| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. каж̇ж̇анийяасуд̇д̇аван̣н̣анаа
7. Khajjanīyasuttavaṇṇanā
79. вибассанаавасзнаад̇и зд̇арахи руубавзд̣̇анаад̣̇аяо ануссарид̇ваа ‘‘буб̣б̣збаахам̣ звам̣взд̣̇ано ахоси’’нд̇и ад̇ийд̇аанам̣ руубавзд̣̇анаад̣̇ийнам̣ бажжуббаннзхи висзсаабхаавад̣̇ассанаа вибассанаа, д̇ассаа вибассанааяа васзна. явааяам̣ ‘‘на ид̣̇ам̣ абхин̃н̃аавасзнаа’’д̇и бадигкзбо гад̇о, д̇асса гааран̣ам̣ д̣̇ассзнд̇о ‘‘абхин̃н̃аавасзна хий’’д̇иаад̣̇имааха. канд̇хабадиб̣ад̣̇д̇хаа наама г̇од̇д̇аван̣н̣ахаараад̣̇аяо. звам̣ ануссаранд̇од̇и яат̇аавуд̇д̇авибассанаавасзна ануссаранд̇о. сабхаавад̇хаммаанам̣ зва ануссаран̣асса вуд̇д̇ад̇д̇аа ‘‘сун̃н̃ад̇аабаб̣б̣а’’нд̇и вуд̇д̇ам̣.
79.Vipassanāvasenāti etarahi rūpavedanādayo anussaritvā ‘‘pubbepāhaṃ evaṃvedano ahosi’’nti atītānaṃ rūpavedanādīnaṃ paccuppannehi visesābhāvadassanā vipassanā, tassā vipassanāya vasena. Yvāyaṃ ‘‘na idaṃ abhiññāvasenā’’ti paṭikkhepo kato, tassa kāraṇaṃ dassento ‘‘abhiññāvasena hī’’tiādimāha. Khandhapaṭibaddhā nāma gottavaṇṇahārādayo. Evaṃ anussarantoti yathāvuttavipassanāvasena anussaranto. Sabhāvadhammānaṃ eva anussaraṇassa vuttattā ‘‘suññatāpabba’’nti vuttaṃ.
яасмаа д̇з зва руубаад̣̇аяо нзва ад̇д̇аа, на ад̇д̇анияаа асаараа аниссараа, д̇асмаа д̇ад̇о сун̃н̃аа, д̇зсам̣ бхааво сун̃н̃ад̇аа, д̇ассаа лагкан̣ам̣ руббанаад̣̇игам̣ д̣̇ассзд̇ум̣.
Yasmā te eva rūpādayo neva attā, na attaniyā asārā anissarā, tasmā tato suññā, tesaṃ bhāvo suññatā, tassā lakkhaṇaṃ ruppanādikaṃ dassetuṃ.
гин̃жаад̇и хзд̇уад̇т̇аж̇од̇агз гааран̣з бажжад̇д̇аважананд̇и ааха ‘‘гин̃жаад̇и гааран̣абужчаа, гзна гааран̣зна руубам̣ вад̣̇зт̇аа’’д̇и. зд̇анд̇и зд̇ам̣ бхууд̇убаад̣̇ааяабхзд̣̇ам̣ д̇хаммаж̇аад̇ам̣. гзна гааран̣зна руубам̣ наамаад̇и гим̣ гааран̣ам̣ ниссааяа руубанд̇и вужжад̇ийд̇и ад̇т̇о. гааран̣уд̣̇д̣̇зсод̇и гааран̣асса уд̣̇д̣̇исанам̣. руббад̇ийд̇и зд̇т̇а руубам̣ наама сийд̇аад̣̇ивирод̇хибажжаяасаннибаад̇зна висад̣̇исуббад̇д̇и. д̇знааха ‘‘сийд̇знабий’’д̇иаад̣̇и. баб̣б̣ад̇абаад̣̇зд̇и жаггаваал̣абаб̣б̣ад̇абаад̣̇з, со бана д̇ад̇т̇а