| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
10. каллаадияабзд̇ивад̇т̇уван̣н̣анаа
10. Khallāṭiyapetivatthuvaṇṇanā
гаа ну анд̇овимаанасминд̇и ид̣̇ам̣ сад̇т̇ари саавад̇т̇ияам̣ вихаранд̇з ан̃н̃ад̇арам̣ каллаадияабзд̇им̣ аараб̣бха вуд̇д̇ам̣. ад̇ийд̇з гира б̣аараан̣асияам̣ ан̃н̃ад̇араа руубуубаж̇ийвиний ид̇т̇ий абхируубаа д̣̇ассанийяаа баасаад̣̇игаа барамааяа ван̣н̣абогкарад̇ааяа саманнааг̇ад̇аа ад̇иманохарагзсагалаабий ахоси. д̇ассаа хи гзсаа нийлаа д̣̇ийгхаа д̇ануу муд̣̇уу синид̣̇д̇хаа взллид̇аг̇г̇аа д̣̇вихад̇т̇аг̇аяхаа висадтаа яаава мзкалаа галаабаа оламб̣анд̇и. д̇ам̣ д̇ассаа гзсасобхам̣ д̣̇исваа д̇арун̣аж̇ано язбхуяязна д̇ассам̣ бадиб̣ад̣̇д̇хажид̇д̇о ахоси. ат̇ассаа д̇ам̣ гзсасобхам̣ асахамаанаа иссаабагад̇аа гад̇ибаяаа ид̇т̇ияо манд̇зд̇ваа д̇ассаа зва барижааригад̣̇аасим̣ аамисзна убалаабзд̇ваа д̇ааяа д̇ассаа гзсуубабаад̇анам̣ бхзсаж̇ж̇ам̣ д̣̇аабзсум̣. саа гира д̣̇аасий д̇ам̣ бхзсаж̇ж̇ам̣ нхаанияажун̣н̣зна сад̣̇д̇хим̣ баяож̇зд̇ваа г̇ан̇г̇ааяа над̣̇ияаа нхаанагаалз д̇ассаа ад̣̇ааси . саа д̇зна гзсамуулзсу д̇змзд̇ваа уд̣̇агз нимуж̇ж̇и , нимуж̇ж̇анамад̇д̇зязва гзсаа самуулаа барибад̇им̣су, сийсам̣ жассаа д̇ид̇д̇агалааб̣усад̣̇исам̣ ахоси. ат̇а саа саб̣б̣асо вилуунагзсаа лун̃жид̇амад̇т̇агаа габод̇ий вияа вируубаа худ̇ваа лаж̇ж̇ааяа анд̇онаг̇арам̣ бависид̇ум̣ асаггонд̇ий вад̇т̇зна сийсам̣ взтзд̇ваа б̣ахинаг̇арз ан̃н̃ад̇арасмим̣ бад̣̇зсз ваасам̣ габбзнд̇ий гад̇ибаахажжаязна абаг̇ад̇алаж̇ж̇аа д̇ад̇о нивад̇д̇зд̇ваа д̇илаани бийл̣зд̇ваа д̇злаван̣иж̇ж̇ам̣ сурааван̣иж̇ж̇ан̃жа гаронд̇ий ж̇ийвигам̣ габбзси. саа згад̣̇ивасам̣ д̣̇вийсу д̇ийсу мануссзсу сураамад̇д̇зсу махаанид̣̇д̣̇ам̣ оггаманд̇зсу сит̇илабхууд̇аани д̇зсам̣ нивад̇т̇авад̇т̇аани авахари.
Kānu antovimānasminti idaṃ satthari sāvatthiyaṃ viharante aññataraṃ khallāṭiyapetiṃ ārabbha vuttaṃ. Atīte kira bārāṇasiyaṃ aññatarā rūpūpajīvinī itthī abhirūpā dassanīyā pāsādikā paramāya vaṇṇapokkharatāya samannāgatā atimanoharakesakalāpī ahosi. Tassā hi kesā nīlā dīghā tanū mudū siniddhā vellitaggā dvihatthagayhā visaṭṭhā yāva mekhalā kalāpā olambanti. Taṃ tassā kesasobhaṃ disvā taruṇajano yebhuyyena tassaṃ paṭibaddhacitto ahosi. Athassā taṃ kesasobhaṃ asahamānā issāpakatā katipayā itthiyo mantetvā tassā eva paricārikadāsiṃ āmisena upalāpetvā tāya tassā kesūpapātanaṃ bhesajjaṃ dāpesuṃ. Sā kira dāsī taṃ bhesajjaṃ nhāniyacuṇṇena saddhiṃ payojetvā gaṅgāya nadiyā nhānakāle tassā adāsi . Sā tena kesamūlesu temetvā udake nimujji , nimujjanamatteyeva kesā samūlā paripatiṃsu, sīsaṃ cassā tittakalābusadisaṃ ahosi. Atha sā sabbaso vilūnakesā luñcitamatthakā kapotī viya virūpā hutvā lajjāya antonagaraṃ pavisituṃ asakkontī vatthena sīsaṃ veṭhetvā bahinagare aññatarasmiṃ padese vāsaṃ kappentī katipāhaccayena apagatalajjā tato nivattetvā tilāni pīḷetvā telavaṇijjaṃ surāvaṇijjañca karontī jīvikaṃ kappesi. Sā ekadivasaṃ dvīsu tīsu manussesu surāmattesu mahāniddaṃ okkamantesu sithilabhūtāni tesaṃ nivatthavatthāni avahari.
