| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. каж̇ж̇анийяасуд̇д̇аван̣н̣анаа
7. Khajjanīyasuttavaṇṇanā
79. сад̇д̇амз буб̣б̣зниваасанд̇и на ид̣̇ам̣ абхин̃н̃аавасзна ануссаран̣ам̣ санд̇хааяа вуд̇д̇ам̣, вибассанаавасзна бана буб̣б̣зниваасам̣ ануссаранд̇з саман̣аб̣раахман̣з санд̇хааязд̇ам̣ вуд̇д̇ам̣. д̇знзвааха – ‘‘саб̣б̣зд̇з бан̃жубаад̣̇аанагканд̇хз ануссаранд̇и, зд̇зсам̣ ваа ан̃н̃ад̇ара’’нд̇и. абхин̃н̃аавасзна хи самануссаранд̇асса канд̇хааби убаад̣̇аанагканд̇хааби канд̇хабадиб̣ад̣̇д̇хааби бан̣н̣ад̇д̇иби аарамман̣ам̣ ход̇иязва. руубам̣язва ануссарад̇ийд̇и зван̃хи ануссаранд̇о на ан̃н̃ам̣ гин̃жи сад̇д̇ам̣ ваа буг̇г̇алам̣ ваа ануссарад̇и, ад̇ийд̇з бана нируд̣̇д̇хам̣ руубагканд̇хамзва ануссарад̇и. взд̣̇анаад̣̇ийсуби зсзва наяод̇и. сун̃н̃ад̇аабаб̣б̣ам̣ нидтид̇ам̣.
79. Sattame pubbenivāsanti na idaṃ abhiññāvasena anussaraṇaṃ sandhāya vuttaṃ, vipassanāvasena pana pubbenivāsaṃ anussarante samaṇabrāhmaṇe sandhāyetaṃ vuttaṃ. Tenevāha – ‘‘sabbete pañcupādānakkhandhe anussaranti, etesaṃ vā aññatara’’nti. Abhiññāvasena hi samanussarantassa khandhāpi upādānakkhandhāpi khandhapaṭibaddhāpi paṇṇattipi ārammaṇaṃ hotiyeva. Rūpaṃyeva anussaratīti evañhi anussaranto na aññaṃ kiñci sattaṃ vā puggalaṃ vā anussarati, atīte pana niruddhaṃ rūpakkhandhameva anussarati. Vedanādīsupi eseva nayoti. Suññatāpabbaṃ niṭṭhitaṃ.
ид̣̇аани сун̃н̃ад̇ааяа лагкан̣ам̣ д̣̇ассзд̇ум̣ гин̃жа, бхигкавз, руубам̣ вад̣̇зт̇аад̇иаад̣̇имааха. яат̇аа хи надтам̣ г̇он̣ам̣ бариязсамаано бурисо г̇ог̇ан̣з жарамаанз рад̇д̇ам̣ ваа гаал̣ам̣ ваа б̣алийб̣ад̣̇д̣̇ам̣ д̣̇исвааби на зд̇д̇агзнзва ‘‘аяам̣ маяхам̣ г̇он̣о’’д̇и саннидтаанам̣ гаад̇ум̣ саггод̇и. гасмаа? ан̃н̃зсамби д̇аад̣̇исаанам̣ ад̇т̇ид̇ааяа. сарийрабад̣̇зсз банасса сад̇д̇исуулаад̣̇илагкан̣ам̣ д̣̇исваа ‘‘аяам̣ маяхам̣ санд̇аго’’д̇и саннидтаанам̣ ход̇и, звамзва сун̃н̃ад̇ааяа гат̇ид̇ааяаби яаава сун̃н̃ад̇аалагкан̣ам̣ на гат̇ийяад̇и, д̇аава саа агат̇ид̇аава ход̇и, лагкан̣з бана гат̇ид̇з гат̇ид̇аа наама ход̇и. г̇он̣о вияа хи сун̃н̃ад̇аа, г̇он̣алагкан̣ам̣ вияа сун̃н̃ад̇аалагкан̣ам̣. яат̇аа г̇он̣алагкан̣з асаллагкид̇з г̇он̣о на судту саллагкид̇о ход̇и, д̇асмим̣ бана саллагкид̇з со саллагкид̇о наама ход̇и, звамзва сун̃н̃ад̇аалагкан̣з агат̇ид̇з сун̃н̃ад̇аа агат̇ид̇аава ход̇и, д̇асмим̣ бана гат̇ид̇з саа гат̇ид̇аа наама ход̇ийд̇и сун̃н̃ад̇аалагкан̣ам̣ д̣̇ассзд̇ум̣ гин̃жа, бхигкавз, руубам̣ вад̣̇зт̇аад̇иаад̣̇имааха.
Idāni suññatāya lakkhaṇaṃ dassetuṃ kiñca, bhikkhave, rūpaṃ vadethātiādimāha. Yathā hi naṭṭhaṃ goṇaṃ pariyesamāno puriso gogaṇe caramāne rattaṃ vā kāḷaṃ vā balībaddaṃ disvāpi na ettakeneva ‘‘ayaṃ mayhaṃ goṇo’’ti sanniṭṭhānaṃ kātuṃ sakkoti. Kasmā? Aññesampi tādisānaṃ atthitāya. Sarīrapadese panassa sattisūlādilakkhaṇaṃ disvā ‘‘ayaṃ mayhaṃ santako’’ti sanniṭṭhānaṃ hoti, evameva suññatāya kathitāyapi yāva suññatālakkhaṇaṃ na kathīyati, tāva sā akathitāva hoti, lakkhaṇe pana kathite kathitā nāma hoti. Goṇo viya hi suññatā, goṇalakkhaṇaṃ viya suññatālakkhaṇaṃ. Yathā goṇalakkhaṇe asallakkhite goṇo na suṭṭhu sallakkhito hoti, tasmiṃ pana sallakkhite so sallakkhito nāma hoti, evameva suññatālakkhaṇe akathite suññatā akathitāva hoti, tasmiṃ pana kathite sā kathitā nāma hotīti suññatālakkhaṇaṃ dassetuṃ kiñca, bhikkhave, rūpaṃ vadethātiādimāha.
д̇ад̇т̇а гин̃жаад̇и гааран̣абужчаа, гзна гааран̣зна руубам̣ вад̣̇зт̇а, гзна гааран̣знзд̇ам̣ руубам̣ наамаад̇и ад̇т̇о. руббад̇ийд̇и код̇и зд̇т̇а ид̇ийд̇и гааран̣уд̣̇д̣̇зсо, яасмаа руббад̇и, д̇асмаа руубанд̇и вужжад̇ийд̇и ад̇т̇о. руббад̇ийд̇и губбад̇и гхаддийяад̇и бийл̣ийяад̇и, бхиж̇ж̇ад̇ийд̇и ад̇т̇о. сийд̇знаби руббад̇ийд̇иаад̣̇ийсу сийд̇зна д̇аава руббанам̣ логанд̇ариганираяз баагадам̣. д̇ин̣н̣ам̣ д̇ин̣н̣ан̃хи жаггаваал̣аанам̣ анд̇арз згзго логанд̇ариганираяо наама ход̇и адтаяож̇анасахассаббамаан̣о. яасса нзва хздтаа бат̇авий ад̇т̇и, на убари жанд̣̇имасуурияад̣̇ийбаман̣иаалого, нижжанд̇хагааро. д̇ад̇т̇а ниб̣б̣ад̇д̇асад̇д̇аанам̣ д̇иг̇аавуд̇о ад̇д̇абхааво ход̇и, д̇з ваг̇г̇улияо вияа баб̣б̣ад̇абаад̣̇з д̣̇ийгхабут̇улзхи накзхи лаг̇г̇ид̇ваа авам̣сираа оламб̣анд̇и. яад̣̇аа сам̣саббанд̇аа ан̃н̃аман̃н̃асса хад̇т̇абаасааг̇ад̇аа хонд̇и, ат̇а ‘‘бхагко но лад̣̇д̇хо’’д̇и? ман̃н̃амаанаа д̇ад̇т̇а б̣яаавадаа вибаривад̇д̇ид̇ваа логасанд̇хаарагз уд̣̇агз бад̇анд̇и, ваад̇з бахаранд̇зби мад̇хугапалаани вияа чиж̇ж̇ид̇ваа уд̣̇агз бад̇анд̇и, бад̇ид̇амад̇д̇аава ажжанд̇акаарз уд̣̇агз д̇ад̇д̇ад̇злз бад̇ид̇абидтабин̣д̣и вияа бадабадааяамаанаа вилийяанд̇и. звам̣ сийд̇зна руббанам̣ логанд̇ариганираяз баагадам̣. махим̣сагарадтаад̣̇ийсуби химабаад̇асийд̇алзсу бад̣̇зсзсу зд̇ам̣ баагадамзва. д̇ад̇т̇а хи сад̇д̇аа сийд̇зна бхиннасарийраа ж̇ийвид̇агкаяамби баабун̣анд̇и.