ажжуг̇г̇ад̇о баагааро вияа тид̇о. д̇ат̇аа хи д̇ад̇т̇а сад̇д̇аа оламб̣анд̇аа д̇идтанд̇и. хад̇т̇абаасааг̇ад̇аад̇и хад̇т̇абаасам̣ ааг̇ад̇аа убааг̇ад̇аа. д̇ад̇т̇аад̇и д̇асмим̣ хад̇т̇абаасааг̇ад̇з сад̇д̇з. чиж̇ж̇ид̇ваад̇и мужчаабад̇д̇ияаа мужжид̇ваа, ан̇г̇абажжан̇г̇аужчзд̣̇авасзна ваа барижчиж̇ж̇ид̇ваа. ажжанд̇акаарз уд̣̇агзд̇и аад̇абасанд̇аабаабхаавзна ад̇исийд̇абхаавамзва санд̇хааяа ажжанд̇акаарад̇аа вуд̇д̇аа сияаа. на хи д̇ам̣ габбасан̣таанауд̣̇агам̣ самбад̇д̇игарамахаамзгхавудтам̣ бат̇авийсанд̇хаарагам̣ габбавинаасауд̣̇агам̣ вияа каарам̣ бхавид̇ум̣ арахад̇и, д̇ат̇аа сад̇и бат̇авийби вилийязяяаад̇и. махим̣сагарадтам̣ наама химаванд̇абад̣̇зсз згам̣ радтам̣.
Kiñcāti hetuatthajotake kāraṇe paccattavacananti āha ‘‘kiñcāti kāraṇapucchā, kena kāraṇena rūpaṃ vadethā’’ti. Etanti etaṃ bhūtupādāyabhedaṃ dhammajātaṃ. Kena kāraṇena rūpaṃ nāmāti kiṃ kāraṇaṃ nissāya rūpanti vuccatīti attho. Kāraṇuddesoti kāraṇassa uddisanaṃ. Ruppatīti ettha rūpaṃ nāma sītādivirodhipaccayasannipātena visadisuppatti. Tenāha ‘‘sītenapī’’tiādi. Pabbatapādeti cakkavāḷapabbatapāde, so pana tattha accuggato pākāro viya ṭhito. Tathā hi tattha sattā olambantā tiṭṭhanti. Hatthapāsāgatāti hatthapāsaṃ āgatā upāgatā. Tatthāti tasmiṃ hatthapāsāgate satte. Chijjitvāti mucchāpattiyā muccitvā, aṅgapaccaṅgaucchedavasena vā paricchijjitvā. Accantakhāre udaketi ātapasantāpābhāvena atisītabhāvameva sandhāya accantakhāratā vuttā siyā. Na hi taṃ kappasaṇṭhānaudakaṃ sampattikaramahāmeghavuṭṭhaṃ pathavīsandhārakaṃ kappavināsaudakaṃ viya khāraṃ bhavituṃ arahati, tathā sati pathavīpi vilīyeyyāti. Mahiṃsakaraṭṭhaṃ nāma himavantapadese ekaṃ raṭṭhaṃ.
авийжимахаанираязд̇и сауссад̣̇ам̣ авийжинираяам̣ вуд̇д̇ам̣. г̇ан̇г̇аабидтзд̇и г̇ан̇г̇аад̇ийрз.
Avīcimahānirayeti saussadaṃ avīcinirayaṃ vuttaṃ. Gaṅgāpiṭṭheti gaṅgātīre.
саранд̇аа г̇ажчанд̇ийд̇и сарийсабабад̣̇асса ад̇т̇ам̣ вад̣̇ад̇и. зд̇анд̇и руббанам̣. яат̇аа гатинад̇аа бат̇авияаа бажжад̇д̇алагкан̣ам̣, звам̣ руббанам̣ руубагканд̇хасса бажжад̇д̇алагкан̣ам̣, сабхаавабхууд̇алагкан̣анд̇и ад̇т̇о.
