| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
3. камбхагад̇аваг̇г̇аван̣н̣анаа
3. Khambhakatavaggavaṇṇanā
596-8. камбхагад̇о наама гадияам̣ хад̇т̇ам̣ табзд̇ваа гад̇акамбхо. ог̇ун̣тид̇од̇и сасийсам̣ бааруд̇о.
596-8.Khambhakato nāma kaṭiyaṃ hatthaṃ ṭhapetvā katakhambho. Oguṇṭhitoti sasīsaṃ pāruto.
600. уггудигааяаад̇и зд̇т̇а уггудигаа вужжад̇и бан̣хияо угкибид̇ваа аг̇г̇абаад̣̇зхи ваа, аг̇г̇абаад̣̇з ваа угкибид̇ваа бан̣хийхиязва ваа бхуумим̣ пусанд̇асса г̇аманам̣. гаран̣аважанам̣ банзд̇т̇а вуд̇д̇алагкан̣амзва.
600.Ukkuṭikāyāti ettha ukkuṭikā vuccati paṇhiyo ukkhipitvā aggapādehi vā, aggapāde vā ukkhipitvā paṇhīhiyeva vā bhūmiṃ phusantassa gamanaṃ. Karaṇavacanaṃ panettha vuttalakkhaṇameva.
601. д̣̇уссабаллад̇т̇игааяаад̇и зд̇т̇а ааяог̇абаллад̇т̇игааби д̣̇уссабаллад̇т̇игаа зва.
601.Dussapallatthikāyāti ettha āyogapallatthikāpi dussapallatthikā eva.
602. саггажжанд̇и сад̇им̣ убадтабзд̇ваа.
602.Sakkaccanti satiṃ upaṭṭhapetvā.
603. аагиранд̇збийд̇и бин̣д̣абаад̇ам̣ д̣̇знд̇зби. бад̇д̇асан̃н̃ийд̇и бад̇д̇з сан̃н̃ам̣ гад̇ваа.
603.Ākirantepīti piṇḍapātaṃ dentepi. Pattasaññīti patte saññaṃ katvā.
604. самасуубаго наама яад̇т̇а бхад̇д̇асса жад̇уд̇т̇абхааг̇аббамаан̣о суубо ход̇и. муг̇г̇асуубо маасасуубод̇и зд̇т̇а гулад̇т̇аад̣̇ийхи гад̇асуубааби сан̇г̇ахам̣ г̇ажчанд̇иязваад̇и махаабажжарияам̣ вуд̇д̇ам̣. расарасзд̇и зд̇т̇а табзд̇ваа д̣̇вз суубз авасзсаани олон̣ийсаагасуубзяяамажчарасамам̣сарасаад̣̇ийни расарасаад̇и взд̣̇ид̇аб̣б̣аани. д̇ам̣ расарасам̣ б̣ахумби г̇ан̣ханд̇асса анаабад̇д̇и.
604.Samasūpako nāma yattha bhattassa catutthabhāgappamāṇo sūpo hoti. Muggasūpo māsasūpoti ettha kulatthādīhi katasūpāpi saṅgahaṃ gacchantiyevāti mahāpaccariyaṃ vuttaṃ. Rasaraseti ettha ṭhapetvā dve sūpe avasesāni oloṇīsākasūpeyyamaccharasamaṃsarasādīni rasarasāti veditabbāni. Taṃ rasarasaṃ bahumpi gaṇhantassa anāpatti.
605. самад̇ид̇д̇иганд̇и самабун̣н̣ам̣ самабхарид̇ам̣. т̇уубийгад̇ам̣ бин̣д̣абаад̇ам̣ бадиг̇г̇ан̣хаад̇и, аабад̇д̇и д̣̇уггадассаад̇и зд̇т̇а т̇уубийгад̇о наама бад̇д̇асса анд̇омукаваддилзкам̣ ад̇иггамид̇ваа гад̇о; бад̇д̇з багкид̇д̇о ражид̇о буурид̇од̇и ад̇т̇о. звам̣ гад̇ам̣ аг̇ахзд̇ваа анд̇омукаваддилзкаасамаббамаан̣о г̇ахзд̇аб̣б̣о.
605.Samatittikanti samapuṇṇaṃ samabharitaṃ. Thūpīkataṃ piṇḍapātaṃ paṭiggaṇhāti, āpatti dukkaṭassāti ettha thūpīkato nāma pattassa antomukhavaṭṭilekhaṃ atikkamitvā kato; patte pakkhitto racito pūritoti attho. Evaṃ kataṃ agahetvā antomukhavaṭṭilekhāsamappamāṇo gahetabbo.
д̇ад̇т̇а т̇уубийгад̇ам̣ наама ‘‘бан̃жахи бхож̇анзхи гад̇а’’нд̇и абхаяад̇т̇зро ааха. д̇ибидагажуул̣анааг̇ад̇т̇зро бана ‘‘бин̣д̣абаад̇о наама яааг̇уби бхад̇д̇амби каад̣̇анийяамби жун̣н̣абин̣д̣оби д̣̇анд̇агадтамби д̣̇асигасуд̇д̇амбий’’д̇и ид̣̇ам̣ суд̇д̇ам̣ вад̇ваа д̣̇асигасуд̇д̇амби т̇уубийгад̇ам̣ на ваддад̇ийд̇и ааха. д̇зсам̣ ваад̣̇ам̣ суд̇ваа бхигкуу рохан̣ам̣ г̇анд̇ваа жуул̣асуманад̇т̇зрам̣ бужчим̣су – ‘‘бханд̇з т̇уубийгад̇абин̣д̣абаад̇о гзна барижчинно’’д̇и? д̇зсан̃жа т̇зраанам̣ ваад̣̇ам̣ аарожзсум̣. т̇зро суд̇ваа ааха – ‘‘ахо, жуул̣анааг̇о саасанад̇о бхадто, ахам̣ зд̇асса сад̇д̇агкад̇д̇ум̣ винаяам̣ ваажзнд̇о на гад̣̇аажи звам̣ аважам̣, аяам̣ гуд̇о лабхид̇ваа звам̣ вад̣̇асий’’д̇и. бхигкуу т̇зрам̣ яаажим̣су – ‘‘гат̇зт̇а д̣̇аани, бханд̇з, гзна барижчинно’’д̇и? ‘‘яаавагаалигзнаавусо’’д̇и т̇зро ааха. д̇асмаа яам̣гин̃жи яааг̇убхад̇д̇ам̣ ваа палаапалам̣ ваа аамисаж̇аад̇игам̣ самад̇ид̇д̇игамзва г̇ахзд̇аб̣б̣ам̣. д̇ан̃жа ко ад̇хидтаанубаг̇зна бад̇д̇зна, ид̇арзна бана т̇уубийгад̇амби ваддад̇и. яаамагаалигасад̇д̇аахагаалигаяааваж̇ийвигаани бана ад̇хидтаанубаг̇абад̇д̇зби т̇уубийгад̇аани вадданд̇и. д̣̇вийсу бад̇д̇зсу бхад̇д̇ам̣ г̇ахзд̇ваа згасмим̣ буурзд̇ваа вихаарам̣ бзсзд̇ум̣ ваддад̇ийд̇и махаабажжарияам̣ бана вуд̇д̇ам̣. яам̣ бад̇д̇з багкибияамаанам̣ бууваужчукан̣д̣апалаапалаад̣̇и хздтаа орохад̇и, д̇ам̣ т̇уубийгад̇ам̣ наама на ход̇и. буувавадам̣сагам̣ табзд̇ваа бин̣д̣абаад̇ам̣ д̣̇знд̇и, т̇уубийгад̇амзва ход̇и. бубпавадам̣сагад̇агголагадугапалаад̣̇ивадам̣сагз бана табзд̇ваа д̣̇иннам̣ т̇уубийгад̇ам̣ на ход̇и. бхад̇д̇асса убари т̇аалагам̣ ваа бад̇д̇ам̣ ваа табзд̇ваа буурзд̇ваа г̇ан̣хаад̇и, т̇уубийгад̇ам̣ наама на ход̇и. гурунд̣̇ияамби вуд̇д̇ам̣ – ‘‘т̇аалагз ваа бан̣н̣з ваа багкибид̇ваа д̇ам̣ бад̇д̇амад̇т̇агз табзд̇ваа д̣̇знд̇и, баадзггабхааж̇анам̣ ваддад̇ий’’д̇и.
