| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. каж̇ж̇агад̣̇ааяагад̇т̇зраабад̣̇аанаван̣н̣анаа
3. Khajjakadāyakattheraapadānavaṇṇanā
д̇иссасса ко бхаг̇авад̇од̇иаад̣̇игам̣ ааяасмад̇о каж̇ж̇агад̣̇ааяагад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о д̇иссасса бхаг̇авад̇о гаалз суд̣̇д̣̇агулз ниб̣б̣ад̇д̇о бхаг̇аванд̇ам̣ д̣̇исваа басаннамаанасо амб̣аж̇амб̣уаад̣̇иманзгам̣ мад̇хурапалаапалам̣ наал̣игзрам̣ буувакаж̇ж̇аган̃жа ад̣̇ааси. бхаг̇аваа д̇асса басаад̣̇авад̣дханад̇т̇ааяа бассанд̇ассзва барибхун̃ж̇и. со д̇зна бун̃н̃зна суг̇ад̇исамбад̇д̇ияоязва анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз ниб̣б̣ад̇д̇о вин̃н̃уд̇ам̣ бад̇ваа сад̇т̇у д̇хаммад̣̇зсанам̣ суд̇ваа сан̃ж̇аад̇асад̣̇д̇хо басаад̣̇аб̣ахумаано баб̣б̣аж̇ид̇ваа вад̇д̇абадибад̇д̇ияаа саасанам̣ собхзнд̇о сийлаалан̇гаарабадиман̣д̣ид̇о нажирассзва арахад̇д̇ам̣ баабун̣и.
Tissassa kho bhagavatotiādikaṃ āyasmato khajjakadāyakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle suddakule nibbatto bhagavantaṃ disvā pasannamānaso ambajambuādimanekaṃ madhuraphalāphalaṃ nāḷikeraṃ pūvakhajjakañca adāsi. Bhagavā tassa pasādavaḍḍhanatthāya passantasseva paribhuñji. So tena puññena sugatisampattiyoyeva anubhavitvā imasmiṃ buddhuppāde sāvatthiyaṃ kulagehe nibbatto viññutaṃ patvā satthu dhammadesanaṃ sutvā sañjātasaddho pasādabahumāno pabbajitvā vattapaṭipattiyā sāsanaṃ sobhento sīlālaṅkārapaṭimaṇḍito nacirasseva arahattaṃ pāpuṇi.
13. со буб̣б̣агаммам̣ саранд̇о ‘‘буб̣б̣з маяаа сукзд̇д̇з гусалам̣ гад̇ам̣ сунд̣̇ара’’нд̇и соманассаж̇аад̇о буб̣б̣ажарид̇аабад̣̇аанам̣ багаасзнд̇о д̇иссасса ко бхаг̇авад̇од̇иаад̣̇имааха. д̇ад̇т̇а д̇иссоби бхавасамбад̇д̇ияо д̣̇ад̣̇амаано ж̇аад̇од̇и маад̇аабид̇уухи гад̇анаамавасзна д̇иссо. ат̇а ваа д̇ийхи саран̣аг̇аманзхи ассаасзнд̇о овад̣̇анд̇о хзд̇усамбаннабуг̇г̇алз саг̇г̇амогкад̣̇ваяз бад̇идтаабзнд̇о б̣уд̣̇д̇хо ж̇аад̇од̇и д̇иссо. самаабад̇д̇иг̇ун̣аад̣̇ийхи бхаг̇зхи яуд̇д̇од̇и бхаг̇аваа, д̇асса д̇иссасса бхаг̇авад̇о буб̣б̣з ахам̣ палам̣ ад̣̇аасинд̇и самб̣анд̇хо. наал̣игзран̃жа баад̣̇аасинд̇и наал̣игаагаарзна бавад̇д̇ам̣ палам̣ наал̣игзрам̣, д̇ан̃жа палам̣ ад̣̇аасинд̇и ад̇т̇о. каж̇ж̇агам̣ абхисаммад̇анд̇и каад̣̇ид̇аб̣б̣ам̣ каж̇ж̇агам̣ абхи висзсзна мад̇хусаггараад̣̇ийхи саммиссам̣ гад̇ваа нибпаад̣̇ид̇ам̣ сунд̣̇арам̣ мад̇хуранд̇и саммад̇ам̣ н̃аад̇ам̣ абхисаммад̇ам̣ каж̇ж̇аган̃жа ад̣̇аасинд̇и ад̇т̇о. сзсам̣ сувин̃н̃зяяамзваад̇и.
13. So pubbakammaṃ saranto ‘‘pubbe mayā sukhette kusalaṃ kataṃ sundara’’nti somanassajāto pubbacaritāpadānaṃ pakāsento tissassa kho bhagavatotiādimāha. Tattha tissopi bhavasampattiyo dadamāno jātoti mātāpitūhi katanāmavasena tisso. Atha vā tīhi saraṇagamanehi assāsento ovadanto hetusampannapuggale saggamokkhadvaye patiṭṭhāpento buddho jātoti tisso. Samāpattiguṇādīhi bhagehi yuttoti bhagavā, tassa tissassa bhagavato pubbe ahaṃ phalaṃ adāsinti sambandho. Nāḷikerañca pādāsinti nāḷikākārena pavattaṃ phalaṃ nāḷikeraṃ, tañca phalaṃ adāsinti attho. Khajjakaṃ abhisammatanti khāditabbaṃ khajjakaṃ abhi visesena madhusakkarādīhi sammissaṃ katvā nipphāditaṃ sundaraṃ madhuranti sammataṃ ñātaṃ abhisammataṃ khajjakañca adāsinti attho. Sesaṃ suviññeyyamevāti.
каж̇ж̇агад̣̇ааяагад̇т̇зраабад̣̇аанаван̣н̣анаа самад̇д̇аа.
Khajjakadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. каж̇ж̇агад̣̇ааяагад̇т̇зраабад̣̇аанам̣ • 3. Khajjakadāyakattheraapadānaṃ