Sarantā gacchantīti sarīsapapadassa atthaṃ vadati. Etanti ruppanaṃ. Yathā kaṭhinatā pathaviyā paccattalakkhaṇaṃ, evaṃ ruppanaṃ rūpakkhandhassa paccattalakkhaṇaṃ, sabhāvabhūtalakkhaṇanti attho.
буримасад̣̇исанд̇и буримз руубагканд̇хз вуд̇д̇зна сад̣̇исам̣. д̇ам̣ ‘‘гинд̇и гааран̣абужчаа’’д̇иаад̣̇инаа вуд̇д̇анаязнзва взд̣̇ид̇аб̣б̣ам̣. сукам̣ идтаарамман̣ам̣. сукаад̣̇ийнам̣ взд̣̇анаанам̣. бажжаяад̇од̇и аарамман̣абажжаяад̇о. аяамад̇т̇од̇и ‘‘сукаарамман̣ам̣ суканд̇и вужжад̇ий’’д̇и аяамад̇т̇о. уд̇д̇арабад̣̇алобзна хзса нид̣̇д̣̇зсо. взд̣̇аяад̇ийд̇и анубхавад̇и. взд̣̇аяид̇алагкан̣аад̇и анубхаваналагкан̣аа.
Purimasadisanti purime rūpakkhandhe vuttena sadisaṃ. Taṃ ‘‘kinti kāraṇapucchā’’tiādinā vuttanayeneva veditabbaṃ. Sukhaṃ iṭṭhārammaṇaṃ. Sukhādīnaṃ vedanānaṃ. Paccayatoti ārammaṇapaccayato. Ayamatthoti ‘‘sukhārammaṇaṃ sukhanti vuccatī’’ti ayamattho. Uttarapadalopena hesa niddeso. Vedayatīti anubhavati. Vedayitalakkhaṇāti anubhavanalakkhaṇā.
нийлабубпзд̇и нийлаван̣н̣абубпз. вад̇т̇з ваад̇и нийлавад̇т̇з. ваа-сад̣̇д̣̇зна ван̣н̣ад̇хаад̇уаад̣̇им̣ сан̇г̇ан̣хаад̇и. аббанам̣ ваа жхаанам̣ ваабзнд̇о. уббаж̇ж̇анасан̃н̃аабийд̇и яам̣ гин̃жи нийлам̣ руубааяад̇анам̣ аараб̣бха уббаж̇ж̇анасан̃н̃ааби, яаа багин̣н̣агасан̃н̃аад̇и вужжад̇и.
Nīlapuppheti nīlavaṇṇapupphe. Vatthe vāti nīlavatthe. Vā-saddena vaṇṇadhātuādiṃ saṅgaṇhāti. Appanaṃ vā jhānaṃ vāpento. Uppajjanasaññāpīti yaṃ kiñci nīlaṃ rūpāyatanaṃ ārabbha uppajjanasaññāpi, yā pakiṇṇakasaññāti vuccati.
руубад̇д̇ааяаад̇и руубабхаавааяа. яааг̇умзваад̇и яааг̇убхаавинамзва вад̇т̇ум̣. яааг̇уд̇д̇ааяа яааг̇убхаавааяа. бажад̇и наама буг̇г̇ало. званд̇и яат̇аа яааг̇уаад̣̇ивад̇т̇ум̣ бурисо яааг̇уаад̣̇иад̇т̇ааяа бажад̇и нибпаад̣̇зд̇и, аяам̣ звам̣ руббанаад̣̇исабхаавз д̇хаммасамуухз яат̇аасагам̣ бажжаязхи абхисан̇карияамаанз жзд̇анаабад̇хаано д̇хаммасамуухо бавад̇д̇анад̇т̇ам̣ висзсабажжаяо худ̇ваа д̇з абхисан̇карод̇и ниробзд̇и ниб̣б̣ад̇д̇зд̇и. д̇знааха ‘‘бажжаязхий’’д̇иаад̣̇и. руубамзваад̇и руубасабхаавамзва, на ан̃н̃ам̣ сабхаавам̣. абхисан̇карод̇ийд̇и ид̇арзхи бажжаяад̇хаммзхи ад̇хигам̣ судту бажжаяад̇ам̣ гарод̇и. ‘‘убаг̇ажчад̇и яаабзд̇и ааяуухад̇ий’’д̇и д̇ассзва взважанаани. абхисан̇каран̣амзва хи ааяууханаад̣̇ийни. ниб̣б̣ад̇д̇зд̇ийд̇и д̇зсам̣ д̇хаммаанам̣ руббанаад̣̇ибхаавзна ниб̣б̣ад̇д̇ияаа бажжаяо ход̇ийд̇и ад̇т̇о. жзд̇аяид̇алагкан̣асса сан̇каарассаад̇и ид̣̇ам̣ сан̇каарагканд̇хад̇хаммаанам̣ жзд̇анаабад̇хаанад̇д̇аа вуд̇д̇ам̣. д̇ат̇аа хи бхаг̇аваа суд̇д̇анд̇абхааж̇анийяз сан̇каарагканд̇хам̣ вибхаж̇анд̇зна жзд̇анаава вибхад̇д̇аа.