Tattha kiñcāti kāraṇapucchā, kena kāraṇena rūpaṃ vadetha, kena kāraṇenetaṃ rūpaṃ nāmāti attho. Ruppatīti khoti ettha itīti kāraṇuddeso, yasmā ruppati, tasmā rūpanti vuccatīti attho. Ruppatīti kuppati ghaṭṭīyati pīḷīyati, bhijjatīti attho. Sītenapi ruppatītiādīsu sītena tāva ruppanaṃ lokantarikaniraye pākaṭaṃ. Tiṇṇaṃ tiṇṇañhi cakkavāḷānaṃ antare ekeko lokantarikanirayo nāma hoti aṭṭhayojanasahassappamāṇo. Yassa neva heṭṭhā pathavī atthi, na upari candimasūriyadīpamaṇiāloko, niccandhakāro. Tattha nibbattasattānaṃ tigāvuto attabhāvo hoti, te vagguliyo viya pabbatapāde dīghaputhulehi nakhehi laggitvā avaṃsirā olambanti. Yadā saṃsappantā aññamaññassa hatthapāsāgatā honti, atha ‘‘bhakkho no laddho’’ti? Maññamānā tattha byāvaṭā viparivattitvā lokasandhārake udake patanti, vāte paharantepi madhukaphalāni viya chijjitvā udake patanti, patitamattāva accantakhāre udake tattatele patitapiṭṭhapiṇḍi viya paṭapaṭāyamānā vilīyanti. Evaṃ sītena ruppanaṃ lokantarikaniraye pākaṭaṃ. Mahiṃsakaraṭṭhādīsupi himapātasītalesu padesesu etaṃ pākaṭameva. Tattha hi sattā sītena bhinnasarīrā jīvitakkhayampi pāpuṇanti.
ун̣хзна руббанам̣ авийжимахаанираяз баагадам̣ ход̇и. ж̇игхажчааяа руббанам̣ бзд̇д̇ивисаяз жзва д̣̇уб̣бхигкагаалз жа баагадам̣. бибаасааяа руббанам̣ гаалаган̃ж̇игаад̣̇ийсу баагадам̣. зго гира гаалаган̃ж̇игаасуро бибаасам̣ ад̇хиваасзд̇ум̣ асаггонд̇о яож̇анаг̇амбхийравид̇т̇аарам̣ махааг̇ан̇г̇ам̣ од̇ари, д̇асса г̇ад̇аг̇ад̇адтаанз уд̣̇агам̣ чиж̇ж̇ад̇и, д̇хуумо уг̇г̇ажчад̇и, д̇ад̇д̇з бидтибаасаан̣з жан̇гаманагаало вияа ход̇и. д̇асса уд̣̇агасад̣̇д̣̇ам̣ суд̇ваа ид̇о жид̇о жа вижаранд̇ассзва рад̇д̇и вибхааяи. ат̇а нам̣ баад̇ова бхигкаажаарам̣ г̇ажчанд̇аа д̇им̣самад̇д̇аа бин̣д̣ажааригабхигкуу д̣̇исваа ‘‘го наама д̇вам̣ саббурисаа’’д̇и? бужчим̣су. ‘‘бзд̇охамасми, бханд̇з’’д̇и. ‘‘гим̣ бариязсасий’’д̇и? ‘‘баанийяам̣, бханд̇з’’д̇и. ‘‘аяам̣ г̇ан̇г̇аа барибун̣н̣аа, гим̣ д̇вам̣ на бассасий’’д̇и? ‘‘на убагаббад̇и, бханд̇з’’д̇и. д̇зна хи г̇ан̇г̇аабидтз нибаж̇ж̇а, мукз д̇з баанийяам̣ аасин̃жиссаамаа’’д̇и. со ваалигаабул̣инз уд̇д̇аано нибаж̇ж̇и. бхигкуу д̇им̣самад̇д̇з бад̇д̇з нийхарид̇ваа уд̣̇агам̣ аахарид̇ваа д̇асса мукз аасин̃жим̣су. д̇зсам̣ д̇ат̇аа гаронд̇аанам̣язва взлаа убагадтаа ж̇аад̇аа. д̇ад̇о ‘‘бхигкаажаарагаало амхаагам̣ саббуриса, гажжи д̇з ассаад̣̇амад̇д̇аа лад̣̇д̇хаа’’д̇и аахам̣су. бзд̇о ‘‘сажз мз, бханд̇з, д̇им̣самад̇д̇аанам̣ аяяаанам̣ д̇им̣сабад̇д̇зхи аасид̇д̇ауд̣̇агад̇о ад̣дхабасад̇амад̇д̇амби бараг̇алам̣ г̇ад̇ам̣, бзд̇ад̇д̇абхаавад̇о могко маа ход̇уу’’д̇и ааха. звам̣ бибаасааяа руббанам̣ бзд̇д̇ивисаяз баагадам̣.
Uṇhena ruppanaṃ avīcimahāniraye pākaṭaṃ hoti. Jighacchāya ruppanaṃ pettivisaye ceva dubbhikkhakāle ca pākaṭaṃ. Pipāsāya ruppanaṃ kālakañjikādīsu pākaṭaṃ. Eko kira kālakañjikaasuro pipāsaṃ adhivāsetuṃ asakkonto yojanagambhīravitthāraṃ mahāgaṅgaṃ otari, tassa gatagataṭṭhāne udakaṃ chijjati, dhūmo uggacchati, tatte piṭṭhipāsāṇe caṅkamanakālo viya hoti. Tassa udakasaddaṃ sutvā ito cito ca vicarantasseva ratti vibhāyi. Atha naṃ pātova bhikkhācāraṃ gacchantā tiṃsamattā piṇḍacārikabhikkhū disvā ‘‘ko nāma tvaṃ sappurisā’’ti? Pucchiṃsu. ‘‘Petohamasmi, bhante’’ti. ‘‘Kiṃ pariyesasī’’ti? ‘‘Pānīyaṃ, bhante’’ti. ‘‘Ayaṃ gaṅgā paripuṇṇā, kiṃ tvaṃ na passasī’’ti? ‘‘Na upakappati, bhante’’ti. Tena hi gaṅgāpiṭṭhe nipajja, mukhe te pānīyaṃ āsiñcissāmā’’ti. So vālikāpuḷine uttāno nipajji. Bhikkhū tiṃsamatte patte nīharitvā udakaṃ āharitvā tassa mukhe āsiñciṃsu. Tesaṃ tathā karontānaṃyeva velā upakaṭṭhā jātā. Tato ‘‘bhikkhācārakālo amhākaṃ sappurisa, kacci te assādamattā laddhā’’ti āhaṃsu. Peto ‘‘sace me, bhante, tiṃsamattānaṃ ayyānaṃ tiṃsapattehi āsittaudakato aḍḍhapasatamattampi paragalaṃ gataṃ, petattabhāvato mokkho mā hotū’’ti āha. Evaṃ pipāsāya ruppanaṃ pettivisaye pākaṭaṃ.