ат̇згад̣̇ивасам̣ саа згам̣ кийн̣аасавад̇т̇зрам̣ бин̣д̣ааяа жаранд̇ам̣ д̣̇исваа басаннажид̇д̇аа ад̇д̇ано гхарам̣ нзд̇ваа бан̃н̃ад̇д̇з аасанз нисийд̣̇аабзд̇ваа д̇зласам̣садтам̣ д̣̇он̣иниммаж̇ж̇аним̣ бин̃н̃аагамад̣̇ааси. со д̇ассаа анугамбааяа д̇ам̣ бадиг̇г̇ахзд̇ваа барибхун̃ж̇и. саа басаннамаанасаа убари чад̇д̇ам̣ д̇хаараяамаанаа адтааси. со жа т̇зро д̇ассаа жид̇д̇ам̣ бахам̣сзнд̇о анумод̣̇анам̣ гад̇ваа баггаами. саа жа ид̇т̇ий анумод̣̇анагаалзязва ‘‘маяхам̣ гзсаа д̣̇ийгхаа д̇ануу синид̣̇д̇хаа муд̣̇уу взллид̇аг̇г̇аа хонд̇уу’’д̇и бад̇т̇анамагааси.
Athekadivasaṃ sā ekaṃ khīṇāsavattheraṃ piṇḍāya carantaṃ disvā pasannacittā attano gharaṃ netvā paññatte āsane nisīdāpetvā telasaṃsaṭṭhaṃ doṇinimmajjaniṃ piññākamadāsi. So tassā anukampāya taṃ paṭiggahetvā paribhuñji. Sā pasannamānasā upari chattaṃ dhārayamānā aṭṭhāsi. So ca thero tassā cittaṃ pahaṃsento anumodanaṃ katvā pakkāmi. Sā ca itthī anumodanakāleyeva ‘‘mayhaṃ kesā dīghā tanū siniddhā mudū vellitaggā hontū’’ti patthanamakāsi.
саа абарзна самаязна гаалам̣ гад̇ваа миссагагаммасса палзна самуд̣̇д̣̇амаж̇жхз ганагавимаанз згигаа худ̇ваа ниб̣б̣ад̇д̇и. д̇ассаа гзсаа бад̇т̇ид̇аагаарааязва самбаж̇ж̇им̣су. мануссаанам̣ саадагаавахаран̣зна бана наг̇г̇аа ахоси. саа д̇асмим̣ ганагавимаанз бунаббунам̣ уббаж̇ж̇ид̇ваа згам̣ б̣уд̣̇д̇ханд̇арам̣ наг̇г̇аава худ̇ваа вийд̇инаамзси. ат̇а амхаагам̣ бхаг̇авад̇и логз уббаж̇ж̇ид̇ваа бавад̇д̇ид̇аварад̇хаммажаггз анубуб̣б̣зна саавад̇т̇ияам̣ вихаранд̇з саавад̇т̇иваасино сад̇д̇асад̇аа ваан̣иж̇аа суван̣н̣абхуумим̣ уд̣̇д̣̇исса наавааяа махаасамуд̣̇д̣̇ам̣ од̇арим̣су. д̇зхи аарул̣хаа нааваа висамаваад̇авзг̇угкид̇д̇аа ид̇о жид̇о жа бариб̣бхаманд̇ий д̇ам̣ бад̣̇зсам̣ аг̇амааси. ат̇а саа вимаанабзд̇ий саха вимаанзна д̇зсам̣ ад̇д̇аанам̣ д̣̇ассзси. д̇ам̣ д̣̇исваа ж̇здтаваан̣иж̇о бужчанд̇о –
Sā aparena samayena kālaṃ katvā missakakammassa phalena samuddamajjhe kanakavimāne ekikā hutvā nibbatti. Tassā kesā patthitākārāyeva sampajjiṃsu. Manussānaṃ sāṭakāvaharaṇena pana naggā ahosi. Sā tasmiṃ kanakavimāne punappunaṃ uppajjitvā ekaṃ buddhantaraṃ naggāva hutvā vītināmesi. Atha amhākaṃ bhagavati loke uppajjitvā pavattitavaradhammacakke anupubbena sāvatthiyaṃ viharante sāvatthivāsino sattasatā vāṇijā suvaṇṇabhūmiṃ uddissa nāvāya mahāsamuddaṃ otariṃsu. Tehi āruḷhā nāvā visamavātavegukkhittā ito cito ca paribbhamantī taṃ padesaṃ agamāsi. Atha sā vimānapetī saha vimānena tesaṃ attānaṃ dassesi. Taṃ disvā jeṭṭhavāṇijo pucchanto –
58.
58.
‘‘гаа ну анд̇овимаанасмим̣, д̇идтанд̇ий нуубанигками;
‘‘Kā nu antovimānasmiṃ, tiṭṭhantī nūpanikkhami;
убанигкамассу бхад̣̇д̣̇з, бассаама д̇ам̣ б̣ахидтид̇а’’нд̇и. –
Upanikkhamassu bhadde, passāma taṃ bahiṭṭhita’’nti. –
г̇аат̇амааха . д̇ад̇т̇а гаа ну анд̇овимаанасмим̣ д̇идтанд̇ийд̇и вимаанасса анд̇о аб̣бханд̇арз д̇идтанд̇ий гаа ну д̇вам̣, гим̣ мануссид̇т̇ий, уд̣̇ааху амануссид̇т̇ийд̇и бужчад̇и. нуубанигкамийд̇и вимаанад̇о на нигками. убанигкамассу, бхад̣̇д̣̇з, бассаама д̇ам̣ б̣ахидтид̇анд̇и, бхад̣̇д̣̇з, д̇ам̣ маяам̣ б̣ахи тид̇ам̣ бассаама д̣̇адтугаамамхаа, д̇асмаа вимаанад̇о нигкамассу. ‘‘убанигкамассу бхад̣̇д̣̇анд̇з’’д̇и ваа баато, бхад̣̇д̣̇ам̣ д̇з ад̇т̇ууд̇и ад̇т̇о.