Rūpattāyāti rūpabhāvāya. Yāgumevāti yāgubhāvinameva vatthuṃ. Yāguttāya yāgubhāvāya. Pacati nāma puggalo. Evanti yathā yāguādivatthuṃ puriso yāguādiatthāya pacati nipphādeti, ayaṃ evaṃ ruppanādisabhāve dhammasamūhe yathāsakaṃ paccayehi abhisaṅkhariyamāne cetanāpadhāno dhammasamūho pavattanatthaṃ visesapaccayo hutvā te abhisaṅkharoti niropeti nibbatteti. Tenāha ‘‘paccayehī’’tiādi. Rūpamevāti rūpasabhāvameva, na aññaṃ sabhāvaṃ. Abhisaṅkharotīti itarehi paccayadhammehi adhikaṃ suṭṭhu paccayataṃ karoti. ‘‘Upagacchati yāpeti āyūhatī’’ti tasseva vevacanāni. Abhisaṅkharaṇameva hi āyūhanādīni. Nibbattetīti tesaṃ dhammānaṃ ruppanādibhāvena nibbattiyā paccayo hotīti attho. Cetayitalakkhaṇassa saṅkhārassāti idaṃ saṅkhārakkhandhadhammānaṃ cetanāpadhānattā vuttaṃ. Tathā hi bhagavā suttantabhājanīye saṅkhārakkhandhaṃ vibhajantena cetanāva vibhattā.
ваад̇ин̇г̇ан̣ам̣ б̣рахад̇ипалам̣. жад̇урассаваллийд̇и д̇ивуд̇аалад̇аа. акаариганд̇и каарарасарахид̇ам̣, д̇ам̣ бана бан̣н̣апалаад̣̇и. яад̇т̇а лон̣арасо ад̇хиго, д̇ам̣ лон̣иганд̇и ааха ‘‘лон̣аяааг̇уу’’д̇иаад̣̇и. амб̣илаад̣̇ибхзд̣̇ам̣ расам̣.
Vātiṅgaṇaṃ brahatiphalaṃ. Caturassavallīti tivutālatā. Akhārikanti khārarasarahitaṃ, taṃ pana paṇṇaphalādi. Yattha loṇaraso adhiko, taṃ loṇikanti āha ‘‘loṇayāgū’’tiādi. Ambilādibhedaṃ rasaṃ.