д̣ам̣саад̣̇ийхи руббанам̣ д̣ам̣самагкигаад̣̇иб̣ахулзсу бад̣̇зсзсу баагадам̣. зд̇т̇а жа д̣ам̣саад̇и бин̇г̇аламагкигаа. магасаад̇и магасаава. ваад̇аад̇и гужчиваад̇абидтиваад̇аад̣̇ивасзна взд̣̇ид̇аб̣б̣аа. сарийрасмин̃хи ваад̇арог̇о уббаж̇ж̇ид̇ваа хад̇т̇абаад̣̇абидтиаад̣̇ийни бхинд̣̇ад̇и, гаан̣ам̣ гарод̇и, куж̇ж̇ам̣ гарод̇и, бийтасаббим̣ гарод̇и. аад̇абод̇и суурияаад̇або. д̇зна руббанам̣ маруганд̇аараад̣̇ийсу баагадам̣. згаа гира ид̇т̇ий маруганд̇аарз рад̇д̇им̣ сад̇т̇ад̇о охийнаа д̣̇иваа суурияз уг̇г̇ажчанд̇з ваалигааяа д̇аббамаанааяа баад̣̇з табзд̇ум̣ асаггонд̇ий сийсад̇о бажчим̣ од̇аарзд̇ваа аггами. гамзна бажчияаа ун̣хаабхид̇ад̇д̇ааяа таад̇ум̣ асаггонд̇ий д̇ассаа убари саадагам̣ табзд̇ваа аггами. д̇асмимби санд̇ад̇д̇з ад̇д̇ано ан̇гзна г̇ахид̇абуд̇д̇агам̣ ад̇хомукам̣ нибаж̇ж̇аабзд̇ваа ганд̣̇анд̇ам̣язва аггамид̇ваа сад̣̇д̇хим̣ д̇зна д̇асмим̣язва таанз ун̣хаабхид̇ад̇д̇аа гааламагааси.
Ḍaṃsādīhi ruppanaṃ ḍaṃsamakkhikādibahulesu padesesu pākaṭaṃ. Ettha ca ḍaṃsāti piṅgalamakkhikā. Makasāti makasāva. Vātāti kucchivātapiṭṭhivātādivasena veditabbā. Sarīrasmiñhi vātarogo uppajjitvā hatthapādapiṭṭhiādīni bhindati, kāṇaṃ karoti, khujjaṃ karoti, pīṭhasappiṃ karoti. Ātapoti sūriyātapo. Tena ruppanaṃ marukantārādīsu pākaṭaṃ. Ekā kira itthī marukantāre rattiṃ satthato ohīnā divā sūriye uggacchante vālikāya tappamānāya pāde ṭhapetuṃ asakkontī sīsato pacchiṃ otāretvā akkami. Kamena pacchiyā uṇhābhitattāya ṭhātuṃ asakkontī tassā upari sāṭakaṃ ṭhapetvā akkami. Tasmimpi santatte attano aṅkena gahitaputtakaṃ adhomukhaṃ nipajjāpetvā kandantaṃyeva akkamitvā saddhiṃ tena tasmiṃyeva ṭhāne uṇhābhitattā kālamakāsi.
сарийсабаад̇и яз гзжи д̣̇ийгхаж̇аад̇игаа саранд̇аа г̇ажчанд̇и. д̇зсам̣ сампассзна руббанам̣ аасийвисад̣̇адтагаад̣̇ийнам̣ васзна взд̣̇ид̇аб̣б̣ам̣. ид̇и бхаг̇авад̇аа яаани имаани сааман̃н̃абажжад̇д̇авасзна д̇хаммаанам̣ д̣̇вз лагкан̣аани, д̇зсу руубагканд̇хасса д̇аава бажжад̇д̇алагкан̣ам̣ д̣̇ассид̇ам̣. руубагканд̇хассзва хи зд̇ам̣, на взд̣̇анаад̣̇ийнам̣ , д̇асмаа бажжад̇д̇алагкан̣анд̇и вужжад̇и. анижжад̣̇угкаанад̇д̇алагкан̣ам̣ бана взд̣̇анаад̣̇ийнамби ход̇и, д̇асмаа д̇ам̣ сааман̃н̃алагкан̣анд̇и вужжад̇и.
Sarīsapāti ye keci dīghajātikā sarantā gacchanti. Tesaṃ samphassena ruppanaṃ āsīvisadaṭṭhakādīnaṃ vasena veditabbaṃ. Iti bhagavatā yāni imāni sāmaññapaccattavasena dhammānaṃ dve lakkhaṇāni, tesu rūpakkhandhassa tāva paccattalakkhaṇaṃ dassitaṃ. Rūpakkhandhasseva hi etaṃ, na vedanādīnaṃ , tasmā paccattalakkhaṇanti vuccati. Aniccadukkhānattalakkhaṇaṃ pana vedanādīnampi hoti, tasmā taṃ sāmaññalakkhaṇanti vuccati.
гин̃жа, бхигкавз, взд̣̇анам̣ вад̣̇зт̇аад̇иаад̣̇ийсу буримасад̣̇исам̣ вуд̇д̇анаязнзва взд̣̇ид̇аб̣б̣ам̣. яам̣ бана буримзна асад̣̇исам̣, д̇ассааяам̣ вибхааванаа – сукамби взд̣̇аяад̇ийд̇и сукам̣ аарамман̣ам̣ взд̣̇зд̇и анубхавад̇и. барад̇о бад̣̇ад̣̇ваязби зсзва наяо. гат̇ам̣ банзд̇ам̣ аарамман̣ам̣ сукам̣ д̣̇угкам̣ ад̣̇угкамасукам̣ наама ж̇аад̇анд̇и? сукаад̣̇ийнам̣ бажжаяад̇о. свааяамад̇т̇о ‘‘яасмаа жа ко, махаали, руубам̣ сукам̣ сукаанубад̇ид̇ам̣ сукаавагганд̇а’’нд̇и имасмим̣ махаалисуд̇д̇з (сам̣. ни. 3.60) ааг̇ад̇оязва. взд̣̇аяад̇ийд̇и зд̇т̇а жа взд̣̇анаава взд̣̇аяад̇и, на ан̃н̃о сад̇д̇о ваа буг̇г̇ало ваа. взд̣̇анаа хи взд̣̇аяид̇алагкан̣аа, д̇асмаа вад̇т̇аарамман̣ам̣ бадижжа взд̣̇анаава взд̣̇аяад̇ийд̇и. звамид̇ха бхаг̇аваа взд̣̇анааяаби бажжад̇д̇алагкан̣амзва бхааж̇зд̇ваа д̣̇ассзси.
Kiñca, bhikkhave, vedanaṃ vadethātiādīsu purimasadisaṃ vuttanayeneva veditabbaṃ. Yaṃ pana purimena asadisaṃ, tassāyaṃ vibhāvanā – sukhampi vedayatīti sukhaṃ ārammaṇaṃ vedeti anubhavati. Parato padadvayepi eseva nayo. Kathaṃ panetaṃ ārammaṇaṃ sukhaṃ dukkhaṃ adukkhamasukhaṃ nāma jātanti? Sukhādīnaṃ paccayato. Svāyamattho ‘‘yasmā ca kho, mahāli, rūpaṃ sukhaṃ sukhānupatitaṃ sukhāvakkanta’’nti imasmiṃ mahālisutte (saṃ. ni. 3.60) āgatoyeva. Vedayatīti ettha ca vedanāva vedayati, na añño satto vā puggalo vā. Vedanā hi vedayitalakkhaṇā, tasmā vatthārammaṇaṃ paṭicca vedanāva vedayatīti. Evamidha bhagavā vedanāyapi paccattalakkhaṇameva bhājetvā dassesi.
