| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༣. ཁམྦྷཀཏཝགྒཝཎྞནཱ
3. Khambhakatavaggavaṇṇanā
༦༠༤. སཱུཔོ པཏྟཔྤམཱཎཝཎྞནཱཡཾ ཝུཏྟཱཀཱརོ། ཨོལོཎཱི ཝུཙྩཏི ཀུདྷིཏཾ, གོརསཏོ པཱུརཱ ཐཱུཔིཏོཏི ཨཏྠོ།
604. Sūpo pattappamāṇavaṇṇanāyaṃ vuttākāro. Oloṇī vuccati kudhitaṃ, gorasato pūrā thūpitoti attho.
༦༠༥. ཧེཊྛཱ ཨོརོཧཏཱིཏི ཨེཏྠ ‘‘ཨོརོཧནཔྤམཱཎེ སཏི ཨེཀདེསེ ཐཱུཔཱིཀཏེཔི ཨནཱཔཏྟཱི’’ཏི ཝདནྟི། ‘‘པཏྟསྶ པན ཧེཊྛཱ ཙ ཨུཔརི ཙ པདུམིནིཔཎྞཱདཱིཧི པཊིཙྪཱདེཏྭཱ ཨོདཧནྟིཡཱ ལདྡྷཾ ནཱམ ཝཊྚཏཱི’’ཏི ཙ ཝདནྟི། ཨེཏྠ ‘‘ཡསྨཱ ‘སམཏིཏྟིཀོ པིཎྜཔཱཏོ པཊིགྒཧེཏབྦོ’ཏི ཝཙནཾ པིཎྜཔཱཏོ སམཔུཎྞོ པཊིགྒཧེཏབྦོཏི དཱིཔེཏི, ཏསྨཱ ཨཏྟནོ ཧཏྠགཏེ པཏྟེ པིཎྜཔཱཏོ དིཡྻམཱནོ ཐཱུཔཱིཀཏོཔི ཙེ ཧོཏི, ཝཊྚཏཱིཏི དཱིཔེཏི། ‘ཐཱུཔཱིཀཏཾ པིཎྜཔཱཏཾ པཊིགྒཎྷཱཏི, ཨཱཔཏྟི དུཀྐཊསྶཱ’ཏི ཧི ཝཙནཾ པཋམཾ ཐཱུཔཱིཀཏཾ པིཎྜཔཱཏཾ པཙྪཱ པཊིགྒཎྷཏོ, ཨཱཔཏྟཱིཏི དཱིཔེཏི། པཏྟེན པཊིགྒཎྷཏོ ཙེཔི ཐཱུཔཱིཀཏཾ ཧོཏི, ཝཊྚཏི ཨཐཱུཔཱིཀཏསྶ པཊིགྒཧིཏཏྟཱ། པཡོགོ པན ནཏྠི ཨཉྙཏྲ པུབྦདེསཱ’’ཏི ཙ ‘‘སམཏིཏྟིཀནྟི ཝཱ བྷཱཝནཔུཾསཀ’’ནྟི ཙ ཝདནྟི, ཏསྨཱ ཝིཙཱརེཏྭཱ གཧེཏབྦཾ།
605.Heṭṭhā orohatīti ettha ‘‘orohanappamāṇe sati ekadese thūpīkatepi anāpattī’’ti vadanti. ‘‘Pattassa pana heṭṭhā ca upari ca paduminipaṇṇādīhi paṭicchādetvā odahantiyā laddhaṃ nāma vaṭṭatī’’ti ca vadanti. Ettha ‘‘yasmā ‘samatittiko piṇḍapāto paṭiggahetabbo’ti vacanaṃ piṇḍapāto samapuṇṇo paṭiggahetabboti dīpeti, tasmā attano hatthagate patte piṇḍapāto diyyamāno thūpīkatopi ce hoti, vaṭṭatīti dīpeti. ‘Thūpīkataṃ piṇḍapātaṃ paṭiggaṇhāti, āpatti dukkaṭassā’ti hi vacanaṃ paṭhamaṃ thūpīkataṃ piṇḍapātaṃ pacchā paṭiggaṇhato, āpattīti dīpeti. Pattena paṭiggaṇhato cepi thūpīkataṃ hoti, vaṭṭati athūpīkatassa paṭiggahitattā. Payogo pana natthi aññatra pubbadesā’’ti ca ‘‘samatittikanti vā bhāvanapuṃsaka’’nti ca vadanti, tasmā vicāretvā gahetabbaṃ.
ཁམྦྷཀཏཝགྒཝཎྞནཱ ནིཊྛིཏཱ།
Khambhakatavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༣. ཁམྦྷཀཏཝགྒོ • 3. Khambhakatavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༣. ཁམྦྷཀཏཝགྒཝཎྞནཱ • 3. Khambhakatavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༣. ཁམྦྷཀཏཝགྒཝཎྞནཱ • 3. Khambhakatavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༣. ཁམྦྷཀཏཝགྒཝཎྞནཱ • 3. Khambhakatavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༣. ཁམྦྷཀཏཝགྒ-ཨཏྠཡོཛནཱ • 3. Khambhakatavagga-atthayojanā