аагаарасан̣таанаг̇ахан̣авасзнаад̇и нийлабийд̇аад̣̇иаагаараг̇ахан̣авасзна жзва ваддажад̇урассаад̣̇исан̣таанаг̇ахан̣авасзна жа. винааби аагаарасан̣таанаад̇и аагаарасан̣таанзхи винаа, д̇з табзд̇вааби. бажжад̇д̇абхзд̣̇аг̇ахан̣авасзнаад̇и д̇асса д̇асса аарамман̣асса бабхзд̣̇аг̇ахан̣авасзна. асаммохад̇од̇и яаат̇аавад̇о. висзсо висзсад̇т̇ад̣̇ийбанад̇о, ависзсо аяам̣ д̇хаммо ависзсад̣̇ийбанад̇о. д̇знааха ‘‘висзсо взд̣̇ид̇аб̣б̣о’’д̇и. ж̇аананан̃хи ависидтам̣, д̇ам̣ самаасабад̣̇ад̇о убасаг̇г̇аа висзсзнд̇и. д̇ат̇аа хи сан̃ж̇аананабад̣̇ам̣ бажжабхин̃н̃аан̣анимид̇д̇ам̣ аагаараг̇ахан̣амад̇д̇ам̣ б̣од̇хзд̇и, виж̇аананабад̣̇ам̣ д̇ад̇о висидтависаяаг̇ахан̣ам̣ . баж̇аананабад̣̇ам̣ бана д̇ад̇оби висидтад̇арам̣ багаарад̇о аваб̣од̇хам̣ б̣од̇хзд̇и. д̇знааха ‘‘д̇ассаабий’’д̇иаад̣̇и. аарамман̣асан̃ж̇аананамад̇д̇амзваад̇и нийлаад̣̇ибхзд̣̇асса аарамман̣асса саллагкан̣амад̇д̇амзва. авад̇хааран̣зна лагкан̣абадивзд̇хад̇д̇ам̣ нивад̇д̇зд̇и. д̇знааха ‘‘анижжа’’нд̇иаад̣̇и. н̃аан̣асамбаяуд̇д̇ажид̇д̇зхи вибассанд̇асса вибассанааяа баг̇ун̣абхаавз сад̇и н̃аан̣авиббаяуд̇д̇зна жид̇д̇знаби вибассанаа ход̇иязваад̇и ааха ‘‘анижжаад̣̇ивасзна лагкан̣абадивзд̇хан̃жа баабзд̇ий’’д̇и. бадивзд̇ханд̇и жа убалад̣̇д̇химзва вад̣̇ад̇и, на бадивиж̇жханам̣. д̇знааха ‘‘уссаггид̇ваа банаа’’д̇иаад̣̇и. уссаггид̇ваад̇и уссаггаабзд̇ваа маг̇г̇абаад̇убхаавамби баабзд̇и асаммохасабхаавад̇д̇аа. яат̇аа лагкан̣абадивзд̇хагаалз сан̃ж̇аананалагкан̣авасзна сан̃н̃аан̣аануруубавасзнзва бавад̇д̇ам̣, звам̣ вин̃н̃аан̣авиж̇аананавасзна вааяам̣ ануруубавасзнзва бавад̇д̇ад̇ийд̇и д̣̇адтаб̣б̣ам̣.
Ākārasaṇṭhānagahaṇavasenāti nīlapītādiākāragahaṇavasena ceva vaṭṭacaturassādisaṇṭhānagahaṇavasena ca. Vināpi ākārasaṇṭhānāti ākārasaṇṭhānehi vinā, te ṭhapetvāpi. Paccattabhedagahaṇavasenāti tassa tassa ārammaṇassa pabhedagahaṇavasena. Asammohatoti yāthāvato. Viseso visesatthadīpanato, aviseso ayaṃ dhammo avisesadīpanato. Tenāha ‘‘viseso veditabbo’’ti. Jānanañhi avisiṭṭhaṃ, taṃ samāsapadato upasaggā visesenti. Tathā hi sañjānanapadaṃ paccabhiññāṇanimittaṃ ākāragahaṇamattaṃ bodheti, vijānanapadaṃ tato visiṭṭhavisayagahaṇaṃ . Pajānanapadaṃ pana tatopi visiṭṭhataraṃ pakārato avabodhaṃ bodheti. Tenāha ‘‘tassāpī’’tiādi. Ārammaṇasañjānanamattamevāti nīlādibhedassa ārammaṇassa sallakkhaṇamattameva. Avadhāraṇena lakkhaṇapaṭivedhattaṃ nivatteti. Tenāha ‘‘anicca’’ntiādi. Ñāṇasampayuttacittehi vipassantassa vipassanāya paguṇabhāve sati ñāṇavippayuttena cittenapi vipassanā hotiyevāti āha ‘‘aniccādivasena lakkhaṇapaṭivedhañca pāpetī’’ti. Paṭivedhanti ca upaladdhimeva vadati, na paṭivijjhanaṃ. Tenāha ‘‘ussakkitvā panā’’tiādi. Ussakkitvāti ussakkāpetvā maggapātubhāvampi pāpeti asammohasabhāvattā. Yathā lakkhaṇapaṭivedhakāle sañjānanalakkhaṇavasena saññāṇaanurūpavaseneva pavattaṃ, evaṃ viññāṇavijānanavasena vāyaṃ anurūpavaseneva pavattatīti daṭṭhabbaṃ.