нийламби сан̃ж̇аанаад̇ийд̇и нийлабубпз ваа вад̇т̇з ваа баригаммам̣ гад̇ваа убажаарам̣ ваа аббанам̣ ваа баабзнд̇о сан̃ж̇аанаад̇и. аяан̃хи сан̃н̃аа наама баригаммасан̃н̃ааби убажаарасан̃н̃ааби аббанаасан̃н̃ааби ваддад̇и, нийлам̣ нийланд̇и уббаж̇ж̇анасан̃н̃ааби ваддад̇иязва. бийд̇агаад̣̇ийсуби зсзва наяо. ид̇хааби бхаг̇аваа сан̃ж̇аананалагкан̣ааяа сан̃н̃ааяа бажжад̇д̇алагкан̣амзва бхааж̇зд̇ваа д̣̇ассзси.
Nīlampi sañjānātīti nīlapupphe vā vatthe vā parikammaṃ katvā upacāraṃ vā appanaṃ vā pāpento sañjānāti. Ayañhi saññā nāma parikammasaññāpi upacārasaññāpi appanāsaññāpi vaṭṭati, nīlaṃ nīlanti uppajjanasaññāpi vaṭṭatiyeva. Pītakādīsupi eseva nayo. Idhāpi bhagavā sañjānanalakkhaṇāya saññāya paccattalakkhaṇameva bhājetvā dassesi.
руубам̣ руубад̇д̇ааяа сан̇кад̇амабхисан̇каронд̇ийд̇и яат̇аа яааг̇умзва яааг̇уд̇д̇ааяа, буувамзва буувад̇д̇ааяа бажад̇и наама, звам̣ бажжаязхи самааг̇анд̇ваа гад̇абхаавзна сан̇кад̇анд̇и лад̣̇д̇ханаамам̣ руубамзва руубад̇д̇ааяа яат̇аа абхисан̇кад̇ам̣ руубам̣ наама ход̇и, д̇ат̇ад̇д̇ааяа руубабхаавааяа абхисан̇карод̇и ааяуухад̇и самбин̣д̣зд̇и, нибпаад̣̇зд̇ийд̇и ад̇т̇о. взд̣̇анаад̣̇ийсуби зсзва наяо. аяам̣ банзд̇т̇а сан̇кзбо – ад̇д̇анаа саха ж̇ааяамаанам̣ руубам̣ самбаяуд̇д̇з жа взд̣̇анаад̣̇аяо д̇хаммз абхисан̇карод̇и ниб̣б̣ад̇д̇зд̇ийд̇и. ид̇хааби бхаг̇аваа жзд̇аяид̇алагкан̣асса сан̇каарасса бажжад̇д̇алагкан̣амзва бхааж̇зд̇ваа д̣̇ассзси.
Rūpaṃ rūpattāya saṅkhatamabhisaṅkharontīti yathā yāgumeva yāguttāya, pūvameva pūvattāya pacati nāma, evaṃ paccayehi samāgantvā katabhāvena saṅkhatanti laddhanāmaṃ rūpameva rūpattāya yathā abhisaṅkhataṃ rūpaṃ nāma hoti, tathattāya rūpabhāvāya abhisaṅkharoti āyūhati sampiṇḍeti, nipphādetīti attho. Vedanādīsupi eseva nayo. Ayaṃ panettha saṅkhepo – attanā saha jāyamānaṃ rūpaṃ sampayutte ca vedanādayo dhamme abhisaṅkharoti nibbattetīti. Idhāpi bhagavā cetayitalakkhaṇassa saṅkhārassa paccattalakkhaṇameva bhājetvā dassesi.
амб̣иламби виж̇аанаад̇ийд̇и амб̣аамб̣аадагамаад̇улун̇г̇аад̣̇иамб̣илам̣ ‘‘амб̣ила’’нд̇и виж̇аанаад̇и. зсзва наяо саб̣б̣абад̣̇зсу. аби жзд̇т̇а д̇ид̇д̇аганд̇и нимб̣абадолаад̣̇инаанаббагаарам̣ гадуганд̇и биббалимарижаад̣̇инаанаббагаарам̣. мад̇хуранд̇и саббипаан̣ид̇аад̣̇инаанаббагаарам̣ . каариганд̇и ваад̇ин̇г̇ан̣анаал̣игзра жад̇урассавалливзд̇д̇ан̇гураад̣̇инаанаббагаарам̣. акаариганд̇и яам̣ ваа д̇ам̣ ваа палаж̇аад̇ам̣ гаарабан̣н̣аад̣̇имиссагабан̣н̣ам̣. лон̣иганд̇и лон̣аяааг̇улон̣амажчалон̣абхад̇д̇аад̣̇инаанаббагаарам̣. алон̣иганд̇иалон̣аяааг̇уалон̣амажчаалон̣абхад̇д̇аад̣̇инаанаббагаарам̣. д̇асмаа вин̃н̃аан̣анд̇и вужжад̇ийд̇и яасмаа имам̣ амб̣илаад̣̇ибхзд̣̇ам̣ ан̃н̃аман̃н̃ависидтзна амб̣илаад̣̇ибхаавзна ж̇аанаад̇и, д̇асмаа вин̃н̃аан̣анд̇и вужжад̇ийд̇и. звамид̇хааби бхаг̇аваа виж̇аананалагкан̣асса вин̃н̃аан̣асса бажжад̇д̇алагкан̣амзва бхааж̇зд̇ваа д̣̇ассзси.
Ambilampivijānātīti ambaambāṭakamātuluṅgādiambilaṃ ‘‘ambila’’nti vijānāti. Eseva nayo sabbapadesu. Api cettha tittakanti nimbapaṭolādinānappakāraṃ kaṭukanti pippalimaricādinānappakāraṃ. Madhuranti sappiphāṇitādinānappakāraṃ . Khārikanti vātiṅgaṇanāḷikera caturassavallivettaṅkurādinānappakāraṃ. Akhārikanti yaṃ vā taṃ vā phalajātaṃ kārapaṇṇādimissakapaṇṇaṃ. Loṇikanti loṇayāguloṇamacchaloṇabhattādinānappakāraṃ. Aloṇikantialoṇayāgualoṇamacchaaloṇabhattādinānappakāraṃ. Tasmā viññāṇanti vuccatīti yasmā imaṃ ambilādibhedaṃ aññamaññavisiṭṭhena ambilādibhāvena jānāti, tasmā viññāṇanti vuccatīti. Evamidhāpi bhagavā vijānanalakkhaṇassa viññāṇassa paccattalakkhaṇameva bhājetvā dassesi.