Gāthamāha . Tattha kā nu antovimānasmiṃ tiṭṭhantīti vimānassa anto abbhantare tiṭṭhantī kā nu tvaṃ, kiṃ manussitthī, udāhu amanussitthīti pucchati. Nūpanikkhamīti vimānato na nikkhami. Upanikkhamassu, bhadde, passāma taṃ bahiṭṭhitanti, bhadde, taṃ mayaṃ bahi ṭhitaṃ passāma daṭṭhukāmamhā, tasmā vimānato nikkhamassu. ‘‘Upanikkhamassu bhaddante’’ti vā pāṭho, bhaddaṃ te atthūti attho.
ат̇асса саа ад̇д̇ано б̣ахи нигкамисум̣ асаггун̣зяяад̇ам̣ багаасзнд̇ий –
Athassa sā attano bahi nikkhamisuṃ asakkuṇeyyataṃ pakāsentī –
59.
59.
‘‘аддийяаами харааяаами, наг̇г̇аа нигкамид̇ум̣ б̣ахи;
‘‘Aṭṭīyāmi harāyāmi, naggā nikkhamituṃ bahi;
гзсзхамхи бадижчаннаа, бун̃н̃ам̣ мз аббагам̣ гад̇а’’нд̇и. –
Kesehamhi paṭicchannā, puññaṃ me appakaṃ kata’’nti. –
г̇аат̇амааха. д̇ад̇т̇а аддийяаамийд̇и наг̇г̇аа худ̇ваа б̣ахи нигкамид̇ум̣ аддигаа д̣̇угкид̇аа амхи. харааяаамийд̇и лаж̇ж̇аами. гзсзхамхи бадижчаннаад̇и гзсзхи амхи ахам̣ бадижчаад̣̇ид̇аа бааруд̇асарийраа. бун̃н̃ам̣ мз аббагам̣ гад̇анд̇и аббагам̣ барид̇д̇ам̣ маяаа гусалагаммам̣ гад̇ам̣, бин̃н̃аагад̣̇аанамад̇д̇анд̇и ад̇хиббааяо.
Gāthamāha. Tattha aṭṭīyāmīti naggā hutvā bahi nikkhamituṃ aṭṭikā dukkhitā amhi. Harāyāmīti lajjāmi. Kesehamhi paṭicchannāti kesehi amhi ahaṃ paṭicchāditā pārutasarīrā. Puññaṃ me appakaṃ katanti appakaṃ parittaṃ mayā kusalakammaṃ kataṃ, piññākadānamattanti adhippāyo.
ат̇ассаа ваан̣иж̇о ад̇д̇ано уд̇д̇арисаадагам̣ д̣̇аад̇угаамо –-
Athassā vāṇijo attano uttarisāṭakaṃ dātukāmo –-
60.
60.
‘‘ханд̣̇уд̇д̇арийяам̣ д̣̇ад̣̇аами д̇з, ид̣̇ам̣ д̣̇уссам̣ ниваасаяа;
‘‘Handuttarīyaṃ dadāmi te, idaṃ dussaṃ nivāsaya;
ид̣̇ам̣ д̣̇уссам̣ ниваасзд̇ваа, зхи нигкама собханз;
Idaṃ dussaṃ nivāsetvā, ehi nikkhama sobhane;
убанигкамассу бхад̣̇д̣̇з, бассаама д̇ам̣ б̣ахидтид̇а’’нд̇и. –
Upanikkhamassu bhadde, passāma taṃ bahiṭṭhita’’nti. –
г̇аат̇амааха . д̇ад̇т̇а ханд̣̇аад̇и г̇ан̣ха. уд̇д̇арийяанд̇и убасам̣б̣яаанам̣ уд̇д̇арисаадаганд̇и ад̇т̇о. д̣̇ад̣̇аами д̇зд̇и д̇уяхам̣ д̣̇ад̣̇аами. ид̣̇ам̣ д̣̇уссам̣ ниваасаяаад̇и ид̣̇ам̣ мама уд̇д̇арисаадагам̣ д̇вам̣ ниваасзхи. собханзд̇и сунд̣̇араруубз.
Gāthamāha . Tattha handāti gaṇha. Uttarīyanti upasaṃbyānaṃ uttarisāṭakanti attho. Dadāmi teti tuyhaṃ dadāmi. Idaṃ dussaṃ nivāsayāti idaṃ mama uttarisāṭakaṃ tvaṃ nivāsehi. Sobhaneti sundararūpe.
зван̃жа бана вад̇ваа ад̇д̇ано уд̇д̇арисаадагам̣ д̇ассаа убанзси, саа д̇ат̇аа д̣̇ияяамаанасса ад̇д̇ано анубагаббанийяад̇ан̃жа, яат̇аа д̣̇ияяамаанам̣ убагаббад̇и, д̇ан̃жа д̣̇ассзнд̇ий –
Evañca pana vatvā attano uttarisāṭakaṃ tassā upanesi, sā tathā diyyamānassa attano anupakappanīyatañca, yathā diyyamānaṃ upakappati, tañca dassentī –
61.
61.
‘‘хад̇т̇зна хад̇т̇з д̇з д̣̇иннам̣, на маяхам̣ убагаббад̇и;
‘‘Hatthena hatthe te dinnaṃ, na mayhaṃ upakappati;
зсзд̇т̇убаасаго сад̣̇д̇хо, саммаасамб̣уд̣̇д̇хасааваго.
