| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
๓. ขมฺภกตวคฺควณฺณนา
3. Khambhakatavaggavaṇṇanā
๖๐๔. สูโป ปตฺตปฺปมาณวณฺณนายํ วุตฺตากาโรฯ โอโลณี วุจฺจติ กุธิตํ, โครสโต ปูรา ถูปิโตติ อโตฺถฯ
604. Sūpo pattappamāṇavaṇṇanāyaṃ vuttākāro. Oloṇī vuccati kudhitaṃ, gorasato pūrā thūpitoti attho.
๖๐๕. เหฎฺฐา โอโรหตีติ เอตฺถ ‘‘โอโรหนปฺปมาเณ สติ เอกเทเส ถูปีกเตปิ อนาปตฺตี’’ติ วทนฺติฯ ‘‘ปตฺตสฺส ปน เหฎฺฐา จ อุปริ จ ปทุมินิปณฺณาทีหิ ปฎิจฺฉาเทตฺวา โอทหนฺติยา ลทฺธํ นาม วฎฺฎตี’’ติ จ วทนฺติฯ เอตฺถ ‘‘ยสฺมา ‘สมติตฺติโก ปิณฺฑปาโต ปฎิคฺคเหตโพฺพ’ติ วจนํ ปิณฺฑปาโต สมปุโณฺณ ปฎิคฺคเหตโพฺพติ ทีเปติ, ตสฺมา อตฺตโน หตฺถคเต ปเตฺต ปิณฺฑปาโต ทิยฺยมาโน ถูปีกโตปิ เจ โหติ, วฎฺฎตีติ ทีเปติฯ ‘ถูปีกตํ ปิณฺฑปาตํ ปฎิคฺคณฺหาติ, อาปตฺติ ทุกฺกฎสฺสา’ติ หิ วจนํ ปฐมํ ถูปีกตํ ปิณฺฑปาตํ ปจฺฉา ปฎิคฺคณฺหโต, อาปตฺตีติ ทีเปติฯ ปเตฺตน ปฎิคฺคณฺหโต เจปิ ถูปีกตํ โหติ, วฎฺฎติ อถูปีกตสฺส ปฎิคฺคหิตตฺตาฯ ปโยโค ปน นตฺถิ อญฺญตฺร ปุพฺพเทสา’’ติ จ ‘‘สมติตฺติกนฺติ วา ภาวนปุํสก’’นฺติ จ วทนฺติ, ตสฺมา วิจาเรตฺวา คเหตพฺพํฯ
605.Heṭṭhā orohatīti ettha ‘‘orohanappamāṇe sati ekadese thūpīkatepi anāpattī’’ti vadanti. ‘‘Pattassa pana heṭṭhā ca upari ca paduminipaṇṇādīhi paṭicchādetvā odahantiyā laddhaṃ nāma vaṭṭatī’’ti ca vadanti. Ettha ‘‘yasmā ‘samatittiko piṇḍapāto paṭiggahetabbo’ti vacanaṃ piṇḍapāto samapuṇṇo paṭiggahetabboti dīpeti, tasmā attano hatthagate patte piṇḍapāto diyyamāno thūpīkatopi ce hoti, vaṭṭatīti dīpeti. ‘Thūpīkataṃ piṇḍapātaṃ paṭiggaṇhāti, āpatti dukkaṭassā’ti hi vacanaṃ paṭhamaṃ thūpīkataṃ piṇḍapātaṃ pacchā paṭiggaṇhato, āpattīti dīpeti. Pattena paṭiggaṇhato cepi thūpīkataṃ hoti, vaṭṭati athūpīkatassa paṭiggahitattā. Payogo pana natthi aññatra pubbadesā’’ti ca ‘‘samatittikanti vā bhāvanapuṃsaka’’nti ca vadanti, tasmā vicāretvā gahetabbaṃ.
ขมฺภกตวคฺควณฺณนา นิฎฺฐิตาฯ
Khambhakatavaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๓. ขมฺภกตวโคฺค • 3. Khambhakatavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๓. ขมฺภกตวคฺควณฺณนา • 3. Khambhakatavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๓. ขมฺภกตวคฺควณฺณนา • 3. Khambhakatavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๓. ขมฺภกตวคฺควณฺณนา • 3. Khambhakatavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๓. ขมฺภกตวคฺค-อตฺถโยชนา • 3. Khambhakatavagga-atthayojanā