яасмаа бана аарамман̣асса аагаарасан̣таанаг̇ахан̣авасзна сан̃н̃аа баагадаа ход̇и, д̇асмаа саа жагкуд̣̇ваарз вибхад̇д̇аа. яасмаа винааби аагаарасан̣таанаа аарамман̣асса бажжад̇д̇абхзд̣̇аг̇ахан̣авасзна вин̃н̃аан̣ам̣ баагадам̣ ход̇и, д̇асмаа д̇ам̣ ж̇ивхаад̣̇ваарз вибхад̇д̇ам̣. имзсам̣ бана сан̃н̃аавин̃н̃аан̣абан̃н̃аанам̣ асаммохад̇о сабхаавасаллагкан̣ад̇т̇ам̣ сан̃ж̇аанаад̇и, виж̇аанаад̇и, баж̇аанаад̇ийд̇и зд̇т̇а висзсаа взд̣̇ид̇аб̣б̣аа. д̇ад̇т̇а убасаг̇г̇амад̇д̇амзва висзсо, ж̇аанаад̇ийд̇и бад̣̇ам̣ бана ависзсо. д̇ассаби ж̇аананадтзна висзсо взд̣̇ид̇аб̣б̣о. сан̃н̃аа хи нийлаад̣̇ивасзна аарамман̣асан̃ж̇аананамад̇д̇амзва, анижжам̣ д̣̇угкаманад̇д̇аад̇и лагкан̣абадивзд̇хам̣ баабзд̇ум̣ на саггод̇и. вин̃н̃аан̣ам̣ нийлаад̣̇ивасзна аарамман̣ан̃жзва ж̇аанаад̇и, анижжаад̣̇ивасзна лагкан̣абадивзд̇хан̃жа баабзд̇и, уссаггид̇ваа бана маг̇г̇абаад̇убхаавам̣ баабзд̇ум̣ на саггод̇и. бан̃н̃аа нийлаад̣̇ивасзна аарамман̣амби ж̇аанаад̇и, анижжаад̣̇ивасзна лагкан̣абадивзд̇хамби баабзд̇и, уссаггид̇ваа маг̇г̇абаад̇убхаавамби баабзд̇и.
Yasmā pana ārammaṇassa ākārasaṇṭhānagahaṇavasena saññā pākaṭā hoti, tasmā sā cakkhudvāre vibhattā. Yasmā vināpi ākārasaṇṭhānā ārammaṇassa paccattabhedagahaṇavasena viññāṇaṃ pākaṭaṃ hoti, tasmā taṃ jivhādvāre vibhattaṃ. Imesaṃ pana saññāviññāṇapaññānaṃ asammohato sabhāvasallakkhaṇatthaṃ sañjānāti, vijānāti, pajānātīti ettha visesā veditabbā. Tattha upasaggamattameva viseso, jānātīti padaṃ pana aviseso. Tassapi jānanaṭṭhena viseso veditabbo. Saññā hi nīlādivasena ārammaṇasañjānanamattameva, aniccaṃ dukkhamanattāti lakkhaṇapaṭivedhaṃ pāpetuṃ na sakkoti. Viññāṇaṃ nīlādivasena ārammaṇañceva jānāti, aniccādivasena lakkhaṇapaṭivedhañca pāpeti, ussakkitvā pana maggapātubhāvaṃ pāpetuṃ na sakkoti. Paññā nīlādivasena ārammaṇampi jānāti, aniccādivasena lakkhaṇapaṭivedhampi pāpeti, ussakkitvā maggapātubhāvampi pāpeti.
яат̇аа хи хзран̃н̃игапалагз гахаабан̣араасимхи гад̇з аж̇аад̇аб̣уд̣̇д̇хид̣̇аараго г̇аамигабурисо махаахзран̃н̃игод̇и д̇ийсу ж̇анзсу ологзд̇ваа тид̇зсу аж̇аад̇аб̣уд̣̇д̇хид̣̇аараго гахаабан̣аанам̣ жид̇д̇авижид̇д̇ажад̇урассаман̣д̣алаад̣̇ибхаавамзва ж̇аанаад̇и, ‘‘ид̣̇ам̣ мануссаанам̣ убабхог̇абарибхог̇ам̣ рад̇анасаммад̇а’’нд̇и на ж̇аанаад̇и. г̇аамигабурисо жид̇д̇аад̣̇ибхааван̃жа ж̇аанаад̇и, мануссаанам̣ убабхог̇абарибхог̇арад̇анасаммад̇абхааван̃жа, ‘‘аяам̣ гуудо, аяам̣ чзго, аяам̣ гарадо, аяам̣ сан̣хо’’д̇и на ж̇аанаад̇и. махаахзран̃н̃иго жид̇д̇аад̣̇ибхаавамби рад̇анасаммад̇абхаавамби гуудаад̣̇ибхаавамби ж̇аанаад̇и. ж̇аананд̇о жа бана руубам̣ д̣̇исвааби сад̣̇д̣̇ам̣ суд̇вааби г̇анд̇хам̣ гхааяид̇вааби расам̣ сааяид̇вааби хад̇т̇зна г̇арулахубхаавам̣ убад̇хаарзд̇вааби ‘‘асугаг̇аамз гад̇о’’д̇иби ж̇аанаад̇и, ‘‘асуганиг̇амз асуганаг̇арз асугабаб̣б̣ад̇ажчааяааяа асуганад̣̇ийд̇ийрз гад̇о’’д̇иби, ‘‘асугаажариязна гад̇о’’д̇иби ж̇аанаад̇и. звамзва сан̃н̃аа аж̇аад̇аб̣уд̣̇д̇хид̣̇аарагасса гахаабан̣ад̣̇ассанам̣ вияа нийлаад̣̇ивасзна аарамман̣амад̇д̇амзва ж̇аанаад̇и. вин̃н̃аан̣ам̣ г̇аамигабурисасса гахаабан̣ад̣̇ассанам̣ вияа нийлаад̣̇ивасзна аарамман̣амби ж̇аанаад̇и, анижжаад̣̇ивасзна лагкан̣абадивзд̇хамби баабзд̇и. бан̃н̃аа махаахзран̃н̃игасса гахаабан̣ад̣̇ассанам̣ вияа нийлаад̣̇ивасзна аарамман̣амби ж̇аанаад̇и, анижжаад̣̇ивасзна лагкан̣абадивзд̇хамби баабзд̇и, уссаггид̇ваа маг̇г̇абаад̇убхаавамби баабзд̇и.
Yathā hi heraññikaphalake kahāpaṇarāsimhi kate ajātabuddhidārako gāmikapuriso mahāheraññikoti tīsu janesu oloketvā ṭhitesu ajātabuddhidārako kahāpaṇānaṃ cittavicittacaturassamaṇḍalādibhāvameva jānāti, ‘‘idaṃ manussānaṃ upabhogaparibhogaṃ ratanasammata’’nti na jānāti. Gāmikapuriso cittādibhāvañca jānāti, manussānaṃ upabhogaparibhogaratanasammatabhāvañca, ‘‘ayaṃ kūṭo, ayaṃ cheko, ayaṃ karaṭo, ayaṃ saṇho’’ti na jānāti. Mahāheraññiko cittādibhāvampi ratanasammatabhāvampi kūṭādibhāvampi jānāti. Jānanto ca pana rūpaṃ disvāpi saddaṃ sutvāpi gandhaṃ ghāyitvāpi rasaṃ sāyitvāpi hatthena garulahubhāvaṃ upadhāretvāpi ‘‘asukagāme kato’’tipi jānāti, ‘‘asukanigame asukanagare asukapabbatacchāyāya asukanadītīre kato’’tipi, ‘‘asukācariyena kato’’tipi jānāti. Evameva saññā ajātabuddhidārakassa kahāpaṇadassanaṃ viya nīlādivasena ārammaṇamattameva jānāti. Viññāṇaṃ gāmikapurisassa kahāpaṇadassanaṃ viya nīlādivasena ārammaṇampi jānāti, aniccādivasena lakkhaṇapaṭivedhampi pāpeti. Paññā mahāheraññikassa kahāpaṇadassanaṃ viya nīlādivasena ārammaṇampi jānāti, aniccādivasena lakkhaṇapaṭivedhampi pāpeti, ussakkitvā maggapātubhāvampi pāpeti.