Esetthupāsako saddho, sammāsambuddhasāvako.
62.
62.
‘‘зд̇ам̣ ажчаад̣̇аяид̇ваана, мама д̣̇агкин̣амаад̣̇иса;
‘‘Etaṃ acchādayitvāna, mama dakkhiṇamādisa;
д̇ат̇аахам̣ сукид̇аа хзссам̣, саб̣б̣агаамасамид̣̇д̇хиний’’д̇и. –
Tathāhaṃ sukhitā hessaṃ, sabbakāmasamiddhinī’’ti. –
г̇аат̇аад̣̇ваяамааха . д̇ад̇т̇а хад̇т̇зна хад̇т̇з д̇з д̣̇иннам̣, на маяхам̣ убагаббад̇ийд̇и, маариса, д̇ава хад̇т̇зна мама хад̇т̇з д̇аяаа д̣̇иннам̣ на маяхам̣ убагаббад̇и на винияуж̇ж̇ад̇и, убабхог̇аяог̇г̇ам̣ на ход̇ийд̇и ад̇т̇о. зсзд̇т̇убаасаго сад̣̇д̇ход̇и зсо рад̇анад̇д̇аяам̣ уд̣̇д̣̇исса саран̣аг̇аманзна убаасаго гаммапаласад̣̇д̇хааяа жа саманнааг̇ад̇ад̇д̇аа сад̣̇д̇хо зд̇т̇а зд̇асмим̣ ж̇анасамуухз ад̇т̇и. зд̇ам̣ ажчаад̣̇аяид̇ваана, мама д̣̇агкин̣амаад̣̇исаад̇и зд̇ам̣ убаасагам̣ мама д̣̇ияяамаанам̣ саадагам̣ барид̣̇ахаабзд̇ваа д̇ам̣ д̣̇агкин̣ам̣ маяхам̣ аад̣̇иса бад̇д̇ид̣̇аанам̣ д̣̇зхи. д̇ат̇аахам̣ сукид̇аа хзссанд̇и д̇ат̇аа гад̇з ахам̣ сукид̇аа д̣̇иб̣б̣авад̇т̇анивад̇т̇аа сукаббад̇д̇аа бхависсаамийд̇и.
Gāthādvayamāha . Tattha hatthena hatthe te dinnaṃ, na mayhaṃ upakappatīti, mārisa, tava hatthena mama hatthe tayā dinnaṃ na mayhaṃ upakappati na viniyujjati, upabhogayoggaṃ na hotīti attho. Esetthupāsako saddhoti eso ratanattayaṃ uddissa saraṇagamanena upāsako kammaphalasaddhāya ca samannāgatattā saddho ettha etasmiṃ janasamūhe atthi. Etaṃ acchādayitvāna, mama dakkhiṇamādisāti etaṃ upāsakaṃ mama diyyamānaṃ sāṭakaṃ paridahāpetvā taṃ dakkhiṇaṃ mayhaṃ ādisa pattidānaṃ dehi. Tathāhaṃ sukhitā hessanti tathā kate ahaṃ sukhitā dibbavatthanivatthā sukhappattā bhavissāmīti.
д̇ам̣ суд̇ваа ваан̣иж̇аа д̇ам̣ убаасагам̣ нхаабзд̇ваа вилимбзд̇ваа вад̇т̇аяуг̇зна ажчаад̣̇зсум̣. д̇амад̇т̇ам̣ багаасзнд̇аа сан̇г̇ийд̇игаараа –
Taṃ sutvā vāṇijā taṃ upāsakaṃ nhāpetvā vilimpetvā vatthayugena acchādesuṃ. Tamatthaṃ pakāsentā saṅgītikārā –
63.
63.
‘‘д̇ан̃жа д̇з нхаабаяид̇ваана, вилимбзд̇ваана ваан̣иж̇аа;
‘‘Tañca te nhāpayitvāna, vilimpetvāna vāṇijā;
вад̇т̇зхажчаад̣̇аяид̇ваана, д̇ассаа д̣̇агкин̣амаад̣̇исум̣.
Vatthehacchādayitvāna, tassā dakkhiṇamādisuṃ.
64.
64.
‘‘самананд̇араануд̣̇д̣̇идтз , вибааго уд̣̇абаж̇ж̇ат̇а;
‘‘Samanantarānuddiṭṭhe , vipāko udapajjatha;
бхож̇анажчаад̣̇анабаанийяам̣, д̣̇агкин̣ааяа ид̣̇ам̣ палам̣.
Bhojanacchādanapānīyaṃ, dakkhiṇāya idaṃ phalaṃ.
65.
65.
‘‘д̇ад̇о суд̣̇д̇хаа суживасанаа, гаасигуд̇д̇амад̇хаариний;
‘‘Tato suddhā sucivasanā, kāsikuttamadhārinī;
хасанд̇ий вимаанаа нигками, д̣̇агкин̣ааяа ид̣̇ам̣ пала’’нд̇и. –
Hasantī vimānā nikkhami, dakkhiṇāya idaṃ phala’’nti. –
д̇иссо г̇аат̇ааяо авожум̣.
Tisso gāthāyo avocuṃ.