ид̣̇аани д̇амад̇т̇ам̣ хзран̃н̃игаад̣̇иубамааяа вибхаавзд̇ум̣ ‘‘яат̇аа хий’’д̇иаад̣̇имааха. хиран̃н̃ам̣ вужжад̇и гахаабан̣ам̣, хиран̃н̃аж̇аананз нияуд̇д̇о хзран̃н̃иго. логавохаарз аж̇аад̇аа асан̃ж̇аад̇аа б̣уд̣̇д̇хи зд̇ассаад̇и аж̇аад̇аб̣уд̣̇д̇хи, б̣аалад̣̇аараго. вохаарагусало г̇аамаваасий бурисо г̇аамигабурисо. убабхог̇абарибхог̇аарахад̇д̇аа убабхог̇абарибхог̇ам̣. д̇амб̣агам̣самаяад̇д̇аа гуудо. махаасаарад̇д̇аа чзго. ад̣дхасаарад̇д̇аа гарадо. нихийнасаарад̇д̇аа сан̣хо. зд̇т̇а жа яат̇аа хзран̃н̃иго гахаабан̣ам̣ жид̇д̇аад̣̇ибхаавад̇о уд̣̇д̇хам̣ гуудаад̣̇ибхаавам̣ руубад̣̇ассанаад̣̇ивасзна уббад̇д̇идтаанад̇оби ж̇аананд̇о анзгаагаарад̇о ж̇аанаад̇и, звам̣ бан̃н̃аа аарамман̣ам̣ наанаббагаарад̇о ж̇аанаад̇и бадивиж̇жхад̇и, д̇ааяа сад̣̇д̇хим̣ бавад̇д̇амаанавин̃н̃аан̣амби яат̇аависаяам̣ аарамман̣ам̣ ж̇аанаад̇и.
Idāni tamatthaṃ heraññikādiupamāya vibhāvetuṃ ‘‘yathā hī’’tiādimāha. Hiraññaṃ vuccati kahāpaṇaṃ, hiraññajānane niyutto heraññiko. Lokavohāre ajātā asañjātā buddhi etassāti ajātabuddhi, bāladārako. Vohārakusalo gāmavāsī puriso gāmikapuriso. Upabhogaparibhogārahattā upabhogaparibhogaṃ. Tambakaṃsamayattā kūṭo. Mahāsārattā cheko. Aḍḍhasārattā karaṭo. Nihīnasārattā saṇho. Ettha ca yathā heraññiko kahāpaṇaṃ cittādibhāvato uddhaṃ kūṭādibhāvaṃ rūpadassanādivasena uppattiṭṭhānatopi jānanto anekākārato jānāti, evaṃ paññā ārammaṇaṃ nānappakārato jānāti paṭivijjhati, tāya saddhiṃ pavattamānaviññāṇampi yathāvisayaṃ ārammaṇaṃ jānāti.
звам̣ свааяам̣ нзсам̣ ж̇аананз висзсо ан̃н̃зсам̣ ависаяо, б̣уд̣̇д̇хаанам̣ зва висаяод̇и ид̣̇ам̣ висзсам̣ милинд̣̇абан̃хзна вибхаавзд̇ум̣ ‘‘д̇знаахаа’’д̇иаад̣̇имааха, д̇ам̣ сувин̃н̃зяяамзва.