со бана нзсам̣ висзсо д̣̇уббадивиж̇жхо. д̇знааха ааяасмаа нааг̇асзно –
So pana nesaṃ viseso duppaṭivijjho. Tenāha āyasmā nāgaseno –
‘‘д̣̇уггарам̣, махаарааж̇а, бхаг̇авад̇аа гад̇анд̇и. гим̣, бханд̇з нааг̇асзна, бхаг̇авад̇аа д̣̇уггарам̣ гад̇анд̇и? д̣̇уггарам̣, махаарааж̇а, бхаг̇авад̇аа гад̇ам̣, имзсам̣ аруубийнам̣ жид̇д̇ажзд̇асигаанам̣ д̇хаммаанам̣ згаарамман̣з вад̇д̇амаанаанам̣ вавад̇т̇аанам̣ агкаад̇ам̣ ‘аяам̣ пассо, аяам̣ взд̣̇анаа, аяам̣ сан̃н̃аа, аяам̣ жзд̇анаа, ид̣̇ам̣ жид̇д̇а’’’нд̇и (ми. ба. 2.7.16).
‘‘Dukkaraṃ, mahārāja, bhagavatā katanti. Kiṃ, bhante nāgasena, bhagavatā dukkaraṃ katanti? Dukkaraṃ, mahārāja, bhagavatā kataṃ, imesaṃ arūpīnaṃ cittacetasikānaṃ dhammānaṃ ekārammaṇe vattamānānaṃ vavatthānaṃ akkhātaṃ ‘ayaṃ phasso, ayaṃ vedanā, ayaṃ saññā, ayaṃ cetanā, idaṃ citta’’’nti (mi. pa. 2.7.16).
яат̇аа хи д̇илад̇злам̣ саасабад̇злам̣ мад̇хугад̇злам̣ зран̣д̣агад̇злам̣ васаад̇зланд̇и имаани бан̃жа д̇злаани згажаадияам̣ багкибид̇ваа д̣̇ивасам̣ яамагамант̇з хи мант̇зд̇ваа д̇ад̇о ‘‘ид̣̇ам̣ д̇илад̇злам̣, ид̣̇ам̣ саасабад̇зла’’нд̇и згзгасса баадиязггам̣ уд̣̇д̇харан̣ам̣ наама д̣̇уггарам̣, ид̣̇ам̣ д̇ад̇о д̣̇уггарад̇арам̣. бхаг̇аваа бана саб̣б̣ан̃н̃уд̇ан̃н̃аан̣асса суббадивид̣̇д̇хад̇д̇аа д̇хаммиссаро д̇хаммарааж̇аа имзсам̣ аруубийнам̣ д̇хаммаанам̣ згаарамман̣з вад̇д̇амаанаанам̣ вавад̇т̇аанам̣ агааси. бан̃жаннам̣ махаанад̣̇ийнам̣ самуд̣̇д̣̇ам̣ бавидтадтаанз ‘‘ид̣̇ам̣ г̇ан̇г̇ааяа уд̣̇агам̣, ид̣̇ам̣ яамунааяаа’’д̇и звам̣ баадиязггам̣ уд̣̇агуд̣̇д̇харан̣знааби аяамад̇т̇о взд̣̇ид̇аб̣б̣о.
Yathā hi tilatelaṃ sāsapatelaṃ madhukatelaṃ eraṇḍakatelaṃ vasātelanti imāni pañca telāni ekacāṭiyaṃ pakkhipitvā divasaṃ yamakamanthe hi manthetvā tato ‘‘idaṃ tilatelaṃ, idaṃ sāsapatela’’nti ekekassa pāṭiyekkaṃ uddharaṇaṃ nāma dukkaraṃ, idaṃ tato dukkarataraṃ. Bhagavā pana sabbaññutaññāṇassa suppaṭividdhattā dhammissaro dhammarājā imesaṃ arūpīnaṃ dhammānaṃ ekārammaṇe vattamānānaṃ vavatthānaṃ akāsi. Pañcannaṃ mahānadīnaṃ samuddaṃ paviṭṭhaṭṭhāne ‘‘idaṃ gaṅgāya udakaṃ, idaṃ yamunāyā’’ti evaṃ pāṭiyekkaṃ udakuddharaṇenāpi ayamattho veditabbo.
ид̇и батамабаб̣б̣зна сун̃н̃ад̇ам̣, д̣̇уд̇иязна сун̃н̃ад̇аалагкан̣анд̇и д̣̇вийхи баб̣б̣зхи анад̇д̇алагкан̣ам̣ гат̇зд̇ваа ид̣̇аани д̣̇угкалагкан̣ам̣ д̣̇ассзд̇ум̣ д̇ад̇ра, бхигкавзд̇иаад̣̇имааха. д̇ад̇т̇а каж̇ж̇аамийд̇и на руубам̣ сунако вияа мам̣сам̣ лун̃жид̇ваа лун̃жид̇ваа каад̣̇ад̇и, яат̇аа бана гилидтавад̇т̇анивад̇т̇о д̇ад̇онид̣̇аанам̣ бийл̣ам̣ санд̇хааяа ‘‘каад̣̇ад̇и мам̣ вад̇т̇а’’нд̇и бхан̣ад̇и, звамид̣̇амби бийл̣ам̣ уббаад̣̇знд̇ам̣ каад̣̇ад̇и наамаад̇и взд̣̇ид̇аб̣б̣ам̣. бадибанно ход̇ийд̇и сийлам̣ аад̣̇им̣ гад̇ваа яаава арахад̇д̇амаг̇г̇аа бадибанно ход̇и. яо банзд̇т̇а б̣алаван̃аан̣о д̇игкаб̣уд̣̇д̇хи н̃аан̣уд̇д̇аро яог̇ааважаро бад̇хаанабхуумияам̣ вааяаманд̇о каан̣унаа ваа ган̣дагзна ваа вид̣̇д̇хо аавуд̇хзна ваа бахадо б̣яаг̇гхаад̣̇ийхи ваа г̇ахзд̇ваа каж̇ж̇амаано д̇ам̣ взд̣̇анам̣ аб̣б̣охааригам̣ гад̇ваа муулагаммадтаанам̣ саммасанд̇о арахад̇д̇амзва г̇ан̣хаад̇и, аяам̣ взд̣̇анааяа ниб̣б̣ид̣̇ааяа вирааг̇ааяа нирод̇хааяа бадибанно наама вужжад̇и бийд̇амаллад̇т̇зро вияа гудумб̣ияабуд̇д̇амахаад̇иссад̇т̇зро вияа вад̇д̇аниадавияам̣ д̇им̣самад̇д̇аанам̣ бхигкуунам̣ ан̃н̃ад̇аро б̣яаг̇гхамукз нибаннабхигку вияа ган̣дагзна вид̣̇д̇хад̇т̇зро вияа жа.
Iti paṭhamapabbena suññataṃ, dutiyena suññatālakkhaṇanti dvīhi pabbehi anattalakkhaṇaṃ kathetvā idāni dukkhalakkhaṇaṃ dassetuṃ tatra, bhikkhavetiādimāha. Tattha khajjāmīti na rūpaṃ sunakho viya maṃsaṃ luñcitvā luñcitvā khādati, yathā pana kiliṭṭhavatthanivattho tatonidānaṃ pīḷaṃ sandhāya ‘‘khādati maṃ vattha’’nti bhaṇati, evamidampi pīḷaṃ uppādentaṃ khādati nāmāti veditabbaṃ. Paṭipanno hotīti sīlaṃ ādiṃ katvā yāva arahattamaggā paṭipanno hoti. Yo panettha balavañāṇo tikkhabuddhi ñāṇuttaro yogāvacaro padhānabhūmiyaṃ vāyamanto khāṇunā vā kaṇṭakena vā viddho āvudhena vā pahaṭo byagghādīhi vā gahetvā khajjamāno taṃ vedanaṃ abbohārikaṃ katvā mūlakammaṭṭhānaṃ sammasanto arahattameva gaṇhāti, ayaṃ vedanāya nibbidāya virāgāya nirodhāya paṭipanno nāma vuccati pītamallatthero viya kuṭumbiyaputtamahātissatthero viya vattaniaṭaviyaṃ tiṃsamattānaṃ bhikkhūnaṃ aññataro byagghamukhe nipannabhikkhu viya kaṇṭakena viddhatthero viya ca.