63. д̇ад̇т̇а д̇анд̇и д̇ам̣ убаасагам̣. жа-сад̣̇д̣̇о нибаад̇амад̇д̇ам̣. д̇зд̇и д̇з ваан̣иж̇аад̇и яож̇анаа. вилимбзд̇ваанаад̇и уд̇д̇амзна г̇анд̇хзна вилимбзд̇ваа. вад̇т̇зхажчаад̣̇аяид̇ваанаад̇и ван̣н̣аг̇анд̇харасасамбаннам̣ саб̣яан̃ж̇анам̣ бхож̇анам̣ бхож̇зд̇ваа ниваасанам̣ уд̇д̇арийяанд̇и д̣̇вийхи вад̇т̇зхи ажчаад̣̇зсум̣, д̣̇вз вад̇т̇аани ад̣̇ам̣сууд̇и ад̇т̇о. д̇ассаа д̣̇агкин̣амаад̣̇исунд̇и д̇ассаа бзд̇ияаа д̇ам̣ д̣̇агкин̣ам̣ аад̣̇исим̣су.
63. Tattha tanti taṃ upāsakaṃ. Ca-saddo nipātamattaṃ. Teti te vāṇijāti yojanā. Vilimpetvānāti uttamena gandhena vilimpetvā. Vatthehacchādayitvānāti vaṇṇagandharasasampannaṃ sabyañjanaṃ bhojanaṃ bhojetvā nivāsanaṃ uttarīyanti dvīhi vatthehi acchādesuṃ, dve vatthāni adaṃsūti attho. Tassā dakkhiṇamādisunti tassā petiyā taṃ dakkhiṇaṃ ādisiṃsu.
64. самананд̇араануд̣̇д̣̇идтзд̇и ануу-д̇и нибаад̇амад̇д̇ам̣, д̇ассаа д̣̇агкин̣ааяа уд̣̇д̣̇идтасамананд̇арамзва. вибааго уд̣̇абаж̇ж̇ат̇аад̇и д̇ассаа бзд̇ияаа вибааго д̣̇агкин̣ааяа палам̣ уббаж̇ж̇и. гийд̣̇исод̇и бзд̇ий ааха бхож̇анажчаад̣̇анабаанийяанд̇и. наанаббагаарам̣ д̣̇иб̣б̣абхож̇анасад̣̇исам̣ бхож̇анан̃жа наанаавирааг̇аван̣н̣асамуж̇ж̇алам̣ д̣̇иб̣б̣авад̇т̇асад̣̇исам̣ вад̇т̇ан̃жа анзгавид̇хам̣ баанаган̃жа д̣̇агкин̣ааяа ид̣̇ам̣ ийд̣̇исам̣ палам̣ уд̣̇абаж̇ж̇ат̇аад̇и яож̇анаа.
64.Samanantarānuddiṭṭheti anū-ti nipātamattaṃ, tassā dakkhiṇāya uddiṭṭhasamanantarameva. Vipāko udapajjathāti tassā petiyā vipāko dakkhiṇāya phalaṃ uppajji. Kīdisoti petī āha bhojanacchādanapānīyanti. Nānappakāraṃ dibbabhojanasadisaṃ bhojanañca nānāvirāgavaṇṇasamujjalaṃ dibbavatthasadisaṃ vatthañca anekavidhaṃ pānakañca dakkhiṇāya idaṃ īdisaṃ phalaṃ udapajjathāti yojanā.
65. д̇ад̇од̇и яат̇аавуд̇д̇абхож̇анаад̣̇ибадилаабхад̇о бажчаа. суд̣̇д̇хаад̇и нхаанзна суд̣̇д̇хасарийраа. суживасанаад̇и сувисуд̣̇д̇хавад̇т̇анивад̇т̇аа. гаасигуд̇д̇амад̇хааринийд̇и гаасигавад̇т̇ад̇оби уд̇д̇амавад̇т̇ад̇хаариний. хасанд̇ийд̇и ‘‘бассат̇а д̇аава д̇умхаагам̣ д̣̇агкин̣ааяа ид̣̇ам̣ палависзса’’нд̇и багаасанавасзна хасамаанаа вимаанад̇о нигками.
65.Tatoti yathāvuttabhojanādipaṭilābhato pacchā. Suddhāti nhānena suddhasarīrā. Sucivasanāti suvisuddhavatthanivatthā. Kāsikuttamadhārinīti kāsikavatthatopi uttamavatthadhārinī. Hasantīti ‘‘passatha tāva tumhākaṃ dakkhiṇāya idaṃ phalavisesa’’nti pakāsanavasena hasamānā vimānato nikkhami.
ат̇а д̇з ваан̣иж̇аа звам̣ бажжагкад̇о бун̃н̃апалам̣ д̣̇исваа ажчарияаб̣бхуд̇ажид̇д̇аж̇аад̇аа д̇асмим̣ убаасагз сан̃ж̇аад̇аг̇аараваб̣ахумаанаа гад̇ан̃ж̇алий д̇ам̣ баяирубаасим̣су. соби д̇з д̇хаммагат̇ааяа бхияяосомад̇д̇ааяа басаад̣̇зд̇ваа саран̣зсу жа сийлзсу жа бад̇идтаабзси. д̇з д̇ааяа вимаанабзд̇ияаа гад̇агаммам̣ –
Atha te vāṇijā evaṃ paccakkhato puññaphalaṃ disvā acchariyabbhutacittajātā tasmiṃ upāsake sañjātagāravabahumānā katañjalī taṃ payirupāsiṃsu. Sopi te dhammakathāya bhiyyosomattāya pasādetvā saraṇesu ca sīlesu ca patiṭṭhāpesi. Te tāya vimānapetiyā katakammaṃ –
66.
66.