Tattha thūpīkataṃ nāma ‘‘pañcahi bhojanehi kata’’nti abhayatthero āha. Tipiṭakacūḷanāgatthero pana ‘‘piṇḍapāto nāma yāgupi bhattampi khādanīyampi cuṇṇapiṇḍopi dantakaṭṭhampi dasikasuttampī’’ti idaṃ suttaṃ vatvā dasikasuttampi thūpīkataṃ na vaṭṭatīti āha. Tesaṃ vādaṃ sutvā bhikkhū rohaṇaṃ gantvā cūḷasumanattheraṃ pucchiṃsu – ‘‘bhante thūpīkatapiṇḍapāto kena paricchinno’’ti? Tesañca therānaṃ vādaṃ ārocesuṃ. Thero sutvā āha – ‘‘aho, cūḷanāgo sāsanato bhaṭṭho, ahaṃ etassa sattakkhattuṃ vinayaṃ vācento na kadāci evaṃ avacaṃ, ayaṃ kuto labhitvā evaṃ vadasī’’ti. Bhikkhū theraṃ yāciṃsu – ‘‘kathetha dāni, bhante, kena paricchinno’’ti? ‘‘Yāvakālikenāvuso’’ti thero āha. Tasmā yaṃkiñci yāgubhattaṃ vā phalāphalaṃ vā āmisajātikaṃ samatittikameva gahetabbaṃ. Tañca kho adhiṭṭhānupagena pattena, itarena pana thūpīkatampi vaṭṭati. Yāmakālikasattāhakālikayāvajīvikāni pana adhiṭṭhānupagapattepi thūpīkatāni vaṭṭanti. Dvīsu pattesu bhattaṃ gahetvā ekasmiṃ pūretvā vihāraṃ pesetuṃ vaṭṭatīti mahāpaccariyaṃ pana vuttaṃ. Yaṃ patte pakkhipiyamānaṃ pūvaucchukhaṇḍaphalāphalādi heṭṭhā orohati, taṃ thūpīkataṃ nāma na hoti. Pūvavaṭaṃsakaṃ ṭhapetvā piṇḍapātaṃ denti, thūpīkatameva hoti. Pupphavaṭaṃsakatakkolakaṭukaphalādivaṭaṃsake pana ṭhapetvā dinnaṃ thūpīkataṃ na hoti. Bhattassa upari thālakaṃ vā pattaṃ vā ṭhapetvā pūretvā gaṇhāti, thūpīkataṃ nāma na hoti. Kurundiyampi vuttaṃ – ‘‘thālake vā paṇṇe vā pakkhipitvā taṃ pattamatthake ṭhapetvā denti, pāṭekkabhājanaṃ vaṭṭatī’’ti.
ид̇ха анаабад̇д̇ияам̣ г̇илаано на ааг̇ад̇о, д̇асмаа г̇илаанассаби т̇уубийгад̇ам̣ на ваддад̇и. саб̣б̣ад̇т̇а бана бадиг̇г̇ахзд̇умзва на ваддад̇и. бадиг̇г̇ахид̇ам̣ бана субадиг̇г̇ахид̇амзва ход̇и, барибхун̃ж̇ид̇ум̣ ваддад̇ийд̇и.
Idha anāpattiyaṃ gilāno na āgato, tasmā gilānassapi thūpīkataṃ na vaṭṭati. Sabbattha pana paṭiggahetumeva na vaṭṭati. Paṭiggahitaṃ pana supaṭiggahitameva hoti, paribhuñjituṃ vaṭṭatīti.
д̇ад̇ияо ваг̇г̇о.
Tatiyo vaggo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. камбхагад̇аваг̇г̇о • 3. Khambhakatavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. камбхагад̇аваг̇г̇аван̣н̣анаа • 3. Khambhakatavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. камбхагад̇аваг̇г̇аван̣н̣анаа • 3. Khambhakatavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. камбхагад̇аваг̇г̇аван̣н̣анаа • 3. Khambhakatavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. камбхагад̇аваг̇г̇а-ад̇т̇аяож̇анаа • 3. Khambhakatavagga-atthayojanā
