| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੩. ਖਮ੍ਭਕਤવਗ੍ਗવਣ੍ਣਨਾ
3. Khambhakatavaggavaṇṇanā
੬੦੩. ਤਤਿਯવਗ੍ਗੇ ਪਤ੍ਤੇ ਸਞ੍ਞਾ ਪਤ੍ਤਸਞ੍ਞਾ, ਸਾ ਅਸ੍ਸ ਅਤ੍ਥੀਤਿ ਪਤ੍ਤਸਞ੍ਞੀ, ਅਤ੍ਤਨੋ ਭਾਜਨੇ ਉਪਨਿਬਨ੍ਧਸਞ੍ਞੀ ਹੁਤ੍વਾਤਿ ਅਤ੍ਥੋ। ਬ੍ਯਞ੍ਜਨਂ ਪਨ ਅਨਾਦਿਯਿਤ੍વਾ ਅਤ੍ਥਮਤ੍ਤਮੇવ ਦਸ੍ਸੇਤੁਂ ‘‘ਪਤ੍ਤੇ ਸਞ੍ਞਂ ਕਤ੍વਾ’’ਤਿ વੁਤ੍ਤਂ।
603. Tatiyavagge patte saññā pattasaññā, sā assa atthīti pattasaññī, attano bhājane upanibandhasaññī hutvāti attho. Byañjanaṃ pana anādiyitvā atthamattameva dassetuṃ ‘‘patte saññaṃ katvā’’ti vuttaṃ.
੬੦੪. ਓਲੋਣੀਤਿ ਏਕਾ ਬ੍ਯਞ੍ਜਨવਿਕਤਿ। ‘‘ਯੋ ਕੋਚਿ ਸੁਦ੍ਧੋ ਕਞ੍ਜਿਕਤਕ੍ਕਾਦਿਰਸਓ’’ਤਿ ਕੇਚਿ। ਸਾਕਸੂਪੇਯ੍ਯ-ਗ੍ਗਹਣੇਨ ਯਾ ਕਾਚਿ ਸੂਪੇਯ੍ਯਸਾਕੇਹਿ ਕਤਾ ਬ੍ਯਞ੍ਜਨવਿਕਤਿ વੁਤ੍ਤਾ। ਮਂਸਰਸਾਦੀਨੀਤਿ ਆਦਿ-ਸਦ੍ਦੇਨ ਅવਸੇਸਾ ਸਬ੍ਬਾਪਿ ਬ੍ਯਞ੍ਜਨવਿਕਤਿ ਸਙ੍ਗਹਿਤਾਤਿ ਦਟ੍ਠਬ੍ਬਂ। ਤੇਨੇવ ਮਾਤਿਕਾਟ੍ਠਕਥਾਯਂ (ਕਙ੍ਖਾ॰ ਅਟ੍ਠ॰ ਸਮਸੂਪਕਪਟਿਗ੍ਗਹਣਸਿਕ੍ਖਾਪਦવਣ੍ਣਨਾ) વੁਤ੍ਤਂ ‘‘ਠਪੇਤ੍વਾ ਪਨ ਸੂਪਂ ਅવਸੇਸਾ ਸਬ੍ਬਾਪਿ ਸੂਪੇਯ੍ਯਾ ਬ੍ਯਞ੍ਜਨવਿਕਤਿ ਰਸਰਸੋ ਨਾਮ ਹੋਤੀ’’ਤਿ।
604.Oloṇīti ekā byañjanavikati. ‘‘Yo koci suddho kañjikatakkādirasao’’ti keci. Sākasūpeyya-ggahaṇena yā kāci sūpeyyasākehi katā byañjanavikati vuttā. Maṃsarasādīnīti ādi-saddena avasesā sabbāpi byañjanavikati saṅgahitāti daṭṭhabbaṃ. Teneva mātikāṭṭhakathāyaṃ (kaṅkhā. aṭṭha. samasūpakapaṭiggahaṇasikkhāpadavaṇṇanā) vuttaṃ ‘‘ṭhapetvā pana sūpaṃ avasesā sabbāpi sūpeyyā byañjanavikati rasaraso nāma hotī’’ti.