‘‘сужид̇д̇аруубам̣ ружирам̣, вимаанам̣ д̇з бабхаасад̇и;
‘‘Sucittarūpaṃ ruciraṃ, vimānaṃ te pabhāsati;
д̣̇звад̇з бужчид̇аажигка, гисса гаммассид̣̇ам̣ пала’’нд̇и. –
Devate pucchitācikkha, kissa kammassidaṃ phala’’nti. –
имааяа г̇аат̇ааяа бужчим̣су. д̇ад̇т̇а сужид̇д̇аруубанд̇и хад̇т̇иассаид̇т̇ибурисаад̣̇ивасзна жзва маалаагаммалад̇аагаммаад̣̇ивасзна жа судту вихид̇ажид̇д̇аруубам̣. ружиранд̇и раман̣ийяам̣ д̣̇ассанийяам̣. гисса гаммассид̣̇ам̣ паланд̇и гийд̣̇исасса гаммасса, гим̣ д̣̇аанамаяасса уд̣̇ааху сийламаяасса ид̣̇ам̣ паланд̇и ад̇т̇о.
Imāya gāthāya pucchiṃsu. Tattha sucittarūpanti hatthiassaitthipurisādivasena ceva mālākammalatākammādivasena ca suṭṭhu vihitacittarūpaṃ. Ruciranti ramaṇīyaṃ dassanīyaṃ. Kissa kammassidaṃ phalanti kīdisassa kammassa, kiṃ dānamayassa udāhu sīlamayassa idaṃ phalanti attho.
саа д̇зхи звам̣ будтаа ‘‘маяаа гад̇асса барид̇д̇агасса гусалагаммасса д̇аава ид̣̇ам̣ палам̣, агусалагаммасса бана ааяад̇им̣ нираяз зд̣̇исам̣ бхависсад̇ий’’д̇и д̇ад̣̇убхаяам̣ аажигканд̇ий –
Sā tehi evaṃ puṭṭhā ‘‘mayā katassa parittakassa kusalakammassa tāva idaṃ phalaṃ, akusalakammassa pana āyatiṃ niraye edisaṃ bhavissatī’’ti tadubhayaṃ ācikkhantī –
67.
67.
‘‘бхигкуно жарамаанасса, д̣̇он̣иниммаж̇ж̇аним̣ ахам̣;
‘‘Bhikkhuno caramānassa, doṇinimmajjaniṃ ahaṃ;
ад̣̇аасим̣ уж̇убхууд̇асса, виббасаннзна жзд̇асаа.
Adāsiṃ ujubhūtassa, vippasannena cetasā.
68.
68.
‘‘д̇асса гаммасса гусаласса, вибаагам̣ д̣̇ийгхаманд̇арам̣;
‘‘Tassa kammassa kusalassa, vipākaṃ dīghamantaraṃ;
анубхоми вимаанасмим̣, д̇ан̃жа д̣̇аани барид̇д̇агам̣.
Anubhomi vimānasmiṃ, tañca dāni parittakaṃ.
69.
69.
‘‘уд̣̇д̇хам̣ жад̇уухи маасзхи, гаалам̣гирияаа бхависсад̇и;
‘‘Uddhaṃ catūhi māsehi, kālaṃkiriyā bhavissati;
зганд̇агадугам̣ гхорам̣, нираяам̣ бабад̇иссахам̣.
Ekantakaṭukaṃ ghoraṃ, nirayaṃ papatissahaṃ.
70.
70.
‘‘жад̇угган̣н̣ам̣ жад̇уд̣̇ваарам̣, вибхад̇д̇ам̣ бхааг̇асо мид̇ам̣;
‘‘Catukkaṇṇaṃ catudvāraṃ, vibhattaṃ bhāgaso mitaṃ;
аяобаагаарабарияанд̇ам̣, аяасаа бадигуж̇ж̇ид̇ам̣.
Ayopākārapariyantaṃ, ayasā paṭikujjitaṃ.
71.
71.
‘‘д̇асса аяомаяаа бхууми, ж̇алид̇аа д̇зж̇асаа яуд̇аа;
‘‘Tassa ayomayā bhūmi, jalitā tejasā yutā;
саманд̇аа яож̇анасад̇ам̣, парид̇ваа д̇идтад̇и саб̣б̣ад̣̇аа.
Samantā yojanasataṃ, pharitvā tiṭṭhati sabbadā.
72.
72.
‘‘д̇ад̇т̇аахам̣ д̣̇ийгхамад̣̇д̇хаанам̣, д̣̇угкам̣ взд̣̇исса взд̣̇анам̣;
‘‘Tatthāhaṃ dīghamaddhānaṃ, dukkhaṃ vedissa vedanaṃ;
палан̃жа баабагаммасса, д̇асмаа сожаамахам̣ бхуса’’нд̇и. – г̇аат̇ааяо абхааси;
Phalañca pāpakammassa, tasmā socāmahaṃ bhusa’’nti. – gāthāyo abhāsi;
67. д̇ад̇т̇а бхигкуно жарамаанассаад̇и ан̃н̃ад̇арасса бхиннагилзсасса бхигкуно бхигкааяа жаранд̇асса. д̣̇он̣иниммаж̇ж̇анинд̇и виссанд̣̇амаанад̇злам̣ бин̃н̃аагам̣. уж̇убхууд̇ассаад̇и жид̇д̇аж̇имхаван̇гагудилабхаавагараанам̣ гилзсаанам̣ абхаавзна уж̇убхааваббад̇д̇асса. виббасаннзна жзд̇асаад̇и гаммапаласад̣̇д̇хааяа судту басаннзна жид̇д̇зна.
67. Tattha bhikkhuno caramānassāti aññatarassa bhinnakilesassa bhikkhuno bhikkhāya carantassa. Doṇinimmajjaninti vissandamānatelaṃ piññākaṃ. Ujubhūtassāti cittajimhavaṅkakuṭilabhāvakarānaṃ kilesānaṃ abhāvena ujubhāvappattassa. Vippasannena cetasāti kammaphalasaddhāya suṭṭhu pasannena cittena.