д̣̇ваад̣̇асасу гира бхигкуусу гхан̣дим̣ бахарид̇ваа аран̃н̃з бад̇хаанамануяун̃ж̇анд̇зсу зго суурияз ад̇т̇ан̇г̇ад̇амад̇д̇зязва гхан̣дим̣ бахарид̇ваа жан̇гамам̣ оруяха жан̇гаманд̇о д̇ирияам̣ ниммат̇знд̇о д̇ин̣абадижчаннам̣ ган̣дагам̣ аггами. ган̣даго бидтибаад̣̇зна нигканд̇о. д̇ад̇д̇апаалзна винивид̣̇д̇хагаало вияа взд̣̇анаа вад̇д̇ад̇и. т̇зро жинд̇зси – ‘‘гим̣ имам̣ ган̣дагам̣ уд̣̇д̇хараами, уд̣̇ааху багад̇ияаа виж̇жхид̇ваа тид̇аган̣дага’’нд̇и? д̇асса звамахоси – ‘‘иминаа ган̣дагзна вид̣̇д̇хад̇д̇аа нираяаад̣̇ийсу бхаяам̣ наама над̇т̇и, багад̇ияаа виж̇жхид̇ваа тид̇аган̣дагам̣язваа’’д̇и. со д̇ам̣ взд̣̇анам̣ аб̣б̣охааригам̣ гад̇ваа саб̣б̣арад̇д̇им̣ жан̇гамид̇ваа вибхаад̇ааяа рад̇д̇ияаа ан̃н̃асса сан̃н̃ам̣ ад̣̇ааси. со ааг̇анд̇ваа ‘‘гим̣, бханд̇з’’д̇и бужчи? ‘‘ган̣дагзнамхи, аавусо, вид̣̇д̇хо’’д̇и. ‘‘гааяа взлааяа, бханд̇з’’д̇и? ‘‘сааяамзва, аавусо’’д̇и. ‘‘гасмаа на амхз баггосид̇т̇а, ган̣дагам̣ уд̣̇д̇харид̇ваа д̇ад̇т̇а д̇зламби син̃жзяяаамаа’’д̇и? ‘‘багад̇ияаа виж̇жхид̇ваа тид̇аган̣дагамзва уд̣̇д̇харид̇ум̣ вааяамимхаа, аавусо’’д̇и. ‘‘саггун̣ид̇т̇а, бханд̇з, уд̣̇д̇харид̇у’’нд̇и. ‘‘згад̣̇зсамад̇д̇зна мз, аавусо, уд̣̇д̇хадо’’д̇и. сзсавад̇т̇ууни д̣̇ийгхамаж̇жхимадтагат̇аасу (д̣̇ий. ни. адта. 2.373; ма. ни. адта. 1.106) сад̇ибадтаанасуд̇д̇анид̣̇д̣̇зсз вид̇т̇аарид̇аанзва.
Dvādasasu kira bhikkhūsu ghaṇṭiṃ paharitvā araññe padhānamanuyuñjantesu eko sūriye atthaṅgatamatteyeva ghaṇṭiṃ paharitvā caṅkamaṃ oruyha caṅkamanto tiriyaṃ nimmathento tiṇapaṭicchannaṃ kaṇṭakaṃ akkami. Kaṇṭako piṭṭhipādena nikkhanto. Tattaphālena vinividdhakālo viya vedanā vattati. Thero cintesi – ‘‘kiṃ imaṃ kaṇṭakaṃ uddharāmi, udāhu pakatiyā vijjhitvā ṭhitakaṇṭaka’’nti? Tassa evamahosi – ‘‘iminā kaṇṭakena viddhattā nirayādīsu bhayaṃ nāma natthi, pakatiyā vijjhitvā ṭhitakaṇṭakaṃyevā’’ti. So taṃ vedanaṃ abbohārikaṃ katvā sabbarattiṃ caṅkamitvā vibhātāya rattiyā aññassa saññaṃ adāsi. So āgantvā ‘‘kiṃ, bhante’’ti pucchi? ‘‘Kaṇṭakenamhi, āvuso, viddho’’ti. ‘‘Kāya velāya, bhante’’ti? ‘‘Sāyameva, āvuso’’ti. ‘‘Kasmā na amhe pakkosittha, kaṇṭakaṃ uddharitvā tattha telampi siñceyyāmā’’ti? ‘‘Pakatiyā vijjhitvā ṭhitakaṇṭakameva uddharituṃ vāyamimhā, āvuso’’ti. ‘‘Sakkuṇittha, bhante, uddharitu’’nti. ‘‘Ekadesamattena me, āvuso, uddhaṭo’’ti. Sesavatthūni dīghamajjhimaṭṭhakathāsu (dī. ni. aṭṭha. 2.373; ma. ni. aṭṭha. 1.106) satipaṭṭhānasuttaniddese vitthāritāneva.
д̇ам̣ гим̣ ман̃н̃ат̇а, бхигкавзд̇и гасмаа аарад̣̇д̇хам̣? имасмим̣ баб̣б̣з д̣̇угкалагкан̣амзва гат̇ид̇ам̣, на анижжалагкан̣ам̣. д̇ам̣ д̣̇ассзд̇ум̣ ид̣̇амаарад̣̇д̇хам̣. д̇ийн̣и лагкан̣аани самод̇хаанзд̇ваа д̣̇ассзд̇умби аарад̣̇д̇хамзва. абажинаад̇и но аажинаад̇ийд̇и ваддам̣ винаасзд̇и, нзва жинаад̇и. баж̇ахад̇и на убаад̣̇ияад̇ийд̇и д̇ад̣̇зва виссаж̇ж̇зд̇и, на г̇ан̣хаад̇и. висинзд̇и на уссинзд̇ийд̇и вигирад̇и на самбин̣д̣зд̇и. вид̇хуубзд̇и на санд̇хуубзд̇ийд̇и ниб̣б̣аабзд̇и на ж̇аалаабзд̇и.
Taṃ kiṃ maññatha, bhikkhaveti kasmā āraddhaṃ? Imasmiṃ pabbe dukkhalakkhaṇameva kathitaṃ, na aniccalakkhaṇaṃ. Taṃ dassetuṃ idamāraddhaṃ. Tīṇi lakkhaṇāni samodhānetvā dassetumpi āraddhameva. Apacināti no ācinātīti vaṭṭaṃ vināseti, neva cināti. Pajahati na upādiyatīti tadeva vissajjeti, na gaṇhāti. Visineti na ussinetīti vikirati na sampiṇḍeti. Vidhūpeti na sandhūpetīti nibbāpeti na jālāpeti.
звам̣ бассам̣, бхигкавзд̇и ид̣̇ам̣ гасмаа аарад̣̇д̇хам̣? ваддам̣ винаасзд̇ваа тид̇ам̣ махаакийн̣аасавам̣ д̣̇ассзссаамийд̇и аарад̣̇д̇хам̣. зд̇д̇агзна ваа таанзна вибассанаа гат̇ид̇аа, ид̣̇аани саха вибассанааяа жад̇д̇ааро маг̇г̇з д̣̇ассзд̇ум̣ ид̣̇ам̣ аарад̣̇д̇хам̣. ат̇а ваа зд̇д̇агзна таанзна батамамаг̇г̇о гат̇ид̇о, ид̣̇аани саха вибассанааяа д̇аяо маг̇г̇з д̣̇ассзд̇ум̣ ид̣̇амаарад̣̇д̇хам̣. зд̇д̇агзна ваа таанзна д̇ийн̣и маг̇г̇аани гат̇ид̇аани, ид̣̇аани саха вибассанааяа арахад̇д̇амаг̇г̇ам̣ д̣̇ассзд̇умби ид̣̇ам̣ аарад̣̇д̇хамзва.