੬੦੫. ਸਮਪੁਣ੍ਣਨ੍ਤਿ ਅਧਿਟ੍ਠਾਨੁਪਗਸ੍ਸ ਪਤ੍ਤਸ੍ਸ ਅਨ੍ਤੋਮੁਖવਟ੍ਟਿਲੇਖਂ ਅਨਤਿਕ੍ਕਾਮੇਤ੍વਾ ਰਚਿਤਂ। ਸਮਭਰਿਤਨ੍ਤਿ ਤਸ੍ਸੇવ વੇવਚਨਂ। ਫਲਾਫਲਾਦੀਤਿ ਆਦਿ-ਸਦ੍ਦੇਨ ਓਦਨਾਦਿਮ੍ਪਿ ਸਙ੍ਗਣ੍ਹਾਤਿ। ਹੇਟ੍ਠਾ ਓਰੋਹਤੀਤਿ ਸਮਨ੍ਤਾ ਓਕਾਸਸਬ੍ਭਾવਤੋ ਚਾਲਿਯਮਾਨਂ ਹੇਟ੍ਠਾ ਭਸ੍ਸਤਿ। ਮਤ੍ਥਕੇ ਥੂਪੀਕਤਂ ਪੂવਮੇવ વਟਂਸਕਸਦਿਸਤ੍ਤਾ ‘‘ਪੂવવਟਂਸਕ’’ਨ੍ਤਿ વੁਤ੍ਤਂ। ਪੁਪ੍ਫવਟਂਸਕਾਦੀਸੁਪਿ ਏਸੇવ ਨਯੋ।
605.Samapuṇṇanti adhiṭṭhānupagassa pattassa antomukhavaṭṭilekhaṃ anatikkāmetvā racitaṃ. Samabharitanti tasseva vevacanaṃ. Phalāphalādīti ādi-saddena odanādimpi saṅgaṇhāti. Heṭṭhā orohatīti samantā okāsasabbhāvato cāliyamānaṃ heṭṭhā bhassati. Matthake thūpīkataṃ pūvameva vaṭaṃsakasadisattā ‘‘pūvavaṭaṃsaka’’nti vuttaṃ. Pupphavaṭaṃsakādīsupi eseva nayo.
ਯਸ੍ਮਾ ‘‘ਸਮਤਿਤ੍ਤਿਕੋ ਪਿਣ੍ਡਪਾਤੋ ਪਟਿਗ੍ਗਹੇਤਬ੍ਬੋ’’ਤਿ વਚਨਂ ਪਿਣ੍ਡਪਾਤੋ ਸਮ੍ਪੁਣ੍ਣੋ ਪਟਿਗ੍ਗਹੇਤਬ੍ਬੋਤਿ ਦੀਪੇਤਿ, ਤਸ੍ਮਾ ਅਤ੍ਤਨੋ ਹਤ੍ਥਗਤੇ ਪਤ੍ਤੇ ਪਿਣ੍ਡਪਾਤੋ ਦਿਯ੍ਯਮਾਨੋ ਥੂਪੀਕਤੋਪਿ ਚੇ ਹੋਤਿ, વਟ੍ਟਤੀਤਿ ਦੀਪੇਤਿ। ‘‘ਥੂਪੀਕਤਂ ਪਿਣ੍ਡਪਾਤਂ ਪਟਿਗ੍ਗਣ੍ਹਾਤਿ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ ਹਿ વਚਨਂ ਪਠਮਂ ਥੂਪੀਕਤਂ ਪਿਣ੍ਡਪਾਤਂ ਪਚ੍ਛਾ ਪਟਿਗ੍ਗਣ੍ਹਤੋ ਆਪਤ੍ਤੀਤਿ ਦੀਪੇਤਿ। ‘‘ਪਤ੍ਤੇ ਪਟਿਗ੍ਗਣ੍ਹਤੋ ਚ ਥੂਪੀਕਤਂ ਹੋਤਿ, વਟ੍ਟਤਿ ਅਥੂਪੀਕਤਸ੍ਸ ਪਟਿਗ੍ਗਹਿਤਤ੍ਤਾ, ਪਯੋਗੋ ਪਨ ਨਤ੍ਥਿ ਅਞ੍ਞਤ੍ਰ ਪੁਬ੍ਬਦੇਸਾ’’ਤਿ ਕੇਨਚਿ વੁਤ੍ਤਂ, ਤਂ ਨ ਸਾਰਤੋ ਪਚ੍ਚੇਤਬ੍ਬਂ। ‘‘ਨ ਥੂਪੀਕਤਂ ਪਿਣ੍ਡਪਾਤਂ ਪਟਿਗ੍ਗਣ੍ਹਾਤੀ’’ਤਿ વਚਨਂ ਪਠਮਂ ਥੂਪੀਕਤਸ੍ਸੇવ ਪਚ੍ਛਾ ਪਟਿਗ੍ਗਣ੍ਹਨਂ ਦੀਪੇਤਿ। ਨ ਹਿ ਹਤ੍ਥਗਤੇਪਿ ਪਤ੍ਤੇ ਦਿਯ੍ਯਮਾਨਂ ਥੂਪੀਕਤਂ ਗਣ੍ਹਨ੍ਤੋ ਥੂਪੀਕਤਂ ਪਿਣ੍ਡਪਾਤਂ ਪਟਿਗ੍ਗਣ੍ਹਨ੍ਤੋ ਨਾਮ ਨ ਹੋਤਿ, ਨ ਚ ਤੇਨ ਸਮਤਿਤ੍ਤਿਕੋ ਪਿਣ੍ਡਪਾਤੋ ਪਟਿਗ੍ਗਹਿਤੋਤਿ ਸਕ੍ਕਾ વਿਞ੍ਞਾਤੁਂ। ‘‘ਥੂਪੀਕਤ’’ਨ੍ਤਿ ਚ ਭਾવਨਪੁਂਸਕਨਿਦ੍ਦੇਸੇ ਗਯ੍ਹਮਾਨੇ ਅਯਮਤ੍ਥੋ ਸੁਟ੍ਠੁਤਰਂ ਪਾਕਟੋਯੇવਾਤਿ।