Evaṃ svāyaṃ nesaṃ jānane viseso aññesaṃ avisayo, buddhānaṃ eva visayoti idaṃ visesaṃ milindapañhena vibhāvetuṃ ‘‘tenāhā’’tiādimāha, taṃ suviññeyyameva.
ад̇д̇асун̃н̃аанам̣ сабхаавад̇хаммаанам̣ д̇хаммамад̇д̇ад̇ааяа гат̇ид̇ад̇д̇аа ‘‘анад̇д̇алагкан̣ам̣ гат̇зд̇ваа’’д̇и вуд̇д̇ам̣. хздтимамаг̇г̇аа жа яад̣̇и ад̇хиг̇ад̇аа, арахад̇д̇асса анад̇хиг̇ад̇ад̇д̇аа ‘‘згад̣̇зсамад̇д̇знаа’’д̇и вуд̇д̇ам̣, д̇ам̣ анижжалагкан̣ам̣ д̣̇ассзд̇ум̣ ид̣̇ам̣ баб̣б̣амаарад̣̇д̇хам̣, ид̇араани д̣̇вз лагкан̣аани д̇асса барихаарабхаавзнаад̇и ад̇хиббааяо.
Attasuññānaṃ sabhāvadhammānaṃ dhammamattatāya kathitattā ‘‘anattalakkhaṇaṃ kathetvā’’ti vuttaṃ. Heṭṭhimamaggā ca yadi adhigatā, arahattassa anadhigatattā ‘‘ekadesamattenā’’ti vuttaṃ, taṃ aniccalakkhaṇaṃ dassetuṃ idaṃ pabbamāraddhaṃ, itarāni dve lakkhaṇāni tassa parihārabhāvenāti adhippāyo.
яасмаа банзд̇т̇а ‘‘д̇ам̣ гим̣ ман̃н̃ат̇а, бхигкавз’’д̇иаад̣̇ид̣̇зсанааяа д̇ийсу лагкан̣зсу ид̣̇амзва бад̇хаанабхаавзна д̣̇ассид̇ам̣, ид̣̇ам̣ аббад̇хаанабхаавзнаад̇и на саггаа вад̇д̇ум̣, д̇асмаа ‘‘д̇ийн̣и лагкан̣аани самод̇хаанзд̇ваа д̣̇ассзд̇умбий’’д̇и вуд̇д̇ам̣. абажинаад̇ийд̇и абажаяаг̇аамид̇хаммз нивад̇д̇зд̇и згам̣сад̇о абажаяаг̇аамибадибад̣̇ааяа барибууран̣ад̇о. д̇знааха ‘‘но аажинаад̇ий’’д̇иаад̣̇и. ваддам̣ винаасзд̇ийд̇и вид̇хамад̇и ад̣̇ассанам̣ г̇амзд̇и. нзва жинаад̇ийд̇и на вад̣дхзд̇и. д̇ад̣̇зваад̇и д̇ам̣ ваддам̣ зва. виссаж̇ж̇зд̇ийд̇и чад̣д̣зд̇и. вигирад̇ийд̇и вид̣̇д̇хам̣сзд̇и. вид̇хуубзд̇ийд̇и ваддад̇д̇аяасан̇каад̇ам̣ аг̇г̇игканд̇хам̣ виг̇ад̇ад̇хуумам̣ виг̇ад̇асанд̇аабам̣ гарод̇ийд̇и ад̇т̇од̇и ааха ‘‘ниб̣б̣аабзд̇ий’’д̇и.
Yasmā panettha ‘‘taṃ kiṃ maññatha, bhikkhave’’tiādidesanāya tīsu lakkhaṇesu idameva padhānabhāvena dassitaṃ, idaṃ appadhānabhāvenāti na sakkā vattuṃ, tasmā ‘‘tīṇi lakkhaṇāni samodhānetvā dassetumpī’’ti vuttaṃ. Apacinātīti apacayagāmidhamme nivatteti ekaṃsato apacayagāmipaṭipadāya paripūraṇato. Tenāha ‘‘no ācinātī’’tiādi. Vaṭṭaṃ vināsetīti vidhamati adassanaṃ gameti. Neva cinātīti na vaḍḍheti. Tadevāti taṃ vaṭṭaṃ eva. Vissajjetīti chaḍḍeti. Vikiratīti viddhaṃseti. Vidhūpetīti vaṭṭattayasaṅkhātaṃ aggikkhandhaṃ vigatadhūmaṃ vigatasantāpaṃ karotīti atthoti āha ‘‘nibbāpetī’’ti.
