃ cāletvā cintesi – ‘‘yaṃnūnāhaṃ ime vīmaṃseyyaṃ, kiṃ punapi evaṃ kareyyuṃ no’’ti? So pubbe ābādhikarogena phuṭṭho viya bāḷhavedanaṃ attānaṃ dassento gilānālayaṃ akāsi. Itthiyo samparivāretvā pubbasadisameva sabbaṃ akaṃsu. Tepi amaccā tatheva puna bahutaraṃ janaṃ gahetvā pakkamiṃsu. Evaṃ rājā yāvatatiyaṃ sabbaṃ pubbasadisaṃ akāsi. Tepi tatheva pakkamiṃsu. Tato catutthampi te āgate disvā ‘‘aho ime dukkaraṃ akaṃsu, ye maṃ byādhitaṃ pahāya anapekkhā pakkamiṃsū’’ti nibbinno rajjaṃ pahāya pabbajitvā vipassanto paccekabodhiṃ sacchikatvā imaṃ udānagāthaṃ abhāsi –

    ‘‘бхаж̇анд̇и сзванд̇и жа гааран̣ад̇т̇аа, ниггааран̣аа д̣̇уллабхаа аж̇ж̇а мид̇д̇аа;

    ‘‘Bhajanti sevanti ca kāraṇatthā, nikkāraṇā dullabhā ajja mittā;

    ад̇д̇адтабан̃н̃аа асужий мануссаа, зго жарз каг̇г̇ависаан̣агаббо’’д̇и.

    Attaṭṭhapaññā asucī manussā, eko care khaggavisāṇakappo’’ti.

    д̇ад̇т̇а бхаж̇анд̇ийд̇и сарийрзна аллийяид̇ваа баяирубаасанд̇и. сзванд̇ийд̇и ан̃ж̇алигаммаад̣̇ийхи гим̣ гаарабадиссаавид̇ааяа жа барижаранд̇и. гааран̣ам̣ ад̇т̇о зд̇зсанд̇и гааран̣ад̇т̇аа, бхаж̇анааяа сзванааяа жа наан̃н̃ам̣ гааран̣амад̇т̇и, ад̇т̇о зва нзсам̣ гааран̣ам̣, ад̇т̇ахзд̇у сзванд̇ийд̇и вуд̇д̇ам̣ ход̇и. ниггааран̣аа д̣̇уллабхаа аж̇ж̇а мид̇д̇аад̇и ‘‘ид̇о гин̃жи лажчаамаа’’д̇и звам̣ ад̇д̇абадилаабхагааран̣зна ниггааран̣аа, гзвалам̣ –

    Tattha bhajantīti sarīrena allīyitvā payirupāsanti. Sevantīti añjalikammādīhi kiṃ kārapaṭissāvitāya ca paricaranti. Kāraṇaṃ attho etesanti kāraṇatthā, bhajanāya sevanāya ca nāññaṃ kāraṇamatthi, attho eva nesaṃ kāraṇaṃ, atthahetu sevantīti vuttaṃ hoti. Nikkāraṇādullabhā ajja mittāti ‘‘ito kiñci lacchāmā’’ti evaṃ attapaṭilābhakāraṇena nikkāraṇā, kevalaṃ –

    ‘‘убагааро жа яо мид̇д̇о,

    ‘‘Upakāro ca yo mitto,

    сукз д̣̇угкз жа яо сакаа;

    Sukhe dukkhe ca yo sakhā;

    ад̇т̇агкааяий жа яо мид̇д̇о,

    Atthakkhāyī ca yo mitto,

    яо жа мид̇д̇аанугамбаго’’д̇и. (д̣̇ий. ни. 3.265) –

    Yo ca mittānukampako’’ti. (dī. ni. 3.265) –

    звам̣ вуд̇д̇зна ариязна мид̇д̇абхаавзна саманнааг̇ад̇аа д̣̇уллабхаа аж̇ж̇а мид̇д̇аа. ад̇д̇ани тид̇аа зд̇зсам̣ бан̃н̃аа, ад̇д̇аанам̣язва ологзнд̇и, на ан̃н̃анд̇и ад̇д̇адтабан̃н̃аа. д̣̇идтад̇т̇абан̃н̃аад̇и аяамби гира бораан̣абаато, самбад̇и д̣̇идтиязва ад̇т̇з зд̇зсам̣ бан̃н̃аа, ааяад̇им̣ на бзгканд̇ийд̇и вуд̇д̇ам̣ ход̇и. асужийд̇и асужинаа анариязна гааяаважийманогаммзна саманнааг̇ад̇аа. сзсам̣ буб̣б̣з вуд̇д̇анаязнзва взд̣̇ид̇аб̣б̣анд̇и.

    Evaṃ vuttena ariyena mittabhāvena samannāgatā dullabhā ajja mittā. Attani ṭhitā etesaṃ paññā, attānaṃyeva olokenti, na aññanti attaṭṭhapaññā. Diṭṭhatthapaññāti ayampi kira porāṇapāṭho, sampati diṭṭhiyeva atthe etesaṃ paññā, āyatiṃ na pekkhantīti vuttaṃ hoti. Asucīti asucinā anariyena kāyavacīmanokammena samannāgatā. Sesaṃ pubbe vuttanayeneva veditabbanti.

    гааран̣ад̇т̇аг̇аат̇ааван̣н̣анаа самад̇д̇аа.

    Kāraṇatthagāthāvaṇṇanā samattā.

    жад̇уд̇т̇о ваг̇г̇о нидтид̇о згаад̣̇асахи г̇аат̇аахи.

    Catuttho vaggo niṭṭhito ekādasahi gāthāhi.

    звамзд̇ам̣ згажад̇д̇аалийсаг̇аат̇аабаримаан̣ам̣ каг̇г̇ависаан̣асуд̇д̇ам̣ гад̇т̇ажид̣̇зва вуд̇д̇зна яож̇анаанаязна саб̣б̣ад̇т̇а яат̇аануруубам̣ яож̇зд̇ваа анусанд̇хид̇о ад̇т̇ад̇о жа взд̣̇ид̇аб̣б̣ам̣. ад̇ивид̇т̇аарабхаязна бана амхзхи на саб̣б̣ад̇т̇а яож̇ид̇анд̇и.

    Evametaṃ ekacattālīsagāthāparimāṇaṃ khaggavisāṇasuttaṃ katthacideva vuttena yojanānayena sabbattha yathānurūpaṃ yojetvā anusandhito atthato ca veditabbaṃ. Ativitthārabhayena pana amhehi na sabbattha yojitanti.

    барамад̇т̇аж̇од̇игааяа куд̣̇д̣̇ага-адтагат̇ааяа

    Paramatthajotikāya khuddaka-aṭṭhakathāya

    суд̇д̇анибаад̇а-адтагат̇ааяа каг̇г̇ависаан̣асуд̇д̇аван̣н̣анаа нидтид̇аа.

    Suttanipāta-aṭṭhakathāya khaggavisāṇasuttavaṇṇanā niṭṭhitā.




    Next: 4. гасибхаарад̣̇вааж̇асуд̇д̇аван̣н̣анаа • 4. Kasibhāradvājasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 3. каг̇г̇ависаан̣асуд̇д̇ам̣ • 3. Khaggavisāṇasuttaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact