| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. камбхагад̇аваг̇г̇аван̣н̣анаа
3. Khambhakatavaggavaṇṇanā
603. д̇ад̇ияаваг̇г̇з бад̇д̇з сан̃н̃аа бад̇д̇асан̃н̃аа, саа асса ад̇т̇ийд̇и бад̇д̇асан̃н̃ий, ад̇д̇ано бхааж̇анз убаниб̣анд̇хасан̃н̃ий худ̇ваад̇и ад̇т̇о. б̣яан̃ж̇анам̣ бана анаад̣̇ияид̇ваа ад̇т̇амад̇д̇амзва д̣̇ассзд̇ум̣ ‘‘бад̇д̇з сан̃н̃ам̣ гад̇ваа’’д̇и вуд̇д̇ам̣.
603. Tatiyavagge patte saññā pattasaññā, sā assa atthīti pattasaññī, attano bhājane upanibandhasaññī hutvāti attho. Byañjanaṃ pana anādiyitvā atthamattameva dassetuṃ ‘‘patte saññaṃ katvā’’ti vuttaṃ.
604. олон̣ийд̇и згаа б̣яан̃ж̇анавигад̇и. ‘‘яо гожи суд̣̇д̇хо ган̃ж̇игад̇аггаад̣̇ирасао’’д̇и гзжи. саагасуубзяяа-г̇г̇ахан̣зна яаа гаажи суубзяяасаагзхи гад̇аа б̣яан̃ж̇анавигад̇и вуд̇д̇аа. мам̣сарасаад̣̇ийнийд̇и аад̣̇и-сад̣̇д̣̇зна авасзсаа саб̣б̣ааби б̣яан̃ж̇анавигад̇и сан̇г̇ахид̇аад̇и д̣̇адтаб̣б̣ам̣. д̇знзва маад̇игаадтагат̇ааяам̣ (ган̇каа. адта. самасуубагабадиг̇г̇ахан̣асигкаабад̣̇аван̣н̣анаа) вуд̇д̇ам̣ ‘‘табзд̇ваа бана суубам̣ авасзсаа саб̣б̣ааби суубзяяаа б̣яан̃ж̇анавигад̇и расарасо наама ход̇ий’’д̇и.
604.Oloṇīti ekā byañjanavikati. ‘‘Yo koci suddho kañjikatakkādirasao’’ti keci. Sākasūpeyya-ggahaṇena yā kāci sūpeyyasākehi katā byañjanavikati vuttā. Maṃsarasādīnīti ādi-saddena avasesā sabbāpi byañjanavikati saṅgahitāti daṭṭhabbaṃ. Teneva mātikāṭṭhakathāyaṃ (kaṅkhā. aṭṭha. samasūpakapaṭiggahaṇasikkhāpadavaṇṇanā) vuttaṃ ‘‘ṭhapetvā pana sūpaṃ avasesā sabbāpi sūpeyyā byañjanavikati rasaraso nāma hotī’’ti.
605. самабун̣н̣анд̇и ад̇хидтаанубаг̇асса бад̇д̇асса анд̇омукаваддилзкам̣ анад̇иггаамзд̇ваа ражид̇ам̣. самабхарид̇анд̇и д̇ассзва взважанам̣. палаапалаад̣̇ийд̇и аад̣̇и-сад̣̇д̣̇зна од̣̇анаад̣̇имби сан̇г̇ан̣хаад̇и. хздтаа орохад̇ийд̇и саманд̇аа огаасасаб̣бхаавад̇о жаалияамаанам̣ хздтаа бхассад̇и. мад̇т̇агз т̇уубийгад̇ам̣ буувамзва вадам̣сагасад̣̇исад̇д̇аа ‘‘буувавадам̣сага’’нд̇и вуд̇д̇ам̣. бубпавадам̣сагаад̣̇ийсуби зсзва наяо.
605.Samapuṇṇanti adhiṭṭhānupagassa pattassa antomukhavaṭṭilekhaṃ anatikkāmetvā racitaṃ. Samabharitanti tasseva vevacanaṃ. Phalāphalādīti ādi-saddena odanādimpi saṅgaṇhāti. Heṭṭhā orohatīti samantā okāsasabbhāvato cāliyamānaṃ heṭṭhā bhassati. Matthake thūpīkataṃ pūvameva vaṭaṃsakasadisattā ‘‘pūvavaṭaṃsaka’’nti vuttaṃ. Pupphavaṭaṃsakādīsupi eseva nayo.