68-69. д̣̇ийгхаманд̇аранд̇и ма-гааро бад̣̇асанд̇хигаро, д̣̇ийгхаанд̇арам̣ д̣̇ийгхагааланд̇и ад̇т̇о. д̇ан̃жа д̣̇аани барид̇д̇аганд̇и д̇ан̃жа бун̃н̃апалам̣ вибаггавибаагад̇д̇аа гаммасса ид̣̇аани барид̇д̇агам̣ аббаавасзсам̣, на жирзнзва ид̇о жависсаамийд̇и ад̇т̇о. д̇знааха ‘‘уд̣̇д̇хам̣ жад̇уухи маасзхи, гаалам̣гирияаа бхависсад̇ий’’д̇и жад̇уухи маасзхи уд̣̇д̇хам̣ жад̇уннам̣ маасаанам̣ убари бан̃жамз маасз мама гаалам̣гирияаа бхависсад̇ийд̇и д̣̇ассзд̇и. зганд̇агадуганд̇и зганд̇знзва анидтачапассааяад̇анигабхаавад̇о зганд̇ад̣̇угканд̇и ад̇т̇о. гхоранд̇и д̣̇аарун̣ам̣. нираяанд̇и над̇т̇и зд̇т̇а аяо суканд̇и гад̇ваа ‘‘нираяа’’нд̇и лад̣̇д̇ханаамам̣ нарагам̣. бабад̇иссаханд̇и бабахиссаами ахам̣.
68-69.Dīghamantaranti ma-kāro padasandhikaro, dīghaantaraṃ dīghakālanti attho. Tañca dāni parittakanti tañca puññaphalaṃ vipakkavipākattā kammassa idāni parittakaṃ appāvasesaṃ, na cireneva ito cavissāmīti attho. Tenāha ‘‘uddhaṃ catūhi māsehi, kālaṃkiriyā bhavissatī’’ti catūhi māsehi uddhaṃ catunnaṃ māsānaṃ upari pañcame māse mama kālaṃkiriyā bhavissatīti dasseti. Ekantakaṭukanti ekanteneva aniṭṭhachaphassāyatanikabhāvato ekantadukkhanti attho. Ghoranti dāruṇaṃ. Nirayanti natthi ettha ayo sukhanti katvā ‘‘niraya’’nti laddhanāmaṃ narakaṃ. Papatissahanti papahissāmi ahaṃ.
70. ‘‘нираяа’’нд̇и жзд̇т̇а авийжимахаанираяасса ад̇хиббзд̇ад̇д̇аа д̇ам̣ саруубад̇о д̣̇ассзд̇ум̣ ‘‘жад̇угган̣н̣а’’нд̇иаад̣̇имааха. д̇ад̇т̇а жад̇угган̣н̣анд̇и жад̇уггон̣ам̣. жад̇уд̣̇вааранд̇и жад̇уусу д̣̇исаасу жад̇уухи д̣̇ваарзхи яуд̇д̇ам̣. вибхад̇д̇анд̇и судту вибхад̇д̇ам̣.
70. ‘‘Niraya’’nti cettha avīcimahānirayassa adhippetattā taṃ sarūpato dassetuṃ ‘‘catukkaṇṇa’’ntiādimāha. Tattha catukkaṇṇanti catukkoṇaṃ. Catudvāranti catūsu disāsu catūhi dvārehi yuttaṃ. Vibhattanti suṭṭhu vibhattaṃ.
бхааг̇асод̇и бхааг̇ад̇о. мид̇анд̇и д̇улид̇ам̣. аяобаагаарабарияанд̇анд̇и аяомаязна баагаарзна баригкид̇д̇ам̣. аяасаа бадигуж̇ж̇ид̇анд̇и аяобадалзнзва убари бихид̇ам̣.
Bhāgasoti bhāgato. Mitanti tulitaṃ. Ayopākārapariyantanti ayomayena pākārena parikkhittaṃ. Ayasā paṭikujjitanti ayopaṭaleneva upari pihitaṃ.
71-72. д̇зж̇асаа яуд̇аад̇и саманд̇ад̇о самудтид̇аж̇аалзна махад̇аа аг̇г̇инаа ниранд̇арам̣ самааяуд̇аж̇аалаа. саманд̇аа яож̇анасад̇анд̇и звам̣ бана саманд̇аа б̣ахи саб̣б̣ад̣̇исаасу яож̇анасад̇ам̣ яож̇анаанам̣ сад̇ам̣. саб̣б̣ад̣̇аад̇и саб̣б̣агаалам̣. парид̇ваа д̇идтад̇ийд̇и б̣яаабзд̇ваа д̇идтад̇и. д̇ад̇т̇аад̇и д̇асмим̣ махаанираяз. взд̣̇иссанд̇и взд̣̇иссаами анубхависсаами. палан̃жа баабагаммассаад̇и ид̣̇ам̣ ийд̣̇исам̣ д̣̇угкаанубхаванам̣ махаа звам̣ гад̇асса баабасса гаммасса паланд̇и ад̇т̇о.
71-72.Tejasā yutāti samantato samuṭṭhitajālena mahatā agginā nirantaraṃ samāyutajālā. Samantā yojanasatanti evaṃ pana samantā bahi sabbadisāsu yojanasataṃ yojanānaṃ sataṃ. Sabbadāti sabbakālaṃ. Pharitvā tiṭṭhatīti byāpetvā tiṭṭhati. Tatthāti tasmiṃ mahāniraye. Vedissanti vedissāmi anubhavissāmi. Phalañca pāpakammassāti idaṃ īdisaṃ dukkhānubhavanaṃ mahā evaṃ katassa pāpassa kammassa phalanti attho.