звам̣ бассанд̇иаад̣̇и анааг̇аамипалз тид̇асса арияасаавагасса аг̇г̇амаг̇г̇апалаад̇хиг̇амааяа д̣̇зсанаад̇и ад̇хиббааязнааха ‘‘ваддам̣ винаасзд̇ваа тид̇ам̣ махаакийн̣аасавам̣ д̣̇ассзссаамий’’д̇и. кийн̣аасавасса анааг̇ад̇абхаавад̣̇ассанам̣язва, саб̣б̣аа жааяам̣ хздтимаа д̣̇зсанаа суд̣̇д̇хавибассанаагат̇аа, сахабатамамаг̇г̇аа ваа сахавиж̇ж̇уубамад̇хаммаа ваа вибассанаагат̇аад̇и д̣̇ассзнд̇о ‘‘зд̇д̇агзна таанзнаа’’д̇иаад̣̇имааха.
Evaṃ passantiādi anāgāmiphale ṭhitassa ariyasāvakassa aggamaggaphalādhigamāya desanāti adhippāyenāha ‘‘vaṭṭaṃ vināsetvā ṭhitaṃ mahākhīṇāsavaṃ dassessāmī’’ti. Khīṇāsavassa anāgatabhāvadassanaṃyeva, sabbā cāyaṃ heṭṭhimā desanā suddhavipassanākathā, sahapaṭhamamaggā vā sahavijjūpamadhammā vā vipassanākathāti dassento ‘‘ettakena ṭhānenā’’tiādimāha.
намассанд̇иязва махад̇аа г̇аараваб̣ахумаанзна. д̇знааха ‘‘намо д̇з бурисааж̇ан̃н̃аа’’д̇иаад̣̇и. д̇ад̇т̇а нид̣̇ассанам̣ д̣̇ассзнд̇о ‘‘ааяасманд̇ам̣ нийд̇ад̇т̇зрам̣ вияаа’’д̇и вад̇ваа д̇амад̇т̇ам̣ вибхаавзд̇ум̣ ‘‘т̇зро’’д̇иаад̣̇имааха. д̇ад̇т̇а кураг̇г̇зязваад̇и гзсоробанад̇т̇ам̣ курад̇хаарааяа аг̇г̇з сийсз табид̇з д̇ажабан̃жагагаммадтаанамукзна бхааванам̣ ануяун̃ж̇анд̇о арахад̇д̇ам̣ бад̇ваа. б̣рахмавимаанаад̇и б̣рахмаанам̣ ниваасабхууд̇аа вимаанаа.
Namassantiyeva mahatā gāravabahumānena. Tenāha ‘‘namo te purisājaññā’’tiādi. Tattha nidassanaṃ dassento ‘‘āyasmantaṃ nītattheraṃ viyā’’ti vatvā tamatthaṃ vibhāvetuṃ ‘‘thero’’tiādimāha. Tattha khuraggeyevāti kesoropanatthaṃ khuradhārāya agge sīse ṭhapite tacapañcakakammaṭṭhānamukhena bhāvanaṃ anuyuñjanto arahattaṃ patvā. Brahmavimānāti brahmānaṃ nivāsabhūtā vimānā.
каж̇ж̇анийяасуд̇д̇аван̣н̣анаа нидтид̇аа.
Khajjanīyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. каж̇ж̇анийяасуд̇д̇ам̣ • 7. Khajjanīyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. каж̇ж̇анийяасуд̇д̇аван̣н̣анаа • 7. Khajjanīyasuttavaṇṇanā