Evaṃ passaṃ, bhikkhaveti idaṃ kasmā āraddhaṃ? Vaṭṭaṃ vināsetvā ṭhitaṃ mahākhīṇāsavaṃ dassessāmīti āraddhaṃ. Ettakena vā ṭhānena vipassanā kathitā, idāni saha vipassanāya cattāro magge dassetuṃ idaṃ āraddhaṃ. Atha vā ettakena ṭhānena paṭhamamaggo kathito, idāni saha vipassanāya tayo magge dassetuṃ idamāraddhaṃ. Ettakena vā ṭhānena tīṇi maggāni kathitāni, idāni saha vipassanāya arahattamaggaṃ dassetumpi idaṃ āraddhameva.
сабаж̇аабад̇игаад̇и сад̣̇д̇хим̣ баж̇аабад̇инаа д̣̇зварааж̇зна. аарагаава намассанд̇ийд̇и д̣̇уурад̇ова намассанд̇и, д̣̇уурзби тид̇ам̣ намассанд̇иязва ааяасманд̇ам̣ нийд̇ад̇т̇зрам̣ вияа.
Sapajāpatikāti saddhiṃ pajāpatinā devarājena. Ārakāva namassantīti dūratova namassanti, dūrepi ṭhitaṃ namassantiyeva āyasmantaṃ nītattheraṃ viya.
т̇зро гира бубпажчад̣д̣агагулад̇о нигкамма баб̣б̣аж̇ид̇о, кураг̇г̇зязва арахад̇д̇ам̣ бад̇ваа жинд̇зси – ‘‘ахам̣ аж̇ж̇зва баб̣б̣аж̇ид̇о аж̇ж̇зва мз баб̣б̣аж̇ид̇агижжам̣ мад̇т̇агам̣ бад̇д̇ам̣, жад̇убажжаяасанд̇осабхааванаараамаман̣д̣ид̇ам̣ махааарияавам̣сабадибад̣̇ам̣ буурзссаамий’’д̇и. со бам̣сугуулад̇т̇ааяа саавад̇т̇им̣ бависид̇ваа жол̣агам̣ бариязсанд̇о вижари. ат̇зго махааб̣рахмаа самаабад̇д̇ид̇о вудтааяа мануссабат̇ам̣ ологзнд̇о т̇зрам̣ д̣̇исваа – ‘‘аж̇ж̇зва баб̣б̣аж̇ид̇ваа аж̇ж̇зва кураг̇г̇з арахад̇д̇ам̣ бад̇ваа махааарияавам̣сабадибад̣̇ам̣ буурзд̇ум̣ жол̣агам̣ бариязсад̇ий’’д̇и ан̃ж̇алим̣ баг̇г̇аяха намассамаано адтааси. д̇аман̃н̃о махааб̣рахмаа д̣̇исваа ‘‘гам̣ намассасий’’д̇и? бужчи. нийд̇ад̇т̇зрам̣ намассаамийд̇и. гим̣ гааран̣аад̇и? аж̇ж̇зва баб̣б̣аж̇ид̇ваа аж̇ж̇зва кураг̇г̇з арахад̇д̇ам̣ бад̇ваа махааарияавам̣сабадибад̣̇ам̣ буурзд̇ум̣ жол̣агам̣ бариязсад̇ийд̇и. соби нам̣ намассамаано адтааси. ат̇ан̃н̃о, ат̇ан̃н̃од̇и сад̇д̇асад̇аа махааб̣рахмаано намассамаанаа адтам̣су. д̇зна вуд̇д̇ам̣ –
Thero kira pupphacchaḍḍakakulato nikkhamma pabbajito, khuraggeyeva arahattaṃ patvā cintesi – ‘‘ahaṃ ajjeva pabbajito ajjeva me pabbajitakiccaṃ matthakaṃ pattaṃ, catupaccayasantosabhāvanārāmamaṇḍitaṃ mahāariyavaṃsapaṭipadaṃ pūressāmī’’ti. So paṃsukūlatthāya sāvatthiṃ pavisitvā coḷakaṃ pariyesanto vicari. Atheko mahābrahmā samāpattito vuṭṭhāya manussapathaṃ olokento theraṃ disvā – ‘‘ajjeva pabbajitvā ajjeva khuragge arahattaṃ patvā mahāariyavaṃsapaṭipadaṃ pūretuṃ coḷakaṃ pariyesatī’’ti añjaliṃ paggayha namassamāno aṭṭhāsi. Tamañño mahābrahmā disvā ‘‘kaṃ namassasī’’ti? Pucchi. Nītattheraṃ namassāmīti. Kiṃ kāraṇāti? Ajjeva pabbajitvā ajjeva khuragge arahattaṃ patvā mahāariyavaṃsapaṭipadaṃ pūretuṃ coḷakaṃ pariyesatīti. Sopi naṃ namassamāno aṭṭhāsi. Athañño, athaññoti sattasatā mahābrahmāno namassamānā aṭṭhaṃsu. Tena vuttaṃ –
‘‘д̇аа д̣̇звад̇аа сад̇д̇асад̇аа ул̣аараа,
‘‘Tā devatā sattasatā uḷārā,
б̣рахмаа вимаанаа абхинигкамид̇ваа;
Brahmā vimānā abhinikkhamitvā;
нийд̇ам̣ намассанд̇и басаннажид̇д̇аа,
Nītaṃ namassanti pasannacittā,
‘кийн̣аасаво г̇ан̣хад̇и бам̣сугуулам̣’’’.
‘Khīṇāsavo gaṇhati paṃsukūlaṃ’’’.
‘‘д̇аа д̣̇звад̇аа сад̇д̇асад̇аа ул̣аараа,
‘‘Tā devatā sattasatā uḷārā,
б̣рахмаа вимаанаа абхинигкамид̇ваа;
Brahmā vimānā abhinikkhamitvā;
нийд̇ам̣ намассанд̇и басаннажид̇д̇аа,
Nītaṃ namassanti pasannacittā,
‘кийн̣аасаво гаяирад̇и бам̣сугуулам̣’’’.
‘Khīṇāsavo kayirati paṃsukūlaṃ’’’.
‘‘‘кийн̣аасаво д̇ховад̇и бам̣сугуулам̣’;
‘‘‘Khīṇāsavo dhovati paṃsukūlaṃ’;
‘кийн̣аасаво раж̇ад̇и бам̣сугуулам̣’;
‘Khīṇāsavo rajati paṃsukūlaṃ’;
‘кийн̣аасаво баарубад̇и бам̣сагуула’’’нд̇и.
‘Khīṇāsavo pārupati paṃsakūla’’’nti.
ид̇и бхаг̇аваа имасмим̣ суд̇д̇з д̣̇зсанам̣ д̇ийхи бхавзхи винивад̇д̇зд̇ваа арахад̇д̇асса гуудам̣ г̇ан̣хи. д̣̇зсанаабарияосаанз бан̃жасад̇аа бхигкуу арахад̇д̇з бад̇идтахим̣су. сад̇д̇амам̣.
Iti bhagavā imasmiṃ sutte desanaṃ tīhi bhavehi vinivattetvā arahattassa kūṭaṃ gaṇhi. Desanāpariyosāne pañcasatā bhikkhū arahatte patiṭṭhahiṃsu. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. каж̇ж̇анийяасуд̇д̇ам̣ • 7. Khajjanīyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. каж̇ж̇анийяасуд̇д̇аван̣н̣анаа • 7. Khajjanīyasuttavaṇṇanā