Yasmā ‘‘samatittiko piṇḍapāto paṭiggahetabbo’’ti vacanaṃ piṇḍapāto sampuṇṇo paṭiggahetabboti dīpeti, tasmā attano hatthagate patte piṇḍapāto diyyamāno thūpīkatopi ce hoti, vaṭṭatīti dīpeti. ‘‘Thūpīkataṃ piṇḍapātaṃ paṭiggaṇhāti, āpatti dukkaṭassā’’ti hi vacanaṃ paṭhamaṃ thūpīkataṃ piṇḍapātaṃ pacchā paṭiggaṇhato āpattīti dīpeti. ‘‘Patte paṭiggaṇhato ca thūpīkataṃ hoti, vaṭṭati athūpīkatassa paṭiggahitattā, payogo pana natthi aññatra pubbadesā’’ti kenaci vuttaṃ, taṃ na sārato paccetabbaṃ. ‘‘Na thūpīkataṃ piṇḍapātaṃ paṭiggaṇhātī’’ti vacanaṃ paṭhamaṃ thūpīkatasseva pacchā paṭiggaṇhanaṃ dīpeti. Na hi hatthagatepi patte diyyamānaṃ thūpīkataṃ gaṇhanto thūpīkataṃ piṇḍapātaṃ paṭiggaṇhanto nāma na hoti, na ca tena samatittiko piṇḍapāto paṭiggahitoti sakkā viññātuṃ. ‘‘Thūpīkata’’nti ca bhāvanapuṃsakaniddese gayhamāne ayamattho suṭṭhutaraṃ pākaṭoyevāti.
ਖਮ੍ਭਕਤવਗ੍ਗવਣ੍ਣਨਾ ਨਿਟ੍ਠਿਤਾ।
Khambhakatavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਖਮ੍ਭਕਤવਗ੍ਗੋ • 3. Khambhakatavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਖਮ੍ਭਕਤવਗ੍ਗવਣ੍ਣਨਾ • 3. Khambhakatavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਖਮ੍ਭਕਤવਗ੍ਗવਣ੍ਣਨਾ • 3. Khambhakatavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਖਮ੍ਭਕਤવਗ੍ਗવਣ੍ਣਨਾ • 3. Khambhakatavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਖਮ੍ਭਕਤવਗ੍ਗ-ਅਤ੍ਥਯੋਜਨਾ • 3. Khambhakatavagga-atthayojanā