яасмаа ‘‘самад̇ид̇д̇иго бин̣д̣абаад̇о бадиг̇г̇ахзд̇аб̣б̣о’’д̇и важанам̣ бин̣д̣абаад̇о самбун̣н̣о бадиг̇г̇ахзд̇аб̣б̣од̇и д̣̇ийбзд̇и, д̇асмаа ад̇д̇ано хад̇т̇аг̇ад̇з бад̇д̇з бин̣д̣абаад̇о д̣̇ияяамаано т̇уубийгад̇оби жз ход̇и, ваддад̇ийд̇и д̣̇ийбзд̇и. ‘‘т̇уубийгад̇ам̣ бин̣д̣абаад̇ам̣ бадиг̇г̇ан̣хаад̇и, аабад̇д̇и д̣̇уггадассаа’’д̇и хи важанам̣ батамам̣ т̇уубийгад̇ам̣ бин̣д̣абаад̇ам̣ бажчаа бадиг̇г̇ан̣хад̇о аабад̇д̇ийд̇и д̣̇ийбзд̇и. ‘‘бад̇д̇з бадиг̇г̇ан̣хад̇о жа т̇уубийгад̇ам̣ ход̇и, ваддад̇и ат̇уубийгад̇асса бадиг̇г̇ахид̇ад̇д̇аа, баяог̇о бана над̇т̇и ан̃н̃ад̇ра буб̣б̣ад̣̇зсаа’’д̇и гзнажи вуд̇д̇ам̣, д̇ам̣ на саарад̇о бажжзд̇аб̣б̣ам̣. ‘‘на т̇уубийгад̇ам̣ бин̣д̣абаад̇ам̣ бадиг̇г̇ан̣хаад̇ий’’д̇и важанам̣ батамам̣ т̇уубийгад̇ассзва бажчаа бадиг̇г̇ан̣ханам̣ д̣̇ийбзд̇и. на хи хад̇т̇аг̇ад̇зби бад̇д̇з д̣̇ияяамаанам̣ т̇уубийгад̇ам̣ г̇ан̣ханд̇о т̇уубийгад̇ам̣ бин̣д̣абаад̇ам̣ бадиг̇г̇ан̣ханд̇о наама на ход̇и, на жа д̇зна самад̇ид̇д̇иго бин̣д̣абаад̇о бадиг̇г̇ахид̇од̇и саггаа вин̃н̃аад̇ум̣. ‘‘т̇уубийгад̇а’’нд̇и жа бхааванабум̣саганид̣̇д̣̇зсз г̇аяхамаанз аяамад̇т̇о судтуд̇арам̣ баагадоязваад̇и.
Yasmā ‘‘samatittiko piṇḍapāto paṭiggahetabbo’’ti vacanaṃ piṇḍapāto sampuṇṇo paṭiggahetabboti dīpeti, tasmā attano hatthagate patte piṇḍapāto diyyamāno thūpīkatopi ce hoti, vaṭṭatīti dīpeti. ‘‘Thūpīkataṃ piṇḍapātaṃ paṭiggaṇhāti, āpatti dukkaṭassā’’ti hi vacanaṃ paṭhamaṃ thūpīkataṃ piṇḍapātaṃ pacchā paṭiggaṇhato āpattīti dīpeti. ‘‘Patte paṭiggaṇhato ca thūpīkataṃ hoti, vaṭṭati athūpīkatassa paṭiggahitattā, payogo pana natthi aññatra pubbadesā’’ti kenaci vuttaṃ, taṃ na sārato paccetabbaṃ. ‘‘Na thūpīkataṃ piṇḍapātaṃ paṭiggaṇhātī’’ti vacanaṃ paṭhamaṃ thūpīkatasseva pacchā paṭiggaṇhanaṃ dīpeti. Na hi hatthagatepi patte diyyamānaṃ thūpīkataṃ gaṇhanto thūpīkataṃ piṇḍapātaṃ paṭiggaṇhanto nāma na hoti, na ca tena samatittiko piṇḍapāto paṭiggahitoti sakkā viññātuṃ. ‘‘Thūpīkata’’nti ca bhāvanapuṃsakaniddese gayhamāne ayamattho suṭṭhutaraṃ pākaṭoyevāti.
камбхагад̇аваг̇г̇аван̣н̣анаа нидтид̇аа.
Khambhakatavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. камбхагад̇аваг̇г̇о • 3. Khambhakatavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. камбхагад̇аваг̇г̇аван̣н̣анаа • 3. Khambhakatavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. камбхагад̇аваг̇г̇аван̣н̣анаа • 3. Khambhakatavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. камбхагад̇аваг̇г̇аван̣н̣анаа • 3. Khambhakatavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. камбхагад̇аваг̇г̇а-ад̇т̇аяож̇анаа • 3. Khambhakatavagga-atthayojanā