звам̣ д̇ааяа ад̇д̇анаа гад̇агаммапалз ааяад̇им̣ нзраяигабхаяз жа багаасид̇з со убаасаго гарун̣аасан̃жод̣̇ид̇амаанасо ‘‘ханд̣̇ассаахам̣ бад̇идтаа бхавзяяа’’нд̇и жинд̇зд̇ваа ааха – ‘‘д̣̇звад̇з, д̇вам̣ маяхам̣ згасса д̣̇аанавасзна саб̣б̣агаамасамид̣̇д̇хаа удтаарасамбад̇д̇ияуд̇д̇аа ж̇аад̇аа, ид̣̇аани бана имзсам̣ убаасагаанам̣ д̣̇аанам̣ д̣̇ад̇ваа сад̇т̇у жа г̇ун̣з ануссарид̇ваа нираяуубабад̇д̇ид̇о мужжиссасий’’д̇и. саа бзд̇ий хадтад̇удтаа ‘‘саад̇хуу’’д̇и вад̇ваа д̇з д̣̇иб̣б̣зна аннабаанзна санд̇аббзд̇ваа д̣̇иб̣б̣аани вад̇т̇аани наанаавид̇хаани рад̇анаани жа ад̣̇ааси, бхаг̇аванд̇ан̃жа уд̣̇д̣̇исса д̣̇иб̣б̣ам̣ д̣̇уссаяуг̇ам̣ д̇зсам̣ хад̇т̇з д̣̇ад̇ваа ‘‘ан̃н̃ад̇араа, бханд̇з, вимаанабзд̇ий бхаг̇авад̇о баад̣̇з сирасаа ванд̣̇ад̇ийд̇и саавад̇т̇им̣ г̇анд̇ваа сад̇т̇аарам̣ мама важанзна ванд̣̇ат̇аа’’д̇и ванд̣̇анан̃жа бзсзси, д̇ан̃жа наавам̣ ад̇д̇ано ид̣̇д̇хаанубхаавзна д̇зхи ижчид̇абадданам̣ д̇ам̣ д̣̇ивасамзва убанзси.
Evaṃ tāya attanā katakammaphale āyatiṃ nerayikabhaye ca pakāsite so upāsako karuṇāsañcoditamānaso ‘‘handassāhaṃ patiṭṭhā bhaveyya’’nti cintetvā āha – ‘‘devate, tvaṃ mayhaṃ ekassa dānavasena sabbakāmasamiddhā uṭṭhārasampattiyuttā jātā, idāni pana imesaṃ upāsakānaṃ dānaṃ datvā satthu ca guṇe anussaritvā nirayūpapattito muccissasī’’ti. Sā petī haṭṭhatuṭṭhā ‘‘sādhū’’ti vatvā te dibbena annapānena santappetvā dibbāni vatthāni nānāvidhāni ratanāni ca adāsi, bhagavantañca uddissa dibbaṃ dussayugaṃ tesaṃ hatthe datvā ‘‘aññatarā, bhante, vimānapetī bhagavato pāde sirasā vandatīti sāvatthiṃ gantvā satthāraṃ mama vacanena vandathā’’ti vandanañca pesesi, tañca nāvaṃ attano iddhānubhāvena tehi icchitapaṭṭanaṃ taṃ divasameva upanesi.
ат̇а д̇з ваан̣иж̇аа д̇ад̇о бадданад̇о ануггамзна саавад̇т̇им̣ бад̇ваа ж̇зд̇аванам̣ бависид̇ваа сад̇т̇у д̇ам̣ д̣̇уссаяуг̇ам̣ д̣̇ад̇ваа ванд̣̇анан̃жа нивзд̣̇зд̇ваа аад̣̇ид̇о бадтааяа д̇ам̣ бавад̇д̇им̣ бхаг̇авад̇о аарожзсум̣. сад̇т̇аа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа вид̇т̇аарзна д̇хаммам̣ д̣̇зсзси, саа д̣̇зсанаа махааж̇анасса саад̇т̇игаа ж̇аад̇аа. д̇з бана убаасагаа д̣̇уд̇ияад̣̇ивасз б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа д̇ассаа д̣̇агкин̣амаад̣̇исим̣су. саа жа д̇ад̇о бзд̇алогад̇о жавид̇ваа вивид̇харад̇анавиж̇ж̇од̇ид̇з д̇аавад̇им̣сабхаванз ганагавимаанз ажчараасахассабариваараа ниб̣б̣ад̇д̇ийд̇и.
Atha te vāṇijā tato paṭṭanato anukkamena sāvatthiṃ patvā jetavanaṃ pavisitvā satthu taṃ dussayugaṃ datvā vandanañca nivedetvā ādito paṭṭhāya taṃ pavattiṃ bhagavato ārocesuṃ. Satthā tamatthaṃ aṭṭhuppattiṃ katvā sampattaparisāya vitthārena dhammaṃ desesi, sā desanā mahājanassa sātthikā jātā. Te pana upāsakā dutiyadivase buddhappamukhassa bhikkhusaṅghassa mahādānaṃ datvā tassā dakkhiṇamādisiṃsu. Sā ca tato petalokato cavitvā vividharatanavijjotite tāvatiṃsabhavane kanakavimāne accharāsahassaparivārā nibbattīti.
каллаадияабзд̇ивад̇т̇уван̣н̣анаа нидтид̇аа.
Khallāṭiyapetivatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 10. каллаадияабзд̇ивад̇т̇у • 10. Khallāṭiyapetivatthu
