| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
३. खम्भकतवग्गवण्णना
3. Khambhakatavaggavaṇṇanā
६०३. पत्ते गहणसञ्ञा अस्स अत्थीति पत्तसञ्ञीति इममत्थं दस्सेतुं ‘‘पत्ते सञ्ञं कत्वा’’ति वुत्तं।
603. Patte gahaṇasaññā assa atthīti pattasaññīti imamatthaṃ dassetuṃ ‘‘patte saññaṃ katvā’’ti vuttaṃ.
६०४. ओलोणीति एका ब्यञ्जनविकति। कञ्जिकतक्कादिरसोति केचि। मंसरसादीनीति आदि-सद्देन अवसेसा सब्बापि ब्यञ्जनविकति सङ्गहिता।
604.Oloṇīti ekā byañjanavikati. Kañjikatakkādirasoti keci. Maṃsarasādīnīti ādi-saddena avasesā sabbāpi byañjanavikati saṅgahitā.
६०५. समभरितन्ति रचितं। हेट्ठा ओरोहतीति समन्ता ओकाससम्भवतो हत्थेन समं करियमानं हेट्ठा भस्सति। पत्तमत्थके ठपितानि पूवानि एव वटंसकाकारेन ठपितत्ता ‘‘पूववटंसक’’न्ति वुत्तानि। केचि पन ‘‘पत्तं गहेत्वा थूपीकतं पिण्डपातं रचित्वा दिय्यमानमेव गण्हतो आपत्ति, हत्थगते एव पन पत्ते दिय्यमाने थूपीकतम्पि गहेतुं वट्टती’’ति वदन्ति, तं न गहेतब्बमेव ‘‘समतित्तिक’’न्ति भावनपुंसकवसेन सामञ्ञतो वुत्तत्ता।
605.Samabharitanti racitaṃ. Heṭṭhā orohatīti samantā okāsasambhavato hatthena samaṃ kariyamānaṃ heṭṭhā bhassati. Pattamatthake ṭhapitāni pūvāni eva vaṭaṃsakākārena ṭhapitattā ‘‘pūvavaṭaṃsaka’’nti vuttāni. Keci pana ‘‘pattaṃ gahetvā thūpīkataṃ piṇḍapātaṃ racitvā diyyamānameva gaṇhato āpatti, hatthagate eva pana patte diyyamāne thūpīkatampi gahetuṃ vaṭṭatī’’ti vadanti, taṃ na gahetabbameva ‘‘samatittika’’nti bhāvanapuṃsakavasena sāmaññato vuttattā.
खम्भकतवग्गवण्णना निट्ठिता।
Khambhakatavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ३. खम्भकतवग्गो • 3. Khambhakatavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / ३. खम्भकतवग्गवण्णना • 3. Khambhakatavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ३. खम्भकतवग्गवण्णना • 3. Khambhakatavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ३. खम्भकतवग्गवण्णना • 3. Khambhakatavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ३. खम्भकतवग्ग-अत्थयोजना • 3. Khambhakatavagga-atthayojanā
